|
2005 年 1 月 4 日 星期二 【晴】
今日離開巴黎去比利時布魯塞爾。好早去到Gare(車站)。我地搭果班車要做reservation，一問之
下要成10蚊歐羅，不如你唔好話要reservation，直頭講明你去搶啦......架車又勁吉喎，咁都要
book，擺到明就係搶啦。
好好瞓，落車o既時候都仲係好早。我地第一個目的地係大廣場，比我想像中好好多喎，個廣場
四面都係好古o既建築物，好巴洛克式呀。只係o係廣場兜左個圏無入到去。
然後去睇果個撤屎小童象，呢個象係布市o既標誌唻架。西歐遊話呢個象一d特色都無，但唔睇
唔得喎，佢俾3粒星滿分。我地見到個象o既時候真係一間間，下......乜咁細o既？？？於是用攝
影技術補救，影到佢有幾大得幾大。
去到比利時，當然唔可以唔食朱古力啦，真係名不虛傳，好好味呀！飲左杯啤酒，唔係特別好
飲。
之後行o既景點都無乜印象lu，只係記得我地幾個影左好多低能相，仲無聊到扮model擺pose添，
依家諗番起都覺得好難受。
2點幾我地已經玩完左布魯塞爾，直落荷蘭~~
到達阿姆斯特丹第一件事就係check in間youth hostel。不過個map好廢，搵左好耐都搵唔到，問
人問左幾次終於都搵到lu。
講起呢間hostel，不得不提果個receptionist。佢個名叫做James，好畸呢。佢問我地邊度唻，知
我地係香港人，問我我地好多回歸o既問題，我地口都啞埋......然後佢開始不斷同我地講"好好
笑"o既笑話。我問佢一間房有幾多人住，佢答：1500。我見到牆上貼住梵谷博物館入場費有
discount，9.5 euro，於是我問佢原價係幾多，佢答：9 euro，我o既反應係呆左。
之後上房，攞住行李行左3層樓梯，發覺條友仔無俾條電腦匙我地，點入呀？於是我要再走一
趟，問佢攞鑰匙，我問佢：Did u forget sth？The computer key.(你係咪有野唔得左？條電腦匙
呢？)然後佢擺出一個勁驚訝o既表情，好innocent呀......我覺得佢特登架......
好攰，夜晚出左去食d野就瞓lu，覺得阿姆斯特丹o既夜景都唔錯。
>>January 27, 2005 at 9:05:16 AM GMT+8
2005 年 1 月 3 日 星期一 【晴】
今日好有紀念價值，因為我地終於要用我地張火車証啦。歐洲火車証(Eurail Pass)只係賣俾non europeans，查住呢張証可以任搭國內或者國與國之間o既火車，我地買左17個國家連續15日內任搭果隻。
今日我地要去梵爾塞宮，呢個皇宮唔o係巴黎市內，要搭火車先去到。上到火車，睡魔急call，就o係大家睡意正濃o既時候，突然車上唻左兩個賣藝人，佢地手上攞住手風琴，拉足5分鐘，嘈到爆，如果唔係好想瞓，我諗我會欣賞佢地o既effort。就係咁樣大家都無得瞓。當時大飛塊面有幾燶，我到依家都仲記得呀。
皇宮算唔上係金碧輝煌，同幻想中o既法國皇宮有d出入。裡面有好多間房，書房、接待外賓o既房間、睡房。多野睇又唔算喎。之後去左衘花園野餐，感覺很不錯。表哥話3日3夜都行o既梵爾塞宮我地只係用左半日就將佢行完晒啦，勁呀！！！
>>January 27, 2005 at 9:28:56 AM GMT+8
2005 年 1 月 2 日 星期日 【晴】
今日去香榭利舍大道。由協和廣場行過去o既時候已經見到條街有幾長啦。
街邊o既coffee shops為呢條街添上左濃濃o既法國氣息。見到LVo既總店，大家都分外興奮。間
鋪頭o既外牆係兩個LV suitcases，一個係classic monogram，另一個係白色，好攪笑。不過由於
裝修，我地無入到去。
香榭利舍大道中段就係凱旋門所在之處。唔知點解外國d著名建築物都好興維修，凱旋門當然唔
會例外啦。要上凱旋門頂，要行200級樓梯，條樓梯圓型，轉住咁上，行到頭都暈埋，上到個頂
爭d斷氣。o係凱旋門頂可以睇到巴黎市o既道路分佈，佢係市內其中一個圓點，d街道就好似圍
住佢散開一樣，好有型呀！
最後當然唔少得要嘆杯野啦。我同sindy叫左一杯朱古力，超超超好味。咁大個女都未飲過d咁
好飲o既朱古力呀。d朱古力濃到好似真係溶左o既朱古力咁，真係令人一試難忘呀。
>>January 27, 2005 at 9:29:10 AM GMT+8
2005 年 1 月 1 日 星期六 【寒冷】
今日星期日，羅浮宮免費入場，精明o既我地當然會算準今日去啦。
尋晚大家情緒高漲，傾計傾通宵到朝早8點幾。一朝起身，四條友仔好似喪屍咁出去，超級勁眼
瞓呀！！！
出門第一件事，醫肚。今日去到果間餐廳，遇到歐洲七不思義事件o既首位﹝唔好問我其餘六
件，我都唔知﹞，話說個waiter拎左個食野o既menu俾我地，但我地只想叫一d小食同埋飲野。
於是我地叫以法文為母語o既雯雯問佢有無drink menu，個waiter應左一句"oui"(yes)然後就走左
去，我地當場鴉雀無聲，四個人頭上總共出現40間。用法文講無理由有communication error啦
啩？佢唔係真係以為我地發牙痕問下佢有無第二個menu下嘛？
入到羅浮宮，發覺條隊好似輪候攞平安米咁長。排隊其間不忘自娛，唱歌已經成為必做o既事
情，最鍾意聽鄒燕唱：生活淡淡似是流水。
終於入到裡面，今次比大英博物館還要走馬看花，因為距離佢關門o既時間已經不遠矣。我地首
要目標：蒙羅麗莎的微笑。其實我地都睇左大部分o既展品，不過都只係草草咁睇過下，無細心
咁欣賞。去到mona lisa附近，條隊離遠已經見到。條隊去得好快，唔駛一陣我地已經去到mona
lisa溫暖o既笑容下。原來幅畫好細幅，搵玻璃窗隔住，睇得唔太清楚，加上d實蕉唔俾人停留多
過5秒，我只係望左幾眼已經要走啦。有咩感覺？無咩感覺喎。大飛話佢真係見到佢個眼珠識郁
喎......人云亦云......
今日真係奇攰，鄒燕坐o係樓梯瞓著左。
出到去見到踩住roller o既警察，好型呀！！淨係羅浮宮先有架咋。
>>January 27, 2005 at 9:29:35 AM GMT+8
2004 年 12 月 31 日 星期五 【晴】
新一年有到啦，Bonne Annee~~
今日去蒙馬特區，體會一下楊千嬅自由行o既一句歌詞：當我在蒙馬特，看遍滿街的馬戲。
我地先去到聖心教堂。呢座教堂座落於蒙馬特區o既山頂，係巴黎最高點，可以俯瞰整個巴黎
o既景色。沿路上去，老實講，好似去緊澳門個東望洋燈塔咁樣，唔係我一個咁覺得架，大飛都
有同感。上到去好多人，無辦法啦，全世界都放假。間教堂外牆係白色o既，於是又名為白教
堂。旅遊書上面寫住雪白的聖心教堂，影相係白色架，但肉眼望落去係灰色架，佢個塔頂仲有
一撻紅色o既漆油，不禁心諗：乜搞成咁呀......
嘆完咖啡之後我地遊蒙馬特區。Bonne Annee關係，無野睇，亦唔見街頭表演者，放假大晒呀嘛
~~
入夜之後我地去左紅磨坊。黃色事業主導o既一個地方。聽聞d囡囡好富貴，撈到風山水起，查
房車出入，是為香車美人也。唔知中國人有無market呢？走左幾轉，都見唔到d雞，莫非全部埋
街食井水？？只係見到好多尋花問柳o既意大利人，大部分都係靚仔呀。
今日行程好充實。
每日一法國傻人：sindy o係metro入閘o既時候，跟o係佢後面個男人無情情一隻腳差埋唻，但偏
偏呢個時候個閘推唔到，sindy同埋個男人被卡o係一齊，個場面好曖昧，個男人係咁"chok"，仲
要不停咁講：push！push！push！跟住仲發爛，拼命咁跨出去，好似人地有錯咁，顛架！！！
>>January 27, 2005 at 9:30:16 AM GMT+8
2004 年 12 月 30 日 星期四 【晴】
除夕夜，倒數時。
表哥話巴黎五景之一o既歌劇院，唔去唔得。我地今日就去歌劇院啦。一o係metro﹝註：巴黎所
有景點搭metro都可以去到，metro灌穿全市，非常方便快捷﹞出唻見到歌劇院o既外圍已經讚不
絕口，好巴黎呀！！入到去o係個門口度裝裝裡面，已經急不及待要入去睇下啦。今日我地再次
用兩個人o既學生証協助四個人入場。
呢個歌劇院真係靚到令人嘩然，4.5 euro抵睇到爛呀！！我地仲閃入左其中一個包廂，雖然無
opera睇，但都不枉此行呀。
之後去左老佛爺﹝大型百貨公司，opera house行5分鐘即到﹞，齋睇。
返到屋企打邊爐呀，好好餸，有蝦有蟹，仲有表哥表嫂自制醬汁，正x1000。
今日重頭戲，去巴黎鐵塔倒數，仲會放煙花添呀。我地10點幾已經霸個靚位，準備觀賞煙花，
其間不斷討論究竟會點樣倒數呢？係咪有激光射落鐵塔果度，然後萬人大倒數呢？結果証明我
地真係諗得太多啦。乜都無，只係搭正o既時候鐵塔閃起唻﹝註：我地已經睇左接近10次﹞，無
萬人大倒數，而原定o既煙花亦都無放到。我地心有不甘，等呀等，終於等到警察o既答覆，我
地先死心﹝註：我睇番新聞，除夕夜鐵塔係有放煙花架，究竟發生咩事？﹞。
原本諗於飲杯野，但周圍o既鋪頭都持住bonne annee﹝新年快樂﹞o既名義，漲價n倍。
就o係回程o既途中，怪事接二連三咁發生啦。
怪事1：法國人追住你同你講bonne annee，你只係應左一句，佢就以為你識法文，non stop咁講落去。我地由一開始係人都應，到只係白西先應，再最後變成唔係靚仔唔應。
怪事2：唔應果d同你講bonne annee o既法國人，佢地就跟住你，我地行快d，佢就以為你同佢玩，追住你，仲o係後面拍你個頭。
怪事3：欄途同你講bonne annee，成班人走埋唻圍你，攬住你就咀，再加上下奇手。擺脫左一班前面再唻多一班，連群結隊咁圍你﹝註：第一班同第二班人係唔識架﹞。
怪事4：等緊metro o既時候，對面線架車裡面，突然有班印度人向你拋一個點著左o既爆仗，好彩o係佢冒煙o既時候就已經將佢踼左落路軌﹝佢真係有爆架﹞。
怪事5：車廂入面有人不斷咁唱歌，情緒高漲，唱足6個站。
今日真係好刺激呀。雖然睇唔到煙花，但睇到好多o係香港唔會睇到，甚至唔會發生o既野。法國人真係熱情得過份。今次呢個除夕夜真係好難忘呀！！！
>>January 27, 2005 at 9:30:50 AM GMT+8
2004 年 12 月 29 日 星期三 【晴】
行程表，每日如是：夜晚鋤D、打牌or排7到深夜2至3點，瞓覺。第二朝1點幾起身，2點半出門
口。一日一至兩個景點，嘆杯咖啡或朱古力，6點至7點返屋企食飯，生活非常有規律。
今日係聖母院之旅。記得以前，我非常鍾意聖母院呢個地方，點解？我都唔知。今日唻到呢
度，我覺得都唔錯，最重要係唔駛入場費，我地入左佢裡面一個exhibition，呢個要收錢﹝註：
如果有學生証，記得帶埋去歐洲，因為有concession，邊度o既學生証都ok﹞。正所謂「風吹雞
蛋殼，財散人安樂」，銀包無左，連個袋都唔帶出街lu，我借用大飛張學生証，而sindy就用
esther張証，外國人睇我地個個樣都一樣，就咁俾我地蒙昆過關。我地o係入面偶遇一個華人
staff，佢好好人咁主動為我地介紹聖母院，不過佢似說教多d喎。無見到鐘樓駝俠。
我地再去到龐比度中心，睇佢建築咁新穎就知佢係modern arts museum啦。不過唔太有興趣，所
以無入到。返屋企之前到cafe飲野，法國o既咖啡真係另捨不同呀。
>>January 27, 2005 at 9:31:23 AM GMT+8
2004 年 12 月 28 日 星期二 【晴】
尋晚大飛到左，我地就去左飲野，一間好特別o既bar，裡面唯一o既裝飾係bra，無錯，係bra
呀。原來唻呢度飲野女士，只需要留個bra o係度，佢就唔駛俾錢啦。大家又估下我地有無人會
留個bra o係度呢？梗係無啦，因為個bra點都貴過杯野飲，除非你飲好多杯啦，唔係就唔化算
啦。
第二日，Fanny同David唔駛返工，於是我地去左巴黎鐵塔。呢個巴黎o既landmark，睇相睇到好
厭，估唔到去到又係另一番光景。離遠睇已經覺得好正啦，何況係埋到去？巴黎鐵塔前面o既廣
場塞滿晒人，沿路都水洩不通。行行下，我前面有個o靚仔，勁大對眼，企定定，係咁望住我，
眼都唔眨，我覺得好奇怪，佢望到我咁實，連我隔離兩個fd都sense到佢o係咁望住我。然後我
諗起表哥話要提防小朋友，可能係小偷。於是我就即刻望下自己個袋，發覺拉鏈開左，再搵
下，個銀包已經唔o係度啦。再打電話返屋企，確定個銀包唔係留左o係屋企，心知不妙，於是
即刻打電話俾家姐，叫佢幫我cancel左兩張credit cards。
唔開心左一陣，重搭心情，唔好影響其他人呀嘛。我地排隊上巴黎鐵塔，上第一層踩冰。上鐵
塔又要排，踩冰又要排。巴黎鐵塔每個鐘頭搭正都會閃一次，結果我地足足睇佢閃左5次，但其
實我地4個都唔識踩冰囉。落到去只係扶住扶手行，個冰面又唔多平，好驚仆。個場好多人，加
上David又好無聊咁成日推你，真係險象環生，不過好彩我都無跌過。哈哈，平生人第一次踩冰
就o係巴黎鐵塔上面踩，你都唔好話唔威呀。
回程o既時候o係metro站遇到一個賤佬，David好型咁扮大佬出頭，法國好多傻人。
>>January 24, 2005 at 2:49:27 AM GMT+8
2004 年 12 月 27 日 星期一 【晴】
我地要等大飛過埋法國，然後先出去一齊玩，所以有一個星期時間俾我地休養生息。我地日日
都留守o係表哥屋企，煲碟、打麻雀同埋鋤D，我地係一班無牌都要落街去買一幅上唻鋤o既賭
徒，o係呢幾日裡面我跟職業賭徒燕姐學左唔少野，但我地好衞生，心意搭救，學費可免則免。
話就話休養生息，但打牌打到仲夜過平時先瞓，真係顛喪。
我地o係表哥度住，不得不提係每晚o既晚餐，日日新款，天天不同。事關表哥同表嫂鬼斧神
工，天南地北o既菜色無一不曉，中餐、西餐一定唔少得啦，估唔到係泰國餐、越南餐、非洲
餐，連阿拉伯餐都識煮，每晚我地都好似o係d餸上面碌唻碌去咁樣，真係食到停唔到口呀。最
刺激o既係正餐之後係生果，生果之後係甜品。唔明白表可家中o既女眷點解唔肥架呢？試下o係
果便留耐d，我真係唔知會有咩野後果啦。
>>January 24, 2005 at 1:22:20 AM GMT+8
2004 年 12 月 23 日 星期四 【晴】
平安夜表哥屋企開p，廳裡面有一棵聖誕樹，下面全部都係禮物。今晚果餐真係勁豐富，有生
蠔、法國蝸牛、鵝肝醬加麵包、青口，仲有紅酒同埋香檳。我地食左好多，氣氛勁熱鬧，加上
有酒，我、Esther同埋Fanny係咁one shot，飲到顛晒。飲飽食醉就係抽禮物o既時候啦，佢地真
係好誇張，攞一個超勁大個o既垃圾膠袋裝禮物，但d禮物多到唔夠裝囉。佢地仲準備禮物俾我
地添呀，最興奮係唔駛等到boxing day已經可以拆禮物。今個聖誕節過得真係好開心呀，唔知香
港o既朋友同埋澳洲o既朋友過成點呢？
真係勁勁勁感激表哥一家帶俾我地一個咁開心o既節日。
>>January 24, 2005 at 1:20:50 AM GMT+8
|
|
廣告 |
|
|
讀者留言 |
| 路人留言
|
 有爛絲襪嗎?
<br>請不要浪費
>>November 21, 2006 at 4:26:07 AM GMT+8
係喎, 咁都撞到喎~
<br>淨
>>June 2, 2006 at 3:27:00 PM GMT+8
唔好嬲啦=.="
<br>對不起
>>May 19, 2006 at 5:02:29 AM GMT+8
我搵左首歌好好聽ｋａ
<br>
>>April 21, 2006 at 6:11:23 PM GMT+8
我隻ｏｓｃａｒ係咪好靚仔呢～
<
>>April 16, 2006 at 3:42:30 PM GMT+8
點解呀?
<br>哈哈...
>>February 28, 2006 at 3:30:12 PM GMT+8
我好掛住妳地幾個呀﹗
>>February 6, 2006 at 2:09:30 AM GMT+8
when u hv time m
>>February 4, 2006 at 12:00:32 PM GMT+8
我愛梁小豬~~~~~~卜啜^^
>>January 23, 2006 at 7:33:43 PM GMT+8
我愛梁巧梅~(人地叫我留=.="
>>January 5, 2006 at 6:37:40 PM GMT+8
你們gathering,點解唔約
>>December 29, 2005 at 4:22:51 PM GMT+8
哈哈....
<br>我睇番張相
>>December 28, 2005 at 8:22:19 AM GMT+8
靚空姐...
<br>我份禮物呢
>>December 3, 2005 at 3:19:20 AM GMT+8
好羨慕你份工呀~~
<br>
>>November 20, 2005 at 3:55:15 PM GMT+8
真係多謝晒你喎!
<br>我都好
>>October 29, 2005 at 4:29:49 PM GMT+8
邊個敢揸梁巧梅個胸
>>October 29, 2005 at 2:31:41 PM GMT+8
o係艷星蔡慧敏o既字典入面,普通
>>October 29, 2005 at 10:07:07 AM GMT+8
d相post左等相冇post..
>>October 18, 2005 at 2:32:14 PM GMT+8
突然醒起,唔知so far你有冇
>>October 7, 2005 at 6:01:45 AM GMT+8
都冇得話點好啦!唔過黎就冇得見,
>>September 25, 2005 at 4:01:49 PM GMT+8
BABY!I miss you
>>September 23, 2005 at 6:05:18 AM GMT+8
vincent van gogh
>>September 17, 2005 at 5:23:06 PM GMT+8
9月11日~
<br>恐怖既一日
>>September 10, 2005 at 6:31:35 PM GMT+8
終於都有個空姐仔朋友啦....仲
>>September 4, 2005 at 3:42:24 AM GMT+8
好掛住妳呀^_^
<br>
<b
>>September 1, 2005 at 5:03:13 PM GMT+8
哈﹗下星期我去考空姐﹗
<br>
>>September 1, 2005 at 1:57:07 AM GMT+8
巧梅,我都愛你.
<br>sur
>>August 29, 2005 at 4:17:01 PM GMT+8
Haha !! I am yr
>>August 27, 2005 at 3:44:30 PM GMT+8
巧梅~
<br>我愛妳^^
<b
>>August 24, 2005 at 2:50:03 PM GMT+8
Hihi, this is my
>>August 20, 2005 at 4:35:30 AM GMT+8
哈﹗有人話請食飯﹗唔知係咪真ge
>>August 12, 2005 at 1:39:16 AM GMT+8
第二最愛
<br>我好掛住你呀!
>>August 6, 2005 at 11:29:44 AM GMT+8
做空姐唔好ka
<br>個男朋友
>>August 3, 2005 at 2:57:03 PM GMT+8
我都想做空姐呀.........
>>August 3, 2005 at 5:38:31 AM GMT+8
睇完你呢一個星期既experie
>>August 3, 2005 at 1:10:50 AM GMT+8
講到咁大聲~好明顯係講俾我聽.
>>August 1, 2005 at 5:04:25 PM GMT+8
從前,有一個人不斷怨天尤人,點解
>>July 23, 2005 at 3:09:48 PM GMT+8
小姐:過夜10蚊得唔得呀?
>>July 22, 2005 at 1:19:09 PM GMT+8
無奈.......??
<br>
>>July 13, 2005 at 3:18:11 PM GMT+8
10 定 12 定 2 ?
<b
>>July 8, 2005 at 6:08:59 PM GMT+8
串人過條仆街呀
<br>做咩唔留
>>July 7, 2005 at 4:26:07 PM GMT+8
我7月5日返澳洲!
<br>電話
>>July 4, 2005 at 6:59:03 PM GMT+8
打"我愛梁巧梅"果條仆街係乜水呀
>>July 4, 2005 at 6:46:48 PM GMT+8
我愛梁巧梅!!!!!!!
<br
>>July 4, 2005 at 5:42:44 PM GMT+8
"大飛姐姐",下次有機會返黎(可
>>July 3, 2005 at 7:13:06 PM GMT+8
你今日做咩唔一齊黎朱少度玩呀?
>>July 2, 2005 at 6:37:46 PM GMT+8
估下咩歌~
<br>
<br>妳
>>June 27, 2005 at 7:28:27 PM GMT+8
恭喜晒!!!未來空姐!!
<br
>>June 17, 2005 at 2:13:52 PM GMT+8
Last 3 more days
>>June 7, 2005 at 11:39:28 AM GMT+8
再花d 丫笨...真係連字都睇唔
>>June 6, 2005 at 12:46:55 AM GMT+8
|
|
尋晚大飛到左，我地就去左飲野，一間好特別o既bar，裡面唯一o既裝飾係bra，無錯，係bra