2004 年 10 月 9 日 星期六 【晴】

今日又係hae，條essay......都係算吧啦......是Q但啦！好好好悶呀！於是相約Gloria同Ji Hye去city，

目的地係Royal Botanic Garden，行公園，問你死未？今日我再次攞起本map，擔當nevigator o既角

色，好犀利，無lost到，好成功咁去到。

個公園好大，不過唔係太多野行，原本expect會見到好多奇花異卉，但結果係失望law......不過個

公園都好peaceful，最適合picnic，影左唔少白痴相。

Gloria小姐話佢同parents行左悉尼大橋，我心諗兩老竟然都肯玩d咁刺激o既野？問佢幾多錢呀？

佢話唔駛錢wor......咁奇怪？講下講下，唔多對路，原來佢o既所謂唔駛錢行橋，係真係腳踏實地咁

行過條橋law。Gloria，你究竟知唔知人地話行橋，係沿住條橋o既圓拱頂上o既梯級一步一步咁行

過去架？唉......

夜晚果餐決定去Hard Rock Cafe，目標就梗係佢個甜品啦。叫左兩個main courses，食到已經好full。

今次無再好似上次咁，只係叫左一個甜品，梗係啦，經過上次o既教訓之後，仲敢亂唻咩？！一個

甜品都差d食唔晒呀！

今日唔知痴左邊條根，成日俾人搭訕，出唻半日，竟然俾人搭訕左4次。歸根究底，都係我(地)太靚

o既原故啦。

好飽呀，日日都係咁食法，真係唔係辦法，聽日一早要去jogging先得啦。

>>October 11, 2004 at 9:39:36 AM GMT+8

2004 年 10 月 8 日 星期五 【晴】

今日成日o係屋企hang around， Ji Hye過左唻用我部電腦upload d相上網，全日都喪hae。

醒左就一齊去woolworth買材料整蛋糕食。真係人衰行路打倒 'tongue'，又一次證明我係黑仔之中

o既黑仔，anyway,forget it。

返到dorm，好雀躍咁開始整蛋糕，點知發覺需要用electrical mixer，呢度又點會有呢d野呢？唯有將

隻人手變做摩打手，起勢咁攪。然後又發覺個蛋糕要焗成50-55分鐘，真係唔得佢死law......

整出唻o既蛋糕出奇地吸引+出奇地好食，10個正呀！！！！一邊食住蛋糕，一邊睇The Mummy

Returns，哈哈，終於明白點解我唔想返香港啦！我決定以後每個星期焗一次，不顧後果！！

>>October 11, 2004 at 9:11:50 AM GMT+8

2004 年 10 月 7 日 星期四 【晴】

今日同Gloria去eastwood賣餸煮飯食，我開始發覺我o既人生唔係食就係功課，真係頹到爆。

不過事實上，煮野食真係可以消磨勁多時間，我地由四點幾開始準備，到六點幾先有得食。總

共有三味餸，全部都係由Gloria親手炮製，非常犀利，幾有水準架。四個人一齊開餐，個感覺都

幾溫馨呀。呢度又係四個人，Gloria果邊都係四個人，點解氣氛差咁遠呢？o係我呢便一d都唔覺

得逼wor~~似乎我比Gloria好彩少少。

仲未收到包裹，即係表示我仲未可以開始我個year project。朋友們，可唔可以等埋我先開始

呀？

>>October 8, 2004 at 1:55:16 PM GMT+8

2004 年 10 月 6 日 星期三 【晴】

夢中故事 區樂文《每天笑一笑》

從事業餘寫作後，我做的夢，比以往更鮮明，並充滿情節。三叔分析：「那是因為你做夢也不

忘創作。」

昨夜夢中，我去美國旅遊，入境時，職員懷疑我的身分，問：「從哪裡來的？」

「香港。」

「哪個國家？」

「中國。」

職員以凌厲的眼神射向我，追問：「國家的全名是甚麼？」

腦海中打出「中華人民共和國」七字，但英文怎麼說呢？只知道有China、People和Repulic，可

是心情緊張，次序亂了。

職員加倍懷疑，下令：「唱國歌！」

「起來，不願做奴隸的人們，把我們的血肉，啦啦啦......中華民族，到了最危險的時候，啦啦

啦......」

「為什麼那麼多『啦啦啦』？」職員問。

「忘了歌詞。」我垂下頭。

職員正想拉我到密室盤問，他的上司走過來，對他說：「此人說不出祖國的全名，又不會唱國

歌，肯定是香港人，讓他入境吧！」

如果要你地即刻講出祖國o既英文全名，你得唔得呢？要諗幾耐呢？要檢討一下啦，香港人。

>>October 7, 2004 at 12:39:38 PM GMT+8

2004 年 10 月 5 日 星期二 【晴】

記性唔好我不嬲都知架啦，但估唔到佢會進一步惡化。繼n次將筆袋留左o係圖書館之後，又一力

作，唔見左張提款卡。D咁重要o既野都可以唔見，仲要諗極都諗唔起最後一次用係幾時，睇怕我

遲d要仿傚凶心人裡面個主角咁用紋身同memo紙提住自己做過d乜啦。

打電話check番個balance之後發覺d錢無唔見到，咁都放心d。俾阿媽知道我一定死梗，anyway，我

依然會話俾佢聽架。

夜晚Gloria過左唻焗蛋糕，有朱古力同埋藍梅味，好鬼好味呀！佢真係好喪，提議每個星期整一

次，有guota都唔係咁用下？

>>October 7, 2004 at 7:01:53 AM GMT+8

2004 年 10 月 4 日 星期一 【炎熱】

今日係我Literature&the Screen o既presentation。講到present，唔係話好緊張，因為都已經寫好份

speech，到時照稿讀，不過follow up o既discussion就真係非常令人擔心。

題目係 : Embrace/A sword, a horse, a shield, no matter how fantasic and anachronistic your story,

you are sure a success at the box-office. What's the appeal of a film like Gladiator( or A Knight's Tale)

同我一齊present仲有另外一個鬼妹，感覺上佢好似仲緊張過我law，成個present都ok順利，not

bad, not good la。之後個discussion都幾好，原因係好多人發言，所以唔需要點出聲，哈哈。今次都

算係一個幾好o既經驗，話晒都叫做o係一班鬼面前present，咁大個女都係第一次咋。

完左present，真係覺得個人輕鬆晒，如果以後都無功課咁就好lu。

今晚煲左紫米露，Sayaka同Ji Hye話佢地個家鄉都有同樣o既食品。

>>October 7, 2004 at 6:48:22 AM GMT+8

2004 年 10 月 3 日 星期日 【晴】

今日原來o既計劃係去blue mountain，不過由於驚落雨，cancel左，改左去公園pinic，點知今日全

程晒到傻，俾佢吹漲。講真，我對blue mountain興趣大好多law。

搭車o既時候表嫂問仔仔，你到底俾人記過幾多次yellow book呀？記yellow book我諗差唔多等於

俾人記過啦。話說尋晚佢個仔同我pilow talk，同我講左佢俾人記左兩次yellow book，但淨係講

過一次俾佢媽媽知。好唔好彩，佢parents間房就o係我地隔離，佢講o既野全程俾佢parents聽到

晒，呵呵，唔關我事呀，我無爆你大鑊架。

一齊去o既仲有幾個family，都係教會o既弟兄姊妹。佢地d細路好得意，但全部人d英文都好過

我，好慘，唯有摺埋。

好早就返dorm，準備聽日個present。如果時間係可以skip o既話，我一定會skip左聽日，我唔想

present呀......

p.s.1 多謝你啦，君君，我都知你担得抬得，可以同你share o既話我一定share。

p.s.2 樂文，你果篇關於問題同答案o既隨筆，真係搞到我頭都大埋，你......其實係咪發燒

呀？......

>>October 4, 2004 at 11:26:19 AM GMT+8

2004 年 10 月 2 日 星期六 【陰】

一朝早同表哥一家食完早餐就返教會。唔係我有bias呀，但我真係覺得個個教徒，無論明又

好、暗又好，都係處心積慮製造機會逼你返教會。

去到教會第一個印象係：好一間掛羊頭賣狗肉o既教會，竟然唔係返教堂，而係租間學校每個星

期聚會。我終於明白點解佢地會揀返呢間教會啦，因為間教會個名同佢地個仔o既名一樣。

我覺得自己好勁，10個眼瞓我只係俾自己七個。我最鍾意低頭默禱o既時候，打正旗號瞇埋對眼

瞓覺。但當佢講到今日有幾位新朋友唻到，等陣當我叫到你地個名o既時候請你地企一企起身，

等大家認識一下你地o既時候，我有好強烈o既感覺俾人擺上枱。唉......鬼叫你窮呀，頂硬上。無

情情叫人企起身，周圍o既人仲要附以熱烈o既掌聲，好鬼尷尬ga ma......

返佢地屋企睇日日有食神，我愛你呀轁轁！！！

我瞓左佢個仔間房，佢個仔好搞笑，o係我張床隔離畫左個地區俾自己打地鋪，夜晚同佢個仔

pilow talk，全程英文溝通。

>>October 4, 2004 at 11:04:07 AM GMT+8

2004 年 9 月 30 日 星期四 【乍寒還暖】

繼尋日蒲左一朝圖書館之後，勤力如我又點會俾佢停呢？一朝起身，望出個窗已經心知不妙，

又落雨？係咪咁黑仔呀？無辦法，一定要去。可憐我一介弱質女流，一手擔遮，一手攞住部淨

重2.2kg o既電腦，花左20分鐘先由宿舍去到圖書館。點解我要帶埋部電腦去圖書館做功課，而

唔借d書返宿舍一邊睇一邊做呢？因為我要用果d書全部都o係reserve section，換言之d書我只可

以借3個鐘頭就要還，無計可施，只好出此下策。

點知去到發覺我要用o既書唔見左wor，查番online catalog，又無人借左，咁即係話呢條捷足先

登o既粉腸一定o係reserve section裡面啦。於是我金精火眼周圍昅，仲唔俾我搵到你！佢又醒

wor，唔借本書，就咁坐埋一邊睇，咁就唔駛3個鐘之後還。真係火都唻埋，直頭想用武林上失

傳已久、最陰毒o既武功：面目全非腳 (雖然佢個樣睇落好似已經中左面目全非腳) 唻送佢一

程。

最後唯有靠一本唔多有用o既書，不過都幫我吹左600字，重有400字，下回分解。

>>October 2, 2004 at 1:56:44 PM GMT+8

2004 年 9 月 27 日 星期一 【雷雨】

中秋節快樂！！！！依然無掛住香港wor，我係咪好唔正常呀？！

今日要去表哥度過節。終於有餐住家飯食下啦。o係佢屋企狂睇電視，我發覺我掛住tvb多過屋企。

拿，大飛，我知你想講咩架，又想話我電影迷呀嘛，之前我唔認架，依家我認！唔知係咪餓電視餓

得太耐o既關係，連播左萬次o既美味天王都覺得好好睇......好悲......好悲......

佢個仔都幾痴我，despite佢又叫我say a prayer，我都幾鍾意佢。

佢屋企隻狗好好客，一見到我就撲過唻狂 lai 我，走避不及，勁驚。狗呢樣野，真係只可遠觀，不可

褻玩。

佢地開頭話星期日帶我去paramatta，但又話要返教會，然後就順勢叫我一齊返教會，由始至終我

咩都無講過wor，完全漠視我o既感受law，今次睇怕九死一生......

佢地叫我星期一一齊去blue mountain，所以我要盡快趕起份功課先得啦。

p.s.大飛，唔好意思wor，唔係淨係得你有月餅食ga，我都有月餅食wor。

>>October 2, 2004 at 2:06:54 AM GMT+8