2004 年 9 月 25 日 星期六 【晴】

四點半起身，五點check out去機場。手上個map真係完全唔知想點，lost完一次又一次。班機

6:30起飛，d時間越來越趕。到左5:45，我地仲係唔知自己o係邊度，亦都唔知應該點去機場，呢

d就係自己揸車o既壞處啦。好唔容易終於搵到去機場條路，就o係交車果個位miss左個入口，之

後搵極都搵唔到交車條路，問完一次又一次，d人都覺得我地煩。終於去到交番架車，但又搵唔

到邊度交車匙，又晒左好多時間搵。搞掂晒一切之後即刻9秒9衝去check in，感覺自己好似玩緊

amazing race咁……

結果點？6:15 boarding，我地6:10先去到，就咁就miss左班機lu，呢d咪叫做臨尾香law……搭遲

一班機，代價係加錢……唉……whatever……今次都算係一次難忘o既經歷啦。

返到悉尼，我覺得呢度o既天氣真係好好多呀，陽光普照，唔似得墨爾本咁多雲，又成日落雨。

返到dormitory，開信箱收到家姐同埋樂文寄俾我o既野，真係開心死我啦。樂文，非常多謝你，

收到本書o既時候真係開心到無言以對呀，區樂民醫生o既《每天笑一笑》呀，如獲至寶。我依

家仲未開始睇呀，因為我驚我好快就睇完。我覺得有左呢本書，就算我唔開心都可以好快無事

lu。樂文你d字靚左好多wor，不過你應該o係本書度簽上你o既大名，橫掂你都係叫樂文之嘛。

靚女文，你d字真係……唉，下次你不如錄音啦。快d寄相俾我睇啦。

>>September 26, 2004 at 1:21:07 PM GMT+8

2004 年 9 月 24 日 星期五 【晴】

繼續自遊行。今日o既目的地係Yarra Valley──Melbourne一個出名o既釀酒區，果度有好多好多

葡萄園。由於無地圖o既關係，lost左幾次，不過最後都安全去到。我地去o既時間唔係好啱，秋

天先係收成o既季節，依家先初春，所以去到只係見到bb葡萄樹，有d失望。好在每個葡萄園你

都可以免費drive-in同埋試酒。試左好多白酒同埋紅酒，雖然唔係飲左好多，不過個人已經有d暈

暈地。

Yarra Valley呢個地方可以用peaceful唻形容，舒服到想住o係度，真係想o係d葡萄園o既草地上

一邊聽住七里香一邊瞓晏覺。

我地本來打算想join d 葡萄園o既tour，預左要俾錢，但咁啱去到o既時候遇到一個旅行團，於是

我地混水摸魚，扮晒團友咁跟住個團周圍參觀，仲有專人為我地講解tim，不過我可以肯定其他

團友一定o係度諗：who the hell they are? 好搞笑，最厚面皮都算係我地lu。

好早完成左今日o既行程，瞓左一個下晝。夜晚9點先出去食野，去左Hard Rock Café，果度o既

氣氛好正，隊live band都算係我聽過o既live band之中perform得最好o既一隊啦。我地叫左一個

snack同埋一人一個甜品，個甜品真係超大堆頭。裡面有cream，雪糕同埋朱古力蛋糕，朱古力

蛋糕超好食。不過由於佢真係太多啦，我地食到一半已經再食唔落啦。如果知道佢咁巨型，我

地只會叫一個share唻食。墨爾本之旅完結啦，聽日一朝要去機場。學Sayaka話齋：The reality

is waiting for us.

>>September 26, 2004 at 1:12:54 PM GMT+8

2004 年 9 月 24 日 星期五 【寒冷】

今日o既目的地係Great Ocean Road，大洋公路。佢其實係位於Melbourne o既coastline，一條好長

o既公路，全長100km。沿途有國家公園、熱帶雨林、沙灘、懸崖……如果要行晒可能要

eternity。我地只係去左一d比較出名o既地方。

我地今日係自遊行，自己租車。我地三個人有唔同o既duty：Sayaka the driver, Muriel the

navigator and Gloria the passenger。基本上Sayaka有八成o既時間都係speeding，一度speed到

140……真係好險……

今日o既行程非常緊湊，值得一提o既係熱帶雨林，d樹真係好大棵，個森林裡面好凍，好潮濕，

我地只係行左一條track，話就話5分鐘行完，但我地起碼行左15分鐘，如果有時間，我想行耐d

tim，rain forest好好玩。

下一站係燈塔，我唔明白點解燈塔要俾錢入去law，不過o係燈塔上面望海同埋睇風景真係一

流。

Gibson Steps果d階級真係行到我想死，要重新考慮遲d係咪真係要去樂山大佛……偶遇尋日個

tour，又見到個意大利人，又係笑到烚熟狗咁。 Guy, be cool. You gotta act like an Italian.

不得不提o既就梗係十二門徒石啦，佢簡直就係Great Ocean Road o既標誌。佢o既形成係由於年

月同埋風霜o既洗禮，變成十二塊奇形怪狀o既石頭，不過我數極都只係數到9塊law。去到o既時

候其實差唔多日落，雖然勁多雲，不過d陽光o係雲層之間透落唻，感覺我好似就快要升天咁，

好靚好靚。好可惜睇唔到London bridge，都係一舊好出名o既石頭。

返到hostel已經12點幾，攰到就唻死，瞓到一條死屍咁。

>>September 26, 2004 at 1:06:07 PM GMT+8

2004 年 9 月 22 日 星期三 【乍雨乍晴】

今日我地報左Philip Island個tour，跟團去玩。第一站係類似一個動物園o既地方。動物園o既staff

向我地介紹d動物，手上抱住一隻wombat，唔知中文係咩，不過真係勁得意，好鬼聽話，仲勁

懶瞓tim，d人輪流抱佢都仲瞓得著。之後睇左樹熊、袋鼠等，都無咩特別，不過有d想試下袋鼠

肉。

跟住係煤礦，無咩好玩。有個團友係意大利人，不過好老實咁講，睇樣係完全唔知佢係意大利

人，我個人認為佢好似Mr. Bean，成日笑到烚熟狗咁，仲無情情要同我地影相……打破晒我對

意大利人o既情意結……

下一站係完全唔知佢想點，tea and coffee near the sea，聽落好似好正咁，不過呢日真係凍到

嘔，仲要o係海邊吹風，只要睇下d相就會知道有幾咁凍，Sayaka同我得出一個結論：I’ll never

do this again !!!!!

重頭戲係最後去睇企鵝。想像一下o係十度咁上下，再加上落緊雨o既天氣底下坐o係海邊呆等係

咩滋味，d企鵝真係好大牌。Philip Island o係Melbourne以南，係企鵝o既家，佢地每晚都會返去，

到第二日再去覓食。果度d企鵝唔似平時見果d，細好多，好似一個公仔咁細。佢地會一群一群

咁上岸。不過如果有一隻跟唔上大隊，其他上晒岸佢都未上到o既話，佢就要等下一批企鵝出

現，佢先可以跟埋一齊上岸，好搞笑。

呢個tour包一餐，食o既係pizza，個tour guide話d pizza好special，問佢有咩咁特別，佢話個price

最special，哦……原來係咁……

返到hostel成12點，比我地預期超出成4個幾鐘，都幾抵玩呀。

阿茵，生日快樂 !!!!!

>>September 26, 2004 at 1:00:42 PM GMT+8

2004 年 9 月 21 日 星期二 【寒冷】

今日依然係博物館之旅。去左Melbourne Museum，個museum好大，而且每個展館有唔同o既主

題，睇左好多袋鼠……o既標本。然後去到一個叫National Gallery o既地方，佢咁啱有一個印象派

畫展，d畫原本係o係巴黎展出。裡面當然唔少得梵高、莫內、Renoir既masterpieces啦，不過最

出名o既作品都唔o係度。其實我真係好想好想睇，入場費要20蚊，貴都唔係一個問題，因為

Sayaka唔係太有興趣o既關係，我同Gloria又無理由唔理佢，叫佢自己去玩。於是最後都無去

到。不過都去左賣紀念品果度行左一轉，買左梵高幅畫……o既磁石貼。唔緊要！呢度睇唔到咪

去巴黎睇law，我決定去歐洲啦。

Melbourne真係唔係好大，city只需要一日半就已經行晒，果個所謂澳洲最大o既唐人街都只不過

係女人街o既四分之一咋。今日果兩餐都好好食。Lunch係越南菜，間鋪頭成龍、洪金寶同

President Clinton都食過；夜晚食中國菜，個酸辣湯好辣，Gloria同Sayaka食到標晒汗，好搞笑。

甜品係炸香蕉伴雪糕，超正呀！

>>September 26, 2004 at 12:55:21 PM GMT+8

2004 年 9 月 20 日 星期一 【乍暖還寒】

由悉尼去墨爾本只係一個鐘頭o既機程。我唻左澳洲咁耐都未撞過一個衰人呢句說話終於都要收

返啦。載我地果個的士司機真係nasty到爆炸。唔識路都不特止仲要 ‘doubt’路。都未見過的

士司機要查地圖架。由於佢唔識路，到步o既時候比預期貴好多，咁我地梗係唔俾啦，佢竟然用

粗口問候我地wor，抄低晒佢o既資料，準備投訴佢，同埋claim番錢。

第一站去左一個市場，d野真係好平，d蕃茄超好味，如果個市場o係我個dorm隔離就好啦。

之後o既時間都係o係個city周圍行下同埋去museum同exhibition centre。唔好以為好悶，實際上佢

一個展館好大，足夠你行成日。

我做左一樣好變態o既野，就係坐馬車啦。俾著我o係香港見到人咁做，我一定問佢你無病下？

但可能係遊客心態，乜都試下啦，雖然沿途不斷有人投以歧視o既目光，彷彿佢地o係度問緊：

你地無病下？但一於好少理。不過架馬車去到唐人街o既時候突然聽到奇怪o既水聲，聰明o既朋

友應該都估到發生咩事，後面d車真係慘。落車之後返番事發現場，見到一大灘 “水”o係地

下，仲有其他野……原本係no.1同no.2……

>>September 26, 2004 at 12:48:37 PM GMT+8

2004 年 9 月 18 日 星期六 【晴】

尋晚野又無食，覺又唔瞓咁終於做完份功課，成四點鐘先撻落床。明明勁攰，但都可以瞓唔

著，個頭勁痛。諗起上個semester，讀Lit A譯o既果首詩。大概係話個心 (in my case係個頭) 好

似裂開左咁有條裂縫，只好用針線一針一針咁連番埋佢。聯呀聯；縫呀縫。

除左last果part關於postmodernism我寫到成pat屎之外，我覺得條essay我都答得唔錯。好彩份野

唔係俾南峰叔改，唔係實俾佢話我baby english。今日起身又埋頭做功課，見到進度良好，我個

心都定d。

又再開始我eating disorder o既生活，一係唔食；一係食勁多。我無辦法，一有壓力我就唔想食

野；一有得食，我就博命咁食……我諗我返到香港一係暴肥；一係暴瘦；一係我根本無命返

唻……

Sayaka好搞笑，佢去旅行同樹熊影左張相好鍾意，放左o係廳。佢同我講掛住佢o既時候可以望

住幅相wor，okay，thanks……

>>September 19, 2004 at 1:06:39 PM GMT+8

2004 年 9 月 17 日 星期五 【晴】

好攰，真係好攰。Both生理上同心理上都好攰。D功課好似做極都做唔完咁，3份essays，一個

present。o係LU我都經歷過同樣o既野，但未試過咁攰。唔理點都好，我今晚一定要做起一份。

我懷疑即使我遲d去melbourne，我都只會一條死屍咁去；一條人乾咁返唻。

大飛你點呀，點解音訊全無o既？白鴿都應該有隻啩？

>>September 18, 2004 at 3:33:59 PM GMT+8

2004 年 9 月 16 日 星期四 【晴】

Conception Day大日子，雖然我唔係好知係咩唻o既，不過即管趁下熱鬧啦。真係好多人，有好

多鬼妹著住bikini top，好hot，搞到好似去左沙灘咁。其實只不過係一個小型o既嘉年華會，成個

場只有掽掽車同埋滑梯兩樣機動遊戲，但係竟然有勁多人排隊買飛入場，真係唔係好明佢地個

心諗d咩。

玩左成日好鬼攰，不過又識到新朋友都唔錯。

返到個dorm，功課咩都無做過，然後同gloria, ji hye傾左好耐，原本諗住今日做完份功課o既美夢

泡湯啦......

>>September 17, 2004 at 4:01:22 PM GMT+8

2004 年 9 月 14 日 星期二 【晴】

成日諗住自己得唔到o既野會好辛苦ga，加菲貓小姐你應該好同意我呢句說話(referring to both

your ex and your mix)。所以由今日開始決定每日諗一次自己擁有o既野。我有o既野唔多，有屋企、

有朋友、有書讀，真係唔多，但好夠駛。我仲爭d咩呢？一個人生目標。去exchange曾經係我o既目

標，但mission accomplished，所以要另立一個人生目標俾自己。依家仲未諗到，假以時日我一定會

有ga！！！！！

>>September 15, 2004 at 6:40:05 AM GMT+8