2004 年 12 月 7 日 星期二 【晴】

今日自己一個出左city，去chinatown買手信俾阿媽，咁就80蚊啦，鬼死咁重，攞到我死下死下。出去唐人街先發現原來我無買到了結糖，算啦，費事攞咁多野，朋友們，注定你地無食神啦。
之後join表哥返佢屋企，然後就去左食飯。我走果日佢地會車我去Epping火車。
返到dorm，Daniel來過，不過我未返。佢送左樽糖加一朵花俾我，多謝佢。

>>December 12, 2004 at 10:39:39 AM GMT+8

2004 年 12 月 6 日 星期一 【晴】

尋晚煲奬門人煲到4點幾，都係多得我個roommate Agnes貢獻出唻。我覺得我地笑到超大聲，仲

要開住隻窗。第二日，Agnes同我講，佢d friends(住o係我地隔離果block)問我地係咪4點幾仲睇

緊，好大聲呀......................梗係打死都唔認啦。

>>December 8, 2004 at 1:32:36 AM GMT+8

2004 年 12 月 5 日 星期日 【晴】

話說果日去Blue Mountain，有一個環節係玩回力標，不過個tour guide話太危險，所以cancel左。Cancel左你又寫出唻............................今日買左個回力標，準備試一試，點知...................................完全回唔到，我諗我買果個只係用作裝飾用途。I want my money back！！！！
今日出city買左兩隻CDs，一隻係suede o既head music，另一隻係craig david o既slicker than your average，都係用左20蚊咋！！！好鬼抵呀！！！Gloria，你買果隻Tori Amos都係10蚊咋，哈哈哈，你有無買貴呀？？？

>>December 6, 2004 at 8:52:15 AM GMT+8

2004 年 12 月 4 日 星期六 【晴】

肥豬，生日快樂，又大一歲，唔該成熟d啦！

果個無聊人，打電話唻係咁講英文，搞到我頭都大埋。不過其實我都估到你係邊個啦，只係我

個flatmate有d被玩o既感覺。可唔可以唔買手順俾你呀？！

>>December 6, 2004 at 8:22:10 AM GMT+8

2004 年 12 月 3 日 星期五 【微冷】

Blue Mountain個tour由尋日轉左今日。由於驚再好似尋日咁，今朝好早就出去。但去到巴士站發

覺尋晚check果個timetable原來係錯架，再加上係星期六o既關係，d車特別疏，要等多30分鐘。

不過由於我地預鬆左好多，所以係早到架。

我地第一站係去睇袋鼠，野生果隻。佢地成群咁聚埋一齊，又唔驚人喎，但咁多隻o係度，真係

睇到你唔想睇呀。

註：果度成地都係袋鼠屎，我行得好小心。

之後去左睇澳洲大峽谷，果度個景真係一流呀，要用d鬼佬最鍾意果句啦：Pretty awesome, isn't

it?

個tour包一餐buffet lunch，相信大家去過旅行o既都知道d野食有幾咁難食，但我估唔到劣到咁

樣。其實雞脾好難整得難食，但佢都可以搞到咁，都算難得啦。食完野之後，個tour guide問d野

好唔好食，d人竟然答：lovely，個tone仲要唔係ironic果隻，我不禁懷疑究竟佢地係咪真係覺得

好食呢？

之後指定動作梗係去搭scenic railway啦，果段短短o既路，咁就7蚊澳幣啦，不過都值得一玩，

話晒都係全世界最斜o既railway。果然名不虛傳，超斜呀，同過山車有得揮。跟住去左行

rainforest，話說佢有3個tracks可以揀，分別係10，20同40分鐘，我地諗住中庸之道，揀20分

鐘。點知..................我又一次帶錯路，結果行左40分鐘，不過好彩都無lost in rainforest啫..............

我唔係一個稱職o既navigator，我決定去歐洲我只會跟大隊.......................

Three Sisters睇相睇左好多次，覺得無咩特別，石頭3塊囉。不過去到睇個感覺係唔同d，都真係

幾特別。其實中途睇左一座，山壁好似俾人用刀一刀切開左咁樣，睇到個個嘩嘩聲，不過由於

唔係景點之一，所以無影到相，好晒..............................

我發覺我地去左唔係好多地方，不過睇佢份voucher介紹果度好似好豐富咁樣，原來佢將d野重

複幾次唻講，然後又將一個景點拆開當3樣野唻講，唔怪之得啦。

夜晚睇奬門人呀，雖然係好無聊同埋核突o既一個節目，但真係好好笑..........................返到香港

我要追番先得啦。

>>December 5, 2004 at 6:13:45 AM GMT+8

2004 年 12 月 2 日 星期四 【陰】

好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫、好憫..................................................

今日原本join左tour去Blue Mountain，但係：

Ji Hye唔知醒 + 趕唔到巴士 + 等巴士等多5個字 + 架巴士站站停 + 每30秒一個巴士站 + 架巴士勁

兜路 + 兜晒成個North Ryde同East Ryde + 塞車塞左3次 === 遲大到，無得去

好彩可以轉去聽日個tour啫，不過6點幾起身，搭左個幾鐘巴士，點知無得去，然後再搭番個幾

鐘巴士返唻，你話我憫唔憫？！

我表哥極度無人性，有部車都唔肯送我，竟然要我自己一個搭shuttle bus去機場，你話佢係人唔

係？？！！！

>>December 3, 2004 at 4:05:48 AM GMT+8

2004 年 11 月 30 日 星期二 【微雨】

今朝一早5點幾起身，6點準時出門口送Gloria去機場。尋晚完全無瞓過，所以非常精神。去到機

場，新航果counter勁多人排隊，check完in之後都已經好晏，然後入閘之前作最後道別。Ji Hye

喊呢，都估到佢忍唔到架啦，之後走o既時候o係車上面佢都仲繼續喊。唉……我走果日我諗佢

仲喊得犀利。

Gloria個auntie係city放低我地，果時都只係8點幾咋。原本想行下街先，但無鋪頭開門，於是去

左搵野食。食完野我就去幫人買野。首先係我家姐個同事果對tiger波鞋。我都算唔話得啦，45

度高溫之下我行左幾條街幫佢搵。不過我真係好憫，因為最後係無架，其他款又有喎，係得果

隻無啫，真係大整古，我已經盡晒人事啦。

之後我地又去fish market啦，我又再次帶錯路……我上次明明記住左條路點去，點知……o係咁o

既天氣底下行錯路都幾係野。但我地鍥而不捨o既精神果然係無白費到架。我地今次除左食海鮮

盒之外，仲叫左三文魚同埋生蠔，原來好抵食架，好好食，又平，我仲戰勝左生蠔tim呀！好想

再去呀！

走o既時候突然風雲變色，唔係普通果隻，我從來都見過d咁反常o既天氣。大風到好似就快會形

成龍捲風咁，風吹到d沙好似沙塵暴咁，斷左o既樹枝一地都係，我同Ji Hye兩個俾風吹到搖搖欲

墜，真係一d都無誇張，我要攬住棵樹至唔會吹走，但我feel到棵樹都o係度顫呀。

俾大家o既忠告：千其千其唔好夏天去澳洲，唔係可能打棟去；打橫返番唻呀。

半條人命咁返到dorm，Sayaka同我講電話用唔到，亦表示上唔到網，仲諗住今晚打電話o家

嘛，依家咩都無得做lu。

但我個室友個friend唻左，佢條友仔好搞笑，攝左張紙o係我部電腦度，寫住唔好走啦。佢仲叫

我同Sayaka唱歌俾佢聽。之後佢仲勁白痴咁話要玩超級無敵估歌仔，搵左部電腦出唻，叫

Sayaka戴住個headset然後跟住唱，超好笑，後未Ji Hye唻左，又多一個人唱歌。一個無聊o既晚

上就係咁樣打發啦。

>>December 2, 2004 at 9:46:58 AM GMT+8

2004 年 11 月 29 日 星期一 【清涼】

當你地落雪o既時候，我呢便就42度，究竟你地好d定係我呢？

約左朋友最後一次聚會。烈日最猛烈o既時候出去，去到巴士站發覺無帶銀包，即係要再o係烈

日下返個dorm攞。雖然搭到架冷氣巴，但d冷氣弱到同無冷氣無分別，全程車不斷咁流汗。心靜

自然涼呢招o係呢度係用唔著架！

我地去左duty free果度行街，有好多唔平o既名牌賣。一塊Anna Sui o既美女鏡竟然要30幾蚊，

戒指係成20蚊，所以我覺得叫人o係韓國買係明智架。我試左袋鼠肉乾，好難食......果度好多

japanese呀，好似唔駛錢咁，日本d野好貴咩？都係香港好，我指買野。

之後再去左opera house，仲入左去......佢個toilet。o係果度留左好耐，影左唔少相，景色都真係

幾靚。但我唔記得帶相機囉。依家真係有就唻走o既感覺啦。

>>November 30, 2004 at 11:38:51 AM GMT+8

2004 年 11 月 28 日 星期日 【清涼】

同Ji Hye傾開計，原來佢為左過唻讀書，停學半年，為o既就係準備toefl個試。佢話o係韓國好多

人都會咁做。聽完實在覺得唔知點咁，so far我識o既人之中，包括我自己在內，都無人認認真

真咁為左個考試而prepare過，心口掛住個氣字，話考就考，更加唔好講會買佢d帶唻聽啦。唔

怪得佢考得咁好啦，原來如此……實在覺得汗顏……

今日同Gloria farewell，出左去city食飯。上次經過一間個樣幾ok日本餐廳，個名叫武藏，於是決

定去試一試。一去到已經勁多人，間餐廳其實都幾大，但都可以坐滿，心諗應該都唔會差。入

到去一人叫左一樣野，同埋一杯飲品，本來諗住再叫其他野share，但我話不如食完睇下飽唔飽

先決定啦。果然不出我所料，食完之後已經好鬼飽，好彩無叫啫。果度d野好好食呀，連普通一

件壽司都整得好好食，更加唔駛講其他野啦，最重要o既係個價錢好reasonable，我決定遲d再去

試佢個lunch set。

之後行左去Darling Harbor。原來果度haborside夜景都好靚下，拍得住維港。維港係繁華o既靚，

Darling Harbor係憩靜果隻靚，各有各特色。問到我prefer邊個？當然係維港啦。我諗o係呢度過

Christmas會係好特別，你幾時試過o係36度高溫下慶祝Christmas架？呢度d人好重視Christmas，

早o係10月聖誕o既裝飾已經成行成市，聖誕樹一早已經擺左出唻。當然Darling Harbor都唔會缺

少啦，棵聖誕樹好大好靚。我地最後o係Pyrmont Bridge行返去QVB，個環境好浪漫呢，今晚好開

心，此情可待成追憶，唔知幾時再聚埋一齊啦……開始唔捨得……

>>November 30, 2004 at 11:21:21 AM GMT+8

2004 年 11 月 26 日 星期五 【清涼】

好熱呀，今日，34度高溫，紫外線指數係超高。

最熱果段時間我地去左bbq。唔駛担心，唔係自己對住個火果隻bbq，係一個好勁o既燒烤爐，擺

晒d野上去一鑊熟果隻。今次個party係ji hye教會d朋友搞，一開始我地以為得我地三個，因為有

人唻pick up我地，但唔見有其他人。去到先知原來好多好多人，multi-national+multi-language，講

英文，普通話同廣東話。但唔知點解明明大家都係中國人，點解都要講英文呢？D英文都幾

OK，但點解要咁扮野，學晒人地D accent呢？連講 "Oh! Really?" 都要捲痢幾次，駛唔駛咁扮晒

呀？

今晚睇Harry Potter呀！有好多回憶呀。

夜晚過左ji hye度瞓，佢間屋好熱呀，佢張床好細呀，頂唔順，轉床，過左佢roommate張床度

瞓。

>>November 28, 2004 at 6:18:13 AM GMT+8