2004 年 11 月 5 日 星期五 【陰】

今晚我地食烤雞，淨番d雞油我地留起左，諗住遲d用唻抄菜又好，醃肉又好。

就o係呢個時候，Ji Hye問 ‘Why do you keep it (做咩要留起佢呀)?’

‘To use as the facial mask(用唻敷面)’我答。

‘Ah…really? Using this? (真係可以咁用架)’ 佢問。

‘Of course(當然可以啦)!’然後我指住Gloria， ‘That’s why her skin is so smooth(唔係佢d皮膚

邊有咁滑呀)!’

Gloria個頭已經dup到勁低，因為佢笑到收唔到聲。我都頂唔順，拿拿臨轉身扮飲水。

Ji Hye仲要懞然不知咁繼續追問，然後我地兩個一齊爆笑。

Gloria仲要加多句 ‘Mask with chicken oil and herbs inside(用雞油撈埋香草唻敷面)?’

Sindy殘你講canteen o既見聞我都開始有同感啦。

>>November 7, 2004 at 5:40:45 AM GMT+8

2004 年 11 月 4 日 星期四 【綿綿細雨】

Ji Hye見到我幅相，相裡面我同其他人整左個人肉LOVE字，然後佢話：Ya, I made it too. I went to

the beach with my friends one time and we made LOVE together. 哈，講到呢度，大家覺唔覺得呢句

說話好有問題呢？我一聽到，即刻笑到收唔到聲。O係個beach度，仲要同四個朋友……原來d

韓國人咁open架。希望ji hye唔好嬲，事關佢叫我唔好寫低佢，不過我真係覺得好funny，

sorry~~

收到sindy同esther寄唻o既postcard，唔想話你地cheap都唔得，兩個人寄一張postcard，係咪真

係窮到呢個地部呀？

夜晚睇我最鍾意o既電影《仙樂飄飄處處聞》。今次已經係我第5次睇呢部電影啦，但依然逃唔

過我o既命運，都係錯過左套電影o既開頭，有邊個可以買隻vcd俾我就好啦。

>>November 7, 2004 at 5:28:35 AM GMT+8

2004 年 11 月 3 日 星期三 【晴】

香港的標誌係洋紫荊；澳洲o既標誌非常有趣，左邊一隻袋鼠；右邊一隻鴕鳥，中間係一個盾牌

之類o既物體。你地可能會問，點解係袋鼠同鴕鳥，而唔係樹熊呢？原來呢個標誌背後係有意思

o既。澳洲立國初期，要立國徽，佢地最後決定用袋鼠同鴕鳥，因為澳洲只有呢兩種動物係唔可

以向後行，象徵住澳洲只會一直向前進，唔會倒退。呢個故事係我o既朋友話我知o既，我無求

正過，信不信由你啦。O係澳洲到處都可以見到呢個標誌，如果有興趣，可以去我相薄睇下呢

個國徽。By the way，我舊o既相簿已經full左，新相post左去以下網址：http://community.

Webshots.com/user/moominzz1。

>>November 4, 2004 at 10:38:38 AM GMT+8

2004 年 10 月 30 日 星期六 【晴】

尋日因為去左成日街，好鬼攰，瞓覺瞓到好似昏迷左咁樣。今朝11點半先起身，唻左澳洲咁

耐，瞓得最晏都算今日啦。之前成日都瞓得勁唔好，真係7不思義事件之一，日日都6點3個字彈

起身，日日如事，你話邪牌唔邪邪牌呀？

原來今日要轉夏令時間，仲懞下懞下，唔知發生咩事，即係話我其實瞓到成12點半囉。然後去

左圖書館借書，唔知點解我之前搵極都無o既書，今日會俾我搵到，真係好彩。咁亦都標誌住學

期尾終於都來臨啦。由今日開始我要趕起兩份essays，完全可以想像得到果種天昏地暗o既生

活。

之後同Ji Hye去左shopping，買左一支moonflower味o既香薰油，好開心呀。同佢傾計，發覺韓國

都有播百變小櫻magic咭，佢仲要同我一樣成日追唻睇，我同佢都勁鍾意裡面小櫻o既哥哥，勁

讚佢靚仔，佢真係好靚仔呀，遲d要買呢套卡通o既vcd先得啦。

發覺自己真係黑左好多，隻手完全係黑人手，手背好黑，然後手掌又勁白喎，好大contrast。佢

地話以後每個weekend都要去沙灘，痴線架，咁我唔駛返香港啦，我移民去菲律賓算啦。

恭喜君君，呢個傻妹正一麻煩精，依家有人睇住咁我就放心啦。

p.s.Sindy 殘，anna sui有咩正貨先？

>>November 1, 2004 at 6:00:37 AM GMT+8

2004 年 10 月 29 日 星期五 【晴】

去沙灘呀今日。目的地係Manly Beach。唔知點解要約9點幾o係巴士站等，有需要咁早咩？

Anyway，去到第一個感覺係無咩咁特別，都係沙灘一個，不過點都靚過香港o既沙灘o既，因為

d沙勁細，勁滑，踩上去好鬼舒服。今日陽光唔係好猛，但出奇地，只係晒左個幾鐘，已經黑到

飛起，兩節色o既情況好明顯，可想而知呢度o既uv有幾勁呢。

係時候講下沙灘趣事啦。話說有個男人o係度堆沙，砌左好多個金字塔出唻，好靚下架。平時我

成日話人無聊搭訕，今日輪到我走去搭訕啦。我問佢點解要砌，佢話佢平時同個仔一齊砌，今

日個仔唔o係度，所以自己砌完，影低佢俾個仔睇wor。見佢砌得咁爽，真係想問佢收唔收徒弟

呀。

見到澳洲o既life guards，唔係未成年就係世叔伯級，真係有點兒那個......香港果d已經咩架啦

﹝絕無影射成份﹞，估唔到呢邊仲咩d，過份呀！

諗住去沙灘應該會見到d滑浪o既hot guys啦，果然俾我見到一個，佢真係好cute，去我相簿見下

佢o既盧山真面目啦。

我同gloria講好左，要慳錢，於是我地好核突咁自己整lunch box。點知去到......為食累事，破戒

都不特止，仲要食得更豪，lunch之後去左食朱古力，不過真係好好味呀，我肯定香港o既朋友

未食過咁好食o既朱古力law，所以唔好羨慕我呀。

本來諗住直蹅慶祝埋halloween，但人地話呢度唔興，雖然灰左，但依然照原定計劃去左Hard

Rock Cafe食飯。今日o既行程好好玩，好耐無試過咁輕鬆咁享受陽光與海灘，睇番影左o既相，

藍天白雲o既背景好似key落去咁，靚到有d假，澳洲呢個地方真係好靚。

>>October 30, 2004 at 3:34:42 PM GMT+8

2004 年 10 月 28 日 星期四 【颳風】

今日好即興咁去左fish market，無錯，又去啦......'食'係一個無底深潭，而我o既胃就更加深......

原本想話食魚生，但魚生食唔飽，於是首先食左一個海鮮拼盤，諗住食完再叫。點知個份量

勁大，根本夠兩個人食o既野，我地一人叫左一個。食完真係飽到上心口。諗住再食唔落任何野

o既時候，見到d沙律勁吸引，於是又叫左一客，上面仲要加埋乳酪。

食到咁飽，夜晚果餐無食到。呢餐好抵，一餐頂兩餐，勁呀！！

再次天昏地暗咁做year project，我覺得呢6個credits我係hae係佢架。

好無聊，搞到我好想睇九品芝麻官。

今日同家姐傾電話，佢話買左再見螢火蟲裡面個妹妹食果盒糖俾我，好野，好開心呀！

>>October 29, 2004 at 4:04:12 PM GMT+8

2004 年 10 月 27 日 星期三 【颳風】

Sherlaine今日影畢業相，我同Sayaka、Ji Hye一行三人去贈慶。同佢影左幾幅相之後就走左lu。

然後去食左少少野，今日陽光普照，uv好勁都一於好少理，坐o係草地享受日光浴。一齊閒聊之

際，Sayaka問Ji Hye，韓國女仔畢業之後就代表已經成年，有人話佢地o既父母會o係呢個時候批

准他地去整容，Ji Hye話以前唔會，但依家就真係會，咁我終於知道點解Ji Hye會係雙眼皮啦。

就o係呢個時候，ji hye發覺佢隻耳環唔見左，佢隻係金耳環唻架，俾佢媽知道實死梗lu，希望佢

搵得番啦。

呢個禮拜真係好鬼悶，非常期待聽日去fish market同埋後日去曼尼沙灘。

譯year project搞到我好upset，唔係因為無處入手，而係因為個故仔好慘，譯譯下投入左裡面阿

媽個角色，抽離唔到，覺得好似寫緊信俾自己個仔咁，仲要一邊譯，一邊聽住如何掉眼淚，灰

晒……

>>October 29, 2004 at 3:21:50 PM GMT+8

2004 年 10 月 26 日 星期二 【晴】

今日上上下堂，突然成間lecture theatre黑晒，原來停電。o係伸手不見五指o既情況底下，好多

人攞出佢地o既手提，照住唻行路。手提o既用途真係廣泛，仲可以當電筒使用，唔怪得一人一

電啦。

原來停電o既唔止係我上堂果個lecture theatre，仲有好多棟buildings都係，唔知係咪成間uni都係

呢。問下你地，學校停電第一件事你會諗起d咩呢？當然係之後d堂駛唔駛上啦。求神拜佛望佢

唔好咁快整番好﹝呢度d效率出名低﹞，點知唔駛半個鐘就正常番晒。點解要o係我上完堂先停

電？點解要o係我上堂之前有番電？點解？！！

>>October 29, 2004 at 3:08:13 PM GMT+8

2004 年 10 月 24 日 星期日 【晴】

老友記-->粉雄救兵-->色慾都市，日子就係咁樣過去啦。難道我唻澳洲就係為左睇電視？

>>October 26, 2004 at 3:58:14 AM GMT+8

2004 年 10 月 23 日 星期六 【晴】

唻澳洲第一日買o既果張電話voucher，用極都用唔完，到今時今日仲有成24蚊。尋晚講左成個鐘，

都只係$1.7，早知一開始就唔買30蚊咁多啦......

今日係曼聯大戰阿仙奴o既大日子。阿仙奴已經有n場未有輸過啦，呢支球隊唔係由普通人組成，

好明顯佢地都係強獸人，非常擔心曼聯，但求佢地唔好輸得咁核突。點知，又俾佢殺出一條血路

喎。朗尼好勁呀！阿仙奴收皮啦！

大飛，我知你唔啱聽架啦......你有無入場睇呀？

>>October 26, 2004 at 3:54:38 AM GMT+8