2004 年 1 月 1 日 星期四 【晴】

今日第一日上領袖培訓課程，得我同Brian係地理人。有趣的是，Ｄ人一見倒我見Soc Jacket，知道我係地理人，即刻係咁話我好勁……證明我地今年的地理系突別出名，我地地理人應該感到自豪呀！

個課程分三日，搞到我去唔倒地知泉的行山（我想去多一次＞＜）。今日主要係做測驗，等我地知道自己屬於咩類型的領袖（奇怪……個個都係領袖？），不過份測試係國際心理專家認受的，結果要聽日先知。

之後係玩下Discuss，玩下Present……唔係好鐘意一種人，就係一Ｄ無料，但係積極想擔當領袖的人；點解咁講？因為今日我地果組人，有好多講野同諗野都好唔錯，本來大把機會發揮，但偏偏被一個講野無邏輯，又唔肯接受批判的人，抹殺意見，最慘係佢死都要做果個Discuss的領導人……例如我係咁好客氣咁同佢講：「喂喂，名聲地位呢兩樣野，好似唔應該放入物質的範圍喎，因為名聲地位係抽象事物，而即使有好名聲同地位，都唔代表有錢，有物質ｇａ……洪七公就係典型例子啦，係咪？」哇，頂！我咁客氣，咁詳細咁講，佢竟然可以當無聽過……

不過我雖然思路比較清晰，但係口語表達能力仍然不足（在我心目中是極差！），今日我都講得唔好，我絕對知道呢個係我一個大缺點，所以我而家已經傾力改善中。

４點半先完，之後去圖書館試下搵下碟睇，哇，正！！我竟然搵到12 Angry Men DVD…頂，翻到HALL睇唔倒……點解會咁ｇａ＞＜

跟住食飯，照例睇Friends，由於已經由第一輯第一集睇到第十輯第八集（花左五個月），而第十輯第九集重未有得睇（美國未播），所以唯有……再由第一輯第一集睇起……一樣令我笑出聲……我真係中曬毒……都好，個副作用係聆聽力大增：Ｐ（我唔係為學英文而睇的…）

跟住，同Gene在ICQ傾左成粒鐘，原來佢間中學有機會停辦…好替佢難過：（

之後原本打算沖涼，點知阿珊打來叫我做野，要我打電話去確實同學係咪會出席行山活動……打到比Becky，竟然好自然咁同佢傾左一陣；我一向無乜機會同佢傾計，不過我一直覺得我同佢會幾o岩傾：）

打曬我果份電話啦，文聰、衰龜、青鬼又三拉打來，今日真係好多電話……無左Arthur個固網電話，用多好多手機…佢地約我聽日夜晚十點半去觀塘富林打邊爐，當然去啦！

真係好多電話，喬志又想搵我傾計，我亦係來者不拒地，用hall走廊的電話同佢傾左成粒幾鐘，大家都傾得好痛快，好開心。

To Opal : 估唔到妳有睇我個日記喎～～得閒多D留個字比我啦

>>January 2, 2004 at 5:46:49 PM GMT+8

2003 年 12 月 31 日 星期三 【晴】

昨日係上年的十二月三十一日，早上十一點半去到觀塘地站，同小紅去搞盪金File。奇怪的係Jess又會跟埋來，一見倒佢，我就覺得佢就算去到三十歲，D性格都唔會點樣變，哈哈哈！！

去到觀塘工業中心三期，搵倒間公司，然後同個老闆講價，最後個收費令我地非常滿意；不過漢記同學會新主席小強比我地Logo好模糊，所以個老闆要我地拎個一個清晰Logo樣版先可以開工。咁我唯有後日再來過啦：（打翻比小強，佢把心一橫，決定重新設計一個新logo，實在太好啦！之後我地小紅，Jess去左觀塘中心食車仔面，都幾好食。

食完之後，我行左一陣商場，然後就坐地鐵，轉九鐵，兩點去到大浦。因為我同Gene，阿珊，Viola，添全（添叔），Brian去大浦踏單車。

搵倒間租單車的鋪頭，班友拎左我張學生證去抵押，然後每日租一架單車，都算平，45蚊一個人，可以由兩點半踏到七點鐘。於是我地開始玩，一直踏，由大浦踏到去沙田，途中見倒一幅Gene的畫作，見倒一個好靚的海境。去到沙田，我地買左白糖棉花糖、冰糖壼「佬」……食得好開心︿︿

之後又由沙田踏回大浦，呢段回程大家都好辛苦，因為已經好累……終於我地準時七點還車，總共踏左四個半鐘單車。

呢次踏單車，以我最為突出，被榮封「抄車王」一號。果日，我除左一次360度翻車之外，重有十數次撞車經驗，不過只受輕傷，嘿嘿～

之後，我地行到大浦的吉之島食野，我叫左個Q版吉之島拉面……頂，真係好Q版，幾乎唔夠食，而死BrIan就叫左個珍寶版，份量足足我份的兩倍＞＜，激死我！大家都係食面或者粉，但阿添叔唔食就走人，因為佢要同家人食飯，可惜可惜～～

食完之後，我提意去睇戲。於是我地坐九鐵去沙田個新城市廣場，不過Viola中途走人，咁我地唯有講句「下年見啦」：P

得翻我，Brian，Gene，珊四個人，不過一樣好開心。原本打算睇魔戒3，不過衰Gene無睇過第一、二集，所以唔睇得。最後決定睇11點半果場「鬼咁多大屋」，套戲好好笑！最正係果四個會唱歌的頭像＞。＜

睇完，已經係2004年1月1日，呢個除左係新年之外，原來重係Brian的生日！

我地都重未願走，搵左個空地坐底吹水……吹到五點半，然後我同珊翻hall，Gene同Brian翻屋企。

翻到hall，係早上六點鐘，個天重未光，即刻跳落張床…ZZzzZZZ………訓醒已經係下午三點……我好勁，無食早餐，無食午餐……下午六點先買飯食，一路食，一路睇「咪走雞」，不過套戲幾悶～

>>January 1, 2004 at 11:47:28 AM GMT+8

2003 年 12 月 29 日 星期一 【晴】

昨晚睇衰鬼上帝，原來真係好好睇，好好笑，而且重有Friends裡面的Rachel（即Jennifer Aniston）擔任女主角，點可以錯過？

今朝十點幾醒，上網睇下報紙先知原來悔鉏入左院，而且病情重惡化左…近年真係多明星出事，希望佢例外啦！

下午兩點鐘地知泉也要開會啦，一開就開到六點半，咁就無左半日＠＠，不過都幾開心。我同Raymond今日無啦啦多左個花名，叫「廁所小孖寶」，呵呵呵！

聽翻Kiki講，原來佢同Arthur下個sem都唔住hall。咁我咪即將會有個新roomate？！

原本聽日K K Wong請我地莊員食飯，不過我聽日上午約左小紅去觀塘，下午約左添全、Brain、Gene、Viola、Joanne去大浦玩單車，食晚飯……唔知會唔會玩倒數呢︿︿

翻到hall，食飯，睇X-men 2，套戲都OK，不過我鐘意套Spiderman多D。勁羡慕Raymond今晚可以睇魔戒三……

To Suki：咁都得？！！果隻tracy又話妳去左同咩中文部D人去玩？隻任姐又話因為墨魚唔得閒，所以陪屋企人過平安夜？！搞錯＞。＜～～搞到我一個人過平安夜～～～～拿拿拿，下次過年有野玩，一定要叫我～～（反之亦然啦！）

>>December 30, 2003 at 2:12:44 PM GMT+8

2003 年 12 月 28 日 星期日 【晴】

昨夜睇「大丈夫」vcd，睇到淩晨3點半，套戲好搞笑，係講男人去滾。曾志偉成日扮無間道…「師父話，我呢條命叫做…唔賭唔知時運到，唔滾唔知身體好」、「係呢十四個鐘頭，你係留係屋企O也蕉，定係出街比蕉人地o也丫？……條路點行，係由你地自己決定GA」，加上D音樂都有d無間道的FEEL，好店！

跟住沖涼沖到四點，訓覺……然後八點半起身，然後梳洗食早餐，然後九點十五分到九龍塘地站，竟然遇到曹老師翻BU，佢重唔小心透露左D野比我聽，搞到我鬼咁開心，呵呵呵！

十點鐘去到筲箕灣地站集合，因為今日我地地知泉莊員去行山。見倒班莊員，個個都話我頭飛起曬。我後來睇翻，個造型其實幾好，哈哈！

行山之前好眼訓，鬼咩，訓得果幾個鐘。不過raymond都唔好得過我好多。講時講，我今日先知我同raymond咁好傾，哈哈！

十一點幾開始行，行到差唔多三點完…但我竟然唔知死，重要去灣仔買漫畫，買mircophone……其實真係好辛苦＞。＜，不過總算買倒：魔法老師第三期！YEAH！

一翻到HALL，重未肯訓，要睇埋本漫畫先，然後終於係5點幾鐘訓著，訓到8點半，先至去買飯食。

>>December 29, 2003 at 3:17:23 PM GMT+8

2003 年 12 月 27 日 星期六 【晴】

今日朝早去補習，然後返hall住。

在家中，唔知點解，時間好難把握…做乜野都無動力，日日都係訓覺，睇漫畫，睇碟……但為左呢一個月可以脫胎換骨，我決定翻hall清修。

點解叫清修？因為成個hall得翻好少人住，個個都翻曬屋企，加上放緊聖誕，無人會翻學。Hall變得好寧靜。

呢一個月，我最大的目標係要令自己的廣東話變得清晰、準確、流暢；同時亦要根除美式英語R音的失控（即係有時個字無R，但發出R音，但因為自己始終鐘意美國英語，所以堅持要練好美國發音）。

咁當然，除左語音訓練之外，我重可以好悠閒咁睇下書。

講翻正題，今日翻hall房，竟然見倒arthur係度訓覺，估唔到佢重未走…不過稍後佢都走左。我都訓個午覺（今朝早起），訓醒要幫漢華大專同學會打電話去文具印刷公司，問有關印製燙金file的事宜。最後的方案係，本月31日同小紅去觀塘工業中心訂製。

食完飯，落去hall個健身室減下肥……一個考試期令我肥了太多，要「修正」！：p

>>December 28, 2003 at 11:32:35 AM GMT+8

2003 年 12 月 25 日 星期四 【晴】

今日成日係屋企，無去街，勁睇漫畫。

夜晚開始睇《香港概論》和《香港左派鬥爭史》，好有趣！

卓SIR同我地講過果單野，漢華被港英政府列入黑名單，同埋以防火條例來大玩政治遊戲，《香港左派鬥爭史》都有講到，重解釋左點解會係漢華，同埋漢華點樣應付……身為漢華人一份子，睇得好投入。

今晚，我終於睇倒《大逃殺2》啦！

P。S。唔該曬地知泉的莊員Emily幫忙！

>>December 26, 2003 at 3:08:31 PM GMT+8

2003 年 12 月 24 日 星期三 【晴】

今日青韋來左我屋企玩，吹下水，睇下碟，咁就一日啦。

>>December 25, 2003 at 2:16:24 PM GMT+8

2003 年 12 月 23 日 星期二 【晴】

今年的平安夜真係好平安……

樹仁同學果面，因為一隻衰龜唔得閒，搞到我地樹仁四人幫無得團聚，無得食飯，無得睇魔介3…

漢華同學果面，因為一條墨魚唔得閒，搞到「任組阿茂團」組成唔倒，又無得去玩；又因為一個衰Suki去左同自己班新同學玩，搞到我同tracy果個「瀑布灣BBQ計劃」因人數問題而告吹…

至於浸會同學果面，因為昨日已經搞左聖誕party，而且已經約左31日去踏單車，所以我無再約人……

結果，今個平安夜，只能夠係屋企電話吹水，上網玩ICQ，遊碟……真係好平安……

>>December 25, 2003 at 2:25:51 PM GMT+8