2004 年 2 月 9 日 星期一 【晴】

真的如我所料，我個腦重生之日，必然有約干進步：批判思維能力及求知欲有了頗驚人的增長。不過不願再詳談。

上完globalization，又要開會，七點開到近十一點。然後Opal又「動議」為聽日個新莊會議開「神秘會議」，傾傾下，打下字，又成個鐘……

我好眼訓。

PS 「型佳計劃」（健身計劃）積極進行中：D

－－－
「俊佳的寫思」：無書

我對社會科學的態度，是盡信書不如無書……反正所謂專家的觀點，一點都不可靠，特別是社會科學的領域。今天上的globalization一課（與李思明教授無關），證實我是正確的。

>>February 10, 2004 at 4:51:13 PM GMT+8

2004 年 2 月 8 日 星期日 【晴】

為左買一本書，專堂放學走去銅鑼灣商務碰下運氣，不過都係買唔倒。但係買左90蚊一套四本大特價的哲學書（輕鬆的簿書，非磚頭書），好正！

順便翻埋屋企，Have左個Haircut，醒曬。

心知明天開始，無日安寧（忙），今晚「怒整」（怒者，Opal口頭之蟬也）聯地網站，接近完工。訓覺。

www.hkjsga.org 聯校地理學會正式網站！

>>February 9, 2004 at 5:31:46 PM GMT+8

2004 年 2 月 7 日 星期六 【晴】

昨晚又睇戲睇到好夜，四點先訓。今次睇狂野極速，非常不錯。我發現深夜一個人睇戲最有MOOD，最有FEEL。可能同心理時鍾有關。還有一個人睇戲，我可以毫不保留咁表露情感。

－－－
「俊佳的寫思」：劍宗與氣宗

思方是劍，
哲道是氣，
練劍疏練氣，
殘人再殘己。

應該怎樣做？

以氣御劍。

應該怎樣做？

以劍導氣。

>>February 8, 2004 at 5:50:54 PM GMT+8

2004 年 2 月 6 日 星期五 【晴】

今日勁忙…七點半起身沖涼，食早餐，由屋企坐車再轉地鐵翻BU開會，先開聯地活動小組會議，然後再開聯地幹事會會議，10點搞到4點……

不過有一件事幾開心，就係識倒兩個好cute的師妹，呵呵～～！！

精疲力竭，回巢（HALL）訓覺，訓到七點半，去食飯，食完又訓過……訓訓下，雅強打來追數，原來我未過數比佢…＠＠

比佢整醒左，訓唔翻，睇下書。

呵呵，繼李天命著作之後，又有一教我沉迷作列：dummies系列！一系列用幽默英文寫成的工具書，簡直係極品！

幽默是我的性格、我的人生觀。（這是本性如此，非受李sir影響）

－－－
「俊佳的寫思」：沉迷

最近有位朋友同我講，話我係唔同時間就會（極之）沉迷係某一D事度。聽完佢咁講，我回憶一下……果然如此！

中一：

沉迷CoCo漫畫周刊，以及本書教的四驅車改裝方法。我D車唔係用來跑，只係用來睇。在我手上的四驅車無一部係原來的樣子，我會用手鑽、美工刀、噴油、鐵網，將佢完全變身。總之用左好多錢同時間，同埋成日整損手……

中二：

迷上EVA，我認為差D搞到我要睇心理醫生……（好險）

迷上電腦，為左學用電腦中文game（果時連window係乜都唔知），日日係學校圖書館睇電腦書，一睇睇左三個月（果時身邊無乜人識電腦，無人問，要靠自己）；每星期睇三、四份電腦雜誌同埋一兩本PC game雜誌（我記得係：PC Users, Pc Market , Pc Weekly , Pc Home , Hyper Pc Players , Pc Games...)，通常每本睇兩次（汗）。

中三、中四：

迷上onlinegame Ultima Online，日玩夜玩，成績大降（話之佢）。為左隻GAME學寫網頁，問阿sir，借書睇，跟住狂整（addicted），最後總共整左……都有十幾個，不過得幾個會放上網比人睇。（呵呵，有一個網頁令我賺左二百幾蚊美金廣告費︿︿）

中六：

因為極之憎恨歷史科同個歷史科老師，所以唔忿氣，狂睇歷史書……起麻睇左廿本磚頭書……不過讀得唔通，而且無人教我答案技巧，所以都考得唔好。

（想講好耐，點解我一睇李天命D書，就迷上，就係因為呢個時期所導致。因為我當時睇的書，係一D扮高深，但內容空洞；又或者翻譯奇差，無一頁睇得明，；偽專型式主義的文章；又或者成本書都係「無認知意義的」句子……果時睇唔明，以為自己屎。所以我一接觸「語理分析」，以前所有的問題都解開，而且唔會再怕D扮高深作品！你話點會唔迷上李天命丫）

（AL時，我個仆街歷史老師印過一本所謂一次世界大戰史（又係磚頭書），係一本翻譯本，我當時話睇唔明，而佢就串我「咁淺都睇唔明？！」，我而家睇翻，用語理分析「拆解」，FUCK！本書根本就「語害」處處，個作者自己都未必知自己寫乜（亦可能係翻譯問題），個仆街阿SIR竟然話睇得明！）

中七：

沉迷英語，特別係會話部份（原因係自己英文差，而會話部份就更差）；當時我的「所作所為」亦被同學一度認定為「短路」……過程不提也罷。不過我D口語真係比以前好左好多。（From the worst to okay）

暑假至大學一年級：

王小平（「成才方略指導」），李天命（「成才及成人方法指導」）及Friends （TV show）。

總括一句：我係果D一沉迷就好火熱，但唔會永遠迷在一件事上。（做唔倒專業發熱友）

>>February 7, 2004 at 3:55:24 PM GMT+8

2004 年 2 月 5 日 星期四 【晴】

昨晚三點先訓，但係八點又要起身上PE，今日終於可以玩耐一陣D FITNESS器材，我博曬命玩，搞到上電腦lab時手軟腳軟，手指都震埋＠＠

上完電腦有三個鍾空堂，今日特別清閒，特別係見倒班同學趕paper，而我就昨晚做好曬，可以翻hall午睡，哈哈哈！！

睡左粒幾鍾，又要翻去上Cartography，不過我幫人同幫自己買的marKers竟然全部買錯Water solutable……發雞盲……放學，同BRAIN、阿恒去換貨。好在有單，唔係都無得換……

買左一本書……原來dummies系列係咁好睇，咁好笑＞。＜！！

今日個腦好翻少少，但重係有D唔妥＠＠

>>February 6, 2004 at 1:48:57 PM GMT+8

2004 年 2 月 4 日 星期三 【晴】

昨日唔得閒寫日記，放學翻hall，一食完飯就訓。晚上十點起身開始做Cartography功課，要睇好多資料，而且中間又加入「睇friends」休息時間，搞到早上三點先起好大網。

昨日頭腦已經開始變得遲頓，可能原因係用腦過度。今日情況更甚，轉數大減。呢種情況，我每年至少經歷一次。通常對我個腦要做一D新挑戰，個腦好快就會消耗過度而「當機」。

第一次出現的情況係中四。面對一條難度不高的pascal，竟然想了一堂都想唔通，就算連阿SIR教埋我點做，都係唔識解；但過左一個星期之後，個腦就好生猛，乜野題目都好快就明。

最嚴重的一次，係中六。由於剛剛接獨預科世史，難度大增，加上個阿SIR係一個仆街，唔肯教人，又唔比筆記，要我睇「磚頭書」。果個月，我個腦至少當機三次。中七亦有試過。

今次算係升上大學的第一次。不過令我當機的唔係學科，而係阿李sirD思考方法。由於上個星期發現自己真正掌屋倒李sirD思方學（重看佢D書，再聽好多佢D講座的成果），個腦太興奮，成個星期成日想找人辯論，或者無人就自己不斷思考各種問題，總之個腦好似食左興奮劑咁（我懷疑我D失眼都係呢個原因）。

近日個腦開始越來越慢，反應遲頓，但係失眠好左，唔止好左，重患上昏睡症，日日訓成十幾個鍾都唔夠……

不過，嘿嘿，我一D都唔擔心，因為呢D情況以前試過幾次，同樣的結果係，只要個腦休息完（通常三日），就會好似重生咁，而且頭腦會比以前有約干進步。唔知今次係咪咁呢？

（「俊佳的寫思」唔係為寫而寫的，如果無idea就唔會逼自己寫：D）

>>February 5, 2004 at 4:23:40 PM GMT+8

2004 年 2 月 2 日 星期一 【晴】

三晚失眼，每晚訓得唔夠四個鍾。昨晚又成三點幾先訓得著，但係今朝七點半就要起身。勁有走堂的衝動，但Cartography呢科我重未知個whole picture，所以唔敢走。

去到課室，就有位仁兄比左個壞消息比我（地）。兩堂Cartography我幾乎一睡不醒，神奇的是，我又聽得倒及記得倒Dr.Zhoi講左D咩。上完之後又要上YY，下次終於訓著左。

然後同阿恒、Brain、添爺、馬輝、Roy食lunch，吹水。

食完即刻返HALL訓覺，今次真係一睡不醒，連續訓左四個鍾。起身已經四點八，呵，人地globalization已經上緊堂啦。我又走兩堂。再訓多一陣。然後沖涼，買飯，開會。

開會開到十點左右，各自歸位。

－－－
To Opal個Friend Lam Queen：

呵呵！好高興認識你！我其實無用語理分析針對「竟然」一詞，唔好誤會～～其實我同你想法一置先真，我一見倒個「竟然」就覺得好有趣，因為有人識欣賞李天命「竟然」係一件「竟然的事」（即係話「竟然」咁多人唔識貨）；因為感得好玩，於是用你的句法作一個，「我的朋友中竟然有人係阿Q個老鄉，阿P」，Q之前係P，阿P係阿Q的老鄉；阿P係指Opal啦，因為佢就快做我地地理學會的「阿P」啦：D，呵呵呵！

至於果個R論（個名係亂改），係一晚訓唔著無啦啦想出來的，被你一提，我先想起佢同塑膠玩具槍或基點哲學有關，呵呵，我可能真係內化左呢D概念，用左都唔知～～至於，新R是否只是一個模型，就見仁見智啦：D

AGAIN，好榮幸認識你！（我都係第一次係個日記度為左回覆人，而打咁多字）

等我地一齊熱切期待《哲道行者》出版！

>>February 3, 2004 at 3:06:59 PM GMT+8

2004 年 2 月 1 日 星期日 【晴】

好死慘，失眠…五點先訓著，九點鍾起身趕去上PE

然後去圖書館借書睇，同brain、馬輝食飯。今日hall can出左款「酸辣米線」，有大中小辣可選。我唔係咁食得辣，所以選小辣，而brian就食中辣……點知最後比錯左brain果碗中辣我，辣到我想死！食一啖都要分開十幾秒先食倒下一啖＠＠ 要知道，中辣起麻比小辣勁一倍（甚至更多），所以死brain就食得鬼咁滋味，而我就食得鬼咁痛苦……

食完已經十二點半，火速翻hall訓翻四個字，然後起身沖涼……頂！個沖涼房去水位塞左！我，差D沖涼沖倒變水浸！

好眼訓，好有走堂的衝動……但今日電腦教EXCEL，我怕自己唔識。（個個知道我唔識excel都覺得奇怪，因為我識倉頡，我識frontpage，識砌電腦，但就係唔識excel。因為我學野永遠都係要用先學，以前唔需要用EXCEL所以懶學；而學倉頡係為左搵工；中二時學frontpage係為左整onlinegame的公會網頁，招收會員，自己就做大佬。）

好彩原來今日只係教EXCEL最基礎的FUNCTION……

上完電腦堂，去陳SIR到拎翻D問卷……點知原來阿添爺唔記得send比陳sir……為怕扣分（我今日先知係計分，重佔十分咁多…），於是我地大拍陳sir馬屁，然後即刻印份硬本比佢。

火速翻hall，等同Opal、阿珊開一個非正式會議。一傾就傾到七點幾鍾，都算傾得有D成果啦，呵呵呵！

－－－
「俊佳的寫思」：R論

昨晚又訓唔著，無啦啦問左自己一個問題：如果我再有女朋友（姑且稱之為R），但佢死左，有人將佢死前一剎那的一切複製左一份，然後造出一個複製人，呢個複製人與R是完全一樣的，包括R的外形、記憶、對我的感情等等…

呢個時候，究竟複製人R和R對我而言，有甚麼分別？我的答案是，無論新的R與R怎樣一致，她也絕不能取代R；因為R只有一個，有唯一性、獨一性、不可取替性（無意濫用XX性的偽專術語，而是有切實的需要）。

R死去，我最想要回的是原來的R。

但這並不表示我不接受新R，而且我甚至頗為肯定會地會與新R交往，原因有二：一、出於對R的情或出於補償心理；二、新R是獨立的個體，本質上與R無關係，故與之交往可算是再覓新情人（與移情別戀不同）；加上，這位新情人具備幾乎一切R的特徵，R～R'，這些特徵大部份當然是我喜歡的特徵（否則也不會與舊R拍施）；所以我頗肯定會與新R交往。

不過，總之無論新R與舊R如何相通，我的舊R也是不能取代，因為她，在宇宙中是唯一的。

>>February 2, 2004 at 3:00:07 PM GMT+8

2004 年 1 月 30 日 星期五 【晴】

昨晚兩點鍾，唔想訓，睇左《地心浩劫》（The Core），超正呀！！劇情與天煞地球反擊戰相似，但正得多！對地球內部結構有了解的地理人，會有極大共鳴！一方面了解到磁場是由外地核高速流動所致，及磁場對地球的重要性；另一方面，體會到大陽射線、 太陽風暴的破壞力……

套戲幾乎無冷場，一開場即入戲肉！外地核流動減漫，磁場減弱，候鳥亂飛；三個月後，所以電子儀器失靈，全球多處出現極光及靜電風暴，部份太陽微波進入地球；一年後，地球變成火球！！！

人類最後的自救方案是，以unobtainium元素（其實沒呢樣野）鑽入地心，在外地核發放多枚核彈。

係咪好精采呢？身為地理人，點可以唔睇？我睇完，興奮到今朝六點半先訓得著！

－－－
「俊佳的寫思」：《思‧生．死》

智劍 銳利的思考 是活人劍 是殺人劍
天琴 真實的人生 演奏生曲 演奏死曲

（反省中。要做一個光華內斂的劍客。沒有合適的場合與對手，絕不拔出殺人劍。）

>>January 31, 2004 at 6:37:02 PM GMT+8

2004 年 1 月 29 日 星期四 【晴】

《諷詩－磯諷‧諷基》

其一：
神經在手掛十字
十字高掛讀神經

其二：
神經教人去愛人
我代天神愛世人

其三：
諗經原來不練經
一堆經文當精兵

其四：
一口愛人一屁放
倒掛十字高高降

注：諷刺宇宙中，講一套做一套的基督教部份污血成員。靈感來自宇宙中成員之一。

－－－
「俊佳的寫思」：《虛虛的榮虛虛的心》

虛榮心膨脹
教人墮入迷谷
看不見
快樂的事
也看不見
美麗的星

>>January 30, 2004 at 2:50:58 PM GMT+8