2004 年 5 月 26 日 星期三 【晴】

趣事一：藝術性？

今日同我地聯地的主席Miranda去大會堂book場，點知大會堂D人話我地唔係藝術性活動，要六月先可以book，除非我地的活動係藝術性，而非學術性。

跟住我就問佢有無D咩準則，點界定佢係咪藝術性（呢條問題的答案好難一概而論，我其實擺比玩佢）；根住佢就話總之你地報左名，又有詳細介紹，然後比我地個主任過目，由佢決定係咪藝術性。

我心諗，要將一種東西扮成「藝術」（偽藝術／無腦藝術），李天命早就教左我唔少：於是我打算玩野，將展板視為「裝置藝術」、遊戲counter的工作人員與參加者的「相互關係」視為「行為藝術」和「二元空間主客分裂關係」；我地今年的主題係香港的地標，咁我又可以玩野：「後現代香港地標大描述與小解構」……再玩盡d，可以將呢個沒有藝術性的學術性活動，視為「超越現代藝術性準則規限之後現代反傳統（即沒有藝術性）另顃藝術」……

不過阿mi唔比我玩……嘿嘿～～不過我地真係打算將呢個活動包裝成藝術性活動，希望可以早d book場～～

趣事二：聯地唔見左注冊證書？

昨日得知，上屆某聯地幹事（當然唔係arthur）竟然整唔見我地聯地的社團注冊證書……都唔知有無搞錯……於是我同阿mi搞店book場d野之後，就去左警局報失，然後寄去有關部門，要求再發證書。

趣事三：Anthony Robbins！
一句「Personal power is the ability to act , to take action and produce results！」令我改掉很多壞習慣（多年惡習），身心健康，全身充滿力量。Tony，你不愧為世界成功學大師之首！

－－－－－－
Viola：我就比左錢啦，佢可能唔記得收妳錢～～算啦！嘿嘿！

暉暉：感動！！！錫淡先！！＞。＜

>>May 27, 2004 at 1:12:57 PM GMT+8

2004 年 5 月 20 日 星期四 【晴】

晚上八點去左油麻地同聯地的同事，食火渦加開會。
食左三個半鍾，滿滿足足離開。

今晚確定左一個事，解了我一個困擾我良久的結。

我本來唔會有呢個疑問，但自然升上大學之後，我經常有這個疑問：「我是否一個過份內向，唔識交際的人？」

上左莊之後就更經常被這個疑問困擾，無論開會、做野、去理玩，我都好似好被動咁，又唔活躍。我為此而擔心好一段日子。

令我更困惑的是，我係浸會以外的圈子內，又往往係一個非常活躍份子，例如聯地，校友會，中學時代的好朋友……

今晚的火渦會議，我真係好開心，我知道好多聯地幹事已經成為左好朋友，佢地鍾意我，我又鍾意佢地。

我感得我在大學「摺」未必完全係我的問題，只係只我同ｄ同學，及（頗）大部份莊員性格唔配合（唔係衝突，只係唔match），我根本唔需要為此事而緊張，只要率性而為，忠於自己，顧及他人便已經很好，根本無必要勉強自己或他人一定要使「你我成知己」。（再次重申，我係同部份ＢＵ莊員性格唔match，唔阻得我地唔能夠成為一般或一般以上的朋友。不過今後我會較自然、輕鬆咁對待呢個問題）

因此，我體會到，點解素來人緣尚佳，性格又好的Natalie，點解去到理工會咁灰……因為佢不幸地遇到一班（或一大班）性格不合的同學，所以搞到好似（好似）無乜理工朋友咁。

今後我有了一個高級一點的問題：「如何令得與自己性格不合的同學，快樂共事」：）

－－－
Queen：係喎！計少野寒武紀：）我之前去圖書館借過來睇，後來發玩網上有完整版本，所以無買到，但我成日會上網欣賞一翻。李生的詩都影響我好深，我最鍾意唔係佢帶有哲理的詩，而係一Ｄ未必有思想成份，但意象奇妙的詩（純綷藝術），簡直靚得出奇！有好多自首都令我困難呼吸（非誇張修辭），其中《連環念》 係我最愛！『渾然天成，意象高遠』之作！


《連環念》


蔦蘿將女兒嫁給原野

原野將血液輸給河流

河流將命運押給湖海

湖海將擁抱送給沉舟


沉舟把思念寄給寡婦

寡婦把幽怨遺給高樓

高樓把青春賣給風雨

風雨把故人許給深秋


深秋將木葉還給大地

大地將仰望獻給太陽

太陽把餘輝交給峻嶺

峻嶺把暮色推給荒林

荒李將晚菊開給過客

過客把清芬攜到遠方

荒林將夜幕剪給過客

過客把星月帶到裹方


遠方向我展示戈壁的浩瀚

我在浩瀚戈壁上發現江南

>>May 21, 2004 at 6:07:14 PM GMT+8

2004 年 5 月 19 日 星期三 【晴】

今日搬HALL好順利，一D都唔辛苦。
但係一翻到HALL房，就見倒同房Jerry訓係我張床度，而佢自己張床就被一個女性同學訓住……男女同房？！

真係應左OPAL果句，唔翻HALL，個HALL就會被SUCCESSION＠＠

最辛苦係執屋企間房，執左一日都未執好，實在太多漫畫同書……

哈哈，我D李天命系列，第一次聚首一堂（平時總係分佈兩地）；其實我已經有齊曬李生的所以已出版的書及CD（共5本書，14套cd）

－－－
Opal：好在妳無同我爭外秘，如果唔係，我可能做左總務，而家重可能做埋阿P，到時，今屆的地理學會必定毀係我手～～～hehehe

死Raymond：能者多勞，呵呵，有人讚緊自己喎，上三年莊的人～～～︿︿

>>May 20, 2004 at 6:21:30 PM GMT+8

2004 年 5 月 18 日 星期二 【晴】

考完試將會更忙…

單係呢個星期就要開三次會；搬HALL；執屋；學廣東話發音（語文中心）；搞聯地CAMP；客串聯地DAY CAMP；搞聯地嘉年華；搞OCAMP；學普通話；有錢就參加埋卡內基班；重有一大埋閒書等住我睇（前幾日又買左五百幾蚊書）

充實／忙碌／繁鎖／痛苦？


今日得見OPAL左眼，陰公洛＠＠希望佢快D好翻啦！

>>May 19, 2004 at 5:51:10 PM GMT+8

2004 年 5 月 17 日 星期一 【晴】

《姓梁，名狂妄，字改之》



願一時，東邪，藥師，似南僧，慈愛恩德
望一刻，西狂，改之，如北俠，沉厚穩實

－－－
Moses：諗左好耐先醒起king即係你mo競，哈哈！ER我一集都未睇過呀，真係咁正？！

>>May 18, 2004 at 10:28:51 AM GMT+8

2004 年 5 月 16 日 星期日 【晴】

剛剛睇完Friends的大結局，非常非常之唔捨得……

除左最後一輯的第十輯，其餘二百集，在這一年，我都睇過超過二次了。我很難想象，這一年若沒有Friends，我的生活會變得怎樣枯燥乏味。

Friends真的成為了我的好朋友。

Rachel、Phoebe、Monica、Chandler、Ross、Joey，多謝你們陪了我一年。日後我還會找你們玩的。

I'll be there for you when the rain starts to pour
I'll be there for you like I've been there before
I'll be there for you 'cause you're there for me too

－－－
Viola：聯地個CAMP係7月19、20日舉行：）

>>May 17, 2004 at 10:25:22 AM GMT+8

2004 年 5 月 13 日 星期四 【晴】

今日同阿媽去覆診（或者係阿媽陪我去覆診），雖然已經無事啦，但醫生話重有機會復發，要我下年二月去覆多次診，睇下使唔使做手術切扁桃線（咪玩啦……）。

然後去左銅鑼灣，想參加Dale Carnegie Training，但係實在太貴……9500蚊……除非我暑假有野做（莊務繁重，兼職之事，不予厚望），否則無可能參加…

然後又同阿媽去食tea…哈哈～～

翻到來，收倒英文老師Chicken Wing的mail：

At first I want to return your projects to you this week but then I had a second thought. I am going to keep them till next Monday/Tuesday so that I can have your work samples to show to the other teachers if I have to argue your case at the meeting. I cannot gaurantee whether I can get more "As" for you but I will try to make sure that it will be more equitable.

希望今次真係可以公平d啦……

其實老陳教得都算係咁GA啦，至少我英文真係進步左好多。學Brian話齍，雖然我地嚴好多，分數又低好多，但係我地或者學倒多D野。

－－－
Opal：E～～～搞到我心痕痕想睇添＞。＜
我昨日見倒一個好靚的叮噹紙板鍾，又平又正，想送個比妳，當係thx妳的幫忙同關照，但阿媽話：「送鍾，送終；唔知人地屋企會唔會迷信ga喎」……咁問定妳先，any chance妳屋企人迷信；或妳已經有呢個紙板鍾？

Lily：多謝多謝！遲到我都一樣咁開心︿︿
我19號先考完試。我都好掛住妳同埋班同學仔呀！睇下我地除左「墨魚團」之外，重有無機會見面啦，哈哈～～～
我又不至於「同死神搏鬥」，不過真係好痛o者；妳之前都患左牙痛啦，大家一樣慘：）

>>May 14, 2004 at 10:29:24 AM GMT+8

2004 年 5 月 12 日 星期三 【晴】

古龍有語：最安全的地方，是最危險的地方。

對我來說：最容易的試卷，是最低分的試卷。

－－－
Suki：我好翻曬啦，嘿嘿！

>>May 13, 2004 at 6:03:48 PM GMT+8

2004 年 5 月 11 日 星期二 【晴】

經過呢幾日「高強度理性」的溫習，今日終於頂唔順，唔想再溫書，要搞D感性的娛樂享受一下。（注：理性與感性不是相立的東西；一個人沒有感性並不等如擁有理性；反之亦然）(注二：感性不是甚麼高級東西，而是必需品）

通常，我的所謂「感性的娛樂」主要不外乎三類：睇書、聽音樂、散步，所以去圖書館借左本散文睇，又借左幾隻pure music cd聽（不過都係昨日買的VOICE3最好聽），然後係華富村的四周行來行去，經過籃球場，想起了一件有趣的往事：

一年多前，在華富村的籃球場，我和阿南比試射罰球，並立下誓言：

我：「如果我十球入七球，我便入中大；否則便入浸大。」；

南：「如果我十球入七球，我便入科大；否則便入港大。」（沒打錯字）。


阿南起初連入四、五球，然後不斷射失，其時大呼：「唔係掛？！唔通真係要去Kong U？！」……「幸運地」，佢最後都入倒七球，真的去了科大讀生化。（佢唔想去港大，係因為如果佢入唔倒科大，就得翻一d港大較易入的pure science科目可以入）

我嘛，入了五球，真的去了浸大，不過絕不後悔。（至少係心目中，浸大地理點都正過港大地理）

－－－－－－
「俊佳的寫思」：我能否做得到？

今天散步，思海又浮出一個新意念：

「與朋友交，只計其長，不問其短」。

我希望可以做到：與交朋結友，少一點批評，多一點欣賞……

我能否做得到？

>>May 12, 2004 at 10:45:42 AM GMT+8

2004 年 5 月 10 日 星期一 【晴】

終於考完global，成個學期溫左半日書，都比我過倒關，開心死～～

考完，同阿Tim、Brian、Roy去百味閣食lunch，然後同Brian去左灣仔行三聯、商場。

買左古谷實新作《17青春遁走》。古谷實好野！

又買左隻cd，Voices 3，太好聽啦！

又見倒謀圖一雄套《14歲》，賣四百幾蚊，好貴無買到，但而家個心又好想買。Opal見字比d意見，《14歲》好唔好睇？︿︿

我間房就快SUCCESSION到climax level添＠＠

今日hea左一日，無溫書，翻睇成套笑傲江湖漫畫……痛快！！

>>May 11, 2004 at 6:14:08 PM GMT+8