2004 年 2 月 25 日 星期三 【晴】

今日心情好翻好多～～～

一係因為SEM2 第一個assignment膏峰期已經告一段落，英文repot做完啦，global PRSENT今日又做完啦，中文份論說文又已經寫好七成啦……一身鬆曬

二係今日當PRESENT完GLOBAL我一身鬆的時候（有勞阿澤、BECKY、EVA同限痕），見倒足球小將road to 2002出左第12期……哇！簡直係我死裡逃生後的恩賜；下午阿痕重話我知，魔法老師已經出左第四期，正！＞。＜

三係……我在責任問題上，找到了令我滿意的出路。「要做個盡責的人」，這個句子別人對我講過，我對自己講過，但力量太少，不足以震撼我的心靈；今天，我找到一個更有力量的短語，在「天下大勢，宇宙公民」演講中的關健詞語：「洽如其分」。我暫未能解釋這四個字妙在何處，但我的心靈得到了震盪。可能因為「要做個盡責的人」只是一個價值判斷，但郤沒有為甚麼要這樣做的理由……而「洽如其分」四個字，正能成為我要盡責的理由，甚至是怎樣活下去的方向。

－－－
「俊佳的寫思」：線條與空間

昨日的黃霑講座，佢要我地將一幅畫像倒轉，然後在紙上畫一幅相同的畫像。我沒有學過畫畫，但我下筆後數十妙，我竟然係咁係度笑，個心興奮到不停亂跳，越畫越開心，想不到線條與空間能為我帶來如此大的心靈震撼！

完成品當然不太好，但我滿足得要命。

哲學與藝術，應該會是我生命的歸宿。

>>February 26, 2004 at 5:37:03 PM GMT+8

2004 年 2 月 22 日 星期日 【晴】

很多問題我會用幽默化解，因為退一步可以海闊天空：但這是後天的性格。
捍烈精神才是我的本性：士可殺，不可辱。

>>February 23, 2004 at 4:33:16 PM GMT+8

2004 年 2 月 22 日 星期日 【晴】

又是辛勞的一天。

八點半鍾起身，九點鍾從hall出發去補習，補左三個鍾，一點半極速飛翻BU，開兩點的聯地會議，四點散會……好累呀～～

無食過lunch，好肚餓，去hall can食tea。超正！10蚊有咖啡牛腩撈出前一丁，送野飲，重要好大碟。我拎曬hall一路睇friends一路食（睇friends食野仍然係我住hall的最大享受），好好味，好好睇。

食完就訓覺，晚上7點半先醒，見個肚重飽，所以無食晚飯。然後就沖涼，洗衫，溫書（好耐無溫過，根本沒時間）。

添爺SEND左D trip相比我，我極度驚訝……點解我無乜點食野都重係咁肥ga……
原來係少做運動……鬼咩，HALL外就係開會、上課－＞坐坐坐
HALL內就趕功課，睇碟－＞又係坐坐坐……
點會瘦……

－－－
To Lam Queen：講起來，李生D走堂勁過我地好多倍，簡直係走堂宗師。

>>February 22, 2004 at 5:30:25 PM GMT+8

2004 年 2 月 20 日 星期五 【晴】

今日出trip（又）去大嶼山塘福。

為怕遲到（今次遲到非同小河），於是早早就出門，重早到半個鍾。死Opal同我講左兩次「你竟然咁準時？」。

8點45分東浦地站集合。去到目的地，聽完QM Zhoi吩咐，我地就開始做野。重做Leveing，後做Total station（一部值三十萬的機器…＠＠），幾好玩。QM Zhoi經常走過召集人提點我地，講野同影相又搞笑，我已經封佢為我偶像，心目中最佳教授（然後就係Pro Li；最憎冬根）；今日同倒佢單人合照，真係開心。

做完野，大約一點左右，我地就坐車走人。翻返東浦，我同阿Gene、阿痕、Eva、Brian、Voila、Roy、Becky、珊，Jennifer、Carman Leung、添爺（排名不分先後＠＠）一齊食飯。我地大部份都係食日本野。價錢牌寫住24蚊一個餐，有著校服者就只需14蚊。比少10蚊咁正，班同學又見我著住見BU PE衫，想叫我去問我買有無discount……結果當然係無啦……

食到一半，阿Roy又顯示「來去如風」本色，提早走人。

食完野，我提議去睇戲，但無人so我……咁唯有翻歸啦……

終於DOWNLOAD完魔戒3，有得睇（接近dvd畫質）～～yeah！但係我睇左半個鍾，就因為太眼訓而暫停。翻左兩個幾鍾，已經8點幾，然後再睇……睇到11點半……終於睇完魔戒三部曲！結尾果時見倒Forido同班朋友團聚，我開心到眼濕濕＞。＜

開ICQ，同Gene傾左一陣……原來佢今日去教人畫畫……佳佳拜服！

>>February 21, 2004 at 5:36:48 PM GMT+8

2004 年 2 月 19 日 星期四 【晴】

今日又忙一餐。

昨晚因為補習備課、諗globalization的present，做CARTO課，訓得幾個鐘。九點半去上PE，然後上電腦lab，跟住我地班新莊員一齊去尖嘴買suit……真係SHOOT！！由於我已經有西褲，只需買件外套，但個SALEs竟然話買一件外套貴過買一套（同款）？！搞錯呀？！乜野世界～～

到最後，我只買了一件shirt……然後，我同brain，阿Roy趕翻BU上catography……無時間食飯，我唯有又食雞尾包（不過真係又平又好食），＄3.5當食左早餐午餐，扺……

上完堂，本來要去補習，但maggie打來話眼訓，改到星期日先補……咁星期日我要一口氣補三個鐘（然後重要立即翻BU開會）。

補習不成都無得走，要翻去同阿痕、Tim Lo、eva、becky傾globalization d prsent，又傾左兩個鐘……好累呀＞＜殺左我啦～～～～聽日重要出trip，然後又有一份功課……

－－－
To Lam Queen：開始懷疑，鐘意李天命的人都係同一類人，哈哈哈！！

To Opal：210蚊？點來ga？

>>February 20, 2004 at 2:02:53 PM GMT+8

2004 年 2 月 18 日 星期三 【晴】

我開始有個江湖稱號：「遲到王」。我覺得叫我「缺課王」好D。因為我介意遲到，但唔介意無到，呵呵。

昨日，一罐特濃咖啡，搞我五點先訓，唯有走globalization的tutor……十二點起身沖涼，比toiletmate 死Andy鎖住我，即係佢去我間房拎我條洗手間鎖匙，然後將兩面的洗手間門反鎖。我就困係兩間房中間的廁所。好在我EQ好左，比著我以前，一腳踢爆佢地度門走人。不過好在佢只係困左我五分鐘，唔係我趕唔切上堂。（死andy，下次咪玩呀，殺左你ga ：D）

不過我都食唔切飯，食左兩個包就算啦。

今日英文present，比阿添爺D「特殊音效」玩死，哈哈哈～～阿蛇比我的評價同上次一樣，雖然流暢，但係講得太快，導致美音R有點失控（我平時講野都已經好快，而家加埋緊張，所以重快）；講起美國發音。QM Zhoi簡直係我的典範。

然後上兩堂中文，面包超人何老師依然好笑；D 唔知係咪太耐無用英文，佢竟然講左句唔合文法的英文：「Have you eat……」，不過佢都立即察覺，所以無講完成句。佢真係好得意。

我將中學同學的相片貼滿書桌上的板板，好WARM～～

>>February 19, 2004 at 11:45:19 AM GMT+8

2004 年 2 月 17 日 星期二 【晴】

休息了半天，心情好左好多～

多謝阿Gene關心︿︿

雖然12點半先上堂，但係我都訓得太晚，早餐加午餐只係食左個波蘿包就算。同eva、Jay坐埋同一部地鐵，不過出閘先遇到。

今日都幾忙，不過都慣曬啦（麻木）。12點半上英文，然後上到2點半上COMP，3點半再上YY，然後4點半同Tim Lo、阿痕、Becky、Eva傾present、5點半聽講座、7點半開會、11點散會……總之無停過……不過心情都係幾好。

>>February 18, 2004 at 4:46:12 PM GMT+8

2004 年 2 月 16 日 星期一 【晴】

呢幾日心情有D空虛，原來患左思鄉病。

我已經十幾日無翻屋企，雖然呢種事以前經常出現，但可以無左roomate的關係（不過有都未必好…），困係hall度十幾日，重要鬼死咁忙…趕report啦，搵料present啦，地知泉d會啦，新地理學會d會啦，聯地d會啦……我好辛苦喔。

因為知道如果今日唔翻屋企，可能半個月後先有機會翻…（因為今個星期五補習，星期六出TRIP，星期日再補習），然後下星期六、日去江門）。

為左今日能夠早D歸家，我嘔血地提早趕起份report，同阿痕搵好料，再走兩堂globalization，先能夠係六點半之前翻到家（六點半……班同學剛剛放學，呵呵）。

翻到屋企門口，睇翻個我以前成日去的藍球場……見倒班中學生鬥緊波，有d重同我玩過添……


……我好像現在才知道，原來我已經不是小孩子了……

這份失去童年的空虛感，必定會隨著我繼續長大而擴大。

我很害怕…很害怕…

晚上打電話比余sir，哇，個死野而家越賺越有境，三月重會係BU開會考講座，勁呀！
問過先知，原來Pro Li同城城十幾年前教過佢QM（哇！），KK，Larry同Owen都教過佢……呢班教授真係資歷深。

>>February 17, 2004 at 3:16:19 PM GMT+8

2004 年 2 月 13 日 星期五 【晴】

今日全日困係hall度趕功課，但今日個心好唔想做野，份report而家寫好一半……

有幾位好朋友祝我情人節快樂，但我感到奇怪。如果沒有情人，那「情人節快樂」是甚麼意思？是否等如說「祝你二月十四日快樂」，如果是，那不如祝我「全年快樂」算罷……（以上是悲涼的控訴…＞＜）

睇左無間道3加長版。人人都話佢好難明，唔好睇，但係我覺得至少正過第二集（可能係加長版的關係）。

本來聽日要去pre trip，但係要補習同趕功課，所以被逼唔去啦，SORRY啦各位聯地兄弟姐妹。

－－－
To Lam Queen：呵呵，果然英雄所見略同！我成日覺得，如果可以輕輕鬆鬆咁得到8，但要極度持續的辛勞先取得10，我寧願要前者，因為後者實在太無美感。

呢個觀點，我係以「邊際效應」和「80／20法則」作基礎，加上個人的經驗所得出的。

「讀書輕鬆一點，考試勝人一籌」！：P

不過偷懶唔係解乜都唔做，否則唔叫「偷」懶，而叫「擺明」懶，所以關鍵係在於「偷」得高明。

>>February 14, 2004 at 6:53:38 PM GMT+8

2004 年 2 月 12 日 星期四 【晴】

昨晚，我罕有地執房（HALL）、掃地、抹東西。搞左個幾鐘，終於完工。我個書桌變得好有格調，好有品味，呵呵～～

正當我享受滿足感之際，發現上網條線斷左……左check右check都上唔翻綱。甚至問toiletmate借LAN線試都唔得（以為條LAN線壞左）……最後連FORMAT都做埋……都係唔得……

最後發現…原來我掃地「掃親」部腦，張LAN咭接觸不良……早上5時，終於上翻網…白忙一場。

因為昨晚上唔到網，搞到幫唔倒手做excel圖，真係對唔住添爺、阿痕；至於慈禧Joanne就唔使啦：佢點受得起我道歉？哈哈哈！！！

因為唔夠訓，走左PE果堂（第二次啦，總共已無左六分）。起身已經10時10分，大吃一驚！即刻刷牙換衫，趕翻去上電腦lab。上完堂，新莊開會三粒鐘……不過我好無精神，唔多投入討論。

然後就上cartography，我畫果幅地圖，可以話係地理系最狂野之作，果份狂草之意（一字訣：亂），相信連阿Gene都學唔倒。唔知bension識唔識欣賞……

收翻上次份論文，都算高分（唔會造作話唔高，但唔係最高）。

我越來越肯定，只要自己進步的速度能夠維持，自己都會有翻D作為。至少，我開始覺得自己在眼界方面已經比起好多教過我的中學老師優勝。（＜－唔係驕儌，係自我肯定）

－－－
「俊佳的寫思」：體會到，自由之弔詭（Paradox of Freedom）

認識我的都人都會知道，我最愛無拘無束，自由自在。前日，黃霑問：「為甚麼你需要創意？」，我答：「我要利用創意去偷懶，我最怕被事物拘束，我要利用創意去找出一些方法，令我投入少，產出多。」黃霑似有同意。

不過昨晚我有了另一翻體會。因為我的偷懶，因為我要無拘無束，我的房間已變得一團糟。穿過的衣物隨處亂放，書桌被亂物盤據，連床子也被書本漫畫覆沒。我的自由呢？

這就是哲學家所說的自由之弔詭，對我想享受絕對自由時，最終我得不到半點自由。

於是，我下定決心要做一個有條理的人，不過理由如一：偷懶。因為只要有條理，做事自然事半功倍（至少我不再需要為了找一隻shock，而用上15分鐘），我有更多時間去風花雪月，盡情偷懶。

「懶惰但要好成果」是我的態度，也是我長久以來的進步動力。

>>February 13, 2004 at 11:19:07 AM GMT+8