2004 年 1 月 11 日 星期日 【晴】

今天的心情仍然波動，雖然外表沒甚麼分別，但心靈的確在起起伏伏。

下午四時十分，獨自散步的時候，忽然悟到了一點道理，身心頓時豁然開朗 ，彷彿在迷思中，找到一條通往幸福的路。

我未能用語言說得明白，因為有很多事物未能看透。不過，我還是肯定地知道一件事，我的幸福所在，不在金錢，不在學業，而是在我一直忽略的，「情」。

我要學習去愛人，學習怎樣去愛人，愛身邊每一個我珍惜的人。

心靈富足的人，最幸福。

---
P.S. 恭喜Opal獲得如斯佳績：）

---
P.S.2 「俊佳的思寫」：GPA篇

我的GPA是3.31。高分當然要高興，低分當然要失望。可是我現在既高興，又失望。失望它沒有預期高（因未達目標而失望），高興它還可算是一個高分（因知足而快樂）。

若我的GPA是3.8，而目標是4？失望它不是4，高興它是高分；還有，興奮自己是個聰明人。

若我的GPA是3.99，而目標是4？還有甚麼好失望，失望的人是有病的，終生不用想得到幸福。

若我的GPA是4，而目標是3.5？感謝自己的能力和運氣，還有反省何以低估自己。

若我的GPA是2.8，而目標是3以上？值得失望，不過不是失望自己，僅是失望分數。

若我的GPA是低於合格水平？先想想自己的合格水平是甚麼。是學校的合格水平，還是自己訂下的合格水平，還是同學們訂下的合格水平。

若我未盡力？恨恨的責備自己一次，不找藉口。強調「一次」，不要上癮（即不要過份自責）。

>>January 12, 2004 at 9:27:19 AM GMT+8

2004 年 1 月 10 日 星期六 【晴】

每逢寂夜獨處，心，總會隱隱作痛。
呼氣的時候，那份空虛的聲音，連自己也聽得到。

熱淚，當然是最滋潤的恩物，
但我總是釀造不到。

我擁有學業、友情、家庭…

不過貪得無厭的我，在心中叫喚：
誓要在迷霧中，找到神秘的「她」。

－－－
注：女主角並未登場，切忌胡亂猜度我人的心思。

>>January 11, 2004 at 11:35:44 AM GMT+8

2004 年 1 月 9 日 星期五 【晴】

好高興，今日我的新同房用ICQ搵我，重打電話比我，佢叫逸軒：），中研歷史系一年級。雖然未見面，我已覺得佢係一個好活躍、好聰明而且好好玩的人。我相信逸軒會係一個好同房，好朋友。

「以前，我住hall，是住在hall，而已。」（希望有人估倒我的意思）



今日成日都無乜點做過野。阿Roy，Brian，Viola打來問我GPA。都係果句：「無可奉告。」

最近比人傷我心，心情唔係咁好。

聯地果面又出左D問題，煩上加煩。

夜晚，備課，聽朝補習，然後打算翻hall，準備開學。

To Opal：多謝指教！

To Suki：睇睇ICQ啦：）

>>January 10, 2004 at 1:54:49 PM GMT+8

2004 年 1 月 8 日 星期四 【晴】

曬下命先！

http://community.webshots.com/s/image6/9/85/19/105898519GOLdlv_fs.jpg

呢張係…香港浸會大學校長吳清輝、香港浸會大學地理系主任黃觀貴、香港浸會大學地理系教授Dr.Larry Chow、香港浸會大學地理系一年級生梁添全，以及香港浸會大學地理系一年級生梁俊佳…合照！重要係平排咁影！好駕勢！型！

講翻今日做過乜…其實今日可謂最無建設性的一日，乜都無做過。十二點鐘起身，食飯，睇漫畫，訓翻…起身，食晚飯，睇電視，傾電話…

不過今日有個消息好開心，老死Alex今次GPA拎倒3.26，下年極有機會由副學士一年級升上哲學學士學位二年級。希望佢生生性性啦！

原來今日夜晚就有成績表，過倒3，但比想象中差少少，算～～

>>January 9, 2004 at 4:52:53 PM GMT+8

2004 年 1 月 7 日 星期三 【晴】

今日我、漢記大專同學會主席小強，Natalie同小紅，上午七點五十分翻到漢記門口。原來而家學校無左轉堂鐘聲，而改為用玲聲（類似電話的和弦鈴聲），重要係播「給愛麗絲」，勁正！︿︿我地間野，果要係高增值學校。

今日的工作主要係向預科級宣傳我地個會，我係負責7B班黃詠文老師果班……可惡，阿馬（尹凱欣）成日搞事……

宣傳完就分頭去派心意咭比老師，不過我講到明，我一定唔會比果個姓蘇的……

雖然關蛇升左做副校長，不過……陰公，仍然要同兩位校長助理share一間小型辦公室…重差過D教員室。

我同Natalie拎翻張AL證書啦：）

跟住我地四個去左「澳門」荼餐廳食早餐，係咁吹水，吹左成兩粒鐘，間茶餐廳多得我地唔少。小強重提「Natalie有大陸事件」，笑反肚，哈哈哈！！

吹完水，四個去左西寶城間三聯睇書，Natalie被我說服，買左本李天命的思考藝術。

跟住我地去左圖書館，小強還完書就走啦，因為佢聽日考試。Natalie係咁推介衛斯理系列比我睇，終於借左四本走…同埋借倒一本一直想睇的書（我以為未出版＠＠），才女王小平的《人類第二次宣言II，經濟大未來》。我係佢的忠實讀者（理性的），因為佢套《本領恐慌》影響我太深太深。早前果本《人類第二次宣言I，人類大未來》，雖然有d觀點好怪，但好有創見。「共仙文化」，咁都諗得出……好野！

翻到屋企，即刻拎本衛斯理《真假太陽》來睇，睇到訓著左（因為眼訓），個故事係我個夢中繼續，個夢的故事內容好有趣，好有創意（潛意識的力量真係大，D故事情節精采到我無可能諗得出），不過夢醒就已經唔記得大部份啦。

>>January 8, 2004 at 3:50:21 PM GMT+8

2004 年 1 月 6 日 星期二 【晴】

昨晚又犯賤地搞到5點先訓。

今朝十一點半起事，沖涼，浪衫，閃人。不過因為銀包得翻1蚊，八達通身家又已成負值，唯有先翻舊校銀行拎錢，再食lunch啦。

可惡的舊CAN，全間野得燒味飯好食，我去到果時重要得翻切雞飯……都算啦，重要買完先知無薑蓉，有無搞錯呀？食切雞無薑容，同食腸粉唔落混醬一樣，食之無味呀！

離開舊校，又見倒tracy翻學考試…陰公洛～～不過突然醒起我D燒味同薑蓉係被佢地呢班今日考試的人食曬，我就頂氣啦：P

食完，那那林去觀塘工業中心拎貨，原來200個膠file一D都唔輕，我實在太低估佢地啦。

跟住去金鐘站（好在我係今日先去＠＠）拎翻張地鐵優惠八達通（之前我一直都係非法使用學生八達通，不過未被人捉過），然後去灣仔。

每次翻屋企，我都必定去一去灣仔間三聯或者298間大陸書書唐，睇下有乜新書。好開心，今日只係去左三聯，但係比我買倒兩本超正的書，勁開心，因為好o岩我用……雖然用左近二百蚊，好心痛……

翻到屋企，全家齊人（兩個人囉…）。係咁同阿媽吹水……我呢個衰仔，次次都差唔多成半個月至翻屋企一次……不過無法，hall的學習環境好太多，加上我個人比較鐘意自由自在，唔想比人管－－－雖然佢地都唔會點管我。

聽日我地漢記大專同學會，會翻漢記宣傳，順便向所有不幸的老師開刀（要佢地捐錢：D）…我又可以順便拎翻張AL證書。

今日終於出左時間表，又無DAY OFF，但終於同E仔班脫離關係！YEAH！但聽講重有15班，繼續運作…講時講，我唔鐘意我個E仔班導師，一D都唔玩得，悶到嘔……堂堂都話我唔聽書……佢講文法，有時真係無乜人明，我問過冬根，冬根都唔識……果D文法term太煩…

PE係FITNESS，無錯！我要FITNESS，唔要FATNESS：D

To Tracy：應該無問題ge，一定有多出，不過要問問主席先。重有要預告一下，我地3月尾或5月頭會搞一個兩日一夜江門之旅，會同當地一間大學作交流（即係吹水…），同埋浸溫泉。有無興趣？價錢好似唔貴，因為我地有律貼︿︿

>>January 7, 2004 at 1:25:52 PM GMT+8

2004 年 1 月 5 日 星期一 【晴】

因為近幾日迷上睇情深深兩濛濛（以前係食飯時間睇，無乜feel，但深夜睇好有feel，次次睇到眼濕濕），所以慣左夜訓。昨晚睇完之後，重無肯訓，想睇埋套Hulk（變型俠醫），但睇左成8個字先睇到佢變型……終於頂唔順去訓覺……

今朝9點幾起左身，見咁早，無野做，不如訓都兩個鐘啦。點知我醒的時候，雖然心理時鐘話我知而家太約12點，但原來已經下午4點鐘……有無搞錯？！

即刻刷牙，然後去圖書館還碟，又借多幾隻翻來，跟住已經食晚飯啦……

食完晚飯，睇左陣電話，然後開始幫余sir寫會考地理題目，好在都唔係太難做，出左兩條urban renewal，一條redevelopment of urban。出題目最難的地方係分配分數比例，同埋唔可以問得太迂迴，因為對方只係會考生。

睇frields，有個笑話好好笑。話說Monica打電話比佢老公Chandler，問佢而家同邊個一齊，Chandler話係同Mary一齊，跟住Monica問Mary係邊個，Chandler講：「She is my colleague. She's below me」，可能因為Chandler講得太快，Monica聽成：「What?! She blows you?!」呢個笑話，話我地知，講below呢個字要小心D ：P

>>January 6, 2004 at 2:59:09 PM GMT+8

2004 年 1 月 4 日 星期日 【晴】

今日係最後一日上領袖課。不過因為自己食早餐而遲到，好在金鐘站地鐵服務suspend，令人以為我係因此而遲到……嘿～

我今日的狀態奇佳，演說時唔單止不停爆肚，而且咬字發音變得非常清晰準備，希望係自我訓練的成果啦。不過我亦體會到自己的思考有盲點，想問題未夠細緻，深入。

下午的部份，係討論領袖道德的重要，的確，現時太多所謂領袖課程，缺少了呢個重要一環。道德係好重要，有hand同head但無heart的領袖，稱唔上係真正的領袖。

最後部份係同一D BU的學生領袖會談，其中更有BU學生會會長陳富賢。老實講，我對佢好失望。佢講野勁串，成日想認叻，人地問佢學生會問題，佢就答自己以前係中學點叻，而且係學生會點勁……而且態度惡劣！眼神，身體語言，口氣都予人一種高高在上，狗眼看人低的感覺，極之嘔心！而且佢破壞左我對「大學學生會會長」的形象，我一向以為身為一間大學的最高學生代表，係一個兼備德才，談吐得體的人， 點知佢今日竟然係人地錄緊音的情況之下，講「收皮」、「吹佢唔脹」呢D字眼……有無搞錯？（聽某位同學講，佢更曾在公眾場合講「仆街」一詞……）

唉，我本來好尊敬佢，但而家……算啦……

今日係最後一課，每個100％出席的同學會得一張證書，我當然唔例外啦～～張野幾靚～～

跟住同brian去還書，中途遇到一齊上課的Jims，原來佢係中醫系四年級，我同佢幾o岩，大談李天命呀、孫子兵法呀（其實我唔係好識），我同佢學習的意欲同興趣頗相近，大有一見如故之感，即刻交換電話～～

翻hall，去到hall門口，撞倒Opal，佢岩岩行完山翻來～

翻到hall，同阿Gene在ICQ傾左好耐好耐計，佢重show左佢D畫作「摘星」、「仙履奇緣」比我睇……羡慕死我：），佢真係好有天份，好叻好叻～～我有朝一日都要學識畫畫，學玩樂器……我渴求，但無從入手。

重有呢～唔知係咪天助我也，我張TV咭同個軟件無啦啦正常翻，而咒我部野的Gene就受到應得的報應……可喜可賀，可口可樂～～哈哈哈！！！

收到我地個英文老師Mr.Chicken Wing的email，原本我地可以全體B級以上（因為據Chicken Wing所講，我地呢組比起其它佢教的組，壓倒性強……當然啦，我地呢組咁多英文猛人…Vincent啦，阿澤啦，Moese啦，重有果班女仔大部份都好勁……），但係間學校食古不化，一定要有C，而A的數目要減少……可惡！（雖然佢減唔減，我都唔會A，願B+，但而家……我估無啦～）

>>January 5, 2004 at 3:59:42 PM GMT+8

2004 年 1 月 3 日 星期六 【晴】

由於睇電視睇到三點幾，之後重要睇左一套叫Code Hunter的西片，搞到五點幾先訓。結果係下午三點半先起身。

呆左一陣之後，睇省港盃，0比0打完，香港以總成績取勝，奪盃～～

之後食晚飯，換句話說，今日全日只係食左一餐飯。

食完，發覺個電視軟件有D問題……左check右check，又上網換DRIVER，換SOFTWARE，搞到成兩點鐘，都重未搞翻店……而家無電視睇……What the heck! …都唔知係咪比阿Gene果句「你係睇電腦唔係睇電視」咒到我部野short左……

聽日重要上堂，都係早D沖涼訓覺啦…

To Tracy: 乜妳地終於要考試啦？比心機啦！如果Computer唔識，可以問下我（雖然我好大機會唔識）：）

>>January 4, 2004 at 5:36:02 PM GMT+8

2004 年 1 月 2 日 星期五 【晴】

今朝又上領袖培訓課程，今日我講野開始清楚左，希望係好的開始。

另一樣令我興奮的是，昨日做的測試有結果啦，如同以前另一份測驗結果一樣，我兼具Artists和Professor的個性、生活態度和處事手法。雖然呢個測驗與能力無關，我都相信自己唔係咁有料，但係我鐘意自己呢種特質。藝術讓我心靈富足，研究讓我發揮極限。

之後同brian食飯，然後我去到觀塘工業中心搞埋個盪金file。辦完公事，就到觀塘商場買室內天線～～YEAH！終於可以係hall睇電視！：D

翻到hall，都成四點幾，睇左一陣電視就訓覺。五點這片到八點半，然後沖涼，準備再去觀塘－－－因為今晚約左文聰、青鬼、龜龜打邊爐，樹仁四人幫重聚！

龜龜遲大到，我三個食住等。每人叫左支藍妹，我覺得好味過生力。不過我好少飲酒，BTW。我地叫左好多野食，連駝鳥肉都試埋，跟住龜龜來到，又叫多幾碟……總之每人要出116蚊……好死貴，不過算啦，豪翻次啦～

不幸的係，食完野已經唔可以坐地鐵翻九龍塘。如果聽日唔係要補習，唔係要翻HALL備課，真係想去文聰屋企住翻晚，最後迫住要用28蚊坐的士翻HALL，又出多血……

點知翻到HALL，Maggie ICQ比我話聽日佢有野做，唔可以補……無法啦，鬼叫我唔早D問清楚咩＠＠

跟住睇TVB的Hunter X Hunter，睇完又睇情深深雨濛濛…哈哈，好耐無睇過電視啦，好痛快︿︿

To 添叔：多謝多謝，大家咁話：）

>>January 3, 2004 at 7:21:36 PM GMT+8