| 日記 | 日記主簡介 |
||||||||||||||||||||||||||||
2007 年 7 月 24 日 星期二 【清涼】 1. 因為跟同事午飯誤吞魚骨，我諗著番公司飲多d水就冇事，點知越黎越痛！ 最後放工去了醫院，冇人性的分流站姑娘：您血壓高喎！me：好痛呀姑娘！ 姑娘：好話唔好聽魚骨哽唔死人既！您血壓高呀留意下喎！頂佢個肺！！ 我黎醫院睇血壓高咩宜家！個姑娘都有病既！如果我呢刻爆血管的話！ 我仍然係想拎番條魚骨出黎先囉！魚骨唔會哽死人咁係咪由佢插過世呀！低能！ 2. 跟媽媽和好！拎番條4吋魚骨當天爸爸放假！打電話問我放工去邊！ 我正在醫院！他問我咩事！哽骨！叫我攪掂去食飯！唉！三星期冷戰完畢！ 3. 新電話的電話繩扣無故甩咗！成個電話空對地飛身落地！爆咗！ 彷如David Copperfield's 冇串冇爛的扣就此跟電話分開！跟著上佢公司理論！ 嬲到我爆炸！佢應承全部機幫我換外殼同檢查入面！您肯整我都唔肯黎拎！ 之後果日叫咗公司個PT(Partime)去拎！寫咗張投訴信兼受權書！ 寫明搵律師告到佢破產！浪費消費者金錢！時間！精神！尊嚴！ 4. 九月份加人工，公司承諾4% - 11% 另加花紅唔少過四份一個月糧！ 果日公司攪咗個團隊精神活動！一班同事玩得好開心！而且發覺對一個同事有好感！ 不過我handle到囉！因為活動其中一個遊戲要帶著眼罩！係您拖著我走的！ 呢個會成為一個好好的回憶，多謝您！那刻有您感覺好安全！ 5. 公司的壞人給老細鏟上天台！哈哈！大快人心！各同事拍案叫絕！ 事源：早上會議完畢！老細問邊個未影底自己掛板被遮的相片給我！ 壞人即時一輪駁咀！老細無名火起！炸到公司出面的走廊都聽到佢把聲！ 之後老細一句：XX跟我入房！那刻從心中高呼！老細萬歲！萬歲！萬萬歲！ 6. 同婆婆和好！上星期鄉下的表妹放暑假落黎一星期！本來諗著同佢再去Disney！ 我婆又話叫佢留響屋企幫包}x！但我知表妹個手提電話唔見咗！ 所以買咗個新既送俾佢！仲送去我婆度！本來叫埋我公飲茶！佢扭計唔去！ 我同阿婆同表妹去鴻星飲！食咗二百六十蚊！午飯食咁貴會唔會過份咗ｄ？ 7. 聖誕節再去台灣旅行！今次會去十日！如果公司有假期的話！ 8.... 好攰...番工攰..湊仔攰...維係關係仲攰！這兩個月攰到散晒！ >>July 25, 2007 at 2:13:55 PM GMT+8 2007 年 7 月 12 日 星期四 【晴】 因為果幾個平日都對我好好！原來個男同事好好架！佢老婆係帶著個女嫁俾佢！ 宜家大女十幾歲，諗著唔生！點知又有咗！宜家佢個女1歲幾！原來佢係一個好人！ 班同事都建議我同爹地講，不過我講好咗下年搬走，搬走之後我會同爹地講 不過個同事講得岩，我媽大唔透，我爸又太愛佢！就算話咗佢知都未必有結果！ 到時先算啦！可能唔洗好耐我爸就會知呢！我真係唔想日日都見到個奸夫！ 我已經好耐冇睇電視！好想追電視劇！好想一路食飯一路撈電視汁！好懷念！ 放工我仲俾咗糖糖d相佢地睇，班同事係咁叫我帶番公司俾佢地睇 仲問我如果有人出一百萬，您會唔會賣咗隻兔！對唔著！一來我唔等錢洗！ 二來佢響您地心目中係一舊肥豬肉！但佢響我心目中已經真真正正係我個仔！ 不過三仟八百萬我會考慮下！哈哈！ >>July 13, 2007 at 2:31:50 PM GMT+8 2007 年 7 月 12 日 星期四 【清涼】 咁樣一攪！一個月都唔知攪唔攪得掂！公司已經忙到嘔血！番到黎仲要攪d咁野！ 超攰！呢幾日有做錯野！不過老細冇咩點鬧！因為佢都見我幫佢做Proposal忙到嘔！ 又要打幾張派街，打都唔緊要啦，要我諗埋點排位，仲要彩色字！嘩！唔好玩我啦！ 真係會忙到人都癲架咁！印t咗百幾二百頁紙之後Printer宣佈罷工，因為冇晒墨！ 公司幾十盒墨竟然冇盒岩，因為係最新型號，訂購物資的表格都未有得訂 好彩都做好咗2set俾佢，點知佢話：嘩！咁大疊既！拎死我咩！不過您已經好叻！ 因為我知您未做過！第一次做到咁已經好好！乖了！知您呢兩日好忙！辛苦晒！ 其實佢唔鬧我已經好開心！如果佢唔再鬧我的話，我響樹做幾耐都冇所謂 不過我諗冇咁著數！因為今日個同事啦我講：佢有鋪鬧人引！每日唔鬧人會唔舒服！ 只要您俾佢鬧，唔好出聲，唔好駁咀，鬧完佢就算！如果您今次駁咀！佢冇面啦嘛！ 下次鬧得您9999千足純金！您自己醒醒定定！唉！好彩上次鬧我冇出聲咋！唔係大鑊！ 今日做起晒ｄ野忙著收番晒上季prelim Void晒佢，又再開過新既俾佢地，超忙！！！ 佢地仲要揀number激死我！已經忙死了！仲攪d咁野！最好笑係個個行埋黎：您得唔得... 唔得！超忙！sorry！咁您幾時....下星期二先得閒！咁好啦！Fullly Booking？！ Sorry is very full booking！明星期請早！好忙！好忙！好忙！超快收工！回家..冷戰..續 >>July 13, 2007 at 2:19:58 PM GMT+8 2007 年 7 月 9 日 星期一 【清涼】 幾日冇寫日記，又忙又攰又冇心機！今日係我第一次響公司喊！ 識我既人都知我一喊就收唔到聲！永遠沉醉於傷心既世界！今次係我錯！ 同事既升職 + 滿懷興奮 + 替人高興 = 做錯野！ 上個星期六去朗豪坊開完會，拎咗幾份文件！有糧單同升職信！ 冇人同我講呢ｄ係秘密！星期一番到公司先記得冇帶袋文件番公司！ 問個同事呢ｄ信緊唔緊要？如果緊要我Lunch番屋企拎！點知佢好大聲同人講您升職喎！ 之後升職果3個就問我加幾錢人工，其他人又問我點解冇得升！我就知呢次大鑊！ 今日番到公司俾份野個老細，佢就兜口兜面問我尋日邊個講件事出去 我唔想篤人地出黎！因為個同事平時咩都幫我！唯有自己吃咗隻死貓！ 老細：您上司冇同您講呢ｄ野唔可以講出黎既咩？您有冇攪錯呀！ me：冇喎！ 老細：您以前做果ｄ公司都係咁做野既咩？ me：..... (好似冇您咁麻煩！) 老細：佢地升職我都唔知批唔批架！佢地都唔知呢件事！宜家您教我點做呀？ me：..... (唔講都講咗啦！咁您想點呀！) 老細：今次就算數！下次我真係唔客氣架！ me：哦！(殺咗我呀！笨！) 同事msn：車！佢鬧您好破壞佢個驚喜咋嘛！屎忽鬼！洗鬼理佢！正八婆！ me：唉！總之今次我唔岩啦！ 同事：經過今次！您以後知道要小心佢地啦！全部都大喇叭黎架！ 我唔應該再相信人！Cathy講得好岩！全部都賤人！Cathy話齋真係踩屎！ 響呢間公司除咗自己咩人都唔好信！您要當全部Sales都係賊！全部老細都係強姦犯！ 佢強姦您既人格..尊嚴..信心..地位..唉...點解？點解個世界變得咁恐怖？ 唔單止屋企人係咁！連同事都係咁！明明尋日仲好地地！今日就攪成咁！ 家姐同我講：您幾大個都好！我始終都覺得您係小朋友！希望您好好珍惜份工！ 您自己唔愛鍚您自己，冇人去愛錫您！俾心機面對您既將來！如果唔係老咗會好慘！ 唔好要愛錫您既人再擔心您！睇到呢段說話我喊咗出黎！一個家四分五裂！ 但係我同家姐其實好關心對方！只不過今世我地有名冇份！其實有您呢個家姐！ 我響呢個世界仲有一個關心我既親人！仲記得我地細個既時候咩都爭餐死！ 宜家就每日都為自己既將來去忙...去努力..去奮鬥！聽到您開既公司有錢賺都替您安心！ 今日響公司喊緊既時候msn見到表妹，大個女了12歲！好懂事！總會知道怎安慰人！ 佢知道我喊好嬲！話叫爹地聽日炒咗我老細！傻妹！我同佢解釋做錯野梗要俾人鬧！ 係表姐冇用！細個唔俾心機讀書！如果唔係鬧人果個咪係我囉！係我面皮薄唧！ 萬一炒咗佢！黎個仲衰既老細！真係唔得佢死！（雖然個心好想叫舅父炒Q咗佢！） 但又怕舅父難做！因為舅父每次見我喊都會替我出頭！我知！我真係知！ 同表妹講咗下年會帶埋糖糖搬走！以後都唔會再番黎！托佢好好照顧公公婆婆！ 我仲同佢講：您有對好錫您既父母！您要好好咁珍惜！表姐冇您咁幸運！ 一出世父母就唔要我，所以我好努力咁爭取自己既幸福！ 將來搬定咗會帶您地黎我屋企燒野食！我會搬入南丫島！組織一個屬於自己既家庭！ 請父母忍耐多一陣子！年尾我老公正式番香港既時候！您地就唔會再見到討厭既我！ >>July 10, 2007 at 2:56:40 PM GMT+8 2007 年 7 月 5 日 星期四 【晴】 唔知做錯咩！我爸我媽當咗我殺人犯咁！今日原來我爸放假！我唔知！ 放工番到黎自己整野食，洗衫湊仔！差不多訓先見到佢地黑口黑面咁番黎！ 唉！宜家我響廳佢地就入房！我入房佢地就出廳！嘩！好想死！好討厭的家！ 我諗湊埋糖糖番去老公屋企會好ｄ囉！雖然都係自己一個人！但最起碼唔洗睇人面色！ 不過搬番出香港區就真係要掉舖！宜家我覺得好開心！今日同事仲請我食下午茶！ 我真係好鐘意班同事！宜家又請咗個partime番黎！叫佢幫我入下數！送件去分行！ 都不知幾爽！連私人咭數都順手叫佢入埋！又乖又聽話！係怕羞d囉！ 所以要我走我又唔捨得 ~ ~今日午餐叫番尋日果間 ~今日有榔子螺頭豬骨雪耳雞湯 翠玉瓜 & 雲耳蒸雞 + 飯！今日35分鐘就到！算有進步了！不過打開個飯盒！嘩！ 唔夠翠玉瓜俾咗d我最僧既絲瓜！食咗一舊d味仍然 ~ 好嘔心！好地地個飯盒！激死！ 不過個湯就好味過尋日果個！呢間餐廳標明不加味精為原則，所以堂食太多人了！ >>July 6, 2007 at 3:08:29 PM GMT+8 2007 年 7 月 4 日 星期三 【微雨】 尋日見到公司地下有張外賣紙，下午一點十五分打電話叫個粟米班腩飯，等到二點半先黎 我好大聲同個外賣仔講：呢度冇人叫下午茶！您送錯咗！ 好彩我平時都唔叫外賣，成班同事真係以為佢送錯！係咁叫佢走！差ｄ笑死我！ 不過我同個同事講，我唔肚餓咋！肚餓叫個外賣咁耐先黎！餓鬼死咗啦！痴線！ 今日食晏時間又落雨，叫過第二間外賣，聽同事講間野ｄ湯唔錯喎！送外賣又快！ 又試下叫囉... ...一點鐘叫啦！一點四十五分先黎到！嘩！今日真係肚餓架大佬！ 外賣佬：唔好意思！落耳嘛！（落雨）me：算啦算啦！肚餓嘛！ 都唔錯！有咸魚肉餅同翠肉瓜！碗湯大到好似屋企ｄ湯碗咁！班同事番到黎都 ~ 嘩！ 咁大碗湯！好似幾好喎！我最鐘意佢ｄ咸魚！唔太咸又香！但太肚餓冇影相 sorry！ 可能屋企太耐冇煮飯，成日買菜俾糖糖又唔記得買俾自己，攪到好耐冇食菜 以後乖乖地食多番多ｄ菜先得！今天午餐80分！聽日送快ｄ就好了！餓死人咩！ 尋晚收工唔想番屋企見到我媽同條新菜，響公司坐到七點半先走，去咗配ｄ咳藥丸食 尋晚食咗都幾好訓，起碼唔洗咳醒先！今日好開心！因為個老細朝早番咗黎請假 佢尋日放工睇醫生，話佢聲帶傷了！其實我第一日番工已經想同佢講，您聲帶傷咗！ 不過廢事咁八赴啦！又唔關我事！老細番黎叫我唔好同班sales講佢請病假，怕作反！ 傾傾下佢問我係咪學過唱歌，梗係啦！唔係把聲邊有咁好聽！哈哈！我解釋咗佢聽個原理！ 叫佢番去休息，再練習下！不過講咗咁多年野！習慣晒了可能！個老細仲讚我咬字好正！ 其實呢份工之前既我都唔係咁，係有個男仔曾經鬧過我！佢鬧我：您咬字都唔正 同人講野無論您講幾多次幾努力，人地都唔會明架！咁大個人講野都一舊舊！ 之後我講野就慢慢講，咬字清楚ｄ，習慣咗就好好多！不過睇得台灣劇多！ 成日講講下變咗講國語，好好笑！其實廣東話真係好難講得好！宜家有個同事叫Joe Wong 佢講野好好笑，您永遠唔聽第二次或第三次都唔明佢想講咩，佢可以將4個字變成一個音 好強的人！我每日聽佢打電話俾ｄ客！笑到我肚都痛！因為每次人地都：吓？！ 佢又重覆講啦！人地又：吓！佢又講！唉！我見佢都辛苦！個老細成日鬧佢都係咁！ 怪唔知得佢冇生意！講玩講錢就最精神，番到公司就行屍咁款！最僧呢ｄ人！ >>July 5, 2007 at 3:24:12 PM GMT+8 2007 年 7 月 2 日 星期一 【清涼】 本來月尾埋數，計工咭計勤工計OT... ...超忙！忙到最後今日要交工課！超忙了大半晝！ 老細仲：Woody！唔該您幫我做咗個weekly report同埋Sales Performance me：Cannie？！嘜唔係每個月尾您做既咩？！ 老細：唉！您幫我做啦！做完唔好話俾人知我叫您做呀！ me... ...無奈ing！自己全部Sales 同 Non Sales既Leave Record都未計過！有冇攪錯呀！ 荃灣個Admin叫我掉番俾佢做！大佬呀！我上司雖唔係佢唧！但我響佢間分行打工！ 做又死唔做時又死！殺咗我算！死死氣咪又係要做！總行趕開會您唔準備好晒咩！ 到時您死咋嘛！咩世界呀！我病架我大佬！咳到死死下！冇人性架！ 當您最忙既時候... ...msn表弟：hi 當您最忙既時候... ...msn舊情人：咩病呀？ 當您最忙既時候... ...同事J：A.L.換錢幾時出呀? 當您最忙既時候... ...同事R：幫我打份租約 當您最忙既時候... ...同事C：幫我e-mail俾個客 當您最忙既時候... ...同事M：我要借匙睇舖 當您最忙既時候... ...同事電話：woody收fax 當您最忙既時候... ...同事電話：woody果份野唔係fax架e-mail俾我架！不過算啦！ 當您最忙既時候... ...同事電話：woody個新同事欠公司錢！幫我收咗拎黎總行！ 當您最忙既時候... ...同事電話：woody有冇新成交報告 我係人黎架！唔該！我同一時間點做咁多野呀！請問？真係忙到嘔血咪我呢ｄ囉！唉！ >>July 13, 2007 at 1:30:10 PM GMT+8 2007 年 7 月 2 日 星期一 【清涼】 我媽同條新菜番咗大陸依泣咗幾日，番到黎就發晒老脾 每次我都係想講果句！如果係既您兩個就執埋包服扯啦！唔係番到黎對著我黑口黑面！ 我都實在好唔想對著您地！今日出咗糧本來好想俾家用我媽！ 不過我真係好驚最後又係洗響人地身上！咁我俾定唔俾好呢？俾！唔俾？俾定唔俾呀？！ 老公叫我是但買ｄ野俾佢當俾咗家用！唉！唔通個個月都買手袋咩！買得幾次呀！ 我今日同自己講，以前佢俾錢您都冇問您洗響邊！反過黎！您問咩唧問！係貼佬咪貼佬囉！ 宜家貼佢唔起咩！不過真係好激氣呀！將ｄ錢俾晒個賤人！佢又唔係我老豆！頂！ 今日放工番黎，話明俾媽聽糖糖肚痾！轉個頭仲要俾山楂餅佢食！係唔識廣東話定聾架！ 我媽：冇所謂啦！佢死咗大家都輕鬆！跟著我好大聲：係您唧！ 有您呢一句就得架哪！初初我搬唔帶走佢，係以為我媽會唔捨得佢！宜家有個賤人夠啦！ 其實我家姐都係遺傳我媽優良傳統唧！六親不認！您好野！ 我下次搬一定會粒聲唔出搬走所有野！屬於我既會帶走！唔係我既送俾我都唔要！ 糖糖我會帶走！俾埋間房您個奸夫！您地3個人終於可以雙宿雙妻了！恭喜晒呀！ 我真係好討厭您！好討厭您ｄ奸夫！因為您可以為咗您既奸夫而冇晒屋企人！好僧您！ >>July 13, 2007 at 1:29:45 PM GMT+8 2007 年 7 月 1 日 星期日 【微雨】 
>>July 3, 2007 at 12:18:17 PM GMT+8 2007 年 6 月 30 日 星期六 【清涼】 睇咗兩次醫生都未好！仲要番成個禮拜工，冇得休息 只係有日上午去香港總行開會，下午請假諗著番屋企休息 見暈暈地所以去咗我媽度，點知媽咪三點約咗個客響紅磡 陪佢過去紅磡坐響管理處都訓著咗，西藥食到人沉沉迷 都唔知訓咗定暈咗！隔咗陣我媽啦我走！佢又想去打麻雀！ 點知放工時間塞車，佢唯有番屋企！我番到去就訓！佢就煲粥！ 番到去我媽條新菜又響我屋企沖涼，又唔開定冷氣！ 我等佢出黎聽埋佢解釋點解唔開冷氣，佢話慳電！宜家電費您俾咩！ 您有咁既本事咩！死窮鬼！最僧男人窮！窮都唔緊要！唔好靠女人嘛！ 最僧人食軟飯！正一死窮鬼！又老又窮！好僧您呀！仲懶關心我！ 呃到我仔呃唔到我架！您呃到我媽您掂！唔代表我要接受您囉！ 我人係咁難相處架哪！由其對著ｄ奸夫！當我老豆死架！您都死既！ 病死都要咒您呀糖尿人！九點夠鐘食藥！我媽叫我起身！果條粉人早就食飽訓！ 我感冒喎！糖尿人日日仲攰過ｄ番工既！有冇攪錯！我果日鬧我媽！ 要照顧個家照顧糖糖仲唔夠攰咩您？！仲執舊垃圾番黎湊！衣食住行照顧佢！ 女人搵個男人響身邊，係想個男人照顧自己！唔係搵個人番黎俾自己照顧呀！ 咁既廢柴係您先會執番黎！呢個都唔知係咪男人！一揪二 "lung" 都若無其事！ 我同您講以前我同男朋友去惠康廁紙都唔洗拎一粒架！您係咪男人黎架！賤人！ 成日接我媽放工，又唔係幫我媽拎野！死去睇著我媽拎晒ｄ野！係人唔係呀您！ 咁多人死又唔見您死！糖尿病咁多年又唔見您死！賤人！幾時死呀您！ 我番工仲唔夠攰！病哪番到屋企仲要幫您打ｄ死人通告！好彩我媽開聲鬧您先！ 唔係我實問候您全家！又話加兩隻字！成封通告都唔同！係咪要我續隻字同您對呀！ 有冇病呀您！有就去睇醫生啦！睇完醫生又唔食藥！食晒ｄ藥又唔覆診！痴線！ >>July 1, 2007 at 2:40:50 AM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<