| 日記 | 日記主簡介 |
||||||||||||||||||||||||||||
2009 年 2 月 8 日 星期日 【晴】 原來2個多月無在這裡寫日記,每天就在facebook寫下生活點滴！1月已完成2本twilight！ 剛剛2月4日收到第3集：蝕！只係2日我已經睇了一半！驚嘆自己睇小說的速度快了很多耶！ 不過很失落地又要等第4集出，也是最後大結局！第3集的愛德華更加貼身保護Bella！ 雅各亦都不眠不休的在Bella家附近巡邏，因為有一些不明彊屍走入Bella的家裡偷走她的衣服 令到彊屍及狼人暫時休戰，直到捉到想殺死Bella的壞人！故事越來越緊張！ 所以不自覺睇得好快！我想慢慢睇等到第4集！又想快ｄ睇知道成本書講咩！好苦惱！ >>February 9, 2009 at 2:58:09 AM GMT+8 2009 年 1 月 7 日 星期三 【晴】 >>February 9, 2009 at 2:59:19 AM GMT+8 2008 年 12 月 28 日 星期日 【晴】 離開之前間公司都差不多2個月了，宜家已經投入另一個新工作，還不錯！ 但好多野仲要去適應，最近在公司好專心...專心睇小說，朋友講得岩 識我十幾年都未見我睇小說睇到咁專心，因為睇完套戲，我對本小說更有慶趣 但因為太多人物既名，有時睇到好亂，我已經睇完第一本"暮光之城 " 已經去到第二本"暮光之城 新月"睇到愛德華因為一個意外令庫倫一家離開福克斯 好想喊...不可以..不可以..不可以失去您愛德華！您的離開貝娜受不了的！ 還有那個壞彊屍維多利亞會殺死她，您不是說要用一生去保護她嗎？您怎麼忍心！ 如果我是貝娜..就當您轉身要離開我的一剎，我會不理承諾離開這個世界！ 因為失去您的日子，生存為了什麼？或者我會主動找維多利亞求她張我變成怪物 那..您會後悔不帶我走嗎?那..我變成怪物之後..您還會一樣覺得我特別吸引您嗎? >>December 29, 2008 at 3:37:24 AM GMT+8 2008 年 10 月 22 日 星期三 【晴】 百無聊賴響公司，同事響度玩facebook睇相，我也無聊的開番黎update下 佢地興高采烈睇同事旅行相，同事C：尋日woody俾銀包相我睇..嘩以前瘦到！ 成班同事即刻叫我拎出黎分享！個個同事：嘩！殺死人咩！您受咩刺激呀？ 嘩！您老公靚仔到！識揀喎！點識架？叫佢上黎公司溝通下啦！真係好好笑！ 我老公成日都唔響香港，就算響都響屋企忙到痴肺，最近俾我傳染了感冒 都唔肯休息，仲話番少日工賺少幾多千萬！唉！打工唧！病都要休息架！ 所以尋晚臨訓搣個橙質佢食，宜家每日我都食半個橙，夠就唔係好夠，不過就好飽！ 宜家食少好多飯，食少好多野！不過都係咁大隻！不過都係成日病！哈哈！！ >>October 23, 2008 at 8:42:54 AM GMT+8 2008 年 10 月 21 日 星期二 【晴】 上網看到一則： 您認為兔兔的壽命有多長？ 飼養一隻生物，至少要知道牠們的壽命有多少吧。 比起牠們在自然界的壽命，大家應該調查一下兔兔在飼養者飼養下的長壽紀錄。 兔兔在飼養下的壽命是3.5年-8年，最長壽命紀錄是超過18年以上。 若你只飼養了幾個月、未滿一年就死了的話，這表示不是牠「死了」 而是您把牠「殺死了」。 台灣兔兔最長只活到3.5歲！糖糖還差2個月就5歲了！是算長命嗎？ 他這樣給我媽媽寵，我想他算是很長命吧！不吃草！吃榴槤！吃橙！吃啤梨！ 吃生渣餅！吃太平疏打餅！吃花生！什麼人吃的都吃！就是不喜歡吃草！ 我媽朋友說：是您們害死他！ 媽媽：您的兔子又怎樣？您養了他3年，每天都困在廚房的槽底下不見天日！ 他是沒死！但他快樂嗎？我的兔兔是死了！但我們知道他快樂了5年！ 因為我們都不會困他在籠裡！如果要困著一世都吃草！是沒病他真的快樂嗎？ 我跟家人都相信糖糖在我們身邊都很幸福！雖然他什麼兔兔應吃都沒吃！ 每天媽媽婆婆回家都將他攬攬錫錫，待他吃飽後又有四手按摩，還有四手疏毛服務 公公回家又跟他在床床大玩一輪，玩到他裝死才罷休！他很清楚媽媽是他主人！ 婆婆是他工人！公公就是他玩伴！還有媽媽每天都會問：糖糖耳朵有無唔舒服？ 糖糖肚肚有無唔舒服？糖糖眼仔有無唔舒服？糖糖尾尾有無唔舒服？ 昨天媽媽帶著糖糖骨灰回家，我將他放在睡房！跟之前火化的另一隻兔兔放在一起！ 心安慰了一點，因為兒子您回家了！跟哥哥在天國等媽媽啊！我們都很想您！ >>October 22, 2008 at 7:47:51 AM GMT+8 2008 年 10 月 19 日 星期日 【晴】 現在看見菜菜...買給誰吃？您不在我身邊了！ 現在看見葉葉...摘給誰吃？您不在我身邊了！ 現在看見很多東西都想買給您！給誰？您不在我身邊了！ >>October 20, 2008 at 6:57:44 AM GMT+8 2008 年 10 月 16 日 星期四 【晴】 10月16日早上發現他喘氣，立即call的士10:30送去獸醫診所，需留醫照x光 3:00左右收到醫院通知他的牙根已經插晒上眼，牙腳已經到底，鼻有濃瘡 胃氣脤，腸阻塞！我跟醫生說：身為主人，我決定俾佢走！我唔想佢辛苦！ 醫生話我知岩岩幫佢吊鹽水，可唔可以俾一晚機會呢個小朋友？ 唔係我唔俾，而係當糖糖講唔到野既時候，主人係時候幫佢決定一ｄ野！ 我都好唔捨得，因為我仲有好多說話未同佢講！點知7:00收到醫生打電話黎！ 糖糖經搶救15分鍾無效，他走了！我跟媽媽打電話通知家人朋友！他走了！ 我想送2封信! To : 耶穌 您好,我係麥糖糖媽媽,多謝您賜糖糖給我,他很乖,靜靜來到這世界,也肖肖的走了! 本來我想跟他走完最後一段路,在耳邊跟他再說一次：我愛您！但他很乖！ 知道媽媽不捨得他，怕我傷心！所以先走了！是您賜給我的！我喜歡他的好也喜歡他的壞！ 但我身為媽媽做得不夠好,令他經常孤零零的在家等我,回家我又因為工作累透忽略了他！ 他從沒一點怨言！仍然在我有需要的時候在我身邊！他盡忠職守！救您幫我好好照顧他！ 有一天到我來天國的時候，我想再抱抱他！跟他說：媽媽最愛是誰？對！就是糖糖豬！ To : 麥糖糖 您在那裡？媽媽很想您！記著媽媽的說話嗎？跟耶穌大聲講：您就是麥糖糖！ 是媽媽的寶貝！還記得嗎？媽媽最錫是誰？對！糖糖豬！ 糖糖豬最錫是誰！對！是我！是您的媽媽！糖糖我知道您很乖！但因為媽媽的疏忽！ 令您生病！對不起！我不是一個好媽媽！以為您喜歡的都給您吃！是媽媽曳曳！要fit fit！ 對不起！媽媽已經唔能夠看著您出生！更糊塗地失去送您的機會！我是不想您受苦！ 才決定送您走，怎知道您乖乖的先走，不讓媽媽送您！我知道您是我最愛的糖糖豬！ 您記著您應承我！下世要做我的兒子！我會再寵壞您！但無論您怎樣！我都愛您！ 能夠給我一個機會，從新再愛您嗎？糖糖豬？今天碰到您冷冰冰的...心很痛！ 很想您聽到媽媽來了，再像往時一樣啜啜媽媽手手同面面！但我叫了又叫！我知道您走了！ 跟媽媽回家了！糖糖！我知道您最不喜歡醫院！媽媽最後卻讓您在這兒離開！對不起！ 您應該等媽媽送您！沒有您的家！很冷！婆婆也很想您！公公也很想您！我很想您！ 糖糖豬...我真的很想很想您！ >>October 20, 2008 at 6:59:05 AM GMT+8 2008 年 10 月 12 日 星期日 【乍暖還寒】 媽咪+奸夫1間房，我+老公1間房，媽咪朋友+男朋友1間房 搭船去到中山轉旅遊巴..一坐低前面果2條女訓直晒，我好僧人咁坐 我同老公講最後排有位，不如坐去後面，老公就聽我講陪我坐去後面 點知唔夠一分鐘架死人爛車就"凳"左下，我就唔郁得了 之後2日老公就好似服侍太后咁扶我，去洗手間又幫我摺褲腳，又幫我著鞋 好多人見到都講一句：佢前世欠左您？唉！咁我都唔想架！ 咁大個男人要佢跪低幫我整呢樣整果樣，佢唔介意我都唔好意思 不過去到浸溫泉，浸落去又唔痛喎，我仲去同老公玩衝浪，我同奸夫講：您扶實我媽 我媽有咩事我唔放過您，後來玩玩下聽到奸夫大叫：我無力抱您呀媽哪！ 成班人轉頭望著我媽，笑到我死死下！差D笑到我冇力拉著個水泡！笑死人！ 玩完番到房左訓右訓都係好痛，叫老公幫我貼左2塊骨醫之前俾我既藥膏貼 訓到半夜敏感我自己撕左，但感覺好少少，好辛苦挨到番到香港就去睇骨醫 佢要我去照Ｘ光，因為佢話好大機會第4第5節骨中間軟骨走左出黎 本來我企唔直，骨醫幫我整左一陣，企得番直，同埋冇咁痛，不過都要去照 怕第二度有事都唔知，好彩有買保險，骨醫睇一次都500蚊，我媽話起碼睇10次 我答我媽：有得醫好過無得醫！我最怕有錢無得醫！ >>October 13, 2008 at 4:59:36 AM GMT+8 2008 年 10 月 4 日 星期六 【酷熱】 
前幾日去銅鑼灣買"phiten"心理作用又好什麼都好，試試也無防！幾百蚊又唔係貴！ 如果有效會買條俾老公，同埋介紹同事朋友用，宜家試驗中！已經好想買多幾條襯衫！ 其實當飾物都好靚，但真係要自己揀先知個花紋襯唔襯自己，我都試好耐先揀到！ ～～～～～～～～～～～～～～～～～～～～～～～～～～～～～～～～～～～～～ 尋日放工老公終於陪我去尖沙咀食o's先，本來想睇場戲先入廸廸尼，點知五點先有場 所以去星光行打機，今次去打喪屍，嘩！好恐怖！打完差不多五點就搵車搭去廸廸尼！ 廸廸尼的停車場太貴！百幾蚊個鐘停車場行去入口又遠！我地都係搭車去好！ 去到已經天黑晒！如果唔係老公朋友臨時OT唔去得！我係絕對唔會去嚇自己既！ 不過其實前排睇雜誌見到JACK個燭台想買俾老公，今次係好機會！ 去到睇左次3D影院再等花車巡遊，好靚...架架花車都同平時既唔同，個名叫"夜光鬼魅巡遊" 跟著就跑去"大街鬼異酒店"排隊，我覺得廸廸尼安排得唔錯，有幾個牌寫等候大約幾分鐘 但可以加幾個風扇更好，因為差D熱暈我！俾個時間牌早就入到去！入面播既音響好嘈！ 扮鬼既人講咩我都聽唔到，因為我已經嚇到襟著對耳！老公話佢見您襟著對耳！ 佢仲跟著您想嚇您，點知您前面有三個女仔攬埋一舊好似好驚，所以跟著嚇佢地 之後就去排"森魔探險路"都要排成個鐘，呢個恐怖好多，因為好多鬼企響假既公仔入面 雖然扮鬼既人唔摸您，但心魔作祟好驚！響二個鬼屋入面行，您會聽到一句說話好多次 究竟到未？出得去未？好多人要入去！但去到又要出番去！點解人咁點意？ 所以我一點都唔鐘意去鬼屋，因為您唔知幾時先驚完！同埋幾時有人嚇您！ 最驚係...究竟佢會唔會摸您！所以下次我都係考慮下去唔去！我買得一件衫！ 我係咁鬧老公：虐妻呀！我要買野！買買買！！！ 老公同我去番大街濕平(shopping)：哪！買啦！鍾意就買啦！ 買買下~~煙花呀老婆！ me : 咪嘈...嘩！好靚！嘩！好cute！嘩！我要買！嘩！ 老公 : 您想買晒間舖番屋企咩? me : 咪嘈啦！嘩！好靚呀！ 老公 : ．．．" 
>>October 6, 2008 at 2:41:58 AM GMT+8 2008 年 9 月 10 日 星期三 【乍暖還寒】 尋日放假自己一個，因為訂了10月9日旅行，老公又掉假，媽咪又掉假！ 爸爸放假不過每次都訓到下午3-4點，我訂了飛同老公睇"男人之虎" 不過我第一次上網訂，所以襟錯飛，二個位分開坐，打電話去話可以換飛 所以想食完野先去換飛，放假諗著去尖東食Triple O's 
不過媽咪打電話叫我出去，因為約了按摩師，幫我按下身喎！ 我就早d去演藝諗著換票，明明前一日打電話問佢地又話10月1日開，去到又話假期！ 激死我！打電話俾老公！佢話換唔到就算囉！一齊坐都唔會攬著睇！頂！咁有咩意思！ 唯有過2日再去換啦！到了按摩師度！有個骨醫幫我按！因為我最近頸同腰骨真係好痛！ 佢一按就知我出世時尾龍骨推傷了，因為我一出世醫生未到，姑娘就強行將我推番入去！ 之後大約一個月大的時候..外婆幫我沖涼就見到我左邊身唔郁得，好彩及時醫治 如果唔係就冇今日既我，可能一生都半身不遂的臥在床上要人照顧，連死的能力都沒有！ 但醫師話長年累月我都沒有再治療，所以都好嚴重！醫師：陰公！後生遙遙！ 可能要治療一段長時間！(心裡面覺得好安慰！因為有得醫好過冇得醫！宜家知都唔算遲) ～～～～～～～～～～～～～～～～～～～～～～～～～～～～～～～～～～～～～～～ 學體操要成功，首先要學跌倒！想戀愛要成功，首先要學失戀！ 晏晝上網睇報紙時開msn見到個舊朋友，他仍然為女死為女亡為女蠢到坐監房 我送了一句說話給他：世界那麼大！不要只看見身邊的事物！係時候放眼世界！ 響佢仲沉醉戀愛既時候，身邊的人不繼進步！我已經去了很多地方旅行！您呢？ 還在發夢嗎？如果您的錢不用在無謂東西(幫女還債，同女仔吃渴玩樂，嫖賭飲蕩吹) 其實您可以同我一樣去世界唔同既地方，享受著這地球的風景、天氣、陽光、海灘 最近有一個感受，其實對自己好，就好似對您家人好一樣，因為媽咪證實血壓高 不過佢唔食藥，我同爸爸其實都擔心，我覺得要屋企人擔心係唔負責任既行為囉！ 所以有病要睇醫生，唔舒服要食藥，未好就要覆診！用自己健康去威嚇屋企人太過份！ 我身體由九月開始怪怪的..食好少野就飽！周身骨痛！但又未死得！仲要番工放工！ >>October 2, 2008 at 2:26:31 AM GMT+8
|
人氣: 54852 Design & Scripting by ShowHappy.Net |
☆★☆★☆★☆★☆★☆★☆★
<