| 日記 | 日記主簡介 |
||||||||||||||||||||||||||||
2008 年 2 月 22 日 星期五 【陰晴不定】 旅行完第二日就番工，到宜家個幾星期了，自己改變了自己心態 繼續努力討好個八婆主管，還好，到現在還未發作，同事R：您呀！ 出勤就講俾佢知！如果唔係我地慘咋！響公司對著佢！鬧鬧鬧！ 煩到死！記著哪老羊！（唉！知哪！咁煩架！） 宜家每次出去做野又send短訊又電話通知佢！唉！仲慘過同老公報行蹤！ 上星期六約咗個舊同學食飯，上午起身同老公出佐敦食野，再行去尖咀行街 想買個手提DVD機，睇極都睇唔岩，後來上網見到有兩隻牌子內置天線睇電視 不過間公司打電話黎話斷貨了（超失望）要等下星期廠方開工才有貨！ >>February 23, 2008 at 2:58:27 AM GMT+8 2008 年 2 月 17 日 星期日 【陰晴不定】 先講講旅行，25人一團頭兩天坐33座位中巴，迫到老羊扁咗！ 頭一晚去浸溫泉，天氣超凍！我跟老公周圍浸！爸媽懶懶的浸兩個泉！ 我跟老公浸了五花咩咩泉+港姐泉+蘆薈咩咩泉+兩個唔記得咩泉！ 浸著既時候唔凍，一上水就...救命呀！好凍呀！救命！ （最攪笑：浸浸下有野摸我！咩黎架！哦！茶包！成個攬枕咁大洗唔洗呀！ 上水後...有班人落水..個女仔大叫咩黎架！哦！茶包！） 其實個溫泉門口應該寫明有浮包周圍走啦！唔好嚇人！由其人地女仔之家！ 響溫泉無端端俾人摸就梗係叫架啦！不過想講個浮包好好玩！仲好香茶味添！ 浸完溫泉累到阿媽姓咩都唔知！床很硬，不過軟硬都唔理就訓天光了！ 起身梳洗完同老公吃杯麵，執埋野準備轉酒店！未夠鐘我們周圍影相！ 第二天酒店還不賴！但太早番酒店香港人總不習慣！差不多12點！ 跟老公叫room service叫個牛肉粥+雞肉粥+海鮮炒烏冬，超正！ 第三天有一家9口走了！十幾個人轉了44坐位大巴！頂！玩野呀！ 差不多一人可以坐4個位咁滯！去埋餘下景點，吃完晚飯才回香港， 真的想很快很快又旅行，目標泡透最好溫泉！ 前天跟媽媽又冷戰，好了又鬧反了，很煩！何時她才成長？會有這一天嗎？ 昨天她叫我一起吃飯，說她朋友跟那個叔叔分開了！不意外！那叔叔工資太低！ 那個姨姨窮了大半生，應該找個可以照顧她一家的男人，但不是那個叔叔！ 叔叔跟我媽媽訴苦了好幾個鐘，媽媽才發現這個姨姨有很多事都騙她！ 我說：為什麼您們總當人是朋友？聽您說心事的又當朋友，您幫她一把又當她朋友！ 究竟您們知道什麼才是好朋友？您當她朋友！她有當您是朋友嗎？不用說用心感受吧！ 那個姨姨找到好碼頭，氣艷了！我恭喜她！因為她窮得太久了！迫她迫得窮瘋了！ 現在有人照顧她一家，她要的另一個男人都可以滿足她的話，就放她走吧！ 您再愛她沒用，她要的您可以給她嗎？沒必要賴死在她身邊！ 聽她辱罵您如何低賤？聽她辱罵您如何潦倒？聽她辱罵您好比垃圾？ 為了她錢洗晒了！為了她家人沒有了！為了她自尊都沒了！您還剩下什麼？ 看著他，好像看到從前的自己！ >>February 23, 2008 at 2:07:47 AM GMT+8 2008 年 2 月 14 日 星期四 【陰晴不定】 第一計：瞞天過海 「瞞天過海」的「天」是指皇帝，因為古時候是稱皇帝做「天子」的。 原意為瞞著皇帝，讓他平穩渡海。「瞞天過海」用在兵法上， 就是把祕密之計隱藏在公開的行動中，以達到出奇不意的效果。 第二計：圍魏救趙 「圍魏救趙」是中國歷史上一個十分成功的戰例， 它主張對敵方避實就虛，善於抓住敵方的弱點， 使敵人受到牽制，從而用最少的代價去取得最完滿的成功。 第三計：借刀殺人 「借刀殺人」計，就是借助別人力量去消滅自己的敵人，以達到保全自己的目的。 第四計：以逸待勞 「以逸待勞」這個計策說明當強敵當前， 不一定只用直接進攻的方法，而是積極防御， 慢慢消耗敵人的有生力量，使敵人由強變弱，再等待時機一舉消滅敵人。 第五計：趁火打劫 「趁火打劫」這一計，是趁敵人遭遇困難、 力量薄弱無力還擊時加以打擊，這樣就可以就勢取勝。 第六計：聲東擊西 「聲東擊西」計，就是故意製造假象， 引誘敵人作出錯誤判斷，然後出奇不意地採取行動，一舉殲滅敵人。 第七計：無中生有 「無中生有」計的妙處，就在於真中有假， 假中有真，使敵人判斷失誤，從而出其不意地把敵人擊敗。 第八計：暗渡陳倉 「暗渡陳倉」一計，就是以虛似的正面攻擊來迷惑敵人， 當敵人集結力量固守時， 又悄悄派出部隊迂迴到敵人後方，乘虛而入，使敵人措手不及而失敗。 第九計：隔岸觀火 「隔岸觀火」計，就是在敵人內部有矛盾時， 我們不必急於進攻，而是安靜地等待敵人內鬨， 讓他們互相仇恨，互相爭鬥，最後自取滅亡， 這樣我方不用一兵一卒，就可以達到預期效果。 第十計：笑裏藏刀 「笑裏藏刀」的意思是表面裝出十分友好、充滿誠意的樣子， 使對方信以為真，放鬆警愓，但實際上卻暗中策劃， 積極準備，一有機會就立刻行動，使對方措手不及。 第十一計：李代桃僵 「李代桃僵」用在兵法上， 是說當戰局發展到必然會有所損失時， 就要以放棄局部的利益來保全大局的利益。 第十二計：順手牽羊 「順手牽羊」這一計，是及時利用敵人的失誤， 抓住一切有利的機會來擴大戰果，發展勝利。 第十三計：打草驚蛇 「打草驚蛇」計，提醒我們對於有懷疑的事要了解清楚， 等明瞭以後再行動，否則會一敗塗地。 第十四計：借屍還魂 「借屍還魂」原意是說已經消亡的、不存在的東西，又借助某種形式得以復活。 作為一個軍事計謀，則是說要善於抓住一切機會， 甚至看上去是毫無用處的東西也可加以利用，爭取主動，擴大成果。 第十五計：調虎離山 「調虎離山」是一種調動敵人的策略，把虎調開， 使敵人部署上出現漏洞，自己一方便乘虛而入，這樣就可以輕易取得勝利。 第十六計：欲擒故縱 「欲擒故縱」是說在敵我交手時，如果逼得敵人走投無路， 他就會反撲。而故意放他一條生路，反而會削弱他的氣勢， 瓦解他的鬥志。我方就可以尋找適當時機，征服敵人。 第十七計：拋磚引玉 「拋磚引玉」計是指用相類似的事物去迷惑、 誘騙敵人，引敵人入圈套，然後乘機擊敗敵人。 第十八計：擒賊擒王 「擒賊擒王」計認為攻打敵軍主力，捉住敵人首領， 這樣就能瓦解敵人的整體力量。敵軍一旦失去指揮，就會不戰而潰。 第十九計：釜底抽薪 「釜底抽薪」計是當兩軍對壘時，一方不直接針對敵人的鋒芒與敵人抗衡。 而是另想辦法，從根本上削弱敵方的氣勢，這樣就可以以弱勝強。 第二十計：混水摸魚 「混水摸魚」計是乘亂取勝的意思。 中國古代軍事家運用這一計時，大都是先設法把水攪混， 然後利用敵人互相混戰之機，把他們一一消滅掉。 第二十一計：金蟬脫殼 「金蟬脫殼」的本意是：蟬在蛻變時，本體脫離皮殼而走，留著蟬蛻還掛在枝頭。 此計用於軍事，是指通過偽裝擺脫敵人，以實現我方的戰略目標的謀略。 第二十二計：關門捉賊 「關門捉賊」是說對弱小的敵人要採取四面包圍，這樣就可以全殲敵人。 當然，這個計如果運用得好，甚至可以圍殲比自己強大的敵人。 第二十三計：遠交近攻 「遠交近攻」計是當實現軍事目標的企圖，受到地理條件的限制時， 先攻取就近的敵人，而對遠隔的敵人取得暫時的聯合。 等攻取了近敵之後，再一一擊破遠敵。 第二十四計：假道伐虢 「假道伐虢」的「假道」是借路的意思。 對於處在敵我兩個強國中的弱國，當敵方逼迫它屈服時， 我方立刻出兵援救，借機把軍事力量滲透進去， 控制其局面，再乘機發動突然襲擊，就可輕而易舉取得勝利。 也可理解作先利用甲做跳板去消滅乙，達到目的後，回過頭來連甲一起消滅掉。 第二十五計：偷樑換柱 「偷樑換柱」計的意思是要暗中抽換敵人的主力，然後乘機控制或吞併敵人。 第二十六計：指桑罵槐 「指桑罵槐」的意思是故意利用某些人的過失， 通過對這些人的懲罰，去警誡那些不服從自己指揮的人。 第二十七計：假癡不癲 「假癡不癲」，重點在一個「假」字。 「假」的意思是偽裝。裝聾作啞，軟弱忍讓，使敵人放鬆警惕。 等時機成熟，再出奇不意地向敵人發起進攻，敵人猝不及防，必然失敗。 第二十八計：上屋抽梯 「上屋抽梯」用在軍事上，是指利用小利引誘敵人，以便將敵人圍殲的策略。 第二十九計：樹上開花 「樹上開花」是指樹上本來沒有花，但可以借用假花點綴在上面， 讓人真假難辨。此計用在軍事上，是指當自己的力量薄弱時， 可以借別人的勢力或某種因素，使自己看起來強大，以此虛張聲勢，懾服敵人。 第三十計：反客為主 「反客為主」的意思是在日常生活中，主人不去招待客人，反而受客人招待。 用在軍事上，就是乘支援盟軍的機會， 把自己的力量安插進去，然後有計劃地逐步控制盟軍。 第三十一計：美人計 「美人計」的意思是對兵力強大的敵人，要先制服他的主帥； 對足智多謀的主帥，要設法腐蝕他的意志。 只要讓敵人的將帥鬥志衰退，士兵士氣消沉，那麼敵軍就沒有了戰鬥力了。 因此，針對敵人的弱點滲透瓦解，就可以更容易消滅敵人。 第三十二計：空城計 「空城計」屬於一種心理戰術，主要是利用敵人多疑的心理弱點， 在兵力空虛時，故意做出不加防守的樣子，使敵人產生疑慮， 不敢作進一步的進攻，從而使自己化險為夷。 第三十三計：反間計 「反間計」的實質是巧妙地利用敵人間諜反過來為己方服務。 第三十四計：苦肉計 「苦肉計」是一種特殊做法的離間計。 運用這條計，「自害」是真，「他害」是假，以真亂假。 己方要做成內部矛盾激化的假像，再派人裝作受迫害， 借機打入敵人內部進行間諜活動，以達到操縱敵人、打擊敵人的目的。 第三十五計：連環計 「連環計」是指多計並用，計計相連， 一計累敵，一計攻敵，這樣任何強敵，都會攻無不破。 第三十六計：走為上計 「走為上計」，是指敵我力量懸殊的情況下， 己方採取有計劃的主動撤退，暫時避開敵人鋒頭。 再尋找機會，以退為進，以弱勝強。 >>February 15, 2008 at 8:08:28 AM GMT+8 2008 年 2 月 6 日 星期三 【陰晴不定】 >>February 7, 2008 at 1:57:01 PM GMT+8 2008 年 2 月 5 日 星期二 【陰晴不定】 家姐仲送咗支千年人參俾爸爸，非常大....個盒..相比條參就... 年三十晚一家人又聚埋一齊食飯，大舅父話遲d會幫蘋果日報經濟版寫野 一個星期平均寫兩編！負責數臭名人！唔知陳冠希有冇份呢？！哈哈！ 上星期六老細冇番工，成班同事入會議室開咗投影機，再開晒陳冠希d相睇！ 洗唔洗放到咁大！睇Bo Bo果張時！同事M：嘩！璇您最想睇啦！ Me：車！又唔係未見過！佢只係陳冠希所以特別唧！對我黎講咪又係咁！ 您話未接觸過未睇過就話好驚喜！入得黎都係大人啦！湊熱鬧唧！ 同事M差不多有齊咁滯，如果我係佢地宜家既伴侶，我睇完我覺得冇問題！ 因為每個人都有過去，有邊個人冇？只係呢個社會對性話題敏感唧！ 同埋呢d相唔應該俾當時人以外既人睇到，到宜家沒完沒了的...何時才結束？！ 朋友R：陳冠希變態影d咁野！ Me：您咁講又錯了！陳冠希誰個女孩不想上一上！ 朋友R：俾人影晒出黎喎！ ME：咁就要諗諗哪！不過都係好想上一上！哈哈！ 昨天放工老公接我食飯再去睇長江七號，勁攪笑！睇完散場婆婆打電話俾我！ 話我知鄉下的阿婆昨天死了！吓！那麼突然？！她是我公公的大老婆！一直在鄉下！ 沒有享過什麼福就去了！我跟公公婆婆回過去3次！她對我跟婆婆都很好！ 每天看著我就讚我很像媽媽，生得很漂亮！我還記得她的樣子！雖然老老的！ 但對我總是笑容滿面的！我...會記得您！安息吧！願您在天國好好生活！ 新年了聽到那些消息，心情變得沉重！我知道婆婆什麼事都會怪自己！ 就連不關她事的都要管！帶著沉重的心情安慰她一輪就吩咐她早點睡 小朋友您早點睡，大人事我呢d大人會處理，錢銀方面都唔需要擔心！睡吧！ 大家都唔敢告訴公公，雖然每次番鄉下，公公就是避開她，但我知一夜夫妻 他總會想她的！宜家公公身體差了很多，老人痴呆也嚴重了！人都不太認得！ 很想今天跟老公和爸媽行維園，因為見到個吹氣金莎好靚想買，但怕太多人 媽咪話響屋企煮飯，一家人食下飯響屋企休息下喎！唔好同人迫！ 今日媽咪就話我知買左金莎俾我！雖然煩緊咁大個放邊好！但係都好開心！ 在這跟大家拜個早年！祝2008事事順景！財源滾滾！大家咁話！新年快樂！ 因為旅行關係，初6回港！初7公司春茗要幫手做野！遲d再見！ 今年開始派利是，人生第一次派利是，原來派利是都係一個樂趣來的！ >>February 6, 2008 at 7:20:58 AM GMT+8 2008 年 1 月 31 日 星期四 【晴】 好高興聽到個朋友話又有拖拍，不過聽落去原來又有問題！ 我同個朋友講咗一大堆野，又唔知佢明唔明！ Me：其實好明顯對方就唔鍾意您，您一相情願做再多既野，都係等於白做！ 我明有時感情既野唔係您付出咗可以扮冇事發生，只係做朋友既想您睇開ｄ囉~ 結婚唔代表到ｄ咩，如果感情好既結婚對我地黎講都只係一個儀式囉！ 如果感情唔好既俾您結到婚又如何？您都會離婚！您要攪清楚一樣野！ 無論拍拖定結婚之前之後都好啦！您地都係一個獨立既個體！ 生老病死！人始終會死！唔通佢老哪要死哪您跟佢去死咩！定陪佢去死！ 唔得架嘛！您對佢好！佢唔領情...付出一次..兩次...三次....您總有一次會死心！ 但係到時可能唔止您一個人受傷害了！我咁講都係想您成長一下，清醒下！ 大個了！人生總有些人總有些事令您不知不覺間長大！您問我！婚後努力工作！ 入職到宜家短短半年，加人工兩次，出5個月花紅，收4封大利是！您呢？！ 這半年還是渾渾噩噩？番工放工？做過ｄ咩您記得嘛？2007年我為自己寫下光輝一頁！ 信我啦！努力搵錢！唔需要靠人！有冇另一半您都需要生存的！ 做男人既養唔起個老婆既就唔好娶人番黎，做老婆既諗著靠人養既就唔好嫁！ 咁樣只會俾人睇唔起您！加油啦！老左您冇錢要去乞！都起碼俾我知您努力過！ 唔係一世都洗晒ｄ錢去人地度！我接濟您就絕對唔係問題！但係如果您仲係咁既態度！ 乞食行遠ｄ呀唔該！乞都唔好乞黎我門口！盞屎都冇得您食！係朋友先鬧醒您咋！ 新年去旅行...好緊張..好想快ｄ到果日！不過又驚果幾日仲好凍！浸溫泉唔會好凍掛！ 麥嘜宜家努力搵錢，亦好努力洗錢！上個月還左萬幾蚊咭數！老公冇鬧！ 剩係問我洗左去邊度？！吓！唔記得了！ 老公：哦！咁由佢啦！ Me：咁順灘！不過我都唔記得洗左去邊！宜家幾十張信用咭！用到我亂晒！ 但係有ｄ食肆用果張信用咭又真係有九折喎！（咩唧！嫁左既師奶係咁架啦！車） >>February 2, 2008 at 2:15:43 AM GMT+8 2008 年 1 月 27 日 星期日 【晴】 
冬天的阿糖不愛動....... 冬天的棉被怕有窿..... 冬天的睡意超級濃....... 冬天的廁板特別凍........ 冬天的身材有點腫... 冬天的青蛙快中風....... 冬天的食慾非常重.... 冬天的大便不太通...... 冬天的暖包沒有空..... 冬天的老羊開始瘋..... 最近公司好多流年運程書，每個買一本咁滯... ...我自己都係買番蘇民峰果本！ 林林總總應有盡有；八婆主管：喂！邊個屬羊呀？！ Me：我呀！ 八婆主管：吓！唔害我都偷笑啦！本書話屬羊屬虎係貴人！幫我化大凶星！ Me：屬羊屬虎拎轉面(心諗)，幫您...好！難哪！超！ 屬虎肥婆同事：得！睇下有咩著數啦！哈哈！！（騎騎騎！成日都唔知笑咩！） 之後有個屬兔肥同事：喂！老羊幫我打ｄ野！ Me：吓！！老羊！（我唔炒孖展的老兔！哈哈！） 屬鼠同事：哈哈！！我叫老鼠呀！ Me：我叫老羊！ 八婆主管：我咪老馬！！ 超低B的同事！不過我鍾意咁樣！大家有講有笑！唔好成日陰陰濕濕諗野陰我囉！ 2007年好似好多小人響身邊！由其D同事！所以MSN寫了！貴人未必會幫您囉！ 但係小人就做每一樣野都係害緊您，或者諗緊點樣累死您！好奇怪！我係文職！ 負責幫Sales解決文件上的東西，完全冇利益衝突的角色，但有d陰濕人 處處作對，專響八婆主管響樹既時候就捉我痛腳！例如：您打錯野喎！ Me：您睇果張係未改之前的！您睇清楚未架！您係寫錯唔係我打錯囉！ 八婆同事：咁您改咗未？ 我媽叫我下次答佢：梗係改咗啦！我唔驚您又響主管面前告狀咩！您唔陰我都偷笑啦！ 唉！其實為咩呢？我都唔會搶飯碗？搵份工過日晨唧！您累我唔緊要！ 一陣累到我舅父就唔好啦！所以響公司都係小說話好！因為太多小人！好危！ 老羊冬天容易俾人:荂A所以要小心為上！（糖糖年初一就四歲了！恭喜恭喜） >>January 28, 2008 at 5:15:03 AM GMT+8 2008 年 1 月 17 日 星期四 【陰晴不定】 病了...又病了！ 星期六零晨二點鐘，起床去洗手間，突然天旋地轉，轉過頭不停嘔 嘔到四點頂唔順自己搭車去睇急症，去到冇嘜人，所以好快輪到我 醫生幫我打咗支針，叫我休息，我自己懷疑自己食錯野！但醫生冇講原因！ 醫生：我同您打針止反胃先！ Me：止唔止頭暈呀？ 醫生：止呀！止暈又止嘔！ Me：哦！ 抖咗一個鐘左右好番好多，醫生俾咗d藥我番屋企食！第二日就好好多了！ 點知星期日晚訓訓下流鼻水，嘩！點呀大佬！跟著睇左兩次醫生！宜家仲未好！ 仲報晒名新年一家人去旅行！今次一行四人，唔洗再同爹地媽咪一間房！ 超期待！我要浸溫泉！我要放大假！ >>January 18, 2008 at 6:45:23 AM GMT+8 2008 年 1 月 7 日 星期一 【晴】 
朋友您可知道 因為您我明瞭 已得到世界上最完整的擁抱 還有最好的祈禱 直到天荒地老 緣份是那麼的重要 太奇妙 人群中是反覆多紛擾 您還在我的懷抱 我要 我要您過得比誰都要好 我要您生命是陽光普照 我要 我要您站得比天還要高 我要您得到最美麗最完整的回報 您為我苦惱 是因為看到我在苦惱 可知道 我微笑是為了您微笑 您為我煎熬 我知道我會不屈不撓 您已成為我一生中最偉大的驕傲 直到天荒地老 緣份是那麼的重要 太奇妙 人群中是反覆多紛擾 您還在我的懷抱 我要 我要您過得比誰都要好 我要您生命是陽光普照 我要 我要您站得比天還要高 我要您得到最美麗最完整的回報 您為我苦惱 是因為看到我在苦惱 可知道 我微笑是為了您微笑 您為我煎熬 我知道我會不屈不撓 您已成為我一生中最偉大的驕傲 >>January 8, 2008 at 2:50:19 PM GMT+8 2008 年 1 月 4 日 星期五 【乍雨乍晴】 可能一月一號紅日唔洗番工，覺得今個星期好快過，2號就開始我的出勤+偷懶編 星期三下午去左總行交入數紙再踩落旺角拎咭片...冇番公司 星期四下午去左總行交工咭再踩落旺角交雙掛號單...冇番公司 星期五上午大埔火車站(同事忘記取Leave record要拎俾佢) 搭車番緊公司時個八婆打電話黎：您響邊呀? Me：搭緊車番黎 八婆：我有野俾您打 Me：哦！我番緊黎！ 番到去個八婆響會議室照緊人，我入去同佢講我趕著一點出去到總行交Leave record 佢叫我俾份離職表格我，心諗佢想遲職定叫我遲職？係佢遲職就發達了！（發夢有您份） 果ｄ咁既巫婆賴屎唔走，炒我咩佢又冇咁時本事，睇下佢真可憐！陰公！ 咁我俾完野佢咪坐響樹等佢，睇佢個八婆有咩俾我打咁巴幣，坐左成個鐘 出黎先話我冇野俾您打，係唔想俾人知所以話有野俾您打，叫您番黎俾份表格我 正一賤人，生仔冇pat pat！大佬我趕時間架！我坐到12:30您先話其實冇野打 老公講得岩...您當時有冇諗過大巴大巴星個八婆？有！一定有！ 而且想大巴大巴到個頭九千三百九十幾度不停轉，八婆！正一八婆！賤人！正一賤人！ 冇辦法飛趕過去總行交Leave record再踩落旺角交Medical Claim...冇番公司 星期六長周半天....完 所以今個星期好似好快過！12月30日同老公去左南丫島！今次住匯豐銀行樓上！ 唔錯呀！家具好新！洗手間ok大又乾淨！仲有風桶+熱水壺！不過下次租隔離座好ｄ！ 對正個海囉！宜家側左ｄ！樓下夜晚嘈！因為有酒家+酒吧！超嘈！ 攞左房之後我地就出去，行落樓梯時不小心滑倒，嘩！ 老公：邊到痛？ Me：成個pat pat都痛！(扁咀ing) 老公：嚇死我呀！ Me：嚇死我呀！以為就咁車咗個老公落樓死鬼咗！ 抖咗陣就出發，今次誓死找到風采站！嘩！我 pat 好痛！ (後來行完番去沖白白就見到右pat瘀左一個蕃薯size+腫了硬塊！還未散瘀) 原來上次同爸媽黎係行岩左，不過果日冇咩人行，爸媽行到山腰就冇行 而我自己一個行完條斜路再望上去，不到都係得條路，所以唔敢再行，就番落山 原來差5分鐘路就到既時候都放棄了，今次好多人上，見到了！很粗壯的風車！ 我要擁抱大風....車？！做咩搵ｄ報告板圍著晒架！我仲諗著上黎擁抱大風車！ 原來南丫島係背著香港，上到風車望到另一邊就係香港，原來好近架咋！ 風車您好...黎左咁多次車丫島終於都見到您了！您好利害咁凍咁大風都可以企響樹！ 行完就番落去買野食，仲去南海酒家訂咗3隻巨型賴尿蝦7:30黎開餐！靚ｄ架吓！ 老公帶咗大富翁去玩，我帶左啤牌，哈哈！玩咗陣出去吃飯 嘩今次ｄ椒鹽賴尿蝦好似冇上次咁有鑊氣，但都唔錯！ 再叫左碟芝士蝦伊麵，炒菜，椒鹽鮮魷麻麻地！飽到可樂都飲唔晒！飽到嘔咁滯！ 下次再黎叫四隻椒鹽賴尿蝦，正正正！哈哈！埋單都係六百幾！好鬼抵！ 番到去玩埋副大富翁，我嬴左四萬幾蚊！老公破產！Sorry！ 後來食下零食我訓咗，老公訓左幾個鐘就起身響我身邊打機，我覺得越訓對腳越凍 起身睇下咩事，原來佢驚我踢佢所以拎走對腳ｄ被，激死我，對腳唔暖成個人就凍 咁簡單既常識佢都唔知！您係咪去得日本多！冇晒常識？激死我！ 叫佢落樓下買點心番黎食，食完我又再訓多陣，好舒服的一天！ >>January 5, 2008 at 4:43:14 AM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<