| 日記 | 日記主簡介 |
||||||||||||||||||||||||||||
2006 年 7 月 28 日 星期五 【微雨】 我想跟您說的是，我從來沒有想過傷害您，您跟我說：我只是想要多一點自己的空間。 您說：那不是背叛，只是一種自由，我看著您瞳孔似乎適應了黑暗 但是對您的焦距卻越來越模糊，到現在我才發現，愛您跟不愛您都是不能假裝的！】 愛得太遲 我過去 那死黨 早晚共對 各也紮職以後 沒法暢聚 而終於 相約到 但無言共對 疏淡如水 日夜做 見爸爸 剛好想呻 卻霎眼 看出他 多了皺紋 而他的蒼老感 是從來未覺 太內疚擔心 最心痛是 愛得太遲 有些心意 不可等某個日子 盲目地發奮 忙忙忙其實自私 夢中也習慣 有壓力要我得志 最可怕是 愛需要及時 只差一秒 心聲都已變歷史 忙極亦放肆 見我愛見的相知 要抱要吻要怎麼也好 偏要推說等下一次 我也覺 我體質 彷似下降 看了症得到是 別要太忙 而影碟 都掃光 但從來未看 因有事趕 日夜做 儲的錢 都應該夠 到聖誕 正好講 跟我白頭 誰知他開了口 未能挨下去 已恨我很久 錯失太易 愛得太遲 我怎想到 他忍不到那日子 盲目地發奮 忙忙忙從來未知 幸福會掠過 再也沒法說鍾意 愛一個字 也需要及時 只差一秒 心聲都已變歷史 為何未放肆 見我愛見的相知 要抱要吻要怎麼也好 不要相信一切有下次 相擁我所愛又花幾多秒 這幾秒 能夠做到又有多少 未算少 足夠遺憾忘掉 多少抱憾 多少過路人 太懂估計 卻不懂愛錫自身 人人在發奮 想起他朝都興奮 但今晚未過 您要過也很吸引 縱不信運 您不過是人 理想很遠 愛於咫尺卻在等 來日別操心 趁您有能力開心 世界有太多東西發生 不要等到天上俯瞰 >>July 30, 2006 at 10:29:30 AM GMT+8 2006 年 7 月 27 日 星期四 【微雨】 「當初的堅持，現已令我很懷疑，很懷疑，我最尾等到只有這枯枝」 但懶惰不是罪，本人堅持「懶惰無罪」！ 無雙譜 大概三角才好 您有本領兩個得到 令您身價抬高 誰亦害怕未搶到 而愛情 要用尺度 極懷疑全非真愛慕 而最後 讓您苦惱決定誰好 或兩匹布 您自問未著到 * 您想相戀的高估您 還是失戀的憎恨您 難道愛情 需找兩個人優點去比 每次給挑選都被拋棄 其實我以心來挑選您 卻像 競技賣藝遊戲 是我想我人好 每次都信勉強不到 亦信純真的愛慕 何用做戲地討好 如愛情 需踏血路 是情人誠懇抑冷酷 如我們 煩惱該去禮讓誰好 就當憎您 我但願您聽到 repeat * 您想一起都苦等您 還是想一起爭奪您 難道愛情 需找兩個人優點去比 每次給挑選都被拋棄 其實我以心來挑選您 卻像 競技賣藝遊戲 怕贏了亦恨透您 >>July 30, 2006 at 10:30:22 AM GMT+8 2006 年 7 月 26 日 星期三 【微雨】 Me :「好呀，當然好！由踏上迪士尼地鐵開始， 一切都是樂園悉心設計的童話世界，當然好玩。」 朋友：「有什麼咁多玩？或者有咩推介？」 Me：「ar ‥‥‥沒有！」 朋友：「-_-" 咁您又話好玩？」 Me：「好玩係因為我和他忘形的過了一日， 好唔好玩，是在乎您同邊個去玩、抱著咩心態去玩唧。」 >>July 29, 2006 at 10:29:55 AM GMT+8 2006 年 7 月 25 日 星期二 【微雨】 作為一個主題公園，香港迪士尼已經合格。雖然地方小，但總算把童話世界帶了來香港 每一個角落都如卡通片內的佈景般美麗，置身在內，很容易被環境感染而玩得投入。 夢想花園 在這裡可與迪士尼朋友，即米奇、美妮、唐老鴨、小熊維尼拍照留念。 見到米奇老鼠那一刻真的好開心，多渴望他是一隻真的米奇，而不是人扮的。 三十度有多的天氣，遊客早已大汗淋漓，難以想像公仔外套內的人有多辛苦。 有多熱、有多累，米奇還是對著鏡頭「笑」的，真是敬業樂敬！ 米奇老鼠搵的是「血汗錢」，和路迪士尼搵的是「大錢」‥‥ 小熊維尼太空指揮部糖果珠寶百貨精品店 不用驚訝，這不是「一間」精品店，是集合了多間精品店的店名。 去到大嶼山那邊咁遠，我本想買一兩件手信和紀念品給家人，但逛了很久，實在買不下手。 我喜歡米奇，一本單行簿‧承惠 HK$70 其他公仔、T-Shirt、文具、玩具全部都靚 但全部都貴。對不起，我知搵錢好難，所以現在不會這樣花錢。雖然貴，我都買了一張貼紙 不是空手而回，這吃了百幾蚊的快餐，十幾蚊一杯啫喱，其實出黎玩都預咗貴，不打緊！ 但一雙疲倦的腳提醒我，我今天玩得很高興！ 煙花表演 晚上八時正，樂園的燈全熄掉，正式開始煙花表演。 煙花規模不小，歷時有十多分鐘，奪目的煙花的確能夠觸動人的心靈 遊客都看得很愉快。望上天空，除了五光十色的煙火，還有煙。 昨晚應該是吹東風，我看到一片片煙吹向剛才日落的那邊，不消十分鐘 本來清朗的天空已經變成白濛濛。白煙會散，但煙對環境的禍害何時才散？ 煙火雖美，但美麗背後要付出的代價真不少。 迪士尼每一晚都會放煙花，但我實在不忍心看見夜空每一晚都變成煙霧彌漫的。 不要每晚都放煙花，可以嗎？ 天黑了，回家 回程時，出口廣播著「我地將會帶您返回現代的香港‥」 我想，把「現代的香港」改為「現實的世界」會更適合。 多謝迪士尼締造了如此良辰美景，讓我在一個脫離現實的童話世界過了快樂的一天。 >>July 29, 2006 at 10:32:44 AM GMT+8 2006 年 7 月 24 日 星期一 【晴】 一直都懶懶的未實行，終於上星期老公番黎就問我：係唔係交換日記？不如網上日記？！ 好呀 ~ 老公抵錫！有幾個免費日記俾我地揀，呢個世界有得上網真係好，可以見到老公 又可以交換日記，我講好咗：大家止係寫自己生活發生既事！我只係想知咁多已經好好！ 佢係一家之主，日記當然佢寫先啦，我都有寫呀．．寫尋晚我媽冇端端拎我出氣 一定係更年期發作，我都係快ｄ同糖糖搬，如果唔係香港又多單虐兒及虐畜案發生 我終於決定搬去南丫島，因為糖糖既主診醫生話他唔適宜周圍飛，或者我都係等佢百年歸老 最近我媽日日鬧我冇心搵野做，我又唔等錢洗，更加唔係冇飯開，做咩唧？！ 我媽話：您唔做野響屋企做咩先得架，同個世界脫晒節，個腦就一路唔用，想點呀！ 唉，所以我send左幾份Resume出去，人工大約$6500-7000咁上下，都係中環果ｄ會所文員 之前有人介紹，不過佢一問我您靚唔靚？下！我靚！不過佢條問題令我好反感！ 請人做文員咋，當我舞女還是妓女？靚唔靚！發神經！老公一聽完發晒火，話一定唔多妥 原來間公司得4個人，有1個係女主管，2個男經理(指明未婚)，最後就係個文員$6800 番12：00p.m. - 9：00p.m.食晏2個鐘，除咗服侍果2個經理打信之外，可以上網做gym 咁好既工去邊樹搵，但sorry我唔係舞女亦唔係妓女，另謀高就！訓了！唔係又俾更年期鬧！ >>July 25, 2006 at 5:53:35 PM GMT+8 2006 年 7 月 23 日 星期日 【晴】 放露台兩個星期，棵已經向日葵高過人，而且仲好百厭，向日葵一路向上爬 越生越高，見牆就挨，今早我見到枝身由「露台欄河」伸左出屋外 把鬼火，我立即扯番佢返來啦！哼~ 足足有成六、七吋生左出去呀！ 豈由此理，好彩我發現得早，否則，佢咪向出面「開枝散葉」 而家我用鐵線將植物枝身固定在竹支上，應該唔好再「走佬」喇掛！ 好地地一顆植物，扮 " 冷 " 藤，仲玩紅杏出牆！過份！ >>July 29, 2006 at 11:00:00 AM GMT+8 2006 年 7 月 22 日 星期六 【晴】 鬥苦 不太快樂童年有陰影 工作壓力大得分秒想 報警 失戀相戀卻再失戀忍不了怨命 無人無力聽我大喊更絕情 人常常跌倒 最後人人學跳高 誰又坎坷到老 來年定更好 最好 不痛苦 凡人類都需要吃苦 曾盡努力等老天吩咐 離別了 是誰福薄亦難估 也別怪他可惡 鬥苦 旁人大把比我痛苦 自我縮小不太需關顧 淪落了 可以勤勞如白蟻 最壞情形大不了 躲於地庫 失去正業得到了擔心 出世以來無福戀愛只有等 終於抑鬱症纏身交足所有惡運 唯求憑著智慧受苦去做人 人常常跌倒 最後人人學跳高 誰又坎坷到老 來年定更好 最好 不痛苦 凡人類都需要吃苦 曾盡過力等老天吩咐 離別了 是誰福薄亦難估 也別怪他可惡 鬥苦 旁人大把比我痛苦 自我縮小不太需關顧 淪落了 可以勤勞如白蟻 最壞情形大不了 躲於地庫 算吧 與赤地或戰地 去比 雙失了傷心了還是會飛 不痛苦 凡人類都需要吃苦 曾盡過力等老天吩咐 離別了 是誰福薄亦難估 也別怪他可惡 鬥苦 難磨滅貪心最痛苦 期望低一點也都不顧 固執到對世界也忘掉了 世上貧民和他比 彷彿巨富 甚麼都能不顧 >>July 30, 2006 at 10:30:59 AM GMT+8 2006 年 7 月 21 日 星期五 【清涼】 雖則天真的蠢豬 我未搏得歡呼讚譽 然而有您愛上我的短處 快樂也許不必富庶 繁盛世界慣了以冷眼 去看我滑稽的際遇 能令您去發笑 也有用處 我用傻事去捐輸 ＊多麼蠢的蠢豬 個個也來揶揄 高攀不起公主 並沒段段艷遇 悠然面對這悲劇遭遇 齊集給了您當笑話書 多麼蠢的蠢豬 愛上那條人魚 即使爭都爭輸 仍然從未怪罪於天主 自信戀愛運很特殊 明日您前來叫我蠢豬 講愛情暗語＊ 即使悲觀的烏龜 我亦看出牠的美麗 仍然有您愛我我都矜貴 快樂要先拋開智慧 誰又會似隻蟻去獻世 各有各獨一的規例 同樣您愛錫我 那有代替 證實人沒有高低 開心多麼簡單 要愛有何疑難 不必苦苦支撐 但願是是但但 誰人自怨說生活艱難 成就似爬完勉強高攀 開心多麼簡單 那怕愛人平凡 A餐B餐C餐 原來無論吃什麼早餐 共您的每日都燦爛 而幸福秘訣太過簡單 於好處著眼 >>July 30, 2006 at 10:32:27 AM GMT+8 2006 年 7 月 20 日 星期四 【晴】 今次好叻大大聲好草根咁叫：我想要個垃圾桶！真係有人應我！不過唔係我揀既款．． 
買唔到印印！我仲想行埋去睇第二ｄ野，不過個個人都企晒響度又唔係買 其實年年佢地企響度係唔係做媒，係咪應該好似漫畫節咁，個個攤位圍鐵馬會好ｄ？ 唔係買既唔應今響鐵馬出面，有個攤位仲離譜，賣Stephy同Theresa既相呀.書呀.精品 成個攤位圍坐晒人等，以為等咩．．原來係Stephy同Theresa黎簽明，我都想見到佢兩個 不過我仲想買兩張Stephy既12R相，響人潮後面呆呆咁企響度，入面工作人員冇反應 基本上唔係做生意囉，晒氣！我仲買咗兩本之前去PageOne冇買到既書，仲有本張小孄珍藏 好想買！但佢之前兩本既珍藏我都買咗，每本都睇左幾頁，唔係唔好睇係我根本 ~ 懶！ 多年前以經戒睇小說了！因為 ~ 懶！其實有好多小說都好ok~ 不過可惜我已經戒咗！ 連續兩年去書展都買呢兩個作者既書，響我心目中佢地既愛情觀都係出色既！應該話 ~ 捉到女性心態，又或者係佢地可以好清楚了解女人對男人既愛．恨．情愁！演繹得活生生！ 講咗咁耐都未講佢地係邊個，就係：李牧童 / 梁繼璋 梁繼璋：一顆浪蕩的心 梁繼璋好多人都識佢係做DJ既，但出書都係近幾年既事，前幾年大家都有聽聞佢撞車 原來內有原因，他之前有個女朋友，每次都為少事大吵大鬧，有次響高速公路突然發爛 當事梁繼璋行駛途中，她突然猛力拉扯呔盤，終於失控！好彩未有車禍及傷亡發生！ 事後當然分手收場，其實每個女人都可以愛得歇斯底里，為了霸佔所愛無所不用其技 我亦曾經愛得歇斯底里，明白對一段無法挽回既感情，女人會變得唔理智！是可以理解； 李牧童：愛，自私一點又何妨！ 我既朋友好喜歡睇書既都唔識佢，以前我睇蘋果日報既副刊散文編，唔係經常看到他的文章 但每編我都怎喜愛，漸漸留意他，到去年書展見到他出的第一本散文，我又點會錯過呢？！ 連我媽媽那麼冇書緣的人，也默默看完整本書，心想我眼光都不錯！ >>July 22, 2006 at 11:06:10 AM GMT+8 2006 年 7 月 19 日 星期三 【清涼】 但係對您另一半黎講就係一個傷害，我從來都講果句：您唔傷害我，我係唔會去傷害您 所以呢幾日個侍應仔不停打電話俾我，攪到我好似偷情咁！所以我今日冇聽佢電話．． 上網見到佢都好快就Offline添，我其實係前幾日媽咪放假，響屋企冇野做媽咪話上網打麻雀 佢就響麻雀房悄悄話同我講野，初初話教我打麻雀，又話響msn教，又響電話教 由佢第二次打電話黎，我知佢唔係當我普通雀友，因為佢問我：您做緊咩？！ 同埋：您掛著我呀？我媽咪講過，個個人都係咁，自己肚餓就會問人：您肚唔肚餓呀？ 自己鍾意人，就會問人：您係咪鍾意我？！十分得人驚！！所以我要諗辦法拒絕佢 但係佢就成日打電話俾我，講野扮到好成熟，好似好識諗咁，我感覺好反感！ 您就算細我一個鐘都好啦，您係細過我就細過我，呢世都改變唔到，係男未婚女未嫁 咁又點？我係唔會鍾意細過我既男仔，您話我老套又好，話我低ｂ又好，當我對您唔住！ 我係咪俾錯signal佢？！諗黎諗去又好似冇！我同佢講野都特登牛聲牛氣壓低把聲 因為以前試過太多次，個個男仔聽到我打聲以為我好靚好溫柔，其實我唔係囉！ 我好粗魯又黐身、眼又細、口又大、鼻又扁、唔溫柔、唔細心、最緊要我陰毒呀嘛！下嘛！ 全世界您真係搵唔到個差過我架哪！簡直恐龍咁款！又惡又毒！行親埋黎果個死果個！ 幾得人驚！講到我自己都驚！下嘛！我呢ｄ人冇朋友、冇親戚、冇錢、冇事業、冇健康 冇車、冇洋樓、冇蕃狗、自私、自卑、冇高度冇風度，總之就係百冇！ 您唔好攪我啦！我細路女黎架咋！有冇人救下我呀？！點拒絕個侍應仔？ 我由細到大都唔識拒絕人！今次真係臨嫁入花叢！ >>July 20, 2006 at 5:19:13 PM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<