| 日記 | 日記主簡介 |
||||||||||||||||||||||||||||
2007 年 10 月 25 日 星期四 【晴】 但總是每次要接受她的時候，就是她發癲的時候，唉！天呀！不要再作弄我好嗎？ 下午同班同事去食醉雞！我雖然好鍾意食雞，但醉雞我的確係麻麻！唔鍾意佢醉味！ 但今日果隻雞雖然醉但易接受，俾我揀我都係揀番津津雞！好得意今日間舖名：爽爽 一隻爽爽雞同一隻津津雞！津津雞略勝一籌！不過差不多一年冇食過津津雞了！ 食得太飽整個下午都恰眼瞓，打咗成日機準時收工！真無聊！ 約左成個月終於約到心水時間去覆診，最攪笑我媽打電話黎：您好窮咩？ 做咩去排街症唧？唔係呀！上次睇私家佢叫我去排街症，診所唔同我睇呢ｄ喎！ 咁怪？係囉！有錢都唔賺喎ｄ醫生！鬼知佢做咩唔同我睇唧！ 上次抽咗血化驗，再次証明我冇地中海...貧血（爸爸有我冇？唔通！我唔係佢女？） 其他肝、腎、血脂、膽固醇都正常！只係血壓點解會高到190就係好大疑問？ 醫生今日俾咗一個月藥我，仲要我下個月去醫院做心電圖，同唔知照個心咩野？ 我諗我個心太傷了，舊傷太深..牠一定是想好好休息了！ 其實我諗人生七十古來稀！對我來說28歲已經好夠了！什麼沒試過？ 我想的東西都有了，失去的東西都失去了！我已經很滿足了！人最緊要知足！ 我亦都好想俾個心好好休息！您太累了！陪我走了28個頭年，也實太辛苦！ 傷心+淚水的日子也都俾人多！也算您不好彩吧！找個很差勁的主人啊！ 讓您能夠開心的時候都不多！好想同您講：就算您這刻就罷工我都不會怪您 因為我知道這28個年頭真的太傷心太傷心了！您好好休息吧！ 我知您為了我已經很堅強支持很久！謝謝您！知道自己個心有事！ 一ｄ都唔覺得太激動，只係有ｄ擔心身邊既人，他們會為我傷心嗎？ 不要！千萬不要！我已經活夠了！很滿足很滿足！真的！ 我很開心我們有緣走在一起，沒有您這幾個年頭不知怎過！您要好好活下去！ 身邊沒有我，至少您也好好的活下去！好好的照顧自己啊！知道嗎？！ >>October 26, 2007 at 2:21:52 PM GMT+8 2007 年 10 月 23 日 星期二 【晴】 有呢既事發生您都會開心，因為係工作額外既獎品一樣，得到地位的肯定！ 今日起身整完一輪野先去總行，再落朗豪坊，見到岩岩升職既新界區董事 佢叫我入佢房傾下計，吓！（有咩傾呀？！）原來舅父同佢講咗同我既關係！ 舅父仲同佢講埋個主管蝦我！佢都好關心呢樣野！我冇諗過要人幫手解決 只係希望佢真係幫到舅父手做好自己野！唔需要特別對我好！當我普通人可以了 但係我知自己有好多野做錯，已經好努力去改，好努力咁適應自己既工作 響中原做Admin您從來都唔會感覺孤單作戰，因為永遠上級叫您做一樣野 佢地響後面會為您做好多善後工作，永遠都唔需要粗心，但必須緊記既係 每次您都要做得比上次好，比上次整齊，比上次有進步！好似個主管上星期鬧我： 我唔要您再錯！之後每次俾文件佢既時候我都會對完再對，自己小心ｄ囉！ 唔會成世有人湊著您，一間分行得一個Admin咋！您應付唔到就另謀高就，唔送！ 今日九龍+新界區董事請飲茶，最怕應酬既我都唔知講咩？因為有幾個同事一齊飲茶 佢地都唔知我同舅父既事，廢事講多錯多！我知因為舅父佢地先請我飲茶！ 不過好難唔令到我有飄飄然既感覺，成個下午都笑唔停口...我！ 第一次響公司有成就感！超正既感覺！如果冇舅父我諗呢世我都唔會有機會感覺到！ 做完野去咗匯豐銀行，因為老公話申請張附屬金咭俾我，幫我填咗表叫我拎去交 跟著佢就介紹我買儲蓄基金，都好宜家剩番咁多錢，洗都洗唔晒 突然覺得自己好生性，哈哈！其實每個月供五仟蚊！加埋回報到退休有一千萬！ 未開始供個心情都經已好興奮！繼續加油！努力工作！十二月又再出花紅同加人工！ 心情大好！下年三月攞大假去旅行！台灣？日本？韓國？想去是但一度玩十日！ >>October 24, 2007 at 2:15:03 PM GMT+8 2007 年 9 月 7 日 星期五 【微雨】 天下有兩險 江湖險 人心更險 人間有兩薄 紙張薄 人情更薄 天下有兩難 登天難 求人更難 人間有兩苦 黃蓮苦 貧窮更苦 >>September 8, 2007 at 2:13:42 AM GMT+8 2007 年 8 月 15 日 星期三 【微雨】 大埔分行既新同事carmen fok醜樣唔緊要，最緊要有禮貌！ 但佢又醜又冇禮貌先激死嘛！又一個唔摸清人地底勢就出招既人！ 唉！雖然中原~楫篢藝s，但亦有好多禽獸不如既人在工作！ 我老細隻手遮天人所共知！冇人制佢！遲早整鑊金既佢歎！ >>August 15, 2007 at 4:13:59 PM GMT+8 2007 年 8 月 14 日 星期二 【微雨】 今日番到公司老細捉我入房問候一番！當然使出我看家本領！眼淚！ 但對付呢堆賤人似乎冇咩作用，我最大目的係要我上司黎到見到我喊得咁妻涼 我上司黎到佢地開緊會，一見到我喊佢又發晒老脾問我邊個蝦我！ 今日我仲唔煮重您米！話俾我上司聽個老細捉我入房！話我好講俾佢聽！ 我上司：唔洗理佢！您拎晒ｄ工咭俾我！me：哦！喊到我頭都痛埋添！太投入！！ 佢地開完會我上司捉個老細入房產佢老母上天花板！嘩！鬧完佢出黎！對著我幾溫柔！ 睇死佢啦！我上司一走仲唔捉我入房鬧！不過好想同您地講！我成功了！即時離職！ 佢第二次捉我入房既時候條賤精已經執好晒野走！老細響房繼續鬧！ 不過真係對唔住！我心好涼！再喊唔出！因為晏晝努力填晒所以離職表格俾佢簽！ 生累人死累街坊！cathy叫我當打齋幫佢做埋d手尾！送佢一程！好表格我幫您填！ 做做下過咗食飯時間！冇所謂橫掂喊到唔肚餓！不過最好笑係老細講d野！ 全程我冇出聲！都係心諗想咁答佢！ 老細：您心涼啦！（me：嗯！） 老細：巴幣哪！班同事以為您一句說話定生死呀！（me：唔止佢！遲早到您！） 老細：您有咩感覺！（me：冇） 老細：您冇覺得您做錯？！（me：冇） 老細：尋日咪同您講過，有咩都同我夾咗先，您聽唔到咩？ （me：聽到又點，您又唔係我老公，做咩要聽您話，您冇病吓嘛？！冇數到癲咗呀您！） 老細：您知唔知我感受（me：唉！都話您唔係我老公！我唔想知囉！好煩呀！） 老細：您攪單咁野！忙咗我成日！ （me：您忙足成日，仆您個街食飯食2個幾鐘，忙！食都您爆紅管咁肥！死肥婆忙！ 阿姐我飯都未食呀！正一死八婆！食食食！哽Q死您呀！忙！食！食！食！） 老細：您黎係幫我手！唔係害我呀！（me：死俾佢知道咗添！） 跟著我唔記得佢發咩UP瘋！我都剩係好想笑！差d忍唔著笑咗出黎！唉！心涼！ 雖然換得成班同事當我仇人！總之今日除去眼中釘！聽日輪到個老細！ 趕您唔走照舊我唔性麥！趕得一個走！唔差在您！我冇得撈之前都攬埋您一齊死！ >>August 15, 2007 at 3:17:07 PM GMT+8 2007 年 8 月 13 日 星期一 【微雨】 今日公司因為我大地震！因為果個死賤精Alan又再挑釁我！ 上次佢警告我都算啦！諗著再有下次就叫舅父炒Q咗佢！廢事養虎為患！ 今日佢再次問我點解要寫佢張工咭 NPL 真係頂佢個肺！佢都弗弗地！ 阿姐心情唔好鐘意寫咩就寫咩！分明想唔撈！那我就成全他！送佢一程！ 我打電話俾我上司！Admin最大果個！同佢講條友咁咁咁！當然俾多兩錢肉緊！ 講講吓諗起佢上次佢好兇咁警告我！咁就喊咗出黎！聽到自己ｄ細既俾人恰！ 佢火都黎埋同班區經講！成個朗豪坊都知發生咩事！唔知舅父知唔知呢！ 不過佢既然咁大條道理，區經入黎請飲茶就唔洗打咭唔洗寫簿既！我幫佢唔到！ 何況條友上次鬧完我，即時想炒佢！日日響公司炒蝦察蟹我都唔出聲！ 真係好想警告佢：靚仔！以後唔清楚人地底勢之前唔好挑釁人呀！摸清人地個底先！ 死咗都唔知咩事呀！死蠢！兼恭喜佢投入失業大軍！失業大軍有您呢ｄ人材！ 生色不少！恭喜恭喜！您老婆有您呢ｄ咁既老公！前世唔修！公司有您呢ｄ人渣！慘！ >>August 15, 2007 at 2:55:35 PM GMT+8 2007 年 8 月 9 日 星期四 【晴】 最近同個同事行得好埋，唔係拍拖！不過佢對我好好！佢有老婆無兒無女！ 上星期因為加班我好夜先走，佢等我收工仲請我去扒王之王鋸扒，傾咗好多野~ 佢話做埋今個月就唔做，想轉分行或者暫時唔做野住！問我意見我都唔知點算！ 因為個老細隻手遮天，留響樹死路一條，走咩又驚個老細夾埋區經一齊玩佢！ 其實留又死走又死！俾我會去第二間做唔留響中原！唔響中原搵唔到食咩！ 同埋最近我感受到佢對我真係好好，每次出去見客番黎都打電話問我食唔食野 下午茶時間又叫我蛇出去食野，今日打風佢出咗去見客，不停打電話番黎叫我走 驚掛咗八號風球冇車番屋企，其實如果俾著以前既我，或者我鐘意您好耐了 但宜家既我唔會了，我會感激命途裡曾經有您對我好，就算您走了...放心我會記得您！ 可能下世我跟您可以做夫妻架！！哈哈！！！所以您唔好再成日整估我！ 如果唔係下一世唔放過您！ >>August 10, 2007 at 8:49:59 AM GMT+8 2007 年 8 月 8 日 星期三 【晴】 有些男人不是不好。他不壞、不笨、不驕傲，可他的世界就是太小了。 他把什麼事情都看得很簡單？他總是覺得別人做的事情不怎麼樣 而他自己做的往往比較好一點。他做人沒有什麼負擔，因為他根本沒有責任感。 他不害人，可是也不會為人著想。他的天下，就是自己每天的生活和銀行戶口裡的儲蓄。 他在自己周圍劃了一個圈圈，一輩子也離不開這個圈圈。 您問我怎樣揀一個男人？男人不是你可以揀的。您喜歡別人，別人不一定喜歡您。 真要揀一個的話，該揀一個世界大一點的男人。他不需要是偉人，也不一定男兒志在四方。 他仍然可以是一個好好的住家男人，但他心裡有一片寬廣的天地。 他懂得去欣賞別人的才華和努力，也坦然接受別人有好的際遇。 他知道這個世界很大，而人卻渺小。他會承擔責任，做事時為別人想想。 他有胸襟氣度，不會整天計算著別人，不會執著於雞毛蒜皮的小事。 他更不會阿諛奉承，也不會去害人和佔人便宜。他不會以生活為藉口去做違背良心的事 他不必絕頂聰明，不必要有野心，但要有視野。 愛一個世界大一點的男人，您也會變得海闊天空。愛一個小世界的小男人，您只會退步。 >>August 9, 2007 at 9:39:29 AM GMT+8 2007 年 7 月 28 日 星期六 【晴】 再抄個URL落黎再加編碼，須知道貼圖的網頁的是靠不著，所有圖片都毀於一旦 想放棄好耐但又唔捨得唔繼續堅持，舊的圖片全都變晒死圖，工作又忙又攰 想洗晒d死圖有心冇力，日記設討論區，發問多月沒回應，好像網主放棄了網頁似的！ 沒放棄也不見得有好提議，他們不敢推薦上載相片網頁，只說：您自己找吧！ 這是負責任的行為嗎？我都不知道！是他們欠缺時間還是欠缺人材？都不知道？！ 只好將日記搬往另一些網頁，圖片直接由電腦上載到日記，汰弱留強是天然定律吧！ 尋晚終於睇咗志雲飯局 – 薜家燕，聞者心酸聽者流淚，我雖然係局外人 想起前一段傷痕累累的感情深深感受到她的痛？男人是否都以傷人為樂？ 我試過心痛得暈了過去！雖未及家燕媽媽堅強，或者說我比她幸運，更早看清這個賤男！ 免得帶著3個仔女走投無路才看清這個人！我輸得起只因我還年青！ 所以女人還是靠自己安全，男人總是朝秦暮楚，最後找個比您更差 還理直氣壯跟您說：她是沒您那般好，但我就是喜歡！您能耐他什麼何？ 相士說他一妻三妾，您自己是妻是妾還未知道！因為做妻做妾話事權不在您！ 角色倒轉吧，往日狂風浪碟在您身邊團團轉，您有眼無珠偏偏選他！ 多選擇偏選中那個不愛您！大概每個女人都曾經問過一連串問題... ... 難道前世真係欠咗佢？我做錯了什麼？我對他不錯嘛幹嗎厭棄我！ 那就要上天堂那天問問上帝！但錯了不緊要！最緊要知道幾時放手！ 每人都有不願觸碰的傷口，但願自己早日康復，走出舊有的死胡同。 >>July 29, 2007 at 4:44:41 AM GMT+8 2007 年 7 月 27 日 星期五 【晴】
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<