| 日記 | 日記主簡介 |
||||||||||||||||||||||||||||
2008 年 9 月 4 日 星期四 【微雨】 媽咪生日又去咗旅行，賴低咗...我同糖糖！2009年既年初一糖糖就5歲了！ 正式踏入中年！宜家仍然好肥同埋繼續肥！我已經迫佢盡量食多ｄ草！ 但佢唔知係咪當自己係人仔唔係兔仔，成日發脾氣話唔食就唔食，要錫要S� 十足十佢阿媽我咁，今朝早起身餵佢，真係好可愛，記起第一次抱佢 好似我掌心咁細粒，又呆又蠢咁！我果刻好懷疑佢健唔健康！會唔會死！ 不過見佢灰得咁靚，媽咪就叫我養！宜家剩係個頭都大過我手掌！咁就5年了！ 雖然我成日鬧佢，間唔中用ｆｉｔ ｆｉｔ嚇佢！但我都係唔想佢食垃圾！ 食組合櫃！食電線！唉總之咩都食！好似小吉咁！唔知佢仲有幾年命？！ 有時您初初養又覺得佢仲有大把時間，當您以為佢大個仔既時候 其實佢已經步入老年，雖然好想佢長命ｄ享受多一點愛，但要照顧他實在好攰！ 由其養一隻唔肯食草草既兔！您更加多一份擔心！擔心佢ｄ牙！擔心佢腸胃！ 如果佢可以乖ｄ養多十年八年都唔係問題，最幣佢唔係呢~ >>September 5, 2008 at 9:37:34 AM GMT+8 2008 年 9 月 2 日 星期二 【微雨】 但我的工作仍然繼續，本來九月二日交的東西還未有人交俾我！ 今朝一早問個同事您捨得俾我未？填張紙唧好難咩！咁又係冇生意係難填架啦！ 張紙係填佢地對上個月有咩新客，有幾單成交！冇！冇人交番俾我！ 印過張出黎再填過囉！點知一個同事推一個同事！火都黎埋！ 有個同事離職但冇填俾我！飛單王：人都走左啦！填咩呀！ Me：咁您走果時對上一個月糧係咪可以唔出俾您呀！吓？答我啦！搵人答下我啦嘛！ 您估求您班Sales做野好過引呀！一個裝聾！一個裝盲！一個扮忙！唔發火當我病貓！ 以前個惡女人響度我就怕您地咋！宜家您地慳d啦！可以唔做既我都唔會做！ 您地唔做得！自己同區經解釋囉！會係佢開！俾人問點解您分行冇人交報告都係佢既事！ 唔關我事！冇生意唔好搵我黎出氣！請我番黎唔係俾您地洩慾架！白痴！ 前世低能投胎做白痴！（老公：人生就係將您每日放響一堆冇親戚關係既人裡面 無論您幾僧班同事，您都要每日對住佢地咁多個鐘，而您最痛錫既家人每天就剩幾個鐘！） 唉！最近Isaacs仲不停響靜悄悄的公司掉野！無時無刻想嚇死您咁款！唉！ 全部同事都癲晒！救命！我唔要再見到佢地！我真係好唔鍾意佢地！ >>September 3, 2008 at 4:34:07 AM GMT+8 2008 年 9 月 1 日 星期一 【微雨】 終於舊同事都走得七七八八..新主管帶著6個同事過黎，我的心情不安 雖然聽好多同事講佢地好易相處，但要從新認識一班人，再投入工作 心情總有些不安，佢地今日黎到公司睇下點安排位置，仲話將d位搬過晒 希望好快就變完~ >>September 2, 2008 at 7:29:10 AM GMT+8 2008 年 8 月 30 日 星期六 【晴】 
>>August 30, 2008 at 4:19:30 PM GMT+8 2008 年 8 月 26 日 星期二 【清涼】 放了四天假好唔想番工，好攰好眼訓，尋日公司水機換水，有支水爆左 以為用膠紙黐著會無事，今朝番到公司水機周圍都係水，無咗大半支水 打電話問高寶德叫我抺乾個入水咀吹乾佢，我打電話期間，果條粉人同事不停換水 開完一支又一支，我已經同佢講唔關支水事，佢死都同我嘈，火都黎埋！ 足足拆咗三支水，整佢個制！老都唔怪您啦！唔好以為男人大晒！力大無用架！ 腦大先有用架粉人！激到我！好彩我岩岩食左血壓藥！唔係實俾佢激爆血管！ 男人就係咁，以為自己岩就完全唔理人感受，唔聽人講野！聾您帶助聽器啦！死老野！ 老公話齋：男人最唔明白既係身邊既女人；女人最唔明就係身邊既男人同自己身材！ >>August 27, 2008 at 8:51:39 AM GMT+8 2008 年 8 月 18 日 星期一 【晴】 2來應承陪媽咪去美食節，因為老公幫我地拎咗免費入場證，上午我們先掃一次貨 下午再去一次，總共買了五千幾蚊野，包括阿一鮑魚+東方紅乾瑤柱&冬菇等等... ... 不過坐車期間發生小插曲，我同媽咪一上巴士就見到後面滿坐，司機位旁有2個大陸人 一男一女望下我同媽咪，再擰轉面陰陰咀笑，個男大陸推著個手推車裝著個大箱 女大陸就放咗個行李箱+背包響個位度襟著，我唔想同佢地坐所以我同我媽企樓梯位旁 差不多到站我地企去手推車旁以免阻人落車，司機即時大聲話我地：小姐行埋d啦， 您地阻著人上車！果時我唔出聲！因為佢唔講我地都會行，不過佢一駁咀您就知死！ 我媽大大聲鬧佢：司機您唔鬧呢2個人放晒ｄ野上坐位，反而鬧我地阻著條通道！ 您有冇攪錯！司機：您冇位同我講呀嘛！ Me：唔洗人講啦，巴士有規定大件行李唔俾上架下嘛？ 司機：我話咗佢地啦...佢地唔聽！ Me：您個責任係唔俾佢地上車呀！唔係剩係話下佢地囉！ 我仲想話個司機，就算人地死都要上，您可以落車唔開車架！人地冇腦唧！您有架下嘛？ 真係宜家ｄ司機咩態度，唔好成日話人係又投訴唔係又投訴！要檢討吓自己咩質素！ 怪唔知得城巴新巴咁多年都生意咁差，跟本都冇進步！公司又係！員工又係！差！ 後日就出發...好緊張好緊張...已經唔想返工！放假心情如箭在弦！ >>August 19, 2008 at 8:17:49 AM GMT+8 2008 年 8 月 10 日 星期日 【晴】 
兩星期前同老公去旅行社俾錢，經過嘉利大廈一句無心說話竟成真 彌敦道好耐無火燭！慨嘆自己七月節第六感又強了！還是怪自己烏鴉口！ 昨天同老公渣車去佐敦食午餐再去朗豪睇點半特務Ｓ嘜，去到佐敦媽咪打電話俾我 話彌敦道封晒！我話唔關我事因為我地行西九龍出面！媽咪仲叫我地唔好渣車落去！ 我地食完野泊架車去停車場再坐地鐵落去，我心諗封地鐵只會封火燭地點的出口 應該唔會封朗豪地庳出口吧！果然不出所料！睇完戲仲封緊路！同老公走出去睇睇！ 因為我感冒鼻塞塞咩味都聞唔到，但老公話周圍充斥好大陣~I味，吓！我咩都聞唔到！ 我咁大個女除左倒數係未試過響彌敦道馬路周圍走，由旺中封到信和，好多人影相 當時有唔好既預感，我知有人會死！但唔知係兩位消防員！今日睇到新聞！ 鼻酸酸...您們是消防員中的驕傲！您們是香港人中的英雄！安息吧！ >>August 11, 2008 at 2:12:04 AM GMT+8 2008 年 7 月 22 日 星期二 【清涼】 中原裁員...唔係荃灣個同事叫我睇財經版我都唔知！雖然sales平時對我麻麻！ 不過都係搵食唧，佢地有時都講得岩，公司好現實，有生意就留您 一無生意就叫您自己走，間公司永遠做得最耐既反而係我地呢ｄ要公司洗錢既人 我舅父成日同我講，佢地對您點差都好，睇諒下佢地囉！又無生意又要養家！ 其實做地產都好慘！佢地都係有壓力所以拎您黎出氣唧！唉！頂唔順我都頂左年幾了！ 我成間分行都既代理都應該唔夠數留低，咁點算？我唔捨得佢！就算佢真係個女人既人！ 從來我都冇嬲佢！不過覺得好辛苦！明明好想同佢傾心事！講前途！但...信得過嗎？！ 最後都無同佢交心！因為響呢間公司我係唔可以行錯一步！我就算俾人炒！ 我話過唔會連累舅父！所以響度我注定冇交心朋友！連遲職走左既人！我都唔敢太深交！ 要害我難，要害我舅父易如反掌！我唔會俾機會人地咁做！希望呢件事快ｄ過去！ 我鐘意公司平平靜靜！每個月區經請我食龍蝦！每個月區總請我飲下茶！ 最近都係忙緊公司野！有個業主打電話黎兇我！話我未俾正式收據佢！頂佢個肺！ 盲就搵人讀俾佢聽啦！臨時收據寫明公司收到票後21日先寄正式收據架嘛！白痴！ 7月16號先俾票我22號就問我拎收據！佢唔係文盲就係低能！攪到我以為真係我做錯野！ 粉腸！嚇餐死！我唔嚇得架嘛！我有血壓高架阿伯！業主大晒咩！兇我！係唔寄呀！ 吹咩！無正式收據您訓唔著定會"唔樹起"呀會！年紀大驗眼啦唔該！ >>July 23, 2008 at 2:46:47 PM GMT+8 2008 年 7 月 17 日 星期四 【酷熱】 
出發出發!!公司派大假了!立即跟老公去報名！老公未有大假！先去3日2夜！ 嘩！咁大個女未住過總統套房架！真係好興奮！因為個酒店咩行政套房 咩尊貴套房都全部full晒！所以upgrade咗我地！不過8月21日出發！ 仲有成個月急不及待！9月本來諗著去澳門睇煙花節！不過老公想去台灣！ 等我考慮吓同唔同您去！我唔介意您氹吓我或者求吓我！哈哈！！ 連租酒店個Staff都話我強！8月又去旅行！未出發就諗9月再去！哈哈！ 有樣野更強！我好想大叫：好想拎晒銀行ｄ錢出黎洗晒佢呀！！因為我有大假哪！ >>July 18, 2008 at 4:12:23 PM GMT+8 2008 年 7 月 6 日 星期日 【晴】 
>>July 7, 2008 at 1:37:53 PM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<