| 日記 | 日記主簡介 |
||||||||||||||||||||||||||||
2008 年 5 月 21 日 星期三 【晴】 五月頭忘了做過什麼了，但母親節請媽咪去左：開平/峽龍峽3日2夜 初初我報東瀛遊的開平/陽光之旅，因為跟過幾次服務質素都很好 但今次真的令我好失望，臨出發前3天通知我未能成團要退錢，其他團種都Full晒！ 所以只好去第二間旅行社問下，康泰：小姐d船飛全部今日確定，您報唔到團架哪！ 您做唔到就唔好呃人啦！後來我媽咪叫我去新華試下，一問就有仲成團了！ 康泰！我唔會再幫襯囉！大話旅行社！但新華的領隊個樣真係好好笑 廿四小時唔夠訓咁樣！對眼仲好似割雙眼皮手術失敗咁！您同佢講野永遠諗幾秒先有反應！ 但車程真係好遠好遠！去到蓮花港落船！坐幾個鐘頭車去開平！第二日坐幾個鐘去食飯 再坐幾個鐘去盤龍峽薰衣草小屋！第三日再坐幾個鐘車去食飯！之後再坐幾個車去碼頭！ 坐到屎忽爆咁制！所以個結論係唔會再參加新華！第一晚住的金水台溫泉酒店雖然舊， 但魚療區很好，因為要俾錢所以好多大陸人聽到都急急腳走，冇人浸魚魚剩係服侍我地 之後當我租咗個水泡一轉身想沖浪！頂！冇浪既？！係呀！小姐我地每一個小時開一次浪 每次十分鐘！我同我媽拎著個水泡！下！咁點呀？晒咗我十五蚊！激死！掉鬼番個水泡俾佢 可能浸完溫泉勁攰張床好硬都訓得好舒服！第二日的盤龍峽風景真係好靚好靚 但係由門口拎著行李番上間屋係勁辛苦既事！仲係冇服務員幫您！又勁晒！又勁熱！ 果兩個領隊同導遊完全唔理您囉！條小徑冇指示牌話間屋幾號！要您走去門口續個睇！ 可能夏天間木屋好似蒸氣房咁！開行冷氣都唔涼！沖涼個缸懶係水力按摩缸！ 其實邊夠水壓！度門仲壞既關唔到！我好有技術咁用腳指公頂住度門沖咗個涼！ 夜晚冇咁熱您先會有心情去靜靜欣賞呢度既風景，真係好靚！續... ... 5月14日-5月16日入院 >>May 22, 2008 at 8:35:08 AM GMT+8 2008 年 4 月 25 日 星期五 【微雨】 我記得曾經有人問過我，點解分手就唔可以做朋友~ 因為傷過，所以我們永遠不會是朋友 亦因為愛過，所以我們永遠不會是敵人 >>April 26, 2008 at 3:45:39 PM GMT+8 2008 年 4 月 24 日 星期四 【微雨】 4月22日，因公司ISO話黎分行收Prelim我收完再檢查下未還既Prelim 發現11月有個同事有份未還，我咪通知佢啦下嘛！點知俾個八婆話 您唔係三個月收一次既咩，為嘜野您宜家先黎問番11月既野呀？ 我冇答佢！剩係叫個Sales如果番屋企搵唔到就去報案啦唔該 跟著個八婆就發爛，話我唔知點做野呀... ... (唔記得！因為冇聽佢鬧嘜！) 我全程就坐響自己個位飲水，然後慢慢放低個杯，再拎紙巾抺咀！ 大家留意佢呢段期間係冇停過口鬧我既，不過我眼尾都冇望過佢一眼 面部亦都冇表情，真大快人心！最後佢拍檯鬧我：您以為份工唔洗您做呀！ 咁就出咗去！之後我先喊！自己都覺得自己冇得頂！全不動容！ 我知道喊唔係因為我錯囉！而係我努力咗成年了！原來佢跟本無欣賞過您！ 對您做既所有野都係視若無睹！我打電話俾我媽！叫佢阿哥炒咗個八婆！ 我忍唔到了！真係好辛苦！仲慘過做雞！對著佢明明憎到想佢死，您都要笑 明明想一巴打爆佢個頭！但仲要幫佢做呢樣做果樣！私人野都做埋！ 差在鞋底未"奶"埋！朋友講：對唔著！公司太多狗爭著"奶"唔係您想"奶"就有份"奶" 唉！咁索性炒咗佢！大家唔洗爭！響MSN同表妹講晒個八婆點笑我舅父 個八婆話：1. 唔係陳雁樓單野，郭生邊有咁好彩坐到呢個位呀！ 2. 位都未坐暖就攪改革，攪呢攪路！ 再叫表妹話埋俾舅父聽，點解Sales唔見Prelim鬧到我一幢都冇！但係半句都冇話個Sales 呢d咩道理？夜晚舅父就打電話俾我！我一五一十話晒俾佢聽！好聽唔好聽都講！ 照直講冇加鹽冇加醋，但係說話仍然好難聽！舅父呆左幾秒！同我講佢會處理個女人！ 有人為我主持公道就得啦！就算我唔做！我都要佢俾人炒咗先！個八婆都唔係第一次架啦 忍佢成年時間！佢唔係激到我咁嬲都唔會叫舅父炒佢！宜家係佢迫我架咋！ 把口成日話基督教，日日滿口大話！睇您幾時落地獄啦八婆！玩人睇清楚人地底牌呀！ >>May 22, 2008 at 8:55:38 AM GMT+8 2008 年 3 月 19 日 星期三 【綿綿細雨】 >>March 20, 2008 at 7:54:52 AM GMT+8 2008 年 3 月 18 日 星期二 【晴】 只許周官放火，不準百姓點燈！ 就這標題您再次只跟我打招呼，放心我一切安好！比想像更好！ 當您說給我知今年您什麼都不如意，工作、身體、朋友、愛情... ... 愛情... .. 是嗎?!您已找到她?! 雖然我們從未見面！但心痛的感覺就像捉電般 是嗎... ..是您要求太高吧！還是她待您不好！她真的懂照顧您嗎？ 一個又一個問號！我知道他今年犯太歲，只有勸他拜一拜！ 有效與否無人知！我都只不過是想幫您找一個可以令您喘息的地方而已！ 我對您從沒說謊，我工作真的很好很好！女魔頭我攪掂了！現在很信任我！ 我每個月都有將一部份錢儲起(您說過女仔要留多個錢旁身，我所有都記得） 家庭，有時吵吵鬧鬧！有時嘻嘻哈哈！還不錯嘛！最近跟老公都常常探望家中老人家！ 愛情，非常不錯嘛！他當正我是珍寶珠，啜~I了！（越睇佢越靚仔！哈哈！！！） 身體，非常非常不錯！好幾個月都沒大病嘛！周圍同事都流感！我一點也沒事！ 行得走得食得訓得！哈哈哈！身體很乖很乖！像我一樣！上班下班！很乖很乖！ 就這樣！我什麼都好好的！聽到他什麼事都不如意！真的有點擔心！ 病剛好，記得好好照顧自己！宜家唔係有病睇醫生既時候！應該先增強體力！ 每天做做運動吧！對您總是有幫助！還有...不要經常想著..慘了！慘了！ 什麼都不順利！您這樣死定了！信自己！將來就在自己手！ 到最後也不放棄您就是嬴家！您什麼時候需要我！轉身就會看到我在這裡！等著您！ 今生我們不能相守，就算下世能相愛！我也甘心！（致 十三公） >>May 22, 2008 at 9:02:34 AM GMT+8 2008 年 3 月 9 日 星期日 【乍暖還寒】 1. 沒有一百分的老公/老婆，只有一百分的情人。(幻想是完美) 2. 付出真心，才會得到真心，卻也可能傷得徹底； 以為保持距離，或許就能保護自己，卻也註定永遠孤寂。 3. 通常願意留下來跟您爭吵的人，才是真正愛您的人。 4. 有時候，不是對方不在乎您，而是您把對方看得太重要。 5. 冷漠，有時候並不是無情，只是一種避免被傷害的防衛工具。 6. 如果我們之間有1000步的距離，您只要跨出第1步， 我就會朝您的方向，跨過其餘的999步。 7. 為您的難過而快樂的是敵人；為您的快樂而快樂的是朋友； 為您的難過而難過的，就是那些您該放進心裡的人。 8. 就算是believe(信任)，往往中間也藏了一個lie(謊言)。 9. 真正的好朋友，並不是在一起就有聊不完的話題； 而是在一起，就算不說話，也不會感到尷尬。 10. 朋友就是把您看透了，還能喜歡跟您做朋友的人。 >>March 10, 2008 at 1:40:52 AM GMT+8 2008 年 3 月 8 日 星期六 【陰晴不定】 遙吻 慢慢 雪落有聲 情景 就似這段情 冷卻得結冰 漸漸 腳步放輕 驟聽 彷似你念及餘情 但願 我沒眼睛 無須 面對這道牆 有你的背影 但願 我沒法醒 令我 不覺你道別 沒震驚 ＊明知得到你都要知道怎放下你 明知天空有很多班客機 令我不得不放棄 如果有限期 可否拖得到我會飛 容我 俯瞰你 遙吻比怨你可悲 如果有限期 可以拋低你 我會一生也學習 忘記你＊ 事實 你定要走 回家 是你的自由 我只得放手 異地 雪在顫抖 大概 只有極地 是永久 Repeat＊ 何需怕距離 千里都可以吻你* >>March 19, 2008 at 2:16:47 PM GMT+8 2008 年 3 月 8 日 星期六 【陰晴不定】 現在真的很累很累了，因A.L.短缺...回來不久就很快復工，很想休息！很累很累！ >>March 10, 2008 at 1:28:25 AM GMT+8 2008 年 2 月 27 日 星期三 【乍暖還寒】 >>February 28, 2008 at 6:44:38 AM GMT+8 2008 年 2 月 26 日 星期二 【晴】 朱古力膠布很久不見了~ 祝您 事事如意 青春常駐(男仔都得架呵?!) 您問我...我會！因為各取所需囉！他跟您一起想得到什麼我就不知道！ 但您想在他身上找到愛？找到快樂？我或許知道！但有樣野係事實 您要有心理準備，將來分手會帶來既痛苦，將會係您今日快樂的十倍 二十倍..一百倍...會付上這代價，您覺得還值得嗎？ 要愛一個人很容易！要忘記一個人很難？不止吧！根本就係冇可能！ 曾經互相擁有對方，曾經一起計劃將來，曾經一起建立回憶...您忘記得到嘛? 但您這樣一問，我就知道對您是想跟他開始！是嗎？隨心吧！ 得到過失去，總好過未得到已經失去吧！但至少好好保護自己！ 不要在別人傷害您之前，您之折磨自己！要愛就去愛吧！ 只要可以給的願意給的...都給他！尊嚴不可給！身體可以給，生命不可給！ 面子可以給但不可以失！錢可以給前途不可以給！時間可以給工作學業不可失！ 有些東西是可以給而不可以失，有些東西絕不能給他的，您都攪清楚了嗎！ >>February 28, 2008 at 7:00:35 AM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<