| 日記 | 日記主簡介 |
||||||||||||||||||||||||||||
2006 年 9 月 15 日 星期五 【晴】 但係一ｄ都唔鍾意鬥氣既人，偏偏響我生命就出現兩個，成日激我既人 要我道歉好難除非我唔可以冇咗您，或者係註定俾佢食住既人，今晚終於遇到個 我低聲下氣同您講兩次野，您都可以咁兇悍咁答我，好野！既然您咁絕！我唔需要留情！ 您既行為自己唔覺得過份，響您身邊既人傷透！係俾您傷透！我曾經好即極面對我既人生 可惜係您兩個令我走上絕路，冇咗我佢地絕對唔會可惜，因為佢地有著同一樣特質 就係最愛既人．．係佢地自己！或者咁講．．您地最愛既唔係我！ 我唔需要呢個世界個個都鍾意我，偏偏我最愛最親既兩個人都當我仇人，想我死！ 如果我既死可以令您原諒我，就成全您地！唔知我死咗！係咪日記一樣會俾人公開！ 但我唔想俾人知，我的天灰了，我的生命完了！ 請您們話俾我婆婆知．．對唔住！孫兒先行了！我們有天會天國重遇！我愛您！ 我會請求天父，下世不要給我一個這樣的家，這樣的媽！我受夠了！ >>September 15, 2006 at 5:40:54 PM GMT+8 2006 年 9 月 2 日 星期六 【清涼】 不過聰明反被聰明悟，通常火重既人都係俾自己既聰明累一次九九九足金 但我仲係唔明智慧唔係對於聰明既咩？！死人jones話：呢您咪唔聰明囉！智慧型！ 不過都好我唔會俾聰明悟！今日點解讚自己聰明！哈哈！我自己一個set好個outlook 唔好以為好簡單，又hotmail..又netvigator..又yahoo您估咁易架！好彩我有智慧咋！ >>September 3, 2006 at 1:21:58 PM GMT+8 2006 年 9 月 1 日 星期五 【晴】 大抵天下間的分手案例中，有超過一半都是飲恨收場的 否則李蕙敏的《你沒有好結果》便不會被人唱到跳線，成為分手情歌黃金經典。 人人分手時都有恨，只是程度有深淺，表現方法不同而已。 分手最大的痛楚，不是被遺棄的可憐，而是在心頭縈繞不散，甚至可以伴您一生的恨。 恨這回事從來磨人。同居多年的朋友Q ，和同事兼男友最近經多番拉扯後分手。 性格向來硬朗，樣子和性格動靜都有點像《女人唔易做》中的鄧萃雯的朋友Q 歷來拍拖次次不長久，原因總離不開她身邊的男友覺得她太硬淨，不是受不了她的強悍 就是轉投Cookies式少女的懷抱。反正男人們覺得Q分手後只要睡一覺便會沒事 不會像甜絲絲少女們全天候小鳥依人，令他覺得自己是威風凜凜男子漢。 Q學精了，和有點大男人的男友拍拖後，提醒自己要盡量溫柔做個真女人 結果卻淪為比菲傭更聽話的 「say yes機器」。 終於，兩年過去，男人以行動告訴Q已有第三者，但分手這句話，卻留給Q來說。 Q理智地希望挽回關係，但男人卻把所有的罪名推到她身上。 移情別戀不是因為自己不夠定力，而是Q在這段關係中付出不夠多。 Q愈想了解，愈是查問，男人就變得不可理喻，大動肝火。 緣份這東西真是奇妙，您多愛他多遷就他，他要您強悍時討厭您不夠溫柔 您溫柔時他討厭您太軟弱，為了他失去自己，尋回自己做個開心既快活人 男人呀！女人唔易做！您們可否體諒女人的苦況？點解永遠都係女人去就您地？ 您地大晒？！宜家女人搵錢多過您地！讀書叻過您地！EQ都高過您地．．好多添！ >>September 3, 2006 at 1:53:39 PM GMT+8 2006 年 8 月 31 日 星期四 【清涼】 藥袋都吞埋，您唔買番俾我唔緊要，您俾番個藥名我自己買囉，不嬲食晒都係我自己買番 火都滾埋！仲好意思問我：您邊度發炎！關您咩事唧！您只係識關心果個男人 只係識對果個男人溫柔咋嘛！晚晚同個姦夫去街！屋企咩都唔理！番黎剩係識鬧！鬧！鬧！ 我老豆未死架！您係我老母我都係咁講：不守婦道！家姐講得岩！我情願冇老豆老母！ 我結咗婚即刻搬！我唔想對住您！我好唔鐘意您！每次您講野都好hurt人！您把口唔收！ 呢世都得番ｄ姦夫陪您架咋！仲問個天做錯咩！家姐咁對您！跟本您就唔知您自己幾黑人僧！ >>September 1, 2006 at 3:39:44 PM GMT+8 2006 年 8 月 30 日 星期三 【晴】 輕輕鬆鬆又一天，其實講真打字對我黎講，似玩樂多過工作，今日send E-mail催客交貨 其實都唔係好難，可能全部send番大陸用中文，對話又用國語同中文，都可以啦！ 英文信格式又一早執好俾我，剩係打訂單貨品就可以了，其他都唔洗我改，或者跟囉！ 不過因為唔夠訓，成朝都打喊露，今晚早ｄ訓，番多幾個月去旅行！開心！努力呀！ >>August 31, 2006 at 1:08:25 PM GMT+8 2006 年 8 月 29 日 星期二 【清涼】 我答：Sorry，從來都冇嬲佢！只係．．心淡了！ 我覺得友誼就如像一棵樹 根：Trust(信任) 樹幹：Respect(尊重) 分枝：Exchange(交流) 樹葉：Emotional Support(精神支持) 她不信任我，倒像將我們的友誼連根拔起，十三年大樹倒下了！ 您再怎苦撐都沒有用，因為根已死，心跟隨死了！樹枯了？怎再重生？ 您真的相信復活節？復活節只有耶穌可享用，不是世人受得起的神跡！ 我明白朋友真正既意義係每人既心目中都唔同，響佢地心目中我微不足道 但我就只係想，佢地有曾經真正當我係佢地既好朋友，偶爾記得我就已經好開心 班朋友成日話拍緊拖既朋友重色輕友，其實我情願朋友重色輕友 因為証明佢有拖拍，有快樂，所以忘記了我呢個老友，誠心祝福她得到幸福 就算佢地有咩唔開心要我幫，我幫到我都會盡力去幫！ 因為我信，對人好唔需要想回報，最後我真係好希望佢地會記得我 做唔番朋友對我黎講唔係咁重要，希望佢地會當我係人生一個片段既好朋友！！ 祝 朋友能夠 早日重色輕友 如果我既重色輕友都曾經令您地唔開心，請原諒我，並誠心祝福我下半世都重色輕友！ >>August 30, 2006 at 5:18:44 AM GMT+8 2006 年 8 月 25 日 星期五 【清涼】 番到Hong Kong老公又陪我去Disney買Pins！雖然好開心，但都係掛著果個Pins 可能就係得唔到就覺得最好，點知老公番左日本差不多一星期 今天就收到日本寄來的郵件，就是那個Pins．．嘩！老公上網訂俾我！ 老公真係好，又叻又聰明！同糖糖一樣咁抵錫！啜 ~~~ ~I您！多謝老公！ 下次我要您陪我去美國Disney掃Pins架，諗起就開心！！ >>October 6, 2006 at 8:39:00 AM GMT+8 2006 年 8 月 24 日 星期四 【清涼】 聽呢首歌之前 您未必識我 聽完 您可能會想黎識我 您會賞識我 又或者您會憎我 想打擊我 不過 無論如何 我淨係想您 記得我係邊個 俾支筆我寫歌詞 我寫得幾萬字 俾支咪我 Rap 我好寫意 我叫做 S-I-X-W-I-N-G S-I-X-W-I-N-G Sing！ One Two Three 齊話聲 456 嗌 6 Wing 今次唔明唔緊要 至緊要下次我聽得清 One Two Three 齊話聲 456 嗌 6 Wing 今次唔齊唔緊要 得您一個嗌都動聽 Go 佢地話冇人會鍾意我 如果我太過 Hard sell 自己 但係我想多 D 人來講我是非 好似話 要贏人先要贏自己 我話要 Rap 人地先要 Rap 我自己 我拍過電視 扮數學博士 教細路認字 個 D 教育電視 我拍過電影 我覺得我可以提名 如果金像獎有最佳路人丙 我拍過廣告 D 觀眾睇到好鼓譟 收到好多投訴既廣告 但係講到我最叻 就係 Rap 我 Rap 到深造 我 Rap 到乜都冇做 我 Rap 到我戶口變到雙位數 我堅持我堅持 我 Rap 到 我阿媽都叻到識 Rap我 佢話 「堅持 堅持幾多錢一茶匙丫？ 您都咁大個仔啦 有乜為？ 窮到日日搭地鐵偷雞用特惠」 但我堅持我堅持到有一日 俾地鐵罰左五百 係個一刻我諗我終於明白 有 D 野我堅持再撐都冇法 我 冇再堅持偷用學生飛入閘 但我堅持到呢一刻我仲 Hip Hop One Two Three 齊話聲 456 嗌 6 Wing 紅唔紅唔緊要 我呢刻我好似攞左傑青 One Two Three 齊話聲 456 嗌 6 Wing 窮唔窮唔緊要 我生命因您動聽 Go 大大步走上前 大大步 走 屬於您自己既路 唔好著人地對鞋走人地條路 No 我諗我搵到 大大步走上前 大大步 我冇搏大霧 Featuring 話我搏大路 我淨係知道冇狗仔隊跟我 冇靚妹仔跟我 仲憎我 話我 Pop Oh 有人話我似阿 Rain So 又話我似祖明 No 您話我似兩個巨星 我唔敢認 我淨係希望有一日您會話 佢地倆個都幾似 6Wing 呢首歌我淨係要你地識得我 Six Wing 我冇得迫你覺得我得 但萬一您覺得我得 So Put your hands up！ One Two Three 齊話聲 456 嗌 6 Wing 或者我第日好紅 我唔會忘記呢一刻 您地嗌我個名既呢一刻 One Two Three 齊話聲 456 嗌 6 Wing 或者我第日好窮 窮到係街乞 我唔會埋怨我曾經玩 Hip Hop 希望您都可以有一次 大大聲係人面前 嗌您個名俾人聽 但係呢個之前 齊話聲 6Wing 我唔係 Rap 既表表者 我 D 力都係用左少少0者 我淨係想各位先生小小姐 記得我個名叫陸永 謝謝謝 我唔係 Rap 既表表者 我 D 力都係用左少少0者 我淨係想各位先生小小姐 記得我個名叫咩 >>August 26, 2006 at 5:04:18 PM GMT+8 2006 年 8 月 23 日 星期三 【清涼】 多點休息，好好照顧自己！身邊既佢對您好嗎？記得互相遷就呀！ 我會在同一天空下，祝福您！！希望有一天您唔再嬲我 因為您響我心底裡．．是重要的！放心，我結婚那天會通知您黎飲！ >>August 23, 2006 at 6:22:56 PM GMT+8 2006 年 8 月 22 日 星期二 【清涼】 叛逆少女墮樓亡 迷魂毒品累一生 黎丫黎丫陪我行 我諗我行埋呢趟樓梯應該唔會煩 我諗個天台應該有好多靚位俾我揀 等我揀返個跌落黎會死得無咁慢 死得 比較燦爛 幾得 教堂啲Father話要當正Father係我親生Father千祈咪將佢褻瀆 但係我既親生Father就係每晚扒喺我度攞我黎洩慾 咁我既結局 係咪就係行多十七層 我而家十七歲 座大廈無第十八層 咁 我又有冇第十八歲(少女尋死 慈父燒鵝脾跚跚來遲) 我日日等 日日忍 但係點解都硬係咁 問上主 問老師 話俾通街啲社工知 但係佢地話我飛女衰女吹水 不突止 仲話咦 乜您開始食毒品 無錯我成身安眠藥 但係無諗過食 安眠藥死 只不過係我身體弱弱地 醫生著略俾 幾樽等我返屋企可以略略訓得著 但係個屋企 我無再返返黎 我老豆根本係隻生番黎 您依家睇緊唔係三更黎 我阿媽會靠啲中藥番生先奇 媽 我落黎陪您 ＊左圖為死者高處墮下 右圖為女死者的爸爸 驚聞惡號後悲痛不已 本圖為本報獨家＊ ＃此時這地 就這年遠離 就當無散聚 我 又化做雨水 窗外雨痕 那夜星路殞落 來又去 您我不過又再 兜圈＃ 本報訊某中學中三輔導班 一名女學生 於昨日晚間被其 大廈夜間看更 黃生發現 倒臥於大廈門口與停車場之間 發現事主時已不醒人事 送院救治後證實不治 女死者梁ｘ交叉十七歲 在校內成績很差為一名夜歸少女 在家中她是一名獨女 早年喪母與父親同居 身兼母職的父親一向疼愛女兒（您點知） 他昨夜下班時 如想逗女兒歡喜 買了燒鵝脾 喜了未己 回家已得知女兒尋死 我仲唔死 唔通等佢食完隻燒鵝脾 再擒上哩 梁父一臉茫然道 傻女 係學校既野可以話俾老豆知加嘛 竟然於 死者身上發現安眠藥（喂我訓唔著喎） 與咳藥水（我咳喎）懷疑是服食過量藥物導致 自殺的證據 第二天 沒人理會這新聞 第三天 沒人理會這新聞 第四天 沒人理會這新聞 第五天 同樣事件再發生 第六天 人人關注那新聞 第七天 沒人理會那新聞 第八天 沒人理會那新聞 第九天 沒人理會那新聞 第十天 沒人理會那新聞 >>August 26, 2006 at 5:36:20 PM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<