| 日記 | 日記主簡介 |
||||||||||||||||||||||||||||
2006 年 12 月 29 日 星期五 【晴】 出到去食埋晏車婆婆去荃灣廣場睇毛巾架，老公又話日本靚ｄ響日本買，真煩要等佢拎番黎 我屋企用緊天上野呢款  Bamboo Chopper
係用5000磅力壓成Bamboo Chopper唔藏菌亦防水，不過當然貴啦，好似$399左右 ~ 買齊野又番上去，執執下都天黑，老公話好攰唔肚餓，咁咪番屋企囉！ 點知上msn見到無聊人（Ex）講埋d無聊野，老公話：您都唔係第一日知佢無聊架啦 跟本呢個世界得您仲彩佢咋嘛！您仲無聊！同ｄ低智商人講野！怪唔知得俾人話您低ｂ！ 車 ~ 佢無聊我不嬲都知！不過唔知佢宜家差咗咁多唧，下次咪唔講囉！洗唔洗咁話我呀 ~ 訓了 ~ 今日個街好多人，好頭痛！整好婆婆間屋，跟老公番日本住一排先！ 3月尾會同老公去泰國玩，住響姨媽度，姨媽話包晒我地食住，有錢都唔好亂洗喎 老公都話好，橫掂姨媽屋企有5間套房，仲話間屋長型，一面高爾夫球場，一面海灘，好吸引 ~ p.s. 前晚老公臨訓唱咗首心肝寶貝俾我聽，多謝上天給我一個好老公！ 老公：我應該多謝佢，佢唔係咁對您，又點知宜家我好！ （我喜歡您的自信，但係有時您太自大啊 ~ hahah ~~~） 買咗飛聽日同老公睇戲，跟著去食野，再去倒數，去邊倒數好呢 ~ 今次係第一次同老公倒數，老公新年快樂 ~~ 好似糖糖咁 ~ ~ 啜~I您！ >>December 30, 2006 at 2:46:35 PM GMT+8 2006 年 12 月 27 日 星期三 【晴】 我婆年年都鍾意派街坊，老公話由得佢，之前已經幫佢執得七七八八，其他yoly執囉 （二舅父番咗番成個月，今日早機走，姨媽就前晚夜機同姨丈番黎，主要番黎影全家福） 下晝同婆婆落去訂衣櫃同電視櫃，足足7尺長8尺高，有2尺半造咗長床，可以拉個床尾落黎 日頭唔用就推番上去，望上去成個電視櫃咁，成6300蚊！響大陸可以請6個工人！ 香港真係咩都貴！不過老公成鬼日用日本水平黎計，咁就死得人多啦！用日本人工計！車！ 真係當我低b既咩！您估個個人工都8萬幾蚊個月既咩！發夢！ >>December 28, 2006 at 4:43:27 PM GMT+8 2006 年 12 月 26 日 星期二 【晴】 心肝寶貝 我 我為您付出所有的 我的擔心 我的甜蜜 我的呼吸 您的笑 絕對的神奇 您的哭 絕對的可惜 因為您 讓我明白生命的真諦 ＊可知道 您的不小心 會讓我傷心一輩子 我是願意為了您 今生永不渝＊ ＃為我 您要好好自己保護自己 慢慢的學習 不要乾焦急 一步一步走出每一個谷底 堅定不移 為我 您要好好自己保重身體 在每一段的路 總會一身污泥 心肝寶貝 不要懷疑 最愛就是您 (最愛的是您)＃ 您 您是我一生的唯一 您的聲音 您的鼓勵 我的意義 REPEAT＊＃ 如果沒好好的身體 您我怎能永遠在一起 外面的風和雨 已不是問題 >>April 24, 2007 at 10:09:01 AM GMT+8 2006 年 12 月 25 日 星期一 【晴】 家姐同姐夫仲嬲緊我媽唔黎，如果唔係就齊一家人囉，不過都好噓~R，由其影全家福 成班小朋友大叫：ABCDE~~~~ 我媽影完相聲都沙晒！今年我三舅父唔再叫盤菜（嚇得我！）今次叫到會！元綠同美心！ 我姨媽就烤金沙骨，我媽咪就煎蝦碌！每次一家人過節都好開心！不過真係喉都沙！ 番到屋企開msn換咗張全家福，阿文都話：嘩！咁大家人好開心喎！（係！真係好開心） 今年老公送左份聖誕禮物俾我，佢響日本Vivienne Westwood買左隻鐲俾我，好靚！ 連媽咪都話好靚！叫老公買隻俾佢！送咗支CD香水俾佢仲唔夠！（多謝老公＞3＜） 食緊野其間，我問姨媽同二舅父有冇遇過氣流，佢地好彩冇試過，不過就聽過 話有架飛機試過遇到氣流墜咗幾十尺，機入面有個鬼佬心臟病發瓜咗，有人嚇到暈咗 諗番上海番黎果次，真係大命，如果佢都墜幾十尺，我諗我都暈~~陰公！！ P.S. Ron第二日打電話俾我話尋晚地震 （吓！我剩係知我班表弟妹跑到成間屋震）原來係地震！ >>December 28, 2006 at 4:57:55 PM GMT+8 2006 年 12 月 24 日 星期日 【晴】 我同老公下晝去左公公婆婆度幫手，荃威終於裝修好晒，公公婆婆終於可以番去住 老公都話整得幾靚，梗係啦！我出世果年爹地買既，我咁大層樓就咁大咯，27年都冇整過！ 係換過個廁所同換咗個企缸，最多咪換埋ｄ門同拉電線囉，我都咁多病，層樓肯定仲大獲啦 宜家一次過咩都整過晒咪靚囉，宜家有yoly幫手，好多粗重野都唔洗我黎 不過佢主要都係睇著公公，煮飯真係唔掂，手腳超慢！有次我公公好兇悍望著碟菜芯講： 煮十幾個鐘都唔知佢煮嘜鬼，餓鬼死我！笑到我同老公死死下！但係好難請人 後生既都唔肯照顧老人家，我貪佢腳頭好，yoly之前響跑馬地照顧個老人家 100零幾歲先瓜，所以佢照顧老人家幾好，我婆又話佢成日偷懶，總之公公唔再仆倒就得啦 我唔理佢偷唔側懶，總之我公冇事就得啦！其他咩都其次！ >>December 28, 2006 at 4:30:37 PM GMT+8 2006 年 12 月 22 日 星期五 【晴】 
套戲比我想像中好，但個戲名真係有問題，令人見到都唔想睇 唔係老公番黎話要睇，我係絕對唔會睇，最好笑係睇完老公問我點？ 咩點？！都係預咗我答您 ~ ok啦！好彩係有金城武同梁朝偉唧！ 如果唔係老公求我都係唔會睇，仲有戲入面果間酒吧幾靚，搵日同老公去睇下先！ >>December 28, 2006 at 4:26:17 PM GMT+8 2006 年 12 月 21 日 星期四 【晴】 終於去了杭洲．無錫．蘇洲．上海，番到黎真係多謝主！ 話說上海機場乘回程機，成功起飛後，第一輪平飛，等第二輪再升高的時間 突然成架飛機震得好利害，震了陣飛機下墜2秒左右，呢個情況連續了3次 我同爸媽老公坐飛機中間，四個人一排的位置，我好驚，合埋眼左手緊緊捉著老公隻手 右手有力握著手把，坐窗口那邊有一家人，媽咪同個仔坐，爹地同個女坐 佢個女好大聲叫，架飛機墮一次佢就叫幾次，本來我冇咁驚，俾佢叫到我心都跳埋出黎 架飛機冇咁震既時仔候我打開眼望望四周圍，個個都合埋眼，飛機既燈不停閃 老公個樣好平和，隔了一陣飛機再升高，機身都震不過冇再墮就好了，空姐都開始周圍行 我想已經冇事，響呢段時間我諗番，頭先墮機時我諗緊咩？！我第一個反應就係：我唔想死！ 第二個反應：主！求下您！我有好多野未做！唔可以就咁死！我仲要生ｂｂ！唔可以死！ 第三個反應：我唔捨得糖糖！我好想再見番佢！再打佢pat pat 同搣佢面面！我愛佢！ 媽咪後來響空姐派餐時問我：您好驚呀？（唔好玩啦媽！點唔驚呀！）佢仲問我頭先諗咩！ 我答：糖糖！我媽咪答：如果我地有事，糖糖就好妻涼！（果刻我真係好想喊！） 我好想即刻番到屋企攬著糖糖，打佢pat pat 同搣佢面面！唉！空姐派餐仲問我飲咩！ 飛機震到貢樣，仲飲！容嘜易成身都係！不過媽咪都飲！是但啦！可樂！ 空姐先倒俾果家人個仔，我冇為意啦，咪轉頭問老公飲咩囉，空姐成杯可樂倒落我腳 我冇鬧佢，佢係咁say sorry！又俾紙巾我！又俾條毛毯我舖著張椅坐 我不停講：唔緊要啦！唔洗咁驚！慢慢黎！我冇事喎！又唔係滾水！番屋企洗囉！ 老公跟著同我講：算啦！佢冇心既！（做咩呀？我都冇鬧佢！我知佢冇心！都冇怪佢！） 除了回程機咁恐怖，成個旅程都好開心！好凍！最凍果日係響蘇洲！得番1度！又落雨！ 周圍都好靚，西湖．太湖，真係神奇！湖喎！足足4個香港面積咁大！仲有船響上面行！ 如果隻船要將成個太湖遊一圈，原來要3日多！您話幾得人驚！仲有個領隊仲得人驚！ 靚仔到不行！下次同老公跟佢團去杜拜先得！佢話岩岩去完絲路！好靚但冇啖好食喎！ 佢話上次帶杜拜團住１晚帆船酒店，其他幾晚酒店都係5-6星級既，仲話帆船酒店會響大閘外面 用勞詩萊詩每架接兩個住客方式送入酒店，領隊jackel仲話每間房都係覆式設計 雖然佢冇份住，但有個團友肯俾佢入去行下睇下，佢話睇下都已經好開心 我覺得$15,000團費唔貴喎，自己去帆船酒店1晚都$12,000啦！所以下個目標去杜拜！！ 呢個團仲識到兩公婆，黃生黃太，黃太仲講笑：我地結婚時好彭拜？！Why？ 黃太：我姓何！黃何聯婚（黃河）！哈哈！係喎！佢地都係住元朗喎！有緣再見啊！ p.s. 呢個旅程既全陪(即導遊)豬豬問了一個全香港冇嘜人識答既問題！睇下您地識唔識答！ 全香港包括九龍．新界．香港．離島，總面積係幾多呢？！身為香港人！都係唔知架！ 答案係：1098平方公里呀！記著哪！唔好再丟香港人架囉！ >>December 22, 2006 at 8:34:27 AM GMT+8 2006 年 11 月 20 日 星期一 【晴】 
材料：南瓜一個（Sogo的功效較快） 豬展2包（惠康有售） 雞腳斤半（最好響街市買新鮮，因為冰鮮冇味） 粟米2 - 3條(折開3段) 紅蘿蔔（隨您喜歡加唔加） 先將豬展及雞腳過水，再將粟米．紅蘿蔔及已過水豬展先放入湯煲， 大約煲2個半小時後，加入雞腳及已清洗南瓜 （南瓜切開兩邊好了，因為太多切口南瓜養分流失 而且南瓜一下子就煲溶，不要去皮， 因南瓜皮等於南瓜肉既3倍營養，但記得去核啊！） 中火再煲半個鐘左右，就可飲用！ >>December 22, 2006 at 8:37:43 AM GMT+8 2006 年 11 月 10 日 星期五 【晴】 如果 每個人都要刻骨銘心地愛一個人 那麼我希望，那個人就是您。 。 。 >>November 11, 2006 at 11:19:02 PM GMT+8 2006 年 11 月 6 日 星期一 【晴】 富士山下 攔路雨點似雪花 飲泣的您凍嗎 這風褸我給您臥到有襟花 連調了職也不怕 怎麼始終牽掛 苦心選中今天想車您回家 如讓我不再送花 傷口應已結疤 花瓣鋪滿心裏墳場才害怕 如若您非我不嫁 彼此終必火化 一生一世等一天需要代價 誰都只得我雙手 靠擁抱亦難任您擁有 要擁有必先懂失去怎接受 曾沿著雪路浪遊 為何為好事淚流 誰能憑愛意要富士山私有 何不把悲哀感覺假設是來自您虛構 使館裏找不到她嚥嗚眼眸 前塵硬化像石頭 隨緣地拋下便逃走 我絕不罕有 往街裏繞過一周 我便化烏有 情人節不要說穿 只敢撫您髮端 這種姿態可會令您更辛酸 留在汽車裏取暖 應該怎麼窺勸 怎麼可以將手腕忍痛劃損 人活到幾歲算短 失戀只有更短 歸家需要幾哩路誰能預算 忘掉我跟您恩怨 櫻花開了幾轉 東京之旅一早比一世遙遠 誰都只得那雙手 靠擁抱亦難為(任)您擁有 要擁有必先懂失去怎接受 曾沿著雪路浪遊 為何為好事淚流 誰能憑愛意要富士山私有 何不把悲哀感覺假設是來自您虛構 使館裏找不到她嚥嗚眼眸 前塵硬化像石頭 隨緣地拋下便逃走 我絕不罕有 往街裏繞過一周 我便化烏有 Repeat 您還嫌不夠 我把這陳年風褸 送贈您解咒 >>November 6, 2006 at 6:36:13 PM GMT+8
|
人氣: 54851 Design & Scripting by ShowHappy.Net |
☆★☆★☆★☆★☆★☆★☆★
<