2005 年 2 月 4 日 星期五 【微冷】

(補*)　　今日係一早預約同細佬一齊去買衫既日子.話明今日係去買新衫新鞋過年的.咁我返到公司,又俾人叫左去執廣泛既書單...因為之前成日都執錯,所以今日我好好好小心咁執,但都係執錯1張order....=~="鬼咩..今日又有成大班老師上黎揀書...仲要係2間學校一齊黎,又要我服侍佢地喎...一朝早就做到成隻dog dog咁....好彩因為係返半日,所以時間好快過. 　　放工之後就出左去旺角等女人,因為細佬6點先放工,所以就得我同女人行住先,第一站:朗豪坊.... 　　本生我真係好想買返條鍊家~!!不過次次出親去睇鍊都睇唔岩,真係激死我呀...再冇揀帶,我會癲家.因為冇左條鍊唔慣既關係,已經成日都整損條頸,可惜,今日我行朗豪坊,次次都睇中d手鍊、耳環、介子,就係偏偏睇唔中頸鍊,真係激死我呀\./"之後又睇中左一條裙,個cutting好靚家,不過就好鮮色下,其實我都心思沁想買,不過一來唔平,二來好似唔襯我...最後,我都係冇買,朗豪坊lee一站我只係買左一條褲褲... 　　其實行完,已經6點幾,就打俾細佬,等佢出黎都差唔多成7點幾lu...咁我地就行去瓊華買鞋,但行晒成個場都唔岩細佬心水,咁我地就話行去潮特睇,,,本生都係睇唔岩家,點知行行下,女人係間名牌店前大叫,咁我就問佢叫咩野啦....佢就叫我睇中d,見到我睇中好耐果個銀包呀~!!咁就即刻行入去問下幾錢啦...$999....個心即刻沉一沉....但我真係好鐘意,咁行出鋪頭諗左陣,見隔離個人都睇緊果個銀包,,,,咁我又行入去問可唔可以平d..之後個老闆娘話$980,之後我望問細佬,佢又唔理我,問女人又唔理我,望多眼個銀包,死就死啦>0<"就係咁,我銀包就空空如也,但就多左個新銀包... 　　之後我地就行左去信和,行底下果d鞋店,細佬終於睇岩心水,當佢試鞋時,亞俊打黎,咁我就行左出去聽啦.女人都即刻知咩野事,就幫我睇住細佬試鞋.之後我地就行左去兆萬睇耳環,我又心郁郁想釘返隻耳,女人又陪我釘.呁我就同亞俊收線先,半個鐘之後再打黎.我初初都好驚家,仲要揀粗針黎釘>__<"不過釘果下又唔係好痛bor...只係有d痺痺地咁,隻耳仔仲有d熱tim...之後我地就行去想搭最後果班87d啦..點知等到1點d人都開始散,女人先望下個車程表,先知尾班車改左12:30開出=~="真係俾佢玩死,咁我地只好去搭小巴. 　　行到去小巴站,先知係勁多人,條隊排到圍住街市3/4外圍=~="咁只好等,等車時,亞俊打黎....傾左一陣,女人又大叫問我見唔見佢銀包,搵左一陣好彩冇事,我話:如果我之後唔見左個銀包,跳樓都似...^^"之後搭車,我同女人都各自傾自己既電話,而細佬就係後面訓著左,亞俊就陪我傾到屋企樓下先收線... 　　之後我返到去,就等細佬沖完涼先到我,沖完涼之後就快快入房研究下銀包d花紋,哈~!!係個logo隔離好明顯有一男一女係度kiss緊家....我更愛死個銀包啦...不過今日真係好眼訓,就訓啦~

>>February 20, 2005 at 8:27:45 AM GMT+8

2005 年 1 月 28 日 星期五 【颳風】

(補*)　　今日返工,又係去左bid書入機.今日d書好似重過琴日果d好多咁,一開箱先知原來入面全部都係硬皮書,仲要裝滿成個箱,唔怪得咁重啦....我今日都bid左11箱書,整到成身烏糟到死. 　　到放工我就走左出去銅鑼灣搵女人同娓娓.行左一陣街,先buy到一件春裝=~="之後行左一陣,女人先話帶我同娓娓去睇佢買開水晶果間野,雖然我要趕時間去食公司餐飯,不過都要去睇左先.我去到見到d水晶真係好靚,我拎住條紅紋去問價,都唔平呀~!!不過我心知個老闆娘都已經計平俾我,可惜,如果要我用幾百蚊買我又覺得唔值,而且亞媽又成日吹我快d去食飯,so我都係放棄走先. 　　知道一定遲到既我,就快快跑去搭地鐵去油麻地,因為我唔識路,so一路行一路拎住個電話向亞媽問路,好彩都唔係好難搵. 　　入到房,佢地已經開左3台麻雀打緊,我就行去搵位坐.我就好肚餓,等到人齊時已經係8:45既事(原先講8點開席=~=")不過今日d"食送"都好好食呀~!!我都食唔少呢~食完之後亞姐又拉人去開"木台",咁我就跟埋去睇電話啦,因為今日有"水滸無間道大結局"嘛,當我睇埋時既然係11:35既事,咁我就走先啦. 　　約左女人同娓娓佢地係旺角bodyshop門口等,點知佢地又要禁錢喎,咁我都要去銀行啦,so分頭去左銀行後再係bodyshop等.我就要行去旺中先有渣打銀行呀.我禁禁下錢,亞俊就打黎啦.早左呢(約11:45)^^",咁我收埋d錢就一路同亞俊傾一路行返去bodyshop.點知俾我見到亞楠同亞恆,心情即刻壞晒,亞楠個死仔仲叫我快d去死tim...真係激死我呀\"/而亞恆又係同平時一樣勁串我,我就俾面亞恩,理得佢死~!! 　　之後我地一行人去左newaycity唱k.亞ca之後有上黎送生日禮物俾我呀~!!不過佢之後就走左lu.咁k房就有我,亞哥,女人,亞恆,博士,博士個fd,娓娓同kathy啦. 　　我地又例牌私連酒入房,行左2轉,一轉係亞哥同亞恩去買既;一轉係我同博士去買既,其間同博士傾計,佢話佢gf叫博士搵個fd同我拉埋喎.我聽到都火起呀~!!我即刻問佢:人點解一定要拍拖?唔通唔拍拖冇伴就唔得咩?博士都好識做,即刻話知我唔鐘意聽lee d野,so叫佢gf唔駛出鬼主意. 　　之後我地就返左入k房,今日我都飲左唔少,到最後女人就黎同我搶酒飲,哈~我當然唔讓佢啦,可能亞哥都知道飲得比平時多,都出聲話我,叫我頂唔順就唔好飲.ok bor我~總知我自己知自己事.其間我可能我玩得癲,連亞恆都問我係咪醉,我都冇理佢(其實我好想成機鬧鬼佢,可惜冇做到)繼續玩,玩到累,就縮埋一角訓覺覺.訓到5點先起身繼續唱.之後k房迫我地5:45就走人lu. 　　之後就去左飲早茶,飲完茶仲好有精神,就陪佢地去機鋪打機,打打下,女人同亞恆都話走,都知咩野事啦.心情即刻勁唔好,叫佢地早走早著. 　　之後博士同kathy陪我等車,我同佢地講好後悔俾亞恆黎,我唔想做幫凶,等左好耐終於上左車訓,好彩仲識落車,返到屋企都已經10點幾,就拿拿林入房訓lu.

>>February 12, 2005 at 8:00:05 PM GMT+8

2005 年 1 月 14 日 星期五 【乍雨乍晴】

今日好凍呀~!!琴日我本生叫左亞媽11點時叫醒我起身沖涼家,點知佢又冇叫到bor,整到我要早d起身沖涼先可以返工.今日真係超凍呀...仲要沖涼,真係想死.整我就快快彈左入廁所沖涼>~<"快快沖完之後真係醒晒,見就快遲到就快快換衫出門口.點知我今日又係送車尾....咁ja係今日又要遲到啦..唉....咁我返到公司時,已經係9:15分,仲要係我冇買早餐bor...=~=" 　　之後就整埋琴日果d手尾佢啦,之後就去開貨,當我開梗貨時,亞婷就send msn俾我話佢今日病左,今日唔可以同我去旺角bor,就係咁,我成個下午就好得閒啦.本生我send左個msn俾女人問佢今日可唔可以陪我出銅鑼灣啦,點知佢一直都冇reply我,咁我只好搭車返屋企. 　　本生係屋企我想改左個日記板佢家,不過我個upload空間好似有d問題,咁到用FFFTP連唔到upload唔到圖,真係想死=~="之後我去睇下自己個webpage仲有d咩野未整啦,原來都仲有幾多下,咁我就改左少少野.之後就睇電視+玩icq直到食飯.當我想去沖涼時,女人就打黎問我出唔出.我本生都唔太想出去家,因為出面真係超凍>___<"不過女人又話亞ca,亞哥,同亞哥d同事又去,咁我就問去邊啦.點知女人同我講話出去柴灣@0@"俾佢真係叫我出去,整到我都有d心郁郁,咁我就收線先,同亞媽講話我地成班fd齊人去晒亞堅屋企玩,so想去.亞媽鬧左一陣都係俾我去,咁我梗係要快快出門口啦.咁我就去左女人屋企先,之後先一齊去搭車 　　我地上車時,都已經係10點幾既事lu.坐左足足個半鐘頭車出去,咁我同女人都係度諗,如果撞到亞楠點算呢?不過我地唔理咁多啦,都唔關我事既,撞到先算囉.去到時,見到勁多人...大部份都見過既,一坐底就係度玩ture or dure =0=" lee樣野我介玩左好耐家嘛.而且佢地個個都係癲家,初初我真係好驚,好彩我都冇咩野輸,就算係我輸,佢地都好就我,冇玩得咁過份,不過d男仔就慘啦,,,佢地個個輸都要同d男仔打車輪...我同女人都唔敢睇呀,佢地真係變態家>__<"之後玩左一陣,亞ca話要走喎.唉...我同女人黎左冇耐佢又要走...唉...不過見佢都有d醉,就俾佢走啦...就係咁就走左一半人,之後等佢地送完人返黎,亞哥問我果日做咩野冇啦啦喊,講真我冇諗過亞哥咁直接問我係咪亞俊打黎先咁,我都冇答佢.我只係答亞哥話唔關亞俊事,係我自己問題ja,之後我都冇再講野.過左一陣我地就話去小西灣南灣公園坐.咁我地就一路由柴灣行走小西灣,買埋野食先去坐...不過因為太凍啦,我地都冇去海皮坐,就去左附近公園食野,食食下亞哥有電話黎,又要飛出旺角救人,我地都知邊個啦,就由得佢去.見住佢跑出去搭車,個個都只係無言. 　　就係咁,最後就只得我,女人,亞哥個同事:博士,同埋佢個fd:馬寶四個人=~="當亞哥走左之後,我地又開始傾計,博士係度講我地既為人,首先係亞ca,之後係我,佢話我外表越成熟越強,咁ja係話內裏越脆弱越寂寞,佢又話我外表幾惡,但應該幾關心人,係我地三個之中係最重情義既一個,對住情人都應該幾溫柔,專一,而且唔可以有大話存在.佢講完之後問我準唔準,咁我就問佢解點咁講啦,佢話睇得出喎,咁我問佢點睇,但我點聽都係聽唔明既....>__<"之後女人都有問佢覺我佢份人點,不過博士話見女人既時間少,好難睇...雖然我冇答佢準唔準,不過我自己知自己事,我就覺得佢都幾準,我淨係見過佢1次咁多,佢都睇到咁多野,算係咁啦.不過溫唔溫柔我就唔知啦,因為我一直以來都唔識lee樣野更加冇諗過要溫柔^^" 　　之後因為太凍啦,我地就去左ok買野飲,之後坐左係商場內,嘩~真係暖左好多呀.我地係度講埋d無聊野講到6點之後就行去食早餐,去左食粥,不過d粥都唔好食既,食左一半就放棄lu.之後2個男仔又話想去柴灣打機,咁就去左機鋪,直到9點先搭車返屋企.一上車,我同女人已經訓死左,到度落車返到屋企.就即刻上床訓lu.

>>January 16, 2005 at 3:01:49 PM GMT+8

2004 年 12 月 25 日 星期六 【晴】

WAIT

>>December 26, 2004 at 7:00:32 AM GMT+8

2004 年 12 月 23 日 星期四 【乍雨乍晴】

今日係平安夜,一早已經好期待lee一日家啦,一早返工已經遲到=0="好彩今日都容生同apple姐返ja.一返到去就拿拿林開工,一早已經有好多電話打黎,我就一一寫低,都幾麻煩下=.="好平安咁到左5點,本生諗住快快做晒d野就走家,不過總係有手尾,一定要做埋先走得.整整整,整到7點幾先走人. 　　之後就快快返屋企沖涼洗頭化妝,當時我已經俾亞bee佢地吹到我死咁制.之後出到去差唔多成9點,咁亞bee同潔思就陪我食野,一路食一路等埋亞bee bf+亞恩啦.咁我地係旺角行,仲去左影貼紙相,影得個個都好靚靚好~!!影完之後就決定去尖咀(不過果時已經成點幾lu)我地搭地鐵去,當時d人已經差唔多走晒咁制.本生我地想入海皮坐家,不過當時"風"左路,唔入得,好失望呀.... 　　之後我地去左酒店門口坐,我同亞恩坐係度發呆,而佢地....=~="之後我同亞恩就出左去行下,本生想去搵廁所家,不過搵唔到,所以我地就再試下入去海皮.終於都入到去啦,不過都係超多人,跟本已經冇晒以前既feel.之後亞bee佢地打黎話係星光大道個人像之前等,咁我地就行過去啦.見到個海,個心好平靜,但當心中平靜,個人就會好想喊.本想忍眼淚,但點忍都總有兩、三滴眼淚流出,亞恩佢地都知咩野事,係咁叫我,之後仲拉我行,我抹好淚水就行,跟住地下d星星行,一路都冇出聲,唔知點解個腦咩野都諗唔到,只係覺得路上既星星好靚,如果可以一直咁行,你話咁好呢? 　　之後要行既路始終都會行完,之後我地就返屋企,本生諗住搭西鐵家不過亞恩話點解唔搭去大學轉車?就係咁,我地就搭火車,係火車度我已經訓著左,去到大學佢地已經叫醒我,之後我地係大學再打的.返到屋企,已經好想訓,不過要落妝=~="整得黎,整到成5點先有得訓....

>>January 3, 2005 at 2:06:10 PM GMT+8

2004 年 12 月 18 日 星期六 【乍雨乍晴】

今日係最悶既一日.因為琴日成3點幾先訓,所以今日又係訓死左.係亞媽落街食完早餐之後打返黎問我食咩野.等亞媽買返黎之後,我都仲係係度懶床,整到成12點先食野.食完之後,本生諗住同亞媽出街行下家,不過諗來諗去都唔知去邊好,如果行新港城又冇野行,如果行沙田,又冇錢買野,諗諗下都係唔去好過,費事煩嘛. 　　之後就係亞媽房睇電視,岩岩做緊《12夜》,因為我之前都冇睇過,所以都覺得幾好睇.本生睇頭6夜,覺得好好笑.可能對對拍拖既情侶都係咁,總覺得對方咩野都係最好,就算只係一句好悶好無聊既說話,由情人口中講出都係最好聽既.但當日子慢慢過,情人已經習慣對方既存在,習慣對方對自己好時,就會覺得煩.就算對方點樣盡力對自己好,自己都唔會有d咩野、唔會感動,就只會覺得煩,就好似之後果6夜咁.人往往就係咁,大多數都係衰係「習慣」2字手上.因為習慣而唔再珍惜--係前人留下既忠告,但有幾多人會知?而我,就因為知道呢點,所以就更加憎恨「習慣」.不論愛情、生活或其他,我都唔鐘意「習慣」. 　　睇完「12夜」之後,心情例排會不安.個心諗左好多野,又喊左一陣,呢個係我呢排既情緒病(成日無啦啦喊)=~="喊累左就係亞媽房訓著左.係亞媽返黎知道lock左門打返黎屋企我先知道起身開門,之後野左d野就返自己房再訓過.訓左一陣又起身食晚飯, 再睇獎門人.因為冇得上網,真係特別悶,但又唔想浪費時間,就只好用wordpad打呢篇日記啦.我諗要補返之前既日記就訓啦.^^"

>>December 30, 2004 at 1:27:05 PM GMT+8

2004 年 12 月 17 日 星期五 【颳風】

今日真係好唔想返工呀,因為琴日同亞俊傾到成2點幾先收線,一早真係好眼訓.不過點都好點都要死返工家啦,所以就拿拿林出門口.之後一路搭車去返工,一路發呆.返到公司,先知又遲到...今次遲左9分鐘=~="好彩之後先知個個都遲到左好多,我係第三個返公司既人.之後我就繼續貼label,因為琴日做淨好少,所以今日好快就貼晒.之後就開貨.我諗住拿拿林做好就有得食野啦.點知d野食遲遲未送黎bor. 　　當d野食黎左之後,又要等亞姐返黎先有得食=~="當開餐時,個個都有講有笑,d野食都ok既.因為叫得太多野食,最後食淨左好多呀~!!亞姐就係咁迫人拎返屋企食,個個都好無奈咁應承拎走.之後我蠢左呀~!!諗住只係拎返d碗返去茶水間放底等人洗,點知果時有人係茶水間,以為我入去洗碗=0="就係咁,我就做左洗碗妹,如果俾亞媽知道,一定又鬧死我呀~!!食完就要繼續做野,果時已經3點幾,我就講大話話4點鐘要陪亞爸睇醫生先有得「早」走. 　　我走出公司落樓就打俾亞Dom,點知佢話夜晚要煮飯,所以唔出街lu/.\"咁我只好好無奈咁返屋企啦....返到去就整自己部電腦,整左咁耐都唔得.真係好想發脾氣,整左半日都整唔好.到左6點,已經要放棄,咁只好用wordpad打日記,之後就睇電視過左成晚.

>>December 30, 2004 at 1:33:43 PM GMT+8

2004 年 11 月 20 日 星期六 【微冷】

今日我12點幾就俾亞媽嘈醒去亞姨度,因為真係太累啦,我就不斷係度懶床,亞媽就不斷係到嘈,係都要我起身為止.之後我就同細佬亞媽去食野,食完之後細佬就去返工,我就同亞媽去搭89D去將軍澳.當我坐車望出窗時,我一d野都諗唔到,連我自己都覺出奇,我只係記得曾經我好憎lee一段路,其他既野真係好蒙糊.不過咁都唔差丫~我幾鐘意咁,起碼我而家仲識欣賞lee段路情既風景,心情同以往冇分別^^~ 　　我仲隱隱約約記得點去到蕭少健屋企,我諗已經好叻家啦,仲記得喎....原來亞姨住既地方真係好近佢.之後我仲識落車之後就直接去亞姨屋企,因為當時我仲係好眼訓,所以我都唔多出聲,只係想快快整好亞姨部電腦,希望之後亞姨唔好再煩我.我由2點幾整到5點幾先整好,之後就落去商場食m記,終於都試都果隻雀巢雪梨茶啦,我覺得都ok好飲,之後亞姨想tum返我,帶我去睇衫,我睇中左2條褲褲家,最衰我肥左,冇我size>__<"之後先知原來果間野係馬鞍山都有分店家~咁我就想之後先去買啦~到左7點幾,老豆已經要我地返屋企,咁我同亞媽就搭車走啦.可能天已經黑啦,有好多地方已經認唔到,當去到一個地方時,係向海家,有幾張木椅,個feel真係勁靚,突然間諗起原來我同亞俊有好多地方都未去過,如果可以去lee度傾計,都唔錯丫~~ 　　之後我同亞媽就返到馬鞍山啦,點知亞爸死都要打邊爐,咁只好係大家樂食啦~ 叫左2個打邊爐餐,因為我唔太好,所以食左少少就話返屋企先,上陣網就訓lu

>>December 10, 2004 at 2:03:42 PM GMT+8

2004 年 11 月 19 日 星期五 【微冷】

今日真係勁唔想起身呀~~一來真係好凍啦,二來我仲好眼訓呀~!!不過到最後一日,點都要返埋佢家啦,就咁,我就死下死咁起身返工...=~=" 　　今日我都算叻女家啦~今日1:30就走得~本生想約人陪我去旺角行家,不過個個都唔得閒,咁我只好返屋企啦....返到去一陣,小健健就打黎,話佢而家係馬鞍山開工好悶bor...咁我就話等我食埋野換埋衫就去搵佢啦.佢係富泰果個隧道口開工=~="咁我就陪左佢一陣,我就去左同亞爸亞媽食野啦...本生話等小健健開完工去食糖水家,不過佢之後仲要返公司,咁ja係冇得去啦,我只好好無奈咁返屋企上網. 　　之後亞媽就係度嘈要我快快教完亞姨整好過電腦,唔好再拖.我係唔願意咁打俾亞姨,真係講到我都火埋,佢仲要好話我言氣唔好,收線算~!!真係想死~~之後我話一係佢帶埋個手提電腦黎俾我整,如果想我去整,就一定有排都唔得.之後佢就收左線.果一刻心諗:"真係好~!!最好唔好再煩我"亞媽又係度煩,牙7就當聽唔到啦.亞媽見我咁,就自己打去搵亞姨,仲應承亞姨聽日我去幫佢整\"/,佢地收左線之後,亞媽先黎去tum我去,火到我丫...仲話尊重我意見,唔想去就算.我心諗:"你咁講我又點可以唔去?"就係咁,聽日又要入去將軍澳....我係火到連電腦都唔玩,返入房訓算~哼~~

>>November 23, 2004 at 2:33:46 PM GMT+8

2004 年 11 月 18 日 星期四 【晴】

琴日太凍啦最終都係病左,臨訓之前諗起亞俊果邊一定仲凍而佢又岩岩收工所以就send左msn俾佢,叫佢小心身體啦,之後就真係頂唔順一定要訓lu.不過估唔到亞俊會打黎,因為佢知我應該訓左,我仲以為係我自己夢佢打黎(真係病到傻左^^")不過佢果邊真係收得好差呀,要佢重打幾次先可以收得清...我同佢傾左陣之後,叫佢小心身體果d啦,仲叫佢食少d煙,對身體好d啦,不過佢同我講真係會介,希望啦~之後我真係好辛苦一定要訓,所以就收線lu.之後就一睡不起啦~ 　　之後今日起身返工,因為唔夠訓,關手提鬧鐘時,狂禁錯制,我都唔知有冇del d咩野=.="之後到懶床到7:45先起身,之後就用最快既時間出門口,好彩冇遲到咋^^" 之後就一路開工,一路做琴日既手尾啦~FAX,打俾學校,聽電話,打單,收書,打發票等等,就係我今日做既野.今日可以話係我返工以黎可以全日坐係寫字樓,唔駛搬貨最舒服既一日^0^~不過都好多野做呀,成日大頭蝦做漏功夫,不過咁都唔算最好,最好既係我今:30就可以收工啦...係我返工以黎最早既一日呀≧﹏≦..之後就快快返屋企,終於有一日我係覺得夠時間可以俾我做自己野家啦...真係好耐冇試過咁... 　　原來今日6:42am分,亞俊send左個msn俾我呀,不過我果時已經訓死左,所以先唔知,又有人佔我便宜=~=",都講過唔好用文字佔我便宜家啦.....如果真係要叫既,就將來先算啦....希望有咁既一日啦^^"....見佢係外國咁悶,今次就原諒佢啦....kakaka

>>November 19, 2004 at 3:22:33 PM GMT+8