2005 年 8 月 28 日 星期日 【晴】

近排太多野做啦....日記記得先打返啦~ 我3/9、4/9會返上大陸玩....之後先打返果2日既日記啦~~期待中^0^~

>>August 29, 2005 at 12:33:07 PM GMT+8

2005 年 8 月 17 日 星期三 【乍寒還暖】

今日一起身已經想死~.~"對腳係累到抽晒筋.好辛苦先起到身,之後就刷牙洗面搵衫衫換.雖然做左好多野但都好似完全無晒感覺咁...之後出門口,落雨...買左野食之後就上返公司開工,初初都無咩野... 　　點知到左10點幾,就覺得個人好凍,又想嘔,頭痛+頭暈,都知自己又中招家啦....有好幾次都想去廁所嘔,但又嘔唔出喎...~.~"到左11點幾,真係頂唔順,就諗住等亞姐返黎同佢講下午早退....點知亞姐係勁遲先返囉...佢一返到黎都見我面青青都問我咩野事,我咪話自己唔舒服囉.之後做多陣,亞姐就招左我去英文倉,我心諗:今次唔係招我去鬧下~!?....好彩都唔係,只係工作上有d改動,叫我幫明月打order,apple就幫我拆貨,仲好~起碼對手都無咁傷(我拆左一星期貨,對手已經"鞋"晒啦 T.T)之後亞姐問我身體點,咁我咪順便同佢講早退囉,亞姐都俾,但仲有成個半鐘先走得,我都只好去拆貨,真係想死...已經辛苦緊仲要搬搬抬抬=0="拆左一箱之後已經1點幾...本生想搬完俾明月之後走,點知有人幫我叮左飯,咁亞姐就叫我食埋先走,咁我就慢慢食,食左D野好返好多,但都想走,咁完洗完飯盒之後就將d貨搬去明月個位度,之後行去中館倉同明月講聲,明月同波波都係度.佢地問我亞姐知唔知我地琴日去左睇戲,我當然無講啦.佢地話如果亞姐知道我地琴日去左睇戲,今日我就病,一定殺左我...我都知~.~"之後我就打卡走... 　　去等小巴返屋企,當落車時先覺得好似少左d野...我個飯盒....係公司無拎去=~="之後都係呆呆地返屋企...開冷氣訓....好舒服呀...訓到食飯先起身..之後就上左陣網就打日記啦...我諗我今日都會好早訓....

>>August 18, 2005 at 2:57:04 PM GMT+8

2005 年 8 月 6 日 星期六 【清涼】

今日一早10:15am就起左身,諗住沖左涼洗埋頭先出門口....當攪掂晒返睡房搵衫時,志剛就打黎叫我起身^^"咁我就一路換衫一路同佢傾左陣,但原來呧做係好難家,所以我都係同佢收左線先.之後整埋d野出門口時已經係11:30=0="(一定遲到)...咁我就快快出門口啦~ 　　當等車時,已經係勁熱...上左車,亞銘就打黎話佢到左問我係邊...我就同佢講我岩岩先入大老山隧道,叫佢等多一陣...之後我落車時,先知原來仲要行好遠路的...係一個勁熱既中午行左大約5-10分鐘,真係想死~!!之後終於到,我遲左3個字=~="之後我地就決定去唱k,但唱k前一定要去銀行拎錢先~但係觀塘地鐵站係好難搵渣打的...亞銘就記得neway前面好似有渣打機,咁我地一行人就決定去左先.又行出大街...勁勁熱,拎左錢之後就上去neway,但d人話一定要唱happy hour,仲要等多9個字先開始...=~="係咁情況下,我地就決定食左野先....又行去對面街食新式中菜...一路食,就一路傾計...亞銘個女朋友好暴力家...郁d就打亞銘...仲要係0係我地2個面前,勁大存力咁打...(勁似野蠻女友...可能仲過份d tim=0=")之後我地食飽飽就行返去neway唱k,去到個個都唔願點歌既....咁就由我黎幫佢地點,而亞銘個女朋友一d都唔點...又唔唱....想點~.~"之後我都有拎咪唱....佢地2個男仔話我唱得唔差(新名詞=0=")不過我都無點理佢地,我既工作就係不斷點歌同插歌...=.=v不過因為亞銘個女朋友一d都唔唱,所以就無人陪我唱,係無人陪之下,就要成日開伴唱唱....不過因為佢地點男仔歌,又唔太高音,所以我都岩唱yeah~唱到尾段,亞銘同佢女朋友已經係半放棄,差唔多由我同志剛唱晒XDD...唱到5點幾先走去開始行APM...今日目標:幫亞銘睇裙買俾佢女友,而我就想買衫衫...我地一路行,行左去無印掃野食..我都買左支奶茶黎飲...當亞銘俾緊錢時,我同志剛就係門口等佢地..係等既途中,發現左一個好地方係APM商場平台:勁靚既偷情公園...真係勁正+好FEEL...咁我地見行得累就去左坐陣.傾左好多野..之後到左8點就行去左食野果層搵坐食飯..當我地搵左位時,亞銘同我講左一句:"下次你著LEE件衫時最好打底..."我望一望自己,覺得無問題BOR...我就同佢講返:"咁我有著BAR,又唔係咩野都無著,有咩野問題呀~?!"之後亞銘個樣好無奈就出左去睇食乜....可能因為我飲晒支奶茶啦,唔覺得肚餓,只係食左2支串燒就算...之後就行埋其餘果2層...我都係睇唔岩衫衫....=~="之後就諗下去邊定返屋企...最後都係決定各自歸家...亞銘就要送女朋友,而志剛就陪我等車...之後我上到車本生想訓的,但又驚訓過龍,所以就不斷諗野...諗諗下就到了... 　　返到屋企都係10:45,即刻開電腦...之後就同亞媽講今日去左邊...傾傾下,亞銘打黎...傾左一陣...佢又問我野...=~="問我覺唔覺志剛今日有D唔同~我唔覺得BOR....之後亞銘同佢女友都覺得志剛今日好照顧我...=0="...唔覺BOR...雖然今日係有d不必要既接觸,睇落唔似係朋友既行為...但咁唔可以當係咩野一回事,正如我一灌作風:一日我未真正知,都唔會當係,無謂估估下...但lee d野當然唔會講俾亞銘聽啦...答唔覺唔係已經好夠....而且我都無諗過lee樣野,聽完就算...但亞銘又係度sell志剛=~="我已經聽到好厭了....之後"炸街依"打佢線....繼續上網...直到訓覺覺....

>>August 7, 2005 at 4:24:21 PM GMT+8

2005 年 7 月 20 日 星期三 【晴】

今日係書展既第二日,我都已經識就時間去會展,今日無琴日咁塞車啦,大至上都可以無意外地落車去會場...本生以為我係最早返到去家,點知原來亞文一早到左,咁我地坐左陣就郁手準備,我就拎返d夾夾,同拉d布落地;亞文就將d布捲埋佢...當我地攪掂晒時,d人都開始返黎... 　　今日我都照sell書,因為好買,所以我決定係架底執定2set書先,如果有人要就直接拎,點知我一睇個架底@0@"d書係平放....一"動"40幾本,唔同既書.....真係想死.....搵死左我先執左2set...之後見無咩野人就再執過個架底佢,將d書企係到,書脊向我,咁之後先方便好多咋~~~之後就睇睇有d咩野貨開始要寫底俾波波補貨,初初都好少咋....(因為我唔識~.~")今日既人好似少左好多,不過就多左好多小朋友黎...個個企晒係度睇書,整到d大人想睇都行唔到埋去...有2個小朋友仲黎譜,直情坐係地下睇左2、3個鐘,個亞媽仲要唔知走左去邊=0=",之後我就同亞姐講,亞姐話唔好俾佢地坐係地下阻住做生意...~.~"....咁我就叫佢地起返身,無耐佢地就走左了...之後我就將d開左既書收埋,家長要睇先拎出黎睇...情況改善左好多...今日我地2點幾先有飯食,係勁肚餓呀~~我又係第一個食,又係食得唔安樂,個個都"吹"住晒,尤其係亞貞,真係覺得佢好煩~!!一餐飯都要"吹"2-3次...我已經食得好快家啦...15分鐘食埋飲埋仲想點~\./~?!??今日對腳已經開始有少少累,仲有d悶,不過好彩亞姐都有買d零食俾我地咬...時間先易過d...好快又食飯....今日我排第二round...真係要慢慢食,成機坐耐d...唔理佢地"吹"唔"吹"...哼~夜晚時,d人真係少左好多....個人都輕鬆d,有時間同隔離行既亞銘傾計....有時志剛都有行埋黎...3個人"鼠"埋係個死角位傾...XDD...無耐亞姐又叫我行埋去佢度,話今日係我同大儀跟德哥車去沙田,咁我地就快快去完廁所就走.... 　　今日都好似過得好快,咁就一日....係車度,大儀指俾我睇佢住邊...哈哈....不過我都唔知果度係邊度黎既....=~="一落車果一刻,又係想死....痛痛呀~!!當行去巴士站時,我成個人已經無咩野感覺....只係覺得好累好累....返到屋企,立刻沖涼訓覺...

>>August 18, 2005 at 3:28:32 PM GMT+8

2005 年 7 月 19 日 星期二 【晴】

今日係書展既第一日,一早我就起身,行去新港城買飽搭861時食.上左車之後就係度諗左d野,好快就過左海點知.....臨我落車前15分鐘路程先黎塞車\./"....我落到車時已經係遲到,咁我就快快行入會場.見到亞姐塊面黑晒,咁我就詰自己塞車,佢就叫我快快開工~.~" 　　我行返去自己負責個位時其實都已經唔少人係度睇書. 　　我係負責三采、洪波、同景行出版既書.三采永遠都係好受小朋友歡迎,第一日已經買左唔少.不過可能明月琴日上架上得好啦,我根本就唔須要係架底補貨.而洪波既書...一d都無郁過...=~="不過我都有得佢...最好無人買就仲好,因為我見過洪波架底d貨,係放到亂七八糟,如果真係要補貨時,都真係好辛苦下.而我地景行d書,上午都係無乜郁過...我見係咁,就開始sell d客買.我開口之後,反應好左好多,今日足足sell左幾個客足足買晒成輯16本,有一個仲勁,買晒2輯32本@0@"....第一日其實都唔係好辛苦,只係食飯時慘d ja...當我知道有得食飯時,我就第一個話要食...好趕呀...去左廁所隔黎開張枱仔食....仲要用大箱子d人+阿嬋一齊食...完全係無野講~.~"之後仲要俾人吹快快食完到下一個...我係完全無時間可以好好坐下休息下.食完就要即刻開工,d時間係好難過呀...不過都好在有d時間係可以同亞銘/志剛傾下計....之後好快又係食飯時間,又係我食先=.=v今次就係收銀位隔黎食,d人食咁出出入入,我食時d人又係度望住晒.....勁唔知點咁...食食下亞貞佢地個個又黎"吹"我食快d....食都食得唔安樂~.~"之後既時間,時間係過得好快,好快就係時間收工,亞姐無啦啦叫過去收銀行,話今日由德哥車我返去...係沙田火車站落車...我自己再轉86k返屋企.德哥果架係貨車黎家,我咁大個女都未搭過貨車...好似好好玩咁...^^"當到左沙田時,我落車對腳掂地果刻....0~my god.....痛到想死.....之後就要自己一個行返去巴士站,好累,真係好累...一上車就好想訓...但又驚訓過龍...=~="但我都係勁釣魚..好辛苦先可以捱到落車. 　　返到屋企都已經過左12點,之後就快快沖涼訓覺覺.

>>August 14, 2005 at 2:27:45 PM GMT+8

2005 年 7 月 18 日 星期一 【陰】

今日係最後沖刺....我仲有勁多野未做晒...本生想幫明月打order都打唔到.要將d賀禮支票入晒機,寄埋d收據...整左勁多濕醉野之後到亞姐叫停手出會展...我就同banban、亞貞、亞文出左去先... 　　去到會場...原來我地個位置都幾好家,係個角位...如果正常人行,我地個位多數都係頭一站/尾站...之後大儀叫我地快快食左飯先,咁就快快拎盒飯出黎食啦...义雞飯=~="不過幾唔鐘意都要食家啦...食晒成盒都唔見飽~之後等亞姐黎就開始將d貨上架...@0@"本生以為好少貨,不過當我地不斷上架既同時,波波不斷俾貨我地上....因為想快d收工既關係,我就想自己一個人搬一箱埋位....不過真係好重....搬左2箱之後真係頂唔順,一定要搵多個人同我一齊搬:亞銘...搬左十幾箱之後就要開始上架,但好奇怪,我唔係上自己果行既書,而係上我之後果行既=0=?唔理了,上就上,不過真係勁多....上上下,我就feel到條腰痛痛地,屎火....=0="不過點都要頂硬上,上埋D架佢... 　　上書其間,俾我發現左一件好可疑既事,今次書展除左我地公司D人外,都仲有D明愛既人黎幫手,中間有一個叫志剛既男仔,當我同亞銘上架時,志剛都係同一行,佢就不斷係度講亞姐D壞話,又問我地覺唔覺,我當時都無亂答...之後亞姐行埋黎叫老細都一齊上架,之後志剛見到老細就好細聲講左一句:"幫亞叔手先."之後佢就行左去老細果邊...@0@"當時我都仲係扮唔知,之後志剛返黎都好似無野咁,佢無野,咁我都無野啦...... 　　之後我自己既書已經上晒(進度好似係我最快)我就去幫明月手,上自己果行.老細都係度...慢慢黎=~="之後我地就上晒架,亞姐就叫我地快快執好野去食飯...去左一間叫好彩既酒樓食...佢地話個男廁洗水盤有蝦家,而女廁洗水盤有金魚的@0@"好想去睇呀,不過已經無力郁了...當D"食送"黎時,個個都好似餓鬼咁,一下子就清晒....之後亞姐就安排人搭車走...本生我想搭681家...不過又唔知係邊有得搭,所以我都係一齊搭的走...車上有:我、Apple、亞銘、志剛.目的地係大圍火車站.我就要係大圍再搭車,等81C=0="行勁耐慢既車...SHIT~!我係車上呆下呆下就訓著左...連到左總站都唔知....係一個男仔拍醒我先知...開眼果刻仲係呆左,個男仔話到總站我先知...勁瘀~.~"就快快落車....呆下呆下咁行返屋企,返到去就快快沖涼訓...上床時條腰仲要勁痛,只可以大字形訓,因為實左太累,唔駛3分鐘就訓死了=~="

>>July 31, 2005 at 4:21:10 PM GMT+8

2005 年 7 月 15 日 星期五 【晴】

將來都會好忙....有機會真係要補返d日記

>>July 16, 2005 at 1:45:34 PM GMT+8

2005 年 7 月 2 日 星期六 【晴】

岩岩打左一半既日記無晒=0="無心機打了,遲下先補返啦

>>July 3, 2005 at 2:31:44 PM GMT+8

2005 年 6 月 30 日 星期四 【寒冷】

今日3點幾先起身....雖然睇落好遲起身,但計返時間,我只係訓左10個鐘....都係好似唔夠訓咁z.Z"一起身亞媽就返,咁佢就煮左碗米線我食...不過我都係無咩野胃食....慢慢食.... 　　食野既途中...公司同事亞銘係icq hi我,咁我就一路食一路同佢講d無聊野..點知佢同我講佢同女朋友仔鬧左交@0@"....咁我問佢點解啦,點知原來係因為一個英文網站,佢愛人唔識睇而發佢脾氣=~="真係小事一椿...之後亞銘同我呻佢既辛苦史...原來佢愛人一直無野做全部開支都係靠佢俾.我地人工又唔係多,一個人要養兩頭家.返工時間長,佢愛人又話無時間陪佢.仲有佢愛人屋企嗺佢地結婚....種種問題+埋真係好辛苦.....=~="亞銘佢講得好攪笑...講到佢地結婚,佢竟然話:我先唔會咁早做傻事XDDDD好衰呀佢....不過係岩既,自己又無錢,又未有事業,咁早結婚咪又係一齊捱...捱唔係問題,最重要既係無錢就會多爭吵....如果係咁結黎做咩~?!之後亞銘又話佢愛人脾氣大,成日發脾氣....哈~我就覺得個個女仔都係脾氣大家啦,只係睇下向邊個發,同埋發得多唔多既JA...不過我覺得亞銘又真係慘左d既....聽佢講,真係三日一小鬧,七日一大鬧咁~.~"當亞銘佢係度同我呻時,我就係諗諗:點解而家D女仔成日都會向自己愛人發脾氣既~?!我身邊個個fd都係咁,成日因為d小事又嘈=~=......其實係我怪d丫,定係佢地有問題呢~?!...講真,我好似咁耐以黎都差唔多無...丫..唔係..應該係話一次都無發過愛人脾氣~.~"咁我咪蝕左好多~?!?(有點兒唔甘心=~=")之後亞銘又講初初拍拖出街一定係愛人屋企門口等3-4個鐘等愛人打扮好先出得街,而家就返時間無等咁耐,愛人就話佢唔愛佢...咩野道理=~=?如果次次出街都要預早3,4個鐘黎等人,咁不如訓多陣~?!我真係發覺自己一d都唔似女仔=~=....好似細佬d同事咁...未拍拖都可以禁人地一,二千蚊....我就真係無lee d本事....有時真係諗,究竟而家係d人蠢丫,定係禁人錢果d人叻~?!唉....真係世風日下.... 　　當我食飽飽之後,亞銘都落街無再傾lu...而我就開始改我個日記版面....改個版面用左我4個鐘頭=0=",但點解都總好似怪怪地....可能因為太難襯色啦...不過算啦....有得佢...之後我就睇埋冰之驕子Pride 6%7集但總覺得好似唔太好睇...之後就同choichoi係icq傾左陣個showhappy改革...到左2點幾,好似無咩野整,就心思思睇埋個冰之驕子Pride結局.....感覺太平淡,無咩野特別重點位....睇完都係好似唔夠喉咁....可能唔太浪漫啦....不過我都係流左幾滴眼淚,係後半部...女主角過返d平淡日子果段...又喊~總覺得近排成日都喊,少少野都喊一大餐...唉...可能我又發作啦...睇完個爛尾結局之後覺得有d累就走上床訓lu...不過都係失眠的~.~"

>>July 2, 2005 at 8:08:30 AM GMT+8

2005 年 6 月 24 日 星期五 【乍寒還暖】

今日一早賢豪就打電話黎問我食咩野早餐...我果時仲係累到唔想返工....但諗諗...今日返半日,如果請假係當一日計,咁咪好唔著數~!?所以都係決定返工....之後同豪賢講想食麥當勞早餐...之後收左線我就死入廁所啦....(仲係好眼訓中...)落到街好好彩俾我上到架小巴,咁就唔駛遲到啦~ 　　返到公司我就慢慢享用我個早餐,之後先開始做野....今日係時候處理d賀禮啦...~.~"好多呢....11幾點,亞姐同人開會...寫字樓莖唔多無晒d大人物,我就將d野慢慢做...有時又同d同事傾計....佢地又將我同豪賢拉埋一齊黎講=~="....可能我已經慣左所以都無咩野感覺....年年都咁樣俾人講...年年都有人講我同邊個邊個有野,同邊個邊個拍拖...真係慣晒了...不過豪賢就好緊張咁,次次講親佢既反應都好似好大咁...拉埋佢落水真係唔好意思了>.<" 　　臨到收工時,亞姐命令要全人類留係度開會....仲要係佢地開完會之後先到我地開...真係有排都唔洗走...~.~"當我地開完會之後我同亞貞,豪賢就拿拿林一齊走...落到公司樓下,本生想買下午飯食家...點知...銀包無錢=0="...身上得返八達通有錢....咁我就打左俾亞媽求救...亞媽都救我唔到...咁我只好係大學站隔離間美心bi八達通買野食啦....返到屋企食埋野就開始上陣網...到左4點幾頂唔順真係要入房訓陣....訓到7點幾先起身...上網先choichoi已經差唔多整好晒個showhappy語法網,咁就同佢傾傾d改革細節....就係咁...傾到2點幾=~="之後choichoi佢因為聽日要去camp而早訓,咁我就繼續整左陣先去沖涼.... 　　沖完涼就坐返係部電腦面前,睇冰之驕子Pride星期日果集(預早睇XD)....真係好好睇呀~有兩場戲真係好有似曾相識既感覺,令我諗起好多野.睇到第一場戲時我已經哭成淚人,成個人呆呆地,總感覺到d皮膚好冰但個人就好熱而d精經又好痛,突然間好想有個人可以抱抱我既感覺....之後睇完諗左樣野:其實,我係咪應該以後都唔睇愛情片呢~?!次次睇完都喊一大餐...諗諗下都係上床訓...又係訓唔著,諗左好多野...之後又喊左出黎....喊:一半係套劇既餘波,一半係因為佢....一來想念,二來發洩....想起以往喊既時間總有佢幫我抹眼淚,而家只得自己可以幫到自己就份外覺得可憐....正如今日同choichoi講開:可愛=可憐無人愛......喊累了就只好快快入睡...

>>June 26, 2005 at 10:44:34 AM GMT+8