Today好想整好d logo同閃字俾人家
不過都唔知點解,
整整下就去左整其他野=~="
最終,我都係冇整俾人
唉...真係一時一樣呀

今日有個傻瓜成日打黎呀...
kakaka...
都幾好丫...
最好有個傻瓜日日自動打黎報到啦
我24小時on-call既...
次次打黎都無任歡迎家...哈哈

不過lee幾日真係多左好多人打黎
都唔知點解,
個個一係唔打;一個打就個個都打...
好似係度玩我咁~.~"
我發覺自己認人地把聲認得好差呀...
女人同佢情人打黎...
我仲以為佢係女人老公..
差d又講錯野呀>.<"
好彩講個大話就呃到佢咋...
如果唔係,女人實鬧死我呀~!!
唉...lee排真係轉數慢左好多呀...
可能因為日日留係屋企發呆既關係掛...
唔得~!!出多d街先得~!!

續上＊＊
我地7點幾已經覺肚餓..
就大家一齊去大家樂食早餐
哈...好耐未試過大家一齊去食早餐啦
雖然分開坐,but都冇所謂啦
食完大家都累死啦
各自返屋企訓.....

真係想死呀...
11點幾自己就醒左>.<"
點都訓唔返...勁無奈呀
只好又係部pc面前發下呆...
是旦搵d野黎做下咁
我今日又搵返多本日記呀...
哈...又睇返好多野呀...
都諗返好多開心同唔開心既事
尤其果時..
真係有好多連我自己都差d唔記得既野
雖然寫果時,係好開心...
but而家睇返,係真唔知笑好定嬲好
果時真係有開心過咩?
果時佢講過既野,我而家真係一句都唔記得
佢俾過d咩野回憶我??
真係十隻手指都數得出
到而家我都仲係唔知
果時係我失敗定係佢失敗;
係我錯定係佢錯
果時知得我地最多野既係亞婷
我仲好記得亞婷同我講既野
到而家,我既回應都係同果時一樣
除左苦笑之外,我仲可以點~?!
有時真係好想八下佢而家點樣
希望佢而家會知自己想點啦
希望佢知自己其實衰d咩,會改啦
不過點都好啦,唔開心既事都已經過左去
只要而家開心咪得囉~＊
日記係要黎記開心事家
唔開心既野,咪當一種回憶
埋係心裡,等時間既過去
等慢慢忘記
到最後,淨低既回憶
就算點唔開心都好
個心都只會美化左件事

睇完本日記,就好想而家再寫...
用筆寫低而家既事和物
到將來,當笑話咁睇,都幾好

Today已經好好啦,11點幾先起身
不過都係咁辛苦,因為都係唔夠訓~.~"
之後就打琴日既日記啦
之後就要做我最唔想做既野:
打履曆表啦
唉...打完之後我都散晒咁制啦
之後發左陣呆就返房好過
哈....
今日冇啦啦搵返晒之前果d日記黎睇呀
2000年;5年前...Form 3...
寫d野好無知,好低b家..
日日都係寫埋晒果d野
2001年;4年前...Form 4...
都係咁低能
好多野都係得個"講"字=.="
好想第時點第時點咁....
而家睇返...冇樣做得到
都幾失敗...唉...
哈...而家睇返,以前真係好傻>.<"
不過真係留左好多回憶
雖然次次寫都冇乜恆心
次次都係寫1-2個月就放棄
哈...都係網上日記好d
唔駛真係"寫","打"會快好多家嘛
不過我睇睇下都訓著左....
(真係唔可以對住d字太耐家=~=")
食完飯,女人打黎叫一陣落街食糖水
正呀~我好耐冇去過食糖水啦
之後拉大隊去糖水鋪
食完之後本生去7-11買酒坐海皮家
點知又落雨去唔到bor...>.<"
就去左亞堅home玩啦
哈...咁ja係玩天光啦~＊
哈...其實今日都算齊人家啦
都係冇左亞楠lee個衰仔既ja
真係想見佢,都唔知要等幾耐呀\./
丫...佢地真係出通告趕我出DLC呀>.<"
點解次次都係我家
點解只有我既事先出通告家?!
女人夠係咁啦,又唔見佢地出通告=.=?
唉...又俾人趕左去DDLC果邊啦/.\
都唔知係好事定壞事
不過最好個個都係DDLC既會員啦...
DLC再唔會有人就最好啦...
咁我地先可以影到張大合照家嘛^0^~
哈...唔知幾時先有lee一日呢??
大家快快+oil啦~!!


第一次唔係0係自己屋企打日記
有排都返唔到屋企呀...=~="

lee排都唔知做咩...
日日都只係訓得5~7個鐘...
真係想死呀
人地日日要訓10個鐘先夠家嘛>0<"
今日細佬去見kfc呀...
話有打電就即返工喎...
咁到時咪又係得我一個人係屋企~?!
到時又一定俾人鬧死啦...>__<"
今日我好早就出左去旺腳啦
有人陪我坐,浪費下d時間
哈....有人玩串囉...
ok...我實陪你玩家...>u<"
之後行到去太子地鐵站等其他人
亞銘黎左呀...哈哈...
今次亞銘好乖呀,真係有帶俾我
好開心呀~~
原來佢地有d已經搵到工/實習啦...
開始覺得自己好遲tim>0<"
唉...點解出街到要諗埋d咁既煩野喎...
唔鐘意呀,我今日係出街玩家嘛
唔係出黎煩埋d咁既野家,
咁出街法都唔開心啦
之後karen黎到,
我已經見到佢有d唔一樣家啦
講開先知...
原來佢一早就結左婚家啦=0="
佢之前同我地講冇家...
我本生仲以為佢岩岩結唔話我地知tim
冇啦啦俾人扼左咁耐,
好似整到我好無知咁>.<"
約齊人之後,我地就行去食日本野啦
今餐我都預左俾佢地玩家啦...
好彩班死人頭唔係玩得咁過份ja...
之後食左打機呀...我地...
佢地傻家...
玩搵錯處,一定要做top1喎...
我地一齊玩左好多鋪呀...
都唔明點解玩完要打我個名上去既
有d俾人放上"木台"既感覺
不過算啦....玩game ja
無謂認真啦...~＊
之後真係俾我地玩到top1呀
佢地真係打左我同亞青個名喎...
我都冇氣理佢地呀
想去toilet
去完都想走lu....
之後亞哥打黎,話有野俾我,叫我等佢
我咪等佢囉.....
原來佢同個fd一齊呀...
果個人好似唔知係邊度見過...
不過最慘見唔到果個亞熊丫...
我好似想知佢有幾似呀>u<"
哈..我拎完野亞哥就送我搭車啦
亞哥個fd都幾好人家
我一黎就叫送我去搭車
佢都冇唔鐘意....
哈....今日我算乖啦
12點之前返到home...
亞媽都出奇呀
之後我又係部pc面前發呆
同個fd chat,越諗越心情唔好...
哼...有d人鐘意亂講野家
好...講過要算數呀
第時唔好後悔呀>u<"
我都話過我係唔可以俾人"大"家啦
一"大"我,我都唔知會做d咩野出黎家嘛..
kakaka

Today都係好早醒左...11點就醒左lu
一醒果時都好肚餓下...
不過我又唔想食杯麵,又唔想落街
只係餓住,唔鬼理啦
到6點先食m記...
不過我都已經唔覺肚餓lu...
lee排我真係食少左好多野呀/.\
一食就想嘔喎...
整到我而家一日食既野,
都唔夠人地1餐食既咁多~.~"
我都知自己遲d會大病家啦
真係勁似上似咁囉...
食咩野都冇胃口/.\
唔會咁好彩掛,我唔想病呀~!!

亞旦同女人下午打黎呀...
我都知唔方好野家啦,
點知真係又講果個問題....
我知點做啦,唔好迫我啦>___<"
而家好似俾佢地當game咁玩...
我知大家都對我好,真係想我好...
but有d野,你地都知我性格家嘛...
做唔出就係做唔出家啦....>.<"
俾佢地set左一個限期:
星期4 23:59:59之前....
我知如果自己做唔到,
會俾佢地玩得好慘家...
唉......認死吧啦....

Today我班同學又話打邊爐改期喎...
改做星期四...
但我琴日已經扼左亞媽話聽日一定要出去,
因為vtc有d野要同我地講
如果而家講改期,又會俾亞媽鬧家啦
>____<"
唉,而家好矛盾tim...
我又唔太想去,but我又唔想留係屋企bor
唉....煩鬼煩呀...
下午我出左去海皮坐呀...
今日好似冇琴夜咁靚既=.=?
不過今日都好多人丫...
仲俾我見到以前f.5果個外來生呀
佢地勁攪笑囉,係度搵廁所
都傻既,係人都知果度係冇廁所家啦
哈哈....
今日有好多一pair pair人走去好遠果度
唔知係咪去偷情呢~?!哈哈....
坐到7點幾就返home lu
食完飯之後打俾一個rodman問佢果日點
佢又玩我囉,好~!!
我就同佢玩
話打俾亞青問佢鐘唔鐘意我喎
問咪問囉,駛驚佢呀
不過都唔知係咪rodman出古惑家
一打俾亞青就cut左我線>0<"
之後再打返黎,再問過...
咁已經唔係果回事啦,so....
我唔信XXD
哈哈...點講都冇用家啦
我唔信就係唔信....
唔好亂叫我呀,我未嫁人家~!!
















今日...怪怪地
自己都唔知自己諗緊d乜....
點解會咁家/.\

Today俾d同學嘈醒左我
勁無奈囉...人地訓唔夠家嘛>__<"
之後一起身先記得今日屋企冇人
突然唔想留係home呀
咪叫女人一齊去探亞堅之後出去行下囉
本生已經約好亞旦,亞楠家
我好耐冇見過亞楠啦
女人話佢剪左個7頭
我見到一定笑死我bor...
唉...
至從亞哥生日之後,我都冇見過佢啦
um...好掛住亞楠仔呀>.<"
點知原來亞堅出左院啦~~
so我地就去左亞堅home探下佢啦
唔知點解佢仲傷過未入院果時既
本生一隻手痛之嘛,而家2隻手都痛...
唉...見到亞堅咁...
好想..kakaka
不過佢今次唔入院又點知有人咁關心佢呢...
我地坐左一陣就走lu
之後出左旺角,搵我d同學生講d野
佢地勁多口呀...
講左俾女人知果次俾人強吻件事呀>0<"
本生我唔諗住俾女人知家嘛....
而家咁,希望女人會快快唔記得啦>___<"
之後亞楠打黎又話唔出bor,
亞旦又話冇錢出
可惡呀...成日放我地飛機~!!
咁只好我同女人就去行街街,冇晒錢lu
食左少少野就返左馬鞍山啦
叫左亞哥入黎,又叫左亞旦出黎
我地去左海皮坐呀
嘩...今日個海好靚呀....~!!
之後我地又玩開審啦...
今日既話題係"愛情"
哈哈...講左好多真心話出黎呀....
我都八左好多野....XDDD
12點,我就自己行返home lu...
不過今日唔知點解,佢地唔送我返home喎
自己一個行果條路,勁驚撞鬼囉
寧願快快行好過,佢地好衰呀>0<"
睇佢地個死樣,
一定又4~5點先返屋企啦
唉...雖然我都唔多想走
不過我今日唔走,
星期3一定唔駛指意去呀...
做下乖乖女吧啦

Today一早就起左身啦...
我都唔明點解...
明明我病到死下死下,琴日又5點先訓
今日竟然10點起左身喎...
我好耐未試過唔駛返學都咁早起身啦
一起身,都仲病緊,仲好似嚴重左tim>__<"
我真係頂唔順先去食藥,
食完,都係咁既,冇好過....
之後頂到下午4點幾
真係唔得啦,又食多次藥返房訓
but又訓唔著bor...
諗下諗下,我好似有個人要打俾佢家
咪loading..........
有呀....要打俾亞婷呀
我好耐冇搵過亞婷啦,勁掛住佢呀
打俾佢,好彩佢岩岩放工ja
哈...同佢傾左唔少野呀
搵日一定要同佢出街先得~＊
我愛死亞婷呀^3^~

Today一起身就病啦
個喉嚨又超痛,不過我都預左家啦
因為琴日我都已經病病地家啦
+上bbq+通頂先返home訓,
今日唔病至奇啦
今日其實都冇d咩野特別...
不過女人夜晚打黎,話有好多新發現囉...
我當然都要八下啦,^0^~
我地傾到5點幾先收線呀....
得出黎既結果係好事....哈哈~
同我預期中一樣...我都同女人講,
"今個假期,可能真係可以影一張大合照"
"可以大家一pair pair咁一齊去海洋公園啦"
DLC再唔會有人做主席...
全部去晒DDLC做會員啦~^0^~
不過而家最大問題係亞堅...
佢唔可以做和尚家....
亞堅咁多人鐘意,唔可以做和尚家
做和尚真係浪費晒佢呀~!!
如果佢都可以拍拖既,
咁今個暑假就有望啦~＊

Today係我地果班bbq既大日子
本生講左4:15出門口家...
點知車我同kobe既同學仔遲到...
整到好遲先join晒d人入去呀
入到去先知,原來買野食果班人冇錢家
之後就要搵人出去俾錢佢地先買到野食
~.~"
嘩,我地係入面等左佢地好耐呀
9點幾先開始b...
平時我同女人佢地bbq,都一定有歌聽家嘛
今日係完全冇囉,b左陣我就好悶啦,唔b啦...
真係坐下好過
之後佢地真係b完就走喎...
我完全係呆晒囉
我係度諗,
其實係我同班fd bbq時奇怪,
定係佢地奇怪囉...
邊有人去bbq真係淨係去bbq家=.=?
嘩,我咁遠出黎去,
當然唔會未玩就返home啦
之後決定玩天光...
天光人馬有:我,女人,亞青,casper+小俊
亞成同亞銘好早就走左啦
我同女人+小俊係亞青既車入面等佢地,
其他人就送佢2人去搭車
等等下我就飲之前buy左果支酒
本生我飲落冇咩野家,都冇酒咪既
but飲完之後先feel熱,而且個心跳得好快呀
仲快過果時係果個人屋企
果種feel好攪笑家,不過我係完全唔醒醉囉
佢地返黎之後我地就去左公園仔...
去到廁所先知原來我塊面紅晒囉...
個樣好攪笑呀,
連我自己都未見過自己咁紅家
之後開始傻傻地...
今次我地又係0係海邊坐,
不過都係睇唔到日出
激屎我啦,次次都睇唔到既...>.<"
到最尾,我地都各自返歸lu
哈,我一上到車就訓著左
都係女人叫我,我先起到身咋
之後緊係快快沖涼訓啦