2004 年 8 月 31 日 星期二 【雷雨】

	今日我3點先起身,望一望個鐘,係時候要起身...因為如果亞俊今日會入黎既,預計6點出門口....而家食d野,上陣網,換衫出門口就差唔多.....不過到左5點半,亞俊都仲未打俾我呀...我諗佢都仲未走得,唔知點解好驚佢要加班呀,如果佢要加班既,就可能唔入黎啦嘛....>__<"到左6點時,我已經打定輸數諗佢唔會入黎家啦.....點知過左一陣佢就收工打黎,我叫佢不如唔好入黎啦.因為佢6點先入黎,就要7點半先到,但10點就要走....見得咁少時間,車程又要咁耐,而且佢都應該累啦,真係寧願佢快快返屋企休息下好過....不過其實我都好想見到佢家,佢lee幾日都唔太開心,我想快快見到佢解決佢心中既問題,想佢開心返家嘛~!!之後佢都係決定入黎,而我就預時間出門口啦~ 　　我早左出門口呀,去到KO門口等佢.見到架車到,佢呆下呆下咁落車,心痛呢>____<"因為未知去邊度食野好,所以我地2個就去左係新港城天橋底住左陣....見佢咁累都入黎,真係好開心家.我不時都主動攬住佢,哈~感覺好舒適呀,心情都平靜唔少.佢琴日出街真係有買手信俾我呀~~!!係一個電話繩黎家~不過當時太黑,睇得唔太清楚,不過眼見都好靚家~!!lee份都算係我同佢拍拖咁耐以黎佢送俾我既禮物,開心開心~~不過因為我冇位,所以就叫亞俊袋返先.之後我地就去左食車仔麵啦. 　　食完野之後我地又去返偷情公園坐返我地之前坐開既位.之後問佢係咪真係想知件事係點,之後我都講左件事既重點俾佢知.....其實我想講晒俾佢知家,不過我真係唔知由邊度講起好,咁只好講重點佢知啦.....佢聽完之後好嬲呀,話替我唔抵.又話我傻,咁易信人等等....我都唔知點好.....其實我有d想喊,不過死忍d眼淚,我不時都攬住佢,一來驚自己忍唔住,唔想俾佢見到自己喊啦,二來攬住佢可以令自己情緒平穩d,有多d安全感...... 　　之後傾左一陣,佢就送我返屋企lu.當我地行去直路時,佢拖住我bor,我都有d突然,因為平時係街好少佢都好少冇啦啦拖我咁家嘛.......不過我覺得果個時刻好甜,連驚俾人見到既心情都冇(因為馬鞍山係高危既地方,次次都驚見到人).....到左過馬路時,好自然地我地都冇拖拖lu~之後我地正正常常咁行返屋企,佢送我上樓,係"車立"sweet左陣,到佢有"車立"時,我就返入屋,佢就落樓lu.....我入房換衫時,先發覺我唔記得拎份手信呀>___<"之後亞俊打黎,話我漏低左野.....咁只好星期日先去領回我份心愛既手信啦.....之後佢返到屋企沖完涼之後我地都傾左陣,話我太易信人,好擔心我又俾人扼呀.....之後我話:"唔會家啦,我而家大個女家嘛,仲邊有咁蠢俾人扼喎....."不過佢都係唔放心.....之後佢都累lu,就收線訓,而我一收線都乖乖走去訓lu.

>>September 14, 2004 at 8:16:19 PM GMT+8

2004 年 8 月 30 日 星期一 【雷雨】

	自從聽到亞俊琴日係電話度既語氣之後,個心一直都唔安樂,一直係度諗:"其實我有冇就錯?"係度諗:"如果星期日果日我講一個小小既大話,就唔係有咁既事情發生啦>___<"如果我唔講,可能而家我同亞俊都仲係好開心咁相處,2個人之間唔會有咁多問題啦~!!"不過而家先黎講已經太遲啦.....但之後,對住亞俊講唔講"美麗的謊言"先係我要諗既問題~!!諗;我真係有咁諗過....但我真係做唔出>___<"平時,我可以對住所有人講大話都唔覺係咩野一回事;但對住亞俊,真係一個字大話都講唔出>.<"咁....想我點?而家好矛盾呀..... 　　今日同亞俊傾電話時,好似隔外陌生....可能因為我有口難言,而佢又有好多問題想問但又問唔出口掛....lee種感覺令我好心痛呀>.<"佢又問左一d問題,我聽佢既語氣,心情比琴日仲差....佢問我關係果個秘密既事,我真係唔知點同佢講好.....其實果一刻,我已經決定星期日面對面同佢講lee件事,所以我更加唔想隔住個電話講....佢問我時,我無出聲佢就係度估答案.....當佢估中少少時,我係冇答佢任何野...我諗佢都略知一二.....因為我成日都同佢講:"我唔會對住你講大話,最多只係唔講、唔答既ja"之後佢話聽日放工入黎馬鞍山搵我....雖然我好想見佢,但一諗到佢返工已經夠辛苦,放工仲要搭個幾鐘車入黎,咪仲辛苦~?!其實我唔想佢為左我而辛苦自己.....不過佢話想入黎,我都唔可以阻止佢,其實我都好想見到佢~!! 　　同亞俊收左線之後,係度諗點同亞俊講果件事,都準備聽日同佢講...訓覺果時,我都係諗住亞俊,不過點都訓唔著喎....冇啦啦諗到一樣野:"如果我真係講晒成件事出黎,亞俊聽到之後會點諗呢?之後會唔會有仲大既問題出現呢?佢知道之後會唔會覺得我同佢印象中唔同呢?咁會唔會令到我地2個分手?"等等......分手?我諗唔會掛....如果佢真係為左我一件過左咁耐既事實而同我分手,咁我都唔可以可惜d咩,只可以怪自己又睇錯人囉.....

>>September 9, 2004 at 11:50:10 AM GMT+8

2004 年 8 月 29 日 星期日 【雷雨】

	今日我都仲係諗緊講唔講好.....我諗我應該要自動繳械既,但........丫~!!總之就係煩啦>___<"之後同亞俊傾電話,佢話今日成日返工都係心不在然,諗到好多問題想問我,話星期日我去佢度時先問我.我又好奇想而家就知佢想問咩喎,咪叫佢而家問囉...."我冇咩野唔俾得人知,只係有一個秘密唔講得ja"而且我真係從來冇對佢講過大話,最多只係唔講、唔應既ja,之後過左好耐佢冇啦啦問我鐘意佢多d定我之前果個多d喎.....=~="傻瓜黎家...我不嬲都講亞俊同簫少健一個係天一個係地,2個人根本係冇得比....我更加唔鐘意亞俊拎自己同一個唔值得既人黎比~!!我咁同佢講之後,佢都好似唔多信我咁~.~"我都已經知有問題家啦.....我都知如果我唔講成件事出黎,可能lee個就係我地2個人之間既一幅牆....但.....真係要講先可以解決到咩?如無必要,我真係唔想講... 　　之後亞俊都仲有問我幾條問題,我都照直答....但佢聽到之後,心情好似仲差過之前咁....我就係度諗:"唔通講真話都係錯?"其實講一個大話對於我黎講真係好易,但對住亞俊....我真係唔想講假話,但當我每次都講真話時,佢都唔開心既,咁我做咩野仲要講事實?唔通真係要我講"美麗的謊言"?

>>September 9, 2004 at 11:14:05 AM GMT+8

2004 年 8 月 28 日 星期六 【溫暖】

	今日我12點先起身沖涼洗頭之後,亞俊同我講今日最終都係決定唔去海洋公園,轉為去燒野食.....當亞俊打俾我咁講時,我呆左...望下個天:落雨落唔停,咁點bbq呀=.=?之後叫我自己吃左野先,當我食完野搭車去搵亞俊時,已經係4點幾lu~本生亞俊都叫我唔好入去,不過我係我死都要入去之嘛.....亞俊就係市中心等我一齊入去,而佢d fd就一早入在去龍鼓灘....不過其實亞俊都唔太識路去.....因為佢同佢個fd有言語上既誤會,令到我地2個去錯地方呀....之後仲要搭的士搵返佢地>___<"亞俊係勁嬲囉......見到佢咁,我都唔知應該點做好......到在龍鼓灘見到佢d fd時,佢都仲未嬲完.亞俊都嬲緊,我又唔知點做bor,當我望向佢d fd時,佢d fd同我打眼色叫我tum返亞俊喎....我心諗:"我點識喎,識就一到做左啦~.~""之後都係亞俊自己冇事,開始笑返.之後佢地係度玩鋤D輸左俾人問一條問題囉....不過我覺得佢地問果d問題都唔太尖銳既,都係我同我班fd玩時癲d....XDDD不過亞俊都有輸過呀,俾人問左幾次,屎屎呀~"~之後佢d fd話玩得慢,就抽大細問問題,咁就分男同女各一次咁玩啦.....當我輸左時,亞俊個fd問左果條問題,其實我真係唔想答囉....不過心諗:"如果玩唔起既,就唔好玩家啦,而且講假野就冇意思啦"所以我都係照直答左....不過我即刻見到亞俊個樣....好明顯係對我答既答案好突然(因為佢都唔知^^")...我都心諗:"我平時玩過咁多次true or dare都冇人可以問中關於我秘密既問題,而家俾個唔識既人一問就問中,今次死火......"見到亞俊個樣,我知佢一定有d野會問我.....佢都諗左一陣之後變返好似平時咁同佢d fd玩....到左9點幾,大家就搭車走lu(因為今日係鬼節)~我一路搭車,一路諗我應唔應該自己主動同亞俊講呢?講:其實我係想解釋既,但我真係唔想講俾任何人知....因為如果我講得俾一個知,以後既人我都會講.....我真係唔想有咁多人知lee件事.....點解遍遍要係鬼節lee一日先有lee件事既發生?我唔知係我多心定係個天真係想玩我~次次都係鬼節先有事~?! 　　當亞俊送我搭西鐵時,用講笑既語氣同我講岩岩果個問題,我都唔識得點答佢好,咁只好唔出聲啦~之後我就入閘lu....返屋企既途中,我都係諗lee個問題:"夠竟講唔講好~?!"一來我真係唔想講,但我更加唔想亞俊亂估....我知佢一定會有一日問我問題家,但到時,我又會唔會講得出口呢~?!我唔知...真係唔知...>___<"點解我想永遠逃避既問題,而且要我面對~?!當我買完野食就想返屋企時,亞俊打黎呀~話知我驚,一路陪我傾電話直至返到屋企為止喎^0^~當我行到去亞恩樓下時,因為好大風,d燒著左既"街衣"飛起晒,攔住我要行既路囉....我果時真係企左係度呆左成分鐘,就係係度諗:"我夠竟照行好丫,定係返轉頭行過另一條路好"最終我都係直行直過,不過果一刻真係好驚呀>~<"之後就快快返屋企,因為我搭電梯時係收唔到手提既,咁就cut左亞俊線啦,當我返到去門口時,亞俊又打黎...我報在平安之後就收線lu...我諗佢都要訓家啦~而我,因為驚,所以冇沖涼就訓lu~(不過我今日出門口時已經沖左涼家啦~!!)

>>September 2, 2004 at 9:38:21 AM GMT+8

2004 年 8 月 27 日 星期五 【溫暖】

	今日應承左kobe同佢地一齊去食lunch既日子(其實係俾人迫去既=~=")咁我琴日就打俾kobe一唔一齊出去啦~點知佢本來想搭巴士出去bor....果一刻我呆左....心諗:"唔係掛...熱到死仲要搭巴士行過去~?!我地好似係約中午果bor,想變人乾咩"其實果時我已經沖口而出講左一句:"下~?!搭巴士?"我果時已經知講錯野家啦....之後kobe都同我講都係搭火車啦...(都好d^^")所以今日我地係約係87k車站等啦....一上車就係度傾計,又係度問亞俊lee排點等等.... 　　之後我地就去搭火車啦~我好似太耐冇搭過火車,所以差d行錯左入閘位,之後又唔知點出閘喎.....好瘀呀>.<"終於都見到亞銘啦....哈哈~今日亞銘著涼鞋bor....好鬼死想申佢一腳呀~!!唔好引誘我啦XDDD之後kobe話好想食pizza喎.....咁就行去啦.點知原來又一城係冇家~!!所以就去左意粉屋食.....不過個價錢...都好貴下=.="不過算啦,橫掂我都好耐未去過意粉屋食.....其間kobe同亞鉻不斷叫我一齊返教會,不過我都唔太想,所以推啦...不過我始終受唔住kobe既死纏爛打,最終我都係去左~.~"去到時,俾我第一感覺係:"點解咁少人既=.=?"lee次係我去過咁多次黎講係最少人既一次,感覺d人總係怪怪地既.....今次係係我知既教會聚會中最少人既,都係最悶既...=~="不過去親lee d教會聚會就一定會祈禱家啦....我就係最唔想咁.....因為我知次次一祈禱我實喊家>~<",所以我先唔想去之嘛.....今日都唔例外,死忍之下都係流左幾滴眼淚出黎..好彩今次冇乜人見到ja^^" 　　之後佢地就陪我去旺角食飯啦,本生諗住叫埋亞澤同casper家,不過佢地都有約所以黎唔到....可惜呀....我地搭地鐵時,kobe同亞銘話請我同亞成去食飯喎=0="我唔太想家,因為亞媽教落唔可以受人地既恩惠家嘛....不過我都係鬥唔嬴佢地....我問佢地想食咩野時,佢地就話唔駛諗價錢,想食咩就咩喎.....最終我地4個人就決定去食扒,去到餐廳,見到個餐牌時,我見d價錢都好貴下.....諗左好耐都唔知食咩野好,我又唔想食d咁貴既野bor(始終唔係咁好嘛^^") 　　d野食黎到時,碟碟都好大碟家~!!當我食頭盆時,已經覺得有少少飽家啦,當見到個主菜時......即刻呆左,心諗:"如果我同亞俊2個人淨係食d碟野已經名飽啦"咁我見一定食唔晒就分左一半牛扒俾亞成啦,不過我最終都係食淨1/2....本生我想食埋佢家,不過真係食唔落啦>~<"最後埋單時,kobe同亞鉻俾錢........勁唔好意思呀>___<"之後因為我食到好飽唔想返屋企住,所以就周圍行左一陣啦~不過行在成個鐘,都係覺得想反芻咁....不過算啦,都唔行啦,因為太大雨啦,咁到我都冇心機行~.~"而且kobe都要返屋企,咁我地就掂車返屋企lu~ 　　返到去,我都仲係有d想嘔.....心情已經唔太好家啦,屋企個個都叫我做lee野做果樣,我就發脾氣鬧佢地啦,之後就冇人再聊我講野lu....XDDDD不過見個天一直落雨,都唔知聽日點家....都唔知去唔去得成海洋公園tim呀.....其實我都縛想去家,不過見個天咁落雨法,聽日應該去唔成家啦....但如果真係去唔成,咁點好呢~?!

>>September 2, 2004 at 8:43:40 AM GMT+8

2004 年 8 月 26 日 星期四 【微雨】

	今日亞媽一早買定肯得雞俾我同細佬先出門口返工.我都係訓到細佬食完我先起身呀~一路同細佬講笑一路食,點知自己咬到自己個咀咀呀....痛痛呢>.<"我就上網,好忙碌呢,因為showhappy得返我1個人板主呀~!!之後又打左一陣ps.哈~我搵到果隻轉磚塊game呀~~好好玩家~不過我玩完無耐,我細佬就搶左我top1既位置啦...唔得,我一定要羸佢既~就係咁,我地2個就玩左一個下午啦^^~ 　　係lee個時候,kobe打黎搵我呀~!!話聽日出黎食lunch喎.咁我問佢幾點啦,2:30@0@"心諗:"遲唔遲d呀~?!"聽到個時間已經唔想去,食完lunch之後佢地仲要返教會喎...=~="唔通真係要我只係為左食個lunch而出去咁冇聊咩....之後我同kobe講我唔太得閒唔去得果d啦(<-大話XD)佢同我講:"唉...你係咪咁呀?難得咁耐冇見約你出黎都唔出下..."唉....我受唔住佢d攻勢呀...."去去去...我去啦~!!"好無奈=~="kobe收左線之後我就send msn俾亞ca問佢聽日出唔出去行街啦(諗住食完lunch出去),點知亞ca又話到時先答我,問亞恩,亞恩又係咁講....~.~"哼哼....唔出咪算~最多咪我自己出~橫掂我都未試過=.="之後我就繼續打機~食飯....我食左成碗飯呀...本生我仲想添飯家...不過多冇乜"食送"食,所以就放手又玩電腦啦~ 　　今日亞俊又係好遲先打黎呀,原本諗住佢係沖好晒涼先打黎啦....點知唔係bor...先岩岩返屋企=.="傾左一陣,佢就返到屋企lu,因為佢太累啦,所以唔打俾我啦,叫我早d訓....咁我就聽日叫佢起身返工啦~!!之後我就出廳打ps再沖涼....哈哈,先再打日記呀....唉...有好多日未打呢~仲有之前果d....點補返佢呢@____@?當我打緊26號日記時,亞俊打黎呀@0@"望望鐘...成3:10...心諗:"做乜事?唔通發生左事?"即刻聽佢電話...佢話佢事....冇啦啦諗起我所以打俾我喎...hehehee....傻瓜黎家....之後我都"吹"佢快d訓,如果唔係聽日冇精神返工有d咩野事點算呀>___<"同佢收左線之後,我打埋lee篇日記去lu~

>>August 30, 2004 at 10:02:25 AM GMT+8

2004 年 8 月 25 日 星期三 【晴】

	今日一早就俾亞媽拍醒問我係唔係公仔麵,食就煮埋俾我食先出門口返工.咁我當然話食啦,之後我開眼睇下幾點鐘啦,10:35=~="之後我都係繼續訓...訓到食得先起身刷牙洗面...之後緊係快快食啦,如果唔係d麵"林"左就唔好食家啦~不過我都係冇食唔晒,因為食到差唔多最尾時,d麵已經"林"到我唔想食lu~.~"之後我就玩左陣電腦,不過太眼訓啦....下午時我就返左入房繼續訓....訓到5點幾先起身. 　　之後就上網睇下showhappy同m+c有冇特別事啦~當7點幾時,屋企電話響,我當然叫亞媽接聽啦.因為我知一定唔會係搵我,如果有fd搵我既,就一定會打我手提先既.....點知我亞媽話搵我既@0@"一路諗係邊個時,一路返入房聽.原來係蕭少健,我之後鬧鬼佢,叫佢打黎唔好打我屋企,打我手提好啦,仲要係有來電既~!!之後就問佢就咩野黎...佢話冇聊喎....(佢都真係幾冇聊=~=")之後佢又問左好多野,但佢主要都係問亞俊d野,又係度問亞俊對我點、佢好唔好人、係邊度識等等....我都係答一d唔答一d,因為我唔鐘意俾佢知道我咁多野呀~!!我同蕭少健之後講到生日lee個話題,佢冇啦啦問我仲記唔記得佢生日.....我諗左一陣,之後答佢:"唔太記得,只係記得好似係我細佬之前之後幾日囉"之後佢對我講大話,話自己係9月12喎....如果唔係之前同亞恩講開生日,冇啦啦醒唔起邊個9月16號生日而俾亞恩鬧之後,我都唔會記得原來係佢生日,我今日都仲會信佢冇對我講過大話~!!我唔明....而家我同佢已經冇關係啦,點解都仲要對我講大話...仲要係為左一d無關痛癢既野而講大話~?!lee一即,我真係好憎佢....之後我都冇再同佢講d咩,等左一陣我就收左佢線. 　　心情即刻勁唔好,好唔憤氣+唔甘心~我唔明點解果時自己點會咁麻木咁對佢好,佢有咩野咁好~?!答案係冇囉~!!好彩我果時走得快,如果唔係我仲會更+唔甘心~!! 　　之後我食飯果時,我亞媽問我岩岩邊個打黎,我冇答佢.之後佢問我係咪蕭少健,我只係答:"係",我都好奇怪點解亞媽仲會記得佢把聲~?!都驚佢問我以前d野...之後亞媽問我佢打黎做咩?又問我佢而家點果d...我都只係草草答左佢了事....可能亞媽都知我心情唔好,都冇問我d咩野....之後我都係對住個電腦等亞俊既電話,等左好耐佢都仲未打俾我呀>.<"之後我就唔等佢,沖涼洗頭好過....不過唔知點解,總係覺得佢會係我沖涼果d打黎既,不自覺就快快沖完出黎啦~當我沖完知佢打過黎~哈...我冇即刻打返俾佢呀....等佢等下我都好呀,冇理由次次都係我等佢家嘛>u<"不過當我等佢再打黎時,我係度諗:"其實佢會唔會早訓呢?如果佢今日會早訓既,咁我而家唔打俾佢,咪會少左幾個字時間傾計囉~?!"um....個心好矛盾呢~~~過左冇耐,佢就打黎啦....佢真係要早訓呀~.~"同佢傾左一陣,我同佢又係包頂頸^^"嗚....次次都同我講搵過個>___<"我都唔係咁既意思,佢就次次諗到lee樣....想點喎,咁我只好講:"好囉....唔阻你囉..."雖然係講下ja,但我都唔好受家嘛....唔通叫我一路"0爹"佢一路叫唔好咩?我做唔出囉>___<"之後鬧左一陣佢又要收線lu.... 之後我就出去上左一陣網就訓lu~

>>August 30, 2004 at 10:03:18 AM GMT+8

2004 年 8 月 24 日 星期二 【微雨】

	今日好累呀...10點幾時,仲要受到亞媽既電話攻擊.打成幾次黎,真係想發脾氣鬧佢家啦\"/原來佢同亞爸出左去飲茶呀~問我同細佬食唔食點心,食就打包返黎屋企俾我地食...好呀~~!!不過我賀係太眼訓啦,就叫左亞媽每樣拎d返黎俾我地食,之後就收線繼續訓lu....ZZzzzZZ之後亞爸帶D點心返黎,亞媽就返左工.果時我都仲係唔想起身呀,又係度賴床XP等到細佬食完時我先起身呀~一開個點心盒,有蝦餃、燒賣呀≧﹏≦哈哈...亞媽真係有我心,我鐘意食既野差唔多都齊晒....不過最衰無灌湯餃丫...我好耐冇食過啦>___<"下次都係同佢地一齊去飲茶,掃晒d野黎食...kakaka. 　　當我食飽飽之後我就上網整野啦~因為lee排showhappy日記板面有改動,admin+左個討論區係個日記度,所以showhappy forum多左好多人去,而我同siumo都多左野做呀~!!html區得返1個板主時,開始唔夠人手,但我同siumo都唔太想有多個新板主呢,因為我地仲未搵到個適合既人選~!!雖然日記板面有變動,但唔影響我日記呀~!!因為我已經del左個路人留言,所以可以話對我日記冇影響^.^v 　　當我reply緊showhappy時,亞俊打黎呀@0@"果時先得果6點幾...個心即刻諗:"唔通佢又遲到冇返工?"我聽啦....先知原來佢而家送食飯,所以打俾我....哈...佢好少何咁家~~開心開心呢^0^~!!不過我同左講左幾句就收線lu~(無謂阻住佢啦...) 　　之後我就繼續我既"工作"啦~琴日蕭少健話今日會再打黎家...我成日係度諗:"我夠竟聽唔聽佢既電話好呢?"講真,我真係唔想再聽到佢把聲,但我又好想知佢冇啦啦打黎有d咩野目的~!!我識佢咁耐,我知佢一定係有目的先會咁做既,但夠竟係d咩?我真係諗唔到~"~當聽完亞俊既電話之後,我就決定如果佢打黎,我就唔會再聽佢既電話家啦....因為我知道我同亞俊一齊既時間唔會淨返好多,我唔想將d時間浪費係d無聊人度囉~!!好彩既係,佢今日都冇打黎^0^~ 　　我又好似平時咁,夜晚就等亞俊打黎....等左好耐佢都仲未打俾我呀>.<"之後到左1點幾05分,我終於忍唔住打左俾佢.佢亞哥聽電話話佢仲沖緊涼=.="咁我只好收線啦,哼哼...佢沖涼我又沖涼~!!當我沖完之後先知佢打過黎...哈...咁我就好開心咁打返俾佢啦~傾左一陣,又頂頸左一陣....哈...只怪我口硬....不過我個心係軟家~!!傾左一陣佢又要收線lu....而我都訓lu~

>>August 27, 2004 at 7:46:53 PM GMT+8

2004 年 8 月 23 日 星期一 【暴雨】

	今日我好遲先起身呀~鬼咩...個個10點幾開始打黎喎....嘈到跟本訓唔到~"~之後終於冇人打黎,我就繼續訓....到左下午都有幾個人打黎...亞嘉冇啦啦野黎搵我呀~!!不過佢d語氣係勁係禮貌囉....如果佢唔係我個fd,我真係一早cut左佢線啦~!!如佢講左陣,佢就不斷問我lee排點果d,之後我問佢:"而家做d咩野呀?"咁,佢又話唔關我事~"~之後我問佢:"係咪係銅鑼灣呀?"佢問返我點解會知....咁我就知道佢仲做緊傳銷啦=.="我都唔係到而家都已經唔係秘密啦,點解唔講得?之後佢同我講左d野,我覺得佢好似係度話我而家生活差,而佢就好風光咁....講真,我又唔覺囉....到最後,我已經冇心機同佢講野啦,因為我覺得佢已經俾錢迷惑晒,我都唔需要同佢講d咩lu..... 　　咁我之後就再訓啦....我發左一個好奇怪既夢呀~!!我發夢聽到有人打黎,果個係蕭少健呀@0@"當時我係好驚+唔想咁接佢既電話啦,問佢咩野事....之後佢同我講問我可唔可以同返佢一齊喎....嘩...嚇到我醒晒呀~!!心諗:"都傻既,做咩野冇啦啦發夢會有佢家~!!仲要係d咁既夢,我先唔制呀...."(真係好似撞鬼咁~"~)可能我太驚,之後已經訓唔著lu....真係俾佢害死,我仲係好眼訓家嘛>___<" 　　之後我只好起身食野+對住部電腦啦~!!到左6點幾....有個冇來電既電話打黎,咁我按聽啦....一來就講:"喂?ivy呀?有咩野做緊呀?"因為冇來電,我就一定問佢係邊個啦....我問左好多次佢都唔講自己係邊個....lee個時候,我已經估到佢應該係蕭少健....我同佢講:"如果再唔講係邊個,我就收線家啦~"咁佢冇反對,我就收線家啦....收左線之後我先識驚...."點解佢會冇啦啦打黎既?佢都成年幾冇打黎啦,而家打黎做咩野呀?"諗左好耐,冇啦啦諗返起今日發果個夢....=0="心諗:"唔會掛?咁邪~?!發夢佢打黎真係打黎喎."驚驚......之後過左冇耐,又一冇來電既電話打黎...諗緊聽唔聽好~~但我到最後都接左...問佢係邊個...真係佢呀@0@!之後我問佢打黎做咩...佢話好耐冇打黎咪打黎搵下我喎....(我先唔想佢打黎喎~.~")之後佢問左我好多野....佢成年幾都冇變,一樣咁冇聊....係度問女人條仔靚唔靚仔,又問亞ca有冇仔等等...所有人都問點,又問我所有人有冇靚女靚仔度,有愛人既就問佢愛人靚仔女.....無聊~.~"佢都有問我有冇拍拖,我咪直接同佢講有囉,之後佢就問亞俊靚唔靚仔,我好直接問佢:"靚唔靚仔都唔關你事啦,外表對你黎講真係咁重要咩?只要佢對我好咪得囉"之後佢又問亞俊個樣點,外表點.....我都好直接同佢講:"我唔鐘意講你聽呀!"之後佢都唔多問lu,我又問佢而家點,有冇拍拖果d,佢話佢而家冇喎......之後佢都唔俾我問佢野,向我收左d料之後就快快收線... 　　我都唔明佢打黎有咩野目的家~我知佢鐘意玩電話,鐘意問埋d冇聊野.佢越係問我既野,我就越唔想講佢知,邊個叫佢之前咁對我呀...哼哼~講真,我唔鐘意當我覺得開心快樂時,有佢既出現~!!問心,我係仲係好mind佢呀,但我只係mind佢點解仲要出現係我既生活裏面~我就係唔鐘意咁呀>0<"佢臨收線時問我聽日得唔得閒,話聽日會打黎搵我喎,我就話:"睇下點,得閒咪聽唔得閒咪唔聽."(不過我冇諗住聽佢電話喎....kakaka)..... 　　佢打左黎之後,我就一直冇心機,就連光頭仔打黎我都冇心機鬧佢....~佢問我做咩野唔鬧佢,我就話佢野,佢問多兩聲我就收左佢線lu....其實我係度諗:"講唔講俾亞俊聽好呢?"講,我又唔覺佢有幾重要,重要到我要同亞俊講;唔講,又好似有d身有屎既感覺~___~".....食飯冇心機....上網心機,好想搵d野做,令自己唔好發呆.....但就係lee個時候冇野可以俾我做....我只好不斷等亞俊打黎....希望佢快快打黎啦....點知過左12點都仲未打黎俾我呀~!!我都開始急呢,想打俾佢家,但又驚唔知佢做緊咩,唔想阻住佢~!!我只好等,等等等....佢差唔多成12點半先打俾我呀>0<"一打黎就話我點解唔打俾佢,唔理佢死活=~="我勁無奈....唔通我只可以等,我唔心急既咩?!之後我都話佢好唔打俾我....不過知佢係有原因+好累,只好原諒佢啦...kakaka....(之後佢話我唔原諒都冇辦法~.~")之後我要沖涼,就等佢同我沖完涼先再傾....我沖涼都好快呢,只好等佢,都等左好耐....點解次次都係我等佢家>0<"之後佢終於打黎....傾左一陣佢問我佢係咪好悶bor...我完全呆左@0@"問返佢點解咁講啦...佢又話無,只係佢覺得係....咁我都講:"都唔係既,咁你返工辛苦嘛,唔通仲要你日日陪我咩~?"其實我想同佢講今日蕭少健打過黎果d家...不過我講唔出口呢>.<"過左冇耐,佢就要訓lu 　　之後就打返俾光頭仔啦....傾左d冇聊野,同佢傾既同時,我係度諗亞俊岩岩問我既問題....佢悶咩~?!um....都唔係既....最多只可以講佢唔細心ja....咁佢返工都辛苦啦,又好浪費精神喎,咁唯一一日休息佢幾辛苦都陪我啦,咁仲想點~?!我都唔會要求d咩....之後我同光頭仔都傾到5點亞爸返工先收線去訓~.~"

>>August 27, 2004 at 7:17:45 PM GMT+8

2004 年 8 月 21 日 星期六 【晴】

	今日終於可以去左亞俊度啦~終於可以見到佢啦,所以心情好期待≧﹏≦坐車果時其實好想訓呀...不過又驚坐過龍,所以不斷望出窗發呆=.="不斷釣魚之下終於去到佢果度....點知佢岩岩先起身,就叫我直接上去佢屋企等佢,行既中途見到佢亞爸亞媽呀~點知佢地叫我同亞俊去飲茶bor,咁我就話:"問下亞俊去唔去先啦,遲d叫亞隻打俾佢地"之後就同佢地byebye lu~我就繼續行去啦....好屎驚去錯地方呀...一陣真係蕩失路或者拍錯門實俾人笑死>~<"不過好彩我都冇識錯路,驚左一大餐之後都去到目的地..... 　　哈哈....可能我同佢2個星期冇見過啦.....一見面就攬住我,嚇屎我呀~!!不過當我成功入到佢屋企坐左陣我地就落左樓下食野lu~之後再上返去整佢部電腦.....佢部電腦都幾麻煩,一星期壞幾次既=~="我就係度研究佢部DV,因為佢部DV都好貴下,自己又唁識用時,都唔想亂禁佢d制....費時del晒佢d野就唔啦XP攪左一大輪野之後佢竟然自己入左房訓bor.得返佢個妹同我2個人係個廳度=~="有佢個妹係度,我就費事入去佢房啦....咁我就係度一路睇電影一路等佢醒啦~好彩果時做緊"絕世好bar"ja,咁都冇咁悶.....之後佢亞爸返左黎,見我係廳一個人又唔見亞俊,問我佢係邊....我咪話:"佢係房入面訓緊"之後佢亞爸"噩"然咁望住我....之後佢叫左個妹去叫亞俊起身,不過叫左幾次佢都係冇起度=.="攪到我唔知點好.....之後連佢亞媽都返左黎,又問我亞俊係邊....我話:"佢係房..."之後佢亞媽問我:"佢係房就咩?"咁我咪照直答:"佢訓緊覺"....佢亞媽都係好"噩"然咁望住我,佢地既反應整到我好唔好意思tim....>__<"之後佢亞媽又係叫個妹叫佢起身,佢起身之後我地就出左走食野lu~等埋佢個fd就去諗下睇咩野戲好....其實老早時已經話寺睇戲家啦,不過次次唔係就唔岩時間就係整緊野唔去得~.~"今日終於都睇到啦~我地3個人去左睇《加菲貓》呀....哈~套戲好好笑家....加菲永遠都係咁衰衰既,阿的就永遠都係傻傻地....XDDDD不過套戲好快就完lu~我都係時候返屋企.....亞俊同佢個fd就送我去搭車啦.... 　　當我返到屋企打俾佢報到時,佢先岩岩返屋企=.="之後我都快快沖涼之後訓lu.....

>>September 2, 2004 at 7:38:14 AM GMT+8