2004 年 8 月 7 日 星期六 【微雨】

	因為琴日都成5點幾先訓,今日都唔太願意起身家,但一諗到要入去搵亞俊,咁死都要死起身家啦~!!不過一起身時,我先諗係好似唔對路....我應該係10點鐘出門口去搭車家嘛,咁點解我10點正先起身既=0=?之後我都"拿拿林"攪掂晒d野快速出門口.好彩岩岩有車等埋我上咋,如果唔係,有排等呀~!!上到車,好想訓呀,但又唔訓得,驚轉車時坐過龍呀~!!去到,佢好明顯係唔夠訓、未訓醒啦....之後我地去左食野,佢就講琴日佢地興祝時既野.之後返左去佢屋企,見到個大電影=0="超正呀....真係好大呢~!!心諗:"如果可以搬返屋企就好啦(不過咁,亞俊一定會殺死我家XXXD)" 　　佢太累啦,就入左房訓左陣,我見到佢訓得咁舒服,就攪住佢唔俾佢訓.....之後激嬲左佢呀,我叫極佢都唔應我喎>____<"我又唔知點好.我未試過整嬲男仔家,而且佢咁耐以黎都冇嬲過我家,而家我激嬲左佢,都唔知點tum返佢好,好驚如果佢真係嬲左我,以後唔理我咁點算呢?我想講野時又講唔到,咁咪喊囉....佢見我喊就tum返我,我只係講度"對唔住呀"lee句說話咋>.<"之後我喊完,痴住左佢訓.....訓左陣,我同佢就出去整佢部電腦啦....當整完時,已經好夜lu,就出左去食飯,之返去佢度帶佢隻bobo落街行下.之後我先記得原來可能搭唔到車返屋企,所以就快快走lu,佢就送我去搭車. 　　本生諗住搭車去旺角轉車既,點知格車明知我搭都唔等我,咁只好返去車站等啦.但亞俊話果格好似係尾班車,所以睇下個站牌,原來真係....=0="咁只好快快去搭西鐵再轉43x啦...好彩趕到尾班車咋,如果唔係就屎火啦~"~ 　　返到馬鞍山時,先覺肚餓,就行左去買野食啦,一路行一路諗返今日激嬲佢果件事,又好想喊呢.雖然佢話冇嬲我,但我總係覺得好對佢唔住呀,今日做左衰女>.<"我以後都唔想再有類似既事發生呀~!!一返到去屋企,呆左陣就去左沖涼.沖涼完危到個手提有未接來電,睇返原來亞俊打過黎.心諗:"佢唔係訓左既咩?"之後打返俾佢,佢問返我今日件事,不過有好多野我都係講唔出口既>.<"傾左一陣,佢就訓lu....我就食埋d野食之後都累到走去訓lu.

>>August 11, 2004 at 9:49:05 PM GMT+8

2004 年 8 月 6 日 星期五 【晴】

	星期六啦~!!今日好開心呀~因為聽日就係星期日丫嘛.....我發覺而家個個禮拜係度等星期日既來臨等到傻左家啦.....哈哈~今日我都係繼續進行搵空間既大行動,今日好成功呀~!!因為冇啦啦係m+c度唔打唔撞入左個post度,搵到個好好既空間呀~!!樣衰左咁耐,終於可以整返好個日記板面啦~!!超開心呢~不過個空間都有缺點呀~就係我日記名稱果度果個圖upload唔到上去呀>.<"鬼咩....個gif檔太大,只怪我整個圖時,用格數太多之過^^"而家只好等個空間整好個ftp,我先可以利用ftp黎upload個圖呀,所以而家個日記仲係未完全100%完整家>____<" 　　今日有好多稀客打黎俾我呀~!!第一個:icq fd....仲要係1年前冇chat過既icq fd=~="打黎時,因為我唔知係邊個,問極佢都唔肯講名,我差d就cut佢線家啦....佢一講名時,好彩我記性好ja,都知佢係邊個....傾左一陣之後佢就問我今夜有冇節目,叫我出去玩....我當然唔出啦,之後佢就話我:"次次約親你,你都唔出,你都係冇節目ja嘛,咪出黎見下面囉"....=.="佢都傻既,我自己一個女仔出去,俾亞恩佢地知道一定鬧死我呀~!!而且我而家都冇心出啦,今日出左去,咁聽日又點可以出街呀~?!我之後就差開話題請其他野...冇耐佢就要收線lu....臨收線時,仲要叫我搵日打俾佢.佢都傻既,之後我話佢想打黎就打黎啦(心諗:我聽唔聽就係另一回事XDDD) 　　第二個:係亞旦....識佢咁耐都好似未試過冇啦啦打黎搵我啦...佢話開工好悶中,搵我傾下計喎=~="佢又係問我咪星期一果時做咩、又問我有咩野事唔開心喎XD我都唔知點答佢好,我只係答佢:"我唔記得左lu,我有唔開心咩?冇呀~我而家冇事呀!"之後佢同我講,佢有新女友喎....15歲=0="細成咁,我話佢小心衰11呀XD佢話自己冇咁衰,一定忍到喎....(到時睇下點,我話佢一定衰硬呀~!!呵呵~!!)之後又問我同亞俊d野....問我地咩野左未喎....關佢咩野事呀>0<"我問佢:"點解個個男仔fd都問我家?有冇真係咁重要咩?"之後亞旦話,攪完之後既女仔係會溫柔d喎,佢都想我對佢溫柔d,唔好咁粗魯=.="之後我問佢:"個個都問lee個問題,其實你地係想我答有定冇呀?"佢話:"當然有好啦~試諗下....唔俾果時個怕羞樣....."lee一刻,我即刻大叫唔俾佢講....佢....返緊工都可以講d咁既野家,癲家佢~!!佢仲問左好多野......我唔講唔講....都係講左,屎火=﹏=".....之後當然俾佢笑啦....我就咒佢:"鬼唔望你衰11",佢就咒返我:"鬼唔望你俾人攪大個肚"個死野,真係毒呀\./...哼哼...衰人黎家~!! 　　第三個:丸子呀~!!我好耐冇同佢傾過計啦....好掛住佢呀~!!同佢傾左唔少野呀~又問下亞羊考成點啦、大家既感情生活點啦、我又八下亞羊同佢男友仔點啦....哈~好屎耐未試過好天真咁傾計啦.....話搵日5個人一齊出去坐下傾下計,只可惜亞Dom係澳洲丫....講真,好似中四之後,我地6個女仔都未試過話一齊開開心心咁傾計啦....最齊人果次都係得5個人,次次都見唔到亞Dom,見到亞Dom時亞朱又係英國唔係度~"~我諗我地有排都唔會齊人家啦.....之後傾左d冇聊野之後,佢就收左線lu.... 　　第四個:亞貞.....lee個人,我真係唔想聽佢電話呀~!!不過我知道如果我聽佢電話,一定收到唔少風.哈...咪當八下d新料笑下囉....佢打黎係想叫我出去唱k喎(果時已經係10點幾差唔多11點=~=")我就問佢有邊個去呀,佢話:"有soho啦,同佢d fd(x3)"又係果班悶人~.~"我當然唔會去啦,費事冇聊浪費時間呀~!!我問佢同soho點啦...佢話同soho冇野傾,冇晒話題喎.我就話如果真係冇野傾,同對方講多句就覺得煩既,就散好過啦,佢又唔出聲.之後我八左冇耐就收佢線lu....我心諗,"你地散好過,咁樣都唔知為乜.soho又唔係寶,留住佢有用咩."有時諗返中四果時,好彩我冇應承soho ja,如果唔係,真係一大羞事呀~我都唔明,點解佢可以成日冇料扮有料,明知自己已經老人樣家啦,都唔該佢打扮下啦....2個人都係一樣既,唔怪之得可以拍極拖都唔散啦=~="....唔知點解,好少人可以令我覺得反感既,但一見到或者一聽到關於佢地2個既野,就真係火都黎埋~雖然望人地散好似好衰女咁,如果咒佢地2個散既,我又唔覺係d咩野一回事bor,講真,佢地2個一模一樣,鐘意扮野晒命到爆,仲要係見一個就鐘意一個咁先衰~!!有時見亞貞係度晒soho對佢點好點好,我真係想一句串返佢:"小姐呀!初時係我唔應承佢,佢先即刻轉去追你咋!同你一齊時,佢都仲有係班上面溝女呀~咁佢有幾好呀?"總之我就係唔鐘意佢地2個啦~!!>0<" 　　今日亞俊要同個fd興祝生日呀.所以都冇乜打俾我,不過冇所謂啦,橫掂聽日都見囉,好期待呀~!!希望佢今日唔好玩咁夜啦,如果唔係,聽日我見佢時,佢又係累死咁既樣家啦=~=" 　　夜晚當我係度打返之前既日記時,我細佬冇啦啦叫我向後望,當我想拉開張椅起身時,佢又叫我唔好郁,唔好落地~!!我都俾佢攪到一頭霧水,唔知做咩=.=?之後佢先同我講返,岩岩係亞媽房門前,天花板有條四腳蛇半天釣中,所以想叫我向後望,但條四腳蛇冇啦啦跌左落地好快咁走左去我果邊@0@"我一聽到,即刻坐上椅,棟高對腳呀~!!之後我叫細佬搵下條四腳蛇係邊,但佢搵極都搵唔到呀....我個心已經好驚家啦,但又想打埋d日記先訓,只好快快打完返入房訓啦.當我打日記時,我細佬就不斷係度講條四腳蛇>"<最後我都因為驚得制,打左幾日之後就快快返左入房訓啦....

>>August 11, 2004 at 9:17:18 PM GMT+8

2004 年 8 月 5 日 星期四 【晴】

	今日成日都過得好冇聊呀/.\成日都好似冇所事事咁,做咩野都好似唔太起勁....本想搵個upload空間整返好個日記既,但就搵極都冇,只好問人有冇正空間啦,但個個都好似冇咁....唉,心都淡埋>___<"見好耐都冇係m+c post過野,就搵左d野去post.....哈,今日咁就有成三十幾個post啦,真係好鬼死耐字試過一下子有咁多帖啦.... 　　夜晚時,亞俊打黎,傾左陣.....可能做野辛苦得制掛,總覺得佢講d野.....好好鬼死甜言蜜語+好依賴^^"冇啦啦講d咁既野,一時間好唔慣tim~!!不過有時咁,都開心既....^0^~傾左一陣之後亞俊就訓lu.....仲有兩日.....仲有兩日就可以見到佢啦~^ ^~同亞俊傾完之後就打俾亞恩啦....傾左唔少野呀....不過可能我自己心情唔多好啦,傾左一陣就冇心機,唔想傾收線lu..... 　　之後就自己一個係間房度發呆.....諗左好多野呀~!!lee幾日唔知點解好掛住好掛住亞俊呀~!!好想快d見到佢咁....不過而家只可以等到星期日先可以見佢丫/.\好想快d到星期日.....我發覺而家佢返左工之後,只可以星期日先可以見佢.但每當星期二、三度,我就會開始掛住佢家啦;而到左星期五果日,應該係最難受既....我諗因為已經等左咁多日,已經儲左唔少掛念,而又離星期日唔係好遠,有d似等唔切咁^^"其實琴晚臨訓前,冇啦啦諗起佢....好掛住佢呀,好想當時見到佢,不過諗到一定冇可能,整到好想喊>____<"唉.....lee排唔知做咩,成日係度亂諗野...又好想喊,好傻瓜呀......而今日,一諗起佢個心就會唔上唔落咁...唔知點解....唉....唔好諗咁多,快快迫自己訓好過/.\"

>>August 9, 2004 at 6:27:01 PM GMT+8

2004 年 8 月 4 日 星期三 【雷雨】

	哈...今日終於有得出街啦~!!我都真係好耐都冇去過唱k lu~可能琴日又夜訓,今日係完全唔想起身~.~"本生應該11:15就要出門口,但我都仲係唔想起身~當亞恩打黎時,我就"拿拿林"起身刷牙、洗面、換衫咋>.<"之後係12點先出門口......去到時,當然係我最遲啦(不過我都係慣例:講大話^^")唔知點解,今日亞恩同亞yen兩個.....谷得好行下....整到我想入非非tim....哈哈,我坐左係yenyen隔壁,不斷摸摸佢,哈~原來yenyen好好玩家,反而今日既亞恩就唔好玩lu,掂親佢都好大反應,又唔識笑既,所以今日我成日摸佢....哈哈~今日做左色狼tim^0^~我地係green box唱,成40蚊呀>____<"不過好既就係過左鐘都冇人趕我地走,我地係唱到4點幾先俾人cut歌咋,之後我地就去左行街街,我買左件背心呀,哈,係勁平呢~umum~今個星期日就著件新衫衫去到見亞俊先~!!^0^~之後我地去食車仔麵後就由旺角行去廟街啦~ 　去到時,都好似冇乜野好睇咁既=~="去到我上次買介指果間鋪頭睇時,我又睇中左一隻介指呀~不過冇我size....都好既,我都已經有一隻囉,買多一隻都冇用啦,留返d錢錢自己用仲好=.=v行到差唔多最尾,我係一間鋪頭睇中一個好靚靚既火機呀~!!係海豚黎家≧﹏≦係勁勁勁靚呀,亞恩佢地行左去前面我都叫返佢地轉頭,問佢地靚唔靚....亞恩都叫我鐘意就買左佢,之後個賣野既女仔知我想買就話20蚊1個平俾我(其實我都知個火機根本就係咁平=~=")我又覺20蚊個火機都唔貴,我就貴左啦~我係勁愛死個火機呀~!!個火機係防風+有閃燈家^0^~亞恩叫我當係儲火機咁放係屋企.....我地行完廟街之後,佢地2個就去柴灣搵亞楠,我就自己去等車返屋企..... 　返到屋企時,俾細佬睇個火機時,都話係勁靚呀~!!仲怪我點解唔買多個俾佢=~="我望住個火機,真係勁愛爆佢呀~!!不過放係我度好似浪費左d,um......星期日拎去俾亞俊睇,睇佢用唔用先.如果佢用既,俾左佢用仲好啦~唔好浪費嘛.....heheee如果佢唔要時,我咪拎返屋企當收藏囉:p

>>August 7, 2004 at 7:50:42 PM GMT+8

2004 年 8 月 3 日 星期二 【炎熱】

	今日本來有街去家,之後又話唔去,整到我今日好想出街,個死人頭撩起我條引又話唔出,真係想死呀~!!整到我今日冇冇聊聊整過.....唉...個空間又死左啦,真係麻煩~!!又要搵過另一個啦....搵左好耐都搵唔到個岩既>.<"我唔鐘意個日記d圖全部死晒呀~!!勁樣衰,我唔鐘意呀~!!lee個唔係我既日記黎家~!!我要極快咁好佢先得~!! 　到左夜晚,亞恩打黎,打埋俾亞yen,我地3個女仔係度傾左好多女仔野,都討論左好多男仔既野,又講左好多男仔既壞話...kakaka,佢地係抵俾我地講既,我地討論時得出既結果係：個個男仔都係咸濕家~!!哈哈~!!之後我地約左星期四出去行街、唱k、買衫~!!正呀....好耐都未試過全女班咁出街啦~!!只可惜亞ca唔係香港丫,如果唔係一定叫埋佢去ja.....我地傾左好耐,之後我都累要收線訓lu

>>August 7, 2004 at 7:17:50 PM GMT+8

2004 年 8 月 2 日 星期一 【晴】

	今日好遲先肯起身呀,可能lee排成日都好夜訓而好遲先訓身,整到個人好累呀,明明訓醒左都唔願起身~.~"今日都好冇聊咁過.....係6點幾時,亞楠打過黎問我琴日做咩野send埋d咁既野俾佢,之後我都冇咩野,只係話:"唔記得左,唔開心咪問下佢係邊囉"咁.....佢問左兩句就收左線lu....哈,其實佢都係關心我既,我應該開心先係..... 　到左夜晚,亞恩打黎又打黎傾左一陣之後光頭仔又打黎,所以就一陣傾.....哈....因為我知道唔少野,都暗地裡問佢唔少野.個死野好口密呀~!!真係一句都唔肯講,好算數~!!之後講左唔少男女之間既事,佢話自己銖煩喎,想出去飲酒,叫我同亞恩聽日陪佢出去飲.哈~有酒飲,我當然想去啦,不過問極佢時間、地點、人物,佢又決定唔到喎...真係麻鬼煩家~"~其實我飲唔飲都得既,只不過係好似好耐都冇飲過好想飲,而且飲少少酒時,個人係最舒服既,咁當然唔係話想令自己飲醉啦(我先唔想呀>u<")不過其實我都係唔飲得既,飲一支時,已經夠lu~傾到我想訓時,光頭仔仲係未決定到,唉~唔鬼等佢啦,唔去好過,之後我就收左線訓覺lu~

>>August 9, 2004 at 8:23:50 PM GMT+8

2004 年 8 月 1 日 星期日 【晴】

	哈~琴日訓得好好呀~!!可能係因為琴日先見完佢黎掛:P今日一起身收到亞哥既msn,話今日會搬部主機黎俾我~!!我就諗:"橫掂都係囉,不過襯今日亞哥入黎,搵埋亞恩,我地3個人落街傾下計仲好啦~~!!"等亞哥入黎,等左好耐呀.佢又只係不斷send msn俾我話遲d遲d再遲d先入到黎~.~"問極佢去到邊又唔答我,我想襯佢上黎之前我去沖涼先家嘛....>~<"等等等.....等到佢差唔多12點幾先入到黎....唉.....想落街~??!一定又俾亞媽嘈啦....咁夜.....不過我都唔理,同左亞哥落街等亞恩,其間都傾左一陣等秘密野.當亞恩落到黎時,我地去左買野食咬下先(因為我肚餓餓嘛^^")先再行去琴日我同亞傻坐果個偷情公園坐,仲坐返琴日果張木椅tim呀...哈哈^0^~之後我就一路食我既碗仔翅,亞哥自己就係度不斷send msn俾人,明眼人一睇就知send俾邊個家啦~!!而亞恩就係度發呆,講下近排有咩野大事俾亞哥聽.....亞哥lee排都冇乜搵我地,有好多野都唔知呀~!!之後傾左陣,亞哥行開左,我同亞恩左講左唔少野.....當講到大家既感情事時,亞哥同亞恩都唔多想講野lu,都知佢地唔開心家啦,而我,就好掛住亞俊呀>___<"....冇幾耐之後亞哥係時候走,亞恩都唔肯行bor.....不斷對住個手提睇返以前既message,唉.....亞哥同我叫極都唔肯走,之後仲喊tim>.<"亞恩一喊又整到我又想喊...我唔想而家喊呀~!!不斷忍住d眼淚,tum亞恩唔好喊要走.....佢又唔肯,我同亞哥只好坐埋一邊傾左陣(應該係話亞哥係度聽我亂講野^^")過左好耐,亞恩一粒聲都唔出就走左去,我同亞哥都起行跟係佢後面,見佢入左樓,亞哥就送我返屋企啦....一路行,一路傾我地既秘密,之後亞哥送埋我上樓之後就走左lu....而我返到屋企,返入房坐左係度諗左唔少野,收到亞哥既msn之後就訓左lu~

>>August 7, 2004 at 6:36:50 PM GMT+8

2004 年 7 月 31 日 星期六 【微冷】

	哈~又到星期日啦....又係去搵亞俊既大日子~!!因為唔知亞俊幾點放工,見佢遲遲字打黎,我就應承左亞媽陪佢食午餐,好明顯亞媽係勁開心囉!!鬼咩~差唔多成半年都未同過亞媽一齊落街食野啦....而且細佬又好唔願地一齊去(俾亞媽嘈醒要佢去^^"),亞媽梗開心啦~!!當我洗面之際,亞俊先打黎,只好我同亞媽食完野之後先出去啦,如果唔係亞媽一定殺左我呀~!!等細佬出門口都等左成半個鐘有多囉,仲要個個去到樓下慢慢食,我勁無奈囉~!!之後2點先出到旺角....其實今日出去旺角既目的係亞俊個fd生日,要揀禮物送俾佢.....買左之後就入返馬鞍山lu~哈...我地坐左係偷情海皮公園傾計,又去左沙灘傾.....雖然唔係傾得耐,不過真係冇幾可可以咁傾計呀~!!傾到8點度就去茶軒食飯,諗落諗落,真係未試過淨係得我同佢2個人去食晚飯bor.....攪笑囉,明明茶軒係有吸煙區家嘛,果度d人同我地講夜晚全線禁煙囉.....整到佢勁無奈=~="之後食完仲要扼左佢9蚊"貼士"囉....唉......之後我同佢慢慢行回下氣,坐左係偷情公園傾(玩)左陣,佢就送我返屋企啦.... 　　一入門口,我亞媽見到我勁出奇囉~因為時間先得果10點~.~"鬼咩~平時我冇12點幾1點都唔返屋企家嘛,今日咁早,佢地唔出奇至奇啦~原來佢地3個人又拎我黎打賭,一個估我11點半返;一個12點半;一個1點半~.~"點知個個都估錯晒,我就叫佢地每一俾100蚊我,點知個個賴帳囉....之後亞俊返到屋企同我傾左陣,我又打俾亞恩傾左陣,上黎打埋日記,食下野就訓lu~

>>August 7, 2004 at 6:02:27 PM GMT+8

2004 年 7 月 30 日 星期五 【晴】

	今日又係好遲先起身....我諗我自己開始又懶左啦....日日4-5:00am先訓,4-5:00pm先起身,再係咁唔得家>~<"仲要朝朝俾果個光頭仔打電話黎嘈醒我,我真係想鬧佢呀~!!佢日日打黎都唔知為左d咩,明知我3:00pm一定訓緊覺家啦,日日都lee個時間打黎喎....不過算啦,我大方原諒佢啦...其實佢都講左唔少野俾我知,起碼可以知道亞哥而家情況點丫,我lee排都冇搵亞哥呀,好想打俾佢,但我知佢而家好煩,我都唔想煩住佢呀~夜晚3:00am時,我send左個msn俾亞哥,問佢lee排點,話俾佢知我好擔心佢,叫佢自己睇住自己.....唉....見亞哥日日都咁,真係好心痛家>.<"但我又幫唔到亞哥d咩野喎,只可以睇住佢咁自己辛苦自己,有時真係好想喊家..... 　　其實今日夜晚我又鼻敏感囉,整到我勁辛苦呀,狂流鼻水,所以我一食完飯就快快返房訓陣啦.亞媽見我一返入房,就問我:"今日咁早入返房既?"亞爸即刻答:"緊係啦,有人就黎打黎丫嘛,而家唔返修房等幾時呀?一陣聽唔到電話咪死?"=~="....我完全俾佢地吹帳囉....我返入房係想訓覺家.....~!!之後亞爸又係度玩我,話屋企開p,叫"成日打黎果個人"上黎見下bor....佢地都傻既,我日日咁多電話到,唔通叫晒所有人黎咩~?!何況屋企幾時興開p我唔知家?好明顯佢地以為日日打黎果個光頭仔係亞俊囉=~="......無聊!

>>August 7, 2004 at 6:01:36 PM GMT+8

2004 年 7 月 29 日 星期四 【陰】

	由於我今日7:00am先訓,所以好遲先起身呀~!!係亞爸放工返黎,一入門口我先知係時候要醒,一出房門,亞爸已經係度鬧我對住部電腦通頂唔訓.我都冇理佢不濟,見佢又冇買野俾我食,我就打俾亞媽問佢係邊,但佢係有排都未返到屋企,咁我只好煲水煮杯麵食算數.之後就整左個日記logo,唉....lee個logo好難整呀,整左好耐,不斷咁"複製"、"貼上",整到我心都煩埋,整左差唔多1個鐘先整好呀,之後就食飯.嘩,我不知幾肚餓呀~!!食左兩大碗飯呀,仲清晒亞媽d"食送",我亞媽見到都唔知幾開心.鬼咩~我lee排因為要鬧情緒又開始唔食野啦,其實都唔關我事既,我不嬲一有壓力就唔食野家啦,係屋企入面冇人知ja,因為lee排我成日唔食野,亞媽都日日鬧我咁制....今日見我食咁多,亞媽話聽日煲多d飯添呀,不過唔知我聽日仲有冇胃口食咁多飯呢~?!^^" 　　今日亞媽幫我買左兩本雜誌呀~!!因為我太耐冇睇過雜誌啦,見到好似頁頁都係新野咁既=.=?唉....可能我太out+懶啦,見到咁多字,又開始唔想睇.....不過又想八bor,只好一頁一頁慢慢睇啦,當消磨下d時間,等下傻瓜電話.....好掛住佢呀>~<" 　　哈.....lee兩日傻瓜打黎都同我傾左好耐呀,都算係咁啦~有d似之前我/佢未返工時咁,之前同佢講過,lee排好似真係冇乜認認真真傾過計,而家見佢好累都會打黎陪我傾陣,都知佢好就我家啦.雖然因為佢要返工,我地唔可以傾好耐,但起碼我知道佢做過d咩野,而佢又知我做過d咩野丫~其實咁樣我已經覺得好開心家啦,我都要睇諒佢返工辛苦會好累家嘛.....哈~不過唔知lee種情況可以維持幾耐呢~?!

>>August 7, 2004 at 6:00:42 PM GMT+8