2004 年 11 月 6 日 星期六 【晴】

今日我好早就要起身啦~!!原本較左手提10:30am起身家,不過因為太累都,死都要懶三個字床先決定起身~.~"之後就快快換衫衫,今日我換左用掛頸方法著個bar bar....哈~~我愛死lee個bar bar呀~~!!之後就快快出門口啦...其實今日我都帶左好多錢出去,差唔多成700幾蚊出去,哈~!!有$300係亞媽俾我買衫衫+八達通.出到去等埋亞婷就去左食野.今日終於到我請返亞婷食野啦,之後我地就開始行街街買野,我地行左去睇香水啦,咁我睇下果隻幾錢,原來真係好貴家~!!成200幾蚊30ml,um~~我真係要諗下買唔買好啦...本生我地2個都睇唔中野家,不過行到一半我地2個人都買左岩心水既褸,可憐既我終於可以有褸著啦T.T"之後我地又行下d精品店,好多野想買呀~!!不過而家唔應該買埋d冇謂野先...不過之後都買左支原子筆+個鬧鐘呀...都好平家~!!因為要買一種野+$29先有個鐘,所以就買多支筆用黎寫日記啦~~哈哈,係我鐘意既Marie黎家≧﹏≦之後行下玩具反斗城行左陣就走lu...我同亞婷約左出糧之後再去掃貨,下一次既目的地係旺角+銅鑼灣...yeah~~好期待呀~!!之後我仲買多條手鍊,係0係果d印度既鋪頭買家~!!簡單得黎都幾特別,亞婷仲話好襯我呀~之後就送佢去搭車後我先行去搭車返屋企. 　　返到去就開始欣賞我既戰利品啦~好耐未試過咁啦...不過原來我今日都用左好多錢呀,唔怪之得我好似買野買得咁開心啦=~="之後先上網、聽歌,今日又打邊爐呀,咁到我燥上加燥=.="之後就成晚搵我細佬黎鬧...岩岩開始打日記啦,打到一半,亞姨打黎又話佢電腦又hang左=0="咁我就教佢啦,講極佢都唔明,咁ja係又想我去整啦,我唔太想呀~!!最終我都係叫佢上到網先搵我,我話我要訓..kaka,不過真係好累呀~好眼訓呀!!而家就快快打好日記就去沖涼訓啦....唉,聽日又要返工啦>___<"

>>November 7, 2004 at 3:36:35 PM GMT+8

2004 年 11 月 5 日 星期五 【微冷】

今日一早4點幾亞哥send訊息俾我,一連2個,我真係好想打去鬧佢家~!!心諗:"亞哥呀~我聽日仲要返工家,唔好玩我啦.send訊息俾我ja係要嘈住我訓ja,一醒左就訓唔返家啦嘛...係咪想我死先安樂!?"不過一睇佢d訊息內容....=0="原來佢又唔開心又亂諗野,我鬧唔落,只好唔理個訊息繼續訓...不過都係唔可以熟睡,整到我朝早呆下呆下咁返工=~=" 　　今日我終於冇行錯路啦,可以一條直路行返公司.因為我上巴士時已經食左個麵包,所以可以慢慢行返公司.返到去坐左一陣就俾Jomve叫左我去跟亞昌學野,咁我地就行左去英文艙.原來我今日既任務係包書=0="七十幾本書,要分返人名包好,我足足企係到包書包到2:30pm先收工....期間亞姐黎過問我做成點,又係度同我傾話咁包書好唔環保,一定要諗諗辦法=~=我心諗:"包左咁耐書先咁講?個個都係咁做家啦,有咩野話環唔環保家,真係搵野攪...."不過我都好有禮貌咁一邊做野一邊應酬佢.之後到左1:00pm個個都開始走啦,我就差少少就包完,諗住好快就可以收工啦.點知原來我包錯左好多,要搵返d人名對返d書,整左好耐先整完,咁時睇下手提先知原來2:30pm,今日d時間真係過得好快.咁我就快快收工啦. 　　一行出去,先覺原來我好肚餓~.~之後就打俾細佬問佢想食咩,我去買外賣.點知去到樓下大家樂買左4個餐上去食...好誇張呀~!!拎到我死先返到屋企,即刻冇晒力...食完野就上網、聽歌,到左5點幾真係頂唔順,走左去訓覺覺豬ZzZzz期間收到亞婷左訊息,問我係咪聽日出沙田...不過我真係好眼訓,就起身食埋飯先reply佢.我同佢仲傾左好多野呀~!!lee個電話係亞俊走左之後,我同人傾得最耐既電話呀~!!同亞婷傾計真係輕鬆好多家,鐘意講乜就講乜~之後同亞婷傾到男仔lee個話題啦,佢又有新男友啦,但果個男仔好冇擔家,咩野都驚一餐,亞婷就問我點好....我又係度亂出鬼主意啦,講到我同亞婷都係度笑.之後又講下我同亞俊d野,亞婷話我同佢既相處方式好好bor,又話我叻左諗野大過左^^v咁緊係啦~跟得亞俊多,諗野當然都多左啦~之後傾到差唔多11點幾,亞婷就要收線,我都快快沖涼洗頭再上網、聽歌、打日記.打完就訓啦...因為聽日要同亞婷去街街+買野嘛~(開心、開心)

>>November 6, 2004 at 6:49:34 PM GMT+8

2004 年 11 月 4 日 星期四 【微冷】

今日係好辛苦咁爬起身,拿拿林出門口返工.當搭巴士時撞到亞羊呀~!!之後傾左一陣就落車啦,又係行錯路=~="之後行果條斜路真係辛苦呀...又長喎,好似冇盡頭咁...好漫長咁行到買外買上公司食,返到去時已經係7:35分啦,只好快快食啦,之後就開工.好專心咁打果張好厚既單,下下都要我自己入資料入去=~="打打下,我已經覺眼訓,係度勁釣魚>___<"真係想死呀~!!唔知有冇人見到tim家~!!好難捱先到食lunch,今日我有帶飯呀~!!叮好就返埋坐食啦...好多飯+雞=.="亞媽真係丫~咁多我點食得晒....之後我就好努力想食晒佢啦~!!不過最終都係食唔晒d飯,淨左一半拎去倒=.="之後就要洗返好個飯盒就返埋坐,先知原本我既進度好慢,再係咁一定唔可以準時收工,咁就繼續努力打我既單...自時間一點點咁過,我又開始釣魚=~="好彩亞頭有時會叫我做其他野,我先冇訓著咋~之後快快咁打埋佢啦....打到6點幾,d人開始走晒...得返Jomve同容生係度,見佢地又係似無聊搵野做咁...好似等我收工咁,我都勁唔好意思呀>.<"之後打打下單,仲要hang埋機,我d野仲未save家=0="好彩容生整返好,之前d野冇唔見咋....不過我都係7:30分先打晒收工,佢地2個見我打晒,就快快off晒d野走lu..我真係勁唔好意思呀>.<"之後就打俾亞媽同佢講等埋我先開飯,諗住去搭火車順手探下亞ca啦.到大學時,同亞ca傾左陣就搭車lu,仲要係樓下撞到kobe同佢bb女...哈~佢bb女都仲係咁可愛,同kobe傾左陣就真係返屋企啦.... 　　返到屋企,亞媽驚我好似琴日咁,所以要我食飯之前沖左涼先.我好累呀,好死咁爬去沖涼=.="都仲係有d痛呀...我都好驚好似琴日咁,所以都唔敢郁咁多,快快沖完就出去食飯...好美味既飯飯呀≧﹏≦(好似餓狗搶屎咁食七咁食...真係唔好俾人見到果個衰樣呀=.=")之後就一路上網一路睇電視啦,,,冇乜心機...之後咁打今日既日記....之前果幾日既日記就聽日先打返啦,聽日星期六,只係返半日...好期待呀~!!咁就有大把時間打返d日記啦~

>>November 5, 2004 at 3:21:40 PM GMT+8

2004 年 10 月 29 日 星期五 【微冷】

今日係亞俊飛左之後既第2日,我既生活就好似平時咁過...其實我11點幾時已經因為一個電話而嘈醒,個電話係infocan打黎既,叫我11月9號去上堂之後就可以開工.我好呆滯咁抄低D資料之後就收線再訓過,訓既時候發夢見到亞俊,但見到佢既時間太短暫啦,起身之後就冇乜印象lu. 　　到左2點幾pm,亞媽叫醒我問我想食咩野,佢落去樓下大家樂買外賣上黎俾我食.我果時都仲未訓醒,所以就叫佢落到去先打電話返黎睇下有咩野食....亞媽知我鐘意食銀針粉,所以一打黎就同我講有得賣,我當然一定要食啦~!!之後亞媽又問我仲食乜,有餐叫....我自己當時又唔知食咩野好,諗到食,淨係諗到亞俊講過:"諗唔到食乜時,就一定會叫西多士"...咁我就同亞媽講食西多士啦...亞媽反問返我,就咩野冇啦啦食西多士?(因為我平時好少食~)我只係答佢:"總之我食你就買啦." 　　亞媽買到上黎,放低d外賣就走返工lu.我果時先爬起身刷牙洗面食野.食西多士時,真係好甜呢~諗諗下我都真係好耐冇食過lu,起碼都有2-3年....我好快就食晒成個餐lu,不過都係唔見得飽得去邊^^" 　　之後我就online睇下論壇,整下日記同個網站,都幾悶下...之後亞婷同vtc果個亞傑仲有一個net fd係icq內面hi我bor~好耐都未試過一次過咁多個人hi我lu...因為佢地個個都知道亞俊要走,所以個個都問我點、有冇事等等...我開始好純熟咁一一reply佢地...不過reply亞婷係唔同家,因為我知佢真係好關心我,我都有講真心既野俾佢知...不過傾左一陣,我就offline lu.之後我就開《歲月的童話》黎睇,係宮崎駿既作品之一黎家~!!之前其實睇過一次家啦,不過《歲月的童話》係我最鐘意宮崎駿作品之一,而且我知道係lee個時間睇lee套卡通係最岩不過. 　　《歲月的童話》係講男女主角識左無幾耐,大家對對方有感覺時,男主角因為夢想而要出國留學,首先要試下係國外生活2個月,當2個月之後如果男主角仲係想去留學既,就要一去10年唔返黎.當男主角走左之後,女主角就迫自己發奮做人.過左2個月之後既有一日男主角終於返黎,男主角帶左女主角上山睇日出,同時叫過女主角等佢,10年之後佢返黎就同女主角結婚,問個女主角應唔應承佢... 　　個故仔無講之後佢地點....而我同亞俊就好似故事咁樣而分開,雖然要分開,但好彩既係:我同亞俊都無要求過對方一定要等自己...預期要一個承諾,我寧願要一個"有緣再聚"仲好~!睇原套卡通之後,諗既唔係我同亞俊將來會點,我諗既係我應該點樣發奮~!!我知道一路發奮咁過每一日一路等可以再見佢,一定快過日日無所事事咁等時間過....而且咁樣就唔駛佢擔心我咁多啦~一舉數得,咁點樣我唔做呀~?! 　　當我睇原套卡通時都差唔多7點幾,亞俊果邊都成12點幾,心諗佢可能今日有事打唔到黎lu...心情雖然有d down,但長途電話真係好貴,我都唔想佢打咁多黎,無謂浪費金錢啦~當我就黎食完飯時,電話就響,個心有d期待係佢打黎,一聽就知真係佢,咁我就即刻返入房同佢傾.同佢講左好多傻野,一路得我講野,佢都冇乜點出聲,我仲以為佢有d咩野事tim呀~!!哈~我問佢見完我之後到而家有冇喊過,佢竟然叫我估bor>~<"之後又反問返我...到最後我同佢講左d真心話,果一刻勁想喊呀~!!不過我都係忍住左,我同自己講:"我係叻女黎家嘛,唔可以成日喊既!!"佢仲同我講lee幾日都唔會打俾我住,因為廢事傾咁多會俾人鬧,我都明既,之後講左陣就由我收線先,睇返記錄,傾左足足38:22,咁樣已經心滿意足啦.... 　　我同佢傾電話時,俾細佬見到我帶住條鍊呀~我亞媽即刻想扯出黎睇下咩野黎,俾我搶返,但係我同佢拉扯時,條鍊鬆左出黎,我初初仲以為斷左tim...返入房睇,好彩唔係,咁都安心d~!!之後帶返出去廳,我細佬即刻講做咩野冇啦啦有舊玉,又係度講3講4,我亞媽就聽晒...不過我都唔理佢地lu...上陣網,早d沖涼洗頭,打埋日記返房訓好過~!!

>>October 30, 2004 at 6:26:21 PM GMT+8

2004 年 10 月 25 日 星期一 【晴】





當我做埋我應該要做既野之後
就會一一將我腦海裡既回憶打返出黎
好快.....過幾日、過幾日就會......

>>October 26, 2004 at 10:11:49 AM GMT+8

2004 年 10 月 9 日 星期六 【晴】


改板中.....
係改板之前,都唔會寫日記住...
希望可以係2日之內快快改晒成個板面啦~

>>October 16, 2004 at 8:26:48 PM GMT+8

2004 年 10 月 3 日 星期日 【微冷】

.....

>>October 3, 2004 at 8:57:06 PM GMT+8

2004 年 9 月 19 日 星期日 【綿綿細雨】

	今日8點幾,亞俊打黎話confirm左真係唔返工lu.咁我就同佢傾左陣,講定幾點入到去,叫佢訓多陣就收線lu.而我就快快起身,刷牙洗面換衫執野出門口啦.不過出門口關門時係勁大聲囉,勁驚嘈醒亞媽俾佢知道我咁早就出街呀.....之後以為冇事就行快步啦,點知我係樓下時,撞到亞媽個fd呀,不過好彩係我出"車立"佢入"車立"ja...我諗冇野怪.因為我張八達通已經係負錢咁當然要增左值先上車啦....係lee個時候,手提響......"私人號碼"......都知咩野事家啦.我一聽,亞媽就不斷轟炸我="=又話我一拎錢就走出門口,話出街就出街,問都唔駛問過佢俾唔俾等.....我心諗:"我而家係擺明唔講就出街家啦,咁又點?就算你唔俾錢我,我都照出家啦,你越鬧我好出街、越唔俾錢我出,我就要偏出多d呀,你以為唔俾錢我我就唔會出街咩?都成廿歲人唔通我出街都仲要你問你俾唔俾我出呀?好難囉~!!"佢不斷炸我,我都冇出聲,我只係0係心反駁佢.次次一到lee d時間,我同佢總係會鬥得好行,雖然個個都話我咁對自己亞媽好衰女,我自己都覺,但咁又點?佢點對我;我點對佢ja.....因為我咩野都唔出聲,佢就cut我線....我個心係唔開心呀,但咁多年,咩野都慣啦.... 　　之後就等開車,又係好慢呀,次次我都係送車尾=~="等車期間,我撞到住我樓上既小學同學呀~!!不過佢個look......t+4腳骨褲+人字拖+拎住飛煙=0="我心諗:"唔係嘛....架車出荃灣果bor,著成咁出去?仲要拎住飛煙.亞媽仲成日讚佢乖仔tim,如果我講俾亞媽知見到佢咁,一定唔信我~!!"終於上到車,本生我想訓家,不過我係車度又好精神bor....咪只好望下車外既風景囉,有時又望下我果個同學仔....好快就到左亞俊果邊lu.... 　　之後我好叻冇蕩失路咁去左粥店門口先打俾亞俊啦,之後就做左外賣妹拎住d外賣上去佢屋企,lee個情景又令我諗返起以前次次買埋外賣上去俾之前果個人食.....講真,如果唔係亞俊病左,我唔想佢落街咁辛苦,我一定唔會再做外賣妹咁傻....外賣妹.....總係俾我覺得"特登買埋賣外自動送上門,食完就攪"既感覺,我係勁唔鐘意咁,以前次次都係咁,變左習慣變左"鳳指",我話過我以後都唔會咁做~!!不過對住亞俊,一次半次送外賣就冇所謂啦~上到去,禁幾次鐘都係冇人開門俾我囉....做外賣妹仲要冇人開門俾我....無奈爆=~="之後我打亞俊手提,佢先醒開門俾我入..... 　　之後我就食先,佢要刷牙洗面先可以食野,不過見佢行行企企都真係咁辛苦,心痛>___<"之後我同佢都眼訓,就上左佢張床一齊訓...哈~佢而家訓上格床呀~我都好耐冇上過上格床訓,好懷念我以前果張床床tim....我上落都好純熟,係亞俊打驚我上唔到去,真係睇小我呀\"/不過訓左陣,亞俊個fd就叫出街lu.....我真係好頭痛,訓著左,唔願起身呀.....之後就遲左好多,佢實俾人鬧死都似呀....出到去,就睇佢地2個人篤波等睇戲,我地今次睇A-1呀...開場前買左唔少朱古力入去食,好甜呢~亞俊仲要中途食唔晒,我就食埋佢果份.....甜屎啦>___<"不過我都食晒,但到頭來俾亞俊話我"咁快食晒呀?唔怪之得你肥左咁多啦".......都唔諗下邊個累到我咁果bor...無奈=.="哈~套戲都幾好睇呀~戲入面個個都好鬼屎型+串,攪鬼呢....不過到最後我都係有少少唔明,不過算啦,唔想用腦諗野啦,唔明就唔明啦~睇完戲,我地就同佢個fd分手lu,我地就返亞俊屋企先.... 　　係路口撞到佢一家人呀,我離好遠已經望到啦....哈~叻叻~!!佢地去食飯呀...而我同亞俊就返上去屋企先,叫左佢亞妹拎外賣上黎食,之後亞俊既媽媽都返左黎,我因為唔好意思成日都係佢媽媽俾錢食野,所以問佢媽媽岩岩幾錢話俾返佢,佢話唔駛bor,真係勁唔好意思呀>___<"亞俊就全程係個廁所度,一出黎就手軟腳軟....擔心佢唔知聽日返唔返到工tim家>___<"之後我同亞俊落左街係出面坐左陣,可能佢病到傻左啦,想係街到錫錫,平時佢係唔會咁家,係佢話咁唔好家嘛,今日佢真係有d失常呀~!!之後我地買左野飲行去建生搵佢個fd,都好遠下呀....期間,佢冇啦啦拖住我行左陣,之後又搭我"駁頭"行....lee d咁既行為就證明左佢係失常家啦XDD不過行果段路都幾好feel既....行到去目的地,等埋佢個fd落樓我就要返屋企lu,咁佢地送我去搭車.... 　　上到車係勁凍凍囉,好彩我有帶褸拎出黎著.因為我今日真係太累啦,set定手提鬧鐘就係架車度訓著左lu.之後手提咇咇響,我咪即刻彈起身囉.初初見到架車個顯示板寫住咩咩橋,我勁驚坐過左龍唔知呀,之後睇定左先知冇過站.轉左車之後我又set定響鬧再訓過.訓訓下手提響,係亞俊打黎,望一望出窗,先知就要落車...好彩亞俊打一打黎ja,如果唔係可能到左總站都唔知醒要落車呀.之後返到屋企打俾亞俊,又話整緊野遲d先打返俾我,咁我只有一路睇電視,一路等佢電話啦.之後佢打黎傾左一陣,佢就真係要收線訓lu,而我就去沖涼check論壇同埋打日記啦...

>>September 20, 2004 at 8:35:35 PM GMT+8

2004 年 9 月 18 日 星期六 【綿綿細雨】

	(續9月18日11點幾)亞恩一起身,就整醒左我啦.咁我就係張床度懶床啦,"典墁典去"左陣之後就真係起身lu,當我起身時,都整醒埋亞哥.之後就出去廳見到亞yen訓左係疏化度,我地個個都醒晒.我地就係度傾計,嘈醒左亞yen,我就坐疏化同亞哥亞yen係度玩,果時我都仲未完全醒晒,好似個細路咁既語氣講野....我都真係好耐未試過lu~之後我地拉大隊走,不過見肚餓就話去食野先返去,我已經講:"我而家一蚊都冇,點食呢~?"點知亞哥俾左20蚊我bor,我話左唔駛,最多我都係唔食既ja,點知亞哥好惡咁叫我收左佢....亞哥未試過咁既語氣同我講野家,我都驚驚呀,只好聽佢話收左佢...之後亞哥就走先,我、亞yen、亞恩、亞豪就去左耀安大家樂食飯啦,不過我地4個都唔係太肚餓,就叫左2個飯4個一齊食啦.食完之後我地都住左係度傾計,我地係完全醒晒,都唔想訓lu,大家都係度傾到唔願走.不過唔得啦都已經係下午2點幾囉,一定要返屋企先,就咁就各自散會返屋企啦.... 　　返到去我就即刻野左俾亞俊先,佢話擔心我訓唔著....sorry,冇心家>__<"之後我都眼訓,就叫佢起身就打一打俾我,之後就快快收線再訓lu....5點幾亞媽打黎問我食唔食野,我緊係話食啦,之後就6點幾爆晒粗咁叫我起身食野,我食完野之後見亞俊冇打黎就即刻打俾佢先啦.點知佢話佢又"柯"又嘔喎,我咪話可能係腸胃炎囉,叫佢快快睇醫生,因為佢都太痛啦,好快就同佢收線.之後我食飯時,佢打黎話去睇醫生,真係腸胃炎,話而家要訓陣,一陣12點幾先再打俾我.....聽佢把聲睇黎真係好嚴重呀,唔知佢而家點呢?最衰我唔可以夜媽媽出門口丫,如果唔係我真係會即刻搵佢家~"~而家可以做既,只好等佢打黎.....到左12點幾差唔多1點,佢先打黎.聽佢把聲好似好返好多咁,我都放心d.....之後我問佢聽日駛唔駛到工,如果真係返唔到既,我就早d入去搵佢.....決定左聽日8點佢真係返唔到工既話就打俾我,我就起身出去搵佢,睇下佢點...我同佢傾到2點幾,我都仲未沖涼,俾佢迫我沖涼先,佢等我之後再傾.咁我咪快快沖完出黎打俾佢囉,點知佢話眼訓,就唔傾收線俾佢訓lu,而我就係度攪lee樣攪果樣,整到4點幾一路擔心佢之後訓著左lu.....

>>September 20, 2004 at 9:06:47 PM GMT+8

2004 年 9 月 17 日 星期五 【晴】

好多日冇打日記lu....
下次我會盡量補返家啦
大家請等等啦>____<"

>>September 17, 2004 at 6:03:49 PM GMT+8