2004 年 8 月 17 日 星期二 【酷熱】

	今日約左亞恩、亞哥、亞yan、M仔+果個好黑人憎既光頭仔(佢死都要痴住黎~"~)去左旺角食晚飯呀~!!本生我諗住早d起身落街買野食返屋企同細佬食完先出去家~點知我12點幾起身時,細佬同我講:"亞媽返工之前煮左公仔麵俾我食啦,你自己食啦!"........無奈爆=~="咁我就再訓到4點幾先起身,刷牙洗面出去啦~出到去,我最早到達呀~約左6點半,我6點已經到左.....條街勁熱呀~!!我都周圍行左陣先,之後等左一陣亞恩,佢到左時,我地就去左買火麻仁飲,返到去已經見到亞yan lu,當我想打俾M仔問佢係邊時,我就見到佢啦~~哈哈,原來姐姐都黎左呀~!!我終於見到佢啦~姐姐好似都好好人呢~應該幾好玩家~~!!等左一陣...先知淨返果個死人頭未到=.="亞恩就叫我打去鬧佢啦....我鬧完佢之後仲要唔俾出聲就收左線啦....呵呵~我地仲唔等佢就去左商場行街街tim....之後佢到左旺角先打黎,話唔識喎.....(邊有人會係旺角唔識路家=~=")等左佢好耐佢先搵到路黎,之後我地就等埋亞哥去左元綠食...我好耐冇去過元綠食野啦~去到時,光頭仔又係坐我隔黎=.="真係想駁鬧呀~我本生想同亞哥坐家嘛>___<"我地就咁開餐啦....其間個死人頭係咁串我,我當然唔好咁乖任佢串啦...我就不斷鬧死佢,之後佢話我咁惡死,亞俊一定好慘....呵呵,之後我串返佢,我只係對住佢先係咁ja,我對住其他人唔係咁既,佢就勁無奈...之後佢有個fd打黎,叫人老婆仔bor@0@"之後我咪問佢幾時多左個老婆仔都唔同我講囉,之後佢話我問3問4,十足十d大婆咁,之後仲叫我做大老婆tim呀>___<"我即刻鬧返佢:"唔好咁叫我,俾亞俊知道實鬧死我呀~!!佢都未咁叫我,你邊有資格咁叫呀\"/你再咁叫我就殺左你~!!"無啦啦俾人言語上佔便宜tim.....之後佢真係夠膽死仲叫bor,我就向佢傷口襲擊啦~哈哈~~冇人鬥得過我既~~!!食完之後,諗住落尖咀坐家~不過都成11點幾,咁我就話不如留係旺角到12點度,我到時返屋企,佢地去落尖咀啦.....就咁,我地就去左新之城,因為亞哥話想去夾公仔呀~!!去到,亞哥都夾左好多公仔呢~而我地3個女仔就去左影貼紙相.哈,可能我地3個太耐冇影啦...失敗左呀...本生可以影6張唔同既相家,但因為冇時間,只可以影得2張咋>0<"不過好彩,影出黎都唔差呀~!!之後我地再搵返亞哥,亞哥話果度d公仔唔靚,去其他地方夾過.咁我地就去左新天地啦~都夾左1隻好靚靚既公仔呀~!!之後我要左,哈~!!但果度好快就關門啦,我地只好走啦.亞哥都係唔死心,要再去銀城夾.果度果d都好靚家,不過好難夾呢,所以夾左幾次就冇再夾lu~而lee個時候我都要走lu,所以大家各有向走啦.亞恩就同我一齊返屋企..... 　　當坐緊車岩岩出隧道時,亞俊就打黎啦~^0^~我地傾左唔少野,傾到我返到屋企樓下,佢就話要收線訓lu~咁我就快快上樓沖涼啦.,因為我實在太熱啦....沖完出黎時,見到有一個未接來電,係亞俊呢~咁我就快快打返去問佢咩野事啦....佢原來係打黎問我聽日打唔打俾佢叫佢起身,枉我仲咁驚,咁膽心佢有d咩野事tim~.~"講左一陣佢真係訓lu.....之後我就睇奧運啦~又係睇到6點幾,等到打埋俾佢,我就訓lu.

>>August 20, 2004 at 8:17:02 PM GMT+8

2004 年 8 月 16 日 星期一 【酷熱】

	今日我要去表姐度拎野呀,所以就要早早起身,本生諗住12點起身既.點知不斷賴床唔願起身,最終2點半先起左身~"~快快換衫就出去lu~今日既目的地係將軍澳....之前已經去過一次,我諗唔會蕩失喎掛^^"其實我而家都幾驚去lee個地方家~!!因為始終我之前果個係住將軍澳既,我好屎驚今日撞佢呀~!!當我坐89D時,望住原途既環境時,我諗起英皇既日子,諗起亞婷,諗起佢.....當到左九龍灣,見到英皇時,我真係好想落車家~!!當過左時,見住行緊去佢屋企果段路,我係唔想架車向前行囉,我真係好唔想去,更加唔想諗起佢....當行去到藍田轉搭地鐵,果一段路,我更加唔會唔記得.......年幾前,我差唔多日日都行時一段路,到而家lee段路都係冇變,lee一段路,次次行親都只會令我唔開心,點解我今日又會行返lee段路?好彩,當我而家行lee段路時,我既心態已經唔同左....係lee個時間,我真係好想打俾亞俊囉.好想有佢陪我傾計到我行完lee段路為止.....但我唔可以咁唔理智,明知亞俊返既工都阻住佢家嘛,所以我都係冇打到.當我去到將軍澳站時,真係好驚出閘,好驚真係會遇到佢,心諗:"如果真係遇到佢,我會點呢?真係唔知叫唔叫佢好..."出到去,依照亞媽教既方法終於左到表姐度.... 　　一上到去,見到個未見過既bb女(我既表姪女=~=")+表姐個仔....佢個仔好屎活躍呀~!!走黎走去,又叫唔停;個女就不斷lee埋,又係唔理我=~="之後表姐拎左d衫出黎俾我揀,叫我岩既就拎走,我都拎左唔少呢,淨低果d佢都叫我拎埋走,話當地布都好喎~"~之後佢又俾左d袋我拎返屋企...就咁,我揀完就走lu~不過我拎得好狼狽呀,d野又多又重,我咁大個女都未試過拎住咁多野又咁重,一路拎到返屋企家~~!!果時,我只係想快快返到屋企就算.當我趕到上巴士時,我係度諗:"原來之前果個對我既影響真係好大,可能我始終唔明好多野,而且自己又唔甘心啦."唔通lee d真係叫因愛成憎~?!可能係掛....希望我同亞俊唔會係咁啦>___<"不過諗返都好笑,走果時就不斷驚遇到佢...但而家諗返起,其實我都已經唔記得佢係咩野樣lu~可能遇到都唔知係咪佢啦,咁我仲諗咁多多餘野做咩野呢?哈~心情當堂好左好多呢~因為我自己拎住好多野,所以就快快返屋企,之後叫亞爸買野上黎俾我食..... 　　嘩,我係超級肚餓呀~鬼咩,我今日都冇乜食過野就出去囉....仲要上車先咬左個包仔咋^^"亞爸買左m記俾我食呀~!!食完就拎d衫衫出黎睇...之後就食飯飯~睇電影等亞俊電話lu~當佢打黎時,亞媽咁岩入到黎我房吸塵,咁我同亞俊講野既語氣當然唔可以好似平時咁啦,咁我講野咪掘d囉.....>.<"之後亞俊話要訓,亞媽都仲未走,咁我只係講左句byebye,亞俊就話我講野冇感情,我心諗:"姐姐呀,亞媽就係隔離偷聽緊,你想我幾有感情呀>"<"完全係左右為難既感覺....好彩亞媽lee個時候就走出我房啦~^0^~之後亞俊問左我一d野,我咪好大聲咁講囉....之後佢好似好滿意咁收左線,我就出房啦,原來亞媽係我房門口...lee次屎火,咁咪等於我岩岩講既野俾亞媽聽到晒=0=?亞媽唔望我,我都唔理佢,繼續上網睇奧運,又係睇到7點幾先訓^^"

>>August 18, 2004 at 9:44:07 PM GMT+8

2004 年 8 月 15 日 星期日 【酷熱】

	岩岩訓左冇耐,就有好多電話打黎啦~"~人物有： 1--細佬x3次以上,因為佢要打黎問我食咩野,要買俾我食,就打左好多次黎,問我食咩=.=?到最後,我係差唔多聽唔到佢講咩,講左一陣就收左線. 2--亞媽x2,因為佢問我細佬打左黎未,又叫我唔好走表姐度住等等,煩住晒,我都係答左2講草草收線算. 3--表姐x1,一打黎就叫我而家去佢度,我諗左好耐先知佢係表姐,我就話我今日唔去得,咁就打左線lu.事後我心諗,我已經死下死下,仲叫我入去將軍澳?真係想我死咩=____=" 　　細佬買完野食上到黎,係咁叫我起身食,叫左好耐我都係唔想起身,佢就用嘈音嘈醒我為止,我起身望望個鐘時--2點15分~.~"大哥呀,我11點幾時訓咋....之後就好似死人咁刷牙洗面食野,我係完全冇胃口囉...之後快快食完就返左房繼續訓lu,因為細佬都要訓,就打左俾亞媽申請開冷氣,哈哈~就咁我地2個就可以舒舒服服咁訓lu~ 　　訓緊其間,亞俊打過黎,我都差d聽唔到電響呀~!!傾左陣,佢就收左線lu~之後我就繼續訓.....訓到8點就起身睇電影啦,之後就食飯上網,睇返2日黎既post=0="多到屎呢....唉,不過我都冇乜心機睇,等睇奧運,睇完時都7點幾,快快去訓lu.

>>August 18, 2004 at 9:36:19 PM GMT+8

2004 年 8 月 14 日 星期六 【微冷】

	今日冇得去搵亞俊呀~!!因為今日要出沙田同亞爺食飯,亞爺生日嘛....唉...其實我都唔太想去,次次去到又冇野做,又悶,又要俾人擺上台係咁講係咁講,最重要係冇得駁咀先死丫嘛~!!>___<"本生今日話早d出去沙田陪下亞媽行街街+買野家....講明一齊去食早餐,但亞媽10點半先叫我起身,要係半個鐘之內落到樓下,我就懶得落啦.我話如果細佬起身先既,我咪起身囉....但我細佬遲遲都唔起身,咁我就訓返啦.到而點幾,亞媽又嘈,話我地2個人都唔起身陪佢食野....我都係講果句:"細佬起身刷牙洗面完先叫我~!"但我細佬明明醒左都唔起身,佢唔起身,我咪唔起囉,又繼續訓,亞媽就好火咁自己一個人落左去食野.到左4點幾,亞媽又嘈醒我,係咁廿四真言咁叫我起身,我又講同一句話,之後拖左好耐,細佬先起身,佢起身我咪起身囉~快快刷牙洗面就出去沙田啦~我坐緊免費巴時,亞堅打黎呀^0^~佢話悶同我傾左好耐,佢第一句又係問我果d野~"~唉...個個都係咁家....我亞媽又係隔離喎,佢就係咁問係咁問,死都要我講d答案出黎....整到我唔知點好>/./<"最死係佢講d野好咸家,真係咩野都講得出口,咁同亞旦有咩野分別喎.....傾左好多冇聊野之後,佢就收左線啦,之後我同亞媽細佬去左吉野家食呀....哈....我好耐都冇去過啦,不過其實我唔太鐘意去沙田果間食家,因為果間鋪細到死喎,坐都要就住就住家,所以我地快快食完就去左搵亞爸啦....我地去左百老匯睇電話啦...揀左好耐,亞爸先搵到一部岩佢要求既電話,終於都買左.之後本生亞媽都想換電話家,但佢既要求,仲麻煩既亞爸呀~揀左好耐都唔岩,咁就算~唔買~!!我都想換電話家,但我一開聲唔係俾人嘈就係當我冇到....我係超級無奈囉,電話就係我幫佢地揀,幫佢地試,而我話想換就唔得>____<"咁都算啦,之後佢地仲過份,細佬一句話想買數碼相機,亞媽就即刻陪佢睇,話唔貴就買,但點會唔貴丫,睇左一陣都係決定唔買,之後亞媽問佢(細佬):"不如而家出部電話俾你做補償丫"........嘩~!!果刻我即刻火晒呀~!!唔出俾我都算啦,我部電話都壞左8成都唔俾我換,細佬部電話一d都冇壞,咁就出過部新既俾佢~?!?!之後我已經講明,如果細佬換既,我都要換...亞媽一聽到又鬧.鬧完之後佢都冇幫我細佬換手提,只係同佢講下次先.我心諗,"永遠都係咁唔公平,唔通真係咩野都係你個仔叻晒,乖晒咩..."之後我一句聲都唔出,跟住佢地尾行去酒樓.... 　　去到,正如我所料,個個唔係遲到就係打牌.....見咁冇聊就拉左細佬同我出左去行左陣,返到去就拎亞爸部新機黎整返好d setting,整整下都開席囉,終於見到表姐個男朋友,唔知點解總覺得佢份人好假,不過都唔關我事丫,我又唔駛同佢打交道既,理佢都傻....最好笑係亞"女麻"囉,人地一黎就叫錯人地個名,之後就好似查家宅咁,問lee樣問果樣,仲要問人地有冇車...佢都傻既(不過一睇佢,都唔似d有錢仔kakaka)我都食左好多野呀~!!最衰係亞爸啦,我都話左唔食囉,都仲要係咁迫我食,夾勁多野俾我.....勁無奈=~="我食飽飽時就send左個message俾亞俊,問佢點果d啦...無耐佢就打俾我啦~!!亞爸亞媽2個人,不繼係個電話度話好準時果d....好幼稚呀=~="我同亞俊傾左陣,就收線lu(唔想俾亞媽亞爸聽咁多樣嘛~!!)食完之後,我地全家就快快坐車返屋企lu~ 　　當坐緊車就返到屋企時,亞朱打黎呀~!!叫我去佢屋企過夜開girls party.哈~咁我當然去啦,問亞媽時,亞媽唔信我家,我咪俾左個手提亞媽聽囉....又係度問3問4~"~之後我就快快返到屋企沖完涼就落街join佢地啦....當等緊其他人時,我就打左俾亞俊,同佢講我去fd屋企過夜...(點都要報到下既^^")去到等佢地個個沖晒涼,亞朱就提議開"木台"打麻雀,但亞bee同亞羊都唔識打,咁就等我同亞朱一人教一個,試左幾圈....打得好慢呢,差唔多1個鐘先打得一場~.~"到左3點,亞bee就叫走lu,咁我地3個人就繼續打3人麻雀啦~哈....我嬴好多呀,之後佢地就話我:"小心賭場得意,情場就失意呀~!!"哼,我唔理,橫掂我今日都見唔到亞俊家啦,最快都要星期日先可以見到佢,我驚咩野呀~!之後我都嬴好多,而亞羊就由唔識到差唔多識晒咁制...我仲同亞朱講:"哦~!!小心亞羊個男朋友鬧佢教壞佢個女朋友呀~!!"哈....我地差唔多都係互咒大家~!!打到9點幾時,已經冇心機打落去lu,就係度傾左陣計....講左d男女之間既野....佢地....話我好怪喎=~="係咩?我又唔覺丫...之後我都係度諗:"我真係好怪咩?以我所知個個都好似我咁家啦,咁又有幾怪呀?"本生話等亞bee起身,就一齊落街食完早餐先走家...但亞bee遲遲都未起身,咁我同亞羊就各自返屋企訓lu.

>>August 18, 2004 at 9:35:09 PM GMT+8

2004 年 8 月 13 日 星期五 【微雨】

	今朝早先訓,8點幾就要叫亞俊起身啦~叫左好似冇叫咁,可能係我太眼訓啦,我係聽唔到佢同我講左d咩,我就收左線lu^^"之後就訓得好似隻死豬咁.....我發左個好驚既夢呀....內容係咁家:"有日,我同所有fd去唔知邊度,都有叫埋亞俊去家.但過左好耐時間,一亞俊都未黎bor,打佢手提又唔通,咁當然好心急啦.感覺話俾我聽,如果亞俊唔出現既,咁代表佢想同我分手啦~!!所以我死都係原地等佢既出現~而我所有既fd都陪我係度等,等左好耐,亞俊都仲係未出現,之後亞旦同我講左一句:『算吧啦,佢唔會黎家啦~!!』我當然明白佢想講d咩野啦,但我只係唔出聲係度喊,而亞恩佢地就只係圍住我睇住我喊........."係lee個時候,屋企電話響,咁就嘈醒左我.....當我訓返係張訓度時,先知我真係流左少少眼淚出黎呀,我好耐未試咁啦(之前都係試過一次咋^^")之後我係度諗,其實個夢係咪真既=.=?我而家係咪同亞俊分左手?我諗左好耐先知唔係~!!之後就諗,其實有冇咁既一日來臨?lee個係咪預知夢??諗左好多好多野....諗諗下,都因為太眼訓而訓返..... 　　當我訓醒時,已經係5點幾啦,就快快起身睇奧運啦~!!亞爸就係lee個時候買左野上黎俾我同細佬食~!!之後我就上網,又睇下細佬打ps....之後我搵到一隻彈珠泡泡龍呀~!!我就搶左細佬部ps拎黎玩,哈...我好耐冇玩過啦~好好玩呢~!!細佬見我玩得咁開心,又搶左黎玩...我地就係咁搶黎搶去玩到食飯呀~!!後黎我都係等睇跳水同體操,等到2點幾先有得睇.....睇完時都已經係5點啦~!!不過都值既,男/女子雙人拎左冠軍呀~!!不過我知道中國一定win硬家啦^0^~!!我本來想睇埋男子團體體操家...不過無線冇播呀>____<"嗚...好想睇呀......唔知佢地有冇嬴到呢?之後我就online玩左陣icq,上下網check下2個論壇之後打日記訓覺覺lu~

>>August 14, 2004 at 10:41:58 PM GMT+8

2004 年 8 月 12 日 星期四 【晴】

	今日好悶呢~"~可能因為細佬一早就出左去玩.....唉....人放榜佢放榜,佢就日日開心到爆,成績又唔係好,玩就日日出去玩,亞媽一句都冇鬧過佢,都唔係人黎啦~!!我仲好記得我考2次會考,次次都俾亞媽鬧到死,而家細佬放榜,成績一樣,冇鬧之餘仲日日讚佢叻仔,勁唔公平囉.而家我每講一句關係成績既野都有人鬧到死,又話我好唔讀書,又唔搵工果d....聽到都煩,而家我一聽到lee d說話,我就會開聲鬧人家啦.我都已經講明我最憎人講我既成績、我既出路問題家啦,仲要次次講,仲要次次都講d勁難聽既說話~!!所以我而家最憎果d放榜日子家啦~!!\"/ 　　今日全日我都係對住電腦,整我既網站...亞媽一見到我又係對住個電腦又鬧,話我係度浪費時間喎.講真,我一d都唔覺囉,我有我既目標,我有我既方向,成日對住個電腦就代表係浪費時間既咩?我唔覺囉,我都唔想再同佢嘈,整整下我都返左入房訓好過~!! 　　其實今日係港姐決賽+奧運日呀~!!哈,我係度睇港姐..都冇乜野好睇既,悶場都爆~"~之後我本來想等奧運開場表演家~!!不過冇啦啦又鼻敏感,好想訓呀,所以就襯有d時間,返左房訓左陣,其間亞俊打過黎呀~傾左陣佢就收線lu,咁我就繼續訓啦.....訓到12點幾,我以為開始啦,就出去廳睇.但只係有d人係度好冇聊咁講野囉=~="我等等等....等到1點幾個表演先開始呀~!!我見到係勁靚囉....d煙花好正家~!!而個表演全場個feel都好正呀,好有浪漫feel家,而且又好sell希臘呢...我鐘意呀^0^~!!我睇咁多次奧運開場表演,lee次係最正最靚家~!!d音響加埋d燈光,真係襯都絕呀~!!雖然我唔太鐘意藍色,而佢全場都係用藍色既海做主題,但我係覺得勁靚囉...佢個場可以做d星空既效果家....加埋個藍色既海....真係正爆呀~!!而且d煙花又靚bor,真係好想親自去現場睇呀~!!我睇住個電視都已經大叫好靚啦,如果俾我親自去睇,我一定唔想走ja^0^~我就係咁睇足全個表演呀,當睇完時,已經係5點am啦....都係時間去訓lu....

>>August 14, 2004 at 10:18:52 PM GMT+8

2004 年 8 月 11 日 星期三 【晴】

	今日我好有靈感呀~!!好想係m+c post多d topic喎....我lee排好少咁家啦,唔知點解今日好想主動幫個論壇做多d野,所以我都整埋我欠左人地好耐既會員證.我好似越整越興奮咁(<--整到傻左^^")而係showhappy,我都回左好多topic,我真係好耐未試過咁踴躍啦^0^~當我整到冇野好整時,就開始想整返好我個網站.其實我個網站整左好耐家啦,一直都唔想開站住....可能因為我貪心啦,成整好多野落自己個網站度,但又懶得去整.....個網站我已經等左佢開工3個月有多家啦,而家我識既html又多左,而之前因為有d野仲未識,整到d code好亂呀~!!所以我今日就整返好d code既位置,方便我第時想改野時,都方便d嘛^.^不過我又係改唔晒所有page呀.....因為我之前都整左好多page下家....改左一部份之後又想整其他野美化下果頁,整下東整下西....攪到咩野都整得一半~"~就咁,我都整左好幾個鐘啦成果之仲未出現...... 　　不過可能我今日整左少少啦,令我又好棍整個網站,好似有返之前既耐性、恆心咁,可能我唔想個網站連開站都未開到就咁荒廢左佢啦~!!唔得~!!之前我用左咁多心機時間去整個網,我唔可以俾佢失敗既,我要整一個我最覺得靚+有用+得人鐘意既網站出黎既~!!好~要加油努力快快完全佢先得~!!

>>August 14, 2004 at 10:39:42 PM GMT+8

2004 年 8 月 10 日 星期二 【晴】

	今日終於到我細佬放榜既大日子啦.....其他佢琴夜去左個fd度玩通頂呀,之後今日直接去學校拎會考成績.我好羨慕佢呢,因為我之前考左2次,2次都唔可以好似佢咁放榜前一日可以去人地屋企過夜呀....>.<"今日我訓訓下時,亞媽已經嘈醒左我,話我知細佬有1分(bio),仲讚佢好叻仔tim...=.="我當然唔出聲啦,如果我出聲,我一定又俾人擺上"木台"呀~!!我就叫佢唔好嘈、出房、俾我訓~!!之後到12點幾,細佬打黎叫我執下間屋同我自己,佢過一陣帶d fd上黎.....麻煩~"~,我執好d間屋之後我就返左房訓囉....但佢地太嘈啦,我就醒左出去刷牙洗面,我出廁所時,佢d fd已經走晒lu.....我細佬問我點解返左黎咁耐都唔問佢考成點?我就話:"你亞媽一早已經嘈醒我,同我講左啦"之後佢就落街買野俾我食,我叫佢俾個成績單我睇.....嘩~!!中英u,其他f....好型囉=~="我都唔想出聲話佢啦...唉....之後佢就返左房訓,我就上陣網. 　　個upload空間既ftp仲字用得呀~!!煩到死,我咪send左個e-mail俾果邊問囉....要用英文問,我整左好耐先可以send去呀...鬼咩,我驚自己d英文太差,d簡單既字都打錯/語法唔岩嘛...到時人地睇唔明就瘀爆啦^^"之後等左陣,就用到啦,原來有d野真係唔吹唔得家...哈,我個日記終於完全晒啦,我超開心呢~!!之後當然改左m+c果個post佢啦...不過我可能我冇吸引力呀,冇人reply既....嗚..嗚....之後又搵到d資料去post... 　　之後我發覺我又鼻敏感啦,頂唔貴只好食藥訓左陣.電話響呀,係亞俊呢~我仲以為自己訓到10點幾都唔知tim...原來唔係,我同佢傾左陣,佢就要繼續開工啦~加油呀~!!之後我再訓多陣就起身食飯lu.... 之後就教細佬填份ive表格,真係教到我發脾氣呀~!!亞媽見我咁,又鬧我好唔幫個細佬~"~咩野都要我幫佢填,幫佢睇....喂呀,我又點知佢想讀d咩野科呀? 　　之後亞俊打黎,我都唔鬼理佢地呀,入左房同佢傾....佢仲send晒d相俾我tim呀~!!今日我都有問亞旦叫佢send返d相俾我呀~而家我電腦內有好多相呀,而空間就越黎越少位啦^^"同亞俊傾完之後,就玩左陣電話、沖涼、開始心日記啦....唉....今日又7點先訓.....遲下我又變成一隻熊貓家啦....~.~"

>>August 14, 2004 at 9:45:08 PM GMT+8

2004 年 8 月 9 日 星期一 【雷雨】

	今日我又係只訓得4個鐘咋,之後就起身出去.我攪左好耐先可以出得門口呀~不過唔驚,因為亞朱、亞羊都一齊陪我遲到^^"我去到7-11門口時,見到亞朱同亞Bee都拎住飛煙,亞朱食我都唔意,我就係最介意亞Bee食煙(唉,始終我都係會太介意佢既一舉一動/.\)見佢地一路行一路食,我都已經唔想講野啦.之後出到去,因為冇房而我地就係門口等亞羊+房,亞Bee就不斷係度晒佢見過邊個邊個明星、歌星咁,講真,我唔見得佢穴係咁有料囉,不過我都冇出聲話佢.見到亞羊,我先開口講野咋....亞羊d皮膚靚左好多呀,而且好似比以前靚女左tim~之後我同亞羊都講左好多低能野,去到唱k都係傻左,但真係冇同亞恩佢地出黎玩時咁放囉....可能我就係唔鐘意係亞Bee面前癲+失禮人掛..... 　　唱完k之後我地行左陣就去左仙跡岩坐,我地就係度不斷影相,玩亞朱部數碼相機....哈,我仲同羊影左張就kiss既相tim呀...哈哈~冇耐我地就搭車返屋企lu.... 　　返到屋企,成日已經出晒汗...好~今日早d沖涼先~!!沖完涼就上網處理返我2個論壇既事務啦....咁當然仲有等亞俊既電話啦~ 　　今日佢都好夜先打黎呀!我同佢講開唔知咩野時,佢又話我日記又打錯字啦>.<"我明明send之前檢查過冇錯字先send出去家嘛,點解會咁家?(大叫中)....之後佢就一路同我傾電話一路睇我個日記.....唔制呀>.<"我唔鐘意咁呀.....有睇我日記既,講我知咪得囉,我就係唔鐘意人地係我在場既情況下睇我d野呀~!!好似將自己既心聲俾人睇晒咁,平時我都唔鐘意人地係我在場之下讀我icq info出黎啦,何況而家係我日記...?可能日記/icq info內講既野都係自己既心聲+想法,我自己又係唔鐘意有人係外表上太了解自己啦....亞俊而家係我在場下睇我日記,我會好難為情家嘛,咁同係人地面前全裸冇分別.......同亞俊講時,我同佢講:"如果可以俾我揀,我真係寧願全裸身體好過"...不過佢有睇我日記都好既,可能咁樣佢會了解得我多d啦,不過咁樣其實係好唔公平家~!!因為咁既話,佢咪會知道晒我既野囉(我又唔會因為佢而就住就住唔打d內容既)但我又唔知道既佢野bor...哼...可惡呀>.<"我知佢性格,一來冇時間,二來佢一定懶,所以我係唔會要求佢又同我一樣一齊打日記既....唉...就咁樣,一直不公平落去吧啦.....今日真係太累啦,同亞俊傾完,聽埋"絕情谷"之後就快快去訓lu^^"

>>August 11, 2004 at 10:34:41 PM GMT+8

2004 年 8 月 8 日 星期日 【陰】

	今日好冇聊呀~!!咪係icq搵下亞朱傾計囉....傾開話搵日約埋出傾計,叫埋其他人出黎,佢都話好呢~咁就佢去約人,當我食飯時,佢話不如聽日去唱k啦,係亞Bee提議既~!!咁我都ok猜所謂既,都只係想約下出黎玩下ja,但一知有亞Bee去,個心總係有d唔想佢去....唉...我同佢發生太多事啦,佢係最知我性格既人,都係我最信既人,以前佢點對我,我都冇所謂,但佢就係偏偏為左一個男仔而唔信我,當時果刻,真係完全心淡,我同佢都再冇野好講.而家話要我再見到佢,講真,我真係唔想囉.我不嬲同人講我係好記仇家啦.我忍耐能力係好好,但當我覺得反感/心淡時,我就一定記住~!!佢係知我既性格既,因為佢始終係最了解我既人.唔知聽日,我同佢會點面對對方呢?希望唔會係亞朱面前鬧交啦~!!點都好,我都唔想將我同佢既事係亞朱、亞羊同丸魚面前講,係佢地3個面前,我同佢都會係朋友黎既.......

>>August 11, 2004 at 10:04:48 PM GMT+8