Today....我終於忍唔到啦~!!
部pc幾日前就開始有聲出..
d聲時大時細....
好似d蜜蜂咁嗡嗡聲...好煩..
我諗係個扇葉多塵...
想開個pc黎吸塵好耐家啦
不過好驚入面埋藏左好多四腳蛇
而唔敢自己一個人開
(↑我屋企好多我最驚既四腳蛇)
今日終於忍唔到啦~~!!
叫我細佬一齊陪我開...
一開...嘩~~係勁多塵=~="
d塵黑色家...仲一舊舊咁....
我吸呀吸.....
唔記得左我係唔識開個散熱器家...=~="
只好吸d我吸到既地方....
吸完之後就用d牙籤刮d塵出黎吸
刮下d扇葉上面d塵...刮刮下...
跌左支牙籤入去個散熱器度=~="
整左我好耐先整返支牙籤出黎...
之後就插返d電線...
我一時唔記得左點插=0="
屎火.....插左好耐先插得返好...
之後打邊爐(其實亞爸亞媽已經打左好耐)
我去食果時已經得返d丸....=~="
算~照食可也...
之後就開返部pc睇下得唔得....
都係有聲既.....=~="
算啦...唔整啦...麻鬼煩...
有得佢壞啦..仲好...我有得買部新既...

好憎我lee部又慢又成日壞既電腦中

Today我都冇咩野做過....
食完又訓,訓完又食....
到左好夜先上ippp....
睇到有一個topic...
我reply,一路reply一路諗左以前好多野...
之前我既執著已經冇晒....原來我都有開心過
開心既日子雖然少
但始終都係開心過....
正如之前同亞婷講既係一樣....
"只要開心過,有得著,咁lee段戀愛已經好好"
"無論結果點都好,留下美麗既回憶咁就算"
之前,我都仲係好執著....
雖然把口話冇事,
但個心又點會真係冇事丫....
but而家既我,真係真真正正冇事lu~＊
美好回憶,我到老都會記住.....
而家諗返起都覺得自己好傻...
知道詳情既人都問過我,
"點解我唔老早就決定散?"
"點解發生左d咁既事,我都冇同人絕交?"
其實lee d問題,我都唔知點答....
果時,係我唔捨得,唔想....
而家都唔會啦...條刺已經好早唔見左...
雖然件事我會一世記住...
but唔好既事,我唔想再諗,唔想再記得啦...

好鐘意亞婷果句:
"我諗你真係開始大個啦"
我諗而家....我真係開始大個啦....
愛死你呀...亞婷^3^~

Today我好早就起左身啦....
um...about12點度啦
(其實都已經唔早家啦=~=")
食左亞媽buy返黎既外買之後
女人就打黎叫我陪佢出去食飯...
其實我都唔太想出...
不過如果我再唔出街,又會係屋企亂咁諗野
出去,好凍呀...
女人同我講左好多野....
其實有好多野,我已經唔想再聽咁多家啦...
我覺得好煩....
點解d人可以咁唔負責任
成日要身邊既人同佢執二攤,執手尾丫?
仲要唔知自己係錯,錯係邊喎...
次次有事先會黎搵我,個個都係咁...
喂~大哥大姐呀....
我唔係一定要幫你地做野家....
有好多野我係知家
只係唔想講出黎,又有排煩...
有好多野,只係你地以為我唔知咋
你地唔好以為我真係咁蠢先得家

有時,我好認同我細佬既一句說話
"朋友,係要黎利用家"
我,已經冇左一個好知己....
以後,
我都唔想再有知己係我身邊令我再失望多次
人心難測...而家好多人都有一個缺點
就係0係你面前扮到好fd咁,
係你背後就勁講你壞話....
前排我曾經係一個咁既人,我認
but同完亞婷出街之後,
我先發覺原來我漸漸變左做一個壞人
我唔想係咁,而家我會站係一個中立既立場
唔講咁多野,對我先係一件好事
因為我唔想有一日,個個既矛頭指向我
話我先係果個衰人
我唔想再俾人出賣,再俾人扼,
俾人係背後講,
我仲要好似個傻仔咁以為佢對我好

Today我又用左半日時間
黎寫返晒d日記呀.....都幾辛苦下...
而家個日記好似已經變左做周記咁啦..../.\
次次一到lee個時間,
我就要好辛苦咁寫返晒之前既野...
次次都會好後悔點解我日日得唔閒唔寫
係要儲埋一次過寫.....
唔得~我要開始寫返我既『日記』先得~!!

Today其實都冇咩野攪....
d時間真係快過呀...
話咁快就過左聖誕節、
話咁快就到左2004年...
lee2年我做過d咩呢??
連我自己都想知....
我唔係冇去諗我自己既將來...
而係唔想成日去諗,
因為一諗到自己將會冇將來
我就會好down,好想喊....
有時真係想搵個人黎橕住自己....
不過人係唔可以咁自私既....
坐係度係唔會有收穫,lee點我知...
我都唔駛身體既朋友黎教我點做...
today亞媽見到有個課程好似好岩我...
我已經申請左啦,不過要等面試....
丫~~~好驚呀....
不過我真係好鐘意讀lee d野,
我會努力面試家...
希望我又唔好講錯野啦/.\

琴日同小毛傾,問佢我做申請做板主好冇,
佢都話好....(要好好懲治d冇聊人)
而佢就做副板主,幫我答d我唔識答既問題
today終於有第1個人支持我地啦.....
(一定要有5個以上既人支持先做到板主)
um...全日黎講已經有4個支持我地啦....
我諗聽日應該會夠5個人數....
but唔知admin可唔可以
一次過升我地2個做板主呢??
而家有d擔心tim....
唔知點解today好似唔多見
小毛答人地d問題既...
唔通佢今日唔得閒?

哈哈...Today又出左去呀
我同亞婷出左9龍灣呀...
因為聽阿柔講
果度有間鋪頭賣d野又平又靚家...
不過我地去度,係搵唔到果個/.\
我地去左以前成日去食飯既shop食野
講左好多野呀...(不過多數係佢聽我講~.~")
我好開心呀....~!!
好耐都未試過打開個心,
想講咩就講咩野啦....
果時對住d fd,d秘密飛黎飛去
跟本都唔知應該信邊個好
唉...我已經覺得好煩啦....
而家同亞婷出街係最舒服既^0^~
9龍灣冇野睇,so我地返左去沙田行.....
我buy左好多野呀...
buy左1件褸...我好鐘意呀~!!
and2條耳環...
我終於buy到又靚又長又平既耳環啦....
之後先知原來好夜,要快d去食野啦...
我地去左連城上面既美食廣場食野呀...
先諗返起m+c有個女仔又係果度做...
我先度有個好熟面口既女仔呀...
好似係佢呀.....but又唔肯定bor...
so冇叫到佢...
哈哈...好攪笑...
原來果時已經冇得叫餐家啦....
我瘀左tim>~<"
之後我同亞婷食完野走果時,佢同我點頭....
i feel佢好好人呀^^~
之後去buy細佬既手信....

返到home,細佬話訓覺,叫我遲d叫佢食
1點幾果時叫佢...佢先話唔食喎=~="
下...我特登buy左果個係朱古力慕思
而家要我自己食返...唔太想食...=~="
嘩....超甜呀...想食死我咩....
如果係細佬食,佢一定好鐘意食家...
i feel浪費左個朱古力慕思/~\

我有個諗法...
係我同小毛係showhapy
傾開語法區既問題開始
就漸漸開始有既諗法.....
我想申請做語法區既板主.....
因為我日日都見到d冇聊人
因為語法區冇板主做黎攪事...
我實左睇唔過眼....
有次仲攪笑....有個會員好正經咁問問題
某某人入黎就問埋d唔關語法事既野
對串完一陣之後就去左"冇聊區"講
"我岩岩去完語法區玩黎,好好玩呀"咁
嘩,我同小毛即刻嬲爆....
"喂,亞小姐,你當語法區係咩野呀?"
佢仲要係"冇聊區"度問人咩野叫交流喎....
好明顯串緊小毛,小毛係勁嬲咁...
lee d事,成日都發生...
so我越黎越睇唔過眼....
好想申請做板主,管理返好個語法區咁...
唔想俾人當遊樂場咁玩....
不過我唔知自己做唔做得黎,
同埋果d勁多仇人可能申請唔到黎做....
唉....諗緊申唔申請好...../~\

Today開始,我要+oil打機,
因為13號又開始有活動啦
而家我要+oil up bb既lv先得...
咁我打寶果時就可以快d啦....
今次d寶好似好正呀....
唔得,我要打正寶~~!!
我上左上showhappy同m+c..
開始對2邊都冇心機啦....
唉...心淡中
我發覺而家m+c好亂呀...
d風氣又唔好,又多小人作怪
咁同showhappy有d乜野分別?

唉...偷我d野黎用既人,佢都係唔應
話係個fd send俾佢個喎...
我問佢可唔可能俾佢個fd既日記id我,
佢就已經冇reply我...
好明顯係心虛啦...哼...講大話都唔識講
講真,我唔信囉....
如果我見到個圖靚,
我都自己拎黎用啦,一定唔會send俾人用...
佢咁講...已經證明左佢既人格
偷,又唔應....~~!!小人一個....
我都唔明點解咁多人鐘意偷野家
真係好似自己大晒咁喎...
問都唔問聲就偷人地d野黎用
我而家要諗點樣+強防禦先得呀....
仲係好嬲中\"/