2005 年 6 月 23 日 星期四 【溫暖】

今日真係真係勁勁勁唔想返工...而且個天又好似落狗屎咁....真係想唔返...個鬧鐘響左好多次我都係唔至佢...之後我發左個夢:我係度訓,唔起身返工,之後公司打電話黎屋企,亞媽聽話我好累又病唔返工,之後亞姐鬧亞媽太仁慈,ＸＹＺ.....之後亞媽收左線就入我房鬧鬼我話令佢俾人鬧.....@0@"即刻醒左...望望個鐘,都係返工吧啦=~=" 　　死下恐下咁返工,本生我諗住返上午,下午同亞紅講早走家...點知成個早上都唔可以到亞紅單獨相處~.~"咁只好頂硬上繼續返工啦....當放工返到屋企時,上左陣網就返左入房訓...訓到11點幾先起身食飯....沖埋涼上陣網...又2點先訓....

>>June 26, 2005 at 10:01:35 AM GMT+8

2005 年 6 月 22 日 星期三 【炎熱】

今日一早起身已經覺得係好累了.....可能係琴日訓得唔好~?!又可能係因為落雨而唔想起身返工.....不過,我點都要起身~一出門口行果3分鐘既路,對腳已經濕晒,勁憎lee種感覺....返到公司時,又遲到了...不過我已經唔介懷lee樣野了...之後我就去左洗腳同抹乾少少條褲先去開工... 　　到左下晏,豪賢同我講話不如今日出去搵亞yen買i pod...~.~"講真我真係唔太想...一來已經好累想返屋企訓覺;二來今日出街聽日一定又會累死;三來今日落大雨又出去....真係唔想....不過見佢真係想今日出,咁我就只好打俾亞媽同佢講我今日唔返屋企食...之後又打俾女人叫佢出黎...點知佢話落雨唔想出,真係聽到我火滾....個賤人叫佢出,就算幾夜幾累落幾大雨都出,我叫一聲陪下我食飯都唔肯\"/~?!....哼...之後我又打俾亞哥...好彩亞哥肯出黎陪我食飯ja 　　之後豪賢又諗下諗下又話唔出喎@0@"...真係想激死我呀~!!我就同佢講唔出就算,之後唔好再叫我幫你出去買...到左放工我同豪賢2個一齊走,佢一個電話....之後又話"陪"我出=~="...陪~?!我唔稀釋~~哼~不過之後佢都係跟埋我出旺角. 　　咁我地就去左亞yen間百老匯買i pod,正當豪賢係隔離揀緊i pod時亞哥係度同我傾計...問我同亞俊點,亞哥永遠都係係唔岩既場合問d唔岩既野家~.~"我知豪賢係度聽緊我地既對話,所以我都無同亞哥講d咩野....(唔太想俾公司d人知道我d私人野...)之後豪賢買完就走左去....咁我同亞哥就去左行電腦商場...我就去buy DVD RW同CD RW....原來都唔平呢...我買左6隻CD RW同2隻DVD RW,咁就$52.....而亞哥就幫yen yen買左隻XP俾亞堅... 　　之後我同亞哥就去左食飯....哈哈~我地去左炳記食焗意大利粉....仲一路傾計...亞哥問左我好多野...我知佢係關心我,但有好多野我真係唔想多講...就算講左出黎都分擔唔到幾多野,咁講黎做咩~?!我只係同亞哥講左句,我覺得自己越黎越好似步女人既後麈,我都預計到亞哥既回答:"係丫,跟本就係."我睇得出亞哥真係好擔心我,我同亞哥講:"就算之後點都好,我一定會步女人後麈~!!唔會...一定唔會~!!"之後亞哥問我而家想點~?!將來想點~?!我都無點答佢...佢又問我點解會咁...原因係咩...lee個問題我自己都有諗過...但我連自己都分唔清究竟係邊個答,咁我又可以點諗之後~?!我同亞哥講:"lee方面我真係自己識諗,唔駛擔心我,係要擔心既,就去擔心下女人好過..."之後亞哥又問我細佬d野....我就將我細佬d惡行講晒出黎....連亞哥都話細佬變左好多...叫我睇住佢...睇~?!lee排係勁憎佢呀~!! 　　食完飯之後我地就各自返屋企lu.本生好眼訓既我竟然係車上訓唔著@0@"眼光光咁係度發呆...個腦又空白一片...之後返到屋企已經係11點幾...點知亞媽叫我去楊太屋企幫佢果幾個女整部電腦@.@"咁我就死死地氣去啦...睇左好耐...都係估中毒...咁ja係話一定要拎去整啦....叫佢地強行關機....佢地=0="....原來連關機都唔識.....(枉為大學生,而家都仲有lee d咁既人....真係=~=")當真真正正返到屋企時已經係點幾鐘....就去沖涼,再上左陣網...2點幾先訓....

>>June 26, 2005 at 9:53:39 AM GMT+8

2005 年 6 月 12 日 星期日 【晴】

琴日3點先訓,睡既期間都醒左幾次,好難先捱到7點幾訓得著,但我8點就要起身.雖然我訓得好少,但唔知點解覺得精神好好咁,應該話介好過訓夠既日子.今日全日精神都好好,係一D累既感覺得無...做野做野....雖然精神係好好,但總係覺得個心少左D野咁...係咩~?!我又唔知...當我做野時,亞姐行左過黎叫我今日遲D走,有野同我講....@.@"係咩野事呢~?!個心真係好驚...就係因為咁,我就將D野慢慢做.到左6點半,D同事都走得七七八八,但亞姐都仲未叫我,咁我就去問亞姐啦,就係咁我地2個人就去左showroom傾.原來亞姐通知我+我人工呀^^...+左6%...雖然唔係好多,但有總好過無嘛.但之後亞姐都叫我做事要大個d,唔好再好似個小朋友咁....之後佢又問我明唔明佢想講d咩,咁我話明白,點知亞姐問我明d咩講返出黎...我講唔出口呀....(羞羞>__<")之後亞姐就話我明就得,之後就同我一齊返返寫字樓,咁我就走啦... 　　之後就返屋企,亞媽問我點解咁夜先走...咁我就同佢講:"如果+你人工,咁你會唔會早走~?!"亞媽聽到之後仲開心過我自己=~="之後我就再無出過聲....總覺得今日好似少左d野咁....好想知係咩...~.~"

>>June 19, 2005 at 3:36:01 PM GMT+8

2005 年 6 月 11 日 星期六 【雷雨】

唔知點解,總係覺得今日好空閒,有d唔慣放2日假唔駛返工,一早就醒左幾次,次次都諗住今日要返工而醒,一望個鐘真係想起身,但諗諗先記得今日係星期日....~.~"訓下醒下....訓下醒下...就係咁訓左幾次又醒左幾次,終於頂唔順12點幾就起左身. 　　如常一樣亞媽已經出門去食野,我就上下網見下showhappy同mm+c,不過可能今日係假期個個出晒街,2個forum都係乜topic睇/需要我reply.....之後亞媽打黎問我食咩野,我諗左好耐都諗唔到自己想食乜....之後就決定事旦食少少野就算.當亞媽買野食返黎我食完時,都已經係下午3點幾lu...之後我就繼續整我個webpage....而家晒主要都係整多d素材出黎~!!其他既野,都整得七七八八....當七點幾時,新聞透視有講BT,我當然要睇睇啦....亞媽都陪我一齊睇bor....真係越睇越火滾....政府d人完全係扭曲事實\"/睇完個節目之後我更加想用BT dl戲睇....最後我都又用返BT...dl左唔少戲呀...我諗聽日就可以有得睇... 　　食完飯之後我就同choichoi傾關於showhappy語法區既意見.傾左一陣,亞俊打黎.咁我就N/A後入左房傾電話...亞俊好開心咁放左個英女皇壽辰後就唔記得左有端午節既存在=0="(真係無本心呀....kaka)之後無啦啦傾開澳洲可以出海睇鯨魚同海豚....真係好想去睇睇呀≧﹏≦"""亞俊竟然講風沖涼話,話佢隨時都可以去睇....>~<"哼哼...如果有儲到錢,一定要親身去一次睇真既鯨魚~!!仲要去到澳洲時都唔搵亞俊....哈哈~仲唔激死佢....YEAH~~(傻左~.~").... 　　大約傾左2個鐘度,佢就收線訓lu....而我本生都諗住沖涼家...點知常歡send icq問我有無Animator 5,咁我就send俾佢啦....點知原來要send成個鐘~!!我今日又想關電腦bor....~.~"煩緊之際,都係沖涼左先算....沖完涼都仲要等多半個鐘...咁我就再同choichoi傾左陣....傾到3點...終於send完,咁我就"拿拿淋"去訓lu....聽日....一定想死~.~"

>>June 16, 2005 at 3:22:41 PM GMT+8

2005 年 6 月 8 日 星期三 【晴】

襯星期六端午節先打返之前既日記....
lee排,實在太累了~.~"

>>June 8, 2005 at 4:27:42 PM GMT+8

2005 年 5 月 27 日 星期五 【暴雨】

今日我出門口時,已經知道一定又會遲到家啦....鬼咩,8點先起身仲要洗埋頭,整到我成8:35都仲要出門口....仲要一落街就走左一班車,又送車尾~"~返到公司時已經係07分lu...不過今日豪賢都係無打俾我問我要唔要早餐,所以今日我又無早餐食,咁只好又搵餅餅食啦.之後一開工,Jovie已經叫我有時間就去清拆貨.....我都知點都要拆家啦~.~"不過我都周圍磨下時間先,我同佢講我要整埋d賀禮+黃單先,佢聽到之後就叫我整埋d報單,對下d價錢岩唔岩喎.嘩~果份死人書目,又多書,d字又細粒,成張紙又黑到成舊炭咁,真係睇死我呀....Jovie仲要叫我對清楚d~.~"我只係是旦搵廿幾個item對左係岩就算...之後我先整我d賀禮....見到其實都唔多,真係慢慢做.之後Jovie又叫我有時間就幫豪賢將d信貼郵票,我就話我一陣先去豪賢個位拎,點知我做完晒我手頭上既野之後,問豪賢,佢又話自己整晒囉喎....咁ja係今日我點都避唔到lee一劫~.~"...我拎疊單出黎...間間都係勁難對既,咁我就揀左一張最易對既去拆貨....哈哈...仲要計岩晒時間12:55分就對好拎俾明月,之後飲下水水,去個toilet咁就名鐘啦^^v,之後我就打卡再同亞姐講byebye,點知亞姐問我就咩野咁準時走.咁我就同佢講我要去救人呀...佢點我救邊個~?!咁我就話我個fd俾個勁煩既男友冤住,我去救佢.之後亞姐就笑笑咁叫我小心d,唔好攪出事~.~"之後我就快快走lu.... 　　我同亞婷約左係火車站等,我就係火炭上車,佢就係沙田等我....我見到佢之後就同我講佢個有病男友既事...我真係覺得佢有問題家~!!1hr都未過就打左6次黎,亞婷無聽佢電話呀,我都話唔聽仲好.亞婷同我講佢d變態野,我覺得亞婷好似坐監咁~.~"仲要係一個出氣袋...我問亞婷想點...如果真係放棄既,就決絕d,唔好心軟,不過佢都係十五十六家啦...之後我地出到去旺角就行左去家樂green box唱k...嘩~!!雖然我地真係得2個人ja,都唔駛真係俾個2人房我地下話=.=^我都好耐未去過2人房啦...有d唔慣~~之後我就點歌歌...今日唔知點解,我地係一次過點full晒個list...亞婷仲唱到喊tim....不過我都明既,可能真係對佢有太大期望,而佢真係最有可能既,先會咁...我咁同亞婷講:"在於我黎講,因為我唔識佢所以我覺佢係一個勁差既男友囉,一個唔識尊重人既大男人;以為愛就等於要佔有一切既男人...真係寧願放棄,不過你地2個既事,真係唔需要問人地既意見,就算我叫你放棄,你自己唔想既,邊個都動搖唔到你."之後佢把口都話放棄,但個心~?!我就唔知啦... 　　之後我地唱到4點幾,出green box去家樂行下諗下去時,亞婷拎左個手提出黎睇...6個留言....4個miss call,我叫亞婷聽下d留言講咩都好,點知亞婷話唔想聽到佢把聲,佢將個電話拎俾我叫我聽完話返俾佢知...咁我咪聽囉... 　第一個留言:係打黎道歉,不過我聽落唔覺得佢係真心囉(lee句我當然無同亞婷講啦) 　第二個留言:問亞婷係邊,話佢已經到左新城市..哈~我覺得佢好蠢,入黎沙田搵亞婷等亞婷咁點解要去新城市而唔係去亞婷屋企樓下呢~?!? 　第三個留言:係度發癲,係咁係度鬧...我好記得其一中句:"你咪去出左去同d男人攪緊野唔聽電話呀?"@0@"痴線家~!!我真係無諗過一對男女朋友之間會有lee一句既存在,我聽到都勁嬲. 　第四個留言:扮死狗道歉叩亞婷唔好再玩....玩~?!佢只當係玩~?? 　第五個留言:去左亞婷屋企樓下,話就落雨叫亞婷見佢,話佢唔想再玩啦.... 　第六個留言:佢話容忍有個限度,叫亞婷即刻黎見佢... 我聽完之後亞婷問我點,笑左一聲之後叫佢自己聽一次,聽完之後一定會完全放棄lee個人.之後亞婷一路聽一路有表情...我同佢講佢第三個留言已經開始發癲,當佢聽完第二個時,佢笑住講同我講:"開始發癲啦~開始發癲啦~"@0@"亞婷傻左~?!??之後佢聽完,無咩野反應...我問佢覺得點~?!佢話今次一定唔會衰心軟...岩~岩聽...之後我話我無諗過佢連果句都可以講得出口,點知亞婷話之前都講過一次...我@0@"....唔可以原諒,真係唔可以原諒~!!lee句野完全係"武欲"晒個女朋友,有無用個腦諗過先講出口家\"/...我同亞婷講:"如果佢留言係為左鬧你既,之後又要tum返你,咁留黎做咩~?!多餘~!!跟本佢就係應為自己無錯,只係想tum返你先同你講謝唔住...仲要以為你唔聽佢電話只係玩~跟本佢睇死你唔會走左去,只係係度鬧情緒."..哼....自以為事...我最唔鐘意\"/之後因為亞婷要返沙田食飯...本生我想搭巴士返屋企,不過亞婷話佢驚...叫我陪佢搭火車....ok la...我地搭火車時,我同亞婷講:"小心d,因為佢男友變態家...都唔知會唔會玩同歸於盡...因為佢不嬲有咁既心態...一陣佢真係癲起上黎無啦啦吉一刀都唔掂~.~"出入真係小心d好,最好搵人係樓下接你啦."亞婷都係咁諗....之後佢係沙田落車,我就去大學....我到左大學之後亞婷打黎,話佢終於見到家人...放心好多...@0@"..亞婷真係驚成咁....之後我叫佢有咩野事就打俾我啦... 　　返到屋企已經好眼訓...不過又想睇電視bor...對住部電腦發呆...終於等到做新~蛃v妹啦...係我最鐘意睇既一套戲....雖然之前睇左2次,但每次再睇都係覺得好好睇家≧﹏≦...可惜我仲要睇新~蛃v妹2丫....好想睇...不過又無時間~.~"...睇完我想睇既電視之後我就搵人同我試個webcam...本生亞堅連我,不過好似唔得...咁我就放棄佢,見貽炫online,咁我就叫佢同我試啦....哈~!!終於都得啦...不過我個webcam好屎呀...d色都唔靚靚既..../.\"之後我地就用個webcam傾計...哈...我地都成2年幾無傾過計啦...我同佢都係係度講d無聊野...互串~!哈....好似以前既日子呀^^不過傾左一陣佢就眼訓訓左lu...咁我就上網睇漫畫...lee排都成日上網睇漫畫,某情度上都幾浪費時間....嗚...我仲有好多野未整呀...唉...只怪我懶/.\"

>>June 2, 2005 at 4:39:04 PM GMT+8

2005 年 5 月 11 日 星期三 【晴】

lee排太忙啦.....死到唔掂~.~"
日記...只好遲d再寫

>>May 12, 2005 at 1:51:29 PM GMT+8

2005 年 5 月 2 日 星期一 【晴】

今日我真係真係好累,一來琴晚訓得唔好.琴日第一日開冷氣,整到我差唔多一個鐘頭就醒一次,本生我唔知自己係凍醒,因為我一d都唔覺凍,只係覺得好無安全感,所以將所有既被被包住自己訓...直到7點幾,我先知原來自己係因為冷而醒.不過已經太遲,因為我7點9已經要起身返工.我知自己係應該要起身返工,但我訓係張床度,真係無動力可以令我起身,係不斷係度諗我有咩野動力,但我諗左好耐都搵唔到答案....但點都要起身家啦,起身..出門口..上車..落車..行返公司..食早餐....都係無咩野感覺,成個人就好似麻目晒咁,只係覺得對眼好痛好痛>__<"...但咁又有d咩野用~?!好彩工作可以令我忘記好多野...好快就到放工既時間,但今日我真係唔想返屋企,因為係屋企就一定會亂諗野...最後我都係7點先離開公司,係我一個人行既果段路,我又諗左好多野,但我已經喊唔出啦...可能要喊既已經喊晒,無咩野可以再刺激得到我... 　　返到屋企,只係上網,食飯,整webpage,真係好無無聊聊...最後都係決定打日記,一口氣打晒2日既野...而家個心,咩野感覺都無了....

>>May 3, 2005 at 3:11:46 PM GMT+8

2005 年 5 月 1 日 星期日 【晴】

今日我10點幾已經醒左,不過真係唔想起身.好累,身心都好累...本生我以為只要我喊一晚,第二日一起身就會無事,就好似我第一次咁,但原來今次係唔同家.當訓係張床時,個心都仲係好痛...我係度諗:其實點解會咁~?!我話過唔會再,咩野都唔做只係識得喊,但當我想忍眼淚時,就越想喊...其實點解我要咁辛苦自己,可能就咁放棄會令我過得好d,但真係白白放棄就算~?!記得初初,真係無諗過個結果係咁...因為我知自己一定會中途放棄,但點又智有誰會知我今次咁有耐心~?!我就係咁,一路諗,一路喊,有時喊累又訓返,一陣又醒左又喊...就係咁到12點幾... 　　我太肚啦,只好起身.亞嫖就煮野俾我食,不過我無乜心機,食左少少就無食lu.之後上網,感覺好迷網,都唔知去整咩野,去做咩野好...最後都係決定去打日記.就係聽日果篇,但打打下,我都係一路打一路喊...打完日記我就去左亞媽房睇聽日既大長今結局篇...睇完,咩野感覺都無...又出返廳上網,上左一陣,真係無咩野心機,就返左房度訓...可能因為喊得太多啦,真係好累,好快就訓著左. 　　直到食飯先起身,食左一碗粥之後就整webpage,終於用ftp連到上去啦...整左幾頁就沖涼返入房...本生我真係好想訓,但個腦又諗起好多野...之後又喊,今次喊係因為佢對我少少既承諾都做唔到,我唔知係佢做唔到定係唔願做...原來到左而家lee一刻,我又再次無地位可言...目標已經無左,咁我聽日要點~?!由聽日開始應該為咩而辛苦自己~?!一時間真係好無助,之後喊到流唔出眼淚,就只好眼光光攬住d被被同隻狗狗訓.

>>May 3, 2005 at 2:38:30 PM GMT+8

2005 年 4 月 30 日 星期六 【乍寒還暖】

今日約左女人出去行街街.本生係約左1:30係旺角聯合等家,點知個死人頭琴日打牌打到今日2點先收手,之後打黎同我講再3:00,俾佢訓2個鐘先.咁只好等佢啦(其實我9點幾已經起左身,只係不係度懶床ja>u<").之後我都係訓唔到就起身,食完個杯麵就係度整我個網站啦.我1開果個上載空間又死左啦,真係激氣,整到我用唔到ftp login,咁只好用返webpage upload野啦,點知upload左上去既網全部都有個空間既link bor...真係激死人呀\"/,整左好耐都唔得,咁只好出門口啦. 　　其實我出門口時已經係2:30,咁ja係話一定遲到~.~"出到去我地去左聯合買衫,不過因為太多人啦,整到我都無咩野心機行....仲要有時明明間鋪已經好細,又已經好多人,有d情侶仲要係度慢慢揀衫襯衫傾計,真係睇見到眼火爆.不過我係聯合都睇中左一件衫衫家,係寬身既綁繩吊帶衫黎家,都唔差家,本生我都好想買家,只不過睇價錢時....$159...睇完只好放返底啦=.=" 　　之後轉移陣地--女人街!行左成隻街,都只係買得一件衫,仲要係背心...唉..好想買外套呀...再下一站旺中!係lee個時候我同女人都已經係去到興奮既狀態,不斷係度勁買野,哈哈,我都買左3件衫衫呀....不過都係買唔到外套,本生我上個禮拜已經睇中左一件家啦,諗住今日買啦,點知個sales話最後一件,我check過仲要係走左線已,咁就算啦....超唔開心呀>__<" 　　之後我地就去搵亞哥啦,佢地係magic cafe等我地,我終於見到亞丸之前個女朋友係咩野樣啦....之後我地就去左食越南野啦...點知原來馬寶食完野之後要走喎,唉....我仲想睇下如果佢同亞堅撞頭會點tim...之後食完野,我就話想去行潮流得區啦...之後我見到一個好得意既錢缶家,係超得意+攪笑家,之後我入去鋪頭問幾錢,都幾貴下,不過錢唔係一個問題,問題係個錢缶只可以放5毫,1蚊果D都已經太大,一定入唔到....um/.\...好想買呀...不過都係只底走....勁唔開心呀...點解我最買既野次次都唔俾我買到bor...難得我一眼就睇中勁鐘意....唉...之後行完潮流得區,亞旦就打黎,話可以黎我地度,咁果時,女人話點解唔返入馬鞍山呢,果時我先諗起原來我傻左....咁之後緊係大人一齊返入馬鞍山先啦,亞哥都有同我地一齊入...之後我地等埋亞堅就去左一個新地頭坐..哈哈...之後就玩問責啦...點知亞哥之走左去對面講電話唔返黎bor....咁我,女人,亞旦,亞堅就係度講無聊野...亞旦佢地問我lee排點,又點我同佢d野...我都唔知點講,我答佢地:"無野好講",之後亞旦話:"想講咩野就講咩野"不過我真係唔想講任何野,眼淚已經忍緊,佢地係知,都已經無咩講落去.之後傾左一陣,我又好想去廁所喎,咪成班人拉大隊一齊去.之後佢地之話買野飲,女人又唔想行,咁我就陪佢一陣返去先.得我地2個人時,女人就問我做咩...我只可以答佢"無野",佢話我好明顯係有野...不過我無答佢...因為我知,就係因為無野發生過我先會咁...如果有野發生,可能會仲好d.女人問我佢係咪同我講左d咩,我話無...女人已經知咩野事,佢問我:"係咪有3個月咁耐",咁我只好答佢:"無咁耐"啦女人不嬲知我八掛,佢話我講佢有野講,不過lee一刻我真係唔想知.之後我地坐底左,佢又問我做咩野,我都係無答佢只係係度喊,佢講左一句:"無野又會喊既~?!"之後我同佢講:"要我放棄,係好容易既事",之後佢話:"唔重要都唔會喊啦,你捨得咩~?!"之後我話:"就算唔捨得我都可以放棄,但最難既係,放棄左之後唔好後悔",之後佢問我有無打過俾佢,我話無,佢問我點解,我話:"都唔知佢咩野時間得閒,咁點打~?!",佢話打過總好過無打,之後靜左一陣,佢係度講佢d野,佢話而家已佢,個心電圖係一條直線,無起伏,因為佢死緊.我都講...我係一個未判刑既死刑犯,可能已經決定要我死,但又唔俾我知幾時死,又可能我可以唔駛死,但又唔俾我知我幾時先可以出返去lee個世界,只可以無了期咁係度等個答案..... 　　之後佢地返左黎,又係度講左一陣無聊野就各自返屋企.之後亞哥有送我,仲借埋我個廁所tim~.~"佢走左之後,我就去左沖涼沖完涼岩岩3:00正,之後online見到佢,我hi左佢2次,但icq都係話error,send唔到出去.第三次終於send到出去,不過無回覆,我開住個icq,見住佢一次又一次online,offline,我心知我已經俾人離棄左,但我都俾個時間4:00,4:00我就會offline上床訓.但係一個鐘既等待,我已經係喊,直到我offline上床訓. 　　係床到,心情都唔多好...當攬住d被被同隻狗狗時,個心好痛...眼淚都忍唔住流出黎,今次,我再無忍眼淚,一路喊個心就一路痛...記得第一次心淡知道將要分手時,我都係咁.今晚喊左好耐,最終喊到累訓左都唔知....

>>May 2, 2005 at 7:37:41 AM GMT+8