2005 年 4 月 22 日 星期五 【晴】

釣命中

>>April 23, 2005 at 1:53:46 PM GMT+8

2005 年 4 月 11 日 星期一 【晴】

慢慢補返之前既日記中....
請睇以下日記先,有update過家~!!

>>April 12, 2005 at 2:49:34 PM GMT+8

2005 年 3 月 28 日 星期一 【晴】

打緊......遲d先upload返上黎^^"

>>March 29, 2005 at 2:03:05 PM GMT+8

2005 年 3 月 17 日 星期四 【晴】

電腦update中,請等等

>>March 18, 2005 at 3:28:19 PM GMT+8

2005 年 3 月 14 日 星期一 【微雨】

今日係新電腦到步既日子.我已經決定要早D返屋企整部電腦家啦.點知今日我又遲到bor~.~"一早返到去又係度數"大長今"既宣傳單張,係咁數又落箱出貨足足整左成日....我都唔知應該講做得好舒服丫,定係好慘=~=" 　　坐左係office成日好快就到放工時間,當我執好晒野準備走時,亞姐想叫我數多一間學校先好走@0@"咁我就同亞姐講我有急事,今日唔可以唔走啦...佢個面口立即黑一黑...之後都係放我走.咁我緊係拿拿林走啦~ 　　返到屋企門口,因為今日太多野啦,咁咪懶廢事係袋度搵鎖匙,咁就咁叫堅企人開門俾我.點知叫左勁耐都唔開門bor,仲要等左好耐先真係開門唔開鎖...激死我呀\"/咁我咪開口鬧鬼佢地囉....點知亞媽就向我發脾氣,我咪話:"你要發脾氣唔好向我發,係就向你老公發脾氣"一入到屋....亞爸亞媽係度不斷抹地,好明顯又有人做錯野令到亞媽係度發脾氣啦=~=".攪左一大輪我先可以入房換衫,換完衫出黎先知原來仲未買拖把,咁亞爸亞媽2個就出左走買.我就係屋企等佢地返.個心越諗越唔抵,早知我就唔咁早返,都唔駛睇亞姐既面色啦~.~" 　　之後佢地返到黎,都仲係黑口黑面,我都唔理佢地咁多,整左部腦先....不過有好多野我都未識整住,而且又無router,好多野都整唔到,之後都係整整下冇心機,走左去訓覺覺^^"

>>April 5, 2005 at 9:47:10 AM GMT+8

2005 年 3 月 9 日 星期三 【炎熱】

今日我又遲到啦...琴日亞姐已經"好借d依"話我+明月+浩然成日遲到,叫我地唔好再係咁,點知今日又遲到~.~"本生我想今朝早d起身沖涼先,點知自己又懶床....唉.....今日我都係整d宣傳單張,整左成日...好快就放工返屋企 　　我發覺呢排,我都成日諗起以往既回憶.係好多好多既回憶...回憶係細緻到一句說話、一個動作都好記得,好真實...就好似上一秒發生既事咁,我真係唔知lee排發生咩野事.如果係係空閒時諗起回憶都話正常,但點解返緊工做做下野都會冇啦啦諗起~?!今早發呆時、返工搭車時、做緊野時、返工返屋企時都諗起好多野,真係次數多得得人驚~!!一段段回憶就好似播碟咁不斷係我腦海出現.咁到底有d咩野含意~?!係個天要我不斷記起就快忘記既重要回憶?定係個天想我不斷維持現狀既心情~?!真係唔知個天想我點...正如今日放工,同浩然一齊行去火車站,佢講既所有野,我都好似聽過,真係好似曾相識~!!又令我諗返起唔少往事~之後我同佢講左句:"男仔冇個好人,只有有企圖既男仔先會對一個女仔好"

>>March 10, 2005 at 2:46:34 PM GMT+8

2005 年 2 月 28 日 星期一 【乍雨乍晴】

後補^^"

>>March 1, 2005 at 11:33:41 AM GMT+8

2005 年 2 月 8 日 星期二 【晴】

(補*)　　今日係年初一,又要去亞婆度啦...我9點先訓,亞媽2點就叫我起身.亞媽已經買左碗"差米"俾我食,不過我話要沖涼洗頭,亞媽塊面又即刻黑晒.話我沖左涼就無時間食野,我就話:"上車食囉"之後就走左入廁所沖涼.出門口等上車時,我就已經好後悔話上車食...我等車時,d人已經望住晒~.~"之後終於等到車黎,我同細佬就坐樓上車尾,之後就開碗野黎食...原來好高難道家,架車之成日轉彎,不過我都已經好叻家啦,食得乾乾淨淨.之後等到係官塘轉車時就飲埋杯奶茶,整個過程d人都望住晒....羞羞呀>~<" 　　之後我地4點幾終於去到...同年年一樣,d人多到個個企晒係走廊,咁我同晒個個拜年之後就同表弟妹佢地玩,玩左一陣就去食野啦....冇啦啦表姐拉住我捉手,叫我坐佢車,而家行,咁我咪跟住佢囉. 　　去到食飯...今年餐年飯都唔係咁好食...可能係因為我太訓覺掛...只係好想快快食完返屋企訓.最後食到10點幾終於可能搭車返屋企,返到屋企時已經係12點幾,咁我就拿拿林入房訓lu.

>>April 5, 2005 at 10:34:00 AM GMT+8

2005 年 2 月 7 日 星期一 【乍雨乍晴】

(補*)　　今日係年三十晚,照年年已慣例都係去亞"女麻"屋企食飯...整我地就下午起身妝身啦....7點幾去到等食飯,年年都係咁悶,年年都係果d"食送",但我同細佬都無出聲,因為我地只係想快快食完飯就出街.話晒今日都係年三十,咁緊係要去年宵啦.咁我等埋女人出門口,我就係沙角村出發,等佢等到11點幾先出門口,果時亞"女麻"叫我同埋表哥出門口@0@"我最憎就係佢,仲要叫我同佢一齊出,不過人地叫到我又唔好意思扮聽唔到,咁只好一齊出啦. 　　出到門口,我同佢都係傾d無聊野,佢話佢同d fd出去旺角落bar,傾左一陣就各行各路啦.我係九龍塘轉地鐵約左係sogo門口等.果日我,女人,女人2個同事一齊行,行行下,我地撞到博士同一個幾靚既女仔一齊行,仲要係行得好埋果隻,撞口撞面都見唔到我地,之後女人好大聲咁叫博士,佢都聽唔到...哈哈..專心成咁,一定有d野~!! 　　之後我地就行入維園,真係好多人呀,不過比起上年係已經好好多家啦,起碼無落雨先啦~!!之後我地就行黎行去睇左目標先.之後我見到有好多公仔都好想買家....不過我屋企已經多到放唔落=~="行行下,我地撞到亞旦,同佢係showhappy識既fd,又撞到SMO同佢女友喎,今日都唔知做咩,係咁撞到人~.~" 　　我地行到4,5點,就開始買野啦...(因為lee段時間係最平家嘛~!!)我見到我上年買果隻狗狗,本生想買一隻俾我細佬,一隻俾亞俊家.不過果檔野死都唔肯平,買15蚊一隻,我上年都係買8蚊隻之嘛>0<"之後仲收埋檔tim....\"/當我好無心機時,女人就名我講,有檔野,俾10蚊就可以入去抱一次公仔,咁女人個同事(男仔)就俾左10蚊入去,佢拎左廿幾隻公仔出黎,咁我地就搵左個空地分公仔啦...我地幾個女仔就各搵目標,哈哈,我都拎左唔少呀...隻隻都好可愛家~!!之後我同娓娓就搭681返屋企,返到屋企時,已經8點幾lu.訓一陣又要出去拜年~.~"

>>April 5, 2005 at 10:19:32 AM GMT+8

2005 年 2 月 6 日 星期日 【微冷】

(補*)　　今日係年二十九.係今年最後一日返工,不過都係做到死...搬搬抬抬自己唔少得,不過今日都算少野做,好快就收工. 今日要去將軍澳表姐屋企食飯,本生我以為有好多人去啦,點知原來得我地一家人去=~="要由火炭去將軍澳真係勁遠,要搭火車轉地鐵,仲耍轉將軍澳線,真係山長水又遠=.=" 　　去到,先知我係最早到,悶到死呀...真係好想訓...等等等,等到8點亞爸亞媽先到,8點先開得飯,食盤菜呀...之後有我最愛食既魚翅,雖然亞姨煮既冇姨丈煮既咁好食,不過都唔差丫,我食左2大碗呢≧﹏≦仲有外買拎走tim....呵呵..當返左屋企時,已經11點幾,真係勁眼訓呀~~ZZzzzZZzZzzZzz

>>February 20, 2005 at 8:53:27 AM GMT+8