2004 年 6 月 30 日 星期三 【晴】

國慶？
遊行？
有關以上兩種行為, 今日我一樣都無參與過
全日都 hae
不過都算 hae 得過癮
起碼都有好多人陪
唔使留響屋企發呆

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
約左蔡迪輝十二點旺地恒
起身時間為十一點九
佢十一點十打黎
對答如下：
蔡：喂，唔該譚博威呀！
譚：係
蔡：(聽不清楚狀) 喂，唔該譚博威呀！
譚：我咪係譚博威咯！
蔡：(聽到個粉人仲未出門口, 灰晒) .......................

報告完之後談記打黎
一路行出門口一路同佢 hae 傾
傾到我去到新森林會合食飯兵團
簡直係驚天地泣鬼神既世紀 "長途" 電話
其間佢不斷叫我勸阿一去睇 Times 表演
不斷同佢糾纏
搞到我都唔記得原來我都要畀手機錢咁
@ _ @

最後統計
今日單係浪費響同談記無聊既分鐘多達卅分鐘
仲要係有多無少
淨係討論佢同唔同我地一齊食飯就已經用左五分鐘
唉.....
可惡既談記！

同豬 ray, 肥仔, "姓盧", 蔡迪輝, 仲有好耐無見既周振聲食飯
阿一勁遲先黎
佢同談記黎到既時候我地就要返 DB 咯
意欲退出音樂界既肥仔就自己一個人離開左

五個人坐的士上 DB
畀羅姓火星人同蔡 7A 打電話叫我地快 D 返到
搞到我以為好趕時間
點知去到高老師都未到
一直等到阿一食完飯同談記上到 DB 先正式開始

一直都係 hae 玩
有時真係令我好失望
今日情況依舊
差 D 令我絕望
好彩臨尾錄音都總算玩得不過不失
大家表現尚算認真
玩得唔算太好, 但係誠意搭夠
如果我面前既揚琴每個音都低番半度就更加好啦

練完就去聽曹艦長 Briefing
曹艦長風趣依舊
講左咁耐野, 依然可以保持到無字不廢既紀錄
吾等不及！
聽佢講野, 就好似以前上堂咁
有一種上當既感覺.....

同侯 "很揚" , 一, 豬 ray, 談記去許留山食糖水
"很揚" 好豪地請我地食
呵呵~~~~

去皇雀會篤波
成功令談記無得去睇表演
有 D 唔好意思
唯有令佢開心 D
叫佢一齊篤波

篤到七點走
一個星期唔夠荷包蒸發左四百幾蚊
無錢食飯
結果望住一, 談, 仔仔 + SMC 四個人食

去新之城打機
打到咁上下就走

同卡卡 chat
佢畀佢媽媽軟禁在家
連去游水都畀人話浪費金錢
日日咁困響屋企唔健康架

同佢鬥快 send msg 畀一講生日快樂
輸左請飲野
結果........
哼！我嬲！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
戀愛你會付出多少？

你有53分(分數為53-71)
你談戀愛誠懇而又真心，但可能你不擅於表達，所以你的心意往往未能令人領會。

http://naco.uhome.net/love_test/mc1.htm

唉....
正中要害

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
愛

愛不是生命的全部．但生命是絕對不能沒有愛的存在！
若缺少了它
你的生命會完整嗎？你老了會開心嗎？
人生裏能找到自己最愛的人是頗難的事
放棄跟自己最愛的人表白
你真的會甘心嗎？你真的不會後悔嗎？
如果你和自己不喜歡的人一起
你活得有意義嗎？自己活得不快樂？

連試也不試向他 / 她表白？
還是扮大方
"拖" 比受更為有福？？

雖然表白未必有用
但機會總不能讓它白白錯失
能向自己最喜歡的人表白
你便已經在你的人生踏出了精彩的第一步

>>July 1, 2004 at 4:54:46 PM GMT+8

2004 年 6 月 29 日 星期二 【晴】

交收書居然會變成交換書
始料不及

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同笨神閒 hae 既時候佢睇小我八點幾起唔到身
今朝特登早 D 起身
望下個鐘
十點幾
果然抵畀佢睇小
唉...... > . <

由於太灰既關係 (要係要畀人睇小)
又訓過
十二點半先再起身
咦？！
好似我約左笨神一點架喎
十二點九出門口
但係完全唔怕會遲到
點解？！
約佢響九龍灣等之嘛
搭地鐵去唔使五分鐘喎~~~

去到九龍灣
正準備出閘之際
居然撞到 LSGI 既 Kenny
講起佢就黑仔咯
尋日先搵到份品質管理既工
今日就唔見左銀包
仲要等人黎接濟佢

佢不嬲都係一個成日唔見野既人
上個月先唔見左張身分證 (成個銀包響度, 居然會淨係唔見身分證)
之前又有唔見手機既紀錄
佢已經好醒目地用扣扣住佢部手機
但係佢個銀包就無扣
所以......
睇怕遲 D 佢都要用扣將佢身上面所有野扣住先得咯~~

同佢傾到唔記得時間
要佢提我先記得我約左笨神
太笨啦~~

到左目的地, 佢未到
等
等到佢打畀我
佢話佢仲搭緊車
仲改左地點去淘大

好似無講過做乜今日要約佢
之前借畀佢本 "如痴如醉" 佢就睇完
但係家姐未睇, 所以要佢還畀我
本來佢平時星期四行開我屋企附近教琴
不過今個星期四佢好懶地以假期為藉口唔教琴
結果就變左星期三 (即係今日) 還畀我

去到淘大 KFC
搭枱等左一陣佢就黎到
一齊食飯
佢還番本書畀我既同時順口問我近排有乜書好睇
我推薦董橋既書佢睇
仲畀左我個袋其中一本 "董橋" 過佢

本來諗住還左果本董橋
宜家有專人幫我減輕負擔
^ ^

今個月第二次食晏 (第一次係星期一同O者喱仔)
經過一個月無食晏之後
腸胃開始唔多習慣呢個鐘數塞野落肚
又食唔晒
尋日同阿一講我食唔野晏既時候, 佢都覺得好難以置信
估唔到今日又係咁.... : \

食食下有一家人坐我地隔鄰
其中有個小朋友好得意
仲成日 "膜拜" 笨神
真係 "燉" 個小朋友可憐
咁細個就受到笨神既荼毒....

一路食一路吹水
間舖頭一開頭勁多人
到我地走既時候
我地居然係最後一群顧客

同佢閒逛三聯
佢今日要去佢琴先生屋企, 同 Suji 練四手
聽佢講佢同 Suji 練 Mozart 既四手開始有 D 進步
起碼 1st movement 夾到拍子
快 D 練好啦
我想免費聽多幾次 ^ ^ "

Call 埋 Suji 一齊行淘大
行行下佢地講番佢地約左琴先生三點半
但係好似過左半個鐘啦喎....
於是佢兩個就好趕地去佢琴先生屋企
"趕" 到有時間周圍睇耳環.....

送埋佢地去 podium 就走
行去三聯睇書
睇完兩本書, 再行多一陣先捨得走
咁就六點幾咯

聽日要早 D 醒！
誓要笨神跌眼鏡！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幸福其實可以很簡單
越是簡單的幸福越是幸福
因為越簡單，大家越不在意
越不刻意，人便會在輕鬆的狀態去接受幸福
幸福的感覺便在簡單的情況下生長出來

所以我們越是刻意尋找幸福，我們越是找不到
只要閉上雙眼，合起耳朵，用心去感受
我們才能感到幸福的感覺

不要誤會只有睡著才能得到幸福
幸福的感覺會令你再仔細去望著你深愛的人
試圖閉著眼用手去撫摸及感受他的臉
幸福會令你不期然倚在他的肩上
企圖用頭去感受那幸福的感覺

幸福就是這麼簡單
如果你沒有感到幸福，就算你做同樣的動作
也只會得其形也不得其意

>>June 30, 2004 at 4:18:20 PM GMT+8

2004 年 6 月 28 日 星期一 【晴】

全日最高溫度為攝氏卅七度
絕對有機會熱死

一連兩天十二時後纔歸家
想必是為了驅散前些日子呆在家中的夢魘

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
於床上輾轉至五點纔能安寢
十二時起床時自覺精神尚屬飽滿
然有頭痛之苦
且非一般頭痛, 竟乃是宿醉之痛
耐人尋味....

舊電腦有得上網無得打機
新電腦有得打機無得上網
徒嘆奈何
唯有兩部電腦一齊開
打機打到咁上下行去睇下有冇人搵我
結果發現阿一, Jerry, 談記都搵過我
但係到我行到覆 message 既時候
Jerry 已經 off9
而談記亦等左成個鐘
實在太唔好意思啦~~~~

尋日 Timo 約我同阿一食晚飯
原先諗住搵埋汪汪
但係佢唔得閒
阿一四點幾去教佢琴 miss 個仔敲擊途中打畀我
我亦亳不留情咁浪費佢既電話費黎吹水

六點出門口
六點半去到目的地
Timo 最遲黎
因為大伙兒都缺餉, 行去唯一食

食完去左惠康買野飲
起初想買維他, 但係太貴
買左三枝唔凍既啤酒飲
講真, 唔凍既啤酒真係好鬼難飲

阿一話佢近排響屋企成日飲啤酒
難怪佢個肚腩又出現番啦~~

去新基地打機
不勝酒力既我又訓鬼著左

行城門河畔
行到好鬼熱
結果走去西田
咁都撞到同媽媽行街既 "蟹妹"
唔講起都唔記得佢係眾人既阿媽, 亦即係 "姓盧" 既老伴

告別蟹妹又繼續行
本來行去搭車返屋企
點知行到第一城既某處
阿一熱到流鼻血
三個人於是坐左響某張石櫈度
吹水..........

言不及義直至點幾鐘
去便利店買野飲
但係好快就變左我同阿一每人食左個飯當消夜
食完晚 Timo 搭的士返屋企
我就搭小巴出旺角
再轉車返屋企

兩點半先返到屋企
望到笨神既 ICQ 留言
見唔到佢 On9, 覆左佢留言
過左一分鐘佢就覆我
佢個 ICQ 真係有 D 奇怪
佢唔同我講野我就見佢唔到
佢一同我講野我就見到佢
但係佢又唔係 invisible 我
實在係耐人尋味....

同小談腿 hae 多陣
咁就四點半咯.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
I said to the man who stood at the Gate of the Year,
give me a light that I may tread safely into the unknown

--by Minnie Louise Haskins

>>June 29, 2004 at 8:31:32 PM GMT+8

2004 年 6 月 27 日 星期日 【晴】

O者喱仔今日講佢 Yr.1 先接觸 "阮囊羞澀" 呢個成語
令我感到十分奇怪
奇怪既疑惑如下：
1. 以佢既中文水平, 居然係 Yr 1 之前唔識呢個成語
2. 由於佢居然唔識呢個成語, 對佢成日都話窮抱有好大既疑問 (這個成語係我山窮水盡既小學階段就識...)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
三點半就訓
尋日約左o者喱仔同蔡迪輝 12:30食晏
結果 12:20 先起身
打畀佢改為 13:00

去 "面舖" 食
打畀蔡迪輝佢話出黎門口
隔左幾個字打畀佢, 佢可以仲未出到門口
究竟係佢屋企大, 定係佢會響屋企蕩失路呢？

當我地餐茶都飲完既時候佢卒之趕到
但係因為缺餉, 佢都無食野
太無聊既關係
行上新世紀諗住睇戲
發現無乜戲好睇 + arm 時間睇
唯一既 "Troy" 又因為o者喱仔又睇左
最後都係心灰地離開

一路行一路諗去邊
決定去 "皇雀會" 打牌
三缺一
call 汪汪, 但係佢唔得閒 (希望佢可以得閒啦....)
行到火車橋都搵唔到腳之際
天幸陶俊彥行過
三個老鬼響佢唔知發生乜事既情況之下拐帶左佢走

行到 "皇雀會" 佢醒覺
畀我地捉左入 lift
出 lift 佢都仲要反抗
當然, 佢係無機會成功啦.......
結果
本來要上去幫手分組既佢就畀我地 "誘拐" 成功咯
^ o ^

打到六點就走
每位 $50
同睇戲差唔多

上 DB 練
練到八點幾先完
明明已經係老鬼, 要我一手一腳執班細佬既問題
仲要係 D 好基本既問題
覺得好詭異, 亦好唔舒服
點解國樂會淪落至此？
後繼無人乎？

練完同侯 "很揚", 豬 ray, o者喱仔 & 蔡迪輝食飯
去左一間上海館子食
成日行過, 居然唔知有間咁抵食既舖頭
枉為旺角人

食完飯散剩 "打牌團"
約汪汪去食女人街既 "老友記" 糖水
幾抵食, 坐得又舒服
下次又去下先

食完糖水, 去 Game Zone 打機
望到三味線機, 呆左
呢款機如果我都玩唔掂, 相信唔使話畀人聽我係玩彈撥樂架咯~~

打到兩點幾
去亞皆老街 "牡" hae 坐 + 吹水
兩點十離開
三點鐘上小巴
三點四就歸家咯

笨神居然仲未 off 9
仲好好奇咁問我做乜咁遲 on9
佢個 ICQ 可以隨心所欲地 invisible 人
同佢 hae 到四點一佢就訓
我就打埋日記 + check e-mail 先訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
A girl asked a guy if he thought she was pretty, he said...no.
She asked him if he would want to be with her forever....and he said no.
She then asked him if she were to leave would he cry, and once again, he replied with a no.
She had heard enough.As she walked away, tears streaming down her face
The boy grabbed her arm and said....

You're not pretty you're beautiful.
I dont want to be with you forever. I NEED to be with you forever.
And I wouldnt cry if you walked away...I'd die...

Isn't that sweet?
不過有冇人會咁無聊真係咁答呢？

>>June 28, 2004 at 8:31:53 PM GMT+8

2004 年 6 月 26 日 星期六 【晴】

大熱天時 (無 33 度都有 32 度半)
一大班傻仔傻女成去做左一件好笨好笨既笨野－－
燒炭......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
未夠九點就起身
自己都有 D 驚
尋日話就話三點半上床
但係一路典床典蓆, 四點都訓唔著
今日居然早成咁起身
又好精神 (起碼唔會再訓返呀~~)
難得
繼續保持住呢份難得, 相信更加難得

沖完早涼打機
精神上好精神, 行為上好頹廢

約左麥觀三點三響筲箕灣地鐵站等
三點就到左
佢打黎叫我幫佢同蕭栢康買拖鞋
人生路不熟
結果見到某鞋舖既拖鞋太貴
最後都係等埋佢一齊去買
佢熟路 D 嘛！

買完拖鞋
順手買野飲
發現無見麥觀咁耐
佢都仲係一個不折不扣既粉人
既然佢咁粉, 我都無理由唔同佢一齊粉架嘛
由入石澳既時間, 到燒野食
好似都同佢粉埋一堆
真係過份到我自己都頂唔順

原先我諗住搭巴士入石澳
但係麥觀話小巴快 D 入到去
貴少少都無所謂
我唔介意既
佢識路咪得咯
結果搵極都唔知個小巴站響邊
要問附近舖頭既事頭婆 + 小巴同業先去到小巴站

無驚無險上車
間小巴去石澳 $8, 去大浪灣 $10
無去過石澳既麥觀同我都以為去到石澳先會去大浪灣
點知原來架車因為路線關係
行左去遠 D 既大浪灣, 先行番去近 D 既石澳
嚇到我同麥觀差 D 以為搭過站
好彩
大家夠鎮定, 無驚無險到石澳

之前話有十數個人燒炭
但係結果只係得文妹 + 男朋友 + 文妹's frd * 2 + 麥觀 + 我 + 肥仔 + 蕭栢康八個人
蕭姓粉人仲要早走
不過佢都真係走得可怕
走既原因居然係因為佢阿公 (定係阿爺呢？唔記得添.....) 跌親入左醫院！
咁佢當然要去醫院探老人家啦

燒炭之前有大伙兒 "透" 爐
粉人既麥觀同我自恃係老鬼而唔幫手
趁機走出沙灘
美其名係落沙灘行下兼浸下水
實則係 "目及" 女 (係麥觀O者, 我真係浸水架咋....)

泳灘上既人好多
目不暇 "目及"
不過石澳海灘真係好細, 加上今日人多
搞到好似好迫咁
熱鬧, 但係我唔係咁鍾意

我個人雖然唔 "闊"
但係人多始終好似好易撞到人
又或者好易畀 D 活躍既人既 "武器" (好似飛碟, 排球....) "襲擊" 到咁

六點左右開始燒
燒到七點半左右大家就開始棄機
文妹's frd 先後乘機 "快閃"
堅持到最後既, 只係得五個人

燒到咁上下大家自由活動
我同完肥仔 hae 換水洗手
之後又同麥觀玩水
事實上文妹同佢男朋友無乜點理我地幾個
而麥觀之前又唔識肥仔
所以到最後都係三個人一齊吹水
唔係既就一定有一個人畀受冷落
當然
咁耐無見麥觀, 自然會同佢吹多 D 水
唯有辛苦肥仔咯

八點九熄爐
居然落雨
走得好狼狽
搞到我連鞋都著唔切
著住對拖鞋行出馬路
五個人截的士出筲箕灣
問的士大佬出筲箕灣幾多錢
佢話七十五左右
還價七十
成交

出到筲箕灣
都只係七十六左右
果然係精明既的士大佬

五個笨人有地鐵站唔落
響條無瓦遮頭既街計數
仲要由一個計極都計唔掂數既人 (即係文妹) 計數
笨到無倫
大家快快樂樂地做笨神既子民
@ _ @

搭到北角三個粉人轉車, 一對璧人就繼續溫馨
之前我記錯響北角轉車唔使行上行落
結果都係要, 仲搭多一個站 (本來就係唔想行上行落先去北角, 否則就響鰂魚涌轉車)
畀兩個粉人鬧....
搭到彩虹
兩個粉人居然捉住我, 唔畀我落車
到鑽石山先放我
三個人一齊落車
一個可以直接返屋企 (肥仔住星河明居嘛)
一個轉車 (麥觀住大埔)
剩返一個好唏噓既粉人要戇居居咁搭倒頭車返彩虹..........

行出地鐵站
好彩無落雨
唔係就要踢著拖飛奔回家
加倍狼狽

是日收獲：
1. 一袋荔枝 (一粒荔枝都三把火, 燒野食居然買荔枝, 無應 ~_~"..........最後都係無人食過, 畀我成袋拎走左)
2. 半包棉花糖 (經典燒唔晒既物資)
3. 麵包大半包 (麵包滯 "燒")
4. 抹手紙一卷
其餘既生熟食物
就咁葬身石澳咯......

同卡卡 chat 左一陣中樂改革既 concert
佢就匆匆 off9
反而同阿一 chat 就每次對答都一人一大段野
發呆 @ _ @

教左佢一句警句
居然無錢受
蝕錢咯~~~~~ > . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
信心不足的人經常胡思亂想, 疑神疑鬼
擔心事情的發生, 卻是沒法挽救...

事情要發生的, 擔心也是多餘
應該對自己有信心
自己嚇自己不但於事無補, 反而令自己精神衰弱

相處貴乎坦誠
整日猜猜度度不是辦法
最完美的是既不會令人覺得煩厭
又可令人感到備受重視

世事並無完美
但求無愧於心

－－與某人 ICQ 內容之總結

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
返大陸學英文

例子一：
專業汽車大包圍
The Profession car is big to surround

例子二：
熟食計價處 (即 "收銀處")
The familiar food make sures the price

例子三：
干貨計價處 (干, 即乾之簡體字, 此處須翻譯之為 "幹" 字)
Fuck the certain price of goods

>>June 27, 2004 at 5:19:01 PM GMT+8

2004 年 6 月 25 日 星期五 【晴】

做一個有決斷力的茶客

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日靜靜坐在家中
消化昨天聽過的音符
同時為明天可能的勞累做準備
人生每日有不同的任務
而生存在世, 就是為了完成大大小小、長長短短的總總任務

陪伴雙親安坐家中
渡過一個安寧而舒適的下午
至於早上.....
人家還沒有起床嘛~~~~

十二點幾畀O者喱仔既電話叫醒左
聽完電話想繼續訓
但係唔成功
起身
執左一陣野
望住同樣呆在家中的老父打機
太無聊
於是走入房聽歌

今日好得閒, 無乜野做
本來要返 DB 練野
但係實在唔忍心再返去聽到佢地班友仔玩 "台灣民謠" 玩到一團糟既樣子
寧願佢地呢兩日練好 D 先返去

麥觀打黎
邊吹水邊講聽日燒炭既事宜
經佢一輪精密既分析
都係同佢一齊入會好 D
約左佢集合時間就收線

睇書
睇網上文章
安逸而無聊
但係好舒服
也許
今日的我, 是寂寞, 不是孤單吧

十一點幾 TIMO 打黎吹水
閒 hae 左好耐
無啦啦收左佢線
又無佢屋企電話
結果拎住果電話戇居居等佢打過電話黎
等到打完篇日記都杳無音信

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
先看一個問題：

你是一個怎樣的食客呢？

未入茶餐廳的你，心底裏已想叫雞扒包，但有點昂貴
坐在卡位時，看見下午茶大特價，十元西多士
比雞扒包便宜多了
究竟叫雞扒包，可以食飽些、食好些，還是選擇便宜點的西多士？

心底裏其實最想吃的是雞扒包
侍應也等得不耐煩似的
還是再問她一次雞扒包是不是沒有特價
答案當然也是沒有
在短時間內作出決定，金錢戰勝了慾望
不情願地選了西多士
其實回答侍應時並不堅決
侍應也等了一會才下筆
就在她下筆的一殺那，還是改變了初衷
叫了雞扒包，心底裏的答案戰勝了金錢的誘惑

每天猶豫不決的食客太多了
反口或再叫自己已有答案的選擇大有人在
人生有太多的選擇
去酒樓有不同的點心
去餐廳有abc套餐
自助餐更有數之不盡的選擇
問題只是你決擇的態度而矣

面對二位情人的決擇
不知道選A還是B 好，找人傾訴聽取意見
其實那些找人傾訴的人心底裏已經有答案
就算那一刻被友人說服了另一個選擇
始終最後也是心底裏已選定的答案
因為每個人心底裏已有答案
在選擇中尋找已有結果的答案

問一個自己有決擇的問題
倒不如直接向你的決擇邁進

你又是怎樣的一個食客呢？

>>June 26, 2004 at 4:38:08 PM GMT+8

2004 年 6 月 24 日 星期四 【晴】

要破解日夜顛倒的夢魘
首先要做的
竟是把日與夜來個大反身.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十點鐘起身
自己都覺得好出奇
本來有 D 想轉個頭再訓過
最後都堅持唔訓
沖左個涼
跟手打機
咁就過左一個愉快既早晨

之前O者喱仔好似約過我今日食晏
但係掛著同 Vanessa 吹水
遲左出門口
記得約食飯都已經點九咯....

返到 DB
撞到豬 ray
同佢算係搭左陣訕
之後就上 lecture hall hae
上到去高生未到, 要蔡 7A 指
結果都係落返國樂室訓覺

訓醒阿一到左
同佢閒 hae 左一輪再上 lecture hall
無琴練, 亦無心情練
佢地實在玩得太差
連形都未有, 點夾喎！！
坐左響敲擊群度 hae
仲好得閒地幫手打小鈸

仲有一個星期
希望一個星期後演出成功啦~~

同阿一 + 候 "很揚" 組成 "快閃黨"
五點幾就閃
落到旺角
阿一約埋響旺角準備購物既談記
兩個茂利陪一粒燒賣行新之城

等緊談記之際撞見 "泥 + 輪"
佢同我地講左一個好好笑既故事
好笑到想死
^ ^ "

同完談行完之後都只不過係六點幾
去葵青又好似早得滯
於是陪阿一去尖咀等佢同老拎幽會
等左佢成七個字先出現
同阿一不斷咁 hae 時間
真係好 hae

笨人老拎出左手機
今日佢同阿一就可以用手機聯絡
唔似得以前要約實時間地點咁死板
不過同時亦令老拎笨既一面曝光
我同阿一明明企響閘口
佢居然睇唔到
仲差 D 要打電話搵阿一
果然係笨神既子民
呵呵~~

老拎既姍姍來遲
差點令我聽 CO 遲到
好彩去到葵芳都仲有一個字
好彩葵青劇院同地鐵站好近
好彩.....

最衰都係老拎
搞到我食唔切飯
要空肚去聽表演
肚餓聽表演好易眼訓架嘛
死老拎！！

一行入葵青劇院就見到肥仔江
入場又見到大大佬企響度
聽聽下仲見到朱道忠同英輝
唔使練 YCO, 又唔使練 poly
所以好多人都得閒黎聽 Concert

開場既 "豐收鑼鼓" 玩到好激昂, 正！
阮仕春彈野經常都有沙石
所以都無乜期望今次會有驚喜
果然
"雨後庭院" 玩得不過不失
算係中規中矩
咁就上半場

下半場頭兩隻彈撥樂合奏, 好明顯聽到中大阮咸既聲好和
合奏聲色算係唔錯
日本仔既革胡拉得好過癮
不過都唔夠高揚拉得過癮
佢玩果隻改革二胡玩到好 high
不過佢個人就唔算好勁

郭雅志玩左隻好搞笑既小放牛
之後又玩卡門
跟手玩中國暢想曲
之前佢同 YCO 夾過呢隻歌
但係由於隻歌太難既關係
同佢夾既時候無乜機會欣賞
今日總算有機會聽下隻歌既效果
真係唔錯
係第一樂章之後接第五樂章有 D 怪

文琴好搞笑
唔單止係個樣搞笑
連 function 都係一樣
一個琴, 居然有馬頭琴同箜篌既作用
阿文醫生 (文琴既設計者 + 演奏者, 文天祥 D 子孫, 真係醫生黎既) 就威啦
一個人玩 "瑤族"
仲要 D 阮幫佢伴奏

睇見淨係得阮幫個文琴伴奏
發現阮真係好綠葉既樂器

聽完 concert 趕返屋企食野
十二個鐘頭無食過野 (除左糖)
搞到我聽聽下表演個肚打鼓
差 D 餓到返唔到屋企
@ _ @

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日佳句：

1.
譚：能夠令你無奈, 令我好開心
談：能夠令你開心, 我更無奈

2.
一：dinner tmr ar
我：好似無乜錢剩....
一：er......i just called eddy to join
我：er........call him to cancel then

>>June 25, 2004 at 5:18:10 PM GMT+8

2004 年 6 月 23 日 星期三 【晴】

等待
是很痛苦的事
因為等待通常都是伴隨著一個未知的結局
等朋友, 就是不知朋友多久後才到
等運到, 就是不知運何時才來
等放榜, 就是不知成績如何
......................
根據統計, 人生總共要花七分一的時間在等待之上
假如人有七十歲壽命
那光是花在等待的時間就要十年
多可怕

不想浪費時間在遲疑不決之上
自己倒是這種浪費時間的高手
奈何？

是日金句：笨氣迫人

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
四點半訓
成晚響部電腦面前呆
無收獲
不過睇完邊荒卅五

早左好多起身
點半就醒啦
勁「乖仔」
^ ^ “

上網見到O者喱仔
我講我既生活畀佢聽
佢都忍唔住話我既生活似豬
呢點我都無否則既
但係豬好似仲未畀人發現到有失眠既徵兆喎......

掙扎緊聽日返唔返 DB
DB 練野時間如下：

25/6 1400 - 1800 Mucisian Dinner 1900
26/6 1230 - 1630
27/6 1000 - 1430
28/6 1600 - 2030
30/6 final rundown rehearsal 1 0930 - 1300, 1500 - 1900
1/7 final rundown rehearsal 2 1300 - 1930

日日有得練
好似有 D 寄託
唔使日日響屋企咁悶
呵呵~~~

之前響圖書館借左本李碧華既散文《如痴如醉》
知道笨神都係李碧華既讀者
於是前日問佢有冇睇過
佢話無
結果........
咪今日要拎畀佢咯
陰功 @ _ @
搞到好似係笨神既子民咁

佢四點七左右打畀我
仲約我響樓梯口等
唔知係我理解力差, 定佢表達力有問題
完全唔知佢講乜
結果佢話遲 D 打畀我

一等就等到六點
(乜佢唔係半個鐘一個學生架咩......)
最後都係約左響社區中心等

行到過去佢猛咁話我笨
咁又係既
居然唔知佢講果條樓梯係我日日出門口經果條
一定係畀佢感染左 D 笨氣
一定係咁.......

原本佢六點半要教學生
但係因為佢學生要考試
所以佢七點半先要過麗港城教琴
佢原先想買飯糰食
但係搵唔到定食
最後陪佢去左全牛池灣惟一一間食肆食野

成日講野都畀佢 DM 我
搞到食得慢佢勁多添
兩個人都食上海粗炒湯麵
但係 D 麵又唔彈牙, D 色又黃
於是我話：
「咦？ D 麵未洗牙喎........」

佢去左 IFC 睇 Troy
又一個為左一個人而睇晒成齣戲既粉人
十個女仔去睇 Troy, 十個都係去睇畢彼特
真係 “燉” 齣戲既其他演員同埋一班幕後可憐

得閒去下 IFC 睇戲先

接近圖書館收工送佢搭地車
行左落地鐵站
八卦行去睇飯糰

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
笨神：原先想買飯糰食，但係無地方食.........
DM 神：(聽唔到, 問多次) o下？食乜話？
笨神：飯糰呀！即係你呀！
DM 神：我！？如果我係飯糰，咁你係乜呀？手卷呀？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
關於雲南回憶的錄音：
這是《雲南回憶》首演隔天的錄音。
關於此曲首演、錄音有個小故事：
當此曲完成後，當時中央民族樂團的指揮閻惠昌將譜子發給團裏每個彈撥手裏，說誰練成就誰首演，練不成就找劉星自己彈。最後只有張鑫華一人練成。
此錄音是首演隔天錄的，錄音當天，當指揮出現在錄音棚時，竟然是病奄奄的說：「我無法站立了。」原來指揮前晚壞肚子了。張鑫華說就坐著指吧，隨後跟團員說：「指揮不舒服，大家集中些，盡量縮短錄音時間。」結果竟然一次錄好ＯＫ。所以這個錄音是一氣呵成的，完全沒有剪接，十分難得。

>>June 24, 2004 at 5:22:36 PM GMT+8

2004 年 6 月 22 日 星期二 【綿綿細雨】

無聊左成日
不過都算係有 D 收獲既

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日 (今朝) 點幾笨神好錯蕩咁落凡間 on9
捉左佢 hae
佢尋日都有去 Times Square
不過就六點四先去
緣慳一面

同佢傾多陣佢 performance 既野佢就訓
至於我, 三點幾聽完 "音樂之旅" 就訓

兩點起身
打左陣機
想落圖書館借書
但係天氣又唔好, 成日都落雨
拖左好一陣子
最後都係屈服
出街去也

搵左幾隻唔同版本既 "moonlight" 聽
下次一於帶部 CD 機落去
費事唔好聽既都借埋番黎
睇完一本書就返屋企

返到屋企繼續打機
一路打機一路聽 CD
聽 "音樂之旅", 之後又開 "雲南回憶" 首演版 (張鑫華版)
正
係長城隨想差 D
李卣只係可以拉到我覺得長城好難玩
但係就唔可以感動到我
都係閔惠芬勁 D
聽親佢拉既 "長城" 都聽到我想喊
大師果然不同凡響

今日既家庭影院又係 "我的野蠻女友"
睇左咁多次
無興趣睇

今日阿一同肥仔返香港
佢地一 on9 我就問左一個我好期待, 但係又無實現到既問題：
"乜你無堕機咩？"
聽完呢句之後, 兩個都畀左唔同既反應
肥仔就用轉移視線既手法對付我
可惜失敗
阿一同我既對答比較積極
對答如下：

我：無堕機咩？
一：dingdingdingding！但真係冇死到丫嘛
我：咁可惜呀??
一：係呀！我都想我媽媽有保險 claim
我：唔唔....我都想你媽媽有保險 claim
一：咪係囉！真係可惜喇！

應對得幾好
咁就化解左一個無聊人既無聊問題咯~~~~

佢點半鐘就好乖咁去訓
至於我.....
都未決定到喎

是晚主要聽西樂
聽左 Scheherazade, 1812 Overture
之後幾隻 Beethoven 既 Piano Sonata
仲未聽到一個我鍾意既 "Moonlight Sonata" 真人版
可惜.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你有甚麼「飯伴」？

有人大歎寂寞：「連找個人吃飯也沒有。」
──這不是「寂寞」，這是「孤單」
寂寞是靜，但有時亦算享受
孤單則是你不甘寂寞了
想找一個人(或一些人) 一起吃飯吧
竟也不能如願

約人吃飯照說不難
同枱吃飯亦各自修行
連這樣的人也找不到？太挑剔了
除非你認為找阿貓阿狗，不但寂寞，更加淪落

其實吃一頓飯的朋友，不過「酒肉朋友」，要求好低
吃喝玩樂八卦一番，都是東家長西家短
永不牽涉自身煩惱痛苦和私隱，都不是「心事」
飲飽食醉，道別一聲，各自歸家去
排遣了一段辰光，有點「人氣」也好

從今天起，任何飯局都不要推──此乃身份象徵
山珍海錯不算富足
有時且是最貧窮的盛宴──如果無伴的話
從今天起，也不妨考量一下，你有甚麼「飯伴」？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Love is...
understanding and trusthing,
sharing and forgiving,
laughing and caring.
Love is loyal to each other through good and bad times.

Friends...
to love and care,
to talk and share,
to trust and always being there.

愛情與友情好些時候會給人混淆了
誤以為朋友是自己的戀人
或是誤以為對他 / 她只不過是朋友間的友情

感情一直是人難以掌握的技能
沒有它, 人就生不如死, 猶如靈魂枯萎
有了它, 人就牽腸掛肚, 猶勝五內俱焚
別說難以了解箇中玄機
就是要分辨諸般情感, 有時也是難以入手

是不懂分辨？還是不想分辨？

思考的心打了諸個問號........

>>June 23, 2004 at 6:45:29 PM GMT+8

2004 年 6 月 21 日 星期一 【酷熱】

同一個傻仔無分別
打死我下一次都唔會上當

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
九點幾十點先訓
好早？！
係朝早九點幾十點喎.......
太變態啦
唔似係人

訓到兩點
本來可以早 D 出門口
為左要聽李克勤既新歌 (電台播呀嘛)
結果三點先出門口

今日約左談記去 Times 睇人表演
準時到 Times "牡"
佢未到
等左一陣
有個女仔由電梯行上黎
睇真 D
原來係無戴眼鏡既談記

尋日去配 Con 既談記
個樣真係有 D 唔同
靚左, 不過唔 = 靚
不過無咁似佢大佬就係事實

同佢買左杯奶茶就上地面
阿 "剪蠔" 哥同佢 frd 響台上面 set 野
好似阿 "剪蠔" 爸爸都有份表演喎
聽聽下談記同我簡介阿 "剪蠔" 哥既資料
聽到佢爸爸叫劉錦文.........
咪住
望下佢爸爸既身影
有 D 熟口面
再望真 D
唔係呀嘛！！
佢爸爸咪係舊年企我隔離唱 Poly Choir 既老鬼 Caesar？！

咁都撞到熟人
世界真係好細...

聽到六點
談記利用埋我同人映相先完成我今日既任務
佢就興奮得過咯
事前事後佢沒口絕地多謝我
但係我始終都係同佢講果佢："我要食魚翅城！"

返返下屋企
終於記得尋日囉囉攣既事
尋日同O者喱仔講 25/6 (今個星期五) 返 DB 練野
但係好似記得自己 25 號有野做
今日終於醒起
聽 HKCO Concert 嘛

DB 晏晝練野
Concert 夜晚先開始
基本上唔會撞時間
但係....
1400 我起到身先算啦~~~~

AC 既人響我出門口既時候打畀我
又問番之前份 Budget 既野
由於唔確定 D 數既關係
最後都係返到屋企先覆番佢

希望佢地快 D audit 完啦
咁就一天都光晒咯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Don't cry because it is over, smile because it happened.
不要因為完結而哭，要為曾經發生而微笑。

Make yourself a better person and know who you are before you try
and know someone else and expect them to know you.
在嘗試了解其他人和盼望其他人明白之前，
先把自己變成一個更好的人和了解自己。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
前日響黃蜂 Xanga 見到呢段野
無聊玩下
當記錄下近期既生活態度

01. 現在幾點： 01:28 a.m.
02. 你的全名： Tam Pok Wai
03. 現在正在聽誰的歌： 張學友音樂之旅 (阿一借既)
04. 在哪裡讀書： 就黎失學 + 失業啦
05. 最後吃的一樣東西是什麼： 好似係椰果涼粉 (一路食一路打)
06. 現在天氣如何： 天陰陰, 想落面咁
07. 戴隱形眼鏡嗎： 死都唔會, 諗起要將 D 異物塞落對 "靈魂之窗" 度, 驚！怕盲~~
08. 上一次吹蠟燭的數目： 1 支
09. 你通常吹熄這些蠟燭的日期： 去 "扒王之王" 唔覺意吹熄左人地枱面既蠟蠋
10. 你喜歡目前的生活嗎： 太悶, 好想玩
11. 星座： 獅子座
12. 兄弟姐妹和他們的年齡： 兄, 姊 ; 年齡係秘密
13. 有幾個耳洞：兩個, 天生既....
14. 有紋身嗎： 無, 亦唔打算, 因為怕痛, 而且核突
15. 去過哪些國家： 中國 (對外國無乜興趣, 又唔識外文, 又無野想買)
16. 喝過酒嗎： 睇我日記都知啦, 飲少軏醉
17. 暗戀過幾個人： N 個, 次次都係暗到無左, 得一次成功, 不過成功 ==> 失敗既開始, 唔提好過...
18. 會因為害羞而不敢跟人表白嗎：擺到明會啦, 太笨啦~~~~
19. 最喜歡的顏色： 無特別喜愛
20. 最喜歡吃的東西：簡單既野食, 方便但係唔好日日一樣
21. 最喜歡喝什麼： 無特別喜愛
22. 最喜歡的數字： 無特別喜愛, btw, 呢個問題都真係幾無聊
23. 最喜歡的電影： 無特別喜愛, 唔係 "愛情動作片" 咯
24. 喜歡看的哪一種電影類型： 如上, "愛情動作片" 除外
25. 最喜歡的卡通人物和品牌：得意就鍾意架啦, 不過對品牌無特別喜愛 (因為無錢買...)
26. 最難忘的日子：17/8, 5/1 (被迫記得既, 家姊生日....), 9/6 (舊年先至開始難忘...)
27. 最傷心的經驗：太多啦.....
28. 最喜歡星期幾： 無特別喜愛 (尤其放假時期, 簡直係唔會記得是日星期幾...)
29. 最喜歡春夏秋冬哪個季節： 怕熱, 怕凍, 怕濕, 秋風秋雨愁煞人, 所以四季都麻麻喜愛
30. 最喜歡的花： 膠花 (痴果 D....)
31. 喜歡的運動：唔駛郁ge運動 (打牌就至好)
32. 喜歡的霜淇淋種類：唔多食, 所以無特別喜愛
33. 最怕什麼東西：悶, 無人理
34. 如果有來世：千祈唔好呀~~~~
35. 討厭做的事：唔想做野既時候有野做, 想做野既時候無野做
36. 擅長的事：扮傻, 扮失憶
37. 臥室地毯的顏色：得 D 磚咋喎......
38. 以後想做什麼職業：好難講, 宜家係工揀我, 唔係我揀工.....
39. 你們家住幾樓： 3 (就係因為咁, 花姐先會串我 "矮人, 住都住得矮 D........@ _ @)
40. 你覺得碟仙如何：無信過, 亦無試過, 不予置評
41. 你覺得自己十年後會在哪裡：好難講, 無人知, 可能響和合石....
42. 無聊的時候你大多會做些什麼： 上網, 聽歌, 吽, 話人知我好悶, 基本上同我考完試既生活一樣
43. 你住的最近距離的一個朋友： 好似響屋企 (我家姊)
44. 世界上最惱人的事：人生不如意事十常八九
45. 世界上最好的事：乜都唔使煩！
46. 覺得同性戀如何：唔好搞我, 不過都唔會歧視既...
47. 對於沒有把握的事情態度如何： 唔做, 可以的話扮傻
48. 如果有人誤會你：睇下誤會乜, 同埋邊個誤會我啦, 多數都扮傻
49. 有想過要怎麼對付你討厭的人嗎：討厭一個人唔係唔理佢好方便咩？咗
50. 你認為另一半幫你付錢是理所當然的嗎：認真咁講, 唔會
51. 通常幾點上床睡覺：唔定, 近排平均 04:00, 不過有時會朝早先訓得著
52. 你猜誰會最先回這封信：又唔係信, 使鬼回咩.....
53. 現在心裏最想見的人是誰：想見既人, 鍾意見到既人, 任何一個未搵到既 "佢"
54. 想要幾歲結婚：無話幾多歲, 有人要先算....
55. 人生目標：平平凡凡, 無風無浪, 但係唔好悶
56. 今天心情好嗎：不嬲都唔太好
57. 有想過自殺嗎：以前就會, 宜家？唔好傻啦......
58. 最希望誰回信：同 Q. 52
59. 現在幾點： 01:35 a.m.

經過幾日既準備
比上次快左做完
不過 D 答案都係大同小異

>>June 22, 2004 at 5:52:29 PM GMT+8