2004 年 10 月 28 日 星期四 【晴】

今日係唏噓同黑既一日
點解唏噓？點解黑？
下文自有分曉

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好彩響十二點前完成左幅圖
勁開心
無乜點 double check
反而用左 D 時間黎寫日記同做其他野
搞到兩點幾先發現自己未做英文 independent learning 既野
為左唔想畀人插
都係做番 D 準備先
結果一搞就搞到五點先收工.......
-.-'

今朝八點半原本要上 con. com. tutorial
七點就起左身
但係臨出門口先發現未整 independent learning 既證據
結果又要留響屋企整
又走左堂啦
今日仲要派 assignment 4 添.......
=.=

搞到十點半先返學
臨急臨忙出門口, 搞到連電話都無帶

以為佢今日會要我地畀 D independent learning 野佢睇
結果佢淨係問我地做左幾多個鐘 (正常要做 12 個鐘)
check 都無 check 過
早知尋晚早早訓覺唔使做到咁夜啦
> . <

唏噓地上完堂
食飯
十二點幾坐到兩點幾
行去 computer lab
發現幅圖差少少未做完
又要繼續搞
過左一陣就可以搵printer 出圖

用用下部駁住 printer 既電腦
有個聲稱好趕時間既同學想用先
畀佢用先
結果佢一用就用左半個鐘
係咁響度執佢自己幅圖
但係又唔係用黎 print 野喎

唔係用黎 print 野就用其他電腦啦
成間房有廿幾部電腦都唔用
係都要霸住部有 printer 既電腦
又明知自己唔夠時間 print 出黎
簡直係浪費我既時間
自私鬼！！

卒之等到佢用完
又有一大堆人響我後面排隊等用 printer
草草 plot 完就算
好唔開心
:\

響個 computer lab hae 到五點先走
平時星期五等返 YCO 唔會返屋企
但係今日要返屋企拎番部電話
加上好想棄置番 D 無用既野, 唔想帶番 YCO
結果返屋企

完成任務 + 休息左一陣之後就走
約左達人 1840 等
準時到達
連臨時約既黃蜂黎到佢都杳無音訊, 打極電話都唔通
佢好少可遲到架喎
唔通佢一個人返左 YCO 先?

千呼萬喚既達人卒之黎到
原來係因為遲左落堂
咁就打破左佢少遲到既金漆招牌

一行三人返 YCO
響 MO 樓下就見到「紅 lee」手持「紅 lee 牌」香煙怒煲
見到我地三個行過黎就扮等我地
偷懶咪偷懶咯

今日 YCO 好多人有返
中阮聲部好耐未試過人齊
今日卒之齊人
^ o ^

今日練《香江歲月》
由何生負責指揮
簡直係 sight read 既大考驗
除左有 D 地方未 KO 到之外
其他既地方好快就搞掂
仲發現隻歌玩快會好聽好玩 D 添

練完野去唯一
一行五人：我, 謝, 伍, 達人, 黃蜂
由 MO到食完飯一班人不斷言不及義
全為廣東通俗語文既精義所在
可知大家對廣東通俗語文認識甚深

講到興起既時候謝倒瀉豆漿
本來問題不大
但比較麻煩的是豆漿傾瀉的方向, 正正向著我
結果........
整個背囊沐浴於奶白色的冰凍情懷之下
本人亦被這種情懷感染到
而謝的背囊僅稍遭波及
完全無應~~~~~~~~~~~~~~~

返到屋企
上左陣網就無精神
同肥仔討論左一陣中國歷代貪污問題
一點左右就疲累到無心機講
早早訓覺

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
大笑一分鐘

大笑一分鐘就等於別人做運動 45 分鐘的時間
你跟朋友在一起，妳總是那個笑得最大聲的人嗎
妳常常被別人說妳笑得很三八嗎？
如果你是以上兩種人的其中一種，那就要恭喜妳
因為你大笑一分鐘就等於別人做運動 45 分鐘的時間呢

開懷大笑一向被視為一種可以強身健體的良方妙藥
而最近科學家更發現大笑是保持身材苗條的最佳方法
根據德國研究人員表示
大笑一分鐘就相等於做了 45 分鐘的運動一樣，可令你容光煥發。
在德國柏林大學擔任特殊課程「笑容學」的教授西克爾表示
大笑對身體的益處過往都被人忽略了
西克爾表示
事實上，大笑時身體會有 80 組肌肉抽動，是一種非常健康和有益的運動。
一個人大笑時肩膀會聳動，胸膛會搖擺，橫隔膜震蕩
甚至會令人抽搐、血壓上升、血液含氧量增加
更重要的是腦部會釋放出一種化學物質，令人感到心曠神怡
實在是最佳的自然藥物。
大笑過後，血壓會回降，減少分泌令人緊張的荷爾蒙，免疫系統也會增強。
研究並顯示，兒童平均每日會展露笑容約 400 次
而成人則平均每日笑 15 次。

由於笑被認為對身體有益，兼有醫療效果
大笑熱潮在德國迅速發展，一些大笑會所紛紛設立，熱潮甚至蓋過健康舞
德國人是一個很務實的民族，真的一點都沒錯
當他們認真研究起一件事時，連笑容都可以變成一門課程，甚至社會團體！

這個世界真的很妙！！
請大家得意的笑！

>>October 30, 2004 at 7:56:21 AM GMT+8

2004 年 10 月 27 日 星期三 【晴】

找　尋找我下個
偶然午夜時份感到落泊
切記單身　從來不等於寂寞
換個心情　躲到鬧市　吃和喝盡人事
齊聲大笑　放肆一點　遺忘一點都不錯
說說自己的故事　療傷的好法子
還有意沒意改編了歷史
努力查探有沒有好對像　難放過每一張臉
才發覺自己都不夠專一 (真有點諷刺)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
九點半要上堂
八點鐘未夠就紮醒左
不過都係選擇繼續訓
結果一訓就訓到九點三..........

上堂
上完好充實既 Structural Engineering 之後就埋首 Computer Lab.
圖呀~~~~

一搞就搞到四點幾
連本身要上既 Financial Management 都唔記得左上
由於 printer 問題
搞左好耐先可以搞到個初版出黎
一 print 好個初版就走去搵阿 sir 睇
睇左唔夠兩秒就畀佢插完......
=.=

好彩畀佢睇睇
如果唔係一定勁低分
所以今日走堂走得有價值

去北角
按極門鈴都無反應
聽到佢不斷地彈琴
有 D 衝動想入到去就鍊地佢
聽唔到門鈴聲唔係問題 (因為個門鈴本身壞壞地)
有乜理由聽唔到我拍門架！！

直到老細返屋企先有門口入
今日繼續講 Geog.
同佢糾纏左響 scale 既問題好耐
佢成日都搞唔清楚 D scale 點轉黎轉去
聽聞 scale 好似係 D 好簡單既野黎喎

又忍唔住大大聲話佢
不過同上次稍有不同
上次話佢, 佢成間屋無人
今次話佢, 佢爸爸媽媽都響屋企聽我話佢

為左唔想畀人炒
今日好用力地幫佢溫習
就連趕功課都唔理
照樣豪左半個鐘畀佢

臨走老細送我搭 lift
幾驚佢話炒我呀！！
好彩, 佢都係同我講佢個仔接收能力唔大好O者
鬆一口氣
^ ^

返屋企食晚飯
食完仲係好肚餓
=.=
唔夠訓既人, 絕對需要多 D 進食黎補充體力

好快就執晒幅圖
有 D 驚訝
之前因為唔熟個 software, 所以搞左好耐
無師自通後用到熟晒, 所以搞得好快
經驗果然係好重要既！

做完幅圖唔代表做完
仲有四個鐘 independent learning 要做呀~~~~~
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好有教育意義既 flash

http://myweb.hinet.net/home12/funnymitsui/utsukushii/walktour.swf

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
堅強的走下去

我們在走著
從時間軸的過去朝著未來
不停地走著
我們不是只有獨自一人
家人, 朋友, 戀人
都跟我們一起走著
這好像永遠都會繼續下去
但有時卻沒有辦法
停下了腳步的人
再也沒有辦法走下去了

不過
那個人
並不是消失了
而是站在那兒
一直地站在那裏
看著我們往前走去
並不是消失了
因為永遠都在那個地方

放心吧
我們繼續走下去吧

是的，其實.....
沒有一個人消失了
大家都在那個地方
為我們加油
所以......
走下去！

人一生所走的距離
回過頭來看
其實很短
經常看著後面很容易會跌倒
記得向前走

>>October 28, 2004 at 7:03:29 PM GMT+8

2004 年 10 月 26 日 星期二 【晴】

如果不想自己日後後悔
請別再做些你將會後悔的事

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日搞到三點就訓
早過之前
點解咁乖？
因為聽日約左蕉 10:20 去 SMSA 交作曲 form
已經要一再勞煩人地幫手
所以唔可以遲到, 要早 D 起身

Dayoff 都要晨早起身
無陰功呀！！
> . <
原本預自己九點起身
但係居然可以早過九點起身
生理時鐘開始回復正常啦~~~

企企下地車 (因為無位, 所以唔係坐車) 既時候蕉打畀我
佢話佢有事走唔開
所以想畀張會員證我自己上去 SMSA 交表
唔得閒都可以打畀我
真係有心

諗住行「史德爾帕斯」上 DB
完全唔記得左佢宜家係會鎖後門
行到門口先發現自己蠢左
:\
結果要跨越新世紀行「扎拉夫特」
好耐都未試過咁愚蠢咯

行到上 DB
唔夠一分鐘就落山
出發去 SMSA
本身好疲累, 所以打定主意要打的上去
但係自己居然唔覺意地行到一半路程先記起
結果全程遠足

呢輪成日都夜訓
身體狀態就好似七十歲既老人家咁
要一個七十幾歲既老人家背負個咁重既背囊行山
等同軍訓
> . <

去完 SMSA 搭小巴落旺角
好疲累, 真係好想一走了之 (功課呀！！)
但係要還證畀蕉
結果又要行「扎拉夫特」
:\

兩進兩出 DB
好似好多咁
實際上逗留左五分鐘唔夠
自己同自己講：
點解我以前咁行唔覺得累既？？

行過「扎拉夫特」口
見到有人做 Topographic Survey
見到 D 人擺左部 Theodolite 響路邊而無人看管既時候
真係有 D 想一腳踢跌佢
XP

望見有人做 D 我以前以為要做一輩子既野
或多或少都有 D 感概
不過淨係感概左一陣
要趕返屋企開工呀！！！

食完飯就開工
對電腦對到麻木晒
不過都要頂硬上
聽晚無乜時間做架啦
後日就要交
所以都死死地氣做埋佢

做到七點幾食晚飯先收手
之後要返 poly 練 acapella
望著老爸今日居然開我之前好想睇而搵唔到人去睇, 結果無睇到既「後天」！！
十萬個無奈
=.=
D 場面真係好過癮架嘛

好想話唔得閒唔去練歌
儘管自己都真係唔得閒
但係如果個個都係咁, 邊有可能練到歌？
結果極可惜地睇左十幾分鐘先離開
遲 D 自己一定要開過黎睇！！

返到去
同上次進度差唔多
自己照舊乜都無練過
照舊 sight read
不過都係死響一個音手上
唉.........
要努力 D 練 sight read 先得

只要練得成一望譜就 sight read 到
以後想叫我規規矩矩地每次出席？
休想

無同佢地食飯
一來響屋企食完飯
二來要趕返屋企做野
不停係咁做
結果做淨少少就頂唔順
聽日三個鐘既 lunch time 繼續努力

對左成日電腦
無乜時間打日記 (淨係打左一半)
有時間都用左黎訓
生活得極之充實
但係充實還充實
聽晚唔使通頂就得架啦~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有時無心的話語
卻是插在別人心口的一把利刃

一家門前貼了一張「出售小貓」的啟事，把一個小男孩吸引住了。

他站在啟事前，問貼出啟事的賣主：「小貓賣多少錢？」

賣主直接了當地說：「20 元一隻。」

小男孩羞怯地摸摸口袋中的硬幣：「我只有 6 元，能讓我看看那些小貓嗎？」

賣主笑了笑，將身旁的另一扇門打開
從門裡跑出6 隻活潑可愛的小貓，但其中一隻卻一跛一跛地落在後面。

小男孩的目光緊緊地盯著那隻小貓
看得出，他對那隻小貓似乎有一種天生的好感。

賣主有點不好意思地解釋：
「最後的那隻小貓骨折了，如果你真的喜歡，我不要錢，把牠送給你好了。」

小男孩鼻孔翕動，氣得渾身發顫：
「那隻貓應和其它貓的價值一樣，我會付你全價的！
　我現在只有 6 元，明天再付給你 14 元。」

賣主規勸他：
「你真的不用花錢，因為牠不可能像別的貓那樣活蹦亂跳地討人喜歡。」

聽到這句話，小男孩彎下腰，捲起褲管，露出一條嚴重畸形的腿。
他低下頭，嗓音微微發顫地說：
「那隻小貓更需要有一個能理解牠的人」

>>October 28, 2004 at 6:05:00 PM GMT+8

2004 年 10 月 25 日 星期一 【晴】

心動　林曉培
　
有多久沒見你　以為你在那裡
原來就住在我心底　陪伴著我的呼吸
有多遠的距離　以為聞不到你的氣息
誰知道你背影這麼長　回頭就看到你

過去讓它過去　來不及
從頭喜歡你　白雲　纏繞著藍天
嗄　如果不能夠永遠走在一起
也至少給我們懷念的勇氣　擁抱的權利
好讓你明白　我心動　的痕跡

總是想再見你　還試著打探你　消息
原來你就住在我的身體　守護我的回憶

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日係萬聖節
如果唔係 Konnie 同我講我都唔知
實在與世隔絕得太耐啦~~~~

繼續反智地 hae 到四點先去訓
呆望著部電腦
個人唔死, 對眼都會死架
唔好痴線啦！！！
但係仲有好多野未做呀~~~~

去訓既時候
居然畀紥醒既老爸發現
又要佢擔心
:\

好驚自己醒唔到
但係最後居然自己早左成個鐘起身
可怕~~

早早返 city 上堂
今早既英文居然得 2/3 既人出席
如果日日都咁就好咯
咁自己唔見左都唔係好覺嘛
大家好興高采烈地 com. 幾時走堂既同時
好擔心自己夠唔夠出席率

次次上堂都遲到
都唔知佢有冇點我名
加上自己唔見得有幾多次懶起身無上堂
所以好驚

驚還驚
堂
始終係要走既
XP

接近上完堂既時候蕉打黎
上完堂覆番佢
原來佢無支票, 所以交唔到我報音樂節張 form
之前本來托佢報我順手交埋
但係人算不如天算
佢地居然異常神速地交晒
如果唔係作曲聽日先係死期
今年既比賽就同我無緣咯~~~

由於交唔到
所以要過 DB 接收番張 form 同自己想辦法
唔係好想行上去
諗住搵班友仔一齊落街食飯
但係個個都唔得閒
結果要一個人行 step 上去............

上到去
正值彈撥分組
聽埋先走
點解佢地可以一齊夾, 而我當年唔得？！
唏噓~~~
玩開琵琶既陶俊彥, sight read 大阮譜居然都咁快
掘機呀~~~
一個唔專業既大阮可以擊敗兩個唔知做乜既所謂專業中阮
> . <

行左陣信和就返去上堂
又唏噓左一堂
早知就唔上啦！
浪費時間！！
今次呢個 lecturer 絕對係呃飯食之王！！！

去 computer lab 做 AutoCAD
無錢既 lab 居然無 AutoCAD 2004, 得 2000 版
結果搞到我響屋企做既野全部開唔到
過份！

早左成個鐘走去補習
上個星期同佢講既野, 佢居然可以完全唔記得
超過份！
卒之忍唔住鬧佢
證明自己唔會因為佢係我米飯班主而睇佢面色 (雖然鬧完之後都幾驚)

早 D 去, 早 D 走
響 lab 接左幾次肥仔既緊急來電
佢仲未諗到佢篇論文寫乜同點寫
結果犧牲左做功課既時間去荷李活搵佢食飯
代價就係一餐KFC

咁耐唔見佢
一見佢就話請食飯
好似好 cheap 咁
但係自己真係要犧牲畫圖既黃金時間去幫佢
所以無拒絕佢既好意

響 KFC 坐左兩粒鐘
佢依舊未諗到做乜野題目
自己都提議左幾條題目畀佢, 仲話埋畀佢聽點寫
但係佢始終未能理出一個頭緒

因為佢既時間唔多 (佢已經遲左交佢論文既大綱)
所以佢決定陪我搭地車送我歸家
極唔正常
佢住荷李活上面既星河明居喎
可想而知佢真係好趕

一路行一路繼續 brain storm 佢
佢送我送到我屋企門口為止
明明望著我返左屋企
唔夠一分鐘佢居然打我手提搵我
~_~"

繼續畫圖
無時間「hae」啦
再係咁, 我真係幾考試之前我都無時間「hae」
> . <
(為免畀人誤會我既頹廢, 重申一次：「hae」= 溫書)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
保留感情

愛情只是人生的其中一部分
除此以外，人生之中還有好多值得我們開心、關心、欣賞、珍惜............

感情就如感冒
感冒時要食感冒藥
但感冒嚴重的時候，病就不何時才會好
感情亦然
把感情潑了出去，不能收回
只有忘記
雖然時間不知需要多久......

不要迫自己一下子全盤接受
讓自己的腦袋歇息一會
思想得以放鬆，別鑽牛角尖
不想失去這個知己
就應努力忘記對她的愛情
或者將愛情轉化為更深的友情

愛一個人不是擁有她
而是想她快樂的生活
不要以恨和忘記去結束一段關係
當雲淡風輕之時，你的回憶不再帶來怨恨
而是懷念時
你會後悔當時被怒氣蓋過理智
換來的，卻是一輩子的失去

>>October 26, 2004 at 7:05:24 PM GMT+8

2004 年 10 月 24 日 星期日 【晴】

喜歡歷史多於政治
但明白過去的政治就是歷史的道理
所以要讀懂歷史, 必須明白政治
別以為歷史僅是單純的背背背
否則你一輩子也看不到歷史和政治的真相

掀過對歷史的錯誤觀念以後
你就會發現每一件歷史事件並非一句說話足以定案：
桀紂真的殘暴不仁？
武王伐紂真的如此順利正當？
秦亡的原因真的僅是因為苛政？
漢武帝的真的窮武黷兵？
曹操真的是奸雄？
魏晉人物真的個個不堪？
李世民真的完美無瑕？
唐末藩鎮真的全部漠視朝令？
兩宋武事真的無一足取？
秦檜真的是害死岳飛的主腦？
元代真的無善政？
明代真的為中國資本主義萌芽的時代？
明亡於農民，真的因為苛稅？
清三藩之亂，真的是三藩皆反？
甲午敗戰，真的因為慈禧挪用軍費？

別再被囿在自我的平面世界了
嘗試從多角度思想
你會發現世界原來是立體的

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
異常反智地接近四點先去訓
其實唔係好想
只係畀西貝流士纏繞住, 欲罷不能
唉........

計埋西貝流士
我一共用過五個打譜既軟件：
Note Worthy, Finale, Encore, Sibelius 同一個打簡譜既軟件
邊個好用 D？
個個都有一定既特色, 亦有一定的缺點
不過
我到宜家淨係熟Note Worthy
無時間同無心機嘛

十點鐘起身
執左一陣 notes 就出門口
十一點半要上 Building Tech. Tutorial
一入到房就望到大大隻字寫著佢病左
早起得完全無意義
> . <
無奈

約左達人食晏
所以趁有一個鐘時間行去 CC 做野
一路打一路同仲響荒島努力中既 Vanessa 閒談
傾到十二點半就各自 off9

上星期達人無啦啦帶左我去尖咀食晏
今日佢好明確地話唔會再去尖咀
由於達人食完早餐無耐既關係
同佢行左去 HK record 睇 CD
順手買左隻 CD

睇睇下一打畀我
好快我地就搭火車去紅磡同佢會合
咪又係出尖咀............

又去都會軒食廿蚊三「食送」
食完 hae 到兩點半先離開
咁又浪費左三個鐘咯~~~

上堂, 之後落堂
再次回歸 CC 做野
又試一路做野一路同 arm arm 落堂既「荒島人」chat
卒之完成一份野, 但係搞到過左鐘上堂

今日 OOD 既題目係法輪功
仲請左兩個法輪功學員黎做嘉賓
雖然佢地講到佢地好慘
但係都無改我對法輪功既立場
就係政治性大於宗教性
尤其係呢種話係氣功又唔止, 話係宗教又唔係既組織
真係好難相信佢地口中所講既不涉及政治

八點八就落堂
早早返屋企做功課
點知因為電腦問題, 搞到十一點幾先可以正式開工
用左一個鐘打左一半 CCIV 論文
都係留番下次慢慢做
打完日記先訓

仲有好多野未做呀~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有兩點想來想去也想不通：

1. 無組織行動, 竟可於中央政府首善之地發動一場無先兆的上訪？
　　即使香港這自由的地區, 發動「七‧一遊行」也不能毫無先兆
　　亦明顯並非毫無組織

2. 僅花了七年時間就可以有七千萬中國信徒
　　還不計海外的信眾
　　就算以盲從著名的中國人也是罕見的
　　最離奇的是法輪功學員聲稱這全都是經口耳相傳而得來的成果
　　其中全無經過有組織的傳教活動
　　令人深感懷疑

自問不熟悉內情
煩請有識之士為我解開疑團
我對中國政府處理法輪功的手法不以為然
但大致明白政府這種做法的原因
正如 lecturer 於末段時的講話
中國自古就怕控制不了的思想
尤其古往今來實在有太多宗教引起的紛爭
這股潛在的勢力, 居然可以在政府嚴密監察下從其眼皮底溜過
實在不容忽視

姑且引述某法輪功學員的說法：
「政府曾公佈每年因練法輪功而死的人有約 1400 人
　根據官方數字顯示，全國每七千萬人口中，每年大約有四十二萬人因各種不同問題死亡
　練法輪功而死的人連箇中的百分一還不到
　這證明了練法輪功而死的說法根本無稽！
　相反，修練法輪功還會令人身體健康.......」

會否令身體健康是題外話
但大家有否發現其言論和我昨日日記上有關邏輯的問題有所違背？
這亦是我在嘉賓演講時, 忍不住在台下發笑的原因.....

>>October 25, 2004 at 6:57:22 PM GMT+8

2004 年 10 月 23 日 星期六 【晴】

不肯定自己係咪已經戰勝左自己既頹，但肯定我已經過左低潮；
不肯定自己是否真的忘記，但肯定不會刻意記起；
不肯定自己會否復發，但肯定暫時不會發作。

返來咯！
唔積極都唔得啦
話晒都差唔多時候要交功課咯~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚 post 左一段痞子蔡既《第一次親密接觸》
居然引起肥仔既怒插
我當然知道佢段野邏輯有問題啦
唔單止我知
佢自己寫完之後都畀千千萬萬既讀者插過
我都預左有回應
但只係估唔到肥仔會唔理係唔係我寫地插我O者

同佢傾左成晚邏輯
個腦好似 function 番咁
雖然唔似得 D 武林高手練就絕世武功時既醍醐灌頂
但係個人清醒番
唔使頹咯~~~~~

由於清醒番既關係
又要努力清功課
暫時禁頹同埋暫停「hae」

未夠兩點就訓覺

晨早畀電話嘈醒
聽左兩隻 Beethoven 既 CD 先醒
開工
今日主力畫 AutoCAD

開頭以為學過 MicroStation 應該會易 D
實際上畢道係兩個唔同既軟件
即係點？
即係畫完一次先知自己錯乜咯！
又要由頭畫過
真慘............

嘻嘻今日得閒 on9 陪我 chat
同佢研究左陣《邊荒》
又各自呻當年選科錯誤既事
唉........
唔錯都錯左, 唯有頂硬上
奉勸各界人士小心選科
以免一失足成千古恨

前日重陽節
出左條好即興既題目畀盈盈估
題目係響《笑談廣東話》出既
無聽過就點都唔識答
所以佢都好正常地唔識答 (未聽晒嘛佢)

都係做野要緊
聽無聊野多真係浪費時間
之前浪費左咁多時間
要開始爭取多 D 時間做野先得

畫左咁多個鐘圖
都仲係有好多個問號響個腦度
好唏噓~~
睇完書都係仲未明晒
都係時候要問下阿 sir 咯

成日除左畫圖之外好似無乜野做過
淨係睇左一陣《少林足球》
睇左兩個難忘片段
一段醬爆唱歌跳舞
一段係田雞同人地老公講愛佢老婆

達人對第一個片段既感覺係：無聊
但係正如我早幾日講
難得可以令個腦休息一下
唔使諗野可以笑, 即係唔使付出代價就得到回報
算係咁啦

不過都係寧願睇區樂民好過
好笑得黎有意義
絕對係消閒佳品

由星期五開始, 對左個電腦超過 40 個鐘
對到面目猙獰
..........
不過諗下自己 D 功課份份都好似要用電腦做
所以都係要繼續頂硬上

望住部殘舊既電腦
成日都好驚佢會畀我折磨到死
但係又要晚晚勞役佢到三更半夜
講真, 佢仲陰功過我~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assumption：時間可以令人淡忘傷痛

Premise 1　：「如果有充足時間, 我便可以忘記你」
Premise 2　：　我有充足時間嗎？沒有
Conclusion ：　所以我忘不了你

上述假設有何問題？
其中之問題於肥仔的留言中早有論述
不掠其美, 故請參照肥仔之留言

根據邏輯推斷
「if p, then q ; not q, then not p」

我們只能有以下結論：

Premise 1　：「如果有充足時間, 我便可以忘記你」
Premise 2　：　我忘了你嗎？沒有
Conclusion ：　所以我沒有足夠時間來忘記你

>>October 24, 2004 at 5:42:54 PM GMT+8

2004 年 10 月 22 日 星期五 【晴】

如果我有一千萬，我就能買一棟房子。
我有一千萬嗎？沒有。
所以我仍然沒有房子。

如果我有翅膀，我就能飛。
我有翅膀嗎？沒有。
所以我也沒辦法飛。

如果把整個太平洋的水倒出，也澆不熄我對妳愛情的火燄。
整個太平洋的水全部倒得出嗎？不行。
所以我並不愛妳。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日毫無徵兆下通左頂
原因不明
自己好似曾經有眼訓既感覺
但係最後都係無訓
做乜？
除左「hae」, 咪又係頹咯

就快考試
要「hae」得再積極 D 先得！！

八點幾離開對左十個鐘既電腦
今日係 city 既「學校旅行」
所謂「學校旅行」, 其實係 CCIV 要我地必須出席一次既實地考察
其他人好貪方便地揀左 D 近近地既九龍寨城
既然係「學校旅行」, 點都去 D 有特色, 自己未去過
同埋交通方便既地方參觀啦！
於是晨早就諗定要去今日既目的地──香港海防博物館

早左少少去到
尋晚唔訓, 唔多唔少都係唔想今朝會遲到
點知今日帶隊既卜永堅居然遲到
早知尋晚就訓啦！！
蝕左呀！！！

卜永堅今日既帶隊表現尚算稱職 (除左佢今朝遲到之外)
講解詳盡, 有條理
而且仲畀左好多自由時間我地四圍參觀 (鬼咩, 佢十一點幾就話講完, 之後閃埋......)

去左咁多次鯉魚門
次次都係因為 music camp
每日既生活就係為左練野, 練野同練野
好少有時間睇風景
今日一次過彌補咁多年既遺憾

天氣唔算太熱
就算陽光普照都唔會令人汗流浹背
秋天果然係郊遊既好天時

一個人行到兩點先離開
自信每一個景點都參觀過先走
當然啦
畀左五蚊入場費, 又無時間限制
一定要盡興先得！！

搭地車返屋企
筲箕灣到北角仲頂得住唔訓
由北角轉車開始就忍唔住訓左
一起身既時候已經身在坑口咯..........

行左去圖書館睇書
明明好眼訓, 居然都可以睇到圖書館閉館
果然有狠勁

返到屋企繼續對住電腦呆 hae
就快痴線架啦我~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
也想不寂寞，最怕相思躲不過。
夢裏人來人又走，幾度花開又落。
也想不為誰而淚流，最怕深夜人醒後。
窗前風雨敲扣，愁緒鎖眉頭，原來情字情關看不透。
江湖任闖，四海遊蕩，怎堪兒女情傷。
路未知曲折漫長，遠看一片蒼茫。
雨露風霜，浮生滄桑，不該有誰相伴。
往事恩怨難忘，無奈情深難藏，最難是情關。

思悠悠，最怕相思躲不過。
恨悠悠，怕深夜人醒後。
愛恨如網又交錯，到何時方是休？
原來情字情關看不透。
多少夢，夢裏人來人又走。
多少愁，怕愁緒鎖眉頭。
繁華如雲煙掠過，愛從此常相守，就算是情關難過。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
自作多情

1. 自私地以他人來肯定自我價值的行為
2. 未經別人同意，擅自挪用別人的肉體、精神、思想、靈魂，來滿足自己閒來無事的遊思幻想
3. 感情豐富至泛濫，偶而為之以免決堤的簡便方法
4. 思想空虛時，急欲有所寄託所產生出來的無聊妄想
5. 自我毀傷的最佳武器
6. 自閉者自閉地自娛的良方

如非必要，切勿輕犯
後果可大可小
輕則纏綿暗傷
重則暴危而亡
慎之..........

>>October 23, 2004 at 2:07:29 PM GMT+8

2004 年 10 月 21 日 星期四 【晴】

鼓樂節初賽匯報：

18 玩到炒晒粉都入到決賽
實在係無天理

比賽當日就講：
「入到 final 就真係無天理！」
事實證明呢個世界有 D 野真係無天理既..................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
hae 到四點幾先 hae 完
而家我對 hae 呢個字既定義同以前稍有不同
以前乜野都唔做叫 hae
宜家溫書就叫 hae
好積極地 hae

重陽佳節
本來答應了老媽子拜山
但最後卻為貪睡而放棄

起身就開工
做 lab report
好似無乜野寫
但係咁先係難度
加上勁多野睇
> . <

為何無聊的東西會有人有興趣聽？
不單因為世上多無聊人
鬱悶孤寂的人也是其中的聽眾
今天, 又成了窮極無聊的人
不想用腦思考
故此反智地聽《笑談廣東話》

無聊
但不需用腦思想便可引人發笑
即食歡笑, 還是吸引的
一口氣聽過一至廿八集
呼
係時候繼續努力

嘻嘻尋日響我補補下習既時候打黎
聽到我補緊習就急急收線
搞到我都唔知佢想點
今日佢打黎
卒之知道佢想點：
原來佢想搵我去打書釘 (《邊荒傳說》出到卅九集嘛！)
尋日無回應佢
搞到佢租左本書睇
連忙叫佢今日返 poly 練野
順手借我睇
畀佢順利地一口拒絕
:\

一路係咁 hae 同做 lab report
hae hae 下假 hae 變真 hae
定力實在太低啦

搞到五點半豆打畀我
佢話搵一唔到
一去左 APA 同成班敲擊人開會商量鼓樂節大計嘛
APA 成日都收唔到電話架啦
所以佢就搵我

討論左一陣
佢叫我早 D 出黎陪佢
佢毫不猶疑地講：
「我 D 同學六點鐘走啦, 你快 D 出黎啦！」
坦白得好徹底
擺明搵我攝時間
~_~"

六點幾出到尖咀搵豆
企佢隔離一陣佢先醒覺我到左
同佢由九龍公園行返去 poly
發現佢唔係好熟由尖咀到 poly 既路
讀左一年未夠, 唔熟路都算情有可情原
但係話晒都係 poly 學生
唔熟路會畀人笑架
尤其係畀 D 無品人笑 (即係我 ^ o ^......)

豆之前叫一快 D 黎到 poly
搞到一要搭昂貴既隊巴過海
結果我同豆行左勁耐先行到 poly
可憐既一就咁畀豆 fake 左咯~~

行左去都會軒食飯
諗緊買乜食既時候有人打電話黎
認唔出把聲
要佢講先認得佢係麥觀
識左佢都有有十年咯
咁都認唔到佢把聲
係咪有點兒那個？？

由約飲野講到離晒題
好似講一齊出黎飲野都講左成四個月
但係到宜家仲未實行
朱氏門生既效率不言而喻............

一路食飯一路同麥觀吹水
食得勁慢
搞到一警告我：
「一陣你食唔晒唔好話我地唔等你..........」
恐嚇既效果就係搞到我唔敢講落去
講左四個字電話都無結論, 亦可側面反映我地既對話有幾言不及義

傾電話傾到太興奮
搞到無胃口食飯
明明個肚仲有位
但係個口食唔落..................

遲左少少 (其實遲左半個鐘) 返 poly
去到依舊未開始
內疚感登時減至最低

入到 music room 幫豆執左個琵琶
但係阮就遍尋不獲
唔通今日唔使我練？！

入到 C 121
居然發現有個殘廢阮
無得偷懶
:\

點解叫個阮做「殘廢阮」？
當個阮既第二個品唔見左, 而要彈 F major 既歌
無辦法唔鬧個阮係殘廢既
(玩阮既就應該睇得明, 睇唔明既只可以說聲不幸)

hae 左隻 F major 既《喜訊傳邊寨》就要玩《電視主題曲聯奏》
《喜訊傳邊寨》就話可以 hae 到
《電視》果段 E flat major 好似唔 hae 得喎
好努力咁用是次表演既 leaflet 黎造一個品出黎

結果？
成功造到一個品
除左彈第一條弦會有「擦品」情況出現之外, 幾乎無問題
仲可以用個阮黎彈《雲南回憶》
實在太成功啦~~~~

一同豆趁中場休息既時候閃左
我練埋《豐收鑼鼓》先走
因為中阮新黎既妹妹仔話 D 譜好難彈早走左
好順利地搶左個阮黎彈
之後先發現佢上半場一個音都無彈過
完全無應
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
返屋企既時候居然諗到我今年隻歌既 intro
一發不可收拾地寫左落黎
跟手打入電腦
畀家姐聽完, 佢畀左個好中肯既意見：
「你個 intro 搞到我好眼訓..........」

放棄同 D 唔識欣賞既人研究
不過話時話
隻歌我都有 D 驚會悶
因為來來去去都係 3 6 5 三個音
中間好偶而先會多 1 2 兩個音
所以都真係幾悶架

唔理
有靈感就得啦
之前悶到發慌既時候諗到既主題
難免係悶 D 架啦

隻歌有兩 part
有一 part 要先玩大阮, 再玩中阮
睇怕都係要搵定人幫手架咯
由於要搵人幫手既關係, 起碼要令到玩既人唔覺得悶先得
簡直係難度既大考驗！！
我要努力！！！！

>>October 22, 2004 at 7:07:42 PM GMT+8

2004 年 10 月 20 日 星期三 【晴】

我無法在夜裡入睡
因為思念一直來敲門

我對你的思念
不知道從何時開始
可是，不假
並以任何一種方式，源遠流長
親愛的你
無論多麼艱難的現在，終是記憶和過去
我會一直等待
為你

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早八點幾醒唔到
九點二先起到身
上九點半堂都只不過係遲左四個字
佩服

又要上 phy. + pure + applied 既堂
死上左一堂
D 野唔係唔識
只係必須自己消化左先明
未消化, 所以未明
要花 D 時間消化下咯

約左人傾 lab report
戰鬥格既心情搞到完全無食欲
一落堂就飛奔去圖書館 hae
尋日一日之內 hae 左一本 《Construction Technology》
今日專登帶左本《Concrete Technology》
諗住 hae 埋佢

搞左一陣 lab report 既野
抬頭望到一個企我身邊好耐既人
老周！
佢坐響我隔離好耐
一路溫書一路吹水

吹到點半就會合 groupmate 做 lab report
hae 好積極
帶番黎既《Concrete Technology》
最後居然只係用左黎畀佢地影印

打左一陣 report 就上堂
今日 Roger 無返
得我一個坐陣大前方
有 D 怯
不過都以大無畏既精神上上下堂訓左
好彩, 幾分鐘O者

五點二就落堂
好開心, 因為可以早 D 去北角
星期六朝早要去同卜永堅行街街
無得補習
所以要上次同今次補堂畀佢

一日上左三個半鐘堂 (1800 – 2130)
佢做左一個鐘多 D Geog. 練習
同佢對既時候先發現佢乜都唔識
好勞氣
差 D 激死自己~~~~
> . <

要做既野開始湧向自己
有股窒息既感覺
乜人都唔想見
乜野都唔想理

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好討厭自己的夢境
明明是沒可能發生的事
卻一再的出現在夢中

夠了
用不著提醒, 我也知自己的記憶力很好
但.....
I really need a break....................

Can I have a break?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有人的思念像把刀，不斷刺入自己的胸膛
可是鮮血卻不曾湧出，而是轉化成眼淚，順著臉龐滑落；
有人的思念卻像糖，一旦品嚐，總讓嘴角有甜甜的感覺；
有人的思念像半夜在街上的狗，當往事像車燈一樣打眼前走過時，
便開始狂吠不止，總是吵得令人睡不著覺；
有人的思念卻像冰過的濕毛巾，可以抹去燥熱，讓人通體清涼。

一般人的思念，通常跟時間和空間有關
時間過得愈久、距離拉得愈長，思念的溫度會愈高
於是當她在你身邊時，你不思念她
但當你開始思念她的時候，她卻已離你而去
思念是多麼精緻的藝術品，總容不得一點點的移位和偏差

也許當心愛的人在身邊，而你依然會思念她時，
我們才能知道思念的意義。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
2004年現代人的通病

當你身處2004年......夠經典的

你知道你身在2004年現代人的通病嗎？

1. 即使下班回到家，還是坐在電腦前面.......
2. 已經很久都沒用過「真的紙牌」來玩遊戲。
3. 只是要聯絡3個人，卻有9個以上不同的電話號碼。
4. 會傳e-mail給坐在你隔壁桌的同伴。
5. 和朋友失去聯繫的原因是他們沒有電子信箱。
6. 從漫長一天的工作中回到家，仍用一副公事公辦的態度講電話。
7. 在家打電話，會不小心按到「9」撥外線。
8. 和朋友聊天既話題總是網路遊戲。
9. 手機永遠換不完..........
10. 你從11點半的夜間新聞中得知自己失業的消息。
11. 老闆沒有處理你手中事情的能力。
13. 合約員工超過固定職員，而且更有可能長期做下去。
14. 有很多只寄網絡笑話、圖片，卻已經很久沒見面的朋友。
15. 假日時總試想睡覺，即使醒著也不想出門。
16. 看完新聞報導，會有想打人的衝動..........
17. 即使電視上播映的電影是看過的，因為無聊還是再看一遍。
18. 除了從電視上看到以外，已經很久沒有親眼看到青山綠水了..........
19. 除了同事以外..........身邊真正的朋友似剩下寥寥無幾了？
20. 對生活上的抱怨總是比快樂的多。
21. 決定他的價值是取至於網路遊戲的等級
22. 如果他沒有玩網路遊戲，你除了問他姓名、年紀、在哪上班（上學）或住那外
　 已經不知道要和他聊什麼了。
23. 時間總不是自己的？
24. 在家看電視既時間比陪朋友的多。
25. 即使三餐吃即食麵，也要幫自己的電腦升級..........
26. 今天花了很多錢買了某些東西，過了三天完全忘記錢花到哪裡去了。
27. 坐在同一張桌子前面，工作了四年，卻換了三家公司。
28. 買了高科技產品後，不到3個月就發現你買已經是次級品了..........
29. 每天都在煩惱今天要吃什麼？
30. 不小心在微波爐上輸入你的大廈 / 公司密碼 (適用於微波爐的面板是用按鍵的啦)

==================================
真正的關鍵是..............
==================================

31. 你讀了整篇文章，還邊笑邊點頭。
32. 讀這篇文章的時候，你想到要把文章轉寄給朋友。
33. 你太忙了，以至於沒發現少了第12項。

==================================
且慢！！最經典的一句話要出現了......
==================================















34. 頂！...你真係去睇有冇第12項？

>>October 21, 2004 at 5:00:14 PM GMT+8

2004 年 10 月 19 日 星期二 【晴】

尋物

本人遺失指南針一個
遺失地點不詳
遺失時間不詳
急需以作定位之用
如有拾獲, 請與本人聯絡

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Konnie 話畀我聽先醒起我還 MD 機畀佢既時候, 唔小心連埋個咪都還左畀佢
佢話今日會去睇 interschool swimming final
我又想睇
所以同佢約左咁上下時間佢還個咪畀我

dayoff
又做乖仔響屋企食晏
愈來愈鍾意在家既感覺
除左有時係悶 D 之外
真係好暖
^ ^

搵埋一返 Poly
約響火車站等
之後一齊搭車
佢借左張證畀我之後就上堂
我就響圖書館 print notes

搞到四點半
還番張證畀一就同佢行去 BRE 總部 hae
睇左 D 雜誌同 journal
其間輝同 Konnie 打黎
輝就話 8/11 可以表演
Konnie 就因為想返屋企溫書既關係, 延期還咪

同一離開 BRE 總部
一個人去都會軒食飯
順手 hae
hae 到溫書
希望得閒就 hae 多 D 啦

睇到咁上下就返 poly
開始練歌
今日既進展無上次咁好
有 D 失望
hae 過左就走

原先話同莊員食飯
結果練完就散
返屋企飲湯

今日見既人, 幾乎都係因工作關係而見既 (除左豆, Sodium 同杰咯)
搵一就係借證
其餘就係練歌既人
有 D 覺得自己變成 work oriented

成日都無做過野
但係又出左成日街
好討厭咁既生活
望著自己日記記錄左 D 咁無聊既野
無所事事左一日
少少無奈, 但係好討厭自己

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
搵唔到指南針
定唔到位
唯有望天打卦
有陽光 / 星光的話, 我會知道自己大約響邊 (搵到經緯架嘛)
望著乜都見唔到既天
無野好講

搵唔到
咪唔搵咯
定唔到位唔使死既
最多.......

浮左響個海咁耐
唔好話人, 連海草都無條
我響邊？
點知呀！

乜都唔知！
咁我到底知 D 乜？
我至少知道我乜都唔知
所以無乜野唔好問找
就算有野都唔好搵我
搵都唔係唔得既
搵到你咪搵咯

到底自己想唔想搵番自己響邊？？
搵番都係浪費資源
搵黎做乜？
都係放棄

唔見左個指南針
唔見左個天
唔見左 D 星星月亮太陽
搞到自己都唔見埋

>>October 20, 2004 at 6:27:28 PM GMT+8