2004 年 8 月 19 日 星期四 【雨】

比我缺乏睡眠的人大有人在
但何以渴睡得如此何怕？
好眼訓呀~~~~~~~~~~~~~~

成日都落雨
每個時段既雨勢都唔同
好難介定屬於邊類型既雨
唯有響日記上寫著「雨」字

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
(續昨日)
Tony 走左之後
三條無聊友坐左響人地間舖度
主要係吹水, 次要係歎冷氣

吹到兩點幾埋單
準備 hae 行
肥仔提議唔行旺角 (空氣太混濁)
於是行去何文田

行行下先發現凱聲戲院執左
唔單止結束營業, 仲成棟野拆左
有 D 唏噓
以前果度好旺架
我人生第一齣戲好似都係響果度睇既
望到成間戲院無左, 好心翳................

三條友一邊 hae 行一邊 hae 吹
不過今日既行程比較短, 亦無乜特別野好吹
所以行得少, 亦吹得少
行到何文田房屋署就折返

無食晏, 去「易牙妙手」食唔飽
又無好似佢地咁食街頭小食
所以好肚餓
走去 7 仔買左個叮叮飯, 囫圇食完就離開
要一同肥仔等, 有 D 唔好意思添 ^ ^ "

送一搭通宵巴士
佢上車之後就同肥仔行去搭小巴
之前一路 hae 行, 個天就不停閃電
都幾擔心會落雨
點知真係淋到應
有傘都淋到成身濕晒
由頭濕到落腳, 好狼狽
由於太大雨, 所以都係遮完肥仔上車先搭小巴

返到屋企四點半
上多陣網, 打左少少日記先訓
咁就五點啦~~~
聽日仲要學德文添...............> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唔係有一既 morning call 真係會唔知醒
佢睇怕都同我差唔多時間返到屋企
但係今朝又要晨早起身陪老拎食早餐
真係辛苦佢咯~~~

遲左少少到工聯會
又試畀一早到過我添
星期二無返, 搞到宜家既出席率同佢一樣咁低
不過我地都真係幾灰
次次去到都無點到名
搞到次次都畀人話缺席........
> . <

下一堂就係最後一堂
今日上上下堂有人走入課室問我地要唔要證書
要就寫低名同交十蚊
呢個唔係問題
最大問題係要有七成出席率
望著張充滿 O 既點名表 (O即係缺席......), 都唔知點算好 > . <

上完堂
同一去打機
三蚊一舖鼓機
雖然係第九代, 舊左少少, 不過都好好玩
忍受唔到咁平既誘惑, 被引誘左打機
仲浪費左十蚊
> . <

陪一返 Poly 搞正經野
點知佢乜都唔清楚, 搞唔到正經野不特止
仲令到我浪費左 D 時間

今日去旅行社報名
但係朝早唔記得拎護照出門口
所以要返屋企拎
拎完先會合響金鐘苦候既肥仔

之前話陪肥仔去 HKU
所以今日陪佢上去
一邊搭巴士一邊同輝傾電話
傾到去到 HKU 都未傾完
原來佢都真係幾健談
同佢細佬一樣, 會唔會係家族遺傳架...........

今日肥仔主要做三樣野：
1. check 幾時 hall interview
2. 交買電腦既 form
3. 拎學生證

去到接近四點半
打畀之前話今日會返 HKU 既笨神
不過佢已經離開左, 去左上環等上堂
畀個電話肥仔, 等佢兩個 BA 既同學可以早 D 認識

同肥仔行去整學生證
點知佢唔記得帶留位費收據, 要去返電腦室 print 張證明
死笨人........
之前唔知肥仔口中既「跑跑邵」到底係乜野
望到 HKU 邵逸夫樓之後卒之明咯~~~
「Run Run Shaw Building」！
完全唔知點解會譯成咁既 > . <

肥仔整完學生證就陪我離開 HKU
響巴士上居然撞到 GI 既教授
同 GI 無關係咯, 所以扮唔識佢

去到 SOGO 會合約好既謝
明明淨係約左三個人, 居然會多左一個連體嬰出黎
好心黃太唔好咁痴纏啦~~~~

謝今日去做 APA 既 Fitness test
仲要去照肺 + 驗身
拎著勁大張肺片 (X 光片) 周街走, 我就「燉」佢辛苦咯~~~

去到旅行社
發現我地真係去到極限遲先報名
人地要七日之前報名, 同我地一樣
果然係強

四個人得黃蜂一個未有護照
我, 一同謝三個都無問題
交完錢就走
黎既時候有五個人, 走既時候變成六個人
但係去台北既得四個人
結論：其他既人全部都係多餘？！

歸家
極眼訓
去到油麻地就開始訓
訓醒架車正向調景嶺站進發
簡直係破紀錄既訓過龍
> . <

證實左尋日真係點左豆
有 D 唔好意思
sorry ar~~

食食下飯又收到輝既電話
同佢傾左好耐
傾到好肚餓
不過可以解答到佢既問題, 個心都安樂 D 既

>>August 20, 2004 at 5:19:08 PM GMT+8

2004 年 8 月 18 日 星期三 【晴】

無無聊聊既 hae 行又再次出現
係咪真係要咁 hae 呢？
出年之後似乎無乜機會可以 hae 行
都係趁有空閒時間 hae 下啦~~~
(書於 20-8-2004　04:45 a.m.)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十一點幾起身
早過尋日好多
但係尋日都好似 hae 左好耐先訓
所以對自己既早醒有 D 不知所措

上網
尋日肥仔響我睇緊家庭影院既時候猛咁打電話黎
問我有關打針既野
我 yr 1 既時候都有見過人打乙型肝炎針
不過 HKU 既學生好似話有得打白喉同破傷風針
今日佢又來電問我有關打針既事宜
仲叫我搵笨神問問
有 D「R」頭......~_~"

卒之都係打左去畀笨神
問左先發現佢無睇過佢自己果本 student handbook
完全唔知有得打針
不過佢係唔係都唔打 (打左兩次咯喎........), 所以無乜關係

同豆 chat 左一陣
佢響人地屋企搞緊 reg. 科既野
搞搞下打畀我
問我有關佢 GE 揀乜
講講下就變成幫佢睇點樣揀科同睇時間揀科

今年全部既新入學既 Poly Yr1 學生都要讀一個 2 credits 既 GE
叫「China Studies」
仲一定要讀左先畀走
好彩我果時無 D 咁麻煩既野

由於無經驗, 所以同豆分析左好耐
諗到一個不知是對是錯既定義解析佢呢一科 GE
同佢講左一個似是而非既解決方法
都無證實過對錯
~_~"

搞左個幾鐘先暫時解決豆既疑難
唔知會唔會講錯呢？
如果真係講錯, 咪即係老點左佢？
到時我真係會好唔安樂
又要整爛佢把扇 (前日生日玩爛左佢把大口仔扇), 又老點佢.................

繼續無限期既打機同上網
打到六點半先離開屋企
之前約左 Jerry 食飯都唔記得, 要肥仔提先醒起
去到旺地恒就見到一
等左一陣居然見到從前 Upper 佬時代既 DB 同 form Vincent
佢同我地閒 hae, 仲話約左豬 Ray 七點旺地恒等
又會咁蹺既...........=.=

豬 Ray 黎到, 同佢搭左陣訕
等埋遲到既 Jerry 就起行
出發去肥仔推介既「易牙妙手」
話就話佢推介, 但係佢連家樂商場都唔知響邊
:\

七點半去到, 八點先有得食
幾乎餓到想去「牡」食就算
最後都忍到
果到 D 野尚可, 係唔夠飽 + 無乜味道

五個人食飯
四個人有去歐洲 (一, Jerry, 肥仔, 肥仔既同學 Tony)
等我一個好似唔係好關事咁..........=.=
食飯o者, 無所謂啦~~~~~

食完飯坐響人地舖頭吹水
好彩食完都無乜客等位
減少左我不少既罪惡感
^ ^ "

吹到咁上下周圍行
落到 Cyber 居然無打機
唔通一同肥仔轉死性？
唔係, 佢地嫌 Cyber 貴o者..................

行去 GameZone 打機
Jerry 睇左一陣就閃
忍唔住手同一打 Percussion Master
當然係以慘敗告終啦
條友都痴線既！！同我玩高級！！
擺明玩我啦..........@_@

滿足完一徹底戰勝我既獸慾之後
去 3rd Round
原先想去亞皆老街「牡」hae
但係無位, 所以走去食糖水
肥仔本來行去「石磨坊」, 不過最後畀同一條街新開既舖頭吸引左

食左個麻麻地既西瓜黑珍珠
十二點左右 Tony 就要返歸
之後就留低左三個無聊人坐響糖水舖呆 hae......................................................

欲知後事如何
且聽下回分解

>>August 20, 2004 at 1:07:17 PM GMT+8

2004 年 8 月 17 日 星期二 【晴】

唔講都唔覺自己原來已經廿一歲
諗諗下自己都覺得自己老
回想自己呢廿一年做過 D 乜：
1. 3 年幼稚園
2. 6 年小學
3. 7 年中學
4. 2 年 HD
5. 唱左 11 年 choir
6. 玩左 11 年中樂
7. 玩左 11 年 music camp
好似無野做過大事
但係又好似好多野發生過

假如我有一百歲, 宜家過左五分一有多
假如我有八十歲, 宜家過左四分一有多
假如......
唔理自己有幾長命
過左廿一年既人生暫時仲覺得滿意
唔算過得好好, 但亦不俗

未來既日子係點我就唔知
但係一定要努力
別讓自己白活

偶而閒思
倒想到這滿紙嘮叨...........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
五點十先同豆 chat 完
自己都知唔會咁早醒架啦
果然
一起身就係一點三
~_~"
偶而一日放縱, 下不為例

今日乖乖的呆在家裏
一來沒節目
二來為堵著老媽子的嘴 (佢日日都話見唔到我響屋企架啦......)
三來平復心情, 總不成每天也處於亢奮狀態嘛~~~

看了些鬼故事
沒甚麼看頭, 轉看他人的日記
看到謝說我今年廿一歲生日, 才驚覺自己青春不再了......

聽收音機
聽到《餃子》齣戲有兩個版本
一個係九十分鐘版, 一個係卅七分鐘版
兩個同一樣既故事, 同樣取材自李碧華的《月媚閣的餃子》
居然還會有不同的結局
實在令觀眾有變成羊祜之嫌

久違了的 Konnie 回了香港
收到她映下的相片
還聽到她說為我準備了手信及禮物
^ ^

不斷的跟肥仔測試咱們電腦的收發檔案能力
「斷線寬頻」的經常斷線, 嚴重妨礙檔案的收發
害得我時而期待, 時而失望 (期待順利接收檔案, 失望在接收失敗......)

肥仔 send 左兩隻歌畀我聽：
《愁空山》 (笛子協奏) 同埋《黃河風情第一組曲》(管樂為主的組曲)
《愁空山》唔錯, 不過都係第二樂段最好聽
《黃河風情第一組曲》有五個樂段, 不過肥仔淨係 send 到兩個樂段畀我
都係等佢 send 晒成隻先開始聽

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
《愁空山》樂曲簡介

《愁空山》，句出李白長詩蜀道難。
「悲鳥號古木，子規啼夜月」，是為第一樂章的意境
胡琴極高音的嘆息，排簫如夢的飄動，留子用循環換氣吹出的超長音，是該樂章最獨特之處；
第二樂章是山中精靈的舞蹈
此樂章運用了笛子雙吐循環換氣技法，使獨奏聲部充滿活力
「劍閣崢嶸而崔巍，一夫當關，萬夫莫開」
「朝避猛虎，夕避長蛇，磨牙吮血，殺人如麻」；
遠道之人，「側身西望長咨嗟」，這些是第三樂章的意境
濃烈沉重的鼓聲，鏗鏘有力的節奏，是此樂章的特點
大笛淳厚而感人至深的音色，加強了悲壯的氣氛

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
蜀道難　　李白

噫、吁、戲，危乎高哉！蜀道之難難於上青天。
蠶叢及魚鳧，開國何茫然。
爾來四萬八千歲，始與秦塞通人煙。
西當太白有鳥道，可以橫絕峨嵋巔。
地崩山摧壯士死，然後天梯石棧方鉤連。
上有六龍迴日之高標，下有衝波逆折之迴川。
黃鶴之飛尚不得，猿猱欲度愁攀援。
青泥何盤盤，百步九折縈巖巒，
捫參歷井仰脅息，以手撫膺坐長嘆。
問君西遊何時還？畏途巉巖不可攀。
但見悲鳥號古木，雄飛從雌繞林間。
又聞子規啼夜月，愁空山。
蜀道之難難於上青天，使人聽此淍朱顏。
連峰去天不盈尺，枯松倒掛倚絕壁。
飛湍瀑流爭暄豗，砯崖轉石萬壑雷。
其險也若此！
嗟爾遠道之人，胡為乎來哉？
劍閣崢嶸而崔鬼，一夫當關，萬夫莫開；
所守或非親，化為狼與豺。
朝避猛虎，夕避長蛇，
磨牙吮血，殺人如麻。
錦城雖云樂，不如早還家。
蜀道之難難於上青天，側身西望長咨嗟。

>>August 18, 2004 at 5:15:18 PM GMT+8

2004 年 8 月 16 日 星期一 【晴】

今年既生日
絕對比舊年既生日開心
也許是放下了對某些事物的執著
也許是對前路有了新目標
心情輕鬆, 自己也覺得高興

要自己願望能夠實現的最簡單方法
就係唔好許下太宏大, 太難實現的願望
之前兩年既願望都能夠順利實現
希望今年既願望都可以實現
^ ^

對有出席今天 BBQ 的朋友致最衷心的謝意
對有跟我說生日快樂的朋友無言感激
對沒有向我表示甚麼的朋友
不要緊
你們的心意, 我一定知道

衷心的再說一句：
謝謝

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
笨神在零時零分來電道賀
真的很開心
這可是第一次有人打電話往我家向我道賀
不過
下一回看來要給家中的電話裝上滅聲器才行..............=.=

跟她說了十分鐘電話
在我的努力下, 她成功送了十多個 DM 給我
可惡 > . <
不過她既在電話中送了我一首後半板版的「Happy Birthday to You」
又畀我成功地透過電話 fake 佢一次「大鵬展翅」
姑且饒過了她
佢聽日晨早要離開香港
所以早早的叫她收線

卡卡給我的道賀：
「又到你生日囉喎~~
　唔覺唔覺就識o左一年囉喎~~
　希望你生日開開心心,
　每日都咁充實!!!(好心咪再頹啦.. :p)
　身體健康,
　心想事成~~
　最緊要係友誼永固啦~~」
好感動~~~

還有其他的朋友 (排名不分先後)：
謝, 黃蜂, 肥仔, 談, 小齊, 豆, 嘻嘻, 火星人, 肥婆, 輝, Tim, 肥仔江, 文氏姐妹, 魷, ................
不能盡錄
實在令我太「滾」動啦！！

同肥仔研究左一輪
都係覺得唔好叫人「快高長大」
「高長大」都無問題
係「快」有問題嘛！
快同慢都唔係幾好
都係持久好.........

強烈譴責話去唔去既人
一次係咁, 兩次又係咁！
太過份啦！！！
> . <

難得見到肥婆 on9
表達左想搵佢食飯既慾望
同佢 hae 左一輪先放佢走 (其實係自已疲累得滯, 兩點就忍唔住要訓)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一起身就十點十
由於費事遲到既關係 (其實係懶...........)
所以都無去上德文
響屋企呆
成間屋得我一個響屋企
有 D 無聊

無無聊聊地呆到五點幾先出門口
臨出門口 Tim 打電話黎
傾左一陣
佢話一陣會出黎搵我地 (但係結果都係無出現過)

搭 89B 去到世界花園落車
之前睇過地圖, 但係地圖都無寫點樣先可以去到紅梅谷
堅持著一個信念：
獅子山郊野公園響獅子山隧道口既右手邊
憑著呢個信念, 卒之搵到路行到目的地
所以話信念係好緊要既........

去到得謝, smc, 小澤延同 John 四個
鋤左陣 D 大伙兒先到
六點半開始起爐
之後食蛋榚 (芒果西米露 + 雜果)
映左幾幅相
卒之成功起到第一個爐
隨後好快就起左第二個爐
開始燒炭之旅~~~~

陪卡卡去接完全唔識路既大玉
發現好多人都有潛在唔遵守交通規則既意念
成班人都鍾意亂過馬路
響自己唔熟既地方, 都係守下規則好
因為
你都無資料預測唔守規則既結果會係點......................

紅梅谷唔似西貢
無乜街燈
得附近馬路同住宅既燈光
遠遠不足以作照明之用
好彩有先見之明叫謝帶電筒, 自己都帶左支「打狗棒」
加上卡卡好聰明地帶左支小電筒
勉強幫到我地燒炭之用

今日出席既人計有：(排名同樣不分先後)
一, 老拎, 謝, smc, 黃蜂伉儷, 小澤延, John, 卡卡, 談, 大玉, 豆, 「阿爸」, 肥仔, 蔡 7A, 羅 B
有咁多人陪我過生日, 好開心

卡卡全場好靜
好似好悶咁
知道佢係因為我先出席
所以有 D 唔好意思
唯有得閒同佢傾下偈, 舒緩佢無聊既情緒
同埋叫佢解釋下一個陳思穎有幾多隻眼咯~~~ : P

剛回港既汪汪同剛奪冠軍既蟹妹先後來電道賀
^ ^
不過最頂癮既係接近完場既時候「很揚」黎左
當然佢好有心啦
不過硬係覺得佢既出現有 D 騎呢............

一路行既時候阿一同我講
話好多人都未寫完張生日咭
跟住就講左一個遺忘而久既消息－－我舊年張生日咭都未寫完
ber......................

所有既女仔 (除左豆之外) 都係好乖既灰姑娘
所以都響十二點前開始搭車返屋企
剩返八個人去大圍食糖水
計有：
「很揚」, 一, 我, 謝, smc, 豆, 肥仔, 蔡 7A
響無冷氣既惡劣環境之下, 大伙兒既 「hae」興不減
食到一點先走

除左一自己打的歸家之外
其他既人都陪豆歸家
原本佢想自己歸家架
但係佢住得咁遠, 又咁夜, 佢居然唔怕
連「很揚」同我都覺得好不可思議
點為之佢住得遠？
用時間可以講得清楚 D 既
我地行到一點九先送到佢返屋企.........

送完豆之後四散
「很揚」, smc, 蔡 7A 三個趁我, 謝, 肥仔去 7仔買野飲既時候閃左
無奈..............=.=
陪謝 & 肥仔搭小巴出旺角
出到旺角就各散東西

響小巴上面做左一樣好無聊既事：
將一個用膠袋袋著既袋放響自己個袋入面
換言之 (用麥兜既語言來說)
就係「袋包袋包袋」~~~~~~~
~_~"
兩點半先返到屋企

居然同睇奧運既豆由兩點十傾到五點十
好兇悍 > . <
佩服自己同佢既抗「眠」能力得好交關~~~~
為左要抗「眠」, 專登搵左個鬼故既網頁睇
不過講真, 核突既多, 可怖的少
能夠嚇到我既故仔就更少...........=.="

>>August 18, 2004 at 5:56:13 AM GMT+8

2004 年 8 月 15 日 星期日 【晴】

渴睡
無所事事, 但疲累
精神亢奮時, 肉體的疲累不算甚麼
可是亢奮過後, 肉體就如鬆開的氣球
塌了......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聽日新曆生日
見到咁多人為我準備
好開心
^ ^

尋日好鬼眼訓
但係居然仲可以支持到兩點幾先訓
強！
同笨神 chat
佢 17 號要去廣州省親, 唔得閒應酬我既生日
都唔記得叫佢買禮物落黎畀我添~~~
唯有搵佢陪我今日食飯
佢話今日要返 HKU 搞 apply hall 既野
之後又要去琴行傾野 & 夾琴
所以只係可以搵佢食晏

十點幾醒
過左唔夠十分鐘笨神打黎 morning call 我
佢尋日預計自己八點醒, 結果當然失敗
不過佢比預計早搞完 apply hall 既野, 所以依舊得閒陪我食晏

去到裕民坊「牡」樓下就見到笨神
出門口既時候佢響油塘, 仲話有少少野要搞
估唔到都快過我到
早知我唔行得咁慢啦~~~

同佢去左沙嗲王食
裝修得幾靚
同佢坐二人位
二人位設計得好特別, D 職員就簡稱為「浴缸」
尋日同笨神傾計既時候, 佢無啦啦背《岳飛之少年時代》
今日坐響 D「浴缸」入面
突然諗起「抱飛坐巨甕中」呢句
忍唔住笑左好耐

我望著條街
無叫「大鵬展翅」, 只係「哇」左一聲, 手指指向窗外
好笨既人就上當
雖然好快醒覺, 但係笨左就係笨左
不愧為集天下諸笨於一身既笨神

食完飯 hae 坐左一陣就走
送佢搭小巴去藍田
之後「行左一圈」巴士站
所謂「行左一圈」巴士站, 就係呆呆地行左一輪, 先發現自己沿著巴士站行左一個圈
絕對戇居 > . <

行過中華書局
睇左一陣區樂民
臨走望到李碧華既《新歡》
受唔著誘惑, 睇完先走
本來入面仲有一本《風流花吹雪》,
諗左一陣, 都係留番下次先睇

唔想咁早返屋企
去圖書館 hae 坐
拎左兩本書睇
睇睇下又訓著
:\

近排成日去到圖書館就訓
平時溫書就話會訓O者
睇消閒書都睇到訓
暗自納悶..........

六點左右歸家
收到 YCO 既信
好彩, 無畀人炒到
in 得咁差都仲可以玩 YCO
好明顯係對人唔對事啦
如果係對事, 以我 in 果日既表現一定入唔到
如果係對人, 就唔會叫我去 in 啦！！
無論如何, 都係時候要自己爭氣少少, 玩得好 D 架啦

夜晚卡卡問我原本21, 22, 29三日係咪有表演
聽到佢咁問都已經覺得有 D 唔對路
果然, YCO 叫佢頂左我果三個表演
原先仲以為 YCO 會搵棉花鬼頂添
搞到佢, 真係有 D 唔好意思
不過表演得多都係一件好事黎既
^ ^

卡卡係今年沙官中樂團既 Vice
聽日要開會既佢仲要幫手整埋 agenda
真係辛苦佢咯
豬 ray 果時開會一向都係小型會議
從來都無試過正式開會
choir 就個個星期都要開例會
究竟開會好唔好？
唔知呀
希望佢唔使做得咁辛苦就得咯~~~~

同床單 chat
能夠成為記得名字既男仔
與有榮焉！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
轉念之間

「今日不知明日事，愁什麼？」
「人世難逢開笑口。苦什麼？」
「死後一文帶不去，慳什麼？」
「得便宜處失便宜，貪什麼？」
「榮華富貴眼前花，傲什麼？」
「他家富貴前生定，妒什麼？」
「冤冤相報幾時休，結什麼？」
「世事如同棋一局，算什麼？」
「是非到底見分明，辯什麼？」
「欺人是禍饒人福，卜什麼？」
「一旦無常萬事休。忙什麼？」

>>August 16, 2004 at 5:17:44 PM GMT+8

2004 年 8 月 14 日 星期六 【晴】

唔用自己玩開既本門樂器表演
感受完全唔同
平時表演, 中阮不嬲都係伴奏樂器
無乜機會有 solo 出
就算有, 都係幾個人一齊出
Solo 得自己一個人響台上
好處係唔使理其他人有冇炒
但係自己就成為全場人焦點, 成敗均由自己表現決定
同 Concerto 一樣, 好大壓力......

都係玩敲擊好
hae 打又得, 認真打亦得
今日就係 hae 打既好例子
hae, 但係同一大班 frd 一齊玩
絕對滿足表演慾之餘, 又滿足玩樂癮
^ ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
(續昨日)
等到佢地五個叫完野飲先開始諗要乜野飲
望到 menu 上面有樣叫 Blue Breezer 既 cocktail
好 arm 自己既心情
所以叫左黎飲

關生今次呢個女友讀 CEM Yr 3
講真個樣麻麻
唔知佢可以同關生幾耐呢？

笨神依舊畀人 fake 到「大鵬展翅」
為左令人誤解佢唔係笨, 佢唯有講：「其實我係八............」

同笨神一齊搭小巴
坐到觀塘, 由於怕畀的士司機鏟既關係 (身上面得一張五百蚊)
去 7 仔買左兩支 Macnum 朱古力雪條食
一來唱錢, 二來散散酒氣
食完送佢返屋企
原車的士歸家

第一次坐的士遇到警方所設既路障
好彩得司機提醒, 唔係唔記得戴安全帶就弊
同報平安既笨神傾到落車
又要畀錢, 又要找錢
一隻手拎幾樣野, 好狼狽

本來想打完日記先訓
同豆打左個招呼就怒烚眼訓
個 mouse 仲畀我整跌左幾次
Z _ Z
都係聽日先打日記

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
個頭痛都諗唔到野呀~~~~~
估唔到日日都咁晏起身
今日居然可以六點幾就起身
仲要係輾轉反側極都訓唔著
飲左一杯 Cocktail 之嘛
點解個頭會痛到咁架~~~~~~
> . <

頭到訓唔著
乾脆唔訓
起身打日記

打到八點半就打去嘈醒笨神
同仲係好想訓既佢講左一陣就叫佢訓多陣
....................
打去畀佢就係 morning call 佢
又叫佢訓番, 咁做乜要打畀佢呢？？

平時要早起身就醒唔到, 要人 morning call 我
今日不單止自己起到身, 仲要 morning call 人
~_~ "

打完日記九點半
電話又響
又係笨神
原來佢真係訓番, 九點四先起身
但係佢要十點鐘幫佢教琴既琴行做評判
記錯佢十點半先至要返到去
無 re-morning call 佢添

上網 check 左 89D 上車既位置
打左陣機先出門口
十一點半出門口, 十一點十一就去到馬鞍山廣場
一如之前上網睇路線圖, 架巴士響廣場門口落客
好似專登為我表演而設個巴士站畀我咁
^ ^

行上廣場既時候忽然醒起：
「落車就知響邊度落, 但係好似我無諗過回程響邊度上車喎......」

望到中樂團擺既檔位, 但係唔見有我地既人
正想打畀謝既時候, 一打電話黎叫我行返轉頭
佢坐響附近, 望到我都唔叫我
懶到打電話叫我返到搵佢
~_~"

老鬼唔係應該遲 D 先到架咩？
點解最老果兩個會最早到架！！
(John 雖然早到過我, 但係晨早就同 Mummy 唔知去左邊咯...)

同一去百佳買野食
買左八個蛋撻, 坐響商場二樓既地下食
食食下望到響地下徘徊既達人
叫佢上黎陪我地再次殺入百佳買野食
望到 D 燒肉, 好想食
但係好似好誇張咁
結果三條友買酸齋食
食完先會合已經到達既庇記人s

hae 到無倫既綵排
庇記人s 既專業態度不但令我地滴汗, 更令中樂團既人滴汗
甚至嚴重到有人同負責既謝講：佢地既表現都關謝事.....
恐嚇？！？@ _ @

相對同台演出既仁愛堂田家炳小朋友
我地實在太 hae 啦
上到台食香口膠, 炒粉, 錯手勢, 講野, 笑.......
人地又一字馬, 又嗌晒口號
直頭係「無得輸」啦~~~~~

工作分配：
庇記人s 打初級組
達人, 謝, 我, 蔡 7A 打中級組
巨 X 彥, John, 黃蜂, 一打高級組
初級組畀庇記人s 打絕對係因為實力而言
至於其餘人既工作分配, 則因為大家猜包剪鎚既功力深淺.........

打到勁辛苦
唔係因為好耐未練過
係因為 D 扁鼓既架太矮
連我都要屈膝打鼓
其他人既淒涼景況可見一斑

是日共兩場演出
1. 14:00 - 14:30
2. 15:00 - 15:30
第一場表演無錯係有 D 緊張 (少少一定有既)
不過最唏噓都係一路打一路跌譜
完全樣衰........ > . <
最抵死係黃蜂同我打同一 part, 亦同我同一命運
點解抵死？
因為我地企台中間咯................................................

第二次表演前痛定思痛
搵電線膠布固定份譜響個譜架
今次卒之都無乜錯
起碼無跌譜
不過都好唔自在
因為亞視兒童台既人居然走過黎錄影
搞乜鬼野呀...............
:\

等完謝做訪問
去哈迪斯食下午茶 (同時係遲來既 lunch....)
總算擺脫無 lunch 食既惡運
^ ^

食完搭 89D 歸家
由於 89D 既總站響藍田, 笨神教琴既地方又響藍田
諗住佢可能未走, 順便搵佢食飯
結果打完畀佢, 發現佢晨早返左屋企
灰.............
同佢傾左一陣先收線

好開心既一日
不過好鬼死疲累......................
Zzzzz................

>>August 15, 2004 at 3:01:29 PM GMT+8

2004 年 8 月 13 日 星期五 【晴】

也許害怕有人挑戰笨神的地位
才導致她不斷的做出無人能及的笨事
以證她的名

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚小齊令我對自已 ICQ 接收檔案既功能有番多少信心
幾十幅相, 用左唔夠一分鐘就收番晒
簡直係近年未始有的事
證明自己既 icq 未至於崩潰既邊緣.........

起左三次身
九點幾醒過一次
十點幾第二次醒
十一點幾第三次醒
完全無需要早醒既時間就早醒
平時要早醒就晏一晏都未起到身
> . <

三次起身都係起得太早
結果訓到十二點幾先滿意自己既起身時間
出紅磡影印「十八」既譜
比預計時間早完成任務
響 poly library hae 多一陣先去灣仔

今日要 recall 番舊年比賽既記憶
準備聽日既示範表演
第五個到達集合地點
等左一陣就出發去排練場地－－灣景酒店隔鄰既青年會舍
隱蔽到死, 未去過一定唔知響邊....

三點開始練
庇記有四個代表出席
DB + YCO 就有八個代表出席
隊名叫「十八」, 居然得十二個人出席
~_~"

hae 練得好緊要
庇記既同學們甚至連我地打到邊都唔知
只係我地四個人 (達人, 謝, 黃蜂, 我) 打完無炒
唔想再練先至 hae 過左....

做得示範表演, 當然係每組既歌都要打一兩首
過左兩首初級組 + 兩首中級組 + 兩首高級組
勉強算係呃到自已呃得人
由於剪貼功夫欠佳關係, 無練到舊年我地既決賽 re-arrange 過既歌
(負責剪貼工作既庇記同學們宜乎參考下 DB 仔日常製分譜既工作
由總譜剪貼成分譜, 絕對係 DB 仔懶抄譜之下既產物)
唯有靠聽日既綵排......

練完未走得 (因為要等 HKCO 既人黎同我地傾聽日既事宜)
就諗下聽日點去示範場地
馬鞍山實在太遙遠啦！！！

響天橋行行下收到電話
笨神坐緊車返 poly
問我可唔可以幫佢買野食 (佢話今日唔係好多野, 好肚餓)
聽完我講我既位置之後佢有 D 失望
隨即叫佢等埋我一齊食野

同達人搭地鐵
無論架車幾多人都照上
餓死啦！！！
尋日又無食晏 (被 fake 所以無食)
今日又無食晏 (印譜印到唔記得食)
仲要做 D 咁體力勞動既野 (練鼓好需要勞動架嘛, 雖然, 我地練得唔係好夠....)

行到佐敦打畀笨神
佢響 7-11 買燒賣食
叫佢幫我買多一份就收線

返到 music room
眼看自己既燒賣畀笨神抽稅 (佢話係佢幫我買 + 整 + 搬野食既代價)
十粒無左兩粒呀~~~~
無奈
話口未完火星人就趁機搶左我一粒燒賣
食得七粒, 完全唔夠
好肚餓呀~~~~~~~~~~~~~~~~~~~

練歌
Ronny 有 D 進步
笨神個女 (新任 Piano Accompanist) 都玩得唔錯
不過整體上仲有好多野要改善

四個 9 th choir (從左到右：阿大, 笨神, 我, 火星人) 坐埋一齊
證明左兩樣野：
1. 四個老鬼坐埋一齊, 真係會做成紀律上既嚴重問題.......
2. 男仔好少, 肯返黎練歌既男仔更少 (唔係都唔會有位剩畀女仔坐.....)

九點幾練完歌
餓到個肚凹左
食飯！！！

離遠望到關生同女友一齊行街 (佢好易認O者, 望見背後有支火箭炮既咪係佢咯~~~)
奇就奇在四個人一齊行, 淨係得笨神一個望唔到佢
無愧笨神之名~~~
關生居然叫女友陪佢剪髮
真奇怪 @_@
約左佢一陣搵返我地食飯

去 red dot 食
叫左個泰式燒豬頸肉食
諗住炒飯會大個 D
弄巧反拙
望住個飯, 未食都知道食完會仲餓過未食.....................

食完關生先到
佢 & 佢女友同我地分開坐
唔係因為佢重色輕友, 係因為我地費事同關生坐....
預計關生會同我地講既野佢都真係講左
果然兇悍~~

食完飯去諾士佛台飲野
行行下火星人抬頭望天, 大嗌：「哇！」
之後一個笨人就經常忍唔住望過去
隨後火星人就施施然講埋落去：「哇！大鵬展翅呀！」
絕對無聊
但係絕對有人上當
再次證明笨神之名, 當之無愧.......

笨神個妹 15 號生日
一到十二點笨神就打畀佢個妹
打左幾次先通
一通佢就同佢個妹唱後半拍版既 Happy Birthday.......

欲知後事如何
且看下回分解

>>August 15, 2004 at 10:23:58 AM GMT+8

2004 年 8 月 12 日 星期四 【晴】

最成功既 Farewell Party 到底係點？
就係過左你都唔知究竟有冇同人 farewell 過..............

能在開心時讓人感受到自己的喜悅
能在失落時找到一個可以跟自己傾訴的對象
就是幸福
慶幸自己的幸福
對所有的朋友衷心說聲：
「謝謝.............」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
行動？不行動？
每次為著這些小事苦惱
有時也會埋怨自己的窩囊
明知遲疑的代價
卻每次也犯著同樣的錯誤
「從人不從已」的問題由始至終也沒有嘗試過解決
無藥可救？
但依舊沉溺..............

今日既德文要提早十分鐘上堂
當係補番第一堂打風既時間畀我地
九點七再由一 morning call 我
聽完電話之後又訓過
十點先起身

一早過我去到
第一次兩個都準時到達
絕對係值得紀念的一刻

上完德文陪一返 poly
佢要去 locker 拎譜畀佢新學生 (住響偏僻既將軍澳......)
同佢食完飯就去 library hae 到點半
打電話同蔡 7A 講自己響紅磡等 (無理由響紅磡搭火車去旺角, 再由旺角搭車返紅磡去半島豪庭掛....)
等到兩點幾就去同佢地會合

今日去肥婆屋企同小齊 farewell
肥婆成日都話我讀 poly 咁近, 得閒上佢屋企坐
但係從未踏足過佢半島豪庭新居
卒之可以一嘗素願
美中不足既係佢唔響屋企.......
太耐無見, 有 D 掛著佢 (雖然佢係男人.....)

響 poly 宿舍望得半島豪庭多
入去參觀都係第一次
35 樓真係好高
高到有 D 得人驚
平時響 hall 望去半島既泳池, 望得好舒服
但係從 35 樓望向泳池既感覺只有一個：高得太可怕啦.........

二話不說問 Dennis 拎佢大佬個阮出黎
彈左兩三下就發現一個事實：
肥婆似乎好耐無練琴咯........=.=

彈左兩彈捉左小齊入肥婆房
幾個準備 yr 1 學生 (包括我) 成立左批鬥小組
向孤立無援既小齊進行慘不忍睹既疲勞轟炸
誓要迫使佢精神崩潰
好似拍戲咁搵枱頭燈照佢, 然後盤問佢
~_~"
結果？
成功左一半
另一半費事迫佢, 放棄盤問

盤問完開始打牌
如果今日係打錢的話, 睇怕都可以輸到返唔到屋企
下家成日食糊, 係咪我扣牌不力所致？！
但係就算我扣晒 D 牌, 好運依舊降臨下家既 Kingsly 同幼齒倫
worse luck........

無無聊聊地不斷打牌
打完就去紅磡食晚飯
之前以為開大食會, 無食晏就會合佢地
結果食左好少零食
餓到發慌
食左個晚飯都係唔飽

同O者喱仔一齊跟幼齒講解未來既形勢
好似講左好多主觀意見
但係希望佢地從中明白我地既冀望
能夠令拔萃精神薪火相傳, 就是我們一眾老鬼對新人的最大冀望

夜晚食晚飯, 各有各吹水
完全唔似同人 farewell..........=.=

去許留山食糖水
以後都唔響果間野食有西瓜既糖水
太難食啦！！

映完大合照就各散東西
同肥仔行返佐敦搭地鐵
行咁遠幹麼？！
都係想 hae 行 + 吹下水O者...........

卒之明白點解之前肥仔想入 psychology 同宜家唔想離開 BA 既原因
希望佢自己能看透
跟他說了良久, 也希望自己明白自己所說的一切...

是夜問小齊知唔知獅子山響邊
佢居然唔知道！！
如果佢生存響「即捕即解」既年代
佢一定畀人誤會佢唔係香港人
分分鐘畀人槍斃................................................
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你上一次哭是甚麼時候？

張小嫻

深夜裡看書，情節很感動，我一邊看一邊哭
第二天早上起來，想起那個故事，結果又哭了
不久之前的一天，我還問自己：「我上一次哭是甚麼時候？」已經記不起了
我好像很久沒有哭過。今天再想想，那個故事並不是特別感動
也許，我們只是找個藉口哭罷了
哭過一場，忽然覺得身心舒暢，就好像在秋涼的早上到郊外散步呼吸新鮮的空氣
也好像剛剛做完一場運動，體重減輕了
所有的壓力和愁緒都和淚水一起流走了
流淚原來是有益身心的

你上一次哭是甚麼時候？
你上一次感動落淚是甚麼時候？
你上一次跟男朋友吵架的時候有沒有哭？
還是你已經不會再為他哭？
你上一次感懷身世是甚麼時候？
快樂和不快樂的人也會感懷身世，不要因為曾經感懷身世而覺得慚愧
近來滿腹牢騷、脾氣暴躁、提不起勁做任何事、覺得男朋友沒以前那麼愛你，不如找個藉口哭一場吧
哭過 一場，你會舒服很多

超過十八歲的人可以哭
超過三十歲的人也可以哭
已經四十歲了，依舊可以哭
哭是無分年紀的，這不是甚麼醜事
如果實在哭不出來，就找個男人來打一頓吧

>>August 13, 2004 at 6:45:38 PM GMT+8

2004 年 8 月 11 日 星期三 【晴】

一個人懶到盡處時, 甚麼也不想做
別以為逃避責任能解決問題
為此, 今天的我付出了沉重的代價............

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十一點三起身
成個人痴痴呆呆咁
唔知做乜好
今日無乜特別事, 都係唔出街咯
無事出街少破財嘛
點知............

上網 check 有乜書要續借
赫然發現家姐既書今日全部過期
尋日佢叫我幫佢睇有冇書到期, 但係我就懶得理佢
結果...........
咪要幫佢落街還書咯

為左令朝早既生活有意義 D
又開左貝多芬聽
聽完好精神
食左少少野就落圖書館

開圖書館續借
過期, 所以要罰錢
果然係無事出街少破財.........

搵左一陣 CD, 見到一隻 CD 有《貝五》&《貝六》
二話不說就決定借
做乜呢個暑假成日都聽貝多芬既？？
唔通鍾意左佢？

睇左一陣書, 覺得好眼訓
掙扎左好耐叫自己唔好訓
疲累到訓著左
溫書就話會訓o者
睇閒書都睇到訓, 真失敗..................=.=

借書既時候
前面既女仔因為有書過期未還
拖慢晒我借書既進度
八卦望一望佢既借書 record
唔係掛？！
03 年要還既書佢都未還？！！？
好似都過左半年有多啦喎..............

落二樓拎左一張 leaflet 就歸家
之後又不斷咁聽貝多芬
遲早聽到傻
=.=

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
http://student.zsu.edu.cn/~st01zhf/Proper_Use_Of_English.swf

一個英文生字居然可以砌一段短片
精彩
不過唔好畀 D 細個既小朋友睇
否則唔好話我教壞佢

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
下列兩則都係 copy 其他人既日記
純粹為左分享
唔好告我抄襲.................

聊天, 是增進感情
約會, 是多一點共同的回憶
吵架, 是多認識對方, 並且學會和好
親親愛愛, 是享受甜蜜的氣息
麻痺, 是習慣的代名詞, 突然少了會很奇怪的
承諾, 是證明這段感情要經得起考驗.
努力, 是代表你真的很在乎
感動, 是因為被愛一點一滴滑過心坎裡
付出, 是因為愛不知怎麼給, 不能不求回報, 但也不苛求
真心, 是因為真愛不容易來臨, 一但來到, 就該真誠地去握
痛苦, 是絕對在乎的表現, 沒有是很不尋常, .有了又很苦
自私, 難免, 不然怎麼叫「最愛」？！
珍惜, 是因為怕失去, 所以呵護著, 視你為唯一
冷淡, 是因為正在沉澱, 可是不要沉過了頭
思念, 是因為心裡常常有著你, 這就是愛的魔力
掛心, 是因為很愛很愛著, 心跟著心愛的人跑
溫柔, 是要讓愛表達的甜美
三八, 是愛情裡的小孩子氣的表現, 傻, 但很甜
撒嬌, 是想要多一點呵護及在乎
打情罵俏, 讓生活過的甜蜜又有趣
重視, 是絕對的愛情保障, 沒有重視就沒有愛情
在乎, 是為了要愛你, 心有所屬
差別待遇, 是要讓你知道你最重要
信任, 是感情維持最重要的, 要一起努力
多來往, 是為了讓感情更穩定, 也可以避免不必要的距離
分享, 是要讓對方多了解彼此, 有助於維持感情

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
逃避不一定躲過
面對不一定難受
孤單不是保護
得到不一定長久
失去不一定不再有
轉身不一定軟弱

>>August 12, 2004 at 4:02:50 PM GMT+8

2004 年 8 月 10 日 星期二 【溫暖】

會考放榜日
有人歡喜有人愁
考得好的, 恭喜
考得未如理想的, 不要緊
會考不是一切

人生就如攀過一個又一個險峰
以為前路崎嶇
回首一望, 原來不算困難
面前尚有無數的山要闖
卻步？
上山容易下山難
還是咬著牙闖吧

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早謝 morning call 我
其時為十點半
聽完個電話, 完全起唔到身
太疲累啦
結果訓到十一點三先起到身

打畀卡卡
考得好好
勁！

出旺角會合謝
傾盆大雨
出門口果時仲好好天架喎.....
好彩, 不嬲都隨身攜帶雨傘
落雨都唔使驚

落機舖等左一陣一同豆趕到
一今朝陪豆去 poly 做註冊
但係失敗
所以佢今日仲未係大學生
呵呵~~~~~

一齊去越食飯
去到越巧遇「二萬條毛」+ 曾國斌
響半個鐘之後, 成間越畀十九個 DB 仔霸佔住
好似包左半個場咁............

食完 hae 坐
豆要做義工早走
由「很揚」頂上
坐左多耐先走

嘻嘻話想去圖書館
成功延攬左我, 謝, 肥仔陪佢
順手搵左 D 有關台灣既書睇下
Tim 話搵我地成朝, 最後都黎左圖書館同我地會合
謝未「發市」既圖書證成為我, 嘻嘻同肥仔既恩物
用左佢果張無借過野既證黎幫我地借書

離開圖書館, 同嘻嘻分道揚鑣
幾條友陪我去 City 註冊入學
今日既註冊同兩年前響 poly 無乜分別
同係以領取學生證為最大目標
所以拎完就走

入 camp 既時候收左信叫我拎提款咭
一直都唔順路去九龍塘拎
今日順手去匯豐一次過解決問題
為左試下張咭同密碼用唔用得,去櫃員機提左一百蚊
然後再入番一百蚊
好無聊................... =.=

為左搵多 D 有關台灣既資料
返 City 書局睇書
不斷地畀幾個無聊人用 D 好無聊既對話纏繞
好煩！！！> . <

等到一會合番我地
五條友無聊地去「祥哥」閒 hae
hae 左一輪, 想詳談台灣之旅失敗
決定去旅行社拎章程, 睇完再作打算
太眼訓, 所以搭地鐵搭到鑽石山後無同佢地落車
直接返屋企
Zzzzzzzzz....................................................

會考放榜日
認既朋友當中, 發現左一個好奇怪既現象
就係女仔比男仔考得好
卡卡考得好好
小談仲強橫
床單簡直係神 (尖子喎.........)！！

不過無論如何
分數並不代表個人素質的高低
自己當年考得唔好
也多少明白失意的會考生心情
別讓一時失意影響鬥志
努力, 掌握各問題的重點及竅門, 加上無比堅定的耐性毅力
事無不成！

同床單 chat
佢尋日約左 YCO 既朋友響沙田會合
響機舖樓上無意中撞到撞到我同笨神一齊
仲見到笨神食雪榚
又會咁都見佢唔到既 =.=

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
究竟愛到甚麼程度？

男人說了「我愛你」，女人不一定會熱淚盈眶擁抱他
女人也許會問：「你說愛我，那麼究竟愛到甚麼程度？」

甚麼程度？這是很難回答的。
說「比天還要高，比海還要深」？笨蛋才會相信你。
說「你是我這一輩子最愛的女人」，問題並不會解，「最愛」即是甚麼程度？
男人說：「是危險程度了。」，女人會感動得立刻追問：「危險到甚麼程度？」

愛不是一個數字，不能說「已經去到一百分」或者說「就像『畢氏定理』一樣永恆。」
愛到甚麼程度，也許只能打個譬喻。

愛你的程度，就像女人與神奇胸圍，一旦遇上了，就遠不能沒有。
愛你的程度，就像男人與權力，永遠不能分開。
愛你的程度，就像茶葉和水，沒有水，茶葉就很寂寞。
愛你的程度，是牛油和麵粉。牛油和麵粉共同努力，可以做出蛋糕。
愛你的程度，就像雙腳與鞋子，一生相依。
愛你的程度，是朱鎔基的程度，不管前面是地雷陣，是萬丈深淵，我將勇往直前，義無反顧，鞠躬盡瘁，死而後已。

已經到了這個程度，滿意了吧？

>>August 11, 2004 at 6:22:07 PM GMT+8