2004 年 7 月 30 日 星期五 【晴】

入 camp 第七日
亦係七月既尾聲

出 camp 啦....
好似神咁疲累左六日
不過第七日都要練野
第八日仲要表演添
如果我係神, 睇怕一個星期都要有九日先得咯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
雖然係最後一日
但係都無食早餐
好明顯我無陳沛倫咁有魄力
星期三明明要出 camp, 硬係唔肯錯過響 camp 入面食三餐
擺明唔會蝕底咁....

早醒過之前幾日
八點七起身
不過都係差 D 遲到

練到十一點三就返房執野
佢地尋晚就執好 D 野
明明見到今日有時間執野, 所以都係留返今日先執
望住我張床隔離條走廊無晒野
真係有 D 唔自然 (話晒入左咁耐就亂左咁耐, 都無乜見過條走廊無野......)

食晏時所有既話題都圍繞住「床單」
仲用左貝多芬既交響樂黎填詞
「丹丹丹旦, 丹丹丹但, 丹丹丹郭....長.....丹」
忍唔住幫陳沛倫手
唱左段野畀佢地成圍人聽
畀左陳沛倫本 camp book 佢地簽
仲搶左「床單」本 camp book 畀佢簽

下晝繼續排練
練完執樂器
大大佬既好帶挈令我要揹多個琴走
仲要之後抽時間返沙田 MO 還琴
> . <

又問何生 + 張 "失" 業簽名
尋日先搵何生簽完
今日又搵佢簽
佢起初唔肯
我話我係真心既, 佢就話我一半係假既
最後都係幫我簽左, 仲畀左佢個手提電話 no. 我

雖然之前肥仔江早就畀左佢個手提我
但係由何生親口畀我既意義唔同架嘛~~~~

想捉何生映相
年年都同何生映張 camp 相
佢今日話遲 D 同我映, 但係之後就左去
呃我....

五點幾先等到第二輪既巴士接我地出荃灣
無聊既時間成班敲擊人就坐響看更個位度開風扇涼
之前響房開 DVD 睇 Storm (敲擊樂隊, 除左正規樂器之外乜都敲)
搞到我地學埋佢地 D 衰野
一個人打左一 D pattern 之後好快就勁多人跟住打
愈打愈嘈
卒之畀「食蕉」sh 我地....

大家都好疲累, 所以出左荃灣就各自歸家
返到屋企就開始還「日記債」
還極都還唔晒
打到兩點半先至打完廿七號日記
太驚唔 mark 低會唔記得昨日今日發生過乜事 (之前未 mark 低嘛)
仲要 hae 埋筆錄本既日記稿先有得訓

聽日 09:30 要去到屯門呀~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
佳句實錄：

1.
之前咁多日 camp 都係叫小齊做「屎」
尋日望到張宣傳滅蚊既海報
突然對佢有新既稱呼：

「小心登革熱
　齊來把蚊滅」

呵呵~~~~~~~~~~~~~~~~~~~~

2.
創作左新既繞口令：(記住要用正音讀)
「郭長丹割床單」

3.
卡卡又畀人玩
今次唔係我玩佢
係佢前面既高音阮妹妹仔做既
對話如下：
問：試講十次「老鼠」呀！
答：老鼠老鼠老鼠老鼠老鼠老鼠老鼠老鼠老鼠老鼠
問：咁宜家你講十次「鼠老」呀！
答：鼠老鼠老鼠老鼠老鼠老鼠老鼠老鼠老鼠老鼠老
問：貓怕乜呀？
答：(諗左一陣, 好肯定地回答) 老鼠！

佢又試畀 D 連環陰兇險 IQ 題 KO 到
望著佢, 真係完全唔知畀乜反應佢好咯~~~~~

4.
今年既團歌係《萬匯一》(詞寄《步步高》)
由於有個別用字唔出得街既關係
都係唔打出黎咯~~~

>>August 2, 2004 at 5:53:40 AM GMT+8

2004 年 7 月 29 日 星期四 【晴】

入 camp 第六日
卒之天晴啦~~
聽日就要出 camp, 有 D 唔捨得
雖然好悶, 但係好充實
日日都要練野
咁耐無練過琴, 估唔到一入 camp 就一日練成十幾個鐘
練到左手既手指痛到抽筋
不過真係練得幾開心

生活無聊
但充實
缺乏充實既生活
係時候要改變下自己啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
又係八點八先起身
好彩今日排練前係映團體相時間
唔使咁早落排練室
否則又會畀何生怒鏟...................

攝位失敗
無得企張 "失" 業隔離添
勁唔開心
X_X

今日張 "失" 業企圖一次過玩晒《麗江》四個樂章
可惜大家既精神唔多集中
我都忍唔住訓左

之前有個吹簫既人吹得勁難聽
又氣聲, 又無氣
"失" 業次次聽親都皺起眉頭
結果搵肥仔吹, 效果居然好左
(聽聞佢舊年好似連段簫 solo 都畀擊落, 走左一日就畀「技安」搶走左段 Solo.....)
話時話佢今年 music camp 真係進步左好多
音準左, 夾得幾好 (雖然仲係唔夠氣)
的確比以前好左

排完大組又要排 Incamp Concert 2
有乜野比一晚三個節目辛苦 D
咪一晚四個節目咯
兩個 Incamp concert 總計要玩七個節目
包括：(依出場序)
1. 《步步高》(嚴格 D 係半個節目O者, 因為阮咸重奏呢個節目有兩隻歌, 其中《月圓花好》我無玩)
2. 《牧場春色》
3. 《Japanese Impression》
以上係 Incamp Concert 1 既節目
4. 《奔馳在千里草原》(純粹係幫盧亮軒先玩)
5. 《正月十五鬧雪燈》
6. 《第一次收獲》
7. 《草原騎兵》(唔知點解分譜個名會變左《草原巡邏兵》, SMC 唔講都唔知個名唔對路)
以上係 Incamp Concert 2 既節目

其中 2, 5, 7 三隻歌係 YCO 遲 D 要去表演既歌
係何生懶得暑假排練先至響 music camp 練, 順手表演
之後八月尾就表演
本來我都要表架
Plan 緊去台灣, 所以絕對唔會因為果個咁既表演唔去
何生一問有冇人唔得閒, 我同謝就即刻話要去旅行咯~~~~
話就話遲 D 唔使我地, 不過 Incamp 都要我地出...

咁多隻歌都要我玩, 好似好勁咁
但係隻隻歌都玩得唔係幾好 (唔係我呀, 我交足貨架~~~)
所以都真係有 D 唔開心
T_T

尋晚本來諗住再下一城, 再奪「紀律獎」既桂冠
點知有間房學晒我地 D 衰野
扮晒乖不特止, D 鞋仲好整齊地擺響櫃入面
巡完房德哥就同我地講我地贏唔到
不過都係輸 0.25 分O者
雖敗猶榮喎~~~

至於練野方面大家就愈來愈過份
隔離既 Cello 由第四日成日都開始成日都公然食野
見佢地會請我食, 所以我都忍佢
打 Timpani 果 D 仲衰, 無佢要出聲既時候佢公然訓覺
仲訓得勁過份
訓敲擊箱又試過, 訓響鼓面上又試過, 連訓地下都試過
坐響到呆到訓著更是家常便飯 (人人都有試過啦, 有 D 人仲帶埋枕頭去排練室訓添....)
搞到張 "失" 業有一次忍唔住自串自己寫既歌：
「呢隻曲真係催眠.....」

終於第一次有時間玩康樂活動
同黃蜂打桌球
有得玩其實已經好開心, 輸贏已經唔重要咯 (查實係連輸三舖....)

夜晚 Incamp Concert 2
要炒粉既位順利炒粉, 無乜特別好記
好笑既只有胡小僖 Solo 完請我地班伴奏起身時果個樣
何生都叫左幾次叫佢請我地起身既時候型少少
但係佢直到表演都係呆下呆下
差 D 忍唔住笑出黎

玩完同自己有關既就同卡卡 + 琵琶仝人去電視室睇電視
好多小朋友睇黃子華
大佬！
我想睇中國對伊拉克喎........(亞洲杯八強嘛)
霸左個直望既靚位
其後成班敲擊黎到叫我同佢地坐都唔捨得走

睇完黃子華班女仔就散
謝好勇敢地轉台睇波, 陳沛倫加林斯昆就做左我左右護法
73 分鐘既中國隊仲係以一球領先
估唔到完場既時候居然....
唔係輸, 係請左伊拉克食三蛋
兩球都係伊拉克 D 球員發脾氣累事, 搞到要輸十二碼
最後一球伊記龍門仲要畀人紅牌趕走左, 由一個後衞做龍門 (22 號衫, 19 號褲, 仲唔係臨時拉伕？！)
不過佢都好過本身個龍門
之前龍門撲錯位輸十二碼, 個後衞起碼拍到個波架

死啦
中國隊贏波, 伊拉克人會唔會報復架....

最後一晚
成班人行左個 camp site 一個圈
之前仲有出過曹公潭本部大樓幾次, 但係次次出親都差 D 要冒雨而歸
今日好彩無落雨
淨係行過畀隔離農場 D 狗吠....

為左一句話 + 一 D 行動
成功凍結左陳沛倫今晚有機會對我作出既任何攻擊行動
點解？！
咪又係因為「割床單」
日日排練都係咪起勢偷望佢
仲唔係......

識左陳沛倫咁耐
佢次次都係衰淆底
一次又係咁, 兩次又係咁
唔好有第三次啦

講得好口爽
但係自己就..............

hae 到四點幾

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
佳句實錄：

「玩左彈撥樂器咁耐, 就係為左今日..............」
From 陳沛倫

為左乜？
之唔係為左「床單」之嘛
搞到我好似好有使命咁............................

>>August 2, 2004 at 5:46:31 AM GMT+8

2004 年 7 月 28 日 星期三 【綿綿細雨】

入 camp 第五日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
八點四十分先起身
梳洗得黎都已經遲到 (八點九開始對音嘛...)
遲左一個字先落到排練室
正值係何生「媽」人遲到既高峰期
畀佢當住全團人面前指住我鬧：「果個譚博威, 身為聲部長都遲到.........」
其他言辭都已經唏噓到聽唔到咯

畀自己最尊敬既何生鬧
真係慘過夾樂隊炒粉十億倍
仲要畀佢話我恃老賣老
好唔開心
我唔係 D 咁既人呀！！！！！！！！！！！！！！！！！！！

因為晨早畀何生鬧完
表現失準, 練野成日炒粉
勁難受

難受既事接二連三地發生
收到一個極壞既消息
我隻《小牧民》畀人 KO 左呀~~~~~~~~~~
雖然尋日響卡卡既分組之下發掘左好多問題出黎, 都幾令我卻步
但係都只係小波折
宜家成個十米巨浪舖天蓋地咁撲埋黎
完全無應

咁都未算最無應
最無應既係何生居然寧願出《第一次收獲》(一隻夾都未夾過既歌.....) 都唔出《小牧民》
佢唔出既原因如下：
1. 太多節目
2. 之前大大佬都出過阮既重奏
3. 阿 B 話佢地之前夾過 (擺明老點啦....=.=)

晨早報玩《小牧民》就係因為唔想畀大大佬破壞我既好事
結果都係「是福不是禍, 是禍躲不過」
唉....
出隻無夾過既歌都唔出我地練左幾日既歌
灰...............T_T

Incamp Concert 1 之後發現唔見左我裝譜既 folder
尋日搵黎搵去都搵唔到
差 D 又畀何生鬧
仲會畀所有敲擊鬧 (因為份 《Black & White Rag》都響入面, 佢地要用份譜既鋼琴部份黎彈)
尋晚佢地發現左個 folder 響編鐘下面, 仲拎左份譜怒練
不過都係無用
佢地個節目同我既《小牧民》同遭逢同一命運
枉費黃寄泓尋晚唔煲 Kutar 黎練木琴

晏晝時由我代表 606 號房領獎 (造馬成功, 四十分滿分順利獲獎)
由張 "失" 棊頒獎, 獎品為旺旺雪餅
我地都係志在爭啖氣O者
今次仲唔成功跌爆 D 人既眼鏡？！
可惜既係張 "失" 業同我映相既時候唔係望著鏡頭
同佢有 D 貌合神離添
:\

是晚既卡啦 OK 比賽, 上台比賽既人質素完全唔得
得果 D 粉人又全部做啦啦隊唔比賽
之前有人屈我, 冒我簽名報名參加
由於唔夠人既關係, 我無去到初賽都可以入到 Final......
不過最後我都係同 D 職員講我唔會比賽
一來怕輸, 二來唔想咁拋頭露面

比賽期間搞氣氛既居然只有我地圍內幾個人
其他人好靜
見到自己友出場都唔幫人打氣
有 D 人寧願幫其他團既人打氣都唔幫自己友打氣
灰到震.....

最衰無拎套排鼓去, 唔係直頭可以砌一套中樂 Drum set 出黎

小齊唱歌居然唱到喊
唔捨得走？
唔捨得都要走, 堅強 D 啦~~

屈左德哥吹歌
但係佢又要我地陪佢一齊先肯唱
完全唔淆佢
同黃蜂率先衝出去陪佢, 以壯行色
最後三個男「獄長」揸咪唱《每一個明天》
我地成班人就響後面和唱

夜晚又畀謝搞到訓唔著啦
唔知係咩老拎同一訓響佢隔離既關係
佢成日走過黎搞我
好似好唔願訓咁
大佬！
你唔眼訓, 我眼訓呀！！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
佳句實錄：(事情實情發生響 30 號, 提早出街既原因好明顯係因為要搵 D 野充塞日記啦~~)

之前卡卡唱《金魚歌》既時候唱左以下既歌詞：
「一隻金魚一個頭, 四隻眼睛游游游」

就此我經常響排練無野做既時候串佢
當然我唔會唔畀機會佢翻身既
於是我就問佢：
「根據你既講法, 一條金魚有四隻眼, 咁一個陳思穎有幾多對眼呀？」
佢諗左一諗, 好認真咁答我：
「兩對！」
@_@

當然我份人唔會咁絕情地一次過定佢生死
呆左兩秒之後我同佢講：
「我畀多次機會你, 一個陳思穎有幾多對眼？」
佢好仔細咁諗, 然後答：
「一隻！」
@_@ ^ 2
前面兩個高音阮直情聽到呆晒

夜晚表演完再畀多一次機會佢
我問：
「兩個陳思穎有幾多對眼？」
佢今次好小心咁答：
「四對！！」

完全無應
> . <

>>August 1, 2004 at 7:27:10 PM GMT+8

2004 年 7 月 27 日 星期二 【綿綿細雨】

入 camp 第四日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日朝早無乜精神
明明自己係清醒既, 亦都早過其他人醒
眼見一個又一個人起身, 自己硬係無足夠既自控能力迫自己起身
結果今日無去食早餐

排練如常沉悶, 無野好講

Break 既時候何生走埋黎叫我
仲同我講我尋日做指揮所犯既毛病
自己打蛇隨棍上地問左佢幾個有關指揮既知識問題
獲益良多呀~~~~

如果佢都退埋休
睇怕 MO 都無乜人識指揮架啦.....
好唔捨得何生
如果佢可以教我指揮就好咯
話晒都偷左咁多年師, 應該會跟得上既....

尋日基本上幫柳琴 (即係高音阮), 中阮同大阮執左 D 必須要執既地方
除左好驚訝地發現佢地全部人玩後半拍都有問題之外, 其他野都係要自己返房練
所以今日原先計劃全部要我幫佢地分組既人休息
誰料今日居然係何生同我地分組 (高二中胡就另外分組)
無得休息
~_~"

練完大組畀盧亮軒夾左去玩 《奔馳》
曾為 DB 仔既我似乎責無旁貸地要幫手
有時真係覺得好辛苦
我都想玩架！！！！
捉左卡卡落水陪我玩
咁先至無咁唏噓
kee.... ^ ^

又要練《小牧民》
今年兩個 Incamp Concert 我既主力節目分別為 《Japanese Impression》+《小牧民》
前者已經順利 KO
後者仍需努力

帶左條泳褲入 camp
尋日無得游, 今日又無得游
借畀謝游, 點都叫下過水呀~~~~

食飯前睇人響走廊玩閃避球
勁過癮, 打得好兇悍
不過無膽玩
....
佢地實在太變態啦
=.=

食完晚繼續響房 hae
今年既宿舍好嚴
成日都捉男仔唔畀入女仔房
搞到我連想上去同人夾琴都唔得
其他地方又無冷氣
大家唯有一班人響房 hae
陳沛倫問 frd 借入 camp 既 notebook 就成為我地主要既娛樂工具
大家似乎都迷上左玩 kutar 既小遊戲....
仲晚晚怒煲添......

今年 music camp 新增左一個好無聊既「營舍清潔紀律獎」(唔記得原名, 大約係咁上下啦)
之前幾晚三甲不入 (因為對個獎完全無興趣)
仲要畀西樂既指揮「吳家明」(無錯, 同細龜同名同姓) 串我地係麻雀學校 (擺左副麻雀響桌面之嘛...)
今日誓要一雪前恥

其實想拎獎亦係玩野既一部份
之前做 D 野咁出位, 一定畀人 offical blacklist 左
如果咁都可以有獎既話, 真係一個莫大既諷刺

同「獄長」德哥夾定要佢畀我地贏
十一點我地正式上床訓, 混亂既雜物日就畀我地用被蓋過
至於演繹訓覺方面, 大家都好成功地運用左「方法演技」

正式查房時間
未開晒度門就聽到德哥講：「呢間房好乾淨喎！！」
黃樹「熊」既評語係：「呢間簡直係示範房！」
仲表示我地「無得輸」添......

做完戲之後開始自由活動
睇 Fright Club 下半集
晨早估到畢彼特係精神分裂出黎既產品, 所以無乜驚喜
睇完第二隻 CD 大家都好眼訓
本來諗住就此打住, 明日請早
之後發現第三隻 CD 都係得十九分鐘
於是都係睇完先訓

臨訓本來想偷懶唔刷牙
結果畀謝搞到我無得訓, 迫住陪佢刷
點知刷完居然睇唔著
無奈......
唯有寫下日記啦
寫到眼訓就訓, 費事失眠
其時只係得黃寄泓健在咋......

>>August 1, 2004 at 5:02:40 PM GMT+8

2004 年 7 月 26 日 星期一 【綿綿細雨】

入 camp 第三日

好眼訓
所以 28 號朝早先寫番今日日記

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
07:30 起身
練練下野高秩「序」無啦啦召我
話大大佬有遺命畀曾志偉, 今晚 Incamp Concert 要出《月圓花好》+《步步高》
唔係掛！！
譜都無！！大家又唔係 sight-read 獸！！
好危喎..........

call 極大大佬佢都唔覆機
聽左小姐講佢出左埠.......
留低個爛攤子畀我？！！

不過都係畀高秩「序」氹度, 寫晒 D 中阮大阮既人名
從而令我發現：
唔係要寫佢地個名, 我真係唔知佢地名......

今日集中火力練《麗江》
果然順利 KO

今日晏晝要分部排練
原先以為大大佬會準時出現, 順手解決今晚無人練過既兩隻歌
殊不知佢居然分完部都未出現
仲要我幫佢分部, 做埋佢果份.....
我幾時做左 MO C (1) [音樂主任) 呀.........

分部其間左小姐頂唔順「小澤延」
面黑黑咁走左
如果唔係要繼續幫其他人分組
我一定會行去睇住佢

四點半要去 Canteen 綵排今晚既 Incamp Concert 1
見無野做返房 hae
hae 到四點四先行番排練室
一入到排練室就畀「大啤啤」碌大對眼咁怒「啤」我
仲大大聲鬧我：
「譚博威！我等左你八個字啦.........」
唔記得要同佢徒弟夾歌O者
唔使咁惡掛...........

同佢徒弟過左一次就畀何生召上六樓 Canteen 綵排
大大佬依舊音訊全無
打畀佢又唔聽電話, 問「英輝」都答唔到
連譜都無, 佢想叫我地彈 Bubble 呀！！！！！！！
原本我地係第二個綵排既節目
同何生講 delay 我地既綵排時間
緊急情況之下同卡卡夾《喀什》, 就算出唔到果兩隻歌都仲有節目頂住嘛....

rehearsal 左幾隻歌, 大大佬卒之趕到
仲帶埋承殷 + 林玲玲 + 2 個阮咸
屈左布妹妹 + 我 + 馮裕威同佢地一齊彈《步步高》
無奈.............. > . <

綵排完《Japanese Impression》之後何生行埋我身邊
好認真咁同我講：「做指揮你仲差好遠, 慢慢練啦.....」
有少少灰心添.....

一個 Incamp Concert 要玩三個節目
原來真係幾辛苦.......
要玩既節目如下：
1. 《牧場春色》(「大啤啤」徒弟「甲」獨奏, 我伴奏)
2. 《步步高》(阮咸重奏, 六個無聊既阮人玩既 hae 歌, 連「大啤啤」都覺得隻歌唔好聽, 唉.....)
3. 《Japanese Impression》(五個敲擊人 + 我做指揮)

大大佬表演完拍拍屁股就走
臨走話借兩個阮咸畀我同卡卡用
實際係無償地要我同卡卡做兩個阮咸既保險箱
一個阮咸 $15000
兩個就要 $30000
佢話如果爛左就入我數....
有時真係想同佢講我用中阮彈算數..........

表演完同一飛奔去泳池
匆忙之際整跌左一盒新既 Smint
結果都係趕唔切
泳池準時十點收工
無得游水, 仲白白犧牲左一盒 Smint 添.......

疲累到極點
十二點半就頹左.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
佳句實錄：

話說玩《Japanese Impression》既時候
無啦啦畀個 MC 訪問
我淨係負責做指揮咋喎, 唔包問答時段架嘛
歌又唔係我揀既, 問我點解揀隻歌做乜先得架....

當佢問到我隻歌有乜咁特別既時候
真係有 D 想衝口而出答佢：「無呀！隻歌好 Q 嘈咯.....」
明知唔可以咁答, 所以克制左自己好耐
然後言不由衷地答：「唔.......呢隻歌.....有極強烈既官能刺激.........」

>>July 31, 2004 at 5:50:55 PM GMT+8

2004 年 7 月 25 日 星期日 【綿綿細雨】

入 camp 第二日

開始感覺好悶
死啦
第二日就咁悶
無乜希望咁喎.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
七點十起身
一起身就播 《1812 Overture》
超級健康
仲好鬼死嘈添......

每年 music camp 既第一朝大家都會好健康地去食早餐
今日都唔例外
食左十一年 music camp 既早餐
年年來來去去都係食粥 / 炒麵 / 通粉 / 腸仔 / 方包
今日居然有菠蘿包同雞尾包食
吉兆呀~~~~~~~~

之前同成班敲擊友諗 Incamp Concert 出乜野玩
一開頭話玩《Black & White Rag》, 及後謝問周展彤借左份《Japanese Impression》既譜
ok 好玩之餘仲好搞笑地要一個指揮
於是我就好順利咁做左佢地既指揮

終於一嘗做指揮既夙願
真係好開心
雖然唔係好識指揮, 亦指得唔算好好 (一開頭幫佢地練既時候, 連份譜都未熟先唔掂嘛....)
但係總算完成到隻歌, 而佢地都睇得明我指乜
好既開始係成功既一半
我要努力.....

今日正式報名玩《小牧民》&《Japanese Impression》
年年大大佬 (即係郭健明) 都會玩無聊野
今年為免佢又要我幫佢手玩無聊野, 專登早 D 交報名表
費事佢影響到我入 camp 既良好心情

張 "失" 業正式 KO 左《沂蒙山》, 開始練《麗江》
由一點半玩到三點半
有份彈既時間真係好有限
兩段十幾分鐘既歌, 唔夠卅個 bar 要彈
忍唔住訓左.......

咁多年 music camp 都未試過著拖鞋去排練
今日居然唔記得著鞋
響一個一時係雪房, 一時係焗爐既排練室練野, 真係好辛苦

玩玩下畀曾志偉拖左出去玩樂器示範 (即係介紹中樂畀 D 黎 Day Camp 既人聽)
著拖鞋去示範！？
於是搶左羅宜峻對波鞋, 咁先無出現 D 咁強悍既場面咋....

三點半排完樂隊
響排練室正式排《Japanese Impression》
除左中間一個 bar 轉一個唔同拍子既段落未夾到之外
其它地方大致無問題
從而發現成班敲擊都係一群變態既 sight-read 獸..............
換轉係我, 要我夾隻咁既死人歌
夾十世都夾唔到咯.....

食飯之前成班練野練到疲累死既人返房休息
一邊聽《動物組曲》(YCO 出 tour 版) 一邊訓覺
真係好健康....

食完晚飯又落排練室夾
本來同高秩「序」傾好, 申請左免死金牌唔駛出席無聊既營內活動
玩到九點畀靚仔德 (中樂團男 Warden) 召返上 Canteen 聽 talk
仲畀人話高秩「序」既免死金牌無效.....
無奈 =.=

聽左十幾分鐘就聽完個 talk
再落排練室夾敲擊
卒之 KO 到隻歌
雖然未臻完備, 但係都呃到自己呃到人既....
聽日玩畀何生聽
如無意外聽日就要表演咯......................

夾完敲擊夾《小牧民》
落左二樓 Tuck Shop 夾
「小澤延」仲未 KO 到大阮果 part
我既高音阮亦有好多沙石
暫時玩得最好既居然係張亞里 (佢好似練左兩日咋喎...)
可怕....

十一點返房
睇「金田一」(DVD), 不過好似無乜人有興趣睇
玩好健康既「包, 剪, 搥」同 German Bright (輸左做五下掌上壓 / 十下 sit-up)
實在太健康啦...

太無聊
打電話搵笨神 hae
hae 到佢部手機無電 (同時我部手機都無電) 先捨得收線
hae 成半個鐘有多, 可想而知我有幾無聊啦....

同笨神既對話經常都會有 D 好寧靜既時刻
因為.....
佢成日都 DM 我咯
過份！！！！
> . <

返到房睇左半套「Fright Club」大家就訓
無活動既 music camp 真係好無聊
無聊到又早訓又做運動

寫完日記先至兩點半
但係房內眾人已經訓左成個鐘咯......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日佳句：

1. 要尊重自己, 首先要尊重人..................(by 一個講野好無 point, 態度好差既肥婆職員)
2. 在坐各位有冇人「吹」Violin 架...........(by 今日講 talk 既講者, 錯左都要死兜, 無佢符....)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
兩神對話：

DM 神：「我要睇你去泰國映既美女相！」
笨神：「好呀！我 send 我 D 相過你睇啦..........」
DM 神：「........................」

>>July 31, 2004 at 5:01:52 PM GMT+8

2004 年 7 月 24 日 星期六 【晴】

入 camp 第一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
on 左陣 9 先捨得去荃灣
好明顯自己真係有 D 唔捨得無得上網

去到荃灣唔係好記得去邊度集合
諗左一陣先醒起前年既集合地點
我諗都應該係附近掛~~~~

果然無畀我估錯, 真係響附近
想上旅遊車, 但係之前 arm arm "lup" 樹
搞到要繞大圈先上得車

一居然因為要等老拎而遲到
仲要我幫手作藉口
@_@

每年入 camp 都要 briefing
今年都唔例外
響 canteen 聽緊 "音盲" 好 hae 既 briefing 既時候, 無啦啦有人打黎
笨神？！
佢話佢今日去書展, 仲問我有乜好推介喎
唉.....
突然有 D 覺得個 briefing 好浪費時間添.....

肥仔帶左兩個黑美人 + 一個哈密瓜 + 一個大西瓜入 camp
全部都擺晒落行李箱
誰料佢完全無常識, 居然將支 Dove 放響兩個黑美人 + 一個哈密瓜下面
結果！？
成支 Dove 壓爆左
整個行李箱都係近透明既乳白色液體
行近佢三呎範圍都聞到一大陣清新既 Dove 味

入 camp 前不斷游說卡卡同我一齊出阮重奏
但係佢成日都話自己玩得差, 唔肯玩
最後搞左張亞里同小澤延玩
由於唔知張亞里實際能力如何 (即係好似 basic skills, sight-read etc.)
所以都係玩好簡單既《小牧民》

晚間排練過後就開始練《小牧民》
九點半練到十點十
有 D 嚴 (十一點要訓, 十點十先至畀人走嘛....)
不過同時證明張亞里既 sight read 能力好好
起碼佢一個鐘之內已經可以同我 run 到一次《小牧民》
至於小澤延....
畢竟佢唔係專門玩阮既....
不過
唔該佢快 D 練好隻歌呀！等緊出 Incamp Concert 架！！

夜晚返房
肥仔仲係發出好大陣濃烈既 Dove 氣息....
一間房本身應該訓十個人
但係因為我地房有十一張床, 所以要容納十一個人
有個完全唔關事既少年弦樂團小朋友 (升 DB F.1) 無啦啦調房都要同我地同房
實畀人玩死

佢未畀人玩死, 我已經率先被玩
有冇搞錯呀！！
第一晚入 camp 就玩我？！！！
仲要映埋相添！！
過份！
> . <

夜晚同一 hae 行去溜冰場
今晚老拎無纏住佢, 實在有 D 難得
行行下佢打畀談
傾左一陣就變成我同談 hae, 佢自己就疲累到訓響長椅上面
一路同談傾一路烚眼訓
好辛苦
結果都係頂唔順返宿舍

hae 到接近三點就訓
無乜野做
實在有 D 悶......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"音盲" 佳句實錄：

1. 畀 D 觀眾自己呀！(原意：畀 D 掌聲自己呀~~~)
2. 食飯一定要用公筷！(無錯, 用公筷係好, 但係十二個人都淨係用准用公筷, 一齊用公筷食飯咩....)
3. 獨家消息！！！香港無沙士！！(果然係好獨家既消息喎......)

>>July 31, 2004 at 2:02:01 PM GMT+8

2004 年 7 月 23 日 星期五 【晴】

聽日就 music camp 啦
今年應該係最後一年咯
畢竟玩左連續十一年 music camp
年年都係差唔多
真係有 D 悶

以前入 music camp 係為左同一大班人玩
人大左之後, 屋企人唔會好似以前咁管得咁嚴
自由左好多, 玩隨時都玩得
唔使單靠一個 music camp 黎維持
年年 music camp 都係同同一班友玩
呢班「鐵膽」隨時都可以約出黎玩
以 music camp 會友變得無甚意義
加上宜加新人多左, 自己又老左
唔多唔少都同新既人唔多熟
佢地又有佢地一班熟人, 都幾難話互相混熟

最問題大既, 莫過於浪費時間
music camp 響暑假中間
玩既話就要於棄搵暑期工
唔一定要為錢, 工作經驗都重要
同埋可以透過搵工知道市況嘛

宜家去 music camp
最大原因係為左練琴
平時響屋企唔會有心機練
去 music camp 對住個阮七日, 每日仲最少要練六個鐘
真係幾有效架

講左咁多去 music camp 既壞處
好似好唔想去 music camp 咁
其實我都想去既
年年都有 D 嚕囌要發
但係始終都係對 music camp 有份眷戀
話晒都十一年感情嘛

希望今次既 music camp 唔會令我失望啦！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十點畀一 call 左起身
原先想佢九點叫我起身
最後遲左起身, 遲左執野
搞到十一點先出得門口
有 D 擔心行唔完書展

飛都無, 去到書展使唔使排隊呢？
根據舊年既經驗
D 人宜家好聰明地晨早已經買左飛
所以都無乜點擔心
實際上十一點八左右去到會展亦證實左我既推斷係正確既
^ ^

點幾打畀笨神
第一次佢無聽
第二次以為佢唔聽, 但係響左一陣就通
問佢今晚食飯既事宜, 佢就話一陣返 choir
今日唔係咁多舒服, 所以都諗住淨係返去搵佢地食飯

今年書展新書多左, 不過質素低左
行到兩點半, 自己 arm 心水既書都係簡體字書
其它唔係無興趣睇就係唔抵
李碧華無錯係出左兩本新書：《新歡》, 《風流花吹雪》
不過對於散文既一向都無乜興趣收藏, 所以都係無買
如果所有佢既讀者都好似我一樣, 李碧華就慘咯.....

行到三點幾有人打畀我
我一聽電話就聽到有人咁樣介紹自己：「喂？我係屎呀！」
驚左好耐, 仲以為係有 D 無聊人打黎玩我
諗諗下先知係「柿」(皇后) 打黎
實在太好笑, 結果成程不斷咁串佢響洗手間出左會展搗亂, 要佢返 toilet 老家
^ o ^

是日參興既人包括o者喱仔, 我, 「柿」, Konnie, 蔡 7A 同 Kingsly
佢地一入去黎就賣甩o者喱仔同皇后
結果唔小心到隔左成個鐘頭先撞番佢兩個

Konnie 唔係好熟簡體字
望著一本講太極拳既書
佢居然會讀左太「級」拳！(原本個「極」字既簡體係「木及」)
於是出現左一派叫「太級」
仲有 D 好利害既武功叫「級級功」
XDDDDDDDDDD.............

串左 Konnie 好耐
仲好衰咁搶左佢部 DV 同手機
唔好意思呀~~~~~~~~

畀漫畫迷「屎」牽引左我地去買漫畫
連平時好都變左
行行下o者喱仔話肚痛
當知道佢點解「肚」痛之後真係無應左好耐.......
@_@

同佢地分手先開始買書
之前一向都係邊行邊買
結果浪費好多精力揹野
行得好唔盡興
所以今年改策略
行過有 arm 心水既就記低舖名同書名
臨走先買書

離開會展無耐笨神打畀我
話佢地仲練緊歌
返到 poly 佢地剛剛練完
hae 左一陣就去「輕鬆一下」食飯

派手信時間
去完泰國黑左既笨神買左一條裙畀阿大
買左兩包得黑白兩色既 M & M 畀火星人
我就有一個以佢子民 [泰(太)笨象] 為形既鎖匙扣

一路食飯一路吹水
內容都係講頭先練歌既野同閒 hae
新莊畢竟無乜實戰經驗, 好多野都仲要慢慢改
至於 hae 就 hae 左好耐
因為阿大 arm arm 剝左兩隻智慧齒, 半邊面腫左
食個米線仲要食左成兩個鐘
所以好多時間 hae

卒之等到阿大食完
大家諗左一陣, 去左一間茶店飲野
飲左一杯德國甘菊茶
好易入口 (因為根本無味......)
阿大飲左一啖就頂唔順要加糖
火星人既柚子茶太甜, 所以唔落糖都得
至於笨神既薰衣草茶......
個人認為係將 D 薰衣草染料放入茶入面加糖
感覺好奇怪, 不過都算唔錯既

由於間茶店有玩樂遊戲供應
我地一開頭就玩「揀竹簽」
(即係整跌一堆竹簽, 然後要響唔郁到其它竹簽既情況下拎走竹簽, 拎得最多就贏)
怒放生笨神 (佢係我下家嘛) 都輸

之後玩左一兩局 UNO
見無聊就玩飛行棋
成日畀人打落架機
結果笨神順利冠軍
我就力挽狂瀾地戰勝火星人攞第三

飲完野笨神搭車走
我就做電燈泡同阿大 + 火星人返 poly
點解？
好笨既阿大漏低左 D 藥響 music room
而宜家淨係得我仲 keep 住 music room 條鎖匙
所以被迫陪佢地返去開門

行得太慢, 所以有充足既時間四圍望
發現有個郵筒響孕婦街 (漆咸道近 St. Mary)
醒起笨神頭先要寄信
雖然行得好慢, 但係總有行完既一日
拎完藥, 等阿大休息左一陣就走

上左 N 121, 忽然唔記得響邊度落車
架巴士又無路線圖
笨神平時又有同過我搭果間車
於是打去向笨神求救
當然係美其名問佢返到屋企未同提佢寄信啦
搞左咁耐原來佢未返到屋企 (arm arm 先轉車)
提完佢寄信之後問佢我應該響邊度落車
佢無應左好耐

講到佢返到屋企就收線
我架巴士都仲係行到馬頭涌道....
好慢呀~~~~

返到屋企打畀一
本來係想佢 morning call 我
結果傾左接近個半鐘電話
0230 ~ 04:00
兩個男人傾咁鬼耐電話
X_X

傾完又打左一半日記
不過太疲累, 所以都係明日再續未完既日記
眼訓得滯, save 未打完既日記時, 打左今日係 15/11
@_@

五點先訓
乜都未執
真係有 D 驚執唔切

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
恐怖片時間：

行行下書展, 無啦啦有電話打黎
我：喂？
神秘人：喂？我係「屎」呀~~~~~~~~~~~~
我：@_@"""""""""""

後來搞左好耐先知係「柿」(即係皇后) 打畀我.........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
上次去 survey camp 之前收集左一 D 人對去 camp 要帶既用品
一直都無 post 出黎
今日趁機 post 番先

去 camp 要訣 (好似岳飛既「破金要訣」....)

裝備： (由黃頌然先生提供)
底褲
手機差電 (文盲既肥仔, 「叉」電呀~~~)
牙刷
牙膏
毛巾
紙筆
衫褲
麻雀
零食
錢 (以備不時之需喎...)
洗頭水
沐浴露
紙巾
指甲鉗

(由謝子聰先生提供)
拖鞋
電筒
電 (無既話有電筒都無用)
浴巾
收音機
風褸
note bk同埋寬頻線/電話線 (有就好咯....)
錢 (輸左牌用？！)
啤牌 (或者飛行棋都得)
暈浪丸
竹蔗茅根精
藥物

(由DeViL提供)
Big 2
snack
clothes...
shampoo
bks
pens
mobile
MP3

(由本人提供)
鬚刨
CD 機

>>July 25, 2004 at 6:10:15 AM GMT+8

2004 年 7 月 22 日 星期四 【晴】

聽到一個消息
放下心頭大石
但亦有點傷感
為甚麼事情會發展到這一步？

天不從人願
是天不願人大容易得到？
還是人自己的猶疑迫使自己卻步？

總而言之
如果自己沒有努力過便說沒有「天從人願」的事, 是絕不可取的
故此
自己的煩惱, 也是自找的
活該！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
(續昨日)
無間斷地由天黑打到天光
手指公成晚不斷捽 PS 2 既手掣
好痛....

2 今日要去教小朋友, 尋日好早就訓
我支持到七點幾就開始棄機
專心睇打機同烚下.....

Tim 同 2 八點幾走
同一打多一陣機
九點先離開佢屋企
十一點要上德文
要返屋企執野 + 沖涼
時間上好趕
但係最後都係決定返 City 交表先

交表, 返屋企
居然仲有時間 hae 一陣先返德文
自己既 time management 都好似唔錯.....

約左一響工聯會樓下等
我一去到就打畀一
不過打極都唔通
心感不妙, 暗嘆一句：「大鑊！」
佢一定訓左醒唔到啦

無訓一晚
如果無啦啦訓一定一睡不起
都叫左佢唔好訓架啦
> . <

上堂烚眼訓
有 D 覺得自己好唔 arm
不過真係好眼訓
所以最後都係原諒左自己
~_~

上完堂再打畀一
唔期望佢會返學
只係想叫佢起身返 pre-camp
不過依舊失敗
訓左既一同訓左既豬一樣叫唔醒
無愧當年我地叫佢做「懶訓一」....................

行過買左一個竹哨
聽到 D 類似雀仔既叫聲
忽然有 D 掛住「底橫」神............

行返 poly 新 can 買左兩個雞尾包先起行返 pre-camp
點九到 MO
正值猶疑緊點同「高秩序」講出琴既事
大大佬就同我講要出沙田 MO 既阮去 camp
果一刻真係想攬住大大佬鍚
^ ^

今朝何生指左「麗江」, 下晏要畀「英輝」操控
無得畀何生指, 有 D 失望
要畀「英輝」操控, 更加唔開心
T_T

今日拎住個琴
過往對琴既感覺開始返番黎
即使用 pick 亦無損那種熟悉的感覺
成隻「沂蒙山」基本上已經順利 KO
要執都係執個別音同感覺
要加強用 pick 基本功先得！

拎住個琴
隻手指公好痛呀！！
T_T

卡卡拎住個公家阮
成日話個阮好污糟, 條弦仲生埋锈添
呵~~
用慣左都唔覺呢 D 野添
入 camp 得閒抹下佢地先得咯~~

尋晚到練完野其間到肚既食物包括：
1. 北京餡餅一個 (沙田唯一出品, 質素「有待」保證)
2. 紅酒一小杯 (餐前酒, 2 買既, 不過杯餐前酒搞到我好肚餓....)
3. Smint 無數粒 (食完都唔會飽既糖....)
4. 雞尾包兩個 (Poly 新 Can 出品, 質素亦「有待」保證)

餓到想死
練完野成班人去「祥哥」食野
同一, 謝 ,「小澤延」夾左個桶餐食
但係「小澤延」食左一件雞就無再食
其他既野就畀我地三個人瓜分晒咯~~~~

食完去又一屋企
今次有肥仔同謝
入到佢間屋無耐就訓著左
訓到十點幾先醒
連佢兩個走左都唔知
@_@

打多陣機就走

問 Stanley
出年既 Surveying, 四個 GI 人將再次眾首 City
且看新開始為我帶來轉變

今日笨神回歸香港
聽日佢就忙死咯
呵呵~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
兩神對話：
DM 神：泰國之旅有冇落雨呀？
笨神：yes ar, on wed
DM 神：咁有冇影響你地行程呀？
笨神：no gei, but not many sunshine and beaches lor
DM 神：無乜陽光, 無乜海灘, 咁有冇美女呀？
笨神：ME
DM 神：你都係美女黎既......................................發夢果陣

>>July 23, 2004 at 6:29:19 PM GMT+8

2004 年 7 月 21 日 星期三 【晴】

日記的主要功能是要記錄每日發生的事或感覺
記錄的主因, 是為了避免忘卻一些往事, 一些回憶
當年月漸遠, 記憶漸衰時
日記便是憑弔往事的唯一憑藉

尋日 check 自己既日記既時候, 發現 7 月 13 日既日記無左
變左同 14 號一樣
一定係之前 down server 既時候 overwrite 左
雖然係一個星期之前既事
但係都忘記得七七八八
正值徬徨之際
諗起自己既 e-mail 有保存日記既習慣
咁先可以搵返失落既日記, 失落既記憶

失憶既感覺好痛苦
當唔記得野既時候, 好慶幸自己有寫日記既習慣
不至於腦中只殘留一些片段

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚又同 Konnie 閒 hae
居然 hae 到三點先捨得去訓
搞到今朝十一點醒到
無 d 自制力
> . <

原先諗住早 d 起身
可以早 d 去 city 搞野
都係怪自己懶惰
唔記得尋日果個職員話 admission office 幾多點食飯
如果 12:00 係午飯時間就慘咯

趕到死下死下咁行去方潤華樓
之前望地圖仲以為要行一段時間
唔夠三十秒就發現方潤華樓就響隔離

等等下 lift 先發現 city 同 poly 一樣
podium 都唔係響 ground floor
不過 poly podium 係 2 樓, city 就係 3 樓

拎左封信就去匯豐提款交留位費
星期六 deadline, 費事搞到咁趕先做
順手申請張提款咭
不過申請既同時, 都有 d 擔心自己會因為方便而提晒戶口 d 錢
之前就係因為咁先唔申請
所以都係申請完鎖響個自己都唔係好搵到既地方先得....

提完錢想走之際
個櫃檯問我讀書定做野
之後佢又同我閒 hae 左一輪
聽到我讀 survey 又話之前幾年個市好淡.......
大佬！！
我唔係好想同你吹水咋喎！！！！

個櫃檯咁健談
莫非做得好悶？！
唔知花姐做得耐會唔會都係咁呢？

響匯豐排得太耐隊
之後又懶係唔想去 city 恒生
去到地鐵站先發現無櫃位, 要行返去 city....
結果 admission office d 人都係去晒食飯

約左一一點左右去旺角火車站
所以都係等得閒再去 city 交野

約左一響閘內等
佢行左入閘之後先決定去越食晏
搞到佢灰晒
穿過一次旺角火車站要 $2.6 呀~~~~~~~~~~~~~~

打畀 tim, 佢要陪女食飯
所以都係唔陪我地食飯
去 gamezone 等佢黎
黎到就去行信和

行行下去信和都可以撞見老姐同老媽子
好蹺.....

又買左兩隻二手 cd
仲要好不幸地 (被屈....) 送左隻 cd 畀一
> . <

行番 poly
原因係一要還書
三條傻佬又 hae 行咯........

入 music room
等一走左就同 tim 睇電視
睇睇下 Jamie 居然返黎
搞到要拿拿聲走

同 tim 去沙田唯一食飯
淨係叫一個餡餅
畀 d 好串既員工串
......

去會 2
行行下大眾 2 問我地食左飯未
我地先發現 2 為左要出黎, 特登未食飯就出門口
所以一齊去西田食

以為一要九點幾先開始返屋企
佢今日要幫佢琴 miss "義務" 表演, 仲要去道風山添....
點知九點一佢就返到屋企樓下
仲 fake 左 2, 叫佢唔使食咁快添

坐 284 去 "有錢佬花園"
上到佢屋企
第一樣野係飲水
之後就開始無限期既打 PS 2 咯.........

玩 winning 居然贏到一向有玩 virual striker 既一
呵呵~~~~
不過就畀卑鄙既 tim 狂數五比零
發現原來一都幾變態
佢可以同 2 對賽對到畀人紅牌趕走晒 d 中場
> . <

(待續)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
緣在乎天意
份在乎人為

要成功
除了機緣外, 自己的努力更是重要
天意是機會
自己的努力就是把握機會的唯一途徑
珍惜機會, 把握機會

當不知機會是否將至, 自己又不懂如何把握
如何是好？
唯有背水一戰....................

>>July 22, 2004 at 7:22:18 PM GMT+8