2004 年 7 月 20 日 星期二 【雷雨】

好久沒有流淚了

從前是個愛哭的人
小學時一星期總有三兩天哭個停不了
要勞動同讀小學的老姊好歹的勸我大半天才肯止哭

或者是小時哭得太兇
打從中一後也少有流淚
而流下的淚, 也多與自己無關
即使是面對人生短暫的錯折時也沒有哭過
反而聽到能打動我心坎深處的音樂, 或是看到一些無法挽回的歷史悲劇
淚水卻是抑壓不了的流下

昨天看「走向共和」,是集劇情講述中日甲午戰爭
一幕幕無間斷的劇情在我眼中掠過的同時
一句句在後世史家對甲午戰爭的看法在我腦中凝聚起來
回想錢鋼在「海葬」中對北洋艦隊的覆亡
再望向電視上演員面對戰敗時的悲哀神色
無可奈何的心情沉重得教我不得不流下淚來...........

明白了一個道理：
傷心的教人流淚的事情總是不可挽救, 流淚也沒有用；
事情並不能教你流淚, 用不著傷心
結論：
傷心沒用, 還是咬著牙的幹下去來得實際
就如劇中的中國, 沒有經歷波折, 現代的中國又又如能建立起來？
繼續咬著牙努力幹吧！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日 interview 完
表現好差
自己都打定輸數
誰知........

尋晚撞見 Konnie
掛著同佢 chat 唔記得時間訓覺
搞到要談記提我先捨得去訓

太遲去訓, 加上尋日本身就無乜精神
今朝一 07:45 打完電話畀我
我居然忍唔住訓番........
不過都係訓多幾個字O者
^ ^ "

遲左少少返沙田 MO
借琴既時候畀何生發現遲到
真係有 D 唔好意思添
不過馬禮怡仲遲過我
唔....
YCO 又係咁, music camp 又係咁
有個人墊底都真係唔錯
^ O ^

今年 music camp 玩兩隻歌：交響音詩「沂蒙山」&「麗江風情隨想」
第一隻由「英輝」排
講真, 排到好無癮
太慢啦！！>.<
好多位其實可以玩得激昂 D
不過唔可以怪晒佢既, 今年 D 人既質素真係唔太高 (肥仔都做到笛子首席............)
所以唔多唔少都影響進度

不過「英輝」咁快就排 D 散版既野我就有 D 奇怪
話晒個個指揮對呢 D 自由野既處理都唔同
就算係對譜都唔使浪費咁多時間響呢 D 將來都要執既地方嘛~~~

第二隻由何生排
當然係玩得起勁 D 啦
不過排排下有人覺得肚餓
坐我隔離既卡卡仲排排下個肚打鼓
呵呵~~~~~~~~~~~~~~

晏晝成班人一齊去飯團
人數太多 (成廿個人喎...), 唔逐個數咯
去維苑食
響門口等位既時候, 謝一時手痕地改左人地放響門口既黑板餐牌
其中一個餐由原先 $32 變成 $12
唔知有冇人會因而上當呢？

食完飯去新基地行左個轉
行返 MO, 兩點正
畀人話遲到
仲要畀單打........

接近五點練完
兩隻歌基本上都 sight read 到
不過有時自己唔知點解成日都炒粉
有時仲畀自己塊 pick KO 左
今次 camp 既歌唔算難
應該用 pick 都無問題既
有七日畀我練, 我深信今年 music camp 完我用 pick 都可以玩到 "雲南三" 架啦

好想搵人入去同我夾「異想天開」添
就算唔「異想天開」
玩其他中阮重奏都好呀~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
朝早練練下野老媽子來電
通常佢無緊要事都唔會搵我
放低琴走出 MO 聽電話
佢話 City 有人打畀我, 仲叫我打番畀果度 D 人

打去 City
個職員話我聽有 degree offer 畀我
聽完有 D 愕然
尋日 in 得咁差都.......

聽到呢個消息, 第一個反應唔係開心
而係鬆一口氣：
唔使咁心急搵工咯~~~~
憑我現時既學歷搵工都真係幾吃力
加上自己真係無心理準備做野
有個水泡畢竟係好事

有書讀
咁咪無得去 apply MO 既助理音樂主任咯
有 D 可惜添
kee........

有人收點都唔會唔開心
返到入房練左一陣就休息
立即同人分享我既喜悅
不過隨即有人屈我請食飯..........
=.=

發過誓如果有 degree 讀一定會 hae 讀
究竟我會唔會應誓呢？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
交響詩：
一種單樂章的標題交響樂，脫胎於19世紀的音樂會序曲
交響詩名稱由李斯特所創，大多以文學作品（詩歌、戲劇）爲題材
形式靈活多變，常常把奏鳴曲式、變奏曲式、迴旋曲式的結構糅合在一起
並廣泛使用主題變形的手法
從一個或幾個基本主題蛻變出形象、性格迥然不同的派生主題
這種混合曲式的結構原則和主題變形的表現手法被廣泛用於交響詩中

交響詩具有概括性
包括了諸如交響幻想曲、交響敍事曲、交響狂想曲、交響隨想曲、交響音詩、交響音畫、交響素描等等。

交響音詩、交響音畫：
一種與交響詩相類似的音樂體裁
文學性的交響詩稱「音詩」
描寫自然景物等描繪性的交響詩稱「音畫」

>>July 21, 2004 at 2:40:06 PM GMT+8

2004 年 7 月 19 日 星期一 【乍寒還暖】

遲到是一種不好的壞習慣
相信每個人自少也會被灌輸了這信念
但為什麼有這麼多人會遲到？

習慣？
好玩？
裝酷？
睡過了頭？
.............

總總的藉口, 無非是為了逃避譴責
於事無補
昔尾生守約, 最終在穚下淹死
世人只讚尾生的守約
為何從不譴責尾生那不守時的朋友？

古人生活悠閒, 不重守時亦無可厚非
現代人分秒必爭, 為何有人對遲到依舊毫不改善？
如此
恐怕像尾生的悲劇只會愈來愈多

常抱著尾生悲劇做人
也許可以減少遲到的發生
畢竟
人對人的生命還不是完全麻木不顧的

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
五點幾先訓
朝早如果無一既 morning call
睇怕我都幾難醒到
醒左都係想訓
要好大決心先可以抑壓想訓既慾望

今日同一去工聯會學德文
十點四出門口
有 D 驚會遲到
仲好趕咁追巴士
點知搭七就到
早得滯添......=.=

一接近十一點到
上堂, 發現上星期五有堂上
聽少左一堂, 有 D 灰
但係如果再黎一次, 我地都係唔會冒著八號風波去上堂

上完堂十二點半
行去都會軒食飯
行左成半個鐘有多
一要兩點返 DB 教野
我就約左謝兩點響金鐘
所以都食得幾趕

謝遲左少少先到
行去中華旅行社辦入台證
填表既時候謝唔識「歿」字點解, 以為係沒有既意思
所以佢響「配偶」、「子」同「女」三欄都填「歿」............

十九歲又喪偶又「黑頭人送黑頭人」
真可憐..........

無帶信封
左摷右摷下搵到一個 poly 寄畀我既信封
貼張白紙響上面就成為一個新既信封
好搞笑

搞左一大輪
個職員先施施然咁話拎特區護照既人 2002 年開始都可以直接辦落地簽證
畀東方欺騙左添.................................
X_X

行去 APA 陪謝交 form
總算行左入平時無乜點行過既行政樓
感覺行政樓既冷氣唔夠 APA 校舍咁凍

響 APA 飯堂 hae 左好耐
hae 無可 hae
走左去三聯睇書

成功引誘左謝買黃仁宇既中國大歷史
原本佢拎左本八十幾蚊既繁體版準備買
結果當我拎左本廿六蚊既簡體版畀佢
佢就即刻放低左本繁體版咯~~~

太眼訓
都係返屋企休息
搭地鐵又訓到九龍灣先醒
好耐都未試過咯
@_@

聽日要 pre-camp
睇怕都係最後一年玩 music camp
第十一年
年年都有唔同既事發生
今日唔知會點呢？

忽聞卡卡今日差 D 畀小巴撞到
驚出一身冷汗
原來一個朋友是這麼容易失去
......
珍惜朋友

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人生如朝露、倘及時得手，作成一二件濟世安民頂天立地的事業，不更愈於空言耶！
-----李鴻章

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有人說過愛要經得起考驗
亦有人說愛是經不起考驗
但若是真正的愛, 何來會有考驗？

真正的愛
建於感覺, 築於信任
既不是單一方面的擁有, 也不是單方的渴求
若是真的愛上, 何來考驗？

考驗從不存在
所謂「考驗」，只是讓不認真的人逃避愛情的假話罷了

>>July 21, 2004 at 10:01:42 AM GMT+8

2004 年 7 月 18 日 星期日 【乍寒還暖】

人面對意想不到的事情時
往往能從中觀察其性格
有人處之泰然
有人畏首畏尾
畏首畏尾, 其實是性格懦弱使然
要擺脫對事情的疑慮
是要建立對自己的信心

自信, 往往就是成功的第一步
即使對不能掌握的事毫無把握
對自己的信心, 就是面對挑戰的最大資本
也就是粉碎可能面對的失敗的最強武器

自信是自己建立的
要別人給與自己絕非自信
乃是自欺

做個有自信的人不易
但一定要有決心試
努力！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同 Konnie chat 左一陣就忍唔住要訓
今朝訓醒又響張床度典左成半個鐘有多
今日要 interview, 尋晚又飲酒又夜訓
當然要訓足 D 啦
一打畀我先正式告別睡床
抬頭望鐘
九點九？！？！
好似早左 DD 喎..........

畀一 call 左十一點半響九龍塘等
臨出門口先落大雨
為免遲到, 結果要冒著大雨出門口
一落到地鐵站就細雨
> . <

陪一去又一城 food count
食完霸住人地張枱唔走
要佢解釋 BS 究竟要讀 D 乜
講到愈來愈多人等位就走

Timo 好得閒地打黎搵我地
仲順手出黎會我地
行左一陣又一城就一齊去 City

行到門口見到一大班 GI 既人
有 D 意料之外
都預左會有人報同一科
只係估唔到咁多人都響同一日 in O者.....

畀人串, 唔知有乜野好講
=.=
好彩有一同 Timo 陪
唔係我真係唔知會唔會拍枱走人 (拍枱都未必會既, 走頭就難免咯.........)

入到房 interview
都係無乜野好講
苦笑.....

City 教授既英文程度比 poly 仲要差
佢地 D 人完全唔識拼音既
e.g. 一個叫「黃啟謙」既人居然可以變左做「黃子樂」
拼我個名仲衰
拼完個「譚」字就唔識拼
為免佢拼完我個名我都唔知佢叫我
都係早 D 話我響度好 D
就算佢唔係叫我, 最多都係瘀, 無蝕底架嘛~~~

唏噓完之後我地陪 Tim 食「祥哥」
根據佢之前響呢間「祥哥」做既經驗
佢寧願食唔辣既雞都唔想食辣雞
有時真係唔知 D 食物點處理會好 D
起碼無咁易聯想到 D 恐怖既野

笨神今日出發去泰國
唔知泰國呢幾日會唔會落大雨呢？
期待緊佢映 D 靚相返黎睇

三條友去大圍
送完一去佢琴 miss 屋企樓下 (教佢琴 miss 個仔敲擊嘛)
同 Timo 一齊上 2 屋企
2 唔係老拎, 係「黃敢 2」
一行去佢琴 miss 屋企咁耐都唔知 2 原來住響附近

上左 2 屋企
佢屋企唔算好大
同我屋企差唔多
係佢屋企打 Winning
打到手指公好痛
打機真係對身體無益

阿一接近六點到 2 屋企
五條友 (1, 2, 我, Tim, 2's 弟弟) 打左一陣 Winning, 又打左陣 NBA
打到八點幾賴低 2's 弟弟響屋企去落街打真籃球
一球都未入過
夜晚視力無問題, 但係完全瞄準唔到目標
@_@

打左一陣又落大雨
放棄打籃球
四條友去食飯
飯後告別 2
由大圍行去一屋企

hae 行既感覺幾舒服
尤其係無所事事既時候
如果唔係臨到一屋企既時候驟雨忽至就更好咯
成身濕晒
=.=

Tim 第一次上一屋企
對佢屋企主要有三大印象：
1. 大 (起碼大過我同 Tim 屋企)
2. 好多書 (度度都有書, 仲要係 D 我同 Tim 都唔會睇既宗教書)
3. 好多龜 (大大小小十幾廿隻龜既公仔)

響一屋企打番尋日日記
hae 到十二點三走
差 D 無車返屋企
Tim 教我搭 82M
同佢一齊搭 82M (佢順路返屋企嘛)
去到九龍塘趕得切搭地鐵返屋企
唔使 side 時間搭出旺角再返屋企
Yeah~~~

有 D 驚尋晚既悲劇重現 (屋企門鎖左, 要打電話叫老媽子起身開門)
響屋企門口猶疑左好耐先開門
好彩, 無事發生

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
兩神對話：

DM 神：去到泰國記著映多 D 泰國美女喎！
笨神：我映 D 人妖返黎畀你睇
DM 神：(無奈) ber................................
笨神：呵呵~~
DM 神：咁我寧願你映多 D 自己既相啦！話晒你都尚且算係「美女」既..............
笨神：你！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
來不及的愛
來不及表達的歉意
來不及挽回的錯誤
來不及實現的諾言
來不及送出的祝福
來不及離別前最後的擁抱................
我們總有太多的來不及
我們總以為時間會等我們
容許我們從頭再來，彌補缺憾
豈不知「撒旦如吼叫的獅子，遍地遊行，尋找可吞噬的人。」
災難永遠在我們猝不及防的時候當頭砸下
你無從躲避，無能怯懼，心膽俱碎，招架無力 ..................

我們唯一能做的，只不過在還來得及的時候
小心呵護手中的珍寶，一刻也不要放鬆
無論如何
向你最親愛的爸媽、親人、愛人、手足、朋友們表達你及時的愛吧~~~~

>>July 19, 2004 at 8:25:20 PM GMT+8

2004 年 7 月 17 日 星期六 【晴】

人生不如意事十常八九
但係
點解咁耐都未試過得到成功的一二？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早起身, 屋企又無人
尋日家姐好似話請飲茶
成間屋無人
好明顯成家人賴低我一個人無得飲茶啦
: \

對住部電腦呆左陣
呆左一陣屋企人返黎
佢地返到黎第一句居然係話：
「哎呀~~~你做乜咁早醒呀？仲估你有排都未醒添！咁你咪唔會知道我地飲完茶咯！」
=.=

今日係 10 th choir 請 9 th choir 食轉莊飯
四月轉莊, 七月先食轉莊飯
好似好誇張咁
但係上過莊既人大致上都諗到點解會咁耐先食轉莊飯架啦
來來去去都係得幾個原因：
1. 4 - 5 月要考試
2. 6 月有好多人有其他野做 (有 D 乜就人人唔同)
3. 最最重要既原因, 睇怕都係要就成班新舊莊得閒咯..................
(基本上新莊都係就舊莊得閒既, 尤其係我地呢莊好似齊莊次數唔夠十次.......)

呆到五點幾就出門口
約左班莊員六點九響尖咀 Body Shop 門口等
早左少少去到
行左一陣 Tomlee 先去集合地點
居肋係第一個到
等左一陣, 第二個黎到既居然係拎住兩支拐扙既阿中
暫時傷殘既人士都早過其他「健全」既人
=.=

關生黎到
三個「雄性」莊員幻想男莊員會比女莊員早到齊 (即係好似平時開會咁....)
Belinda 黎到, 仲話 Billy 會遲 D 黎
打破左我地既幻想 > . <
三個「雄性」莊員又估下一個到既莊員係邊個
因為 Belinda 既「可靠」情報透露 Vanessa 響金馬倫道
所以我同阿中都估 Vanessa 會早 D 到
關生就估笨神會早 D 到
但係一分鐘唔夠就畀我發現關生「獨贏」.......

Vanessa 黎到既時候畀我同阿中埋怨
原來佢居然唔知尖咀 Body Shop 響邊
行左好耐都搵唔到, 打畀 Belinda 又唔問清楚
結果行左勁多冤枉路先到
計漏左 Vanessa 身為 poly 人對尖咀既「路盲程度」, 係我同阿中致敗既主因.....

四個人 (Angel, Billy, Summer, 阿瑩) 要遲 D 到, 阿大同火星人又要遲 D 到
新莊既接引使者春同 Jamie 黎到, 等到 Margaret 就出發去目的地
問題時間：
究竟我地集合左幾多個 9th choir 既莊員先出發呢？

之前新莊透露響厚福街食都有 D 頭緒知道去邊度食
一行到門口
果然係阿然曾經介紹過「成張餐牌都係得三款汁 + 三款意粉 + 三款肉既配搭」既餐廰
即係上次我, 笨神同聲黎既餐廰 (參考 23-4-2004 日記)
同笨神忍唔住響餐廳門口抓狂左好耐先入去.......

隨著舊莊莊員既陸續出現
卒之可以開始食啦
新莊包左成間餐廳 (唔係好大架咋....)
將所有枱泊成一直線
坐到新莊一邊, 舊莊一邊
勁騎呢...

有好多關心阿中既 9th choir 莊員係一件好事
但係好似有好多個都唔記得阿中其實早響上莊初期已經講過佢打波整親右腳前十字靭帶
排期排到宜家先去做手術
同阿中一齊做統計究竟有幾多個 9th choir 唔記得
發現......
個發現搞到我「燉」阿中灰左好耐

笨神問左個朋友借數碼相機映相
誰料食食下飯居然跌左個相機落地
仲跌到一隻角凹左
未上機就整凹左人地部機
搞到佢好唔開心

食飯前笨神拎番上次我地映既齊莊相
食完飯又映最後一幅齊莊相
好似我地上莊上左成年
加埋齊莊既日子都唔夠十次
最後一日, 點都係映番張齊莊相好 d 既

飯後五個 9 th choir + 10 th choir 去飲野
成員包括：
9 th choir：飯團五人組
10 th choir：春, 阿仔, Jamie, 偉, Bamboo
原本諗住聽日要去 interview, 話明唔飲酒
但係最後都係頂左一杯酒, 外加幾杯猜枚輸既酒
好彩, 最近日日都游水
無咁易覺得攰
所以無冧

比我更加無自制力既係笨神
聽日要去泰國
野又未執, 乜都未搞
居然飲左至少廿杯酒
加上之前食得飽
佢飲飲下都係要以熱茶代酒

笨神話自己最遲點三要走
見佢飲左咁多酒 (都未見過佢飲酒飲到要以茶代酒, 可見佢都真係幾醉)
送佢返屋企
搭完小巴再轉的士
架的士送到佢屋企佢就上佢屋企
我就原車返屋企

兩點二返到屋企門口
發現屋企門鎖左
響門口努力左成個字都開唔到門
最後都係好唔願意地打番屋企叫醒老媽子落門

如果唔係聽日要去 interview
我寧願響屋企門口吽一晚都唔願嘈醒屋企人

上左一陣網
打左一陣日記就頂唔順
三點幾就訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
清朝有個婦人思念丈夫，又不識字
就在信紙上畫了大大小小或單或雙或破或圓的圈圈
寄給遠方的丈夫
一位秀才偶然看到這封信
感動之餘，揣摩婦人心意
寫出以下的《圈兒詞》：

"相思欲寄無從寄，畫個圈兒替。
　話在圈兒外，心在圈兒裏。
　我密密加圈，你須密密知儂：
　單圈兒是我，雙圈兒是你；
　整圈兒是團圓，破圈兒是別離；
　還有那說不盡的相思，把一路圈兒圈到底。"

>>July 19, 2004 at 3:54:30 PM GMT+8

2004 年 7 月 16 日 星期五 【晴】

面對一些難以接受的東西時
每人的反應不盡相同
有些人會打從心底裏絲毫不加掩飾地抗拒到底, 甚至用更激進的方法表示不滿
有些人心裏會抗拒, 從不宣之於口, 但仍有跡可尋
有些人能喜怒不形於色.........

聽完 yso 表演
有點明白自己在聽一些不懂如何形容的音樂時, 到底如何自處...
聽 classic 都可以聽到個腦爆咁滯
太可怕啦.......@_@

原先以為日記 server 重光
好開心
點知..............

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無風球, 無黑雨
表示今晚要聽 yso 表演
真係好擔心佢地既表現
話晒 yso 都好似末落左好耐
對佢地真係好懷疑.............

十點半起身
全屋得我一個人
好悶....
打打下機又死機
上網又無得打日記
尋晚無心情打既日記, 今日依舊無心情打
又試望住部電腦呆
唔得咁頹廢既！！！
> . <

為左要令我既人生積極番少少
填左份履歷表見工
hae 左勁耐就填表
不過, 好似份工今日 deadline 喎................
唔理, 寄左先算！

填一份表唔會浪費太多時間
為左要成功搵野 "攝" 時間
練阮！！

傳統上玩阮不嬲有兩派：指甲 & 撥片
但現時的阮演奏家都使用撥片
迫使專業樂團的阮演奏者須統一使用撥片
指甲的被淘汰看似是大勢所趨
然而, 指甲的使是否有存在價值和統一使用撥片的必要仍有待商榷...............
無論如何
練習劉星的歌, 最好還是用撥片
否則難而充份地演奏出樂曲的獨特性

努力改行用撥片中
不過我仍然堅信指甲有其存在的價值！！

講左一大輪激昂的豪言壯語
練左一陣就無心有力
@_@
結果都係響部電腦面前吽
唔畀自己坐響部電腦面前頹
迫自己企響度頹
一樣係頹, 但係起碼自己好過 D......

老媽子四點幾打番屋企 order 我五點裝香
懶得做野既我同佢講四點半就走
成功免役
^ ^

寄完信先去葵芳
去到都係五點九
約左O者喱仔六點九
早左成個鐘
去新都會三聯解悶
誰料果間野又多人又細
睇書睇得好唔舒服
~ _ ~ "

四個人去 "乞" 食
包括我, O者喱仔, Konnie (DG cello) , Ashley (DG pipa)
叫左個四人餐
居然有兩個人戰鬥力不高
加上時間緊絀
望住 D 食剩既食物, 有 D 可惜..........
畀多兩個字我, 我一定食得晒架！！

唔知點解去親葵青劇院總係會差 D 遲到
上次樂器改革係咁, 今次又差 D 係咁
今日O者喱仔入場居然搵唔到佢張學生證
要用個人八逹通 D 職員先畀佢入場

聽到暈咁滯
完全失望
French Horn concerto 完全唔知玩乜
其他尚可接受
但係聽到我連訓都訓唔著
唉........
黎到葵芳就已經惋惜尋日無得聽表演
聽完 YSO 之後更加覺得惋惜

點解尋日果場表演唔同 yso 調時間呢.................
唏噓.............
中場休息撞到鄧軒寧
坐坐下又見到「英輝」
唏噓度加倍.................

表演過後特登行埋一二角
咁都畀「英輝」見到
無奈...

我, O者喱仔, Konnie, 「皇后」四個去荃灣飲野
行到仙 X X Konnie 居然放低錢請「皇后」就走左
~_~"
剩返三個人
飲完野送埋「皇后」返屋企就同O者喱仔搭地鐵歸家

返到屋企發現日記 server 重光
yeah~~~
一次過 post 番呢幾日既日記
痛快！
不過打完 17 號既日記先發現 server 又試 down 過
登時無奈指數升至全日最高位
X_X"""

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
必勝履歷表兩則

1.
姓名：English or Chinese?
年齡：Confidential
身高：Not related to the job
體重：Varies all the time, before lunch or after
居住地：At what stage of my life, please be more specific
電話：Ericsson
電子郵件：Only give to pretty and rich girls
上班時間：the shorter the better
應徵職位：a post that has not much to do but surround by pretty and young girls
學歷 ：Graduated at the wild chicken university
語言能力：fluent in bullshits
興趣：Sleeping and sleeping
生日：正月初七
經歷：Fooling around all the time
曾任職位：Decent or not decent, please be more specific
已婚未婚：Still looking for a rich and beautiful girl, hopefully can find in your company
未來期望：Have a speech on stage and retire as soon as possible
希望待遇：Lesser workload the better

2.
姓名：父母取的
年齡：不小了
身高：很高
體重：中等
居住地：家裡
電話：在身上
電子郵件：朋友幫我申請的
上班:少過8小時
應徵職位：一位
學歷：如果畢業的話有高中學歷
語言能力：有
興趣：很多
生日：還沒到吧！
經歷：剛來的時候踩到狗屎，Shit！
曾任職位：小學有當過糾察隊喔！
已婚未婚：父母有結婚
未來期望：再找好工作
希望待遇：希望大家都很疼我

>>July 18, 2004 at 2:39:04 AM GMT+8

2004 年 7 月 15 日 星期四 【驟雨】

葉子的離開，是因為風的追求，還是樹的不挽留？

只是一天時間
滿樹的葉子全然離開了樹
他不斷地咒罵著樹的無情，也鄙視風對葉子的勾引.....................

他是文人，在這風吹葉落時節吟興大發？
他是傷心人，故而觸境傷情？
.......................

謾罵完畢
只見他徐徐將遍佈地上濕漉漉的葉子掃成一座座小山
然後把小山上的葉子用鏟子倒到籐籃內
走著走著，隱然聽到他嘴上的呢喃：
「他娘的颱風，倒教老子要一邊下雨一邊掃街了.........」

八號風球
亦係我日記 server down 既第三日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
訓響張床等一 morning call
起身既時候仲係三號風球
隨著雨勢漸大, 加上颱風「圓規」逐漸逼近
天文台雖然未掛八號風球
但係我同一都決定唔去上德文初階

兩條友換晒衫先話唔出門口
真係有 D 戇居

之前既 e-mail 寫明如果掛八號風球或者黑雨就唔使 in
11:45 正式掛八號風球
今日既 interview 凍過水咯

坐響部電腦面前呆
呆呆下訓鬼埋
連有人搵我都唔知

四點三醒番
打去葵青劇院問
個職員好搞笑地答左一個好搞笑既答案
如果唔問清楚 D 真係好易上當....

將問完既結果話番畀謝同一聽
原原本本地咁同佢地講
佢地居然無即時發現問題
呆掉了 = . =

隔左半個鐘謝先發現問題
啞晒
就算無心機聽都唔會咁架.....

結果個風球六點都係未落
咁就錯過左一場精彩既 concert
太可惜啦
T_T

有 D 擔心連聽日既 YSO 表演都去唔到
不過
更擔心既係聽日場表演唔好聽......
(結果證明左我既擔心並非無的放矢 =.=..............)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
職員甲：喂！葵青劇院。
我：你好！我想問下八號風球下今晚既節目安排....
職員甲：(恍然大悟狀) 哦.......
我：er.......咁即係點呢？
職員甲：唔......如果五點前落八號, 個表演就如常；六點後落就取消
我：哦............. (等緊佢繼續答)
職員甲：係呀........
我：(見佢仲唔答, 唯有扮突然醒悟狀) 咁如果個風球響五點至六點落呢？
職員甲：(好似無人咁問過, 有 D 驚) er....................咁你到時再打過黎問啦！
我：ber......................... @_@

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當我們對別人的哀傷有很深的同情和了解時
我們就不會隨隨便便說一些安慰別人的話
隨隨便便說一些安慰別人的話
只不過表示我們對別人的哀傷並沒有什麼感覺
如果我們對別人的哀傷有很深很深的感覺
我們就只會說一些真正要說的話
甚至會默默無言了...........

>>July 17, 2004 at 5:34:49 PM GMT+8

2004 年 7 月 14 日 星期三 【晴】

去做不可能的事其實是一種樂趣。
--By Walt Disney

日記 server down 既第二日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日無聊無野做
咁都可以 hae 到三點先去訓
> . <

阿一打黎先醒
九點半既電話 arm arm 先叫醒我, 要我十點三出到 poly
搞到又要轉火車

響 library hae 到好耐
又行左去 music room hae
hae 左好耐先去游水

病緊去游水唔知會唔會有問題
但係自己就覺得上番水之後個人仲有浮下浮下既感覺
有少少暈
不過仲支持到
又係五個塘
keep 到算係咁啦

游游下個潛鏡突然入水
一向對眼唔浸得水, 一浸就睇唔到野
向池中間完全唔知幾時到池邊
又唔知水既深淺
有 D 不知所措
兩頭唔到岸既處境, 居然同宜家既我有異曲同工既巧合

游完去新 can 食飯
病緊胃口唔太好
食得好慢, 又食唔晒

本來一諗住去 library 睇戲
但係最後唔夠時間睇
都係去 library 影印野同上網

一影左兩隻 Robbie Williams 既歌畀我
之前響 music room 居然 sight sing 唔到
太耐無 sight sing？
病緊不在狀態？
精神唔集中？
我諗我樣樣都有 D 掛..........

同一上網玩桌球
佢居然畀個好過份既女仔撩
乜宜家 D 人咁隨便架~~~~~~~~

三點五佢出發去搵銀
我勾留到五點八先離開
點解唔早 D 返屋企？
因為想去文化中心聽敲擊果個大堂街檔嘛

勾留響 library 期間撞到 Jerry
佢話幫朋友借書
但係死都唔認係幫女友借
唔............

遲左少少去到
arm arm 開始
好多人坐響大堂樓梯聽
我又坐埋一份
今日果班人正式玩左四隻歌 + 一首唔太長既即興曲
唔計隻即興曲, 有兩隻歌同尋日唔同

原本大會話個街檔七點先完
不過班敲擊友最後都係六點半就收工
見時間尚早
去左 HMV 睇陣碟先走

最後都係畀「皇后」成功屈左去睇 YSO
點解會咁輕易上當架自己！！
希望佢地唔好令我失望啦


聽日要去 interview 啦
今日響 library 睇 non-ju 既野
Poly 果邊好似晨早放左 D 人成功與否, 但係我收唔到任何消息
睇怕都兇多吉少
HKU BA 正式 reject 左我
繼續讀書既機會愈加渺茫

希望出年唔使咁快出黎做野啦
有得揀, 都係想玩多陣先面對現實

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
圖書館中
我：做乜咁得閒返黎 poly 呀？
Jerry：幫人借書嘛！
我：女？！
Jerry：唔係呀！朋友咋！
我：(沉思狀) 哦哦.............
Jerry：(疑惑地) 你諗乜呀？
我：無...........我響度諗............乜原來你仲有人性架？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
中文系的女生追不得：一幫整天看浪漫的愛情的小說的傢伙；
英語系的女生追不得：你想讓你的孩子在出生之前就接受洋奴教育；
政法系的女生追不得：離婚分財產你一定說不過她；
歷史系的女生追不得：一天到晚研究古往今來陰謀詭計的那些人，你能算過她嗎；
數學系的女生追不得：天天算題，早晚有一天變成傻子；
計算機系的女生追不得：看看電腦的更新速度；
物理系的女生追不得：聽說用馬桶上接電線的方法殺人只有物理系的人能幹；
生物系的女生追不得：含情脈脈的眼神看著你的200多塊骨頭和600多塊肌肉；
美術系的女生追不得：她們看到你會把你想像成為一個個赤身裸體的模特；
化學系的女生追不得：小心分手的時候硫酸讓你毀容；
管理系的女生追不得：如果你不想輪為家奴，最好別去碰她們；
醫學系的學生追不得：在她眼中你永遠是個東亞病夫，渾身是病毒；
經濟系的女生追不得：她會搾乾你身上的每一分錢；
體育系的女生追不得：小心跟你來肉博；
藝術系的女生追不得：如果你不想拿武大郎做偶像；
表演系的女生追不得：你會不知道是在生活還是演戲。

>>July 17, 2004 at 4:46:12 PM GMT+8

2004 年 7 月 13 日 星期二 【晴】

即使有了周詳的安排
凡事也未必能完全一如所料地發生
儘管如此
有計劃的人生仍是可以給人生一個藍圖
好讓即興發生的事情有所依據

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚臨訓無啦啦收到談既 msg
佢話阿一約左佢今日聽敲擊工作坊
仲話如果佢唔答應一, 呢個差事就要落在我身上
@_@

chat chat 下無啦啦又撞 arm 笨神下凡
佢講極都唔信我係因為等佢所以未 off 9
仲要 DM 我...............~_~ "
呻左一輪病況佢就要 off
好心佢聽朝 0710 要起身就早 D 訓啦
佢訓左之後我都忍唔住訓左...............

今朝阿一教琴, 所以唔會陪我游早水, 亦無 morning call 我
不過都係晨早醒, 都係照樣賴床
呆到九點十先肯起身
響張床度執番 D 好耐之前拎番既相入相簿
執入相簿既相計有：
1. YCO 出 tour 同一眾朱氏門生映既相 (果時大大佬仲係 YCO 既團員......)
2. 8th Choir AP相
3. 18 決賽日映既相

一邊執相, 一邊睇相
思潮起伏
回憶總是美麗
但總不能活在過去
要努力現在

坐響廳一邊發吽哣一邊睇報紙
呆到十一點三出門口返 DB

上個星期就約拔萃第二高手夾《異想天開》
之前都叫佢早 D 練
咁夾幾次就可以出街嘛
點知.........

約佢十二點返 DB
返到去見到阿一教學生
順手約佢四點半返 poly 游水
等到十二點四拔萃第二高手都未到
打畀佢
發現佢仲響老家, 仲話記錯時間喎.........
佢老家響元朗呀~~~~~~~~

點三條死仔先黎到
諗住開波夾
先發現佢完全無練過琴
連隻歌都唔記得點彈
畀佢吹到 ber 一聲............

同佢一個一個音咁對譜
佢真係完全唔記得左隻歌
實在太過份啦
枉費我當年 AL 考 mock 都問曹艦長請假去陪佢比賽

執到兩點先正式開波練
急就章點會夾得到？！
更加唔使話練得好啦~~
同佢練到我用 pick 都玩到隻歌咯

阿一教一個學生四個鐘就有 $350
我淨係同佢「鬥」份譜都「鬥」左幾耐
真係好想收佢錢 @_@
最後都係屈佢請食飯

練左一陣就唔練
轉而吹水
吹到三點半同佢落街食飯
晏都未食, 好肚餓呀！！！

去新世紀 Spaghetti House食
叫左個好「的骰」既天使麵
好唔抵
就算唔係我畀錢都係咁話

食完佢去幫人整電腦
我返 Poly 游水
一落火車就諗會唔會撞到阿一
行到圖書館門口就有人拍我
原來佢同我同一架火車

游水
每次游水都有進步
響第四線游左五個塘
距離成功仲差好遠
不過仲有機會成功

我游一個塘既時間, 等於一游一個半塘既時間
游到最後游得佢三分一既距離
不過唔緊要
挑戰自己 + 強身健體先係我運動既宗旨
我一向都唔係爭先恐後既人
^ ^ "
好彩唔食得咁飽
食完野未落格游水原來係好辛苦架
好似抱著一個大肚腩咁
影響速度之餘, 仲差 D 游到嘔............

游到池邊差 D 淹死
無鬼用
> . <

游完水陪一食飯
之後去圖書館影印
好無聊地同佢坐車去文化中心搵談

坐坐下車收到老媽子既情報
佢話 City 搵我 interview
如果真係有得讀, 咁我咪唔使搵工住咯？！
hee............
妄想有書讀

去到談未到
行左一陣 Tomlee (之前響文化中心賣精品間舖變左做 Tomlee, 宜家先知 > . <)
談到左就一齊行去音樂廳後台 (個敲擊工作坊響後台 D 房度搞)
得兩張飛
所以送左佢地兩個之後就走
行到一半阿一問左 D 工作人員, 話可以畀我入場
於是三個人最後都有得聽
^ o ^

好正既表演
龍向榮都有去聽
聽完之後忍唔住打埋畀謝
三個人買飛睇佢地星期五既表演
實在太正啦！！！

熱切期待聽日佢地響文化中心大堂既街檔表演！
^ ^
談好似好眼訓 + 頹
眼訓就話係身體疲累
點解頹呢？？
唔知發生乜事
講又唔肯講
有 D 擔心........

日記又無啦啦 down server
跟著無啦啦 login 到
以為好番
但係 post 唔到日記, 又睇唔到日記
莫名奇妙
@_@

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
「笨」禱文兩則：
1.

O lord, I, your servent,
was so much shocked knowing the things happened to you, my savior.
Thou art so stupid, and such a great fool, that we all depend on you.
As you promised : "HE who watches TV would be stupid,
and he who is stupid shall sing their praise to the Godiva."
I, even in my stage of infancy, watch TV and become more and more stupid.
Day by day I feel my inner soul getting close to stupidity.
That is, as your goat, my whole life.
And what did you, my emperor, done with other gods?
The teachings from the most stupid school tell me that you had done the unbelieveable and defeated all other gods.
You rule the heaven and your commands followed on the earth.
Even in the most dangerous abyss we could find your light.

From 火星人

2.
O Lord, how beautiful you are, how stupid you are.
Wish the stupidity be with the god of fool forever. FOOL~~~
(The function of "FOOL" at the end is with the same function of "Amen")

From the God of Foolish

咁笨既事都有人做
難怪笨神既勢力無遠弗屆啦~~~~~~
之但係, 背笨神作果篇笨神會唔會上身架？

>>July 17, 2004 at 4:43:46 PM GMT+8

2004 年 7 月 12 日 星期一 【晴】

同人 chat chat 下無啦啦無得 on9
可能呢個係神留畀我既一個信息：
早 D 訓啦..............

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
早早醒
但係唔想起身
成日懶床唔好
難得傷風
當係畀自己懶一下

放左一飛機
無去到游水
有 D 唔好意思
但係真係有心無力
四肢無力, 就算返到 Poly 都係無力游
不過自己無晨早同佢講係我唔 arm
sorry~~~

訓左成日
個人迷迷糊糊
訓得多真係唔係幾好
會愈訓愈眼訓
所以訓到咁上下都係掙扎起身聽歌

開始左我傷風週期既第二步
傷風週期如下：
1. 流鼻水
2. 一邊流鼻水一邊咳
3. 齋咳
4. 咳..............
5. 咳到聲都無, 就開始好番啦.....

卡卡聽日就入佢地自己搞既 Camp
希望佢開開心心咁入去
開開心心咁出番黎啦
我要聽入 camp 趣聞同睇相！！

同「皇后」chat
考證這個名詞既來由
先記得o者喱仔好似叫 King
呵呵~~~

佢話佢見過花姐
唔知花姐記唔記得佢係邊個呢？

一開頭就想 tum 我去睇 YSO 表演
扮窮扮到出神入化既我又豈會咁易上當！？
之後又同佢講起花姐
又提到佢既經典名句：
「學親阮既, 真係個個都畸呢......」
講完之後, 佢都好似有同感.....
~_~"

佢好似無乜點畀過人串
可能係佢身邊既人都好錫佢啦
所以佢覺得我串佢係一件好特別既事
唔係掛？！
我不嬲都逢人串, 亦都成日畀人串架喎
乜有人會無乜點畀人串架咩？！

講起花姐
好似都仲未搵佢飲野喎
究竟佢呢個貴人幾時先得閒呢？

尋日響火車橋呆等一既時候
無啦啦醒起約左拔萃第二阮夾琴
好彩記性都未徹底地無晒o者.....

chat chat 下無啦啦上唔到網
完全唔知發生乜事
boot 過部機都係唔得
放棄 on9
本來諗住打埋日記, 聽朝攞返 poly 放上網
寫寫下居然又上得番網
完全唔知發生乜事
淨係知道又無可能迫到自己早訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當你在一群人中
我喊你的名時
你無須回頭看別人
因為你就是那個要答是的人
因為你就是那個我要找的人
儘管配不上你
也請你放緩腳步 等待我的跟進

>>July 21, 2004 at 6:19:39 PM GMT+8

2004 年 7 月 11 日 星期日 【晴】

人生最奇妙的是往往有意想不到的事情發生
每天都意料之外
有好, 也有壞
但
壞的只是在於當時而矣
事過境遷
善忘的人就只會記起美好的事

今日真係好美好
好開心
銘誌不忘
感謝神
^ ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
0:02 am
當我好忙地回覆 msg 既時候
黃蜂無啦啦 send 個 msg 黎問我：
「死仔~你有無野想同我講呢??」
係人都知佢今日生日啦~~~
遲少少先 send msg 畀佢o者
連少少矜持同耐性都無
點做壽星公呀！

凌晨時份笨神搵我
原先諗住成班莊員一齊去書展
點知佢 19-23 都要去泰國旅行
24 號又要教成日琴
25 -31 又輪到我入 camp
望著書展宣傳產品上面印著既舉行日期： 21-26
好灰 T _ T...........................

無得去書展？
唔緊要既, 有手信就得啦！
我要泰國美女 (唔係人妖)！！！！
無真人, 相都得！^ ^ "
無得去泰國, 起碼都映多 D 相黎睇下景呀~~~~~

點幾鐘發現自己好似傷風
但係都接近三點先訓
好似有 d 找死....

九點半自己醒左
早過一既 morning call
呵呵~~~ ^ o ^
(其實只係佢遲左 morning call o者....)

今日一朝早要教琴
所以得我一個游早水
除左浸水時間
開始游全塘
今日只係游得三個
但係相信每日進步 d d
總有一日會身體健康！

游游下水, 居然發現隔離線同個仔游水既人係 Joseph
又會咁蹺既！？

游完水又偷入 music room
睇左一陣 reunion 映既相
彈左一陣琴
等到 1215 離開 poly, 同一會合

去到火車橋底等
明明話三個字後會合
但係等左差唔多成半個鐘

同何宇揚, o者喱仔, 一食飯
本來打算去 "面舖" 食
但係居然執左
拔萃飯堂都執左, 唏噓.......

去越食
貪心既o者喱仔教完可憐既何宇揚笛之後屈佢請食飯
食一個飯都仲未夠, 要加一個小菜
結果何宇揚唔單止要畀自己果份同o者喱仔果份
仲要資助我同一一半飯錢
唏噓既 F.4 學生

去 GameZone 等謝
F.4 學生無入黎
謝黎到o者喱仔又要走
三個無聊男人走去潮特揀禮物畀黃蜂
一無所獲

一 15:?? 離開大隊前往大圍搵錢
我同謝去信和二手 cd 舖瘋狂掃貨
大出血呀~~~~~
陪完謝買盜版野, 突然遇見 "扲檔" 奇景
全部賣盜版既舖頭響一分鐘之內拉閘
蔚為奇觀

同謝去銅鑼灣揀禮物
畀一 fake 左一大輪先搵到 AO2 響邊
原先我地諗左買一個錢罌畀黃蜂
果個錢罌係佢舊年買畀其他人既禮物
見佢好似鍾意, 所以買畀佢
搵左一大輪先搵到
過左一年時間
全港兩間 AO2 (銅鑼灣 + 尖咀) 都只係得兩件陳列品未賣
絕對彌足珍貴~~~~

響「星巴克」 等埋一過銅記先買
買完去 Tomlee 睇野 hae 時間
一路行無啦啦發現姨丈
佢做緊正經野, 我又做緊唔正經野 (準備去 Tomlee 搗亂嘛...)
所以都係唔同佢打招呼

首先去左淨係賣敲擊同結他既舖頭
去完一話："如果我識玩結他的話 (佢識, 不過唔勁), 我就識玩晒呢間舖頭既所有野...."
@ _ @

去第二間 Tomlee
上左去無聊地玩電子琴
當同謝分析緊買邊本八級樂理書既時候
無啦啦有人拍我
笨神？！！？？？！？！？！？！？！？！？！？！？！？！？！？！？！？！
咁都撞到佢, 真唔可以唔話蹺咯

同佢吹左好一陣子水
順手睇下佢究竟買左邊個 Tuner 幫佢個「情夫」較音
研究到謝同一買本我推介既樂理書就走
一路行笨神一路弘揚我 DM 既神功蓋世
無應
@ _ @

離開 Tomlee 就同笨神話別
大伙兒去 Time ^ 2 買生日咭
用極速寫左一大堆前所未有咁廢既廢話
之後就去上環會合今日既主角

落車又有人無啦啦拍我
今次係 SMC
又會同佢同「車」咁蹺既....

將生日禮物交畀 SMC 拎
由於目的地既自助火鍋響九點之後會平 $20
一眾貧窮既人就去打機

打打下機談先同我地會合
等到九點就出發
大家都唔發現漏左 D 野響機舖.........

食野
坐既位好凍
是以戰鬥力不高
我同一都好快「棄機」
但係戰意正濃既談食極都唔夠
成個飢民咁
唔識佢真係畀佢嚇死

由於佢之前話過只要佢唔企起身佢對食物既殲滅力就唔會下降
其餘五個人都一致決定對任何對談有興趣既人講：
「佢唔到八十歲都唔好畀佢坐響度食飯呀！唔係實食到窮......」

臨走大家先發現有 D 野唔見左
份生日禮物呢！？？！？！！？！？
大伙兒去最有可能既失踪地點－－機舖
果然響度
好彩~~~~~

搶左 SMC $1 打 Tennis
慘敗！！
要努力 D 練下先得咯~~~

一點先返到屋企
打日記打到兩點半
一路傷風一路打野真係好辛苦
安慰的有今朝掃貨既收獲－－ CD ' s 陪我渡過漫漫長夜

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
男人和女人都是很奇妙的動物
尤其在感情方面

大多數女人很專情
她們把感情看的特別重要
很難找到自己的真命天子
她們一定要確定自己是否真的愛對方才肯接受對方
並全心全意的投入這段感情
所以說女人是感情動物

男人則不同
男人追女人不一定要愛
只有喜歡就足夠了
只要覺得自己喜歡對方
且對方配的上自己
就可以說盡甜言蜜語
用盡各種手段全力追求了

我愛她嗎？
不去想這麼難的問題了
至少我喜歡她！很喜歡她！喜歡的不得了！
這就足夠了
足夠讓我放棄那可憐又可笑的堅持和她在一起的了

－－節錄自某小說 (唔記得左係邊本.........)

>>July 12, 2004 at 6:36:40 PM GMT+8