2004 年 8 月 9 日 星期一 【晴】

好開心既一日
真係好開心
多謝今日陪過我既所有人
特別是..............你
^ ^

承認自己經常想得太多, 有點過份
著實按捺不住自己的遊思遐想
但實在控制不到自己
呵呵~~~~~

「我很好，極好，說不出的快活！」
－－《天龍八部˙第四六回　酒罷問君三語》

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日居然 Konnie 居然成功地 send 到個 file 畀我
麻煩左佢成晚, 唏噓既 MSN 先可以收到 Konnie 為慶祝佢個妹生日而拍既短片
無奈.......~_~"
拍得好有心機
好過癮
^ ^

接近四點先訓
今日十點又要一打畀我先醒
聽完個電話都係訓多一陣先起身
起身既時候已經十點半咯........

遲左兩個字先到土瓜灣
點知一都係遲過我
@_@

次次上堂都遲到
下堂開始仲要早十分鐘就開始上
完全唔知點算.....

上完堂原本搭巴士
結果走左去陪一搭小巴出旺角轉火車
連續因為陪佢而放棄兩個可以早 D 到火車站既位
認真唔話得！
一主動傳授左兩招畀我就同佢分道揚鑣
佢有佢去唱 K, 我就搭火車入沙田會笨神同火星人

遲左兩個字先到
上去連城美食坊搵番佢地
等位既時候蔡迪輝打黎報喜, 佢出年讀 EIE
幾好呀！起碼都入到 2nd choice
希望佢讀得開心啦~~~

由於火星人兩點要開工既關係
唔想浪費時間等位, 去左札榥食拉麵
笨神要左個細既拉麵, 我要左個標準裝既拉麵
但係兩個拉麵實際體積上無分別
究竟間舖 D 人點分大細架........
=.=

食完火星人繼續返工
陪笨神去 Tomlee 同沙田大會堂擺 Poster & Leaflet
響 Tomlee hae 左一陣先出發去沙田大會堂
行到半路居然撞到同朋友仔行緊街既卡卡
又會咁蹺既
^ ^ "

行天橋又畀兩個幫人做街頭訪問既姐姐仔截住
一個負責拎咪, 另一個就拎 DV
結果我地兩個人分別幫佢地做左訪問
答左 D 唔知答乜既答案
當拎咪既姐姐仔問我近排有乜唔開心既發生左
二話不說地回答：「我近排好開心喎.......」

擺低左 D poster & leaflet 之後就開始我地既 hae 行旅程
笨神極力推介 A - 1 既雪榚好好食
搞到我心思思食
一人一個單球
試左佢既黑芝麻咪雪權, 好食
不過自己既荔枝味都唔差！

行左一陣新基地既上層 (唔知果度叫乜名)
忍唔住去機舖既居然唔係我
笨神之前挑戰三味線機失敗
想睇下有冇得復仇
可惜無三味線機, 不過有入 camp 前出既 woodbox + 鼓機
同佢對戰左一舖
佢好順利地贏左我

無無聊聊想搵佢睇戲, 不過失敗
結果行去西田
去到我又試肚餓
叫小籠包食
行多陣 MUJI 就走

送完佢搭 89 走就去圖書館
原本想去其它地方行下
不過醒起未續借書, 所以被迫要去圖書館
無奈

睇到六點幾行返火車站搵一同謝
之前約左佢地打牌
去惠康買完野飲就打的去一屋企
響華潤等到豆黎先上一屋企

豆出年讀 Poly 既 Building Surveying
同一一樣
死啦！佢會唔會同我爭阿一 D notes 架.....

今日打既係豆帶黎既牌
好細粒既牌呀~~~~
太細粒, 有 D 唔慣

打到半路就煮麵食
我同謝食左兩個麵
先至勉強抑壓到飢火......

打多陣牌
十一點半豆就走
成間屋既雄性動物 (一, 謝, Tim) 都唔肯送佢落樓下搭車
結果我陪佢落左樓下等小巴
等左勁耐, 佢想坐既車都係滿座
加上佢又想去 Toilet, 上返一屋企

一齊離開一既屋企
「一記」麻雀館隨著一既屋企人返香港而結束營業
無地方打牌啦！！
唔通之後我地打牌真係要去「皇雀會」？！
都唔係唔好既, 起碼「皇雀會」又有冷氣, D 野食又好食 D 呀~~~
一既屋企, 除左食物唔使畀錢買之外都真係及唔上「皇雀會」(連野飲錢都要我畀呀！陰功！！)
豆仲不下十次地投訴佢屋企太熱添~~~~~

聽日會考放榜
祝各位會考生順順利利, 前程似「咁」...............
^ ^

>>August 10, 2004 at 7:24:33 PM GMT+8

2004 年 8 月 8 日 星期日 【晴】

靜養在家
休息, 為的不是要結束瘋狂的人生
只是為下一輪的瘋狂做好準備

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
星期日就約聽日唱 K 同傾台灣之旅
尋日同謝 firm 左
但係......

勤力左好耐, 今日卒之懶番
十一點先醒
死啦
生理時鐘又 tune 番遲起身啦
點算？？

一起身唔知點解好有 mood 聽歌
聽 Beethoven 既鋼琴協奏曲
由第一隻聽到第五隻
居然一口氣聽晒五隻
真係好好聽
^ ^

每隻 piano concerto 都起碼要聽半個鐘
一口氣聽晒即係話.............
又無食晏啦~~~~~~~~~~
> . <

響屋企真係好少可會食晏
無所謂啦
屋企就係每個人既避風塘
區區肚餓小事, 隨手都可以輕鬆解決啦~~~
^ O ^

同黃蜂 chat
佢話未必去獅子山 BBQ (想順手游水喎)
我一向都無所謂既
至多咪睇人游水咯~~~~

黃蜂尋日想 send 隻歌畀我聽
結果我 icq 同 msn 既 receive file 功能完全失效
搞到佢好灰
今日又繼續嘗試
結果？
依然失敗........................

由於平時屋企既放飯時間係九點至九點半
所以六點幾先食下午茶
食左個米粉, 再加一個椰青燉蛋 (自製), 另加一碗糖水
飽到差 D 食唔落飯

同小齊 farewell 決定去「拔萃第二阮」屋企搞
錦田呀大佬~~~~
點解會無人反對呢？
怕且都係因為無人想引火自焚掛........

在那遙遠的錦田
有個 Mathew Chan..........
前陣前佢講會搬屋
宜家就真係執緊野
會唔會阻住佢屋企人執野架.....

之前佢曾經話會搬去何文田或者沙田
今日佢卒之明確表示搬去沙田
點解唔搬去何文田呢？
交通方便 D 喎~~~~
有原因既....
何文田果間屋死過人！仲要係非正常死亡！！
好可怕
搞到佢撻訂都唔理

難怪間屋響何文田都咁耐無人租啦.....

「床單」首度現身於 icq
佢部機死左好耐都唔整, 話想買新機又懶得去買
> . <
結果佢今日都係用佢 sister 既電腦上網

十一點幾又有一把神祕既聲音搵 Brian
不過今次無上當
仲會有邊個咁樣叫我, 而又會打畀我呀~~~
咪又係笨神咯

佢聽日要過沙田派 poster 同 leaflet
為的是宣傳佢黎緊既表演
開頭仲商議佢去土瓜灣會我好, 定我入觀塘搵佢好
最後都係響沙田會合埋響康文暑大樓開工既火星人

搞到謝發脾氣
真係有 D 唔好意思
對唔住呀~~~~

Konnie 想 send D 野畀我
結果搞左好耐, 依舊失敗
好明顯係我部機既問題啦~~~~

達人話我生日果日入左 camp
Konnie 又話果日佢唔響香港
唔制呀！！
我 D 生日禮物呀~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
為左鼓勵各位會考生, 等你地唔使咁灰
特登打番我當年放榜既心情畀大家睇
希望有用啦：

記得當年曾經發夢自己考得好好架
但係之後發現自己攞錯人地張成績單....
結果放榜比發夢既成績低左接近十分....

雖然考得好差, 但自己沒有太難受
可能係性格使然
自己面對人生既大挫折通常都唔會唔開心
通常都係唔開心 D 小事

面對大問題, 既不可以改變已經發生既事
朋友又只能給與安慰, 解決不了問題
就算自己唔開心, 發脾氣, 詐嬌都無用
唯有平常心面對

人總有情緒
但對自己表現不滿意, 並不等於要令自己不快
覺得自己未夠好, 不需要使自己不快
本身考得唔好已經難受, 何必要自己加倍難受？！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
鼓樂節示範表演

星期六：
3:00-5:45 (大約) 灣仔 YMCA Room 204－－練鼓
星期日：
12:30-13:00 馬鞍山廣場－－綵排
14:00-14:30-15:00-15:40 馬鞍山廣場－－表演

>>August 9, 2004 at 5:50:14 PM GMT+8

2004 年 8 月 7 日 星期六 【晴】

今日看了看月曆
發現今年的生日可能不會跟家人渡過
新曆應該跟朋友渡過
舊曆可能去了旅行........

升讀大學之後很少時間陪家人
自己好像很忙的樣子 (其實是為了跟朋友出街玩.....=.=) 經常不回家吃飯
回到家裏又只顧上網跟打機
就算偶而在家, 一家人亦好像很少溝通
當然, 我跟家人關係很好
只是偶而代老爸老媽發牢騷

今日一家人出街食飯
很開心
^ ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝無乜活動過
由於最後決定今日係家庭日既緣故
所有今日出街 hae 既活動一概不參與

談尋日打黎叫我同一陪佢今日睇「剪蠔」哥表演
我同談講同一商量完之後答覆佢
但係尋日電話無電
又忽然唔記得一既電話幾多號
返到屋企成三點幾, 一又訓左
搞到無同佢聯絡

arm arm 起身就畀談 + 一進行「三線」盤問 (係電話三線O者......)
無打到畀一的確係我既問題
唔記得佢既電話更加係問題
成日打畀佢都唔記得
> . <

談成日都好似好痴纏地要睇「剪蠔」哥表演
但係佢自己死口唔認自己痴纏
真係有 D 擔心佢會走火入魔
儘管我同一都有藉口唔同佢去
但係其實都想佢降下溫, 清醒下..........
唔好咁沉迷啦

上網
無乜野好做
睇左一陣 "Angela's Ashes"
之後又睇左一陣林一峰既《音樂˙旅˙情》
本書係笨神響書展買既書
之前佢話幾好睇, 所以托佢尋日借畀我
果然係幾好睇
不過對住部電腦睇書又有點兒那個
結果都係打機

好耐無打過《三國志 IX》
發現唔係好記得點打
之前有一陣完全困住自己響間房度打機
果時真係有 D 懷疑自己自閉
所以搞到唔敢再打
打機, 都係偶而打下好
都係打日記好, 日日打都唔會有大問題

打完日記之後
響部電腦面前烚左一陣眼訓
之後又繼續打機
直到家姐打電話黎話上完堂
大伙兒就出發會合佢

92 號巴士站好似都搬左成兩年
記得前年遲人一日入 camp 都係響牛池灣鄉塊牌下面等車既
加上老姐落車時亦會經過
點解咁都可以唔知架~~~~

入到西貢勁多人
好驚無位坐
所以拿拿聲走去霸位
霸完位先去揀海鮮, 我同大佬就留守大本營

食左六樣野
食完好似唔係好飽
尋日食火鍋其實都食得好夠 (七成夠架啦)
晏晝食左兩個飯已經好難得
夜晚又食海鮮, 仲要食完都仲未夠
好驚自己有暴食症
> . <

食完就歸家
坐坐下車已經落左格
又試肚餓添
@_@

又上網
同笨神 chat 左一陣
其後又通電話
發現自己真的不善於跟人溝通
十句對話, 九句皆是廢話
點解咁既表現, 中文 oral 都可以有 A 架？！
除了要檢討現行既考試制度外, 亦很懷疑肥仔的中文口語溝通能力是否真的不堪入耳

尋晚食完火鍋既笨神今日肚痾
一定係尋晚食得瘋狂得滯啦
尋晚佢返到屋企個肚仲頂住
唔想浪費食物都唔使食得咁「兇悍」架嘛
小心身子呀~~~~

同 Konnie chat
無啦啦問左好多無謂野
搞到好尷尬
~ _ ~ "

謝預約左我 17 號去獅子山燒野食 (暫定)
多謝你地呢一班 frd 每年都幫我慶祝
好「滾」動~~~~~~~~~~~~~
T _ T

謝問我點解要練板鼓
仲有 D 乜野原大呀？
都係為左善用時間之嘛..........
順手問左謝好多敲擊既野
由最基本既持棍姿勢講起
到打每一種鼓既唔同技巧都有大約提及
感覺好似上左一堂 Tutor 咁
^ ^

星期二先談台灣之旅
聽笨神講 Suji 好似日內會去台灣
而我地就諗住月中至月尾先去
唔知會唔會遲左少少呢？
話晒我 31 / 8 就要返學
陰功.................
T _ T

>>August 8, 2004 at 7:16:57 PM GMT+8

2004 年 8 月 6 日 星期五 【晴】

三點返到屋企
居然好精神咁打日記
仲唔覺得眼訓
莫非係自已既生理時鐘再次失靈？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
五點先訓
今朝晨早就畀個失魂電話嘈醒
起初以為屋企會有人接聽., 所以由得個電話響
響到咁上下先捨得從床上掙扎起身接聽
點知一行到去聽就收左線

好可惡的失魂電話
害得我想再睡也不能！！
> . <

無野做, 唯有響廳呆坐睇報紙
之後又 KO 左一本呂思勉 + 一本衞斯理
(之前睇剩少少o者, 我未至於變態到咁短時間 KO 到接近成千頁既書......)

今日要早 D 返 poly
因為之前既莊務有 D 手尾未做好
包括：
1. General Practice 既 function report 無 function form 既副本
2. Master Class 既 function function report 唔記得蓋 Soc. 印
兩份野都係我自己做既
雖則係忙中有錯, 但係似乎我要負起呢 D 責任
做野做到咁大頭蝦, 真係無用 @_@
比預計早左返到 poly
去 library hae 到兩點幾先開工

AC 既新莊似乎唔係好得
上到去同佢地講完我黎既原因之後
佢居然畀左個好無所適從既反應我
之後又要摷唔到果兩份野出黎
浪費晒我既時間
仲要過份到想我重新入過一份靚 D 既 payment voucher
落左莊先同我玩野？
你傻我都未傻喎
講講下先發現佢居然誤會左我係 10 th choir 既莊員
無奈到震............

搞完落 music room hae 左一陣
彈左一陣琴, 練左一陣板鼓
滿足晒我既「獸慾」先捨得走

入 library 繼續 hae
拎左本《射雕》大字版睇
誠然大字版作者真的花了不少心思堵塞橋段上不合理的地方
但整體的效果卻變得過份西化, 甚至戲劇化了
跟從前傳統純樸的武俠風格不盡吻合
故此還是愛看明河版修訂本

尋日手機無叉電
今日專登帶埋部叉電機黎
一路睇書一路叉電
叉叉下個人好眼訓, 頂唔順訓左
變成一邊為手機叉電, 一邊為自己叉電

訓醒覺得精神百倍
行去電腦度 hae 到六點幾先入 music room 練歌

入到 music room
除了我同笨神外, 其餘幾乎全是新莊
以及幾個舊年有唱 AP 既非莊員「生物」
老鬼一個都唔見
............

笨神無聊地從桌上拿起新莊新添置的飛行棋
於是兩屆莊員開始展開慘烈的廝殺
所謂慘烈, 就係兩屆既莊員都無顧及對方是否同屆莊員便反覆地擊落對方
與戰莊員有 (按先後次序)：笨神, 巴斯光年 (外加 Jamie 乙個, 「燉」腳用), 我, Ode
成日都畀人擊落, 唔通我 D 飛機太吸引人？

未玩完就要練歌
其實已經延遲左時間開始
本來六點半正式, 但係實在太少人
所以「六點半開始」好似早已名存實亡.......

Ronny 仲係缺乏指揮經驗
而且仲未能跟司琴 & 團員間有交流 (僅在音樂而言)
好擔心佢之後既表現

練左咁耐歌 (練到九點三呀~~), 卒之輪到今日既重頭戲──打邊邊
去「寧記」食麻辣火鍋
十點左右去, 一食就食到兩點半
個個都食到好夠
去到最後我同火星人既沙嗲湯底被隔離既台灣麻辣湯底嚴重污染
搞到無心戀戰

原本好食得辣野既阿大
脫左智慧齒之後突然怕辣
唔通佢之前隻橫生既智慧齒壓著佢怕辣既神經線？？

望到 arm arm 剃光頭既李逸朗行入「寧記」
同佢同校師妹笨神講
講左好耐佢先發現我口中既光頭佬係李逸朗
識佢都唔認得佢, 真奇怪 ~_~"
反而阿大既反應正常 D：
「邊個係李逸朗呀？」
搞到我忍唔住做左個形容關生, 但係關生到宜家都唔明既手勢畀佢睇........

休戰時間睇相
笨神帶左佢之前去泰國映既相返黎
阿大之前響 music room 睇過
所以休戰時間淨係得我同火星人睇
兩個人都有唔同既意見
火星人既評語係：部相機既質素好差
我既評語係：點解笨神次次映相都係果個樣既......

食完大家個肚都好脹
本來笨神可以響尖咀搭另外一架小巴返屋企
但係最後都因為太飽既關係
行返紅隧口等巴士
送埋佢打的返屋企先折返彩虹

發現自己真係好笨好笨...........
實在笨得太交關啦

三點返到屋企就開始打日記
三點半撞到 arm arm 打完機 + 行返屋企既嘻嘻
傾到四點就斷線................

又試係咁
四點打完日記諗住可以訓
點知佢無啦啦又斷左線
搞到我又試要由頭打過今日既日記
「唏噓」真係好乞人憎..........

打到四點半決定放棄唔打日記住
聽日再續

>>August 8, 2004 at 4:54:14 AM GMT+8

2004 年 8 月 5 日 星期四 【溫暖】

疲累
無論肉體心靈
只有睡覺都能暫時解決煩惱

在整理自己一日所發生的事的同時, 也能讓我梳理個人的得失
把自己的感覺分門別類
清晰地將感覺分好, 這是好事
但習慣了夜晚才進行分類
倒令其他時間的我變得麻木了.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
接近五點先訓
又係打日記打到昏天暗地
響無野做既日子, 打日記就是最大的娛樂

晨早如果唔係一打畀我
我一定醒唔到
不過佢十點打完畀我之後, 我都係忍唔住望住個鐘同自己講：
「訓多幾個字我就起身架啦.........」

結果好辛苦地十點四起身
十點九出門口
十一點要上堂
好似遲梗到咁
不過最後都係準時到達, 仲早過一添 ^ ^

上完堂一就要搵豆
我就歸家
陪佢等巴士
無奈我要搭既兩架巴士開走左, 佢架巴士先施施然黎到
又要等勁耐添

等巴士唔係一個好大既問題
響滂沱大雨下等巴士, 絕對係一個大問題
仲要一路等一路行雷閃電
響騎樓底畀雨淋濕晒既我, 真係有 D 驚會畀雷劈死

等成半個鐘先有車返
企到乾乾地既身軀又再次濕盡
@_@
最衰都係一！！！
> . <

返到屋企, 有 D 眼訓
但係一陣又要出街
所以無訓到
上左陣網又出門口

出門口做乜？
咪幫老姐「撲」部 MD 機咯......

去德福 hae 行
三點幾行到四點幾
Konnie 打電話黎話佢響地鐵站
行左落去搵佢
佢畀左部 MD 我, 順手解釋左部機既錄音「秘技」(要按緊電池既接觸位, 否則好易錄唔到)
跟住就走

向 CD 舖發緊「吽哣」既時候阿大打畀我
叫我聽日上 AC 搞番 D 手尾
> . <
落左莊都仲要做

聽日好似話打邊邊呀！
yeah~~~~

再次無聊地 hae 行德福
漫無目的, 百無聊賴地 hae 行真係好辛苦
拖住訓左唔夠五個鐘既身軀 hae 行
更加辛苦

hae 行到六點幾老姐先同我會合
忍唔住發左佢少少脾氣
sorry~~~~
好彩佢唔會介意O者 ^ ^

脾氣來得易也去得易 (典型獅子座性格)
唔夠兩秒又幫佢拎 D 野返屋企

返到屋企忍唔住昏迷
直到老媽子拍醒我食飯為止
唔記得訓左幾耐
隱約記得起身食飯時剛剛做完「皆大歡喜」

食完飯又上網
問 Vanessa 聽日打唔打邊邊
先知佢前排皮膚敏感, 仲未好番
唔講都唔知佢不嬲都係添
祝佢早日康復啦~~~~

聽到 Konnie 講左個好消息
但係佢自己又唔覺得好好
奇怪......

明明眼訓, 但係又搞到兩點幾都唔訓
果然好笨......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當你被人拒絕的時候，請你不要忘記，任何人的天性都不會逃避幸福。
如果他感覺得到你會為他帶來幸福，他又怎會拒絕你呢？

當你被人拒絕的時候，請你不要忘記，每一個人都有選擇的自由。
你運用了你的自由選擇去愛他，同時，他也有權運用他的自由去選擇愛另一個人。
你運用你的權利的同時，你可以剝奪他的權利嗎？

當你被人拒絕的時候，請你不要忘記，其實，在地平線上沒有一個人值得我們為他哭得天搶地。
如果你認為有這樣一個人的話，那個人絕不會叫我們哭。

當你被人拒絕的時候，請你不要忘記他的快樂。
我們忙著自怨自艾，為自己舔噬傷口；
我們是不是忘記了我們那天對他說過：「如果你快樂，我就快樂了。」

當你被人拒絕的時候，請你不要忘記感謝他。
在漫漫的人生路，他曾經伴著你走了一段不短也不長的路。
畢竟，你們的心靈曾經互相牽動過，身體與身體或許曾經也激動過。
他也給過你許多美麗的回憶、憧憬和暇想。
曲終，人卻捨不得散。與其為結束而流淚，倒不如回味餘韻而微笑。

當你被人拒絕的時候，請你不要忘記微笑。
千萬不要變臉，好讓他永遠記得，到最後一次見面，你仍然是深情地愛著他。

當你被人拒絕的時候，請你不要忘記，這也是他對你的忠誠。
難道你希望即使他對你已經沒有感覺了，還要假裝很愛你嗎？
他不愛你就快快坦白地告訴你，這是他對你的忠誠。

當你被人拒絕的時候，請你不要忘記，損失的不止是你自己一個。
你失去他的同時，他也失去你。分別時，你失去了一個不愛你的人，
而他卻失去了一個深愛他的人。

當你被人拒絕的時候，請你不要忘記自己的身份和角色。
感情從來都不是一個公平的遊戲。
你們從來都不是平起平坐的，他也不是你的對手。
你是這個遊戲的參加者，他是競逐的對象。

當你被人拒絕的時候，請你不要忘記，這只是他今天的決定而已。
他明天或許有另一個決定，視乎你怎去爭取。還未到 Game Over，為什麼要自己關機呢？

當你被人拒絕的時候，請你不要忘記感情這個遊戲，
沒有值不值得，沒有對與錯，只有愛和不愛。
愛情是免費的，但同時亦是十分昂貴。
當你沒有選擇，就沒有機會成本。
而如果你還愛他，你就沒有放手的選擇。

當你被人拒絕的時候，請你不要忘記以微笑來從容面對。
當每一個朋友都以為你一定會放棄，但你卻處之泰然。
他一盆一盆冷水澆下來，你卻好像堅強得打不死的。
人人都以為你會放手，你卻能如此頑強，原來只是你對他一份的愛和執著。

當你被人拒絕的時候，請你不要設法忘記他。
在你心底裡，這一個名字、他這一張臉、一個甜津津的微笑、一個熟悉的身影是永遠永遠無法忘懷的。
如果你頃刻間可以忘記他，這段感情也只不過是鏡花水月，還值得你這樣刻骨地回首嗎？

>>August 6, 2004 at 6:15:53 PM GMT+8

2004 年 8 月 4 日 星期三 【晴】

「破冰」行動正式告終
多謝「破冰」行動委員會各成員支持

蓋因腦部須進行 tune 台工程
暫時未能運作如常
如有任何不便, 敬請原諒

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日約左一, 達人同 Tim 打牌
Tim 訓左之後一無啦啦話今日 U6A 有飯局
應承左今朝打畀 Tim 約佢

「破冰」行動委員會既成員先後入睡
自己聽完電話再打多一陣日記
四點四先訓覺
有 D 疲累添....

十點幾起身
坐左響廳睇報紙
完全唔記得要約 Tim + U6A 飯局
等到十二點半一打黎問先醒起
好彩最後都趕得切一點正趕到新世紀

大伙兒上左京滬飲茶
大伙兒包括燊哥, 肥霖, 子豪, 肥 pat, 一, Tim, 我 + 十二點九先起身既天行
成班人既話題主要有：
1. 肥霖北京遊既趣聞 (外加子豪向肥霖問路)
2. Jackie Leung 既「華威」「不死」傳說
3. U6A 眾人去向概說
........

明明肥 pat repeat 左一年先入 City Social work
出年居然做左佢 City 既師弟
無應............> . <

食完一, 我, Tim 三個同眾人話別
hae 行左一陣新世紀同一一齊返火車
一又要去大圍教琴
Tim 就諗住去沙田中央
我個心硬係有 D 不祥既預感......

同 Tim hae 行左一陣先準備去圖書館
突然醒覺：今日星期四沙田中央唔開架喎........
遲鈍既精神令我地局住去大眾睇書

睇書唔係重點
響書局一路睇書一路傾偈先係重點
傾到事實上無乜心機睇書
事實上 Tim 既問題無實質辦法解決
唯有叫自己更堅強方可暫紓煩惱

眼看 Tim 的煩惱
頓覺自己所謂的「煩惱」只是引發自己傷春悲秋情感的引子
相對而言
我實在太幸運了..........

跟 Tim 於大眾玩了一輪「倉頡拆碼遊戲」
玩完就行去一屋企
響佢屋企樓下華潤 hae 等一 & 達人
貪得意雪左兩罐唔凍既龜苓膏落雪榚櫃
行完去買外賣飯盒之後先入華潤買

駭然發現今日既麻雀小組全部都係「破冰」行動委員會既成員
原來都係得四個人知O者........

食完飯就開始瘋狂打牌
打完四圈都係十點幾
休戰左幾個字後繼續
打到十二點二就同 Tim 離開一屋企
一同達人就等睇波
孤男寡「男」共處一室, 都真係有 D 得人驚.....

返到屋企老姐原本霸左部電腦
結果畀我好巧妙地搶左黎用
代價係夜晚要幫佢周圍問人借 MD 機用, 同聽日要拎部 MD 機畀佢
好似好簡單咁, 但係好浪費時間
成個下晏既活動就咁畀老姐 hold 住左........
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睡醒後想起的第一個人 / 第一件事
應該是自己覺得最重要的

今天睡醒後, 模糊的頭腦逐漸清晰
想起你, 想起你的一切
一切一切忽地湧上心頭
零碎的片段慢慢匯成一起
變成一個立體的你
立體的不僅是形體, 還有思想, 心靈, 精神..........

想起昨夜
第一個反應居然是心痛
是生理的痛？還是心理的痛？
若是生理的痛, 毫無根由！
若是心理的痛, 何以遲來？
是遲來的痛？還是遲鈍的人帶來的遲鈍的痛？
辨別不了

不斷的言不及義是為了掩飾心中的緊張不安？
衝動的說出來只為了自我解脫, 並沒有期待？
結結巴巴 = 沒有誠意？
一切自己無法解釋的問題
在你口中倒能分析清楚

強裝麻木的心情到底不麻木
痛沒有即時出現, 只是受到抑壓而矣
抑壓愈大, 痛出現的時間差愈長, 然而痛將會加深
人對痛存在時間差 (Time Lag) 是好是壞？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
個人問題：

1. 習慣扮演的角色不大正經, 以致「方法演技」未能抽身 => 需要正經的時候未能正經......
2. 口才不佳 => 說話結結巴巴 <==> 淆底 (loop.......> . <)
[key：=> 代表「以致」]

Comments：
1. 明志是明知的決擇
2. 說了算是不負責任的行為, 做了算更是卑劣
3. 小心慎重選擇溝通媒界
4. 有勇氣去表達只是基本的條件, 重要的是表達到自己想表達的事
5. 尊重場合, 應該正經時請保持正經
6. 事前做好準備, 以免出現過多冷場
7. 再婉轉的拒絕, 畢竟仍是拒絕

新增名詞：
1. 圍城
2. 巷戰
3. 間諜
4. 汽車炸彈
5. 巴格達
6. 美軍

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
做了朋友應當彼此愛見面
通個電話算接過了
可是面沒有見，所說的話又不能像信那樣留著反復看幾遍
電話是偷懶人的拜訪吝嗇人的通信
最不夠朋友！
並且，你注意到麼？
一個人的聲音往往在電話裏變得認不出，變得難聽...........

Copy from 《圍城》錢鍾書

>>August 5, 2004 at 8:41:43 PM GMT+8

2004 年 8 月 3 日 星期二 【酷熱】

辛苦左咁多日
D 「日記債」卒之還清
好感動
雖然辛苦
但係能夠記下快樂片段, 好讓我和其他人能回味
總是一件值得慶祝的事
^ ^

至於「破冰」行動
到截稿前依舊未有新消息
所以仍是不知如何是好.....................=.=

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日同 Konnie 閒 hae 其間
問佢有有 D 好睇又 arm 我程度睇既英文書 (想自己 D 英文進步下嘛)
佢二話不說就「彈」左本小朋友既書畀我
果然體諒我既英文程度喎.......=.=
有冇 D 高智慧少少架.....

最後佢推介左本叫 "Angela's Ashes" 既書我睇
好似話 D 字唔難架喎
不過都係有 D 驚
約左佢今日借畀我睇
但係無約實時間
理由係：佢自己都唔知自己幾點醒.....

訓到十點幾自己紥醒
本來仲可以訓多陣架
但係一諗起「破冰」既事就訓唔著
尋日仲好似好神勇咁
今日居然淆底喎.......
> . <

話就話淆底
「冰」既然已經「破」左
我都會好正面咁面對之後既事既
自覺不足, 希望能以真誠搭夠

起身 on9
睇番之前入 camp 更新左既網上文章
隔左咁耐無睇, 一次過睇番咁多
真係有 D 一氣呵成既感覺

唔講唔知 Arli Papa 原來係一個狂熱既貝多芬迷
更加恐怖既係佢準備去考鋼琴 Diploma
響佢強烈推介之下又預約左本有關貝多芬既書睇

閒 hae 得好無聊
今日完完全全係為左等
等乜！？
等運到掛.....
好彩有 Tim 打黎, 我都無咁悶

收綫就繼續 hae
今日無去一屋企打牌
真係有 D 無聊
不過無聊都有好處既
起碼等個人可以冷靜落黎諗下野
只不過今日愈冷靜愈驚O者......

三點幾 Konnie 打黎
無理由叫一個借書畀我既人特登由金鐘拎本書入彩虹, 之後再出尖咀架
所以約左去尖咀搵佢
拎左本書, 略略翻了數頁
D 字唔係好難O者
個心都放心 D.............
希望唔會睇好耐啦~~~

無聊時 Konnie 居然會想坐響海旁吹海風
果然好無聊
大熱天時做埋 D 咁「有趣」既野
真係頂唔順
結果同樣無聊既我捉左佢入今日免費開放既藝術館涼冷氣
好熱呀~~~~~~~~~~~~~~~

睇左一輪唔知係乜既藝術展之後
始終都係覺得 D 坐響度既人似展品多 D
: P

行到個人好疲累, 加上 D 燈光好暗
令到個人好唔集中精神
或者係因為咁樣, 所以 D 觀眾先會覺得 D 展品珍貴掛..........

陪佢去 YMCA 映證件相
第一次入 YMCA, 有 D 奇怪：乜 YMCA 畀女仔入架咩？
問佢, 佢呆左唔識答
諗一諗, 自己又係弱智 D 既
我之前都有玩女青啦
點會因為係 YMCA 就唔畀女仔玩呀~~~~~

去完文化中心隔離美心食飯
見無咁熱就陪佢坐下樓梯
坐坐下落雨
行返入文化中心避雨

閒行左一陣
送完佢去 YMCA 學野就走
行入尖咀凱聲睇譜
睇到佢話收舖就走
乜凱聲收八點咁早既？？

返到屋企上網
坐響部電腦面前呆等
準備「破冰」行動第二階段..........

成日都有人問乜野係「破冰」行動
遲 D 先講啦！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇完 Konnie 既日記
發現有一個故事好抵死
忍唔住唔炒出黎公諸同好

故事一則：

魔王把公主帶回城堡...................

魔王　：「你儘管叫破喉嚨吧！沒有人會來救你的！」
公主　：「破喉嚨！破喉嚨！」
沒有人：「公主, 我來救你了！」
魔王　：「一說曹操, 曹操就到」
曹操　：「魔王, 你叫我幹嘛？」
魔王　：「哇！看到鬼了！」
鬼　　：「哇, 被發現了」
z　　 ：「誰發現了我？」
誰　　：「管我屁事！」
魔王　：「Oh, my God！」
God　 ：「誰在叫我？」
誰　　：「沒有人叫你！」
沒有人：「我哪有？！」

..............
.........................
...............................................

據說魔王從此精神分裂................... =.=

>>August 4, 2004 at 8:16:17 PM GMT+8

2004 年 8 月 2 日 星期一 【清涼】

尋日仲諗緊點「破冰」
今日居然唔知點解好神勇咁做
完全唔明
不過好佩服自己既兇悍

浪費左咁多時間諗點「破冰」
宜家輪到浪費時間諗點樣令自己唔會葬身冰海
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早自已紮醒左
聽到收音機既節目, 仲未夠十點
好早喎......
橫掂無野做, 繼續訓
做左三次同一樣既反應
直到一打畀我先捨得起身, 其時為 09:35

今日十一點要學德文
hae 左好耐先出門口
十點半呀
其實都有 D 驚遲到
但係最後都係發現自己太早出門口
去到仲係十點九, 仲要等到阿一十一點二黎到先可以上堂

無上兩堂既我有 D 跟唔上 (music camp 無左兩堂)
不過無上三堂既一仲慘 (music camp 兩堂, 外加一日起唔到身上唔到堂)
宜家睇 D 德文都仲隱約睇得明意義
但係要讀就真係有困難啦......

飢寒交迫
加上有 D 眼訓
忍唔住上堂釣魚....

兩個人上完堂搭車去尖咀
原本諗住返 poly 食飯
行行下改變行程去「唯一」
$ 9 食到好飽 (btw, 我晏晝其實都唔一定要食好多野既.....)

食完行左一陣 VCD 舖
一想同老拎睇 "love actually", 但係搵左好多間舖頭都搵唔到
DVD 就見過, 不過要 $ 138
貴 D 喎
何況之前又見過隻碟通街都有得賣, 依家就度度都賣晒
搞到佢好無奈

去文化中心退飛錢
要退既係之前因為颱風無得睇既飛
多左五十蚊用
hee.....

好炎熱既天氣
搞到我地兩個都忍唔住要盡快返 poly lbrary 涼下先得~~~~
一路行一路問佢有關「破冰」既問題
同佢既做法原來好一致.....

入到 library hae 坐
一 hae 到三點一就走
我就 hae 到六點幾七點先走

返到屋企又同「達人」(陳沛倫, 費事成日撻佢全朵) chat
又研究左一大輪有關「破冰」既問題
佢仲講返 D 歷史懸案過我聽
唔講真係唔知咁轉折

本來接近十一點就可以還清尋日既「日記債」(即係打完之前累積既舊日記, 可以打今日)
誰不知無啦啦 connect 唔到
成篇 2/8 既日記無左, 要由頭打過
勁無奈
T _ T

打打下日記居然無啦啦「破冰」
唔知點解咁做, 亦唔知點解揀呢 D 時候, 呢 D Media 「破冰」
舊「冰」無即時畀反應
今晚都仲有覺好訓
但係聽日就唔知點咯.................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
閒 hae 時間：

事源前日 (表演日) 阿大「嬲」人食火鍋.....

笨神：今晚有冇出去食飯呀？
DM 神：無呀, 你呢？
笨神：我都無呀, 今晚應承左返屋企丫嘛！
DM 神：哦.....阿大打畀我既時候我 arm arm 食緊飯.....
笨神：哦...o個陣時我行緊街~
DM 神：懶係開心快活咁....我都係行街街呀, 不過拎住萬五蚊行街之嘛....
笨神：拎住萬五蚊行街做咩呀？
DM 神：拎住個萬五蚊既琴行街....
笨神：車, 我夠隨時拎住支千五蚊既琴行街啦！！！巴~~~~~~~~~~閉~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
reserved for dating
reserved for loving
reserved for kissing
reserved for scolding

>>August 3, 2004 at 6:50:06 PM GMT+8

2004 年 8 月 1 日 星期日 【晴】

「日記債」還左幾日都未還得清
有時真係覺得好辛苦
D 人成日都問我做乜事要寫日記寫得咁長
仲乜鬼都寫落日記度
好似流水帳咁......

以前我既日記都唔係咁架
淨係記低左 D 感受感覺
但係自已記性唔好
過左一排, 望番之前既日記
發現自己完全唔知點解會有 D 咁既感受
對從前的我有點摸不著頭腦
唯有痛定思痛, 除感覺外, 另加發生過的事
好讓自己將來重看日記時能了解當時為何有此想法

好有理想既想法
但係面對著無盡字數既日記
真係打到有 D 心力交瘁.......

滿足於這種心力交瘁的感覺
自虐？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同 Doris chat
發現自己好「慢息」添 (「慢息」者, 緩慢地獲得消息也)
不過都唔緊要啦
橫掂都係舊聞, 慢息 D 都無所謂
又或者自己唔記得左o者

佢有 D 驚出年 AL考得唔好
但係又無時間, 又無乜心機溫書
於是無聊之下, 提議打電話鼓勵佢溫書
真係唔想有人第時後悔自己無努力過溫書

笨神下凡
同佢 chat 左一陣
跟住佢話要聽電話, 遲 D reply 我
於是一個 on 9 友就為左一個唔係承諾既承諾等左三個鐘............

係自已 on 9 o者
我明既
不過我都唔會因而怪任何人既
係自已傻o者..........

以免浪費時間
同一個沙官友閒 hae
睇左幾個人既 webshot
同埋成功減輕左我既「日記債」(寫到 29 號啦~~~)

卒之洗完白白 + 洗完碗碗碟碟白白既笨神再度下凡
望下電腦個鐘
23:23 早已換成 02:33
同佢 chat 到三點幾就佢就 off
同樣唔係好頂得順既我打完 29 號既日記後亦返房會周公

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第二朝一起身
抬頭望下個鐘
十二點！？！？
遲左添, 有 D 唔好意思
之前約左 Doris, 佢叫我十一點叫佢溫書架！！

第一時間打畀佢
佢準備開始溫書
聽到我把聲佢好驚訝
問我：「做乜你把聲咁斯文既？你未訓醒呀？」
無錯我係 arm arm 訓醒
但係把聲咁樣同我起身早晏無關架喎

通完電話之後就開始還「日記債」
還到好疲累, 好唔想繼續打
結果打完 30 & 31 號就放棄積極打日記
hae 打

打左一陣一打黎
問我打唔打牌
我答完好之後佢就叫左我搵腳
下次電話無電就唔好問人打唔打牌啦.........

首先搵卡卡
佢 arm arm 同完屋企人出沙田食飯
隔左一陣 confirm 佢
佢好爽快地話無問題
yeah~~~~

不過搵謝就無咁順利咯
佢又要同屋企人食飯
之後又唔係好想打一陣就返入屯門
結果佢最後都係無去......

叫左一同卡卡聯絡
梳洗完就出門口
臨出門口拎埋個 $15000 既阮
雖然對個阮仲有想練既慾望
但係實在怕佢響我手上有乜野三長兩短
連交學費都交得勁勉強
無錢賠呀
所以都係早還早著 (卡卡仲醒過我, 朝早就還左咯)
不過我都係計劃今日還架啦~~~

去到小瀝源阿一叫我打畀卡卡
仲話佢自己響屋企
唔係掛....
咁卡卡咪等左.....................成兩個鐘？！！？
冒死打畀卡卡
佢聽完我講我地兩個都未到之後就好嬲, 仲 cut 我線添
好彩佢最後都係等埋我地
響車上面叫一即刻出新城市

去到沙田搵左卡卡先
然後叫佢陪我返 MO 還琴
佢響地下唔上 7 樓
還左琴之後慢慢行去沙田 (之唔係要拖延時間....)

一終於黎到
卡卡忍唔住打左佢幾拳
之後就搵個地方畀卡卡可以休息下雙腳 + 解渴
去左仙踪林
Tim 過左黎一陣就返屋企換衫 + 拎麻雀
我地坐多陣就行返一屋企

響一屋企樓下買完補給品就返屋企
響大堂就撞到 Tim, 勁蹺！
hae 左一陣就打牌
打打下卡卡肚餓
於是叫外賣 pizza
卡卡十一點幾走

我同 Tim 坐多陣就走
趕到 82M 尾班車
一路上同佢商討「破冰」行動既問題
佢同我舉左兩個例子：Eric Leung + 祺
兩個人既「破冰」方法都好認真
不過一個就太花心思, 另一個就太破費
對於兩樣野都無既我, 回憶從前既「破冰」行動都係無花過一分一毫
有 D 汗顏................
繼續苦思緊「破冰」良策
@_@

>>August 3, 2004 at 5:44:48 PM GMT+8

2004 年 7 月 31 日 星期六 【晴】

音樂營音樂會

辛苦左咁耐
都係為左今日表演
點知.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
七點幾就起身
梳洗好就出門口
諗住個幾鐘頭一定去得到屯門
點知等左成個鐘都仲未有車到
天氣又熱, 個琴又勁重
等到發脾氣唔等
用最弱智既方法去屯門－－地鐵轉巴士

去到荃灣都九點三
入到屯門九點十
個心好唔好意思
除左驚畀人鬧之外, 自己都覺得自己好唔掂
Final rehearsal 都遲到？！
誰不知入到演奏廳, 居然見到 d 中樂團既人坐響觀眾席度映緊相
當自己以為佢地己經綵排完既時候
赫然發現個台都未 set 好
全團人坐響觀眾席上無聊
有冇搞錯呀~~~~~~~~~~~~

搵左一輪先搵到謝佢地
睇左一陣報紙
屯門大會堂既工作人員好似無乜意識要整理好個台
搞左成個鐘都未搭好個台
我地對個台又唔係有 d 特別要求
只係要響個空無一物既加幾塊大反聲板 + 幾十張椅 + 幾十個譜架
我唔相信咁少既要求, 居然搞左成個鐘先搞好
大佬！
我地都無乜時間練架
要執樂器架！！ (especially 敲擊)
去到最後何生都頂唔順, 叫左我地成班 part leader 去執譜架同椅

響屯門大會堂表演
果然係一個好好既經驗
可以令平時皮質醇不高的我嘗試累積
實在太過份呀嘛
有乜理由乜都要我地自己做晒架！

搭好 d 反聲板
等到 d 樂器運到
以為有得開始排練
但係個大三角完完全全妨礙 d 敲撀 set 台
陳沛倫成塊面變到勁黑, 發晒脾氣咁

唔好發脾氣呀
會扣分架 (當然唔係我畀分啦, 邊個係評分既人？你咪自己估下咯....)

搞到最後十一點先有得練
十一點半就要交個台畀其他團
兩隻歌要 run 一次都係勉強夠時間
連試音樂效果既時間都無
深知不妙
綵排完之後心裏面更係浮現左兩個字：「死梗......」

一, 陳沛倫, 謝三個要幫 choir 伴奏
我, 黃寄泓, 黃蜂同「小澤延」去隔離「海霸」搵位
要左一張十人桌
但係果度既職員一定要有一半人以上先畀入席
匆忙之際著佢三個入大會堂「斑馬」
結果兩個傻傻既 cello 妹妹仔 + 馬禮怡就陪左我地飲茶

坐坐下有人發現何生佢地都響「海霸」飲茶
於是就組成左一隊「生物觀察團」去參觀佢地
行到過去發現郭 「hang 機」+「英輝」都同桌, 但係淨係得何生發現我地
回程既時候「小澤延」見到其餘既人都望著我地, 好似佢地變做「生物觀察團」既團員
我地就變左做野生動物......

飲茶其間同馬禮怡閒 hae
發現佢既學校生活真係好恐怖：
1. 一年拎左五個 demerit (唔算好恐怖, 因為之前聽人講佢有十個 demerit)
2. 日日搭的士返學都遲到
3. 有四張電話咭, 三張千五分鐘, 一張八百分鐘, 但係全部都可以爆左百幾個鐘.......@_@

生活苦悶既佢真係好無聊
唔好忘記佢今年都係升 f.2 咋........
太可怕啦
> . <

兩點半返入後台
每人三十幾蚊
如果何生唔係早走一步, 佢就會再次成為犧牲品* 架咯.....

* 入 camp 前陳沛倫買左廿蚊繩縛雲鑼
入到 camp 想問返何生畀錢, 陪佢行去搵何生
何生同佢講：「得果廿蚊？！我請你食杯雪榚算啦！」
之後果日佢真係問何生請食雪榚
何生真係請我地食
之但係我又好衰地玩野, 大大聲同全部人講何生請食雪榚
差 d 搞到場面一發不可收拾.........

響後台瘋狂映相
由於自己無數碼相機, 普通相機又壞左
所以都係叫人幫我映相, 等佢地返屋企 send 番畀我

表演前行左落虎度門附近
望到張 "失" 業件軍服 (係呀, 佢著軍服指揮架) 好有型
忍唔住要同佢映相

正式表演
「沂蒙山」第一個 bar 就有人入錯
玩左十幾小節有 d 人仲怕到唔識執生 (好似揚琴無啦啦入早左....)
好驚好似當年玩「長安社火」, 玩左五十幾個 bar 之後要重新開始呀.....
好彩, 最後無事
總算鬆一口氣

玩成點？！
比預期中差
一來大家未熟習環境 (曹公潭排練室好細, D 聲焗住晒, 搞到好似好嘈咁, 但係今日靜左, 搞到有 D 人唔慣)
二來熱身時間唔夠 (練得半個鐘, 好多人都未 warm up 好, 有 D 人未醒覺已經要表演咯)
三來有 D 人唔夠集中 (見到有 D 人差 D 響台上訓著左)
所以效果麻麻, 有少少失望

話晒都好認真咁練左七日琴
練到隻隻手指都好痛
不過自己都唔得集中
響台上面要強行支撐著自己唔訓
@_@

玩完第一時間收琴
第二時間捉左盧亮軒四圍搵何生映相
我絕對唔容許自己唔同佢映相架！！
響觀眾席見到佢, 佢同郭「hang 機」傾緊偈
同完何生映, 又同「hang 機」映
好明顯「hang 機」無乜記性
記得我個名, 記得我玩乜, 記得我個樣
但係成日都唔記得我幾大
我係大學生黎架！！！
雖然我間中都行返 DB, 但係我畢左業好耐架啦
唔好成日都問我今日 Form 幾啦.........

離開屯門大會堂
由謝帶領我地眾人去食飯
眾人包括有一, 我, 拎, 陳沛倫, 肥仔, 黃寄泓, 黃蜂
仲有專程黎睇表演既菲傭同 Doris
行去椰林閣既途中, 陳沛倫因為手執類似裝舊教科書既紙袋
結果短短幾分鐘既路程畀人截左幾次
有人仲好無禮貌咁伸個頭去「裝」佢個袋入面係乜
搞到佢有 D 無奈

一同拎都無食飯, 謝帶佢兩個搭巴士
我地就叫左野食先, 再等謝返黎叫野食
等到佢個飯都黎到先開餐
等到我塊鑊仔牛柳 D 肥膏都凝固左......

望著碟飯既時候阿大打黎「嬲」我食飯
如果佢唔係想食火鍋的話, 我諗我都會出去陪佢地 hae 下既
(我又食唔落, 火鍋唔食都係按人頭收錢架嘛.......)
結果都係太淆個琴整親
都係早 D 返屋企

返到屋企 on9
無啦啦同好多個人吹左好耐水............
(待續)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
佳句實錄：

最尾一晚響 music camp
巡房既時候我地都想拎「紀律獎」
所以十一點就用「方法演技」訓
成班「獄長」入到房就見到個個好乖地「訓覺」
德哥開口：
「各位詐訓既同學, 麻煩你地話一話畀真係訓左既同學知要填問卷呀~~~」
忍唔住笑左出黎
德哥又開聲：
「呢位同學真係得意啦！訓緊覺都識笑喎.......」
擺明引人笑O者................

>>August 3, 2004 at 12:39:46 PM GMT+8