2005 年 1 月 16 日 星期日 【晴】

395年1月17日　羅馬帝國分裂為東、西羅馬帝國
1600年1月17日　西班牙著名劇作家卡爾德隆誕辰
1706年1月17日　美國作家、科學家富蘭克林誕辰
1897年1月17日　譚嗣同重要哲學著作《仁學》編寫完成
1923年1月17日　蔡元培憤而辭去北大校長職務
1931年1月17日　左聯五位作家被捕
1933年1月17日　中共發佈宣言：停止內戰　一致抗日
1945年1月17日　瓦倫堡事件
1989年1月17日　首屆陳嘉庚獎金頒獎
1991年1月17日　「沙漠風暴」行動開始
1995年1月17日　日本阪神發生大地震

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
五點先打完機
咁既生活真係好糜爛
不過自己卒之知道點解會咁
有 D 無奈
也許這就是人生嘛
要克服, 首先是要接受

十點半既堂唔可以遲到
不過十點鐘先起身
驚險

晏晝返屋企打左個轉
主要係想搵番 D 野
遍尋不獲, 無奈離開

下晝上 lab
臨做 lab 之前 Tim 打畀我
話佢要由 1430 hae 到 1600
本來想搵我陪
結果聽到我要上 lab 上到 1730 就灰左

超唏噓既 lab
六個人一組做 General Lighting Survey
居然得一部 Lightmeter
結果我負責 take measurement
其餘五人負責傾偈
完全無人理會我既感受
> . <

一個好簡單但無聊既 lab
做完之後以為有好多野要搞
點知原來 report 就咁睇下 D data 就算
早知就 hae 度啦！！

四點幾做完 lab
響商務睇左一個鐘書
仲畀佢呃左接近一百蚊買閒書
教科書又唔買, 浪費金錢買 D 咁既閒書
可以稱之為「慳錢」！

之前練就既企響度訓卒之有用
成功由九龍塘訓到北角
之前仲諗住夠時間轉賬交學費
不過去到北角已經到左補習時間
放棄

背左陣書就叫佢做 Maths
「叫佢做」既定義係話畀佢聽做邊幾條之後就訓覺
訓到咁上下就睇佢識唔識做
唔識就教, 識就繼續
hae 得很

兩個鐘後離開
臨離開之前趙慶中打畀我
佢話 send 唔到譜畀我
百思不得其解
其後發現原來佢將我英文名串錯左
「Brian」串左做「Bryan」

佢 D 英文都算好架咯
事關唔少所以既「大學生」會過份到幫我改埋名
將「Brian」串成「Brain」
我係有腦, 都唔使連名都叫腦掛......

夜晚差 D 無飯開
結果當然可以飲飽食醉啦
呵呵~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
395年1月17日　羅馬帝國分裂為東、西羅馬帝國

395年1月17日，羅馬皇帝狄奧多西（346—395）逝世。
他在臨終前，將帝國分與兩個兒子繼承。
羅馬帝國分裂為東、西羅馬帝國。
東羅馬帝國的都城君士坦丁堡，是在希臘古城拜占庭的基礎上建立起來的
因此又稱拜占庭帝隊。
起初其疆域包括巴爾幹半島、小亞細亞、敘利亞、巴勒斯坦、埃及、美索不達米亞及外高加索的一部分。
到了皇帝查士丁尼在位時，又將北非以西、意大利和西班牙的東南並入版圖。
最後在1453年被奧斯曼土耳其人所滅亡。
西羅馬帝國的都城為羅馬。
410年，日耳曼的西哥特人在領袖阿拉裡克率領下，進入意大利，圍攻羅馬城。
在城內奴隸的配合下打開城門，掠奪而去。
此後在西羅馬帝國境內建立許多衛國。
476年，羅馬僱傭兵領袖日耳曼人奧多亞克廢黜西羅馬最後一個皇帝羅慕路斯
西羅馬帝國遂告滅亡。
西羅馬帝國的滅亡，標誌著奴隸制度在西歐的崩潰。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
記不起, 你笑時是怎樣的
只記得, 當時覺得很好看

你可否
對我笑多些, 或索性拒我於千里？
你可否
望著我多些, 或完全不要讓我見到你？

《又喊又笑》林振強

>>January 17, 2005 at 5:01:47 PM GMT+8

2005 年 1 月 15 日 星期六 【晴】

1794年1月16日　英國史學家愛德華吉本逝世
1906年1月16日　無線電發明家波波夫逝世
1945年1月16日　法國將雷諾汽車公司國有化
1969年1月16日　蘇聯兩艘宇宙飛船第一次完成空中對接
1975年1月16日　葡萄牙同意安哥拉獨立
1979年1月16日　伊朗巴列維王朝被推翻
1980年1月16日　鄧小平提出80年代抓好三件事

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
五點幾打完機就訓
晏晝夢迴 (由於其時應該係十二點幾, 所以唔係午夜) 時隱約聽到有電話響
老爸接聽電話
不斷聽到佢講：「食飯？食乜飯？？」
聽到佢一頭霧水咁
隱約估到 D 野

起身主要因為一個電話
一響一點幾打畀我
話畀我聽 DB 有表演出
不過係今日晏晝兩點半
仲話幫我拎左飛, 叫我快 D 黎
=.=
我諗佢下次會兩點叫我去睇兩點半既表演

連忙梳洗
諗住食少少飯先出門口
趙慶中打黎
問我：「今日咁風和日麗, 做乜響屋企呀？」
趕緊時間既我同佢講：「查實我出門口架啦......」
不過佢都好堅持地繼續我地既對話

佢宏光有表演
想搵個穩陣既大阮 (據佢講係要一個勁既大阮, 不過我唔勁......)
玩《行街》(顧冠仁編曲, 江南絲竹)
應承左佢 10/4 號幫佢玩街檔, 佢先肯畀我開飯~~~

匆匆食完飯
飛奔去九龍塘
眼見就快夠鐘
自己又聯絡唔到一 (因為用晒 D 通話時間 + 未買增值券)
有諗過放棄
最後都係盡趕過去

用自己僅有既記憶行去大學會堂
行行下望到前面有個人既背影好熟口面
愈望愈熟
行前拍一拍佢
果然係卡卡！

佢地一班沙官人行埋一齊
望佢地步行既方向, 估到佢地同我一樣去緊大
不過佢地響 1430 既時間 (開場時間) 仲響街上慢條斯理地行緊
完全唔似趕去聽表演
=.=

見到卡卡
借左佢手機同一聯絡
倖免無飛入唔到場既厄運

行錯路左一陣
再打一次電話畀一
坐一隔離既肥婆二話不說就行出 hall 等我黎
感動

黎遠望到「唔朝勝」彈緊去同一眾沙官人士會合
之後佢仲一支箭咁飛左上去
唔夠佢快, 行佢後面
心裏面有 D 好奇怪既念頭
^ ^ "
「肥仔化」左添~~

上到去就望到肥婆
一齊入 hall
一行四人 (肥婆, 一, 我, 談)
場內見到唔少人, 好似 B, 細孖......

聽完司儀好「內容充實、有內涵」既講辭 + 紀念品頒發時間之後正式演出
第一隊表演就係 DB (就係因為咁一叫左我好多次唔好遲到)
出左三首歌：
《陽光照耀著塔什庫爾干》、《天空之城》、《湘西風情》
《陽光》係二胡三重奏
《天空之城》係弦樂四重奏
不過《陽光》玩到好似兩個人玩一部, 另一個人玩另一部咁
無乜三重奏既效果
第二首得四支二胡玩
無乜效果 (因為無低音 support)
同一研究左陣隻歌係咪謝編既

《湘西風情》係主菜
整體問題係音樂幅度唔夠
加上彈撥聲部畀中大阮聲部支配左 (難得一向嘈既琶琵同揚琴都可以無聲.....)
個別人士趨快 + 個別人士唔肯快
敲擊唔夠聲
仲有好多個別問題
不過仲有時間可以執
加上表過演佢地都多少有 D 經驗既
對佢地多左唔少希望

是日嘉獎：
二鈸 + 管子
(仔仔管子無炒, 但係居然嗩吶炒左, 所以無高嗩份)

《湘西風情》一完就走
走既人真係好多
成個場好似唔見左一大半人
唔通個個淨係想聽 DB？
定係被《湘西風情》驚怕左？？

一行得太慢, 畀我地放棄左
我地 (肥婆, 豬 Ray , 我共三人) 行去又一城搵野食
由於豬 Ray 唔知邊度係 e.x.p.
結果去左「祥哥」食
白白浪費左肥婆想請大家食豪飯既苦心

佢都係打工仔O者
無謂要佢成日咁接濟我地啦
所以都係食左佢一個桶餐就算

一隨後趕到
唔食野既佢淨係飲汽水
不過......
係飲我果杯
> . <

四點半離開
七點先要去北角
搵一陪 hae
居然陪左佢去沙角邨搵 Tim
真遙遠

去士多買雪榚食
之後行去市中心
一當然唔可能放棄去機舖呢個重要景點啦
仲玩到唔捨得扯
結果要 Tim 陪我走

卒之買左張電話咭增值券增值
免除自己同人「溝通之不能」既命運
^ ^
仲睇番肥婆之前 send 畀我既 msg

今日 Musco 響北角開 AGM
七點左右去到北角
由於之前問過學生, 知道大約位置
所以唔係好擔心
望著之前抄既地址
見到佢寫既門牌號碼：
「香港北角英皇道416-439號」
相當無應......

香港既門牌號碼一向都係一邊單數, 另一面雙數
呢個門牌包含左單數同雙數
我諗一定係橫跨左條英皇道......

上到去
開完會就食飯
今次係叫 pizza 食 (不過要自己去拎, 蓋因有九折之故)
講左好多笑話
笑到食唔落野

十點幾打地車歸家
十一點就返到屋企
仲早過成日話我遲既故人之妹 Larissa
^ o ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1906年1月16日　無線電發明家波波夫逝世

波波夫是第一個探索無線電世界，並畢生為發展無線電事業而奮鬥的俄國科學家。
但由於沙皇俄國的封建腐朽，他的事業沒有得到國家的支持。
1906年1月16日，他因腦溢血突發而去世，只活了47歲。
由於諾貝爾獎金只發給活著的科學家，波波夫沒有獲得這個榮譽。

1859年3月，波波夫出生在俄國烏拉爾一個礦區的小鎮
12歲時就表現出對電工技術的愛好，自己做了個電池
還用電鈴把家裡的鐘改裝成鬧鐘。

1877年，18歲的波波夫考入彼得堡大學數學物理系，後又轉學到森林學院。
在那裡，他研究出了用電線遙控炸藥爆炸。
研究成功以後，同學們都叫他「炸藥專家」。
波波夫29歲那年，赫茲發現電磁波的消息傳到俄國，他被強烈地吸引住了。
他興奮地說：
「用我一生的精力去裝設電燈，對廣闊的俄羅斯來說，只不過照亮了很小的一角；
要是我能指揮電磁波，就可以飛越整個世界！」
第二年，波波夫就成功地重複了赫茲的實驗。
在一次公開的講演中，他提出了可以用電磁波進行無線電通信的設想。
1894年，波波夫製成了一台無線電接收機，他第一次在接收機上使用了天線。
這也是世界上的第一根天線。

1895年5月7日，在彼得堡俄國物理化學會的物理分會上
波波夫宣讀了論文《金屬屑同電振蕩的關係》，並且表演了他發明的無線電接收機。
表演結束後，波波夫充滿信心地說：
「最後，我敢於表示這樣一個希望，我的儀器在進一步改良以後
就能夠憑借迅速的電振蕩進行長距離通信。」
幾十年以後，這一天被定為「無線電發明日」。
波波夫的論文和表演被有關刊物發表後，立刻引起了全球學術界的關注。

後來，波波夫用電報機代替電鈴，當做接受機的終端
這種裝置就成了一台無線電發報機。
1896年3月24日，波波夫和助手雷布金在俄國物理化學協會的年會上
正式進行了用無線電傳遞莫爾斯電報碼的表演，在場的觀眾有一千多人。
表演的時候，接收機裝設在物理學會會議大廳裡，發射機放在附近森林學院的化學館裡。
雷布金拍發信號，波波夫接收信號，通信距離是250米。
物理學會分會會長佩特羅司赫夫基教授把接收到的電報字母逐一寫在黑板上
最後得到的報文是：「海因裡希赫茲」。
它表示波波夫對這位電磁波的發明者的崇敬。
這份電報雖然很短，只有幾個字，它卻是世界上第一份有明確內容的無線電報。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Yesterday, is history
Tomorrow, is mystery
Today is a gift
That's why we call it "present".

>>January 16, 2005 at 5:25:18 PM GMT+8

2005 年 1 月 14 日 星期五 【晴】

1559年1月15日　伊利莎白一世正式加冕成為英格蘭女王，年僅二十六歲
1622年1月15日　咯血在舞臺上的法國喜劇作家莫裡哀誕辰
1759年1月15日　英國倫敦大英博物館正式對外開放參觀
1912年1月15日　紐約與柏林間第一條電話線正式啟用
1919年1月15日　陳獨秀提倡「德先生」、「賽先生」
1919年1月15日　德國共產黨的創立者李卜克內西和盧森堡被殺
1929年1月15日　美國民權運動領袖小馬丁路德金誕辰
1930年1月15日　台灣最早的鴉片癮者戒毒所──台北更生院成立
1932年1月15日　國際聯盟正式成立「滿洲調查團」，由英人李頓擔任團長
1935年1月15日　遵義會議召開
1949年1月15日　中國人民解放軍統一改稱
1949年1月15日　天津解放
1951年1月15日　吳三連當選第一任台北市民選市長
1953年1月15日　南斯拉夫聯邦議會選出狄托為首任總統
1960年1月15日　越南共和國總統吳廷琰抵台訪問五天
1964年1月15日　石門水庫發電廠開始運轉發電
1971年1月15日　京劇表演藝術家蓋叫天逝世
1972年1月15日　丹麥第一位女王瑪格麗特在克利斯汀堡登基
1981年1月15日　來來大飯店開幕
1986年1月15日　國防大學正式成立
1988年1月15日　北韓女特務炸毀韓航班機
1998年1月15日　劉邦友血案查緝對象宋新榮落網
1998年1月15日　印尼總統蘇哈托大幅推動經改
1999年1月15日　中正機場入境大廳租車業務今天開張
2000年1月15日　意一婦女一胞六胎
2000年1月15日　雲南姚安發生六點五級地震

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早就要為荷包努力
過北角補習
今日遲左四個字
平時遲得仲多
但係佢爸爸今日居然打畀我
我諗我都係時候要反省一下：
點先可以令老闆唔知我遲到......

補到兩點先走
今日係 poly choir 既 dress rehearsal
兩點九要返到去 poly
所以無食飯
諗住報到之行去食飯

報完到就走左入蔣震
吽左好耐
開完聲就聽人地唱歌

玩第三年 poly U choir
今年好似第一次有機會聽人唱歌
之前兩年有幾多組就唱幾多組
當然係永遠響台上徘徊
鮮有機會在台下等待 + 聽歌
今日有幸一聽......
講真, 真係麻麻地

等左好耐, 有 D 唔耐煩
加上自己無食晏
結果偷走出蔣震, 食新 Can 食左隻炸脾
食完返到去再吽左一陣先有得唱
練既時候大家好多野都唔記得做
有危機......

輪到夜晚
搵左個好過癮既地方換衫──台側既機房
換得好舒服
起碼唔使同人響 toilet 逼餐死咁

今年我淨係要唱中場休息後既小組同 encore 歌
等到訓著左
一醒就望到「摳眼珠」坐左響我不遠處
嚇死

唱得麻麻
輪到 Acappella
不出所料地炒粉
唉......
連帶到我有 D 地方都被受牽連

咁都無所謂
最灰係炒完傻笑到唱唔到落去
好過份！！
Pro 少少呀唔該
唔尊重自己, 都尊重下台下既觀眾 (即係 choir member) 同「摳眼珠」呀~~~~
超憤怒！！！！
> . <

完左衫都無換就即走
好凍

尋日麥觀叫我約人食飯
結果佢話自己聽日要陪女
唔得閒食飯
過份

同故人之妹 chat 左好一陣子
居然講左唔少野佢聽
對此我都覺得好驚訝
可能我果一刻真係要搵人畀我發洩下掛......
著實感激

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1622年1月15日　咯血在舞臺上的法國喜劇作家莫裡哀誕辰

莫裡哀是法國17世紀古典主義文學最重要的作家，古典主義喜劇的創建者
他在歐洲戲劇史上佔有十分重要的地位。

莫裡哀本名叫讓—巴蒂斯特波克蘭，1622年1月15日出生在一個殷實家庭。
他曾享受貴族教育，但不久就宣佈放棄世襲權力，從事戲劇事業。
他創立「光耀劇團」，慘淡經營，曾因負債而被指控入獄。
後來，他不顧當時蔑視演戲的社會風氣和家庭的反對，毅然離家出走，在外飄流了十多年。
由於他積累了豐富的生活素材，編寫演出了一系列很有影響的喜劇。
最後，莫裡哀作為劇團的領導人重返巴黎，此後，他一直在巴黎進行創作演出。

莫裡哀生活在資產階級勃興、封建統治日趨衰亡的文藝復興時期。
他同情勞動人民，筆鋒所向
揭露的是昏庸腐朽的貴族，坑蒙拐騙的僧侶，無病呻吟的地主，冒充博學的「才子」
還有靠剝削起家而力圖「風雅」的資產者，利慾熏心、一毛不拔的高利貸者……
他從各個側面勾畫出了剝削階級的醜惡形象。
但他還沒有注意到正在形成的工人隊伍
因此他筆下的正面人物，常常是那些被嘲諷者的僕人、佃戶、工匠
這些人總是以高妙的手段使對方當場現形，讓剝削者在觀眾的哭聲中受到批判。

1659年，莫裡哀創作《可哭的女才子》，辛辣地諷刺了資產者的附庸風雅
抨擊了貴族社會所謂「典雅」生活的腐朽無聊，因而觸怒了貴族勢力，遭到禁演。
但莫裡哀並未被嚇倒，連續編演了《丈夫學堂》和《太太學堂》。
《太太學堂》因宣揚新思想
要求衝破封建思想牢籠而被指責為「淫穢」、「詆毀宗教」，又遭到禁演。
莫裡哀奮起還擊，寫了《〈太太學堂〉的批評》和《凡爾賽宮即興》兩出論戰性短劇。
1664年，莫裡哀寫成傑作《偽君子》，1668年，他又創作了另一部力作《吝嗇鬼》。

莫裡哀是位喜劇大師，但是他的死卻是一場悲劇。
為了維持劇團開支，他不得不帶病參加演出。
1673年，在演完《沒病找病》最後一幕以後
莫裡哀咯血倒下，當晚就逝世了，終年51歲。由於教會的阻撓，他的葬禮冷冷清清。

莫裡哀給後人留下了近三十部喜劇，我國曾翻譯出版的作品有二十多種。
莫裡哀不僅是位傑出的劇作家、出色的導演，還是一位造詣極高的演員
他以整個生命推動了戲劇的前進，以滑稽的形式揭露了社會的黑暗。
歌德對他的評價是：
「他是一個獨來獨往的人，他的喜劇接近悲劇，戲寫得那樣聰明，沒有人有膽量想模仿他」。

>>January 15, 2005 at 7:53:05 PM GMT+8

2005 年 1 月 13 日 星期四 【晴】

1784年1月14日　美國獨立戰爭正式結束
1894年1月14日　世界著名和平戰士愛倫堡誕生
1907年1月14日　秋瑾創辦《中國女報》
1940年1月14日　瑪格麗特二世登基　丹麥歷史上第二位女君主誕生
1943年1月14日　卡薩布蘭卡會議召開
1947年1月14日　國際主義戰士、日本作家綠川英子逝世
1949年1月14日　毛澤東發表時局聲明
1956年1月14日　知識分子已是工人階級的一部分
1963年1月14日　法國禁止英國進入歐洲共同市場
1965年1月14日　中共中央開展「四清」運動
1983年1月14日　匈牙利爆發特大足球彩票醜聞
1983年1月14日　麥當勞創始人雷.A.克羅克逝世
2000年1月14日　人類成功複製猴

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚凍到抽筋咁滯
但係打完日記都照樣打機
仲要四點十先去訓
今朝又要上堂
簡直係向死神挑戰！

朝早強迫自己起身
表演完, 就等於發完夢
夢醒了, 日子還得過
不過
真係好眼訓.....

之前英文既 lecturer 講明遲五分鐘都當遲十五分鐘
尋日無 check 時間表
好驚朝早要上英文
所以唔敢遲到
結果返到去 check 先知係上 Building Science
早知唔使咁早返學啦......

因為手執既《中國早期國家》
識左一個新同學
佢又對中史抱有莫大既興趣
讀親 building 既人都知道 building 有兩種野係奇缺既：
1. 女！！(尤其係靚既, 即使係五官端正既都唔多見......)
2. 對中史有興趣既人
難得搵到第二種人
當然係有傾有講啦

好精神地上堂
完全無想訓既意欲
全靠果個 lecturer 怒「飛」佢份 notes
睇過佢份 notes 一次
佢唔係諗住我地全部知佢講乜呀嘛......

卡卡打畀我
佢睇完我尋日既日記
想托我幫佢問埋佢個 pick 盒既下落
當然係無問題啦
不過要等我上完堂先

飯都無得食就要上英文
hae 左三粒鐘先 hae 完
眼訓, 但係佢既活動教學又搞到我訓唔到覺
超灰~~~

上完堂
返屋企
順手打電話去荃灣大會堂問遺失物件既野
果個工作人員一聽完我講我唔見左件黑色褸同一個盒
就好快地話幫我問問後台既人
淨係講得切我件褸上面寫左「理工中樂團」

隔左一陣果個職員打番黎
話無人發現唔見左野
之後就話搵到就打畀我
仲未講詳細資料佢就已經 cut 我線......
> . <

隔左一陣有人打電話黎
以為果個職員搵我
結果係麥觀
佢聽到文妹講彈撥有得去蘇格蘭
表現相當激動
仲諗住問下有冇得借幫手順便去埋一份
結果就約左我星期日食飯

返 poly 練 acappella
今日既感覺比上次好
可能大家怕死, 所以積極左練掛~~

練完 choir 就去練 poly 中樂
練左一隻《篝火之夜》(羅偉倫曲)
坐響英雄隔離, 有 D 緊張
搞到 sight read 失準

講起佢
尋日 YCO 表演
我響台上面淨係望到佢同不遠處既趙贊夏 (唔計遠處既大大佬同「你平」)
連最後綵排眼角餘光望到一次都已經印象難忘既肥仔江都見唔到
無見肥仔江一輪, 佢好似又肥左喎......

練完野
汪熾華走埋黎同我講
叫我黎多 D
眼見表演日近
我都應該要蒲多 D 頭架咯~~~

聽左幾位尋日有去聽 YCO 表演既觀眾既評價
之後同一搭火車走
好眼訓
但係都陪佢行番屋企
之後搭 89X 走
接近十二點半先返到屋企......

聽日朝早要教學生
晏晝 + 夜晚就要 choir dress rehearsal
無十二點都唔使旨意返屋企
唉......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1784年1月14日　美國獨立戰爭正式結束

1784年1月14日，美國國會批准對英和約，美國獨立戰爭正式結束。
1775年4月19日，北美13個殖民地人民為推翻英國殖民統治、爭取獨立的戰爭在列剋星敦爆發。
同年5月，第二屆大陸會議決定組織軍隊，推選華盛頓為陸軍總司令。
1776年7月4日發表《獨立宣言》，宣告脫離英國獨立，成立美利堅合眾國。
1781年10月，英國殖民軍主力在約克鎮被擊潰，被迫媾和。
1783年9月同英美簽訂《巴黎和約》，英國正式承認美國獨立。

>>January 14, 2005 at 5:32:49 PM GMT+8

2005 年 1 月 12 日 星期三 【乍雨乍晴】

1599年1月13日　與莎士比亞同一時代的英國詩人、長篇寓言詩「仙后」作者斯賓塞去世
　　　　　　　 享年四十六歲
1904年1月13日　日俄戰爭爆發
1908年1月13日　安利法爾曼駕駛「波亞桑法爾曼I型」飛機
　　　　　　　 在法國塞納河畔的練兵場首次1公里環繞飛行。
　　　　　　　 生長在巴黎的英國人法爾曼與製作飛機的波亞桑兄弟
　　　　　　　 因為這項壯與受到法國國民的歡呼，並皆獲得一項榮譽的獎賞
1915年1月13日　羅馬發生強烈地震，造成2萬9千5百多人死亡
1962年1月13日　陳懷生打破我國空軍飛高飛遠的紀錄
1975年1月13日　周恩來重申發展國民經濟的兩步設想
1978年1月13日　長江源頭及長度重新得到確認
1982年1月13日　中共中央和國務院進行機構改革
1988年1月13日　蔣經國總統因長年糾纏的糖尿病發病逝，享年79歲
1989年1月13日　《國家重點保護野生動物名錄》頒布
1993年1月13日　《禁止化學武器公約》簽訂
2001年1月13日　中美洲發生7.6級地震　薩爾瓦多死亡355人
2000年1月13日　金馬獎最佳原著劇本和新演員獎的《細路祥》在港上映

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
打機打到四點半
起身既時間已經接近一點
今年既時間表真係好適合我唏噓既生活

一點半先上堂
遲左少少先入到去
Lecturer 搞左成個鐘都搞唔掂部電腦
Call 技術員黎都無用
結果網就上唔到, 時間就咁白白浪費左

三個鐘既堂
一個鐘用黎整電腦
一個鐘用黎講無聊野 (其實即係講書)
最後半個鐘用黎分組 + 傾 present 題目
早放左半個鐘
非常好, 超碼令我可以準時少少返 YCO

上完呢堂 Dvelopment Economics
令我發現教 Economics既人真係有樣睇
佢個樣同啤梨徐真係有七成似
同埋暫時教書表現都 ok 似
因為都幾 hae......

發現一個有趣既現象
個 lecture room 有兩度門 (左右各一)
每次佢從右門離開, 兩三秒後總會有人從左門進來
搞到成班人成日以為佢好似鬼咁走得咁快......

早知呢堂上得咁 hae 就唔上啦
hae 到放 break 既時候我會走去 library 借書睇咯~~

當地車行到荔枝角既時候, 一打電話黎
叫我等埋響旺角過緊黎既佢地 (DB 人s)
落左車等佢地一陣之後佢再次打電話黎
居然叫我返旺角陪佢同o者喱仔食飯
超過份！
遲到仲要施施然食飯, 無品！！
所以無理佢地, 繼續搭地車趕赴荃灣

綵排綵到七點八
一無錢食飯, 問我借左 $ 100 買野食
畀左佢之後順口叫佢幫我買
結果錢就借左
飯就無左件事
無奈到震
搞到我要響表現前十分鐘就出荃灣廣場買飯食
仲要匆匆地咬左個飽
> . <

匆匆復匆匆
匆匆既綵排令到大家未能充份準備
結果今日既表演有幾個位炒左：
1. 《瑞麗江畔》(第一首歌) 床單率先放炮 (未開始居然唔小心出聲)
　 全場矚目, 同時亦為成個 concert 既炒粉掀開序幕......
2. 《西部》木琴同彈撥唔夾 (一話係彈撥錯, 但係英輝果陣擺明望著佢咯~~~)
3. 《二泉映月》我成功帶領左阿丁早入左兩個 bar (儘管入左都無人知)
4. 《香「菇」歲月》梁建楓居然有一個位無入到, 搞到全人類一同炒粉, 入都入唔到
　 好彩大家都醒目, 何生大手一揮就令到場面回復正常
　 咁先係專業既表現嘛

表演完
返到入後台就同梁仁昭講：
「今日表演既炒粉, 同 Music Camp Concert 何其相似？！」
梁仁昭更表示
就係因為咁 (炒粉), YCO 先有佢吸引人既魅力
並表示會繼續玩落去

大家一齊食飯
今次既大家真係超多人
足足要分開兩檯
卡卡仲一度失去影"�
要大玉打電話搵佢 + 我行番轉頭接佢

我坐果圍共計有八人
包括：一, 我, 黃蜂, Doris, 文妹, 談, 卡卡, 大玉
各有各傾偈
卡卡好似 DM 我地全部人咁好靜
呵呵~~~

畀談話我幫人補習後大使左
把口唔係好想認同
不過實際又好似係既
食兩餐飯都無所謂
以前我應該打死都唔會食咯~~~

食到十一點半先走
行行下居然有個麻甩佬跟著我地
搞到文妹同大玉好驚
結果護送到卡卡上巴士
我, 黃蜂, 文妹, 大玉先放心離開
不過佢已經打破左「灰姑娘」既時限~~~

會合響地鐵站入面久候既一團人
食飯既時候發現自己唔記得拎番件褸 (之前叫黃寄泓幫我放響敲擊果邊)
不以為意
行去地鐵站既時候先發現自己放左部 MP3 響褸袋......
=.=

唔係緊張財物
曾經試過響包玉剛唔見左手機
我都可以鎮定到一同杰仲緊張過我
不過部機係老爸送畀我既
紀念性遠高於其價值
所以都係諗住聽日打電話去荃灣大會堂查詢

搭搭下地車卡卡打畀我
佢講左個好振奮人心既消息：
佢成個「pick」盒漏低左響荃灣大會堂
呵~~~
有人失魂程度同我相當喎~~~

同肥仔一齊去到彩虹
佢陪我行到我屋企樓下
響公園仔冒著寒冷既天氣 hae 談
講左好多等使, 及更多唔等使既野
講到兩點半佢先離開

好凍呀！！！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1993年1月13日　《禁止化學武器公約》簽訂

經過長達24年的談判
《禁止發展、生產、儲存和使用化學武器及銷毀此種武器的公約》
（簡稱《禁止化學武器公約》）簽約大會於1993年1月13日下午
在巴黎聯合國教科文組織總部召開。
來自世界120多個國家的外長或政府代表出席了會議
其中大多數國家在公約上簽了字，中國外長錢其琛代表中國政府在公約上簽字。

《禁止化學武器公約》是迄今為止世界上第一個多邊裁軍協議
涉及到全面禁止發展、生產、儲存和使用具有大規模殺傷力的化學武器。
所以，簽約大會的召開引起了全世界的普遍關注。

化學武器，作為一種大規模殺傷性武器，國際社會尋求對其有效控制已有相當長的歷史。
早在1899年及1907年召開的兩次「海牙和平會議」上
就達成一致協議，禁止在戰爭中使用含毒劑的炮彈。
然而這些早期的協議在第一次世界大戰中被撕毀了。
一戰期間，化學武器被大規模使用，造成了巨大的人員傷亡。
出於對化學武器的憎恨，國際社會經過努力
於1925年達成了《禁止在戰爭中使用窒息性、毒性和其它氣體和細菌作戰方法的議定書》
（即《日內瓦議定書》）。
然而議定書先天不足，未能有效禁止化學武器的生產和儲存
致使所有締約國均有權保存化學武器
其中不少締約國還宣佈保留進行報復性使用和非締約國使用的權利
由此導致化學武器禁而不止的局面。

《禁止化學武器公約》的簽署經歷了24年的艱難談判歷程。
為早日達成公約，1978年的第一屆裁軍特別聯大把化學武器公約談判列為多邊裁軍談判最緊迫的任務。
此後，國際社會又進行了多次的努力。
然而，在當時的國際形勢下，有關國家互相指責，誰也不願履行銷毀各自化學武器的義務
公約談判步履艱難，進展甚微。
直到90代初，國際形勢劇變，公約談判進程才出現轉機並最終達成協議。
公約有嚴格的核查制度，規定任何締約國不得發展、生產、儲存和使用化學武器；
任何擁有化學武器的國家應在10年之內全部銷毀其所擁有的化學武器及其生產設施；
締約國應負責銷毀其遺留在另一國領土上的所有化學武器。
實現公約這些宗旨有助於維護國際安全與和平，徹底消除化學戰的威脅。

公約的達成給世界人民帶來了新的希望
人類朝著無化學武器世界的目標邁出了重要的一步。
然而，公約的宗旨與目標的實現仍是擺在全世界人民面前的一個艱巨任務。

>>January 13, 2005 at 7:36:46 PM GMT+8

2005 年 1 月 11 日 星期二 【晴】

1519年1月12日　Holy Roman Emperor Maximilian I died.
1773年1月12日　The first public museum in America was established, in Charleston, S.C.
1875年1月12日　清同治帝載淳病逝　
1922年1月12日　香港海員大罷工
1932年1月12日　Hattie W. Caraway became the first woman elected to the U.S. Senate.
1945年1月12日　Soviet forces began a huge offensive against the Germans in Eastern Europe
　　　　　　　 during World War II.
1948年1月12日　The Supreme Court ruled that states could not discriminate against law-school
　　　　　　　 applicants because of race.
1949年1月12日　第一次中東戰爭結束
1969年1月12日　The New York Jets defeated the Baltimore Colts 16-7 in Super Bowl III
　　　　　　　 at the Orange Bowl in Miami.
1976年1月12日　Mystery writer Agatha Christie died at age 85.
1983年1月12日　我國與安哥拉建交
1986年1月12日　Space shuttle Columbia blasted off with a crew that
　　　　　　　 included the first Hispanic-American in space, Dr. Franklin R. Chang-Diaz.
1991年1月12日　A deeply divided Congress gave President George H.W. Bush the authority to use
　　　　　　　 force to expel Iraq from Kuwait. The Senate vote was 52-47;
　　　　　　　 the House followed suit 250-183.
1994年1月12日　我國與萊索托王國恢復外交關係
1995年1月12日　何梁何利設立科學獎勵基金
1998年1月12日　Nineteen European nations signed a treaty in Paris opposing human cloning.
1998年1月12日　Linda Tripp provided Independent Counsel Kenneth Starr's office with taped
　　　　　　　 conversations between herself and former White House intern Monica Lewinsky.
1999年1月12日　Mark McGwire's 70th home run ball was sold at auction in New York for $3 million
　　　　　　　 to an anonymous bidder.
2000年1月12日　The Supreme Court, in a 5-4 ruling, gave police broad authority to stop and question
　　　　　　　 people who run at the sight of an officer.
2003年1月12日　AOL Time Warner chairman Steve Case announced his resignation.
2003年1月12日　Singer Maurice Gibb of the Bee Gees died at age 53.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
打機打到四點半訓
聽日 dayoff 嘛~~

接近一點起身
一面食暖笠笠的糯米飯, 一邊睇小說
好睇到差 D 忍住唔打機

最後都係打機
打到五點九先出門口
行行下落地鐵站
忽然醒起唔記得「痴」譜
都係打機累事

行天穚過荃灣大會堂
上面度門因為裝修所以封左
咒罵左好耐
行落地下, 又要行番上三樓
浪費時間！

六點半就到
好早
早到好多人都話：
「嘩！乜你咁早返呀？」
=.=

文娛廳既音響效果仲差過沙田 MO
咁點解要去文娛廳練？
又逼, 又吸音
仲好焗添
> . <

聽日就表演
但係今日既進度唔太好
個別聲部偶有失準
以阮及笙聲部較嚴重
笙輪流放炮
羅秀雯枝笙仲要吹吹下兩度「入廠」
根據 SMC 既口述
第一次「入廠」係因為甩左粒硃砂
第二次就因為畀人地個譜架撞凹左枝笙同 D 簧片

至於阮聲部
以拔萃第一阮同丹素華盛頓最為嚴重
一個經常放炮
一個玩《香「菇」歲月》既三連音成日數錯
無眼睇......唔係, 無耳聽先真

練完去食飯之際
SMC send 左一個 sms 畀一
內容如下：
「搵到地食電」
好有以前電報時代既感覺
(句野既原意係：「搵到去邊度食就打畀我」)

去食唯一
可能太耐無食過好食既餡餅
幾乎個個都叫餡餅食 (一行六人, 除左卡卡之外, 一, 我, 謝, 伍, 黃蜂都有叫)
如果沙田唯一既餡餅可以好食少少
我地就唔使餓咁耐餡餅啦~~~

SMC 帶左打機既嘻嘻黎
坐左一陣卡卡就要做灰姑娘 (十二點前歸家)
其餘既人等到 SMC 食完野先散
十二點先返到屋企

好彩聽日晏晝先返學
聽朝可以從容執拾表演用品
打完日記, 仲有時間陣機添
呵~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
練完 yco同卡卡玩左一個之前玩過佢既遊戲
詳情如下：

我：講十次老鼠呀！
卡：老鼠老鼠老鼠老鼠老鼠老鼠老鼠老鼠老鼠老鼠
我：宜家倒轉講十次鼠老呀！
卡：鼠老鼠老鼠老鼠老鼠老鼠老鼠老鼠老鼠老鼠老
我：貓怕乜架？
卡：(好不神氣地回答) 老鼠咯！你唔好再玩我啦！我識答架啦......
我：(忍笑忍左一陣, 回應) 我問你貓怕乜喎......

一個咁簡單既問題
點解玩左咁多次都可以奏效？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1922年1月12日　香港海員大罷工

香港的中國海員工人受英帝國主義的直接壓迫，生活非常困苦。
由於他們經常到歐美各國航行，受到當時世界革命潮流的影響，所以覺悟較高。
1922年1月12日，香港海員要求增加工資，遭到英國資本家拒絕後
就在海員工人的工會組織——中華海員工業聯合總會的蘇兆征、林偉民等領導下
開始舉行大罷工。
到1月底，包括運輸工人在內，罷工人數增至兩三萬人。

香港英國當局對工人罷工極為恐慌
2月1日，以武力封閉了海員工會和運輸工會，並逮捕罷工領袖。
工人群眾聯合起來，組成糾察隊，奮起反抗。
在廣州附近農民的支援下，封鎖香港，斷絕交通。
從2月27日起，香港各工會陸續開始罷工
到3月初，罷工人數激增到10萬以上
其中包括郵局和銀行職員、僕役、廚役、轎夫等。
罷工浪潮席捲了整個香港，使繁華的香港成為「死港」、「臭港」。
港英當局驚呼，罷工「陷本殖民地於危險之境」
於是英帝國主義進行野蠻鎮壓，罷工工人毅然離港回廣州。
3月4日，工人們成群結隊徒步返回廣州
行至離香港6公里的九龍沙田地區時， 遭到英國軍警的開槍射擊
當場打死打傷數百人，造成「沙田慘案」。
英帝國主義的屠殺行為更加激起了廣大工人的義憤，他們決心與香港當局鬥爭到底。

香港工人的罷工鬥爭堅持了56天，使英國在華經濟利益遭受巨大損失。
罷工期間，正值中國的舊曆年關
香港物價飛漲，很多商品來源中斷，整個香港關門閉戶，秩序混亂。
3月8日，罷工談判協約簽字，港英當局被迫接受海員們提出的條件：
1. 明令取消2月1日公佈的封閉中華海員工業聯合總會的反動命令
2. 送還被拆除的工會牌子
3. 釋放被捕工人
4. 撫恤在沙田慘案中死難的工人
5. 增加工資15－30%。
至此，香港海員大罷工勝利宣告結束。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
原來想要擁抱自己先要放得低
別要為顧慮自尊便去自衛
從頭做人但求做甚麼都會放得低
為掛念往事而求生活了亦無謂
這番說話　想相信到底　

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人格面具（Persona）

之所以叫做人格面具，是因為它表現的並不是其人人格的本來面目
這個原型有似演員所帶的面具，意在於公共場所顯示對自己有力的形象。
換言之，它是人用其他認為所該採用的方式以對抗世界的體系
它的好處作為原型，各行各業固然都有自己特定的人格面具
然而這個面具的危險性在於，人和他的人格面具常常是合二為一了。
它的好處似乎是顯而易見的，因為它可以使人的生活更為自由些，也較少受人打擾
為數甚多的人過著雙重生活
其中一重由人格面具主導，另一重則滿足其他方面的心理需求
卡夫卡即是一例：白天他勤勤懇懇為保險公司工作，是一個謹小慎微的小職員；
夜晚埋頭寫作，任憑思想在自由的天地裡一路馳騁，是一個天才作家

>>January 12, 2005 at 5:34:52 PM GMT+8

2005 年 1 月 10 日 星期一 【晴】

1814年1月11日　洪秀全出生
1851年1月11日　太平天國金田起義
1868年1月11日　蔡元培誕辰
1904年1月11日　英軍在索馬利蘭屠殺一千名回教苦修僧
1917年1月11日　撫順煤礦發生爆炸
1923年1月11日　法國、比利時為賠償間題進佔德國魯爾工業區
1926年1月11日　張作霖宣佈東三省獨立
1938年1月11日　《新華日報》創刊
1942年1月11日　日軍佔領吉隆坡
1942年1月11日　荷屬印尼受日軍空聯部隊空襲
1943年1月11日　中英中美簽訂新約廢除在華治外法權
1957年1月11日　顧維鈞當選國際法庭法官
1962年1月11日　「七千人大會」召開
1979年1月11日　香港電影雜誌『電影雙週刊』創刊

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
打機打到三點幾就訓
算係早左啦~~

十一點十起身
好悠閒地開電腦
之前睇過時間表
今日晏晝先上堂
所以好鎮定

打左陣機
望清楚自己去邊度上堂
赫然發現睇錯時間表
原來今日呢堂係 1230 上
而唔係原先記得既 1330

好彩晨早準備好出門口
1210 出門口
準時到達
^ ^
住得近真方便
仲要無遲到
呵

原本三個鐘既堂被剋扣左個半鐘
無奈
最無奈係呢堂 arm arm 撞正我食飯嘛
搞到我餓著個肚黎上堂

歸家吃飯
接著繼續打機
本來想食完飯先出門口
結果居然出門口都未開飯
人算不如天算......

為左唔畀自己餓著個肚上堂之後, 又要餓著個肚練歌
買左一個大既提子包
然後一邊行返 Poly 一邊食
差 D 哽死

鯨吞左個飽
剛剛趕到返 Poly
練歌
今日好似好左 D
但係有人仲係唔熟份譜
不過有少少形啦
都係時候認真 D 唱

十一點幾就練完
唔到十二點返到屋企
感覺超輕鬆
加上一邊行一邊聽首演版既雲南回憶 (armarm 電子化左)
行得特別興奮

汪汪畀左一個 Gmail 我
好讓我可以 send雲南回憶首演版佢聽
但係結果搞左好耐都搞唔到
> . <

太興奮
打機打到四點都未開完日記
仲過份到人地 icq 同我講野我都唔回應
請見諒

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1926年1月11日　張作霖宣佈東三省獨立

1926年1月11日，張作霖為了恢復郭松齡反戈造成的殘局和防止國民軍入侵
通電全國，宣佈東三省與北京政府斷絕一切行政關係
以鎮威上將軍名義主持東三省軍政事務。
23日，東三省法團聯席會議通電，實行三省聯治
推張作霖維持東北秩序，宣佈從即日起，北京政府一切命令和約束，概不承認。
25日，張作霖召集重要文武官員開會，會議決定：

東三省正式宣佈獨立，實行「保境安民」
以山海關、秦皇島為界，佈置防線
熱河方面取守勢，駐兵七八萬，以防國民軍侵入；
在東北大量擴充軍備，將軍隊改編為14個師，暫時休整。
同時，張作霖通令就任東三省保安總司令兼軍務總統官
並電令入關奉軍即日起，退守奉地。

>>January 11, 2005 at 8:12:56 PM GMT+8

2005 年 1 月 9 日 星期日 【晴】

1914年1月10日　商務印書館創辦人夏瑞芳逝世
1920年1月10日　國際聯盟成立
1946年1月10日　第一屆聯合國大會第一期會議舉行
1946年1月10日　「政協會議」否定國民黨獨裁統治
1949年1月10日　淮海戰役結束
1964年1月10日　我國與突尼斯建交
1971年1月10日　法國著名時裝設計師科科夏奈爾去世
2000年1月10日　美國在線聯姻時代華納
2002年1月10日　中國「民俗學之父」鍾敬文病逝

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同謝 icq 左一輪
話題大多集中我隻歌
仲未 KO
一定要響本星期完成！！

風流左成個月
卒之要折墮
返學啦~~~~
之前放學放到日日打機咁無聊
有得返學, 居然開始羨慕 D 放緊假既人
=.=

晨咁早 (查實係 1030) 要返到 city 上堂
要早早起身 (查實之不過係 0900 O者)
多得謝 + 老媽子 + 鬧鐘既 morning call
先令我脫離遲到既厄運
多謝........子聰
^ ^

原本今日要上兩堂
不過下晏既堂係 lab
今日未使上
所以上完朝早堂就走得

去匯豐搞個人財務
由於之前打唔到簿
要專登拎簿去櫃位打簿
拎左張籌, 係 B 204
望著排緊 B 籌既人叫到 174
灰得好交關......

在響一個拎 C 籌既人隔離
果條友一邊同人講電話一邊猛打噴嚏
隠約聽到佢話自己係鼻敏感所致
鼻敏感患者真可憐

匯豐好有效率地幫拎 B 籌既顧客
其他籌就無乜點叫
結果反超前左坐我隔離既人
佢忍唔住講左一句：
「到底有冇人拎 C 籌架？」

打左電話同盈盈聯絡
去尖咀食飯
原本諗住去杏花樓食
不過太多人, 結果放棄

讀 BA 既人真係過份
放假放到 24 / 1
返學個幾星期又可以放農曆年假
超無品

行左去厚福街食葫蘆館
邊食邊閒 hae
我講多過佢講
食完閒坐左陣先走

佢今日要去交表報名考聖三一
不過事先要去 ATM 拎錢
再去中銀入數
然後行去 Tomlee 交表
好似去左好多地方搞野
實際行黎行去都係果幾條街
佢仲順手去「乞」拎左張九折咭

下次去「乞」問佢借張卡用先~~

卒之交完表
我先醒起要拎回鄉咭
3/1 可以拎
足足遲左一個星期先記得
> . <
記性真係強到無可復加......
正好佢要去潮特
一齊搭地車去油麻地

先去潮特
佢之前同人夾份買左隻錶送畀人做生日禮物
但係好笨地用自己隻手黎整錶帶
結果壽星女唔 arm 帶
佢要返舖頭改短錶帶

Playboy 既兔仔做錶帶
幾得意

同場望到一隻錶
價錢唔算貴
有 D心動想買畀老爸

陪左佢行咁耐
佢好「好人」地陪番我去中旅社拎回鄉咭
望見新咭同舊咭上面我幅既樣
分別真係幾大

一張係 F.6 既時候用 F.4 既學生相整回鄉咭
一張係第二次 yr 1 既時候用 F.7 既學生相整回鄉咭
不過 F.7 個樣同宜家無乜分別
連盈盈都分唔出我宜家換左眼鏡

搞完私人事務
送佢搭小巴歸家
之後行去尚書房睇書
跟手行去榆林

點解咁得閒？！
之唔係之前唔見得左晏晝唔使上堂
同學生約左 1830 先補習咯
唏噓......

唏噓左兩個鐘先去到北角
上左學生屋企「解放」完先覺得肚餓
畀左 D 野學生做, 就同佢講：
「你做住野先, 我宜家落街買 D 野食, 好快返......」

畀左篇英文佢睇
叫佢搵 D verb + 唔識既字
佢居然連 through 同 responsibility 都以為係 verb
好過份既 F.5 學生

同佢講左兩課中文
《我看大明湖》&《廉頗藺相如列傳》
佢埋怨我遲左落堂
唔係要逐句同佢講, 我使無償地同佢 OT！？！
要知道成篇文言文翻譯成白話文畀佢聽
又要顧及文辭既正確, 又要顧及佢既程度
好難架嘛！！

聽日一點先上堂
兩點二打完日記
仲夠時間打陣機
呵呵~~~~~~~~~~~~

────────────
真的是雲淡風輕嗎？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1920年1月10日　國際聯盟成立

國際聯盟是第一次世界大戰結束後不久成立的一個國際組織。
在第一次世界大戰期間
美國的一些資產階級和平團體積極主張建立一個調解國際糾紛的機構。
美國總統威爾遜非常贊成這個主張，並將此納入他的「十四點原則」
力主建立國際聯盟這樣一個組織。
1919年1月18日，巴黎和會召開以後
威爾遜堅持首先討論建立國際聯盟的問題
並主張把《國聯盟約》列為《對德和約》的必要組成部分。
但是，在英法兩國的操縱下，巴黎和會決定設立一個國聯盟約起草委員會
由威爾遜擔任主席，這樣，威爾遜首先建立國際聯盟的要求未被採納。
《國聯盟約》起草委員會收到許多國家和團體提出的草案和陳述書
並就對戰敗國的殖民地和附屬地實行委任統治問題
「門羅主義」列入《盟約》問題
以及反對在移民問題上的種族歧視問題等展開激烈的爭論。
《國聯盟約》經過26次修改之後，於1919年4月28日在巴黎和會上通過。
《凡爾賽和約》的第一部分就是《國際聯盟盟約》。
《盟約》中確定了國際聯盟的組織機構、職能、原則和會員國的義務。
1920年1月10日和約正式生效的這一天，在威爾遜主持下國際聯盟宣告正式成立。
凡是在大戰中對德奧集團宣戰的國家和新成立的國家都是國際聯盟的創始會員國。
這樣，國聯共有44個會員國，後來逐漸增加到63個國家，總部設在日內瓦。
中國於1920年6月29日加入國際聯盟。

國際聯盟的主要機構有大會、理事會、秘書處
並附設國際法庭、國際勞工局等，其中最主要機構是理事會。
《盟約》規定，美、英、法、意、日五國為常任理事國
另外還有四個非常任理事國。
美國雖然是倡議國之一，但因與英、法爭奪領導權失敗而未參加
因此，1926年德國加入國際聯盟之前只有四個常任理事國。
國際聯盟主要受英法兩國操縱。

根據《國聯盟約》，理事會的職責是：
1. 草定裁軍計劃
2. 審核承擔委任統治的各國提出的年度報告
3. 保障會員國領土完整
4. 向大會提出解決國際爭端的議案
5. 對侵略者實行經濟和軍事制裁等。

國際聯盟雖然是各國為防止武裝衝突、加強普遍和平與安全而建立國際機構的第一次嘗試
但在實踐中並沒有起到維護和平的作用。
《盟約》規定將德國殖民地由國際聯盟實行委任統治
事實上等於把這些殖民地交由英法日等國實行殖民統治
它的作用只是幫助帝國主義重新劃分勢力範圍，鞏固了戰後帝國主義體系。

第二次世界大戰結束以後
隨著帝國主義之間矛盾的發展和激化
國際聯盟不可避免地走向破產的境地。
1946年4月國聯宣告解散，財產和檔案全部移交給聯合國。

>>January 10, 2005 at 6:19:28 PM GMT+8

2005 年 1 月 8 日 星期六 【晴】

1283年1月9日　文天祥殉難
1946年1月9日　中國代表在遠東國際軍事法庭參加審判戰犯
1964年1月9日　巴拿馬的「全國哀悼日」
1968年1月9日　阿拉伯石油輸出國組織成立
1972年1月9日　建築學家梁思成逝世
1983年1月9日　孔塔多拉集團形成
1983年1月9日　曾侯乙墓編鐘複製成功
1989年1月9日　英國米德蘭航空公司的波音737飛機失事

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
8-1-2005 日記補遺

尋日去左「奢侈」大酒樓食國樂會聚餐
見番好多大佬
真係好開心
特別環節有「個人純影集」同「警訊」
真係笑到肚痛.

「個人純影集」係指黃暐傑播既相
雖然 D 相係當年用佢部相機映既
但係都唔使有八成既相都係佢既個人照 / 合照架......
睇到郭生 + 高生 + 曹 sir 忍唔住
走番埋位食翅

至於「警訊」
真係超爆笑
爆笑既原因唔單止係因為事情本身的荒謬
更荒謬既係件事係由一個真正既記者經資料搜集及整理後向全間房既人講述

事源案發當日
大「soldier」(同時亦名「姣男」斌) 正趕去學生度教小提琴 (佢現時為全職小提琴導師)
中途遇到兩個「自由行」女士
兩位女士同大「soldier」講：
「先生, 唔好意思呀！我地今日 arm arm 用晒 D 錢
　你可唔可以借住五千蚊畀我地住酒店同買 D 衫『替換』下呀？」
之後又問佢拎個戶口 No. 黎過數
擺到明係「警訊」入面果 D 呃錢既橋段啦~~

大「soldier」都明知唔對路
搞笑既係佢居然唔係嚴詞拒絕
而係同兩位「自由行」既姐姐「講數」！
仲成功由 $ 5000「減價」至 $ 3500 添~~
> . <
服左佢......

之前講述大「soldier」係去緊人地學生屋企上堂
過左咁耐, 大「soldier」都仲未上到學生屋企
搞到家長鬼咁擔心, 走出街搵佢
卒之成功搵到佢
仲幫佢取回已經「手禁」左 + 畀左既 $ 3500

成件事就咁完左
超好笑
更好笑既係由一個無線財經記者向我地報道
明明之前大「soldier」坐我地果檯
有 D 咁好笑既野唔講, 走左去第二檯先講 D 咁好笑既野
真過份！

由於星期一要返學
最後衝刺, 打機打到五點
之後訓到十二點三先起身
聽日如果都係咁
我都唔使上堂咯~~~

三點半來要練 poly 中樂
結果因為一「五」肢無力既關係放棄左
好彩未入閘就打畀佢
仲有時間行上圖書館

好耐無試過響公共圖書館坐咁耐
以前坐成日都係咁
今日坐左一個鐘唔夠, 圖書館就收工
有 D 唔夠喉

返上屋企繼續打機
不過十二點後就停左無打
事關未打完日記
唔想積日記債, 所以都係打完日記先打機
此為「先安內而後攘外」也........ ^ ^

盈盈約我聽日食晏
本來仲有阿大同火星人
不過阿大要去搵牙醫
結果都係唔去

佢想箍牙
不過咁大個人先箍牙, 得架咩？
仲估佢想脫第五隻智慧齒添
結果畀人好「用力」地叫做白痴
唉......

同徘徊響 icq invisible 同 on9 既 Larissa chat
一個大好青年, 居然戒除打機呢種良好既習慣
真苦悶

學校一日未被炸，一日都要返
唔想返學既朋友
大可以選擇以自殺式炸彈襲擊炸左間學校
當然, 假如你唔想死既
絕對可以縛個炸彈響你同學身上
然後推佢返學校
效果相當, 仲可以付出較少代價
認真超值！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1983年1月9日　曾侯乙墓編鐘複製成功

1978年5月，在湖北隨縣的曾侯乙墓中挖掘出了一套罕見的古樂器。
這套樂器由65件大小不等、音調不同的青銅鐘組成，懸掛在架子上，叫做編鐘。
編鐘是我國古代用於祭祀、慶典和宴會的古樂器。
這套編鐘出土時分三層懸掛在鐘架上。
最上層的是鈕鐘，共19件。
鈕鐘最大的重11.4公斤，最小的重2.4公斤。
中間和下層的鐘叫甬鐘，共45件，其中最大的重203.6公斤，最小的重8.3公斤。
每件甬鐘外表都刻有「曾乙侯乍時」和有關音樂內容的銘文。
鈕鐘和甬鐘上共有銘文2800多字。
根據測音和銘文的內容，知道鈕鐘是定調的，每個鈕鐘上有兩個樂音。
中層甬鐘有三個半八度音階，能演奏古今中外的一些樂曲。
而且每組甬鐘都可以單獨奏曲，音色優美，聲音清脆嘹亮，悅耳動聽。
下層甬鐘形大體重，聲音深沉宏亮，在演奏時起烘托氣氛與和聲的作用。

編鐘的鐘架是銅木結構。
全長10米左右，上下3層，通高2.73米
由6個佩劍的青銅武士和幾根人形園柱承托
托住了總重量達3500多公斤的65個編鐘，歷時兩千年，至今依然完好無損。
鐘架旁，還有6個丁字形彩繪木槌，作為敲鐘工具；
兩根彩繪長棒，作為撞鐘工具。

1983年1月9日，曾侯乙墓編鐘的複製品在武漢通過譽定。
現在，用曾侯乙墓編鐘的複製品演奏的古代樂曲
作為一個新節目，吸引了無數音樂愛好者，引起了國內外人士廣泛的興趣。

>>January 9, 2005 at 5:47:42 PM GMT+8

2005 年 1 月 7 日 星期五 【晴】

1642年1月8日 意大利天文學家伽利略逝世
1905年1月8日 世界上最大的鑽石在南非發現
1938年1月8日 白求恩率醫療隊援助中國
1954年1月8日 中共中央號召發展農業生產合作社
1959年1月8日 戴高樂就任法蘭西第五共和國總統
1975年1月8日 中共十屆二中全會開幕，補選鄧小平政治局常委
1976年1月8日 周恩來逝世
1979年1月8日 中國與吉布提建交
1996年1月8日 法國總統密特朗逝世
2001年1月8日 西康鐵路通車運營

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚早左少少訓
四點半
主要都係打機
不過今晚打得特別有意義
最緊要既係無乜人搵我
所以可以好專心地打

星期六既朝早
要晨早爬起身
雖然, 遲左一個鐘先起到身......
=.=

成日都遲到
感覺唔係幾好
不過醒唔到就係醒唔到
人總係要搵 D 藉口既~~

十一點半到兩點半
去左北角誤人子弟
幾課詩詞一次過過完
感覺超爽

補補下汪汪打畀我
問我可唔可以幫手表演
佢講左一陣
重點都係「無阮、無 pay」
到底去邊度玩呢？？

幫佢問左一
礙於無工具 (無帶棍) 既關係
結果都係推左汪汪

補完走左去 poly 慰問今朝考完試既一
IELTS 折磨完佢朝早三個鐘
晏晝仲要考 oral
望著佢 D 好早考完既同學, 相信佢都幾唏噓

談同一陪我響新 can 食野
之後談去將軍澳
我就入左包玉剛上網

一考完試就去左紅孩兒
打到六點先走
之前仲約左豬 ray 六點去打牌添......

今日係 DB 國樂會聚餐
不過係一班「過氣」既國樂會成員聚餐
何謂「過氣」？
當大家知道我係果度第二後生既人 (最後生係O者喱仔)
大家也許會明白果度 D 人有幾「過氣」......

不過查實最過氣果 D 都已經無黎架啦
否則全晚一定經常聽到有 D 人講：
「當年我地玩《大寨紅花遍地開》大合奏比賽......」
=.=

今晚既人主要係 93 – 01 年會考既 DB 舊生
有 D 直頭老到我淨係聽過個名
好似周銳暢就係好例子
陳小劍算係識 (話晒佢當年都係 in 我既會長嘛......)

最熟都係黃暐傑
鬼咩
見佢一次, 佢就提一次我去唔到英國 tour
真過份
最過份都係肥堅
成日都話我果時係「父母在，不遠遊」
教中文大晒咩
> . <

同郭「hang」基, 高老師, 曹「艦長」, 大「soldier」, 一, 豬 ray, 朱哥哥一圍
總共三圍
埋單要 $ 7481
之前每人收 $ 200 唔夠畀
最後每名在職人士每位要多夾 $ 500 先走得
難怪唔少人都笑著口講：「上左賊船添！」

開開心心睇相
不過係睇當年去英國 tour 既相
不斷畀人話無得去既感覺真無奈......
咁人地當年老媽子唔畀我去, 我唔通離家出走咩......

睇番以前 D 人既樣
特別覺得時間過得好快
無變既係
我依舊係佢地之中最細既人
呵呵

一就無奈 D
佢係我地當中年資最淺既人
就連後生過所有人既o者喱仔年資都高過佢
所以好多老人家佢都唔識
真可惜

過埋聽日就開學
本來想瘋狂多一日
不過諗起聽日要練 poly 中樂
加上自己隻歌仲未起到貨
頭痛
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1959年1月8日 戴高樂就任法蘭西第五共和國總統

戴高樂，1890年生於裡爾市，1912年在聖西爾陸軍學校畢業。
「一戰」時任陸軍上尉，1920年升為少校。
「二戰」時任坦克旅旅長。
1940年升為第四裝甲師師長。
巴黎淪陷，他出走英國，在倫敦向法國人民發表廣播演講
號召法國人民繼續抵抗法西斯侵略。
後創建並領導法蘭西民族委員會，抗擊德國侵略。
1944年巴黎解放後，他回到法國，曾兼任國防部長。
1958年6月出任總理，提出加強總統權力和行政權力的新憲法。
在後來的總統大選中就任法國總統；
1965年再次當選。1970年11月9日病故。

戴高樂奉行獨立的外交政策和防務政策，反對大國控制。

>>January 8, 2005 at 5:59:46 PM GMT+8