2005 年 1 月 26 日 星期三 【晴】

1142年1月27日　岳飛被害
1756年1月27日　奧地利音樂大師莫扎特誕生
1822年1月27日　文明古國希臘獨立
1893年1月27日　宋慶齡誕辰
1901年1月27日　意大利作曲家威爾第逝世
1926年1月27日　電視誕生
1937年1月27日　美國遭受嚴重水災，100萬人無家可歸
1945年1月27日　蘇軍解放奧斯威辛集中營
1950年1月27日　中國建立統一稅收制度
1964年1月27日　中國與法國建交
1973年1月27日　越美簽定關於越南問題的巴黎協定
1982年1月27日　瓦爾德海姆獲「聯合國和平獎」
1997年1月27日　美科學家製造出原子激光
1998年1月27日　中國民樂除夕迴盪維也納
　　　　　　　（這是中國民族音樂歷史上第一次在有「音樂聖殿」之稱的金色大廳展現風采）
2002年1月27日　尼日利亞首都拉各斯大爆炸2000人喪生

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
畀人叫左譚博「頭」已經好難受
實在接受唔到謝同一對我既新稱呼......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
同一 chat 左好一陣子
直到佢約我食晏先知佢原來已經返左香港
真係唔講唔知......

打完首曲既序同跋
由於唔想浪費墨 + 無 A4 紙
print 左一份出黎
其餘一陣出去影印 + 釘裝

計埋計埋
今年份譜真係幾厚
又總譜又分譜
仲有一貫無聊既序跋
影印都會幾貴

07:30 左右搞完所有野
同一約好 12:30 食飯
之後拎住部電話去訓 (等佢 morning call 我)
訓醒成一點鐘
正為收唔到電話而費解之際
望到電話畀我唔覺意按左接聽模式
:p

響佐敦會合
之後陪佢去灣仔拎 IELTS 成績
7 分, 不過不失
當然絕對係比我好啦 (未考都估到自己唔會高分)

過「happy together」會合食飯中的謝
hae 左一陣過 APA 圖書館影印
居然撞到之前去左美國既薛「雨稀」
事後聽一透露, 佢去到美國既 Orchestra 隻隻歌都係玩幾個音
悶得滯, 唔理「薛到暈」既反對都要返香港讀 APA
寧願之後去歐洲

搭 104 過 poly
同一搞佢拎 transcript 既野
之後佢幫我買物資同釘裝
感激~~

坐火車去旺角
之後打的上 SMSA
撞到幼齒倫同 Kingsly
交完譜就陪佢地搭小巴落旺角

交左譜
成個人鬆晒
第一次唔使死期先趕頭趕命地交譜
第一次錄音咁高水準 (全靠肥婆既技術 + 想錄得好既執著)
第一次覺得自己隻歌表達到自己既心情 (不過唔代表好)
總之鬆晒啦
不過代價係走左 Development Econ.

四條友響波鞋街一面企一邊 hae 傾
傾左成個鐘
之後去左 DB exchange 既談落黎會合我地
Kingsly 走先
四個人去食飯

食完飯幼齒倫走左
一就一邊搵地方「釋放自己」, 一邊行街
不過搵左好耐都搵唔到可以釋放既地方
呵~~~

去左前 Cyber 既百老匯
談想買字典機, 一就想買過部 (因為佢部舊機既病情每況愈下)
我就行去望著部 iPod 流口水
如果今年贏左冠軍就買！！

行到咁上下就歸家
出左咁耐街, 好疲累
尤其係暈住行左咁耐
不過無一咁嚴重
佢接近三十個鐘頭無訓
尋晚由美國飛返香港, 時差關係佢無訓到
同我 chat 到我訓, 佢就返 poly 上堂
簡直係精神有問題~~

返到屋企食多餐
希望食慾可以減輕病情
食完幾精神
所以有精神打日記
仲打到兩點添~~~~

問左 Vanessa 好耐
佢卒之 send 左 D 比較正常既相畀我
不過佢死都唔肯將我覺得最靚既相 send 畀我

今日 Mus. Fes. 放比賽日期
好似要走好多堂
最緊要既係
我有連續三個星期無得上 18:30 – 21:30
計埋今日
總共蝕左半日畀 city
仲有 1/4 日既英文堂添
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1998年1月27日　中國民樂除夕迴盪維也納

由中國對外文化交流協會和旅奧華人吳澤洲先生共同主辦的「虎年春節中國民族音樂會」
於中國虎年除夕在奧地利維也納音樂協會金色大廳上演
這是中國民族音樂歷史上第一次在有「音樂聖殿」之稱的金色大廳展現風采。

已有１２９年歷史的金色大廳是一年一度的維也納愛樂樂團新年音樂會舉辦之地
該音樂會每年元旦向全世界轉播。
世界知名作曲家、指揮家和優秀樂團都以在此演出為榮。
據介紹，這次演出將有約１００名中國藝術家登台，另有數百名中國音樂愛好者前往觀看。
除維也納外，中央民族樂團還將在奧地利格拉茨獻藝。

中奧兩國元首為這次活動發來了熱情洋溢的賀詞。
國家主席江澤民在賀詞中說：
欣聞中央民族樂團１９９８年春節之際出訪奧地利
在著名的維也納金色大廳舉行中國新春音樂會專場演出
這是中奧兩國文化交流的一件盛事。
賀詞說：
「我相信，中央民族樂團有機會在維也納進行專場演出
　可加深奧地利及歐洲人民對中國悠久歷史文化和傳統民族音樂的瞭解
　對推動世界各國在文化、音樂領域的友好交流與相互借鑒
　將會起到有益的作用。我衷心祝願訪問演出取得圓滿成功。」
奧地利總統克萊斯蒂爾在發給活動倡議者吳澤洲先生的賀詞中說：
音樂所傳達的信息是簡單的，即使語言不同亦可相通
這是因為它可以引起靈魂的共鳴
而且只要人們願意傾聽的話，它亦可使人們心心相連。
他對「維也納的音樂聽眾可以聆聽到偉大中國音樂傳統的聲音」表示祝賀。
趙樸初特地為音樂會題字。

吳澤洲先生在向記者介紹時還說
這次演出是中國人憑借自身努力
將中華民族文化藝術精華推向世界藝術舞台和國際文化市場的一次有益嘗試。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
If you're bored with life,
you don’t get up every morning with a burning desire to do things,
you don’t have enough goals.

Holtz, Lou (1937 American Football Coach)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
男人的 18 樣功能

01. 私人街道認路圖 (呢樣我無問題既, 不過要用道具 [地圖乙本])
02. 強力開瓶器 (勉強得)
03. 私人拳打腳踢咬的沙包 (我驚我會散喎....)
04. 自動開門侍應 (呢 D 係基本禮貌, 無論男女我都會咁做架喎....)
05. 看電影時的選座位儀 (呢 D 野通常我唔過問, 不過位我又唔會唔識邊 D 靚既~~)
06. 消磨時間頂替者 (我都想搵多幾個有咁既功能既人, 不論男女)
07. 消閒好去處指南 (唔好問我, 我唔會知邊度可以消閒, 有書畀我睇既地方除外)
08. 乘坐交通工具時的人肉扶手 (隨時變兩個保齡球樽)
09. 購物時的人肉紙袋手抽器加提款卡 (幫手拎野都得既, 唔重就得；至於提款功能, 我個 model 未 update 到咁...)
10. 購物後檢閱戰利品時的觀眾 (得唔係唔得, 最好係 D 我有興趣既野啦~~~)
11. 電器常識手冊 (唔強, 電器盲)
12. 晚間送甜品的外賣仔 (視乎對方同自己距離有幾遠啦)
13. 私人鬧鐘 (我都想搵人做我既私人鬧鐘喎...)
14. 人肉攬枕 (唔似肥婆咁好攬, 除非有攬骨既特殊癖好)
15. 預先弄暖被窩的人肉電氈 (一齊訓我相信會暖 D..... :p)
16. 私家走光警報儀 (咁呢 D 正常人都會做架啦~~~)
17. 性感衣著檢查關卡 (唔.....無經驗)
18. 甜言蜜語供應商 (仲問緊供應商拎貨~~~)

>>January 27, 2005 at 6:25:06 PM GMT+8

2005 年 1 月 25 日 星期二 【晴】

1210年1月26日　陸游逝世
1788年1月26日　澳大利亞國慶日
1841年1月26日　英軍侵佔香港
1910年1月26日　巴黎羅浮宮被洪水包圍造成上億美元損失
1923年1月26日　孫中山發表《孫文、越飛宣言》
1934年1月26日　德波簽訂《互不侵犯條約》
1939年1月26日　佛朗哥佔領巴塞羅那，建立長達35年的獨裁統治
1950年1月26日　印度國慶日
1952年1月26日　中共中央開展「三反」、「五反」運動
1953年1月26日　美國索爾克博士製成小兒麻痺症免疫新疫苗
1953年1月26日　國際海關日
1993年1月26日　瓦茨拉夫-哈韋爾當選捷克第一任總統
1998年1月26日　山西朔州市發生特大假酒中毒案
1999年1月26日　約旦阿卜杜拉王儲繼承王位
2001年1月26日　印度遭遇50年來最大地震死亡兩萬多人

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日佳句：

命運是對手
永不低頭......

估肥婆唔到
「阿信的故事」呢個咁純潔既故仔可以畀佢用咁既角度黎講......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幫 Vanessa 改佢寫畀 department 既信
點解一個讀語文既學生既中文水平可以咁差
搞到我第一次睇時完全唔明
=.=......

改完佢 send 左隻歌黎獎勵我
開頭用 MSN 接收得勁慢
一用 icq 就超快收到
所以佢好慷慨地 send 多幾隻我聽
^ ^

Konnie 話佢頭先睇電視見到我
嚇死~~
原來係 DB Homecoming Concert 既 DVD
話咁快出左左 DVD
效率又幾高喎~~~~

聽到 Konnie 有少少唔開心 (讀書 + 與「人」相處)
聽左佢一陣電話
美其名係「開解」佢
實際上同佢言不及義左好一陣子
01:18 – 03:50
超過份
同時亦令我把聲徹底崩潰......

希望佢唔好咁唔開心啦~~

昏迷到兩點半
起身
四 (or 五) 肢無力
問 Mic Mic 肥 B 既電話
send SMS 話佢聽我病左練唔到歌
之後就繼續頹廢

頹到七點半肥婆打電話搵我
令我從頹廢之中甦醒
佢話今日得閒錄音
連忙飛奔出旺角同佢會合

響「地利法蘭西」食左個唔飽既晚飯
身型大我幾個碼既肥婆居然話飽
百思不得其解.....

呢兩日成日聽到肥婆提起花姐
(無乜特別, 純粹講下)

上 DB
熱身 + hae 左一陣先錄音
對於佢面對一份有難度既譜仍然遊刃有餘
身為作曲者, 但又經常炒粉既我實在畀佢屈機

錄到十一點幾又畀阿伯趕
錄多一段先走
不斷為自由不再既 DB 唏噓
仲有一個疑感：
宜家點樣通頂夾歌？？

去左佢屋企做後期工作
後期工作包括：
1. 剪接唔同既 Track
2. 消滅某 D 錄得太差既 Track
3. 將一隻 MD 既資料複製落三隻 MD 度

兩點半從佢屋企離開
本來去家維邨搭小巴
但係美其名「通頂」既小巴唔見晒
局住走番紅隧口搭 N 121
三點半歸家

打日記 + 打埋其他作曲既野
響回歸香港既一陪同之下
順利又通左一晚頂
長此下去, 我把爛左既聲唔使旨意要咯........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1841年1月26日　英軍侵佔香港

香港位於廣東省珠江口東南，包括香港島、九龍和「新界」三部分，面積1066平方公里。
從唐代開始，中國政府已經派軍隊駐守香港地區並在海上巡視。
從宋到明，我國內地人民遷到香港地區定居的逐年增多。
清朝時，香港歸屬廣東省新安縣管轄。

18世紀初，英國開始對華進行鴉片貿易。
1840年6月，清政府下令查禁鴉片，英國悍然發動了第一次鴉片戰爭，出兵攻打廣州。
1841年1月26日，英國派兵強行佔領香港。

早在1833年(道光十三年)，英國侵略者就有意在中國海岸侵佔島嶼，以便對中國進行侵略。
1834年，他們首先看到香港在戰略上和商業上對他們有利，
此後，侵佔中國沿海島嶼，就成為英國侵略者最重要的目標。
在英軍強佔香港以後的50多年時間裡
英政府強迫清政府簽訂了三個有關香港問題的不平等條約，霸佔了整個香港地區。

1842年8月29日
英國政府同清政府簽訂了我國近代史上第一個不平等條約《南京條約》
其中第三條規定把香港割讓給英國。

1856年英國發動第二次「鴉片戰爭」
強迫清朝政府於1860年10月24日簽訂《北京條約》
割讓九龍半島界限街以南的中國領土給英國。

1898年6月9日
英國乘中國在中日甲午戰爭中失敗，又強迫清政府締結了《中英展拓香港界址專條》
把位於深圳河以南、九龍半島界限街以北及附近島嶼的中國領土
即所謂「新界」，租借給英國，為期99年。
1997年6月30日期滿。

清朝被推翻後，中國歷屆政府都沒有承認英國對香港的永久主權。
中華人民共和國成立後，中國政府曾多次闡明對香港問題的立場
指出香港是中國領土，中國不受過去英國政府同中國清朝政府簽訂的不平等條約的約束
將在條件成熟的時候，恢復行使對整個香港地區的主權。
根據1984年中英兩國政府關於香港問題的聯合聲明
中國於1997年7月1日對香港恢復行使主權。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
When people are bored it is primarily with themselves.

Hoffer, Eric (1902 – 1983 American Author Philosopher)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
about u...
1. 幾多歲：21
2. 手指邊隻最長：中指 (唔係個個人都一樣架咩？)
3. 有冇蛀牙：有左好多年, 蛀完又補, 補完又蛀..........好似無乜邊隻牙係完整既~~~~
4. 宜家有冇邊度痛：無
5. 用邊隻唇膏：無用唇膏既習慣
6. 有冇留指甲：無興趣. . .
7. 最可愛既底褲：no comment
8. 有幾多對鞋：無乜幾多對
9. 有冇爭人錢：呢個問題應該問下 D 爭我錢既人..........
10. 咩科最叻：中史
11. 咩科最差：英文
12. 最中意邊個老師：無
13. 想做一d冇可能做到既野：開心
14. 尋日食左幾多餐：2
15. 床上面有咩特別既野：一堆書 + CD + 人
16. 屋企冇人會做d咩：同屋企有人果時一樣──打機
17. 近排有咩係爛左架：聲..........
18. 用邊隻洗頭水：無定
19. 壞習慣：懶！！！
20. icq#：170974646
21. 屋企好多咩野：書
22. 想做男定女：無興趣變性
23. 黑定白：唔明呢條講乜~~~~
24. 中意睇咩電視節目：好耐無睇過..........
25. cookies入面,最唔中意邊一個：無個識 (名就或者仲記得既..........)
26. 用４個字形容 William Hung：予欲無言
27. 舊曆生日係：七月初九
28. 最想邊一日生日呢：有乜所謂？
29. 最想拎咩獎：獎學金實際 D..........
30. 返學定放假：同 23 (嚴格上呢兩條唔係問題)

about yr friends...
31. 最高：真實高度無留意, 但係有個好似度門咁高既花姐
32. 最肥：豬 Ray (無人會反對掛..........)
33. 最想打佢：打邊個？打邊度？(語意不清~~)
34. 有事先搵你既：罊竹難書
35. 同你一齊放學：自己咯~~~~~~~~~~
36. 背到幾多個 freinds既電話：幾個
37. 同邊個講心事：好少人
38. 最有錢：大家都唔多錢
39. 最曬命：無乜
40. 最好笑：個個都好好笑
41. 最白痴：暫時諗唔到
42. 佢只會嗌你全名：無乜 (好少可會畀人撻全朵)
43. 最悶：應該係我
44. 最中意邊個 friend個名：萬匯一咯 (All in one), 中英文都可以咁屈機~~
45. 知道最多你既秘密：自己
46. 住得最高：唔知喎~~
47. 最疏遠：疏遠左就唔係 friend 啦~
48. 識左最耐：梁大花
49. 邊個friend永遠冇心事既：人人都有, 差在同唔同你講
50. 你會當邊個係自己呀媽：阿媽！！

last....... u did...
51. 訓覺：地鐵
52. 搭車：地鐵
53. 仆街：我唔係！！！
54. 你打既電話：肥婆
53. 返學：1230
54. 大笑：我唔係傻架喎. . . . .
55. 去人生日會：好似未試過去~~
56. 去吉野家食野：好耐之前
57. 食野同飲：花生 + 水
58. 買咩野：MD
59. pat左咩野：香口膠 (算 pat 定算 lur？？)
60. msn / icq 同邊個講野：Konnie

questionss:
61. 隔離屋姓咩：舊屋果陣知
62. 平時較幾多個鬧鐘：老媽子算唔算係鬧鐘既一種？？
63. 沖涼先定洗頭先：洗頭
64. 返學方法：步行 + 地車 + 步行
65. 呀媽鬧你既原因：唔訓 / 食野
66. 你自由嗎：乜野為之自由先？定義呀唔該..........
67. 宜家最想學：cello
68. 滿意宜家既生活方式嗎：想自己生理時鐘回復正常
69. 滿意宜家用梗既mouse嗎：不太滿意~~
70. 打中文定英文快：絕對係中文

favourite...
71. 髮型：無所謂
72. 手指：無所謂
73. 牌子：無所謂
74. 小動作：托眼鏡, 望錶, 睇書
75. 著幾多條褲返學：連底褲既兩條
76. 照鏡：乜野呀~~~唔明！
77. 快歌定慢歌：無所謂
78. 卡通人物：無所謂
79. 地方：無所謂
80. 訓覺方式：無所謂

questionss....again*
81. 初戀：想有多次..........
82:返屋企第一樣做既野：除鞋
83. 著鞋右定左先：無定
84. 最驚邊個：驚完又要面對, 驚黎做乜？
85. 口頭禪：好似唔係好多
86. 講粗口嗎：我話唔講你地信唔信？
87. 成日遲到嗎：好少........... . 唔遲 (返學O者, 約人我好準時架！！)
88. 最熟邊度：油尖旺 + 沙田
89. 聽左最耐既一隻歌：生命之歌
90. 你的電腦好嗎：你地自己問佢..........
91. 發左個咩夢呀近排：夢左咪又係要醒..........
92. 最sai時間既事：打機
93. 買野食既定義：？？
94. 最lor既一次：唔記得
95. 身邊既人之中邊個最可愛：可愛？！？無喎！(個個都如狼似虎)
96. 用一句形容你果班：無投入組織, 唔知
97. 電腦wallpaper：茶神陸羽
98. icq skin：無用
99. IE 主頁：hk.yahoo.com
100. 呢個問卷既評語：純粹無聊

>>January 26, 2005 at 8:51:34 PM GMT+8

2005 年 1 月 24 日 星期一 【晴】

1504年1月25日　意大利古代偉大藝術家米開朗琪羅完成大衛巨像雕刻
1587年1月25日　民族英雄戚繼光病逝
1627年1月25日　近代化學的奠基人——波義爾誕辰
1874年1月25日　英國小說家、戲劇家毛姆誕辰
1911年1月25日　中國第一部專門刑法典頒布
1941年1月25日　日軍製造「潘家峪慘案」　死難者 1200 餘人
1949年1月25日　蘇聯及東歐 5 國發起成立經互會
1981年1月25日　最高人民法院特別法庭對江青等人進行審判
1983年1月25日　美、英、荷共同研製的紅外天文衛星升空
1986年1月25日　美國同利比亞斷交，凍結財產
1997年1月25日　會澤特大假酒中毒案審結　李榮平等五犯被執行槍決

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Vanessa：未到最後我係唔會寫的 (引：佢份功課)

由此我們可以推斷出 Vanessa 是個有堅持的人
能堅持自己的信念
不受「壞份子」的教唆
實在情操高尚, 令人欽敬
吾等不及......

(實際佢係唔想做功課, 堅持要響網上搵下有冇得抄......)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
打機居然打通頂
《大航海四》係好玩, 都唔使咁廢寢忘餐地打架......
簡直係終極頹廢
> . <

今日約左肥婆錄音
居然無同佢聯絡過
真過份

打到七點幾先收手
上床訓覺
訓到十二點先起身
十二點半上堂
準時到達

今日又講 Contract Law
除左 D court case 之外, 其他全部野都可以自己睇 notes
三個鐘既堂, 好放心地訓左個半鐘

上完堂即閃
行到一半先發現自己再次唔記得還書
已經係第二次啦.....
背著早該卸下的包袱
心情特別沉重

返屋企繼練打機
打到六點先出發去北角
補左一個鐘習, 無乜點講野
問左佢幾個問題
佢未答完我就要走

肥婆本身話要去匯豐拎錢
去到匯豐門口佢企左響度
成個人好灰咁同我講：
「我漏低左個銀包響公司......」

去左匯豐隔鄰既和河粉食
佢話以前成日同人黎食喎
聽黎有 D 唏噓

一邊食一邊譯譜
之前佢話可以用五線譜
最後又要用簡譜
搞到佢食麵時我譯譜, 仲要聽著佢同人「依泣」~~~

上 DB 之前去左「牡」
原因係肥婆食完和河粉唔飽
果然係肥婆~~

行到火車橋過馬路時
肥婆眼定定望向一個方向
順著佢眼神望去
只見一個呆呆既青年望著佢, 好似識得咁
眼光向旁邊一轉, 蔡迪 6 (前名輝)？！

佢同佢同學要返 poly
我就同肥婆行上 DB

畀看更阿伯叫左去登記
仲話 2100 有 D 夜喎
最過份既, 莫過於入國樂室前畀另一個看更阿伯問我地做乜
仲要畀佢 check 身份證！！
使唔使呀......

唔玩都唔發覺自己隻歌難
原來大阮要做咁多野架喎
好彩最後擇左玩中、大阮
^ ^

夾到十一點先至勉強夾到
肥婆好強橫地已經接近 KO 到隻歌
至於作曲既本人居然唔係好識玩
汗顏
^ ^ "

十二點左右返到屋企
謝打完 + send 左份新譜畀我
感激
不過都係唔知足
煩多佢一次, 叫佢整多兩份分譜畀我

聽日又要搵時間錄音
果把聲好似爛緊......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1587年1月25日　民族英雄戚繼光病逝

明朝嘉靖年間，我國東南沿海人民進行過一場轟轟烈烈的抗倭鬥爭。
指揮這場鬥爭的就是抗倭名將、軍事家戚繼光。

戚繼光是山東萊蕪人，1528年11月12日出生於將門家庭。
他自幼立志從戎，酷愛軍事，中過武舉。
1553年，他被派往山東擔負從海上防倭的重任，後來又調到浙江鎮守寧波、紹興、台州。
到浙江以後，他積極組織新軍，進行嚴格訓練，取得了慈溪、台州大捷，全殲了侵犯浙江的倭寇。
後來，倭寇到福建沿海騷擾，戚繼光又率軍開赴福建、廣東抗倭前線。
他率領軍隊插進倭寇的大營，乘敵人不備，把倭寇全部消滅。
從1562年至1566年，戚繼光和俞大猷一起，率領軍隊肅清了福建和廣東沿海一帶的倭寇。
1567年，由於北邊韃靼南犯，戚繼光被調到北方訓練邊兵
前後共有16年的時間，不僅使邊地出現了太平景象，而且使都城北京的安全也有了保障。

戚繼光不僅是一位戰功赫赫的愛國名將，同時還是一位傑出的兵器製造專家。
他一生在軍事上有不少創造發明，其中之一便是地雷。
早在嘉靖42年，戚繼光就發明了一種叫做地面上的火器，曾經炸傷倭寇數百人。
戚繼光53歲時發明了埋在地下的地雷，當時叫「自犯鋼輪火」。
萬曆8年4月，戚繼光當時任鎮守薊州、永平、山海等處總兵官
已是獨鎮一方、統兵十多萬的大帥了，但仍親自研究和改進武器。
《戚少保年譜耆編》第12卷載：
為了防止韃靼和朵顏等衛的入侵，戚繼光在
「沿邊台牆之下，擇其平廣虜可集處，掘地埋石炮於內。
　中置一木匣，各炮之信，總貫於匣中。而匣底叢以火藥。
　中藏鋼輪，兼置火石於傍，而伏於地上。
　虜馬躡其機，則鋼輪動轉，火從匣中出，諸炮並舉，虜知其所自」。
明朝人把這種埋在地下、不用人工點燃、讓敵人自己踏上就會自動爆炸的新式殺傷武器
叫做「自犯鋼輪火」。
這就是世界上最早的地雷。
戚繼光發明地雷是1580年，比歐洲人發明地雷大約要早300年左右。

在戚繼光的一生中，有30多年是在戰場上度過的
其中又有三分之一的時間是在抗倭的戰場上度過的。
這位南征北戰、出生入死的抗倭名將晚年竟遭到排擠。
1582年，主張改革的內閣首輔張居正逝世後，朝廷內反對改革的人便活躍起來。
他們誣蔑戚繼光是張居正的同黨，到處散佈流言，對他進行中傷。
這時，北方邊防已經平定下來，明朝廷便把戚繼光調任到廣東鎮守，實際上是將他閒棄在一邊。
長年的勞累和精神憂鬱戚繼光得了肺病，1585年他舊病復發，得旨允許回鄉養病。
1587年1月25日凌晨去世。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
To do the same thing over and over again is not only boredom：
It is to be controlled by rather than to control what you do.

Heraclitus (BC 535 – 475 Greek Philosopher)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
內地人譯名大觀 (部份並非正式譯名, 純粹娛樂)

《Bug's Life》
台灣譯名：蟲蟲危機
香港譯名：蟻哥正傳
大陸譯名：無產階級貧下中農螞蟻革命史

《The Lord of the Ring : Two Towers》
台灣譯名：魔戒二──雙城奇謀
香港譯名：魔戒二──雙城奇謀
大陸譯名：指環王二──兩座塔

《007 : Die an other day》
台灣譯名：００７─誰與爭鋒
香港譯名：００７－不日殺機
大陸譯名：新鐵金剛之擇日再死

《Catch me if you can》
台灣譯名：神鬼交鋒
香港譯名：捉智雙雄
大陸譯名：來抓我啊，如果你可以

梁詠琪和金城武演的《向左走, 向右走》
大陸譯名：找不到方向

《Finding Nemo》
香港譯名：海底奇兵
大陸譯名：海底都是魚

《The passion of Christ》
台灣譯名：耶穌受難記
香港譯名：受難曲
大陸譯名：基督的激情

《Top Gun》
香港譯名：壯志凌雲
大陸譯名：好大一支槍

《The Day After Tomorrow》
香港譯名：明日之後
大陸譯名：後天

《The Power Puff Girls》
香港譯名：飛天小女警
大陸譯名：通天女公安

《Aliens》
香港譯名：異形
大陸譯名：珍奇異獸

《Aliens 2》
香港譯名：異形續集
大陸譯名：珍奇異獸之風華在現

《Spider Man》
香港譯名：蜘蛛俠
大陸譯名：生化昆蟲超人

《Doraemon》
香港譯名：多啦a夢 / 叮噹
大陸譯名：萬能機器貓

《Asgard》
香港譯名：神之領域
大陸譯名：上主的地盤

《Boomman》
香港譯名：炸彈人
大陸譯名：地雷小英雄

gundam
香港譯名：高達
大陸譯名：大炮機械人

godgundam
香港譯名：高達
大陸譯名：狗的大炮機械人(很明顯..是搞錯dog與god...)

winggundam
香港譯名：高達
大陸譯名：羽毛大炮機械人

gundamx
香港譯名：高達x
大陸譯名：大炮機械人叉

《RAVE》
香港譯名：《聖石小子》
大陸譯名：《尋石記》

《X》
香港譯名：《X》
大陸譯名：《東京攻略1999》

香港譯名：《棋魂》 / 《棋靈王》
大陸譯名：《一棋定江山》

香港譯名：《神劍闖江湖》
大陸譯名：《刀疤小子》

《LoveHINA》
香港譯名：《純情房東俏房客》
大陸譯名：《澡堂故事》

《DA！DA！DA！》
香港譯名：《DA！DA！DA！》
大陸譯名：《大！大！大！》

香港譯名：《獵人》
大陸譯名：《爸爸，你在哪裏？》

香港譯名：《金童卡修》
大陸譯名：《魔界小金毛》

香港譯名：《犬夜叉》
大陸譯名：《那狗‧那井‧那女人》

香港譯名：新世紀福音戰士
大陸譯名：新世紀天鷹戰士

香港譯名：halflife - CS
大陸譯名：死不去 - 警察抓小偷

香港譯名：流星蝴蝶劍
大陸譯名：正邪不兩立

香港譯名：魔獸爭霸 3
大陸譯名：怪獸齊打交第三代

香港譯名：暗黑破壞神 2
大陸譯名：地獄探險隊第二代

香港譯名：真三國無雙
大陸譯名：三國打鬥傳

香港譯名：世紀帝國
大陸譯名：文明進化傳

香港譯名：大富翁 6
大陸譯名：暴發戶第六代

BIOHAZARD
香港譯名：生化危機
大陸譯名：死靈都市

香港譯名：遊戲王
大陸譯名：卡片鬥士

香港譯名：海賊王 / OnePiece
大陸譯名：倭寇歷險記 / 一大塊

香港譯名：麻辣教師 GTO
大陸譯名：瘋狂先生 GTO

>>January 25, 2005 at 8:08:00 PM GMT+8

2005 年 1 月 23 日 星期日 【晴】

1924年1月24日　黃埔軍校開始籌建
1938年1月24日　山東省政府主席韓復矩被處決
1956年1月24日　中國首次頒發科學獎金
1958年1月24日　英美科學家完成核聚變試驗
1965年1月24日　英國首相溫斯頓-丘吉爾逝世
1981年1月24日　波蘭數百萬人罷工，爭取5天工作制
1984年1月24日　美國批准研製第一個永久性載人空間站計劃
1984年1月24日　中國劇院建成
1984年1月24日　鄧小平視察深圳等特區並題詞
1986年1月24日　美國著名女子排球運動員海曼猝死球場
1992年1月24日　中國與以色列建交

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
掛著打機, 暫忘煩惱
不過點解會想買 iPod？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
凌晨肥婆搵番我
講番佢今日唔得閒既原因
好彩O者
之前不知幾徬徨
明知朱哥哥唔得閒都要搞著佢

宜家功德完滿
肥婆話星期二幫我錄
朱哥哥亦可以功成身退
能夠有唔托你手~Z既朋友真好！

掛著打《大航海四》
打到三點半一 send 左個 msg 黎
問我香港幾多點
我答完之後, 佢好快口地就鬧我痴線
之地就趕左我去訓

十點半既英文堂
唔遲得, 局住早起身
飛奔到 city 既時候時間剛剛好 (包括 check 電腦搵番我響邊個房上堂)
行到門口, 一眼望入房
無人！
深知不妙
再望門口貼住既紙, 當堂灰左：
阿 sir 病左......

病左唔返唔係罪
但係唔該早通知呀~~
至少都 send e-mail 呀 (儘管對我無用, 因為我唔會返學之前 check 電腦)

尋日蠢左, 行旺角都唔記得買 MD
無堂上, 本來諗住行下「凶宅」
順手買 MD 聽日錄音用
行到「凶宅」
人地仲未開舖！！
倒塔咁早返去, 結果乜堂都唔使上
都唔知為乜........
> . <

嬲嬲地, 返左屋企
繼續《大航海四》
順手打番尋日未打晒既日記
又係打機......

食完晏, 打多一陣機
打到「hang 機」就唔打
漸漸發覺呢個 game「hang 機」係有含意既
起碼令你明白打機既不真實
既然打完到頭來都係一場空
仲要 save 左都可以無左個 file
咁打黎做乜？

打機真係幾浪費時間
如果我唔係打機既話, 我諗我一定可以多好多時間睇書
咁就唔使好似宜家咁
成日都睇唔切自己借番黎果 D 書啦~~

訓覺
訓左一陣嘻嘻打畀我
話畀我聽《邊荒》出左第 42 卷
佢宜家好似慣左《邊荒》一出新既就話我聽
呵呵~~~

再訓
訓到 18:35 先起身
大鑊！！
要去 CU 練野喎......
匆匆離去

搭火車到大學
趕上校巴
好有響大陸 / 印度坐巴士既感覺
超載得可怕......

唔識路上去
上到校巴唔等於識路去排練場地
最過份既係朱哥哥從來無話過我聽去邊度練
我之前又未去過綵排
打畀朱哥哥既時候佢又練緊《北方》
由講野講到一舊既「幼齒輪」同我週旋
佢居然問我：「你未黎過 CU 咩~~」
大佬！我連幢野都唔知響邊 (淨係知響新亞咯......)
我可以點？？
> . <

好彩撞到去綵排既陳子豐
免除迷路既厄運

唏噓既綵排
詳細都唔多寫
淨係知道之前有練過既就我未玩到, 前面玩到
之前未排既就我玩到, 前面搵唔到咯~~~

同蔡迪 9 (前名蔡 7A) +「幼齒輪」+ 吹笙既 F.3 小朋友走
唔想等巴士, 行左一陣先同等巴士既人會合
地點為一個站之後......

響火車上教「每日一字」
灌輸左 D 正確既大學知識畀 F.3 仔知
之後同蔡迪 9 去左旺角海景食晚飯
吹水吹到 23:55 先走

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1965年1月24日　英國首相溫斯頓-丘吉爾逝世

溫斯頓-倫納德-斯潘塞-丘吉爾是20世紀最負盛名的英國資產階級政治家
是英國利益的堅決捍衛者。
他為大英帝國的利益奮鬥了一生。

丘吉爾出身於貴族家庭，從小受到典型的英國式教育。
他曾三考軍校，最後畢業於桑赫斯特皇家軍事學院。
丘吉爾參加了英國在古巴、印度、蘇丹、南非的殖民戰爭
並於1900年當選為下院議員，加入保守黨，從此開始了他漫長的政治生涯。

1906年，32歲的丘吉爾首次入閣，先後擔任了殖民副大臣、商務大臣、內政大臣等職。
第一次世界大戰期間，他擔任過海軍大臣、軍需大臣
當時，他積極鼓吹把俄國新生的蘇維埃政權「掐死在搖藍裡」。
1924年到1929年，丘吉爾擔任財政大臣時，咒罵罷工工人是「民族的敵人」。
第二次世界大戰爆發以後
丘吉爾重新擔任海軍大臣，並於1940年5月到1945年7月出任首相兼國防大臣。
二戰期間，他領導英國人民堅決抗戰，挽救民族危亡
為爭取世界反法西斯戰爭的勝利作出了不可磨滅的貢獻。
戰後他到美國發表「冷戰」演說，並力圖加強英國在世界事務中的作用。
1951年，77歲的丘吉爾再次出任保守黨政府首相
但那時他已力不從心，無法阻止大英殖民帝國的崩潰
4年後，他辭職退休。
1963年4月9日，丘吉爾在接受美國「榮譽公民」稱號時發表書面講話
回顧了自己所走過的路程。
他說：「我曾取得過很多成就，但到頭來卻是一場空」。

1965年1月初，丘吉爾因患感冒而臥床不起
15日因腦溢血而昏迷，24日逝世，享年91歲。
1月30日，英國為他舉行了隆重的國葬。

丘吉爾不僅是一位政治家，而且還是一位著名的演說家和作家。
青年時他著有《馬拉坎德遠征史》、《河上戰爭》等
成名之後他的著作有：
《第二次世界大戰回憶錄》(6卷)；
《英語民族史》(4卷)；
《世界危機》(4卷)；
《馬爾巴羅的生平與時代》(4卷)等。
由於《第二次世界大戰回憶錄》等歷史著作和演說，丘吉爾曾在1953年獲得諾貝爾文學獎。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Only those who want everything done for them are bored.

Graham, Billy (1918 American Evangelist)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
精彩的畢業演講

耶魯的畢業生們，我很抱歉──如果你們不喜歡這樣的開場。
我想請你們為我做一件事。請你好好看一看周圍
看一看站在你左邊的同學，看一看站在你右邊的同學。

請你設想這樣的情況：
從現在起5年之後，10年之後，或30年之後
今天站在你左邊的這個人會是一個失敗者；
右邊的這個人，同樣，也是個失敗者。
而你，站在中間的傢伙，你以為會怎樣？
一樣是失敗者。失敗的經歷。失敗的優等生。

說實話，今天我站在這裏，並沒有看到一千個畢業生的燦爛未來。
我沒有看到一千個行業的一千名卓越領導者，我只看到了一千個失敗者。
你們感到沮喪，這是可以理解的。
為什麼，我，埃裏森，一個退學生
竟然在美國最具聲望的學府裏這樣厚顏地散佈異端？我來告訴你原因。
因為，我，埃裏森，這個行星上第二富有的人，是個退學生，而你不是。
因為比爾蓋茨，這個行星上最富有的人──就目前而言──是個退學生，而你不是。
因為艾倫，這個行星上第三富有的人，也退了學，而你沒有。
再來一點證據吧，因為戴爾，這個行星上第九富有的人──他的排位還在不斷上升，也是個退學生。
而你，不是......你們非常沮喪，這是可以理解的。

你們將來需要這些有用的工作習慣。你將來需要這種「治療」。
你需要它們，因為你沒輟學，所以你永遠不會成為世界上最富有的人。
哦，當然，你可以，也許，以你的方式進步到第10位元，第11位，就像Steve。
但，我沒有告訴你他在為誰工作，是吧？
根據記載，他是研究生時輟的學，開化得稍晚了些。

現在，我猜想你們中間很多人，也許是絕大多數人，正在琢磨……我能做什麼？

我究竟有沒有前途？當然沒有。太晚了，你們已經吸收了太多東西，以為自己懂得太多。
你們再也不是19歲了。
你們有了內置的帽子，哦，我指的可不是你們腦袋上的學位帽。
嗯......你們已經非常沮喪啦。
這是可以理解的。所以，現在可能是討論實質的時候啦~~

絕不是為了你們，2000年畢業生。
你們已經被報銷，不予考慮了。
我想，你們就偷偷摸摸去幹那年薪20萬的可憐工作吧
在那裏，工資單是由你兩年前輟學的同班同學簽字開出來的。
事實上，我是寄希望於眼下還沒有畢業的同學。
我要對他們說，離開這裏。
收拾好你的東西，帶著你的點子，別再回來。退學吧，開始行動。

我要告訴你，一頂帽子一套學位服必然要讓你淪落......
就像這些保安馬上要把我從這個講臺上攆走一樣必然......

（此時，Larry被帶離了講臺）

>>January 24, 2005 at 5:25:47 PM GMT+8

2005 年 1 月 22 日 星期六 【晴】

1368年1月23日　朱元璋建立明朝
1783年1月23日　《紅與黑》的作者司湯達誕辰
1891年1月23日　意大利共產黨創始人葛蘭西誕辰
1942年1月23日　女作家蕭紅病逝
1957年1月23日　世界上第一台醉酒呼吸分析儀首次在瑞典投入使用
1967年1月23日　中共中央決定人民解放軍「支左」
1984年1月23日　阿根廷、智利簽署《和平友好聯合聲明》
1989年1月23日　亞洲衛星發射合同在京簽署
1996年1月23日　江澤民給上將軍銜獲得者授銜
1997年1月23日　韓國第二大鋼鐵企業韓寶鋼鐵公司破產

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
討厭回憶
卻熱愛《雲南回憶》
矛盾

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
正式寫日記之前
僅引用鄧璟浩既日記
原因係我打 23-1-2005 日記時正值 05:07

我是一個難以相處的人
被動，古怪，陰晴無定
雖然我努力去令自己顯得
開朗，幽默，意志堅定
但愈是這樣，我愈覺得自己失敗
人們不會留意到我
我的面容模糊得媲美一塌糊塗的紙黏土
流過我的眼角，於是化作了淚
然而人們的快樂依舊，如日出日落，亙古永存
我從不會設網上日記
也不會為網頁裝上計數器
我怕每次的查閱都是對自己一次的掌摑
讓痛苦再一次被倒帶重溫
何苦？
人總需要朋友。現在是凌晨五點
可有朋友能讓我現在打電話去，就只告訴他
我想聽你的聲音？
可能有，但我不敢去試。

卒之完成左成隻歌
算係我比較滿意既歌
儘管編曲時無乜放感情
但係隻歌原本既意念已經好足夠令我回味

謝肯免費幫我打譜
超感動！！

send 左畀肥仔聽
佢既評語如下：
慢版真係好悶；
三四拍果度似《絲路(駝鈴)》，最後似《異想天開》

似《異想天開》我認架
不過真係無抄《絲路駝鈴》
連諗都無諗
係有少少思想上既缺憾仲未能修正到~~~

成首歌好唔好到時聽錄音
希望今日可以順順利利錄音~~

六點二先去訓
找死......

一點幾先起身
謝打畀我問我幾時出旺角
confirm 左時間就 print 隻歌出黎
跟手打畀肥婆, 問佢幾點教琴
點知聽到一個好悲壯既消息：
佢約左同事去澳門......

無得錄音
print 完份譜都唔知點算
打畀卡卡問佢可唔可以幫手
佢以自己唔勁推左我
=.=

徬徨之際
謝叫我搵朱哥哥幫手
怕佢忙 (佢好似變左做「research 獸」咁嘛......)
不過最後都係問左佢
佢都好好人地話幫我手
暫時解決問題
^ ^

出左去同謝食飯
宜家「謝」呢個稱呼唔單止適用於我地友儕輩
仲成功地畀「hang 機」引用
尋日佢就係咁不停畀「hang 機」稱呼為「謝」
真強橫

去左德州餐廳 (前「新森林」)食飯
食到好夠
同佢傾左一輪首歌既野 + 更多廢話
之後行左去百老匯 (因為想睇下有冇 iPod 既咪)

Cyber 執左之後變左做百老匯
條西洋菜南街愈來愈多百老匯啦~~~
間野超霸道
搞到「牡」畀兩間百老匯夾住
連地牢既入口都局住封左

無得賣
之後行左其餘幾處賣電器既都無
點解會咁既呢？？

唔知點解心郁郁想買 iPod 添~~

上左信和睇二手 CD
結果買到銀包無錢
真過份

落 ATM 提款後行書店
行到咁上下就走

返到屋企老爸好奇怪我咁早返屋企，道：
「你話返黎食飯o者, 使唔使六點幾就返到屋企呀？？」
......
畀唔到反應

早早食飯
早早打機
接受左之前謝未 send 完既《大航海四》
幾好打
不過成日都 hang 機......
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1368年1月23日　朱元璋建立明朝

朱元璋（1328——1398），名重八，又名興宗，字國瑞，濠州鐘離（今安徽鳳陽東）人。
出身貧農家庭，小時候曾在直覺寺作過和尚
1352年（元至正十二年）參加濠州郭子興部紅巾軍。

1355年（元至正十五年）韓林兒在毫稱帝時封他為左副元帥。
朱元璋軍紀嚴明，又知人善任
文官馮國勝、李善長等都為他出謀劃策，勇猛善戰的常遇春、胡大海等都來投奔他。

1356年（元至正十六年）攻下集慶（今江蘇南京），廢除了元朝的一些苛政，命請將屯田。
後來又接受了朱開的「高築牆，廣積糧，緩稱王」的建議，壯大了自己的勢力。
1367年（元至正二十七年）
朱元璋決意北伐，提出「驅逐胡虜，恢復中華」，「立綱陳紀，救濟斯民」的口號。

1368年正月，北伐軍進佔大都，結束了元朝的統治。
1368年1月23日（明洪武元年正月初四日）建立了明朝，改元洪武，定都南京。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
The concept of boredom entails an inability to use up present moments in a personally fulfilling way.

Dyer, Wayne (1940 American Psychotherapist Author Lecturer)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
改篇課文既抒情文精神不死
今次係改《弔古戰場文》
愚以為不甚精彩
僅收錄作娛人之用

《吊頸戰場文》

浩浩乎禮堂無垠，敻不聞音，勒緊褲帶，埋頭搶分。黯兮慘悴，腦脹頭昏。
腸斷髮枯，無晒精神。字寫不下，慘成亡魂。
考官告余曰：「此考試場也，常覆考生。往往冤哭，放榜則聞。」
傷心哉！明歟？清歟？將近代歟？

吾聞夫唐宋常科，明清詔募。萬里應考，連年肥佬。歷屆試題，日做夜做。
字多卷長，走投無路。寄身試場，腷臆誰訴？入學而還，多事考試。
精力耗斁，無世無之。古稱科舉，考讀四書。誰知辛酸，考生用記。
記憶有異於明白，課程迂闊而莫為嗚呼！噫嘻！

吾想夫出卷之時，老師伺便，暗隙盡出，考生受箭。模擬考試，早練晚練。
任人擺佈，考生命賤。補習天王，搏命貼題。考試之時，誤答流料。
以為係堅，勢必歸天。至若會話考官，質素參差。講錯一句，笑你白痴。
休想合格，說話踟躕。頓感無癮，狂爆俗語。
當此良機，天假考員，憑陵殺氣，搏命降grade，徑截考試，橫攻考生。
繼而臭罵，全組覆沒。屍填維港之岸，血滿張保仔洞。無勝無負，一齊肥佬。可勝言哉？
手衰兮力盡，口竭兮言絕，白卷交兮爛命折，師長父母齊處決。
降矣哉？終身殘廢。戰矣哉？亦被打跛。
日日考到戆直直，全部課目無題識。前後左右眼望望，試卷皆是白茫茫。
題目多兮時短，面色苦兮腳軟。傷心慘目，有如是耶？

吾聞之：零四放榜，十四分生，頻撲不已，無學校收。覆查考卷，財殫力痡。已入雞校，還有用乎？
周朝公旦，聆聽試時，突然來訪，最大禍患。改卷容易，marker開心，穆穆棣棣，checker之間。
中英文科，一半肥佬，荼毒生靈，萬里朱殷。主攻一科，雖得B3，除此以外，全部零蛋。

蒼蒼書徒，誰是電腦？經常考試，畏其不死。
誰考中文，不寫斷手？誰考兩史，不記爆頭？過關何恩？交叉何咎？
其對其錯，已莫聞知。人或有言，將信將疑。派卷之日，全部紅字。
萬念俱灰，慷慨就義。跳橋跳樓，死無全屍。分數不至，升讀何時？
必有凶年，學生流離。嗚呼噫嘻！時耶命耶？從古如斯。為之奈何？廢除考試！

>>January 23, 2005 at 5:17:50 PM GMT+8

2005 年 1 月 21 日 星期五 【晴】

754年1月22日　鑒真東渡到達日本
1561年1月22日　第一個提出「知識就是力量」的人——培根
1788年1月22日　偉大的浪漫主義詩人拜倫誕辰
1901年1月22日　維多利亞女王去世
1905年1月22日　彼得堡的「流血星期日」
1916年1月22日　《民國日報》創刊
1924年1月22日　英國工黨首次執政
1928年1月22日　湘南起義
1949年1月22日　中國共產黨接管北平
1963年1月22日　法國聯邦德國合作條約簽訂
1963年1月22日　甲殼蟲樂隊開始風靡英國
1973年1月22日　美國總統約翰遜逝世
1997年1月22日　奧爾布賴特出任美國首位女國務卿
1998年1月22日　美巴首腦會談　討論挽救中東和平進程的問題

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
接受是一回事
不捨是另一回事

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
打機打到四點幾先訓
唯一有貢獻既係問左 Vanessa send左好多佢響大陸 exchange 映既風景相
實際未去過, 神遊下都好
^ ^

打機有助刺激思維
果然成功諗到隻歌要點寫
儘管遲了點兒, 還是趕快作畢
留待明天跟肥婆夾歌之用

Larissa 畀曾志偉罰抄《雙聲恨》既加花
抄到兩點幾先去訓
真可憐
最可憐既係佢要抄埋畀佢 D 對手睇

今日要去北角
較左鬧鐘, 叫左屋企人打電話叫醒我
結果都係遲至十點四先起身
天意 (其實係自作孽......)

捉左佢背一陣中文
之後講 Econ
超激氣
淺到我 D 未讀過 Econ 既同學都應該明既 concept 佢居然唔明
仲要呆呆地望著我畀佢做既題目成個字
> . <

對佢既術科我可真的是無能為力
就算要我在三數個月中令他由「U」轉為「F」也幾乎沒可能
還是把精力放在他的學科為尚

補完習
返左屋企一陣
繼續作作作作
仲未起到貨......

三點半返到 DB
淨係見到豬 Ray
其他要玩中合奏既人從缺
無奈 =.=

等到接近四點先正式開始幫佢地練
今日無乜人返
如果到時都係得咁少人, 一定畀人取消資格
因為今日出席既人數少到直頭可以玩小組......

未聽過隻歌 + 未聽過「hang 機」指
對首歌完全無頭緒
總譜又無小節數
搞到要同班靚仔作最原始既溝通
e.g.「Andante之後七個小節......Bar 123......o下？Bar 124 先係？咁 124 啦~~~~」
=.=

對於一班連音都未玩到既人
絕對唔應該奢求音色等較為「生物邏輯層」既處理
所以同佢地斷斷續續過左成首歌
卒之捱到「hang 機」趕到
一把冷汗 ^ ^||

聽「hang 機」既處理
始終佢係專業, 又係大師
完全被屈機
不過發現有幾個處理同佢一樣
有 D 沾沾自喜添 :P

生 cancer 既柳琴
居然話畀人聽學左四年
嚇死！！
搞到「hang 機」頂佢唔順
叫我彈一次示範畀佢聽
譜都無睇就要彈, 當然炒啦！！
畀佢串, 超唔甘心
於是大大聲話：「我睇唔到譜之嘛！唔信黎多次呀啦~~~~」
結果真係黎多次, 我亦順利炒粉
再次被屈機......

練完中合奏練大合奏
響走廊同「hang 機」吹左一陣水
佢對果班「天才」(玩成咁仲可以咁多人唔返, 唔係「天才」係乜？！) 有 D 失望
希望佢下次黎會多 D 人返啦~~

行去 music room 影印譜
部虧既 printer 浪費左我好多時間
不過誤打誤撞搵到一份完整既《兵車行》(陳能濟曲)
相對關生極其「專業」既打譜, 呢份譜無疑係好睇 D

望著份譜
諗起好多野
:\
let bygone be bygone......

肥仔染左成頭紅色走返黎
曹「艦長」一望到佢
就忍唔住問：
「你賣四仔呀？」

曹「艦長」買左兩盒聖安娜年糕畀高老師同「hang 機」
於是一場「轟轟烈烈」既「糕點外交」(Chinese Cake Diplomacy)
是次外交方式, 比中美三十年前的「乒乓外交」更引人入勝~~~~

聽完大合奏練完就走
去宜豐食飯
同行既有O者喱仔, 輝, 謝, 肥仔, 度年假既羅 B
本來仲有 Dennis + 黃家祈 + 蔡 7A
不過由於無位既關係, 直至宜豐打烊佢地三個同我地六個人都分開坐
真唏噓~~~

回家繼續瘋狂作曲

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1905年1月22日　彼得堡的「流血星期日」

19世紀末20世紀初，俄國的社會矛盾十分尖銳複雜。
1904年，俄國在日俄戰爭中連連敗陣，更加暴露了沙皇制度的腐朽，加劇了社會矛盾。

1905年1月中旬，彼得堡上百家工廠的工人相繼罷工。
彼得堡的工人組織「彼得堡工廠工人大會」決定組織一次和平請願活動。
21日他們向彼得堡當局提出了請願活動的申請，並送交了請願書副本，得到彼得堡當局的批准。
請願書向皇上請求公道和保護，還提出了實行8小時工作制、停止戰爭等要求。

1月22日 (俄歷1月9日) 是星期日
清晨，彼得堡大批罷工工人帶著家屬，扶老攜幼，從四面八方走上街頭，彙集成隊。
他們冒著風雪，舉著請願書、聖像和沙皇尼古拉二世的畫像
唱著東正教禱告歌，前往冬宮和平請願。
各路請願隊伍共有十幾萬人。
沙皇政府預先在通向冬宮的一些路口、橋頭和冬宮廣場佈置了大批軍警。
許多支請願隊伍中的人們遭到軍警的毆打、攔堵，未能抵達冬宮。
而進入冬宮廣場的和平請願隊伍
還沒來得及送交請願書，就遭到列隊於冬宮牆下的軍警的槍擊和砍殺。
到中午，請願人群中被打死打傷的有四千六百多人
其中慘遭殺害的至少有1000人。
工人們對沙皇的最後一絲幻想在這一天徹底破滅了。

第二天，布爾什維克黨發出《告人民書》，號召工人「武裝起來！」
許多地方爆發了抗議沙皇暴行的大罷工。
4月，俄國社會民主工黨「三大」召開，制定了準備武裝起義，推翻沙皇專制制度的路線方針。
此後，革命運動在俄全國不斷擴大和深入。
6月，黑海艦隊「波將金」號裝甲艦水兵起義；
10月，莫斯科——喀山鐵路工人舉行罷工，並發展為全國性政治總罷工；
12月，莫斯科工人在布爾什維克黨領導下，舉行武裝起義，把革命運動推到了頂點。
但是由於力量對比懸殊，莫斯科起義最終失敗了。
以「流血星期日」為序幕的俄國1905年革命
是以推翻沙皇專制統治為目標的資產階級民主革命
在俄國革命史上具有重要意義
正如列寧所說：「沒有1905年的『總演習』，就不可能有1917年10月革命的勝利」。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Life is never boring, but some people choose to be bored.

Dyer, Wayne (1940 American Psychotherapist Author Lecturer)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一天魔王抓走公主，公主一直叫。

魔王：「你儘管叫破喉嚨吧......沒有人會來救你的......」
公主：「破喉嚨......破喉嚨......」
沒有人：「公主......我來救你了......」
魔王：「說曹操曹操就到......」
曹操：「魔王......你叫我幹嘛......」
魔王：「哇勒......看到鬼」
鬼：「靠！被發現了......」
靠：「阿鬼，你看的到我喔......」
魔王：「Oh，My God！」
上帝：「誰叫我？」
誰：「沒有人叫你阿......」
沒有人：「我哪有？裝蒜啊！」
蒜：「誰在裝我？」
誰：「又說我？你們找麻煩啊？」
麻煩：「哪一個找我？」
哪一個：「找你？我才沒有......咦，這兒有好多人......」
好多人：「我才剛到耶......你是誰？」
哪一個：「我才不是誰。」
誰：「他才不是我。」
公主：「大家都是來救我的嗎？」
大家都：「我不是來救你的，是來看熱鬧的。」
熱鬧：「我有什麼好看的？」
上帝：「不關我的事，先走了。」
魔王：「你回答一個問題再走，為什麼這麼多人救公主？我這個魔王怎麼演下去？」
下去：「你好好的魔王不幹，演我做什麼？」
公主：「魔王若是沒有人演，我就可以走了。」
沒有人：「若是我演魔王，怎麼會讓你走......」
怎麼會：「我才不讓公主走，我要看熱鬧。」
熱鬧：「看我幹什麼？」
什麼：「你居然要『幹』我？流氓！」
你居然：「我哪有？」
我：「關我什麼事ㄚ？」
魔王：「靠！我要瘋了............。」
靠：「喊我幹什麼！......」
瘋了：「你要我幹啥？」
你要我：「我什麼都不知道ㄚ！」
我什麼都不：「我哪知啊！」
我哪知：「我在這裡ㄚ！有人在叫我嗎？」
有人：「我沒有叫你啊！」
我沒有：「誰叫他了啊？」
誰：「冤枉啊......我沒有......」
我沒有：「我可沒冤枉你啊......」
你：「諒你也不敢。」
諒你：「誰說我不敢！？」
誰：「拜託啊......我什麼都沒說啦」
我什麼都沒：「你要我說什麼？」
我什麼都不：「......你......你不就是我那失散多年的兄弟嗎？」
我那失散多年的兄弟：「拷......我名字取這麼長......也會被叫到啊......」
誰：「......我要趕快離開這個是非之地」
是非：「原來這裡是我的地盤啊......」
我什麼都不 & 沒：「你們別吵我們在講話啦......」
你們別吵我們：「我沒有在講話啊......」
我沒有：「我才沒有講話咧！......」
我什麼都不：「-_-"......走......我們到外面去聊......」
走：「人家不好意思啦......(扭捏)」
我什麼都沒：「關你屁事啊......閃啦......」(兩兄弟生氣的走出去)
關你屁事：「嗚......為什麼趕我走......」
為什麼：「我沒有要趕你走啦......乖......不要哭」
我沒有：「喔......又關我啥事了」
關我啥事：「啥？有人叫我嗎？」
有人：「誰要叫你啊......」
誰：「我真的要走了......T。T」
走：「人家真的不好意思啦......*V。V*」(\\\"誰\\\"不支倒地)
關你屁事：「......你不是我表妹嗎？」
關我啥事：「......表哥......好久不見啦......」
好久：「我不是在這裡嘛......」
魔王：「你們有完沒完？」
完沒完：「他才沒有我」
你們：「我才沒有他」
我才：「誰說的？」
誰：「叫我幹嗎？」
嗎：「你居然要幹我？」
你：「我才不會幹他」
我才：「誰說我不會？」
誰：「冤枉！我沒說。」
說：「叫我幹嗎？」
嗎：「你們倆真不要臉！」
你們倆：「我要！我要！」
臉：「誰要我？」
誰：「我不要啊！」
魔王：「快一點，再說我可要攆人啦！」
人啦：「趕攆我？找K」
K：「誰找我？」
誰：「aaaaaaa！別提我的名字，再提我也K他！」
他：「別K我！」
我：「誰要K我？」
誰：「終於讓我逮找一個啦，殺呀......」
一個啦：「別逮我~~」
我：「我也受夠啦，誰再提我的名字，我決不放過你！」
誰：「看我的降龍十八掌！」
我：「看我的九陰白骨爪！」
降龍十八掌：「我有什麼好看的？」
九陰白骨爪：「我有啥好看的？」
什麼好看的：「兄弟，我終於找著你啦！」
啥好看的：「哥，咱出去聊。」
魔王：「媽的......這是認親大會啊......」

從此以後，魔王真的得了精神分裂症。

>>January 22, 2005 at 9:50:05 PM GMT+8

2005 年 1 月 20 日 星期四 【晴】

1793年1月21日　法王路易十六被送上斷頭台
1870年1月21日　俄國傑出的哲學家、思想家、作家赫爾岑逝世
1924年1月21日　列寧逝世
1934年1月21日　中華蘇維埃第二次全國代表大會召開
1936年1月21日　「愛江山還是愛美人」——英王愛德華八世的痛苦選擇
1937年1月21日　抗日紅軍大學易名抗日軍政大學
1949年1月21日　蔣介石宣佈引退
1951年1月21日　阿爾卑斯山發生巨大雪崩死亡329人
1954年1月21日　世界第一艘核潛艇——「鸚鵡螺」號下水
1960年1月21日　人類第一次將動物送入太空
1976年1月21日　毛澤東提議華國鋒任國務院代總理並主持中央日常工作
1977年1月21日　西藏昌都地區首次發現恐龍化石
1991年1月21日　周培源獎用金設立
1996年1月21日　北京西站開通運營
2002年1月21日　援阿重建國際會議開幕

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
鐵了心要讓自己難受
還是捨不得.........
倒好, 用不著為自己的行為胡思亂想, 妄自猜度

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
約左謝聽日睇《Closer》
睇完先去睇「歡樂的小恩」
謝睇完《功夫》問我睇唔睇
由於見佢就快 delete, 最後都係忍唔住睇
一邊睇《功夫》一邊同 Larissa chat
佢好似好驚訝我可以咁做

由於係周星馳出品既關係, 佢無睇
主要黎講, 我都無睇
聽先係最緊要
果然好多歌聽

原來送鐘打火雲邪神果幕出《英雄們戰勝了大渡河》
難怪咁多人聽完唔覺啦
視覺效果蓋過聽覺效果
唔細心都差 D 錯過左

整整下先發現聽日原來唔係四點半放學
而係三點放學
原因係下晝既英文堂淨係要畀人 Con
約左謝 1730 響沙田
好似要等好耐咁喎
> . <

卒之遲到啦
回復 Sem A 既頹
唔好呀！！！
> . <
好彩無上堂訓覺
仲聽得明 Lecturer 講乜
總算無 side 晒 D 學業

同 Jack 食左一陣飯
響五樓有檯既地方睇左一陣書
順手望一望佢 D notes
居然睇出興趣來
由於今年無揀佢果科
於是叫佢 send D notes 畀我睇下
以補本身既不足

兩點半畀人 Con
主要講番上次做既野
超唏噓
應該要開始發力啦~~

返屋企休息
原本雄心壯志埋左隻曲既尾
結果變左做《三國十》
集中力低得可怕

五點鐘身處地車
收到謝打黎既電話
佢叫我幫佢買定飛先

買完飛, 諗住去大眾行一陣
但係行到附近先望到大眾搬左
要行返去尚書房睇書

等到謝黎到
一齊去惠康買野食
買左一罐品客 + 兩支 1.5 L 既蔘蜜

《Closer》真係幾好睇
對白到肉, 敍事手法不俗 (係臨尾唔太鍾意佢既時序飛來飛去, 太造作)
係就係有裸露鏡頭, 不過劇情需要 (總好過《Alexander》)
加上對人性有少少諷刺性既揭露 (唔深入, 但係足夠)
最好笑係 Jude Law 扮女人同 Mike Nichols 既 icq sex
超過癮

全場最好笑既位唔係劇情
而係睇到臨尾時既一個位
全個院得一個男人無啦啦大笑
其他人 DM 左兩秒之後瘋狂爆笑
笑到我同謝收唔到聲

睇睇下達人打黎
第一次聽既時候佢無回應就收左線
叫謝 send SMS 畀佢
打左一半佢就打畀謝

徹底消滅左 1.5 L 既蔘蜜 + 薯片
謝就只能消滅一半既蔘蜜
不過兩個既新陳代謝都非常正常
結果睇完戲就飛奔去商場洗手間

搵埋去左「牡」食飯既達人
一齊行去沙田大會堂文娛廳
去到就見到肥仔江
一見面佢就話：
「果然係 YCO 唔使返！」

今日既表演麻麻
有支生 Cancer 既笛 (永世都高半至一度)
有支好「郭雅志」既嗩吶 (吹果時個樣好似, 當然, 質素真係麻麻)
有好幾個唔夠聲既 Soloist (點解唔加咪？？)
仲有一支「靈感驅逐者」既管子 (全程都唔 arm 音, 但係佢吹得好興奮)

點解叫「靈感驅逐者」？
原因係我想利用果段時間埋我隻曲既尾
結果一諗到 D 野佢支管就大大聲吹一個唔知 sharp 左幾多既音出黎
同樣情形發生左唔止一次
成功驅逐到我構思織體既靈感
> . <

畀左 $ 30 入場
聽到呢 D 咁既質素既表演
係咪應該叫大會找番 $ 28 畀我？？
好彩佢無申請政府 funding
否則藝發局既人聽完之後一定唔批是次表演既資助

聽完去「牡」食飯
不斷「丹丹化」(dandanlization) 我既詞彙
成功令達人無應
呵~~~

沙田學生卒之捨得搵我
之前聽緊 concert 唔得閒同佢講
一邊買野食一邊同佢約時間
美滿既放假生活又告終結......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1924年1月21日　列寧逝世

列寧是第一個社會主義國家的締造者
他原名弗拉基米爾-伊裡奇-烏裡揚諾夫，列寧是他的化名。

列寧於1870年4月22日出生在俄國伏爾加河畔的辛比爾斯克
父親是一位具有民主主義思想的教育活動家
哥哥亞歷山大因參加謀刺沙皇而被處死。
在家庭的影響下，1887年秋列寧進入喀山大學法律系學習
然而，不久他就因為參加學生運動而被學校開除，遭到逮捕和流放。
第二年，回到喀山後，他開始研究馬克思的《資本論》和普列漢諾夫的著作。
1892年，他又開始籌建馬克思主義小組，並將《共產黨宣言》譯成了俄文
還寫下了第一本著作《農民生活中新的經濟變動》。
這時的列寧已由一個革命民主主義者轉變為一個共產主義者了。

1895年，列寧在彼得堡創立了彼得堡工人解放協會。
這年年底，他再次被捕入獄，14個月的獄中生活後，又被流放到西伯利亞。
在西伯利亞的3年中，他開始使用「列寧」這個化名
寫出了《俄國資本主義的發展》一書，並與另一位革命者克魯普斯卡婭結了婚。

1900年2月，列寧在西伯利亞的流放結束，回到彼得堡後不久轉赴西歐
在德國創辦了第一張俄國社會民主工黨的機關報《火星報》。
1903年7月30日，俄國社會民主工黨在布魯塞爾召開代表大會
會上形成了以列寧為核心的布爾什維克，布爾什維克的意思是多數派。
布爾什維克及其思想體系的產生，標誌著列寧主義的形成。

1905年11月，俄國資產階級民主革命爆發後
列寧回到祖國直接領導革命，並提出了無產階級政黨在民主革命中的策略。
12月，莫斯科武裝起義失敗，列寧又開始了長達十多年的第二次流亡生活。
在此期間，他寫了《唯物主義和經驗批判主義》、《馬克思主義和修正主義》等一系列著作
使馬克思主義得到了全面的發展。
第一次世界大戰爆發後，列寧又提出了「變帝國主義戰爭為國內戰爭」的口號
闡明瞭社會主義可以在一國或數國首先勝利的理論。
1917年3月，沙皇政府被推翻。
聽到沙皇垮臺的消息以後，列寧立即返回俄國，積極準備發動武裝起義。
在列寧的領導下，俄國人民終於取得了十月社會主義革命的勝利。
這一偉大勝利開闢了人類歷史發展的新紀元。

革命勝利後，列寧當選為第一屆蘇維埃政府主席
他領導人民粉碎了帝國主義的三次武裝進攻和國內的叛亂
使蘇俄的經濟建設逐步走上了正軌。

列寧在晚年患了腦溢血症，但他在病中仍口授了《論合作制》等文章和信件。
列寧的全部著述達55卷，所以有人說他是一位多產的作家。
1923年，列寧病情開始惡化，第二年不幸與世長辭，終年54歲。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Are you bored with life?
Then throw yourself into some work you believe in with all you heart, live for it, die for it,
and you will find happiness that you had thought could never be yours.

Carnegie, Dale (1888 – 1955 American Author Trainer)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
《麥兜金句錄》

1）情人眼裏出雞絲
2）不在乎天長地久，只介懷曾經碌藕
3）癩蛤蟆想食豬頭肉
4）兩情若是久長時，又豈在豬豬肉肉
5）此處不頭痕，自有頭痕處
6）不豬者「畢」飯
7）大難不死，必有鑊粥
8）臀結實是力量
9）三人行必有豬頭
10）一豬還有一豬兜
11）從小便養成閱讀習慣 (留意...係「小便」)
12）肉不琢，不成餅
13）有情人終成扣肉
14）情人眼裏出豬兜
15）月亮代表我雞心
16）情比金咭
17）在天願作比翼鳥，在地願在連尾豬
18）別是一番滋味在豬頭
19）多一事不如小一便
20）一分豬頭，一分揹鑊
21）多勞多撻
22）得鋤人處且鋤人
23）頂人雞心不可有，防人豬肺不可無
24）一日三揪
25）一理通，拍你頭
26）聞雞起筷
27）教不賢，豬之過
28）讀萬卷書不如含萬里望

葡撻篇：
29）百年好合，永結葡撻
30）學無前後，滑者葡撻
31）人無遠慮，必有蛋撻
32）留得青山在，那怕沒葡撻
33）一言既出，四個葡撻
34）本來無一物，何處食葡撻
35）但願人長久，千里共葡撻
36）有福同享，有難葡撻
37）一串光陰一個撻
38）好漢不吃眼前撻
39）天有不測之風雲，人有霎時之蛋撻
40）人生自古誰無死，留取丹心墊蛋撻

>>January 21, 2005 at 5:01:58 PM GMT+8

2005 年 1 月 19 日 星期三 【晴】

1861年1月20日　清設立總理各國事務衙門
1892年1月20日　最早發現放射性的人——貝克勒爾
1924年1月20日　中國國民黨第一次全國代表大會召開
1934年1月20日　偽滿實行帝制　溥儀又當皇帝
1941年1月20日　中共重建新四軍軍部
1953年1月20日　美國第34任總統艾森豪威爾就職
1955年1月20日　中國與阿富汗建交
1961年1月20日　美國第35任總統肯尼迪就職
1961年1月20日　中共中央關於調整國家管理體制的暫行規定
1969年1月20日　美國第37任總統尼克松就職
1974年1月20日　西沙群島自衛反擊戰
1975年1月20日　美最大的汽車生產商削價銷售汽車
1977年1月20日　美國第39任總統卡特就職
1992年1月20日　中國與白俄羅斯建交
1993年1月20日　克林頓入主白宮
1998年1月20日　第八世夏茸尕布活佛轉世靈童認定

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早畀電話嘈醒 (查實係十點)
係 Jack 打黎
佢問我今日響邊度上堂
一點半先上堂, 使唔使咁早就打黎呀~~~

唔係好記得發生乜事
總之聽完就繼續訓
訓到十二點半先醒
豬人生活

點半鐘上堂
無備過課, 不過都睇得明份 notes 講乜
無他既
Econ. 嘛~~~~

睇著 D 人連 Demand 同 Supply 都唔明既同學
卒之明白乜野叫「屈機」
不過呢 D 係暫時既現象
要持續地屈機, 努力係必要既
要努力

上星期壞電腦
今日就壞 projector
到底係間房邪？定係果堂邪？

由於太淺
無聽過書
KO 完一本書又睇過另一本
粉得很

上完堂同 jack 去食下午茶
食完落 CSC print notes
一次過 print 番成兩個星期都無 print 既 notes
真辛苦

print 完順手作左陣曲
主要都係補番 D 之前諗左又未寫既野
對於仲未可以完成首曲, 又諗諗就快夠期
> . <

上 Modern Architect
好多人上
不過都幾多唔係本科既人上
上上下忍唔住訓左陣
仲流口水添
=.=

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1861年1月20日　清設立總理各國事務衙門

清朝為了辦理洋務和外交事務
於1861年1月20日（清咸豐十年十二月十日）
在北京設立了總理各國事務衙門（簡稱「總理衙門」、「總署」、「譯署」）
任命恭親王奕譏為總理各國事務衙門的首席大臣
它的職責是：
1. 辦理外交事務
2. 派出駐各國的公使
3. 兼管通商、海關、海防、訂購軍火
4. 主辦同文館和派遣留學生等項事務
5. 管轄三口通商大臣（1870年改為北洋通商大臣）和五口通商大商（1866年改為南洋通商大臣）。

同時任命大學士桂良、戶部侍郎文祥為總理衙門大臣
命崇厚為牛莊、登州、天津三口通商大臣
命欽差大臣江蘇巡撫薛煥兼辦上海等處通商事務。
總理衙門成為凌駕於六部之上的重要決策機構。

1901年改組為外務部。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最緊要好玩
曲：許冠傑　詞：林振強

人其實天生奔放貪玩　原沒有拘束只有笑顏
悲觀我唔慣　追趕太陽似子彈
乘坐穿梭機打個空翻　雲霧裏縛起雙腳跳欄
威風似神探　追"�愛神眼不眨

我願抬著午夜明月對你單眼
星光之上扯起帳蓬與你浪漫
我願停頓宇宙凝望你那雙眼
使你無從忘掉這　魅力先生

乘坐穿梭機打個空翻　雲霧裏縛起雙腳跳欄
追"𧘇荈坏h　不准太陽早交更

我想踩三輪車　登陸月球賣牛腩飯
其實開心好簡單　最緊要好玩

其實我天生奔放貪玩　唔恨有獎品只要笑顏
不須有人讚　只須我仍覺好玩　

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
http://www.theskeletonshop.com/

幾好玩既 game
儘管玩得好差

>>January 20, 2005 at 3:40:13 PM GMT+8

2005 年 1 月 18 日 星期二 【晴】

1736年1月19日　著名科學家瓦特誕辰
1839年1月19日　「立體畫派」的誕生
1903年1月19日　馬可尼成功完成連接美、英首相熱線的無線通訊
1904年1月19日　著名人類學家裴文中誕辰
1917年1月19日　英國截獲德國電報激怒美國參戰
1926年1月19日　國民政府軍事委員會任命蔣中正為中央軍事政治學校校長
1929年1月19日　中國思想界大師梁啟超病逝北平協和醫院，享年57歲。
1931年1月19日　聯合國副秘書長明石康誕辰
1946年1月19日　遠東國際軍事法庭成立
1949年1月19日　俄國作家綏拉菲莫維奇逝世
1953年1月19日　破獲中共在台殘餘組織
1960年1月19日　美日簽訂安全條約
1966年1月19日　甘地夫人當選印度總理，成為世界上第二位女性總理。
1967年1月19日　女音樂指揮郭美貞獲國際音樂比賽指揮獎
1968年1月19日　立法院三讀通過「九年國民教育實施條例」。
1968年1月19日　美國核子航空母艦停靠日本軍港
1972年1月19日　台北與日本東京間衛星通信開始啟用
1975年1月19日　人民日報報道我國有近1000萬知識青年上山下鄉
1977年1月19日　銀河系以外宇宙發現「水」，宇宙間可能有生物存在。
1978年1月19日　德國福斯公司停止生產暢銷42年的金龜車
1979年1月19日　韓國總統朴正熙向北韓提議召開北韓統一會議
1982年1月19日　埃及與以色列簽訂歸還西奈半島的條約
1988年1月19日　由台灣組織的第一個台灣返鄉探親團抵達北京
1995年1月19日　俄羅斯軍隊攻下冀圖獨立的車臣總統府

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
成日都遇到 D 講一半唔講一半既人
今次輪到卡卡
又係一句：「講左都係唔明」
唔講, 又點知明唔明呀！！
最後尾都係靠估
.......

同 Larissa 傾左一輪
強烈既「少女不識愁滋味」
青春真好
不過同佢傾偈都幾開心
起碼佢可以令我有番少少回到過去的感覺

幫 Vanessa 聽幾個內地廣告
佢 FYP 要做廣告既野
不過有 D 地方聽唔清楚
佢知我識聽普通話之後就叫我幫手
真係好難聽
有 D 到最後唔係聽到, 而係諗到 (即係估)

今日好乖, 無打機
但係吽左好耐先打日記
搞到接近五點先去訓
同平時無分別
=.=

一點半先起身
dayoff 真係高興
不過今日走左去剪髮
名義上係剪, 實際係去鏟
就算煩惱去不了, 去掉些煩惱絲也算是還了利息
就係咁, 又變番一個無乜頭髮既我啦

過北角補習
做幾條數就做左兩個鐘
應該要操佢計快 D 先得咯
不過佢都算好架啦
之前唔識計既, 宜家講完都明點做
但係咁好似未夠佢合格喎.....

返左屋企 hae 一陣
同飯後休戰既 Larissa hae 左一陣
內容主要圍繞佢響日記話失望既事
呵呵~~~~
4 磅o者
食塊大塊 D 既牛扒就多左架啦~~~

返 poly 練 Acappella
聽得出比一開頭練好左好多
不過仲未夠去表演
出露天地方就一清二楚
走音走左半度至一度咁離譜都唔覺
> . <

卒之派左《最緊要好玩》
有得唱 solo 位
^ ^
不過 Sam Hui 既音域比我高
所以要練一練先得

要快 D 起貨畀肥婆先得

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1946年1月19日　遠東國際軍事法庭成立

1946年1月19日，遠東盟國最高統帥部根據同盟國授權
公佈《遠東國際軍事法庭憲章》，宣佈成立遠東國際軍事法庭，在東京審判日本戰犯。
遠東國際軍事法庭
由中國、蘇聯、美國、英國、法國、荷蘭、加拿大、澳大利亞、新西蘭、印度、菲律賓等11國代表組成。

1946年4月29日由11國檢察官組成的委員會向法庭提出起訴書。
5月3日法庭開庭宣讀起訴書，對先後被逮捕的東條英機等28名甲級戰犯進行起訴。
起訴書以無數鐵的事實和罪證
控訴日本法西斯在「大東亞共榮圈」等幌子下對中國、東南亞各國人民所實行的極其殘暴的統治。
法庭起草的《遠東國際軍事法庭判決書》長達1200餘頁
對日軍侵華、南京大屠殺、日軍在太平洋戰爭、在東南亞的罪行進行了控訴。

法庭從1946年5月3日開庭，到1948年11月12日，審訊歷時兩年零5個月
開庭818次，最後對28名甲級戰犯進行了審判。
東條英機、土肥原賢二、廣田弘毅、板垣征四郎、本村兵太郎、松井石根、武籐章七人被判處絞刑。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你試過失去重要的東西嗎？

當你失去一些重要的東西時，第一個反應會是什麼？接著的反應又是什麼？
其實當人面對自己即將喪失一些重要的物件、人物、關係
甚至是身體某部份或生命時，都會有一系列的心理反應。
雖然不同學者有不同的說法
但我個人比較喜歡Kubler Ross的那一套悲傷過情 (Grieving Process)。

舉個例子，例如你的伴侶突然拋棄你，你其中一個反應會是否定 (denial)？
「沒可能的！你為什麼要走？」

或者是忿怒 (Anger)？
「你這個賤人！！」

又或者會這樣討價還價 (bargaining)？
「為什麼你之前不告訴我？給我多一次機會，我會為你而改的！」

會抑鬱 (depression)？
「...............」

還是會立即接受 (Acceptance)？
「要走便走吧，雖然我很愛你，但你不要我是你的損失，亦為萬民帶來新希望！」

這五大反應，其實並沒有固定的次序，亦不是「有你無的」的。
他們既可以同時存在，亦可以不斷互相改變，但最終的目標都是......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
愛情精神病

每次談戀愛，都好像思覺失調 (Psychosis) 了一次。
而戀愛中的每一個階段，用不同的精神病病徵來形容也很貼切。
但大家都沒被送入精神病院的原因，也許是這種精神實在歷史悠久
而且全世上有太多人同時一齊發病，建多少間精神病院也沒有用。

───────────────────────────────────
Obsessive-Compulsive Disorder (強迫觀念和行為)

初初喜歡上一個人時，不知由何時開始
腦海中便會情不自禁地不停想著對方的一舉一動，一顰一笑
即使覺得不合理不恰當，也明知道會影響日常生活又浪費時間；
只是，思念中卻是帶著甜蜜，越想壓抑卻又無可奈何。

───────────────────────────────────
Panic Disorder (驚恐症)

緊張的情緒，由等待對方出現那一刻，便開始慢慢增加；
若有機會靠近自己喜歡的人
雖然已盡量步步為營，但緊張的心情仍是一下子升到頂點
心跳自然加速，透不過氣來，手震出汗之餘，又口窒窒語無倫次。
有時甚至會覺得自己很無用，表現很差，理智極度混亂。

───────────────────────────────────
Bipolar Disorder (Manic-depressive illness) (狂躁抑鬱性精神病)

到正式戀愛後，情況未必會轉好，情緒會變得更不穩定，因著對方的反應而大起大落。
關係低沈時就如抑鬱症般 (depression)，做事不能集中精神，自尊心下降
不知自己做錯了什麼，天天失眠沒胃口，對其他所有事都失去興趣。
但一旦發展理想，就像患上躁狂症 (Mania)，發了神經般充滿了力量，自信心大增
做事做得又快又好，情緒高漲。
對方一個電話打來，無論我人在何方
即使其實已累到半死，都可以突然清醒，然後一個飛身到達對方面前。
亦會突然變得很豪氣不斷花錢買禮物和裝扮自己，以取悅對方。

───────────────────────────────────
Post-traumatic Stress Disorder (創傷後壓力失調)

至於失戀後，就好想忘記一切，但仍會不停Flashback
甚至發夢見到分手的情景，見到任何類似有關的事物也會勾起相戀的回憶。
其實我認為失戀是要放病假的
因為我會全身無力，工作能力和態度也大打折扣，極度危害病人的健康
只想一天廿四小時賴死在床上養傷，睡到迷迷糊糊什麼都不去想。

───────────────────────────────────
Conversion Disorder (轉換反應)

雖然我很熟悉人體的結構，但我也不明白，為何明明腦部和心臟沒直接關係
我一回想起當初甜蜜戀愛的片段，心臟的位置，卻會隱隱地酸痛
這實在是理智和科學也解釋不了的事。
雖然，很多科學家愛說大腦只是個化學工廠，愛情只不個是化學反應
但我實在不願意接受這毫不浪漫的說法。
我承認自己年紀漸大，也經歷過一些戀愛
即使痊癒了，也是真的較難去開始另一段感情。
而且失戀後，總會有一段時間會耿耿於懷，覺得自己的人生一塌糊塗；
但老套地講句，時間是治療感情最好的靈藥，跌倒了始終有天能站起來。
我仍願意像個傻仔般，義無反顧一次又一次心甘情願地患上愛情精神病
因為我相信終有一天，能遇到一個志同道合的人，和我一起一生一世發病的！

>>January 19, 2005 at 4:58:17 PM GMT+8

2005 年 1 月 17 日 星期一 【晴】

1689年1月18日　資產階級國家學說的奠基人——孟德斯鳩誕生
1778年1月18日　英國海軍上校暨航海家科克，發現夏威夷群島
1871年1月18日　普魯士國王威廉一世加冕為德意志皇帝，德意志帝國建立
1903年1月18日　滿清政府發表無法支付義和團事件賠償金的宣言
1911年1月18日　黃興在香港設置廣州起義總指揮部
1915年1月18日　日本向中國提出「21條要求」
1918年1月18日　威爾遜提出解決戰後問題的14點方案
1919年1月18日　巴黎和會召開
1939年1月18日　浪漫派詩人W.B.耶茲去世
1944年1月18日　蘇軍終於解除了列寧格勒之圍
1945年1月18日　台北縣政府成立
1945年1月18日　英國首相邱吉爾呼籲德國無條件投降
1945年1月18日　揚名國際影壇的導演北野武今天誕生
1950年1月18日　中國與越南民主共和國建交
1955年1月18日　中共海陸空大舉進犯一江山，守軍浴血奮戰。
1955年1月18日　受寒流來襲影響，台灣省蘭陽平原降雪花。
1964年1月18日　嘉義地區發生強烈地震
1974年1月18日　「批林批孔」運動開始
1974年1月18日　台電決定興建核三廠
1988年1月18日　西南航空公司客機在重慶失事　108人罹難
1992年1月18日　鄧小平南巡
1998年1月18日　單國璽任樞機主教

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
久違既談無啦啦發老脾
叫我走去佢 xanga 睇
睇完佢又唔話我聽發生乜事
之後仲無啦啦 off 埋
> . <

卒之頂唔住自己既虛耗身體機能
三點就要去訓
精神鴉片看來見效了

十二點半上堂
無遲到, 仲同上次剛結交的 Jack 一齊入 lecture theatre
超難得
人家可是勤力的好學生嘛

Construction Contract 好明顯唔係容易對付既惡魔
要加把勁降服佢先得
不過連好勤力既 Jack 都忍唔住訓覺
睇黎前景都幾渺茫

上到兩點半就上完
比原定時間早一個鐘落堂
成班人去左 can 食野
「成班人」既意思係五個人 (包括我)
但係淨係識 Jack 一個
=.=

一路食麵一路回答 jack 對我中史觀既提問
一向都好有興趣同人研究
但係可唔可以唔好響我好想食完碗就快變涼既雲吞麵果陣問呢~~~

食完麵
見得閒陪佢行左一陣
佢原來今個 sem 轉左讀 BSS
聽佢既口吻, 佢講到讀 BSS 係一種好了不起既成就
仲有 D 唔喜歡佢之前讀既 CEM
乜 BSS 真係好 D 架咩？？
? _ ?

陪佢搞左陣麻煩既轉科野
之後佢去圖書館
我去火車站會合 Tim

今日 Tim 有嚴重既語障
例子如下：
我：你宜家響邊呀？
Tim：我響九龍塘地鐵站。你呢？
我：剛出 city, 我地去邊度睇戲呀？
Tim：旺角新世紀咯！咁一係我宜家出閘等你啦。
我：唔使呀嘛！我響月台搵你啦！你響邊呀？
Tim：火車站咯！
我：火車站定地鐵站呀？
Tim：火車站......
我：ber......咁你做乜要出閘呀？
Tim：去新世紀睇喎~~~
我：咪係咯！搭火車順路呀！
Tim：講錯！出火車先係
完全滴汗
兩重語障

去睇《Alexander》
講真, 真係幾失望
成齣戲得兩個位好睇
第一個係 Alexander 同大流士打既伊索斯戰役
另一處係講佢同羅珊響床上打架
不過 D 裸露鏡頭查實要唔要無大關係
唔明點解無啦啦要咁做

對奧利華史東好失望添
比起《Troy》真係差好遠
起碼成個故仔都完整 D
由套戲一開頭既敍事手法就唔鍾意
內容大談同性戀, 對亞歷山大無乜好深刻既描繪
字幕質素又差 (基本上同 Tim 都辛苦到直頭唔睇字幕, 太差啦~~~)
三個鐘 + 咁多悶場都幾辛苦
Tim 仲忍唔住睇睇下去左「解放」

睇完 Tim 再度「解放」
打番畀睇睇下戲打畀我既一
乜佢唔係飛左去美國啦咩？

七點半約左 U6A ReU
結果仲響太子
搞到 Tony 勁憤怒
點估到齣戲會放三個鐘蚊咩~~~

響尖咀行左成個鐘搵到食乜
其間去過既食肆計有：
「滿江紅」(執左好耐, 新名唔記得)
三間 K (有一間仲要執左)
巴西燒烤, 明洞屋......
最後居然由半個女人操縱左成班雄性動物
> . <

去左上海菜館食
話就話 ReU
但係得八個人出席 (一, 我, Tim, Tony, 肥 Patrick, Rocky, 祺, 女人)
好多人都冇約到，好似鴨咀, 徐振邦, Leo, 汪汪
有 D 人就到唔到, 好似圈
埋單位位一百

一個人行返屋企
行行下諗番起《Alexander》有 D 野都講得 arm
偉人係孤獨既
不過唔單止係偉人, 凡人總是孤獨的
只係偉人可以將佢既夢想征服, 然後承受無人了解的不斷構建夢想而孤獨；
凡人就為不能征服的幻想默哀

遊想至此
驚覺精神鴉片藥效過了

歸家
望著自己作既曲發呆
曲跟自己彷彿成了整體
不斷的迴圈
那時夢醒才好？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1871年1月18日　普魯士國王威廉一世加冕為德意志皇帝，德意志帝國建立

以普魯士為中心，通過三次王朝戰爭建立的統一的德意志國家。
19世紀中期的德意志，有的個邦和自由市
其中最強大的是普魯士和奧地利，它們不斷爭奪領導權。
普魯士的經濟最發達，是德意志的工業中心，同歐洲市場緊密聯繫。
資本主義經濟的發展要求統一，又為統一提供客觀條件。

1862年，俾斯麥任普魯士首相，推行「鐵血政策」來統一德意志。
1864年，普魯士聯合奧地利打敗丹麥。
結果，石勒蘇益格屬普魯士，荷爾斯泰因屆奧地利。

1866年，普魯士挑起對奧地利戰爭。
普軍在薩多瓦戰役中獲得決定性勝利，取得荷爾斯泰因
把奧地利排擠出德意志，成立北德意志同盟，完成了統一事業的大部分。

1870年7月19日爆發普法戰爭，法軍敗北。
南德意志的巴伐利亞、巴登、符登堡、黑森——達姆斯塔德加入德意志聯邦
德國完成統一。

1871年1月18日，普魯士國王威廉一世在法國凡爾賽宮加冕稱帝
宣告成立德意志帝國。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一連串的捨不得
令本已疲累不堪的我心力交瘁
明白要釋放自己, 先得要放下眷戀
但
做不到

等值得等的, 值得
等不值得等的, 不值得
想等, 但明知等也只是沒完沒了的空勞牽掛
為了什麼？

被制約的心靈依舊麻木
不是對事物無所留戀
是被那唯一的纏著鎖緊
放開不得, 也不想放開
就讓那伊甸園的古獸把我纏繞到死吧

癮君子, 偽君子
君子的面具勒得我很緊............
自問不是君子
但現在面對現實時, 非但君子異常
甚至變成了迂闊的老儒

就在這時
我還想多吸幾口鴉片

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
征服者

亞歷山大大帝和耶穌均死於33歲

一個是為自己活、為自己死；一個是為你、我而死
一個死於帝王的寶座上；一個卻死於十字架上
一個的一生似乎充滿勝利；一個卻彷彿一無所有
一個領軍千萬；一個卻孤獨前行
一個血洗全世界；一個卻獻上自己的血
一個征服了所有帝國；一個卻征服了所有墳墓
一個將自己變成神；一個從神降卑為人
一個使人成為他的奴隸；一個釋放人得自由
一個贏得世上一切，卻失去天上所有；一個捨棄一切，所有卻全都歸他

亞歷山大大帝和耶穌均死於33歲，
一個永遠地死了；一個卻永遠活著。

>>January 18, 2005 at 7:07:09 PM GMT+8