2004 年 8 月 29 日 星期日 【晴】

台灣之旅第四日
上唔到 Showhappy 既第五日

台灣之旅卒之完結啦
好唔捨得
但係連開都學左
仲唔返學, 唔通想唔讀！？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早起身
今日係最後一日響台北
十一點三就要由酒店出發
所以要買野就要趁早

起身沖涼梳洗
早餐係白粥
本來係自助早餐
但係我同一都唔係好舒服
最後都係揀 D 無咁油膩既野食

食完白粥就出發
首先係去西門町陪黃蜂買野食做手信
買完就輪到佢地陪我去「港智」睇之前我心郁話想買既琴
行到試左好耐
搞到就夠鐘先至毅然同工作人員話買琴

28 號驟眼望過價錢
見到係 $ 4,500
同個工作人員話畀現金之後, 個工作人員好合作地話會打 9 折畀我
之後講左個價錢出黎
$ 40,500！！！！！
嚇我一大跳
睇番個價錢
原來我睇漏左個零, 原價係 $ 45,000
> . <

好唔好意思地同工作人員講話自己睇錯
然後帶著佢地三個連跑帶滾地落荒而逃
瘀死.................
不過點都唔會因為怕瘀而買果個琴既
完全物非所值

為左補償欺騙三個茂利既時間
請佢地搭的士返飯店
返到飯店已經過左十一點三
有好多團友執晒 D 行李響大堂呆等
四個人完全無懼地悠閒上房執野

施施然執完野落大堂
旅遊車都未到
所以話唔使咁早執野係 arm 既~~~~

旅遊車卒之趕到
去維格餅店拎之前預訂左既食物手信
順手拎預訂左既鴨舌

前往桃園中正機場
正是「強仔」「收數」之時
佢好強調定額小費唔係佢袋
只有大家隨緣樂助既佢先有得袋
果然呃到唔少人
就連我同謝都夾份畀佢呃左五十蚊

臨去機場前「強仔」又帶我地去多一個呃錢既地方
一個類似農莊既消費點
望著某 D 一家大細黎玩既團友捧著一袋二袋「戰利品」上車
突然覺得原來要氹人畀錢係一件好容易既事
點解 D 團友會變左做一種叫「羊祜」既生物？
「旅行效應」實在害人不淺...........

卒之去到機場
搞左一陣就同「強仔」話別
未夠鐘入閘, 響機場外既書店閒逛
謝順手買左架車仔畀佢鄰居既小朋友

響禁區鋤 D
通常我地做 D 好既野時, 一定會鋤幾舖
正所謂「力一力, 更積極」嘛！
換言之呢次旅行都好健康
起碼我地都係玩左十幾舖咁大把O者~~~

趁早上機
可以趁早擺低行李之餘, 又可以拎想睇既報紙
畀謝老屈左同佢調位
原本佢要坐我地前面一行, 變成我坐前面
一同黃蜂就坐機側, 同我地隔住一條走廊
好彩坐左一陣就坐番後一行, 同謝一齊坐

飛返香港
第一件事就打返屋企報平安
奈何居然打唔通
無奈~~~
阿一收到老拎黎左機場接佢機既消息
成個人精神晒
仲健步如飛地行出禁區
絕對係「有異性, 無人性」既典範~~~

無見幾日, 老拎好似又肥左
費事望著佢兩個咁眼寃, 所以同謝行上前線搵車搭
結果搵車失敗
問人先發現要去既巴士站正確位置

去東涌食野
老拎要補習既關係要走先
一就送佢走
我地去東薈城 food court 等佢黎到先叫野食
想返家食飯, 所以只係食左少少野就算

打畀神, 佢同人行緊街
同佢講聽日拎 D 鴨舌畀佢
閒 hae 左一輪就話今晚再聯絡

返家就開始瘋狂還日記債
但係上唔到 showhappy 個網
無奈
@ _ @

問番人今日開學事宜
順手跟番之前幾日無跟進既野
咁就搞到兩點幾
因為無奈 + 唔舒服 + 眼訓
無聯絡到神就走左去訓
^ ^ "

>>September 1, 2004 at 3:33:09 PM GMT+8

2004 年 8 月 28 日 星期六 【晴】

台灣之旅第三日
上唔到 Showhappy 既第四日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十一點幾返到酒店
休息左一陣出酒店買野飲
再回酒店 hae 一陣就訓
實在太攰啦, 連日記都無寫

晨早又要起身
今日又係我接 morning call
但係同房既一 (第一日同謝同房, 之後都係同一同房) 都係早起過我
> . <

起身既時候都有 D 唔對路
個人好似唔係好舒服
果然........

尋日無去到既「活力水上 SPA」
今日卒之要去
帶左泳褲潛鏡, 但係無帶泳帽
結果都係夾硬被屈廿蚊買泳帽
@ _ @

去到居然係一個泳池！！
激死！！
勁唔開心地游左幾個塘
之後周圍走去睇下有乜好玩
玩左一陣小朋友玩既兒童池
又走去玩按摩池
玩到咁上下走左去蒸自己
蒸完就三溫暖
最後以浸醃自已完成水中既旅程

去食石頭火鍋
真係食唔落
知道自己食滯左
仲有少少肚疴
鬼咩！平時食野都係食七成飽
今次每餐唔夠八九成唔收手
加上日日食油膩野 & 飲奶茶
腸胃唔好既我當然係死梗啦~~~

去靈芝團同茶葉團
佢地既推銷遠遠不及尋日果個肥佬好
尋日尚且無上當
今日又點會例外呢？！
所以佢地無響我身上賺到一分一毫

去左號稱全東南亞最高既建築物──「台北 101」映相
行左一陣台灣探索館, 蓋左幾個紀念印落 Visa 就走
直接去行「台北 101」自由活動
行左一陣就走

無乜收獲
反而一響果度附近既開倉地方買左一對波鞋

京華城誠品書店好大好靚
不過無乜時間勾留
好匆忙地揀左本書就走

神借既書介紹忠孝路鼎泰豐少人 D 去
結果等左三個字先有得入去食
無奈
入到去好似食難民餐咁 (又食得趕, 又要好似配給咁畀人限著一人食幾多粒)
更無奈
不過最無奈係無乜胃口食野
個胃頂到好辛苦
加上除左小籠包之外, 得一個韮菜餃子入得口
其餘真係麻麻
連神推介既牛肉清湯都無品嘗就要匆匆離開
無奈~~~
> . <

由於壞車關係
無奈地去左「牡」勾留左一陣
畀三條友圍問
唔知點答好

壞左既車奇蹟地暫時好番
可以車我地返飯店
不過車完之後都係要整
響房 hae 左一輪又出發
坐左一架靚好多既車
有某 D 團員直頭講埋出口：「早知晨早應該壞車啦~~~~」

去士林夜市觀光
無乜心機食野
倒是買了些可愛的小擺設

返到酒店
涼都未沖就忍唔住訓
(普通話) 好累呀~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有時「解放」不太順利
便得努力進行「解放」
待得「解放」成功
得到暫時的紓緩
轉眼又是下一次需要「解放」的時間了..........

正如國共內戰
共產黨順序的解放了東北、華北、江南、西南、西北
才有餘力解放台灣
由於不能一舉收復台灣
以致中台至今仍是神貌俱離

曠持日久終非良策
所以還是一次過「解放」好.....................

>>August 31, 2004 at 5:22:16 PM GMT+8

2004 年 8 月 27 日 星期五 【雷雨】

台灣之旅第二日
上唔到 Showhappy 既第三日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早懶得滯起唔到身
明明 morning call 既電話全部都係我接, 完全唔使謝操心
最後居然要謝叫我先醒
> . <

最後一個食早餐
平時少食早餐, 所以無乜胃口食
就當係留肚掃街
反而一就好飢渴
瘋狂進食

四個人行動太過遲緩
居然仲慢過阿婆, 成為最遲上車既團友
畀人等既感覺真係唔係幾好

尋日同「強仔」商量今日「自我地」自由活動時佢話朝早去「活力水上 SPA」
一朝就袋住泳褲潛鏡
點知.......

出發去故宮博物館
睇左 D 印璽
由於無展覽傳國既印璽, 只係得 D 帝王隨身用既小印
所以無乜特別

四個人離團自己行, 聽到其他團既導遊好詳盡既解說
好明顯有做過功課
反之望到經常講無聊野既導遊「強仔」(黃永強, 英文名 Ray)
好無奈~~~~

之前因為行程關係
「強仔」死人都唔畀我地響參觀之前響故宮博物館前拍照留念
到參觀到一半就大鑊咯~~~落雨
全世界都無得映相
灰............

各自買紀念品
買完一齊冒雨去睇是日推介－－白菜 + 肥豬肉
唔明？？！！
唔緊要！
隆重介紹－－翠玉白菜 + 玉雕東坡肉
國寶級文物, 不容錯過
絕對係精品中既精品

因天雨關係
原先去忠烈祠既行程被迫壓後
食晏去也

惠康既台灣譯名叫「頂好」
坐車一路行就一面講住「頂...........好！」
點知食晏既地方就叫「頂廚」
忍唔住大大叫左「頂...........廚！」
嚇到「強仔」以為我好不滿去果度食晏

食完晏畀「強仔」點左去聽人「硬銷」珍珠末
佢話去完就去中正紀念堂
橫掂順腳, 就算有 D 唔願意都算數
聽完一個肥佬個人「亂」講左勁耐
一忍唔住訓左, 我就聽得好精神
唔係因為佢既內容吸引到我
係佢既講話技巧好好
抑揚頓挫, 字字鏗鏘
簡直係「亂」講界既奇才
勁呀！！！

試左少少珍珠末
一吸入口, 突然諗到 D 珍珠末似乜
咳都咳唔切
珍珠末對我既感覺, 居然有十成似骨灰！！
連謝同蜂都有同感

去中正紀念堂參觀
原則上我唔係好鍾意蔣介石
可能係睇左話多唔多, 話少唔少既歷史書
或多或少受到上一輩對佢既歧視
難免有時會感情用事, 有所偏頗

無論如何
紀念一個人絕對不用花這麼多的金錢、人力、物力
踏進中正紀念堂
給我的, 並不是一種肅然起敬的懷古幽思
倒是覺得這妄自專大的大搞個人崇拜是否太過份

說了太多歪理, 倒耽誤了觀賞的心情
誰管那些沉甸甸的歷史包袱！
這次來的主因可是要玩得盡興！！

遊完中正紀念堂
正式自由活動
去左一間叫「港智」既舖頭
無乜好野, 除左一個阮好似幾好
有 D 想買

跟住去左「中國音樂工房」
見到其他有關阮既香港都有, 仲要平 D
所以無心機買
買左三隻西樂 + 一隻二胡 CD 就走

沿著愛國東路行去西門町
話遠唔遠 (至少睇地圖唔係好遠), 話近唔近 (都行到謝腳跛咁滯)
行到西門町, 又攰又餓
掃完街先掃貨

不斷響西門町行來行去
真係有 D 無聊
唔行慣都幾辛苦
不過都睇到好多野
去旅行唔行下, 點體驗人地既生活呢？！

行到咁上下, 發現一間二手 CD 舖
行上去睇
點知居然係惡夢既開始..............
買左好多 CD
見到價錢, 雖然有 D 驚人
但係都照買, 因為驚下次搵唔到 (有幾隻碟絕左版啦！)

行西門町行到十點幾就走
之前睇神借畀我本書既地圖
我地落腳既「富都」坐落響中山站附近
所以就響中山站落車
點知行極都未行到
行到腳跛先見到領隊迎面行過 (佢去附近便利店買野)
佢話我地其實要響民權站落車！

早落左兩個站......
畀神既書欺騙左添~~~~

捧著一大袋戰利品返酒店
一經統計
嚇死！！
今日單係買 CD 既錢就接近台幣 $ 4000 (大約等於港幣 $ 1000)！！！！
好過份
但係買到自己想買既野, 自己又覺得抵
咁都無所謂既

開始覺得自己使台幣使得好爽快
平時響香港, 用少少錢就會好緊張
但係去到台灣, 一來幣值低, 二來旅行效應
所以使錢使得好疏爽
計數先覺得有 D 可怕............

要開始收緊銀根先得

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
作為一個領導人, 一生自然是毀譽參半
但過了五十多年, 當年的一切已成歷史
現在看來, 自己的看法跟黃仁宇先生倒有一兩分相像
蔣介石是在上而下的進行改革
然而事實上當時政府根本未能對廣大的土地進行實際嚴格的控制
(當時政府對地方的控制, 根本與明清時期分別不大)
說要改革, 就如空中樓閣
倒是共產黨能由下而上的重新塑造新中國
這不是說國民黨的不是
只想說歷史的進展是一直的向前發展
國民黨也好, 共產黨也好
都不能違背發展的路向

如對上述言論有任何意見
歡迎跟我討論
不過最好是看過黃仁宇先生的《大歷史不會萎縮》後再跟我談
可節省不少爭論時間

>>August 31, 2004 at 2:36:44 PM GMT+8

2004 年 8 月 26 日 星期四 【晴】

台灣之旅第一日
上唔到 Showhappy 既第二日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
05:00 就起身, 實在早得有 D 過份
早早就出門口
搭地鐵直接去機場
本來諗住響車上面訓
點知由彩虹到青衣連位都無得坐, 枉論訓覺
到我成功轉機場快綫既時候, 居然話咁快就到
連培養訓覺既情緒都未完成就要落車
:\

第一個到, 預左
一遲到, 都係預左
黃蜂早過謝到, 呢個反而出乎我意料之外
同黃蜂吹左一陣水謝先到
三個人拎左登機證 + 搞完行李寄艙, 一先到機場

唔記得指甲鉗、剪刀、萬用刀、鑰匙......利器唔可以 hand carry
一定要寄艙
好彩得謝 & 黃蜂提醒
否則實畀人當係去劫機既恐怖份子~~~~

有一既地方, 通常都會出現一個人──老拎
話佢地兩個恩愛又好, 痴纏又好
總之老拎肯咁晨早送一機, 之後又要飛返沙田練 YCO
絕對係有心既表現

尋晚應承卡卡八點半 morning call 佢
夠鐘打畀佢
佢居然仲精神過我
> . <

去大家樂食早餐
食左一個糯米雞, 不過唔係好飽
將就下啦, 一於當係留肚去台灣食野！！

入到禁區, 勁眼訓
心想離登機時間不遠, 上機先訓
打去嘈醒今朝要教琴既神
真係嘈醒左佢 (仲早過佢鬧鐘響, 佢鬧鐘響果陣嚇左我一大跳)
傾左一陣就收線, 上機去也

上機時拎左份報紙
以為係「大公報」
上到機想睇既時候, 先發現係賣無聊娛樂新聞既「大成報」
頹左........

太早上機既關係
無晏食, 得早餐
鬱悶 :\

十一點幾飛到桃園中正機場
之前黃蜂趕唔切拎 passport (佢尋日先拎到佢本 passport 之嘛)
旅行社無幫佢做落地簽證
所以當我地過左關既時候佢仲等緊搞手續
無無聊聊既我地拎完寄艙既行李就出左禁區
三條友呆等左好耐先見黃蜂同一眾團友去左另一邊集合

見到一個好可愛既小朋友
居然梳 punk 頭
可惜無映相, 浪費......

坐旅遊車去第一個景點──九份山城
話明係山城, 當然係響座山上面啦~~
「九份」呢個名既來歷好有趣
九份呢個山頭原本得九家同姓既人住
由於好似有親戚關係, 所以佢地每次派人落山買日用品既時候都要買九份
日子久了, 城裏的人都稱呼這山頭為「九份」
九份曾經係金礦, 吸引左好多人去做野
不過打從無金出產之後就蕭條左好多
原先住響山上面既礦工有 D 走左, 有 D 留低
咁就變左做九份山城咯~~~~

點幾鐘先去到九份
聽左一輪無聊既 briefing 之後就食晏
食左 D 小食, 順手買左支陶笛
三點幾又出發去第二個境點──漁人碼頭

漁人碼頭絕對係一個無聊既景點
除左望到 D 用好特別形狀整成既防波堤, 同埋一條無乜特別既情人橋
基本上無乜特別 (反而個廁所幾靚)
映左幾幅相, 虛應一應故事就走

去淡水買鐵蛋
自由活動時間行街
終於有機會行熱鬧既市區
發現間間機舖都好唔專業
居然每間都唔係純粹打機, 又有冒險樂園既射籃球遊戲, 又有得夾公仔
另一個發現係所以機舖都有打鼓機
成班敲擊人去, 咪好易「掘」機！？

搭巴士去食野
塞車塞左勁耐都未到
九點幾先到龍潭夜市
掃街食晚餐 (呢團包得三餐, 是餐自費 ~_~ ")
食左好多熱氣野
臨尾都係頂唔算, 買左盒無味既龜苓膏食
十點幾食完又搭好耐車先到桃園高球俱樂部既飯店
咁就已經十一點幾咯~~~

同謝同房
但係就吸引左一同蜂入我地房玩
鋤 D 鋤到頂唔順
三點幾就訓
連日記都係寫得一半

>>August 31, 2004 at 11:35:24 AM GMT+8

2004 年 8 月 25 日 星期三 【晴】

聽日就正式去旅行
無啦啦整個一號風球
真係好擔心
會唔會去唔成架~~~
都話唔做貴人架啦
咁咪唔使「貴人出門招風雨」咯！

希望聽日順順利利
玩得開開心心
^ ^

為又上唔到 showhappy 既網打日記而默哀
就快灰到無感覺咯
呢個日記版實在太笨啦！！！
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
明明電話響我面前
最後都係無用過
係唔想煩到人, 定係藉口？！

難得肥婆主動 hi 我
忍唔住同佢吹左好耐水
仲順手開左個網上故仔睇
搞到三點幾先去訓

尋晚好擔心自己今朝醒唔到
所以謝同 Konnie 好好人咁做左我既「人肉鬧鐘」
morning call 我
一聽到電話響就起左身
殊不知果個竟然係一個失魂電話
~_~"

聽完 Konnie 既電話就醒左
但係都係未肯離開張床
等到謝打完電話黎先捨得郁
梳洗過後, 先諗起 YCO 早上既排練時間係 09:30 – 12:30
記錯左 09:00 就要練野
早左起身
太笨啦~~~~~~
> . <

費事等巴士, 所以搭地車轉火車
好耐無試過咁早坐地鐵
有 D 唔慣
去到九龍塘火車站, 一上車就撞到 john
同佢同「車」..........
@ _ @

去到沙田都未夠鐘
陪佢去萬寧幫 Mummy 買胃藥
順手買糖食
買完去「牡」買左個薯餅先去 MO

遲到
咬著個薯餅入去
好狼狽, 同埋......
好熱~~~~~~

晨早分部練《聚集》
自己果 part 比想像中易
唔係好難 sight read O者
似乎主要既麻煩都係由敲擊既人承受
一個人要打四五樣樂器
換樂器到換到手斷~~~

分部完畢
英輝又指《西部民歌聯奏》
佢真係執得好求其
相反何生真係執左好多野
好實用
如果唔係何生執過隻歌, 英輝都唔知幾時先會執好隻歌~~

同謝, 伍先生, SMC, 老拎去沙田唯一
好蹺地同伍先生叫左同一款野食
老拎死都要等埋響 DB 教琴既一到先嗌野食
就算我地用要佢埋單呢招都失敗

John 同 Mummy 無啦啦行左入黎同我地同桌食飯
但係又要分開單
完全唔明佢兩個想點
想二人世界就唔好同我地同桌啦！！！

返到 MO 大房都未開
同謝 & 伍先生去房仔坐 (其他人同我地失散左)
響琴椅內發現二零零年 YCO tour 既場刊
望到就諗起好似好耐都無 tour 啦~~~~

坐到遲左入大房
全團夾完《聚集》就夾《紅梅隨想曲》
何生搵番佢十幾年前用過既總譜出黎用
勁耐歷史
份總譜絕對唔係人睇
又白, 又模糊
畀我睇就死梗咯~~~~

好悶既《紅梅隨想曲》
不過都有 D 野藉得記低
就係何生無啦啦叫我彈大阮
當然無咁順攤咁上當啦
叫隔離既棉花鬼彈
佢初時唔肯, 但係最後都係拎左個大阮咸彈
不過佢點都唔係好鍾意彈大阮 (怕無表演性掛~~)

五點三四先練完
一匆匆地離開, 前往學琴
我, 謝, 黃蜂 + Parcila 去完仙跡岩飲左杯野
又去商務買左一份台北地圖
為左要詳細了解謝尋晚搵到有中樂譜賣既地點響邊
再行去「牡」hae 坐

搵左好耐先搵得晒
搵到大都大晒
@ _ @

佢地有佢地搵
我搵搵下好眼訓
忍唔住眼左
訓左成個鐘先畀佢幾個叫醒
醒就佢地分道揚鑣
歸家去也

拖到凌晨十二點鐘先開始執行李
真係好過份

人人都問我拎手信
邊有咁多錢呀~~~
盡量啦

夜晚同盈盈傾左一陣
打完日記就訓
聽日七點十要 check in
九點幾就上機
唔知聽日會點呢？

>>August 31, 2004 at 11:34:00 AM GMT+8

2004 年 8 月 24 日 星期二 【晴】

準備回復正常生活既第一日
居然以遲到為開始
一日遲兩次到
絕對唔係一個好兆頭

溫故知新, 方為學習之本
──同O者喱仔吹水後驗證到既道理
老生常談
但為真理

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日同盈盈行三聯發現到本有關去台北玩樂既書
夜晚同佢通電
傾左好耐都搵唔到時間借佢本書
最後都係決定今日同佢食晏, 順手借佢本書

今日旅行社開茶會
尋日謝約左我地十一點響灣仔等
今朝一醒, 望下個鐘
十一點？！！
當堂眼都突埋
@ _ @
又遲到啦......

好彩
個鐘快兩個字既
不過都唔好得好多
正式既十一點, 我坐地鐵響鑽石山同一講我會遲到
唉........
尋日仲懶勁咁話唔會遲到添

打畀神, 佢早就醒左
話畀佢聽我遲緊到既事實
佢一路笑, 一路話唔使旨意叫我 morning call 佢
做乜喎！
一次半次唔知醒之嘛 (雖然今年好似我都試過百幾次.......)

問完黃蜂開茶會既正確位置之後
由灣仔運動場附近行番去 AXA 大廈
有 D 行回頭路既感覺
上到十三樓, 一入到房就畀三個粉友話遲到
~_~"

由於十一點九先去到既關係
聽左三個字就聽完
出房食茶點
一盡現禽獸本色
狂風掃落葉地瘋狂掃走桌上的免費小食
仲不斷地以「畀左團費」做藉口, 以掩飾自己既貪婪
我, 謝, 黃蜂三個都無眼睇

除左我之外, 其餘三個人對旅行社既袋無乜興趣
情願拎去換其他野
黃蜂仲頹到乜都唔換
結果拎左佢個袋換野
三個粉友換左唔會帶去旅行既沐浴套裝
諗住得閒去游水用

趕去觀塘拜神
等左一陣就見著佢坐小巴到達
陪佢去大快活食飯
順手拎左一張大快活去其他地方買野既優惠券

食完飯佢就去將軍澳同人夾琴
我就搭巴士返 YCO
又遲左半個鐘先到沙田 MO
=.=

行行下撞到中史劉
個死肥仔咁耐都未減到肥
佢係咁問我去邊, 我又問番佢去邊
搞左好耐, 卒之滿足左大家八卦既慾望
兩個人好滿足咁離去
得閒上 DB 探下佢先

一入 YCO, 第一個見到既人居然係..................波叔！
> . <
我入 YCO 果年佢就話報 YCO
今年卒之考到
亦都證明 YCO 既水準每況愈下................

望到伍中彥先生
好奇怪
雖然一早就知道佢呢個吹 clarinet 既粉友入左 YCO 玩敲擊
但係咁樣踩場法, 係咪過份左少少呢？

玩番兩年前 DB 玩過既《王洛賓組曲》
經 HKCO「起死回生」咁砌過隻歌之後, 改左名叫《西部民歌聯奏》
名係改左, 但係唔代表隻歌好聽左

又試 sight read 五線譜
尚算滿意自己既 sight read 速度
起碼玩得晒 D 音嘛 (其實係因為玩得慢O者)
睇得多就易睇 D 既, 尤其係睇慣左 Bass Clef 之後
不過唔係好明點解今年坐我隔離既棉花鬼 sight read 速度會同我差唔多
仲要成日唔記得有 D 音要 flat
聽聞佢係 Pre-Professional 既 APA 人黎喎

練完 YCO 就去新基地
一, 我, 謝, 達人, 黃蜂五個夾錢買左張「Percussion Master」既卡
水乾關係, 齋睇無打
望著佢幾個打, 真係幾過癮
但係有 D 唔明佢地點解可以 sight read 到........

見到有個人「太鼓 6」既勁人
Full combo + 打得準
勁「掘」機

陪謝買涼鞋
之前響大快活拎既優惠券意外地有用
成功幫佢慳錢
yeah~~~

返屋企途中 Tim 打黎
同佢講到電話剩番唔夠 $ 1.17
超厲害！

聽日又要九點鐘返 YCO 啦
都唔知點起身
> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
愛需要傻勁，但不能傷害別人
愛需要耐力，但不是一再的騷擾愛人
愛有許多的能力.....
能使人快樂，亦能使人痛苦
時常補給自己愛的知識，讓愛人與被愛都有福

>>August 25, 2004 at 5:03:33 PM GMT+8

2004 年 8 月 23 日 星期一 【乍寒還暖】

打從今天起
開始進入開學倒數階段
儘管 30 / 8 是開學的日子
但為了安於逸樂, 31 / 8 才會正式開始自己的第二次 Yr 1

開心
很開心
十分開心
希望以後孤單去我日遠
每天也如今天般充實
相信我已是無憾了

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同豆 chat 到四點先去訓
估唔到原來豆 hae 既戰鬥力咁高
仲強過我
無奈敗陣....................

尋晚叫家姐今朝九點 morning call 我起身
佢好好人咁 morning call 我
但係聽完個電話之後就好自然地撻番落床訓
十點幾先起身
十點十就要上德文
好心急咁梳洗
正當我沖緊涼之際, 阿一打電話黎
佢同我講佢 arm arm 起身
果然大家都係同一類人.................

十一點返到工聯會樓下等一
等左三個字佢都未到
難得佢電話到, 話佢有排都未返到
叫我去上堂
唯有孤身走我路地殺入課室

最後一堂德文
上上下堂都係忍唔住邊烚邊聽
卒之上完堂
出去拎證書
上星期工聯會果度話有證書拎, 所以我同一都交左 $ 10 證書費
搵左好耐都唔見自己同一既證書
搵張 confirmation sheet 睇, 發現自己同一既名都畀人刪除左
難怪無證書啦！！
我地堂堂都有上架
不過次次都遲到, 無點到名
搞到點到紙上面我地好似堂堂無返之嘛..............

讀左咁耐, 連張證書都無
無耐
離開既時候打畀一
佢聽到無證書拎, 反應亦都非常無奈

講起佢就無奈咯
等左四五個字都無巴士
所以灰到無上堂, 改為去美心食野

出土瓜灣無乜貢獻既佢
同我一齊去 ATM 拎錢
之後就離我而去

時間關係
坐車返彩雲, 再搭車去德福
今日約左盈盈睇《餃子》
去到同佢去 Delifrance 食少少野
咁都可以撞到佢 frd 既家姐
勁蹺！

開場前七分鐘佢先驚覺時間既消逝
暫停同佢個 frd 吹水
行去 OK 買左包野飲就走入 UA 德福

第一次去戲院睇三級片
仲要同個女仔一齊去睇
有點那個......
戲中偶有情慾鏡頭
不過看來戲變成三級片的主因
似乎還是部分鏡頭令人忍不住把它現實化、視象化了

楊千嬅的演技尚待磨練
個人覺得佢都係飾演年輕時做得比較自然
年紀尚輕的她還是未能掌握年華老去、美人遲暮的心情
太刻意的演出, 太假了

兩個李碧華既讀者
睇完齣戲之後都唔係好覺個故仔係李碧華拍既
難怪齣戲寫李碧華只係「原著編劇」啦..........

睇完戲, 卒之有飯開
因為唔想食德福既快餐
行左去淘大
結果食吉野家 (咪又係快餐..........> . <)
試左新既蟹籽三文魚飯
都係覺得牛肉飯好食 D

食完飯兩個人去左三聯睇書
發現《餃子》原本既故仔《「月媚閣」的餃子》果然係響《逆插桃花》裏面
之前都話係架啦~~~
為左重溫番齣戲
兩個人好無聊地成個故仔重溫一次

搵左一本介紹去台灣遊玩好去處既書
係佢既推介
佢話之前去台灣都係睇呢本書架
結果佢話借畀我睇
yeah~~~~

hae 行左一陣佢就走
陪佢去等小巴
由於未知聽日既時間安排, 所以要今晚先 firm 得時間問佢拎果本書

返屋企既時候無乜雨
但係返到屋企突然落大雨
本應係好好彩既一件事
不過老豆本身諗住今日一家人去食自助餐
結果天雨關係, 在屋滯留過久
唔去食自助餐, 改食自助火鍋
唔制呀！！> . <

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
「月媚閣」的餃子

　　青青坐的計程車，在深圳東門區停下來。她下車後，向東走了一陣，拐進一條橫街，上了第三間房子的閣樓。
　　她按鈴。
　　「李太，請進請進。」
　　門半開。一個笑容可掬帶點諂媚的女人欠身讓青青進去，馬上把門關好。
　　「來得正合時，水快開了。就等你來才馬上給煮好。」
　　李太艾青青，已經上第七回的食客了，所以很熟絡。
　　頭一回來，曾付了中間人一千元介紹費和帶路費，不知老闆娘是否有回扣。但吃了一回餃子，也不便宜。
　　青青記得那回初見媚姨，她臉盤飽滿，臉色紅潤，但肌膚白晰幼滑，雙目有神。
　　媚姨還很著意：「李太，你猜我幾歲？」
　　「你？看上去頂多三十多，不到四十吧？」
　　媚姨預期帶著强調：「我五十五了。--」
　　「什麽？」青青詫異：「一點斑點也沒有啊。」
　　「對呀，連黃氣也不見，是吧？人家說，我就是生招牌。」
　　「皮膚真好。」青青艶羨地道。但不忘她的身份，保持上等人的優雅：「你不說，我肯定猜不出來。」
　　「哎，」黃月媚指指她那住家式的小厨房：「我都已經是媚姨了。--可人人來嘗我月媚閣的餃子，總是心裏有數，覺得值。」
　　又道：「都是回頭客。口碑好，一個介紹一個。」
　　記得那一回：--
　　媚姨一邊下厨，一邊跟青青閑聊。
　　「北方人說：『好受莫如倒著，好吃莫如餃子。』南方人老是懷疑，餃子不過是面皮裹著一團肉，有什麽特別？」
　　青青坐在沙發上，翻著「月媚閣」那一大堆都是由香港給捎過來的時裝、髮型、消閑雜誌，全是最新一期的，可見她這裏追得上潮流，待客之道下本錢。空調還散發著香氣。
　　一家「餃子店」，很少布置得那麽像美容院的。
　　媚姨自誇：「我這兒的麵粉是高筋，軟硬適度，帶韌勁。這得揉得够，揉得仔細，直揉到麵團表面像剝殼鶏蛋那樣，又光滑又透，又易粘口。包好的餃子下鍋不易破，保持原汁原味，好吃。--」
　　她滔滔不决，是讓高貴的客人賓至如歸，放寬了心，引起食欲。
　　「吃進嘴裏還一包鮮汁。」
　　又問：「李太是那裏人士？」
　　青青微笑。
　　媚姨沒再問下去。
　　她黃月媚這番識見，不會不知道來客底細。不過見過她微笑不答，也就岔開話題，裝作不多事。
　　艾青青是臺灣人，來香港加入電影圈求發展，也紅過一陣，是「明星」。但二十七歲那年，急流勇退見好就收，嫁入豪門。
　　李家是地産業鉅子。李世傑當初對她十分迷戀，愛情至上，不惜與老父攤牌，非要娶她。一部分原因，也是上流社會的「夫人」角色演好，大方得體，端莊賢淑，她自那分鐘開始，與前塵一刀兩斷。與電影圈姊妹不相往來。
　　"督--督--督--督--"
　　厨房傳來剁菜剁肉聲。還有媚姨不讓空氣寂寞的招呼聲：「李太：我給你多加點大白菜，--你是不愛韮𦭓菜的是吧。嫌味重。不過白菜要剁的細，擠的幹。肉得加點姜米，辟味。添胡蘿蔔茸好嗎？」
　　「你拿主意吧。」
　　餃子端出來了。
　　精美的白瓷湯碗，湯清還泛麻油香，撒了韮黃末。餃子包得大小均勻，嚴嚴密密，心事重重。一個一個，浮在水面，晶瑩而粉嫩，像白裏透紅吹彈得破嬰兒的皮膚。
　　「好香。」媚姨殷勤：「趁熱吃。」
　　記得青青第一次吃她的餃子，只舀了一勺清湯，輕輕皺眉。嘴唇剛沾著，燙，馬上退縮。她嗅到麻油的芳香，但她不敢張嘴嘗一口餃子。--就是怕。
　　黃月媚哄著她。
　　「我自己是每星期吃一回的，好滋養。有時燉湯，有時剁肉餅加些陳皮來蒸。--不過還是包餃子鮮美。要不，我這店號怎麽那麽聞名？」
　　她說，前天還有一位天后級的歌星來光顧。又訂了下星期四或五，一有貨便通知。
　　青青還沒習慣。咬一口，鮮汁急涌而出，她想吐。噁心。
　　「李太，你吃的時候，什麽也不要想。或是想想美好的後果。就吃得快活。」
　　--想後果，對。
　　不過，按不住也想起前因。
　　大半年前，是艾青青與李世傑結婚二十年紀念。--原來她已當了二十年的「少奶奶」了。
　　那天下午，李先生陪李太太到中環置地廣場的名店買鞋子。也不是專程。老夫老妻，在紀念日也得陪陪她。
　　青青試著一雙法國新到的黑緞高跟鞋，李世傑坐在對面，手提電話響了，在接聽，囑咐一點公事--。
　　穿制服的年輕店員，半跪著，伺候她試鞋。
　　女孩黑髮中長，因俯首，頭髮往兩邊分垂，露出一截白嫩的脖子。後勁有細細的毛。上半身軟凸而輕蕩。
　　她向李世傑輕盈淺笑，十分有禮。
　　「李先生，我們知道李太太來試鞋，早已把左邊的撑大一點點。電腦有記錄。」
　　青青滿意了。但也問他：「這雙如何？」
　　「你穿什麽也好看。」這話自他的「公子」時代，力追女明星開始，已說了二十多年。他不是不愛她。
　　直至聽了，順溜入耳。不帶感情，也是美言。他「仍然」肯說。
　　女孩半跪姿態，隱約可見她纖巧的足踝，因支撑了半個身子，有點用勁，像穿了雙隱形的三寸半高跟鞋。--她穿不起的，昂貴的黑緞高跟鞋。
　　那麽玲瓏的小腿和足踝，真可惜了。
　　女孩看來不過二十歲上下，皮膚細膩，摸上去一定很嫩滑。入世未深，乾淨。
　　試好了。李世傑簽了信用卡。
　　女孩善解人意：
　　「李先生李太，我是CONNIE,有什麽問題隨時找我。鞋子明天一早會送到。有新貨便即時致電通知的。歡迎下次再來。」
　　甜笑送二人出大門。李世傑給了她一張大鈔打賞，女孩目瞪口呆。十分驚喜。
　　--青青忽地負氣大口咬下去。
　　咀嚼。滿嘴甜汁和奇特肉香。大白菜又令齒頰清爽。--果然不錯，很好吃。很值得吃。來了幾趟，吃上了癮。
　　「咦，有點脆--」
　　「不要緊，嬰胎已有小小的手脚。成了形了嘛。」一度是婦産科醫生，專職幫中港客人做流産手術的黃月媚說：「下回再給你剁細些。」
　　「下回，」艾青青問：「有沒有更快見效的『極品』？--省點時間，我付得起！」
　　「這個嘛--」
　　青青很清楚：--她有的是錢，但沒有時間。
　　一個女人，一個「曾經」是美艶親王的女人，越來越沒有時間。
　　她近五十了。生育了二女一子，保養得再好，還是有點慌。尤其是那一役。李世傑到臺北去公幹。本來艾青青想一起去，順道回娘家，--雖然母親不在，只得老父兄嫂。但豪門闊太的她已很久沒回去了。李世傑沒答應，只說成天開會，幾天便趕回香港。
　　青青只好繼續她悠遊的SHOPPING生涯。
　　到了鞋店：「上回的CONNIE呢？」
　　「李太，她辭職了。」經理說。
　　「哦，工作那麽落力，又討人喜歡。」她可惜地道。
　　逛了幾家名店，都挑不中。她隨便走進一家新開的。
　　「李太，」店員認得客人，一見她，臉色有異：「請過來這邊看看，新貨在這邊呢。」
　　另一邊，有人在試裙子。
　　更衣室的門關上，但木門下面，透露了客人小部分的小腿和足踝。她赤足，原來身上的裙子一下子軟垂堆叠，像一個癱瘓地上的女人。還有一塊名媛驕矜護體的PASHMINA山羊毛披肩。
　　男朋友已有年紀了，在門外，微笑地欣賞著女還的雀躍和虛榮。
　　想像中，她脫了一層舊衣服，又換上了新衣服。門縫影影卓卓，有悉悉微響。穿好了，又赤足推門而出。脚形優美、秀氣、是平背。還戴個小小的脚趾環。她問：「這件如何？」
　　「藍色不好。紫的更好看。」他認真地提意見。眼神充滿愛憐。
　　「不！」女孩任性地：「我愛粉色系列。夏天嘛。我要一件粉紅，一件粉藍。好不好？」
　　「好！」
　　「我也聽你一次吧，多要一件粉紫的。」撒嬌地：「最怕見你生氣。真凶！」
　　「怎麽會？最疼你了。你穿什麽也好看。」
　　--青青一楞。
　　她太認得這句對白了。
　　CONNIE享受店員的伺候，她嬌縱地，神采飛揚地裝扮自己。--雖然，她的青春根本不必粉飾。但她以後不用穿制服半跪地，也用不著賠笑伺候客人了。
　　青青很有教養地，並沒正視這雙狗男女。她仍然帶著優雅的淺笑，略做停留，又因看不中合意的新貨，離開了。
　　一路上她不動聲色，但五內一片空白。竟然像一隻撑得過分，脚伸進去，空蕩蕩，不踏實，深淵一樣的高跟鞋，黑緞子的。法國的。--或者那搭上了她丈夫的年輕店員，平凡的女孩，也擁有一雙。
　　她有什麽好呢？不過是嫩豆腐似的皮膚。鮮活的身體。
　　沐浴之後，青青在全身鏡前審視自己：身材仍不錯，但肌肉有點鬆弛。眼睛仍明艶，但眼角有點下垂。最差的是皮膚，尤其是臉。她已做過果酸換膚，花上五位數字，但不堪折騰，很快，斑點出來了，還泛黃，皺紋毫不留情地長駐。
　　手按下去，略久才彈上來。留下一個白印子。漸漸，所需時間又長了些。小腿還有青筋。
　　--這是不能隱瞞的變化。整整一星期，晚上心痛的失眠。
　　直至她聽到一個有關「月媚閣」餃子的不老傳說--。
　　這天早上接到媚姨電話。她馬上過關到深圳東門區。
　　「李太，你來了，還擔心趕不及。你知道，不是有錢能吃到，要講機緣，還要看貨源。這回貴一點，難得嘛。」
　　「給我瞧瞧。」青青已經是一個有經驗有要求的食客了。
　　媚姨打開保溫飯壺，是她在人民醫院當護士的舊同事給的。--而黃月媚自從打響了「餃子店」名堂之後，再也不爲不到一千塊錢的月薪去幫人打胎了。她道：
　　「今天這些是『極品』。特地挑選出來，全是兩三個月的頭胎，--頭胎嘛，營養最好。孕婦又年輕、健康，檢查過沒病。」她笑：「都是男的嬰胎。還有啊李太，這裏一件特別的禮物，有五個月大了。」
　　青青見「小老鼠」堆中一頭「小猫」似的好貨，雙目發亮：
　　「太好了！快給我剁碎包餃子！」
　　兩三個月大的嬰胎，鮮紅透亮，精華不但滋補、養血、美白、除病、去斑，最見效的：艾青青四五十歲的皮膚，一天比一天緊、亮、光滑。已逝的青春和魅力回來了。
　　大口大口吃著餃子。她已經習慣並且愛上這味道，一點也不覺得腥。她對它的寄望令它變得芳香。--今天還加進一個五個月大的男嬰？真是可遇不可求！
　　是的，--
　　艾青青沒有拉下臉來吵鬧，也不肯惡形惡狀的去給不夠資格的小妹妹教訓，甚至拒絕在心猿意馬的丈夫跟前儀態盡失地哀求。
　　她用了一個最積極的方法，栓住男人，便是「回春」。
　　一下子年輕了十年，不，十五年。肌膚細白，男人的手摸上去像牛奶，不，脫脂奶。身體的緊凑和彈力，在床上，他感覺到溫暖和甜蜜。--她仍然是美艶親王。
　　小女孩只是一隻漏餡的廉價餃子，經不起持久角力，也得不到身份認同。--她不是第一個，也不是最後一個。艾青青，才是正印東宮，出得大場面的人物。
　　星期六，有個慈善餐舞會。
　　艾青青近日新陳代謝旺盛，臉色緋紅，每晚只睡六個小時便够了。
　　她去弄頭髮。連首席髮型師KK也驚詫她的頭髮又黑又亮又厚，不讓她挽髻，建立吹的蓬蓬然，秀髮如雲狀。
　　在BALL場，青青脫胎換骨地搶盡鏡頭。
　　名媛也在嫉妒私語：
　　「她越來越漂亮，丈夫的心也抓回來。--是養鬼崽嗎？拉麵皮嗎？打羊胎素嗎？見白龍王嗎？--」
　　但大家仍是言笑盈盈地知己狀。
　　晚宴開始了。
　　菜一道一道的上--。
　　漸漸，大家嗅到腥味。都含蓄地皺皺眉。一個個耳語：
　　「今晚的菜有問題嗎？」
　　「那魚我不吃了，好腥。」
　　--不關魚的事。到了碳燒牛肉大盤，仍是腥。
　　侍應走過李太太的座位，嗅到很重的腥味。
　　不可能。名媛、闊太、明星，怎麽可能不洗澡？是腥，不是臭狐的膻。
　　最後連青青自己也嗅到了。不知從哪兒發出的，血的味道。
　　她離座，上洗手間。現場的腥味又跑了，原來是--
　　青青不敢回到自己座位。借詞不舒服，比李世傑早一步回家。
　　一上車，司機也有作嘔的表情。整個車程，一直扭曲著臉。
　　青青忙把晚禮服脫掉，全身浸泡在浴缸中，狂家大量香熏，浴油--，一切芬芳辟臭的東西。渾身上下加頭髮，每個毛孔也不幸免。
　　浴後，那腥味縈繞下去。
　　她把整瓶香水倒在身上。
　　又不停喝水，喝到第七杯，已經反胃。--但水仍沒發揮沖淡腥味的作用。
　　只要她一呼吸，一活動，甚至眨眼，那血腥味便滲出來，在她四下的空氣中擴散。
　　她吃過的餃子，一批一批由大拇指到小老鼠甚至初生小猫大小的嬰胎，在渾濁的血漿中浮沉，顔色鮮艶，滑潺潺，亮汪汪，有小手小脚的紅影，被一層軟軟的"衣"裹著，透出微溫。是它們！
　　血的腥味，全身運行。荷爾蒙，微絲血管、神經線、脂肪組織、粘膜組織、肉、皮膚。--全身。
　　--她贏得青春，在漂亮，却輸給了味道。
　　怎麽辦？
　　怎麽辦？
　　艾青青全身赤裸，跪倒在她家的羊毛地毯上。毛又厚又暖，但她冷得顫抖。
　　無限凄徨。爲了對自己不起的花花男人，她如此淪落？
　　她蜷曲身子，無助地痛哭。--如被打掉的，還未足月的，墮落泥塵的嬰胎。一團在子宮中蠕動過的模糊的血肉。
　　血的味道越發濃烈了--。
　　青青騰地抬起頭來，深深呼吸一下，充滿著憧憬、嚮往、如癮君子見到嗎啡針，僵屍見到鮮蹦亂跳的大動脈。事已至此--
　　她嘴角似乎拖著一條看不見的血延。
　　「嗖--」一下，她伸出舌頭，把血延舔走，吸進嘴巴裏去。
　　閉上眼睛，放縱地享受著，她的報應！

>>August 24, 2004 at 6:33:59 PM GMT+8

2004 年 8 月 22 日 星期日 【晴】

人與人之間的愛是有局限的
我們從不能真的瞭解別人
每一個人都是孤獨的活著
隔離在他們各自的天地裏
各有各的立場，各有各的想法。

即使肉體上在一起
但他們真的是在一起嗎？
心與心之間的鴻溝總是無法跨越

唯有深沉和超越的愛
沒有任何保留，也沒有止境

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
同大玉 chat 到三點幾
內容全部都係關於佢既前途問題
對她而言, 內容可能影響她的一生
不敢胡說, 盡量認真的想了想才跟她說我的意見

決定一個問題難不難？
堅持自己的決定難不難？
在難關未到自己面前之前, 一切也無法解答

同佢傾完仲有少少精神
開左一個鬼故睇
一睇不可收拾
睇到六點九先睇完
好似痴左線咁~~~~

一打電話搵我
我訓著同佢講野
佢一聽到我仲未訓完, 好好人咁叫我訓醒先打番佢
本來諗住起身既我好唔客氣咁再訓過~~~

起身
食飯
打畀仲響 poly 既一
confirm 佢唔走之後就出門口搵佢

今日做乜要出街？
呢個問題老媽子問完我之後, 我都唔知點答佢
係喎, 做乜要出街呀？
是但用左個有理由既理由就打發左佢
係乜野理由？
咪還書咯~~~~

次次既理由都係還書
自己既想像力真係低
~_~"

落左牛池灣借之預約左好耐都未拎既書
就係之前 Arli 推介果本
順手借多幾隻碟先走

返到 poly 打畀一
佢響舊 can 食緊加左價既燒賣 ($ 7.5 十五粒)
搵到佢, 佢 arm arm 食完
同佢一齊去 library 搞野

今日究竟要同佢搞 D 乜？
搵台灣之旅既料嘛
不過好似我地一去到就上網
上到咁上下就不能自拔
完全控制唔到......
> . <

上上下發現 showhappy 回復正常
又可以寫日記
完全唔知點解
算！有得打就唔理咁多

上上下網有電話打黎
yeah~~~
聽日去睇戲
不過未定時間就暫且打住

等左好耐, 卒之等到五點鐘
可以 reg 科啦！！！
等左好鬼死耐, 卒之等到
五點先 reg 科, 都幾驚 D 好科畀人揀晒
結果？！
經過一番查探之後
發現自己本科今年淨係要讀 10 credits！！！
唔好再少 D............
咁樣我唔使上堂啦！！！

搞左好耐都未搞掂 reg 科事宜
搞到忍唔住響 library 自己發自已脾氣
真係有 D 唔好意思
不過發脾你都解決唔到問題
所以都係死死地氣繼續努力

直到七點先至揀好 18 credits
一個星期
一日返 08:30, 一日返 09:30, 一日返 10:30, 一日返 11:30
星期一仲要返到 21:20
不過有一日 dayoff, 都算有番少少安慰
卒之明白 D 人點解咁想自己砌時間表
砌完真係好有成功感
不過砌既時候真係痛苦到「媽媽」聲~~~

一由我開始 reg 科就開始想離開
等我 reg 完已經等左成個幾兩個鐘
同佢上三樓搵左一陣 chicken soup + 台灣資料
跟住就去揀戲睇
佢宜家響 poly 睇戲睇上癮
今朝等我既時候先睇完一齣
十二個鐘都未過就想睇多齣
不過最後都係無睇

去 7 仔一人買一杯西柚味雪榚
arm arm 食完一就話想買多杯雪榚食
好似真係好肚餓喎佢~~~
今日佢陪我搭地鐵
途中傾左好多野

夜晚又有個笨人打電話黎搵我 confirm 聽日既時間
講左無數既廢話先結束是日既對話

同豆 chat 到三點九都未 chat 完
乜聽日我唔係要早起身咩？？
@ _ @ ???
希望從明日開始生活可以更多姿多彩
^ ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
兩神對話：

笨神：(扮正經地) 喂！唔該搵 Brian 呀！
DM 神：(受騙過一次之後再無上過當) 佢呀？佢好似畀車車死左喎！
　　　 一係你講低你想講乜, 我一陣叫佢上黎搵你呀！
笨神：(驚訝狀) 係畀車車死咩？我仲以為佢自己 DM 死左添.......
DM 神：(無奈地) 就算係都係「笨」死啦......
笨神：(大笑) 哈哈~~~~~~又係噃, 你係我既子民.....
DM 神：(正經的說) 係呀！我早就入左「笨」籍啦！笨到訓直添.........

>>August 23, 2004 at 7:57:13 PM GMT+8

2004 年 8 月 21 日 星期六 【暴雨】

ShowHappy 又死 server
真係好令我失望
寫日記就係想同人分享自己
Down server 要人地打左響自己部電腦到, 等個 server 好番先 post
唔係唔得, 但係失卻左「日記」既意義嘛~~~~

又試 down server 既一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身就開電腦
無寄託既人生真係過得特別頹廢
日日起身就二話不說開電腦
屋企無人就話O者, 有人都係咁
真係有 D 過份~~~

約左O者喱仔 + 輝食晏
所以無響屋企食飯, 食左少少水果就出門口
坐坐下地鐵有 D 擔心：我咁準時出門口做乜呀？
O者喱仔擺明唔會準時架喎~~
唯有安慰自己：輝或者會準時既........
好快就證明左自己既想法
O者喱仔打黎話改點九會合
輝不單止打破我既希望, 仲要話佢呢排同O者喱仔鬥遲得耐
無應~~~~

星期五先咁玩完肥仔黎
話咁快就現眼報
> . <

灰得滯走左去榆林睇邊荒
睇到一半佢地就黎會合我
佢地食左野都陪我食飯, 好感激 (但係之前好似係約左佢兩個食飯架喎~~ > . <)

三個人食左個加左價 ($88 è $92) 既自選桶餐
佢地既戰意不高, 搞到我都唔係好好意思食咁多
食完 hae 左一輪就返 DB
原本兩個有錢仔都諗住打的上去
經我強烈勸諭之後, 卒之都係行上去

行到 Drive 口, 聽到有車「砵」我地
原來係高老師
佢好好人咁車左我地上 DB
^ ^

郭「hang 機」指, 好彩
聽到肥婆返左黎, 仲高興
勁耐無見過呢個無線電視記者
佢打從轉左做無記財經部既合約員工之後就音訊全無
唔係練野, 睇怕都好難搵機會見到佢

練左三隻歌：
《竇娥冤》(古箏與樂隊)、《伊犁風情》(顧冠仁版)、《金翎思──滿鄉隨想》(揚琴與樂隊)
玩《竇娥冤》既時候真係好想死
個古箏彈得好難聽, 加上個人又好女性化
真係好核突 > . <

第一次玩《伊犁風情》好似係十年前
果陣顧冠仁落黎指 music camp
我同謝都有玩
話咁快就十年咯
開頭玩既時候直頭唔記得隻歌係點既！
慢慢 sight read 番先有 D 印象
仲有多少奇怪：乜我果時玩到 D 咁難數既拍子架？！

話明係揚琴與樂隊
《金翎思──滿鄉隨想》一定係由賴應斌負責啦
好耐無見過佢
上次見佢係新年同一上佢屋企打牌
遲 D 就可以聽到佢既演出, 咁就可以知道佢上大陸讀音樂有乜收穫咯~~~

練完都成七點幾
正當收拾一切之際, 突然畀人拍左一下
回頭一望, 麟仔！！
佢幾時返香港架？！

六個人一齊落街食飯
包括：麟仔, 肥婆, 我, O者喱仔, 輝, 仔仔
原先諗住去「新森林」食, 但係今日休息
行左去隔離既食肆食
本來要去親戚屋企食飯既我最後都係一齊食

練野永遠唔係為左練野
食飯永遠唔係為左食飯
咁究竟為乜？
有乜緊要得過吹水呀~~~~~~~~~~~~~~

食完飯就不停吹水
吹到唔捨得走
吹到十一點肥婆要離開
大家才不大情願地離去

各有各散
同麟仔坐地鐵歸家
一路上討論前途問題
讀完三年 chem., 又繼續讀建築既佢
好似真係要三十歲先有機會返香港
唔講都唔知佢爸爸係做差餉果類野添~~

出年 summer 都係唔好玩
搵下暑期工
既可以賺經驗, 又可以賺下外快
^ ^

>>August 23, 2004 at 7:53:27 PM GMT+8

2004 年 8 月 20 日 星期五 【暴雨】

夢
是精神追求的最後寄託
在日間不能成真的事, 往往寄託在夢境能夠實現
但
夢, 從不由人自控

想發生的事未能實現, 便寄託能在夢中發生
現實既實現不了, 夢又夢不到
如何是好？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
畀電話嘈醒
平時會好快打發左個人, 然後返自己床訓
今日唔知點解無返自己床訓, 反而訓左響電話隔離
真係好佩服自己既預知能力
今朝個電話好忙, 隔唔夠一個鐘又一個電話
訓響電話隔離, 嘈醒就聽電話, 聽完就訓過
好方便
亦因為咁方便, 搞到今日一點幾先起身

徹夜無夢
反而畀第一個電話嘈醒之後訓一次覺發一次夢
醒了不甘心上一個夢不夠好
繼續尋夢
不過來來去去都夢見 D 好無聊既野
去到最後發到一個好夢, 但係又畀電話嘈醒
嘈完就訓唔著
> . <

好夢難圓
也許這樣便能牢牢記著那殘缺的夢
說的也是
團圓的美夢醒後便會忘記
只有未圓的夢能殘存在心坎裏............

起身上網 + 打機
實在無聊得太過份
走上 city 網搵資料
睇下自己既入學概況
睇完心裏總算有了個底
令新的大學生涯由矇查查開始

四點半先食晏
食完晏無耐就出門口
練歌去也

微微細雨
叫人不欲開傘
在微雨中漫步, 感覺很舒服

練歌
練得好 hae
9 / 9 號就 O’ week
下星期又唔使練 (唔單止我唔得閒, 連 Ronny 都唔得閒, 所以下星期停排)
換言之得番兩次排練 (4 / 9 一次, 9 / 9 一次)
練成咁去表演, 有 D 擔心 : \

笨神尋日原來無睇到 in hall 時間
今日問我識唔識人住香港又去開港大
~_~"
太笨啦
幫佢搵豬 Ray 同 O者喱仔幫手 (話晒佢兩個都係 hall 友, 應該幫到手既)
搞到成日行出行入 music room
好似好忙咁......

豬 Ray 好乾脆地叫我叫佢打電話去 1083 搵宿舍既電話
O者喱仔就幫我問左果邊某個負責人既電話
總算叫做有 D 機會
希望幫到佢啦~~~~

練完歌 hae 左好耐先去食飯
去左新果間「輕鬆一下」食
為左一個落漏左單既「芫茜皮蛋湯飯」, 大家等到十一點先開飯
食住一碟凍到變得好難食既咖喱牛腩飯
食到好心翳........
最衰都係 D 職員！！
> . <

好耐未試過可以練完歌之後搭地鐵返屋企
好感動
同笨神一齊搭地鐵
送完佢出閘就折返彩虹

返到屋企睇左陣奧運
同大玉 + 豆 chat 左一陣
大玉決定讀預科
希望佢無選擇錯啦~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
蔡瀾給女人的忠告

一.
千萬別幻想你可以改換男性的個性，你只能更換的，是他在做嬰兒時的尿布。

二.
當你的男朋友離家出走時，你能做些甚麼？把大門關上，永遠別讓他來。

三.
要找男人，隨便找一個好了，別分年輕的或老的，他們都是一樣，他們不會成熟。

四.
所有男人都是一樣，只是臉不同，方便你認出他是張三李四罷了。

五.
不必把男人當傻瓜，他們本身已經是一個傻瓜。

六.
猶太人的子孫在沙漠浪蕩了四十年
可想而知，甚至在《聖經》的舊時代
男人已經沒有甚麼方向感。


七.
有幽默女人，不是會說笑話的女人。是聽了男人講話時，笑得出的女人。

八.
當你的男人上司向你說：「你看來一點也不太忙嘛。」
你儘管回答：「那是因為我每辦一件事，一辦就辦妥了。」

九.
如果男人問你：「你的電話幾號？」
你儘管回答：「要是我告訴你，我就要換新號碼了。」
如果男人問你：「你住在哪？」
你儘管回答：「要是我告訴你，我非搬家不可！」

十.
如果男人問你：「你想念我嗎？」
你儘管回答：「你不消失，我怎會想念你？」

十一.
如果男人要求：「把我的早餐拿到上來吃。」
你儘管回答：「那你去廚房睡覺好了。」

十二.
如果男人問你關於書本的事：「你最喜歡看的是哪一部（簿）？」
你儘管回答：「支票簿。」

十三.
如果要叫男人做一件事，最好的辦法是向他說：「這件事你做不動，你太老了。」

>>August 21, 2004 at 6:44:54 PM GMT+8