2003 年 7 月 10 日 星期四 【晴】

孤單時....我總愛躲在房裏,
抱著你送給我的"瞢豬",
獨自思念你共我美好的回憶
因為我真的害怕獨自擁抱寂寞....






當風箏遇上風 即使快樂的痛
仍能乘著狂風 天空中愛得英勇
有你他就算哭 仍然流露著笑容.....





熟悉的旋律又再瑩繞我的耳邊.....
我的心真的很痛!!

>>July 11, 2003 at 10:26:27 AM GMT+8

2003 年 7 月 8 日 星期二 【晴】

真係非常留言同冇留言而關心我既所有朋友.....我真係真係好"簡""凍"呀...同好開心....

其實放低好容易....係唔捨得吧...我都想對感情有番信心同盼望,但暫時唔敢住....其實我真係唔夠勇敢,都唔夠堅強.....

明白了.....喜歡一個人不一定要擁有.....能擁有回憶都已經夠啦...愛情本來就無分對與錯,能夠互相祝福才是最漂亮既勝利者....

>>July 9, 2003 at 8:34:11 AM GMT+8

2003 年 7 月 8 日 星期二 【晴】

放左榜咁耐,都未將榮耀歸神添....雖然fail左一科...不過真係進步左好多,除左證明我既努力冇白費外,其實都幾符祿架....因為我同上年一樣,冇份paper做得哂,仲要遇到勁多阻礙,例如SARS,要帶口罩,仲要因為有教學轉型,所以d paper出法同以前唔同,當然難d啦...加上我係自修,冇老師教架,個個都話自修難時,我唔放棄呀,因為如果放棄,即係放棄神,因為係神俾我既機會....又遇到好多金錢問題,因為自修....我屋企一直唔贊成,仲點樣可以問佢地攞錢...前後洗左勁多錢,都差唔多5,6千蚊....呢d神都有眷顧....係神不斷支持我,當然亦要多謝一班關心同支持我既人啦....

係呢次考試中,我真係學到無論你點叻點勁,唔靠神,神唔俾你就唔俾你,但即使你係幾無用,只要肯靠神,神係必定眷顧既....唔再只睇問題,唔要只懂擔憂,咩事都第 一時間依靠神,然後咩都唔想....
神自有佢既安排....

>>July 9, 2003 at 8:14:31 AM GMT+8

2003 年 7 月 8 日 星期二 【晴】

單純?

究竟何謂單純?思想簡單=單純?容易信人=單純?乜都唔識=單純?
咁人係米隨住年齡既增長+對世事既認知日增=不再單純?
人性可以係醜惡,亦可以係美善,什至可以兩面都有....這是人的本性!
對於我來講,真正既單純唔會只係思想簡單,容易信人或者係乜都唔識...
雖然呢d都係單純既一部份,但若果要係思想簡單,容易信人或者係乜都唔識先至唔害人,唔做壞事
咁樣....果d知道人性係醜惡,仍然用簡單既心對待人....米仲單純....


雖然人唔能盡信,因為人心唔單只難測,仲善變添....
不過人畢竟仲有良心,即係善既一面....
即使世界幾複雜....只要我地用簡單既心去對待....世界都變得簡單.....
所以....年齡既增長+對世事認知日增=keep住單純既心....

>>July 9, 2003 at 7:49:22 AM GMT+8

2003 年 7 月 7 日 星期一 【晴】

唔想過番以前d日子呀....好似失戀大過天,日日長駐係部電腦度,玩icq,,睇email,聽埋d慘情歌,喊,冷街.....我想改變生命....我的理想......

>>July 8, 2003 at 3:21:57 AM GMT+8

2003 年 7 月 7 日 星期一 【晴】

討厭浮誇,討厭虛假,討厭奉承....或者係我唔識人情世故吧....但仍堅持做番自己....

開始對食物產生厭惡,how come?雖然呢段日子會幾難挨,但梁慧美.....你一定撐得住架....你仲有神呀0麻...."撐過去,遠地會綠悠悠......"

雖然再一次心靈醫治.....

>>July 8, 2003 at 3:06:58 AM GMT+8

2003 年 7 月 6 日 星期日 【晴】

每一個人都會有錯同軟弱,但唔緊要,最緊要肯認錯同悔改米得囉....如果你都放棄自己,咁連其他人同埋神都幫唔到你.....

雖然仲未放得低,但都衷心祝福某2人既感情....

>>July 8, 2003 at 2:54:00 AM GMT+8

2003 年 7 月 5 日 星期六 【晴】

今日係玉橋結婚大日子.....因為我要留係屋企改choice,所以冇去觀禮,不過都可能感受到果刻既感動場面,我相信每一個女仔都想有呢一日既....因為一定好幸福....

但呢一刻我好懼怕....我真係唔知呢一日幾時會來臨....唔係因為我驚自己嫁唔出,而係我好怕再戀愛了...我知我應該有盼望,相信神既安排既,唔應因為幾次既失戀就咁易灰心,但真係好累啦....唔想再受傷害,我知每段感情神都會祝福,我唔需要擔心,分手只係人變左啫,係呀,我認同呀,咁如果下一次又係神祝福既,結果人都係變架啦,我真係冇佢呼....結婚都可以離婚啦,更何況係變心.

有時都幾嬲自己,嬲自己咁軟弱,嬲自己咁易心軟,當初話過唔好咁投入,最後米一樣衰哨尾,每次當我投入及發展到深愛一個人時,我都會失去果個人,究竟呢d係米定律來呢?我當初都唔信架,宜家有d信啦,人係米犯賤呢,對佢冷淡,佢反而緊張你,開始對佢好d既時候,佢就覺得有壓力....但我絕對唔係犯賤,邊個對我好,我會記住既,.....

曾經好衰好嬲咁想過,下一次戀愛一定唔再投入,唔再付出,但想想下,我做唔到,因為我害怕見到人受傷害,我見到人受傷害,或者我唔小心傷害左人,我都會忍唔住想保護佢,呢d野咩唔係男仔做咩,奇怪?或者我唔再鍾意人,亦冇人鍾意我,咁樣就唔再受傷害,亦都傷害唔到人,咁係米最好呢?好似係度逃避現實咁,唔似我唔會咁輕易放棄既作風喎.....但對於感情,我真係失去信心同盼望,亦開始有d懷疑自己係米已經唔記得左點樣去鍾意一個人.....



唔想再對教會既人失望,唔該你地想清楚先開始啦....唔好傷及無辜呀....

>>July 8, 2003 at 2:43:30 AM GMT+8

2003 年 7 月 4 日 星期五 【晴】

今日係nike生日,朝早有我同林菁同佢打波,sorry呀,因為我遲到,所以得番半粒鐘打,之後join阿蚊佢地唱k....後尾得番我,阿賢,阿宗番教會,nike,林菁同我地分道揚鑣....

今日堂道講試探.....其實人每日都面對唔同既試探,特別係感情....之後nike,番茄,仲有阿希,fiona都番小組,仲同nike,阿宗,fiona慶祝生日,我同阿蚊唔小心攞錯人地果蛋糕,勁攪笑....

之後再趕第二場,join英玲,林菁,肥強,小狗,winnie,阿pat,美音食壽司,其實係同nike慶祝生日,大家都勁開心,滿載住歡樂笑聲....之後仲影左貼紙相....

全場熱鬧笑聲中,為何只得我一個感受到一鼓落寞既氣流圍繞住我?身心突然好累....最後都忍唔住喊左出來....

>>July 8, 2003 at 3:10:42 AM GMT+8

2003 年 7 月 3 日 星期四 【晴】

我們可不可以不勇敢？當傷太重心太酸無力承擔，
就算現在女人很流行釋然，好像什麼困境都知道該怎麼辦。
我們可不可以不勇敢？當愛太累夢太亂沒有答案，
難道不能坦白的放聲哭喊？要從心底拿走一個人很痛很難。


雖然前面點樣都要撐落去.....但好辛苦.....為何唔好既事總係纏住我唔放?我已經冇左佢,我唔可以冇埋個學位....好驚....



仲可以做番朋友咩?點解又要咁冷淡?習慣被食言.....我好討厭咩?就算已失去某關係,我亦需要一個朋友既支持架....神....你教我點做?

>>July 4, 2003 at 6:26:58 AM GMT+8