2003 年 10 月 15 日 星期三 【颳風】

何時才學會獨立?
不敢不敢.....為什麼總是不敢?唔想再逃避...
為什麼懂得安慰別人的人卻不能安慰自己呢?


無錯!每個人背後總有一個故事...有時有得選擇,有時唔到我地選擇....
但至少爭取過,要對自己,對神,對青春無悔!


近來唔係好有耐性...




岩岩睇完『俗世情真』,覺得郭可盈那個角色很似我
雖然冇佢咁慘,不過同佢心態一樣咁恐懼!
可能我無信心吧!唔想傷害人呀....
社工也有需要心靈醫治既時候



喜歡說笑,玩樂的我,總給人樂天,不夠認真@細佬女的感覺
其實我也有怕醜,喜歡思考,感性的時候...
我絕對相信2個也是我!

>>October 16, 2003 at 3:27:08 PM GMT+8

2003 年 10 月 14 日 星期二 【乍雨乍晴】

今日又胃痛...苦!仲要連續2次!

今日都係winnie生日,winnie生日快樂呀!去左poly俾左個驚喜佢....希望佢會鍾意我地份禮物啦!

之後返city傾project,點知班組員去左城軒食tea,29蚊任食!雖然好抵,仲要俾佢地勁誘惑...哼!我最後把持唔住,食左2啖"teramisu",簡直係oishi...但係胃痛+食左野,唔食得其他....仲要俾阿奶同學+steven同學吋...估唔到返學冇耐,終逃唔過俾人吋既結局....哈哈...不過佢2個真係爆笑既組合!

之後上堂,都勁支力....最怕早堂!





p.s11/10既日記係一個大誤會...有唔明/懷疑→自動搵我!其實件事唔嚴重架!唔好睇得咁遠...





>>October 15, 2003 at 4:28:02 PM GMT+8

2003 年 10 月 14 日 星期二 【乍雨乍晴】

【幸福從未遠離過】

有一對衣衫破舊的母子到了一處風景區遊玩，他們雖然沒有錢，但還是玩得非常開心。

當那對母女逛到了有攝影師在幫人拍紀念照的地方，拍照人站立的後面背景是整個風景區最美麗的地方。

小男孩拉著媽媽的手說：「我們去拍一張照片好不好？」

母親說：「不要啦！我們穿得這麼破。」

小男孩說：「媽媽，那有什麼關係，我還是會微笑的。」



英國諺語：「愉快的心情有如良藥一樣有益於身體。」



親愛的，你多久沒有發自內心的微笑了呢？身處現代忙碌紛擾的都會生活之中，我們常會因此而繃緊心緒，習慣性的隱藏住我們的喜怒哀樂。



微笑，不再是發自內心的真實喜悅，甚至，不再輕易展露笑容。日子因為缺少了微笑的潤澤，因而顯得枯燥貧乏。



想想小男孩的微笑，只要我們也懂得微笑的妙用，就會發現其實身邊是可親的美麗世界，幸福其實一直在我們左右沒有遠離。



只要你笑，世界都會跟著你微笑。這是多美好的一件事。



唔開心就盡情喊出來,開心就落力地笑...呢個就係我! 依然無變...
無論有多唔如意,有多唔開心,喊完我就會笑....因為笑一笑,心情都會好轉起來....
懂得去喊去笑其實亦是一種福氣,因為至少有感情的人才會笑和喊...


>>October 15, 2003 at 4:47:32 AM GMT+8

2003 年 10 月 13 日 星期一 【晴】

re狂明仔:thx~~

re比比:thx你留言呀~~有機會大家分享下福音呀!大家一齊係神內面努力+不停為同學仔禱告呀!




現實vs浪漫
自保vs單純


今日餓到胃痛...真無用!



今日陰沉沉咁,唔係咁好,其實我好怕黑架....很膽小吧...
如果呢個世界有多一點愛,就希多一點溫暖...
簡簡單單一家人生活得開開心心就最好!

>>October 15, 2003 at 4:14:31 AM GMT+8

2003 年 10 月 12 日 星期日 【微冷】

夜晚參加左學校既查經班...雖然幾悶,不過感覺很舒服! 同神一齊既感覺永遠最舒服...

今日聽左阿昌話...好多社工都會有抑鬱症,因為見到太多case唔係家庭暴力,離婚,青少年問題....對得多都可能會痴線,未做之前都預料要面對呢d問題....有時成日都係度問自己,究竟岩唔岩做社工呢?呢個係米神安排呢?如果係神安排,我一定唔會放棄,更加上呢個係我理想...但呢一刻...我都會一時confused,一時堅持....不過最後同阿yan一齊搭地鐵,好開心,分享左好多聖經既野+內心世界,發覺佢既心真係好單純...感覺很好!唔知道可唔可以係呢班度搵到更多可以傾心事既好朋友呢?期待....

仲有10日左右應承左神既野就要做到....走在熟識既地方,不其然想起好多以清既美好時光....
點解呢個世代d人大多數都愛得快,完得快既?神唔變,但人會變,咁係米始終=冇保障?冇信心....神呀~請給我多一點信心吧!






想跟偶像談戀愛 要為萬人迷喝采
可惜我這個世代 很懂吻別很快放開
當天壯烈原來不再 只因我只愛墮入愛海
誰人都可以愛 男孩亦只喜歡接力賽 ??




呢排d生活都幾充實呀,感覺到神呀!





>>October 14, 2003 at 3:37:40 PM GMT+8

2003 年 10 月 11 日 星期六 【微冷】

今日部電話又壞啦...激氣!好彩個sales都幾好人,肯同我換多次....希望唔好再壞啦....怕怕!


>>October 14, 2003 at 3:27:46 PM GMT+8

2003 年 10 月 10 日 星期五 【炎熱】

今日終於換到新手電啦....希望唔好再壞啦!因為臨時唔洗補習...鳴鳴...又冇$!不過可以返小組,點知臨時取消,唯有一個人去換電話+係南豐行下+入歌仔→返崇拜...見到好耐冇見既家奇,仲有佢d朋友仔,阿賢亦帶左新朋友仔阿基來...

崇拜→小飛象→同Ira+阿基周圍行→M記傾計....不過知道一d事實,覺得有d失望(信錯人+太易信人呢個缺點冇改到)不過好彩我唔係女主角...唔想再對男仔失望啦....

『懂得保護女孩子既男仔係最型既,只會欺騙感情既男仔簡直係懦夫!』 by小強美
冇針對任何人成份!please!

今日感覺舒服自然....平常心面對一切,希望可以日日都係咁啦!

>>October 14, 2003 at 3:23:28 PM GMT+8

2003 年 10 月 9 日 星期四 【乍寒還暖】

　　今晚去左Ｒ計劃攪既訪板間屋活動,我地班得７個同學去，有我啦，阿ｙａｎ，阿君，
阿ｍａｒｋ，阿ｍｉｎｇ，阿來同比比！

　　好大得著呀．．．原來對政府架構，市民福利既了解真係好缺乏，好慚愧呀！仲有．．．好似有ｄ覺得點解呢個社會係咁無保障架？政府ｄ福利都唔能夠保障所有人！一直都以為住係香港已經係最好,有自由啦,政府唔岩,又可以示威....不過我忘記左自由亦有自由既壞處,一有自由,就注定某d野失去保障...

更無奈既係,可能會係未來社工既我地,都未必能夠幫到佢地...唯有盡力而為啦!

不過今晚好開心,又增進左我同同學仔既友誼....

>>October 14, 2003 at 2:51:23 AM GMT+8

2003 年 10 月 8 日 星期三 【晴】

慘呀,部g50買左2日就壞啦...我冇整過佢架,竟然關唔到機,仲要接聽唔到任何來電...俾同學仔取笑!

it堂寫覺得大家既優點,哈哈...始終擺脫唔到傻大姐形象,咩氣氛專家,笑臉迎人,健談,活潑,可愛都有...哈哈...我絕對認同囉....thx!

夜晚我+joy屎+carol去左peggy....好開心!




今日又有一個反思....有時都幾矛盾,我其實都幾唔鍾意d邊青,因為細個時俾佢地蝦,但又想做社工係幫呢班人....可能係神既安排啦...叫我對佢地放低成見!
愈來愈想班同學仔可以信耶穌...但班內既基督徒力量仍未團結...希望可以打破呢個局面啦!
首先做好自己....神既榮光先得以彰顯....我仍未做到最好,要反省!


>>October 10, 2003 at 6:10:48 AM GMT+8

2003 年 10 月 7 日 星期二 【晴】

今日約左班同學仔係學校既sport campus打羽毛球,免費架...好耐冇打過啦....之後成班攪左個小型生日party,係for9,10月生日既同學仔,我都係呀!好開心呀,特別係玩遊戲果part....

放學後同思恩,阿君,sherman,benny,阿朱,阿匯,阿奶一齊走,思恩好白痴,咩事就唔講啦...嘻嘻...

之後約左小林食飯,佢話同我補祝生日喎...thx...今日好眼訓呀....

>>October 10, 2003 at 5:55:49 AM GMT+8