2003 年 9 月 19 日 星期五 【炎熱】

今朝7點幾先番到屋企,沖完涼即刻把握時間訓覺,但只係訓左一粒鐘就要返小組,今日好值得欣賞呀,個個組員都準時,不過唔好意思呀,因為太支力,做野慢...所以遲到!

雖然係烈日當空下小組,不過有好多分享,鐘意咁既小組氣氛呀...好似野餐呀,食住野小組,雖然冇結他,大家又唔係好記得歌詞@好似支力支力地咁,不過覺得好舒服@平安呀,我鐘意咁樣敬拜@親近神!

之後去左潮春江飲茶,雖然臨時補唔到習,不過可以同組員飲茶,所以好開心,好攪笑,我講多錯多,所以勁俾人窒,不過我硬係無嬲啦....之後返祟拜,雖然仲係唔夠56k,不過敬拜時不斷咁想起身邊既朋友仔@同學,好想帶佢地返教會呀!

完左祟拜去取補習$,then再還一筆$,又會俾我咁好彩撞到林菁@阿泰,所以可以還住一半既$...
我第一次見林菁著背心咋...哈哈,都唔錯呀!

>>September 22, 2003 at 2:36:31 AM GMT+8

2003 年 9 月 18 日 星期四 【清涼】

今日番一堂lecture,之後就同同學仔去旺角創興GreenBox唱 lunch k,好抵咋....每人廿靚三十幾蚊就唱左4粒鐘,仲加深我地既認識添,哈哈,玩競猜遊戲,估邊個第一眼望落去似有拍拖,差不多個個都估我有,我冇呀...嘻嘻...仲有annie@阿朱大爆情史,阿匯話自己冇拍過拖,我唔多信囉...唱完k同同學仔行街,之後分道揚鑣,得我+annie+小玲+阿俊+阿mark,始終覺得男仔陪女仔行街有d難為佢地,但佢地又勁話唔介意喎....由於2%買夠3件或以上有3折呀,我又買左一件裙...

本來今日係表哥既爸爸出殯,但因為我少唔舒服,阿爸唔俾我去....有d唔好意思!

夜晚好有意義呀,係參加左做問卷調查義工,係訪問d露宿者,好深體會呀,雖然唔係個個都願意接受訪問,但最深印象係一個訓左6年街既中年男人,仲要係有cancer,唔好聽講句可以話係度等死,但佢依然好樂觀,即使訢街亦覺得自己活得快樂@自由,仲話自己遺願係想香港痛人再訓街,訓街6年,佢親眼睇住有人先殺3次,有人唔覺唔覺第日俾人打包(死左),有人傻左,訓街唔只冇安全感,仲係冇尊嚴,佢地有d唔係放棄自己架,好想努力賺錢,有番身機會,但無奈係政府冇盡力俾機會佢地,其他人冇俾機會佢地.

仲有一樣野值得我地反思既係一個咁慘既人,佢係咁既環境,雖然係好無奈,但佢因為咁而放棄自己,即使盡力係得唔到預期結果,但都甘心接受現實,仲以一個樂觀@知足心態去面對生活,但點解香港有咁多人,特別係我地呢班學生,政府可以話係擺最多心血@資源係我地度,我地好多時候都會唔知足,有新款手提電話用,有名牌衫著,有爸爸媽媽,有兄弟娣妹,有朋友,有親戚,什至有戀人,有學識,有身份,有地位...生日有人同你慶祝,有禮物收,聖誕節有朋友陪你,新年有利是收,可以一家團聚,情人節有男女朋友陪,有得同阿爸阿媽過父親節母親節,中秋節有月餅食,端午節有籽食...其實我地已經好幸福,但點解仲有好人係唔識珍惜眼前擁有既野呢?莫非真係要到失去左先覺得可貴,
"得不到的才是最美麗"...一點也不浪漫呀!

之後係尖咀海旁分享,我地仲傾計傾天光,雖然好眼訓,但值得既....願主眷顧呢班露宿者啦...

>>September 21, 2003 at 4:01:26 PM GMT+8

2003 年 9 月 17 日 星期三 【晴】

今日d堂係最多最密既,全部係tutorial....不過好開心,特別係self-development,真係加深我地既認識架....好想大家可以分享多d大家既感受

不過IT堂突然間唔舒服,多謝d同學既關心,多謝阿sir同阿mark既止痛藥,多謝yan@君幫我"針"水,
原來阿mark又係以前讀安柱,係我表哥舊同學,知道好多野...哈哈....

>>September 21, 2003 at 3:15:02 PM GMT+8

2003 年 9 月 16 日 星期二 【晴】

今日唔係Pinky生日,但因為佢正日(18/9)唔得閒,所以同佢夜晚補祝....約左7點係西九龍中心明將食壽司,佢地個個早到,攪到我變相遲到....因為實在太平啦+突破青衣城呢個框框....嘻嘻....不過今晚joy屎來唔到,反而Peggy個friend~Winnie來左....但係都好開心!

我地送左個粉紅色銀包@無明schedule俾Pinky,希望佢鐘意啦....哈哈....好想日日都咁開心,同朋友相聚既時刻係好開心既,因為好單純...特別係中學時代,好懷念以前搭校巴既日子,好懷念以前搭的士既日子,好懷念以前會考去自修室既日子,好懷念以前去y記食lunch既日子,好懷念以前著校服可愛既中學生時代....

>>September 21, 2003 at 2:55:45 PM GMT+8

2003 年 9 月 13 日 星期六 【暴雨】

今日1040睇早埸戲《向左走,向右走》,有我+英玲+林菁+萍萍+阿pat+Nike+蕃茄,雖然少左肥強+winnie,但已經係少有咁齊人....我第一次見早朝,仲要係葵芳百佬匯咁多人啦,差不多滿座,證明呢套戲真係有佢既吸引力。

唔知係我主觀定我既直覺好少錯?套戲同我預期中一樣咁好睇仲要更好,最初只係當佢係文藝片咁睇,來睇係支持阿琪(gigi)@幾米,不過意外地見到有幾多攪笑位(可能我鍾意笑啦!),最後仲要係好感動呀....愈睇愈肉緊!我見到有人喊左出來,其實我都差d架啦....好彩冇啫!大大話話都鍾意左阿琪7年啦,由佢第一首歌《愛自己》開始,佢真係愈來愈點,唔係講知名道,係講實力,....佢d語言天份真係高呀,好想好似佢咁勁!

唔知呢個世界上又有幾多人好似主角咁,即使等左13年,都依然咁掛住對方呢?唔知又有幾多人經歷左咁多野後,仲可以相遇呢?不過我信有既,因為呢個世界無奇不有...故事中兩個主角既戀愛好單純呀,我鍾意!


【人生總有許多的巧合,兩條平行線也可能會有交會的一天。】
但【人生總有許多的意外,握在手裏的風箏也會突然斷了線。】
所以要珍惜眼前人,包括我既朋友,屋企人,因為呢d都係神既安排...



好想買GD50呀....





>>September 15, 2003 at 3:48:48 AM GMT+8

2003 年 9 月 12 日 星期五 【晴】

今日返教會,小組要大家反省....不過雖然有不滿過,但最後也有包容既,冇因為小組唔好,組員唔投入而灰心,靈命低落,我已經講過好多次,生命唔好唔關其他人事,真係我自己既問題....不過我承認自己有問題...我會改既! 知亮亮撐得好辛苦,所以體諒她今日既果番話....

有時候真係好想知點樣先為之一個好好好基督徒,我真的很想做到...不是單想...而是想行動...
係米一定要咩都做哂出面,人前人後高呼耶穌就叫一個好基督徒?係既....因為一個基督徒有幾屬靈,係一定會版人睇得見....不過只是外表囉,亦都唔係人既尸度去衡量....

係人地角度睇,唔好帶有色眼鏡睇人,果人真係開心d....



p.s.今日見到家醒同另一個女組長係教會門口玩煙花,佢2個都係組長,攪到修慧,馬傑幾嬲! 唔想學佢地呀,要做好榜樣,但我竟然唔敢爆佢地出來,覺得自己對罪妥協...有時對包容vs為罪而發義怒感矛盾@迷失....

>>September 13, 2003 at 1:53:54 PM GMT+8

2003 年 9 月 11 日 星期四 【酷熱】

re狂明仔:咩喎....改番啦...睇下啦....


今晚《美麗在望》大結局,超好睇,超感人,特別係郭晉安話唔介意容祖兒個樣幾醜,寧願佢返番來,睇到喊左出來....我覺得呢套野好有意義,係既....外表係重要,但靠後天都可以補救,而內在美就真係最重要啦,相由心生,心地靚,果樣都自然靚!





>>September 13, 2003 at 1:28:45 PM GMT+8

2003 年 9 月 11 日 星期四 【清涼】

re狂明仔:你都係呀~中秋節快樂!
re幸:我無成日提呀,剩係擒日提及咋嘛,你係米guess錯意思呢?我更加唔想提及啦,只是擒晚呢個日子令我回想起某d野....anyway,它不是我生命中最重要,不過是我最弱@最易受傷的地方而已。
對於我而言,神係最重要,→朋友=屋企=愛情(有才重視)→金錢,至於理想係為神為人為自己既,所以唔想將佢排位!



想跟自己喜歡的人在一起,不論男女,是每個人的夢想!
夢想可以有好多個,亦不等於現實....
所以我想跟自己喜歡的人在一起not=想拍拖,也not=愛情對自己很重要
雖然我知道唔應該咁介意人地點睇自己
不過我真的很介意被人誤會我的夢想只有愛情
我不是呀....我還有更多的理想!
社工@開孤兒院@和鍾意的人環遊世界才是我最大的夢想....

p.s.以上既說話只是有感而發,唔係話邊個,唔係悔氣說話,唔係諷刺邊個....睇完唔好嬲!


>>September 13, 2003 at 1:12:08 PM GMT+8

2003 年 9 月 10 日 星期三 【酷熱】

930-1020: psychology
1030-1220:self development
1330-1620: integrated tutorial

今日返學做左一個九型性格心理測驗,我係助人型@和平型...嘻嘻....都幾準呀!仲可以更了解d同學仔添,原來有人同我理想一樣,開心!

今日係中秋節,選擇係屋企過,仲記得由細到大年年都出去玩....特別係上年,係最開心既中秋節,不過不再了,我太念舊了,這是我的優點,也是我的缺點...

突然覺得再幼稚也覺得戀愛如夢! 熱戀中的情侶必不以為然,但宜家呢個世代既戀愛都好似唔太長久咁,好多人都計較付出,唔識去愛!唔識被愛!唔去面對問題,只係識我講唔夾,唔岩feel,是是但但一齊,又求求其其分手,剩係識埋d藉口,咩你太好,我配唔起你!感情唔可以免強!雖然看似太灰,但唔會再誤會我,我唔會因此對人失去信心,只係我對愛情冇信心,我都相信有正面例子,亦堅持一生一世@簡簡單單既愛!唔敢奢求太多,怕希望愈大,失望愈大!

關於愛情,或者我唔係幸運兒吧!?


p.s.沒有吋人,沒有針對邊個,沒有特別意思,如有雷同,實屬巧合!
不想講太多,怕有人誤會....那人亦不是你,我,他,她....

>>September 12, 2003 at 6:58:19 AM GMT+8

2003 年 9 月 9 日 星期二 【清涼】

無緣和最喜愛一吻 有幸有不幸
也許從沒認識當天這撮人 便覺得很吸引


p.s.這只是歌詞而已,我覺得幾岩,沒有別的意思....

>>September 12, 2003 at 7:00:38 AM GMT+8