2003 年 8 月 8 日 星期五 【晴】

朝早遲起身,去補習遲到....不過今日因把聲沙哂,又唔係幾開心,所以補習時總不在狀態,又教得單調+沉悶+求奇,原來我仲未完全學到將情緒@工作/讀書分開,我唔太理性,都幾感情用事...

等間去城大註冊,我要報O Camp.....由於要註冊,所以會同阿蚊返7點半果場祟拜.

>>August 9, 2003 at 4:58:27 AM GMT+8

2003 年 8 月 7 日 星期四 【晴】

今日終於出camp,由於2晚都有通頂,第一晚就玩到2,3點先訓,因為組長,導師要開會,所以join唔到我地,第二晚就完全冇訓,同阿sam,蚊,阿澧,斐瑜,Daren,阿希傾通頂,中途都有若干人來傾,幾好呀,大家又可以互相了解,不過有唔開心呀,因為總有d組員係唔團結,唔投入既,總會在活動時自己行開左...不過要包容+愛....希望做到啦....

去呢個camp都有得著既,就係要突破,其實唔單只基督徒,每個人在生命裏都要成長+改變+突破,冇野係冇可能既,包括信耶穌,只要靠神就能成就!我都要突破呀,例如在挫折中喜樂+盼望啦,要有自信啦,要學習放手啦,學習等候神啦.....嘻嘻...

好多謝你地咁關心我既感情,但我仲係好多野要學習....對於感情,我係比較冇信心+軟弱既,或者我真係需要心靈醫治啦...


本來今日出camp後會補習+join中6,7班同學去人妖屋企打邊爐,不過因為實在太支力,太眼訓啦,冇去到,這是我第一次甩佢地底,sorry呀....

>>August 9, 2003 at 4:50:50 AM GMT+8

2003 年 8 月 5 日 星期二 【晴】

入到City既Associate Social Work
雖然唔係最想入,升上去又要讀4年....不過都叫做係自己鍾意果科呀,心足啦!感謝主既安排!

不過個人唔係好精神,又唔多開心....唔想灰,知要等候!不過實在冇信心....好似個惡性循環咁,個夢發完又醒...唔想再發夢啦.....原來我還未完全康復...

等間入camp,今日2:30pm-星期五晏晝...


>>August 6, 2003 at 4:08:10 AM GMT+8

2003 年 8 月 4 日 星期一 【晴】

今朝早一早去左補習,補左3粒鐘....yeah.....又有300蚊,可以還$....好多債主...嗚嗚....

跟住番屋企食埋飯先番教會小組,開心,因為今日好齊人,去camp都係呀...amen!
玩左個勁攪笑既遊戲,笑死,成組玩到打哂交咁,哈哈....這就是我們的小組!

跟住同亮亮傾下小組+自己生命,都幾開心呀!最後都決定返祈禱會,不過因為太夜,所以早走....真係幾感動架....覺得神已經對自己好好,無論學業,朋友,屋企,生活....都已經好好,係自己唔知足啫!

番屋企冇俾人鬧我出街,仲俾我去camp同落街食燒夜,有英玲+阿pat+林菁+萍萍,仲見到阿妙添...
多謝阿妙d燒買,食左好多野,希望可以肥啦...

>>August 6, 2003 at 3:58:02 AM GMT+8

2003 年 8 月 3 日 星期日 【晴】

今日去尖東唱k,有我+英玲+萍萍+阿Pat+Winnie,我同Winnie又遲到,sorry呀!

去到唱k,本來勁開心,因同佢都好耐冇唱過k,點唒d歌,又勁飲野食野,點知唔知邊個講笑,笑到我勁肚痛,又唔知係米又飲凍野+熱湯,勁暈勁想嘔,跟住真係嘔埋出來....勁核突!唔好意思呀,攪到你地唔係點唱到....唔該英玲+萍萍幫我買止痛藥....

不過到我冇乜事時....大約點半到,就冇得唱,但明明話如果冇人等位,可以唱到4點,但果間野真係冇人等位喎....激氣!

跟住去左IT睇野,阿Pat買左件mickey mouse既背心,幾靚架....然後去左poly食tea+睇漫畫+hea下,先番屋企,咁就過左一日...仲借左好多爉筆小生既漫畫...嘻嘻...好攪笑架....


p.s.多謝萍萍+winnie既手信

>>August 6, 2003 at 3:57:35 AM GMT+8

2003 年 8 月 2 日 星期六 【晴】

RE幸:不是我不發覺....只是這真的是香港既真實情況,這是我從報紙中看到,我們實在太幸福啦....未曾經歷過!所以才只看到我們周圍單純美好既一面,所以我們應該慶幸,如果可以,米盡我地能力去幫助更多有需要既人囉....

>>August 3, 2003 at 5:26:14 AM GMT+8

2003 年 8 月 1 日 星期五 【晴】

為什麼得不到,看不到的,總想愈接近?
到了不想要,不想見的,就總在附近?


不愛面子...
不怕醜....
不低b....
不大細佬....
不執著....
不任性....
不堅持....
不傻下傻下....
不口直心快....
不情緒化...
不愛笑....
不粗魯....
不大聲講野....
不愛在海旁大叫....
不愛豬....
不愛玩...
不倔強....



咁呢個仲係我咩?


我話喜歡一樣野或一個人,就會喜歡到底!
我話要做一件事,亦會堅持到底....除非那是出於我能力範圍以外啦...

>>August 3, 2003 at 5:29:18 AM GMT+8

2003 年 8 月 1 日 星期五 【晴】

今日番教會,遲到....sorry呀,點知阿賢直程未起身...嘻嘻....本來小組改做5點先開始,不過實在太少人啦,所以改左做星期二1點...小組好似個個不在狀態咁!見到有d新人唔開心,唔得閒就唔番,想番起自己以前都係咁....宜家有時都會咁想架....但開曉啦....唔開心應該搵神,唔係靠自己+其他人,即使人離開我,但神一定唔會....

之後祟拜....勁正!要反省,究竟自己起初既愛心去左邊,原來我經歷咁多,竟然變得冷漠左....仲記得想做社工係因為想幫邊青走回正路既....但我竟然開始討厭班唔懂事既靚仔靚妹...唔得架....唔可以輕易放棄!我仲係好想幫呢班人....有時見到班青少年(雖然我都係青少年)日日無所事事,咁細個就學人食煙,拍丸,染髮(犯校規),講粗口,打交,性交,佢地外表可能好壞,不過就心靈軟弱....屋企問題又多喎.,d阿爸阿媽又剩係識得打仔鬧女,d仔女又學識偷$,打父母,仲有父母又話離婚,人與人之間既感情變得好淡薄,疏離...點解呢個社會變成咁架?

即使呢個世界幾複雜,我話過都要保持一份單純既愛心,到宜家我都係蹅堅持既!希望呢個世界多d愛啦.....



>>August 2, 2003 at 12:37:11 PM GMT+8

2003 年 7 月 31 日 星期四 【晴】

夜晚約左英玲+阿pat出去旺角買萍萍份禮物,我又遲到,sorry,終於見到英玲+阿pat highlight既紅色髮型,都唔係好飛啫....我地去左聯合,但太肚餓,去左搵野食,本身想住搵許留山,點知愈行愈遠,去埋花園街,得外賣果隻,行行下,唔想搵啦,求奇去左間食豆腐花,跟住去左潮流特區果邊,先見到好多間許留山出現....激死....之後行左新天地+瓊華+波鞋街+味千拉麵,又買左個黑色大背"朗"俾萍萍,都幾型架!阿pat亦都買左一頂太陽帽,我都勁想要一頂呀...英玲除左食就冇收獲啦....嘻嘻...

re阿幸:thx你既認同,一個負責任的好男孩!嘻嘻........

>>August 2, 2003 at 3:40:39 AM GMT+8

2003 年 7 月 31 日 星期四 【晴】

《婚前性行為?保守?》

果次同顧少傾電話,佢話我反對婚前性行為係保守,哈哈,其實我唔係完全反對既,我自己一定唔會啦,都唔會對發生婚前性行為既人反感,即使我無宗教信仰以前,我都係唔會容許自己有婚前性行為.係米因為宜家呢個社會大多數人都覺得呢樣野冇所謂,就成為一種潮流,唔認同既就代表保守同out呢?宜家既潮流好似係由自己帶領,呢隻好似變左係盲目追隨潮流,咁米好冇性格?

仲有,係米大多數人認同既野就係岩?咁好多唔係反法,好似食煙咁啦,夠有好多人認同啦,唔通又係岩?食煙係危害自己+他人健康架...

有d人話出於愛→婚前性行為,呢個可能係最好既解釋,不過係米出於愛,可能當時人有時都未必分清楚,既然係出於愛,點解唔等到結婚先發生呢?難道這種愛不敢保證什麼?這種愛經唔起等候+忍耐?最討厭就係d男仔介意女朋友同前度發生婚前性行為,但自己又同人發生婚前性行為,之後又飛人,咁不負責任都學人講愛?米即係大男人咋嘛...

唔贊成唔代表反對,唔認同唔代表保守!
有好多野我覺得d人仲比我保守啦....

例如乖乖女好多人就多數認為係單純,d壞女孩一定唔單純咁,但我反而覺得有好多飛仔飛女都係因為單純,受人蒙蔽,所以先會誤入歧途,亦有有好多扮乖乖女,其實就攻心計好勁!

食煙+染髮+講粗口=壞人,未必架,佢地內裏其實可能好自卑+軟弱,只係為左保護自己,所以先扮壞.

一男一女唔=拍拖,講淫野既唔一定好咸濕,基督徒唔代表一定係好人....


>>August 1, 2003 at 8:04:52 AM GMT+8