2003 年 8 月 19 日 星期二 【雨】

朝早冇得玩"車大難",lunch時由和仔抱我出camp門口,由eddie@iris送我去醫院睇急症+番屋企,仲幫我俾埋的士$,thx!

番到屋企勁支力,訓到夜晚,冇得補習...

P.S.今次個camp勁抵,勁好玩!仲得著好多!起初對大學生活灰心過,驚大學生就一定會變壞事濫用自由,不過其實大學生亦有佢地好既一面,同真係好成熟@有風度!

>>August 22, 2003 at 3:17:38 PM GMT+8

2003 年 8 月 18 日 星期一 【晴】

一朝早就係陽光猛烈之下玩埋d濕水@動作遊戲,仲有吹奶啦,用全身運水啦,soci game啦,soci game係玩社會既縮影囉,係係指定時間內搵最多$,有不道德/道德既方法搵$,道德既就係做黑衣啦,扮殘廢啦,去社會福利處扮可憐啦,做苦力啦,幫人做野啦等等...不道德既就有做妓女,做妓男,有組員去做男妓,要露股"啦",仲要扮忽忽,勁攪野!有組員差不多要做妓女,要訓係個男仔度,勁恐怖,玩遊戲啫,唔洗咁博呀!有婚姻註冊處,係要一男一女互kiss,當然唔係面咁純啦,仲有濕吻,仲有2男仔kiss同除褲,我就剩係睇戲囉, 一定唔會做....不過呢個game有啟發,唔係色情表現,係話出到社會就係咁,做同唔做要自己選擇,我覺得雖然人唔可以冇$,但就一定唔可以冇道德,冇原則!

夜晚玩角色扮演,係班leader話唔見左部DC,之後又話搜身,又話對d freshmen唔公平,又好似流氓咁互鬧互插,激到d freshmen出聲,為自己既福利@權利出聲,我只係覺得有d人好似唔多成熟咁,點解唔心平氣和咁解決件事呢?覺得2方面都有錯,所以俾人迫左出去講野,後尾先知做左傻仔,因為只係一個遊戲來架咋,佢目的係想引導我地d freshmen出聲,係想話到我地遇到d不公既事情時,係米應該要出聲,定係選擇忍氣吞聲呢?做大學生唔同以前啦,唔再係人地講咩你做咩,係應該有獨立思想,覺得唔公平就要講,但亦都唔可以濫用自由,唔係一句要伸張正義就代表岩,代表公平,面對對與錯,我地真係要作清楚既分析!

夜晚四社選營花營草案又係d有味玩意....悶!不過代表我地社既一對營花營草就成為呢次既營花營草得主,因為故事比較溫情,係純中學生既初戀故事,實驗證明,唔係一定要有3級野先得既!果首"愛我別走"勁好聽!果男主角勁似我表哥,亦都係我認為全社最靚仔既一個!

夜晚玩DISCO PARTY,氣氛好好呀,個個都勁開心,我就因為咁整親隻腳,勁慘!冇得玩,仲要EDDIE,安仔佢地逗我笑+d大隻佬輪流抱我番don,thx!夜晚睇住人玩皇帝!

>>August 22, 2003 at 3:12:35 PM GMT+8

2003 年 8 月 17 日 星期日 【晴】

9點去到City恆生銀行集合,跟住去食早餐+無聊聊唔知同邊個慶祝生日...哈哈!之後入左一間大room聽briefing+玩遊戲....原來個SPY係Eddie,差d俾佢d戲扼到,我地食完lunch入營....

我果社係黃色,組爸係Eddie,小龍,Ivan,組媽係iris+keiko,keiko都幾靚女,佢地話Ivan似馮德倫,小龍似鄭浩南....嘻嘻...

第一日入camp就玩左好多野,有一個類似野外定向既活動啦,勁跑勁喘氣,仲有d要做埋d不雅/貼身動作,不過都預左,最慘有一part要男女男女卡拉卡拉咁排,又要前面係兩腳中間伸手,由後面果個係後面拖住,但有分高矮,我前面果男仔勁高,我差d整到佢,好驚呀!

之後又有營火會,又係男女男女手拖手,好開心呀果氣氛,因為d人都好投入,年輕人呀嘛,唔識都可以玩得埋,不過都有d女仔比較靜架!

夜晚選營花營草,又係d變態野,有男女反串跳千金,有男仔帶bra+除衫,有男仔壓住女仔既懶係三級意味動作(聽聞男女主角之後搭上左),有船家@豆腐花,有護士跳"yes"扮洗頭水廣告...最後係船家,張雨,connie同carmen代表我地社角逐營花營草....

之後又返don玩上山落山,black magic等等,我終於知蹺妙啦....

>>August 22, 2003 at 3:13:14 PM GMT+8

2003 年 8 月 16 日 星期六 【晴】

唯求好姊妹 抱我一抱
唯有我聽過你對我哭訴
蜜運後又離又合 苦心得好報
我都有聽你勸告 不要計數
他錯了要故意扮成糊塗
終於你守得到怎麼我和我的他 忍不到

每當我愛到跌入漩渦 將錯就錯 關係亦出錯
我總太愛人 逼到愛人 變做朋友再變生疏
若我說我願意誰在乎過 你知道那答案快提示我
分半點福氣給我 不准留低我一個





為什麼我總不夠絕?總不夠狠?
我係硬頸既,不需要安慰...



>>August 17, 2003 at 3:18:15 PM GMT+8

2003 年 8 月 16 日 星期六 【晴】

今日同英玲@winnie去銅鑼灣+尖咀行街街,我遅到,唔好意思呀,不過今日大家都好似支力支力地咁,我同英玲都有收獲,之後收到Cody電話,話說林菁好姊妹知我想報camp但報唔到,就幫我同佢組爸,即係Cody講過下,Cody就幫我安排,我聽日有得去camp啦,唔該哂你呀~林菁!雖然只可以去大O Camp,唔係自己Faclty,不過都好開心啦....係18-20/8呀,但聽日要早起身囉!



>>August 17, 2003 at 3:09:46 PM GMT+8

2003 年 8 月 16 日 星期六 【晴】

re carol:係咩...我更正番啦,你又check番啦,嘻嘻....

>>August 17, 2003 at 2:42:46 PM GMT+8

2003 年 8 月 15 日 星期五 【晴】

今日去CITY reg+交埋學費,好貴呀,成$4200,跟住影左學生相,造埋學生證,唔係幾滿意喎,!人人都話冇野喎,可能自己睇自己vs人地睇自己係唔同啦!不過好得意+好好玩呀,張學生證既功能竟然可以同八達通一樣,好似大鄉里添,又去左圖書館+canteen啦,canteen係大,不過幾亂啦,又見到Jessica喎,佢又靚左啦,羨慕!好開心呀,雖然係associate,不過終於可以過大學生活,仲有幾多識既人讀CITY,有林菁啦,carol啦,Jessica同hary啦,仲有上年讀緊既萍萍,賴志光+不羈等等....辛苦左成年,係值得既....

之後番教會,今日有呼招,都有一d人決字啦!完左去食野→傳福音→"羅雅"睇書→千色店行左一陣!






>>August 17, 2003 at 3:01:14 PM GMT+8

2003 年 8 月 14 日 星期四 【晴】

今曰點番教會小組,我最早到呀...嘻嘻...小組後各自四散....同亮亮傾左一陣,結論係知自己問題係邊,知自己做緊d咩就得啦,其他人點睇唔重要,thx亮亮既支持+信任!

唔開心都會到處散心,同朋友一齊係真係開心,因為我會投入係當中,唔開心既野唔應該成日帶埋出來分享既,唔出聲/少出聲唔=唔開心,我係我,唔會扮開心@扮好人,我的確係任性,冇收埋過,唔係樣樣野做哂出來先叫係,先叫真,果d叫造作!其實我冇咩唔開心,冇咩擔憂,除左一樣事情外,咩唔開心講完就好快無事,因為我都識安慰自己+自己搵快樂,唔係人地想到我咁灰!多謝關心我既人!

幫細妹細佬改左個花名,細妹叫毛毛,細佬叫肥肥,嘻嘻,我以後都會咁叫佢地,好抵死呀,夾硬迫佢地要呢咁既名!

BoBo好cute呀~嘻嘻....我鍾意!



RE幸:thx你既提點!我差d忘記要咁睇野!
RE大佬威:嘻嘻...你很醜,但你很溫柔!哈哈....講笑咋!

>>August 16, 2003 at 2:51:07 AM GMT+8

2003 年 8 月 14 日 星期四 【晴】

我任性,仲有d火爆+衝動...
好多時都唔顧後果+唔聽人講,
又唔鍾受束縛+俾人鬧,
以前覺得好有性格,同埋仲後生呀嘛,
但原來任性係要付上代價架!
神呀!請你原諒我既任性+軟弱啦...


>>August 14, 2003 at 7:42:44 PM GMT+8

2003 年 8 月 13 日 星期三 【晴】

今晚補祝Peggy+Carol生日,因為Carol要去澳洲,擒日先返...所以今日先有得出來!
今晚有Peggy+Carol+Pinky+Joy屎+我,五個女仔無人攜眷出席...嘻嘻,又係青衣城,今次係意粉屋,上次係Pizza Hut,上年我生日都係唔知叫咩名果間,又係向青衣城,雖然跳唔出呢個框框,不過次次都咁開心....

完左去海旁傾計....
勁攪笑,我係低b學會,Joy屎係智障學會,Carol係弱智學會,Peggy係自閉學會,Pinky係躁狂學會,Peggy@Pinky係顛ins(twins),成班夾埋唔係Cookie,係Aunties,嘻嘻....勁低b!笑到抽筋!仲影左好多相!顧少倫之後來搵下我,佢話我老左....啍!


p.s.多謝Carol手信,係每人一個代表既英文字頸鍊,我當然係A啦!

>>August 17, 2003 at 2:43:10 PM GMT+8