2003 年 11 月 10 日 星期一 【乍雨乍晴】

感覺很不是味兒....


幸福應該係自己爭取....
但好似好遠咁...


睇睇下資料,都咁驚...
死啦,犯中社工死穴,過份投入case度..
神呀~給我信心!













擔心+掛念+自卑

>>November 11, 2003 at 4:43:37 PM GMT+8

2003 年 11 月 9 日 星期日 【颳風】

愈來愈鍾意睇"衝上雲霄"啦,吳鎮宇好正呀,佢個角色仲正呀,原全係我鍾意果類型,外表木獨認真,實質係溫柔浪漫,對感情專一,思想成熟,俾人好安全既感覺...

>>November 10, 2003 at 2:04:50 PM GMT+8

2003 年 11 月 9 日 星期日 【颳風】

愛是恒久忍耐,又有恩慈.
愛是不嫉妒. 愛是不自誇, 不張狂, 不作害羞的事.
不求自己的益處. 不輕易發怒. 不計算人的惡.
不喜歡不義. 只喜歡真理.
凡事包容. 凡事相信. 凡事盼望. 凡事忍耐.
愛是永不止息.


發覺信得愈耐,就愈發覺自己既愛心與熱情慢慢地冷卻左
可能因為人愈大,受傷害愈多,不計較地付出+熱情,
被人視作多餘,好管閒事的傻瓜,我真係試過因為太好人被人利用/嚇走人
果時我先發覺,你對人好,即使唔要求有回報,亦會造成別人既一種壓力
自此之後,我變得唔敢愛,愛原來亦會令我感到害羞,
變得計較付出,變得沒有盼望,沒有信心,沒有包容...
仲有呀...好多時我既愛好局限係我既朋友,屋企人,情人,俗稱自己人
但宜家真係開曉啦...以前既傷害唔係神既作弄,反而係神既磨練
我之所以覺得傷心,被傷害,係因為我未真正領悟愛的真正含義
即使沒有回報,沒有讚賞,沒有認同,我都願意付出...因為愛係發自內心既!
感謝傷害過我既人,因為沒有他們,沒有今天的我...


>>November 10, 2003 at 5:57:09 AM GMT+8

2003 年 11 月 9 日 星期日 【晴】

RE Nike仔: 我當然知道啦,我唔會因為怕受傷害而唔對我的朋友付出架喎~我指既係新識既朋友...
不過就算怕,我都唔會唔付出既,性格係唔會因為其他人而改變架嘛!你講得岩,如果唔
珍惜既人,少一個呢d咁既朋友都無所謂,係真心既朋友,已經係我心入面....

>>November 10, 2003 at 4:37:48 AM GMT+8

2003 年 11 月 8 日 星期六 【雷雨】

朝早6點先返屋企,好眼訓,點知返到青衣先落雨,攪到要冒住跑返屋企,感覺很爽,很喜歡係雨中狂奔,一路跑,一邊想甩掉心中那個人...

誰為寂寞戀愛 將來也許更寂寞...

訓到12點半,攪呢攪路就起程去阿賢屋企小組+BBQ,之後要3點先開始小組,玩搶"登"仔,太笨拙啦我,竟然以為只係唱,不用搶,攪到全場爆笑...之後我都係輸左,要拎住地拖扮青衣小姐...
今天小組很開心,組員們很融合呀...很高興見到simon既成長...
希望亮亮身心靈既疲倦都得到醫治
希望阿蚊受浸後生命有成長+更清楚自己既服侍/方向
希望阿sam快d搵到份新工作+係工作中榮耀神
希望阿賢健康有改善+係神入面更堅定+有信心
希望fiona無論健康,學業,感情都係向神入面被神掌管,不用擔憂
希望阿希更依靠神
希望IRA係信仰入面不斷成長+求神保守佢感情+學業+補習的小朋友
希望simon有成長+對神愈來愈有熱情
希望kanas變番以前果個開朗少女,願意將一切交上俾神
希望阿宗係第間教會有更大既成長+認識神

夜晚BBQ,有我,阿蚊,阿賢,sam,亮亮,fiona,阿希,simon,仲有ira,阿宗,nike,蕃茄,wendy,dave同阿禮,好開心呀,玩左好多幾激既遊戲,哈哈...我係米玩我幾過火呢?我都怕超越聖經既底線,我咩都敢玩,剩係唔肯錫男仔+玩鼻屎,因為我認為我只可以留番俾自己鍾意既人,又玩左用條"利""賴"地拖,""賴"頭髮,係地度碌來碌去,男"咩"女跑圈等等...最尾要阿蚊,亮亮同ira"甩"住張"登"+拎住d叉,d橙等等係條街度跑,勁攪笑,俾d途人睇到都笑...雖然有d人唔肯玩某d遊戲,但我們要接受每個人也有每個人既原則+價值觀+底線,唔代表唔玩得!雖然我都幾貪玩,不過唔沉迷就得啦...

如果基督徒能夠用呢份大膽去玩既心放番係傳福音上,就更好啦!








>>November 10, 2003 at 7:15:08 AM GMT+8

2003 年 11 月 7 日 星期五 【乍寒還暖】

今日返教會,堂道講左神俾我地既4個冠冕,我自知自己未能勝任....但我會努力!

夜晚去左訪問夜青,本來想住會因天氣關係取消,但最尾因為部份人既堅持,照原定計劃,不過冇咩野體驗到呀,可能真係因為天氣關係啦,不過本來我地班有好多人填名參加,最後只得我,阿君,阿yan,阿mark,kristy,珊珊,阿俊,benny9個人去...

我地之後傾左一d關於t03班人既問題,又傾下d professors,哈哈,攪笑!又識左隔離班一d同學仔同yr2既師兄姐,唔好爆我message box呀kelvin...

夜晚同阿sir分享左一d社工同信仰既價值觀,初初覺得呢個阿sir幾煩,有佢講冇人講,不過宜家先發覺佢都幾特別,係少有咁有熱誠,咁有衝勁既professor,發覺佢真係對神好有信心,好堅持!佢話如果容易絕望,做社工會好辛苦,好難做...做社工好似信仰咁,同樣係想改變人,幫助人成長,令自己成長,
我地要信人係可以改變既...


利他vs自我...
如何做到好似耶穌咁只利他不利己呢?

>>November 10, 2003 at 6:23:24 AM GMT+8

2003 年 11 月 6 日 星期四 【晴】

re狂明仔:我的夢想之一係跟喜歡的人環遊世界呀...

re思恩:好開心得到你既支持,我都撐你架,在你身上,時常感受到愛心既存在...

re中:哈哈...你遲d就會見到架啦...

>>November 7, 2003 at 5:22:12 AM GMT+8

2003 年 11 月 6 日 星期四 【炎熱】

擒晚同賢仔傾計,終於可以就到Ira都去到bbq啦...開心!

同賢仔好耐冇傾電話啦,不過開心既係,見到阿賢終於由信變成信仰,
亦好開心見到佢既改變同成長...

最後又come出左一d既問題:
人究竟係米犯賤呢?
何謂單純的人?
究竟友誼既建立係米簡單自然?


其實之前好抗拒人係犯賤呢句野,我更否認自己係咁,我會好好咁珍惜自己同對我好既人,事,唔會到冇左先來珍惜,但後尾發覺原來自己都有犯賤既時候,唔係唔珍惜眼前既野,而係衰心軟,唔會點記恨一個曾經傷害過我既人,無論佢點傷害我,都仲會去珍惜呢種緣份...咁算唔算犯賤呢?

對於我來講,友誼既建立係簡單自然既,好講緣份,當然都要後天既付出+珍惜啦...
以前既我,曾經係個開朗少女,我既傻氣總係帶俾心歡樂,可能亦因為咁,總好容易同人熟絡
但人大左,可能知咩叫痛,咩叫受傷害,唔會咁容易同人建立友誼,可能係害怕受傷害啦...
我亦比以前靜左好多....有時會覺得咁樣係有問題,唔鍾意呢個沉靜左既自己
但慢慢又發現有時候靜d唔=唔好,可能更加添我成熟感+有深度
時而活潑,時而安靜,簡簡單單做返自己就最好...



>>November 7, 2003 at 5:15:11 AM GMT+8

2003 年 11 月 5 日 星期三 【炎熱】

好想一個人去唱k呀,好想一個人去睇戲呀,好想一個人去旅行呀,好想一個人去流浪呀....

好想鍛鍊到自己tough D!

不要只係想,我會堅持我既原則,想做就去做!




本來有人陪我實現我既夢想之一,不過唔緊要啦!自己一個環遊世界都可以好快樂....


>>November 6, 2003 at 10:39:19 AM GMT+8

2003 年 11 月 4 日 星期二 【炎熱】

今日 勁眼訓呀,有唔想返既衝動!只怪自己擒晚夜訓之過....仲要唔記得帶notes同assignment添~

上完堂去CSC打番Learning in U!打到手軟啦,原來我作左成1800字咁多,小玲好好呀,等埋我一齊食野,不過之後分道揚鑣!

好開心,收到阿Yan 封信...真係好感動!好能夠振興我!我相信係神安排佢既出現...雖然佢間教會...不欲多提!之前無估到係大學都識到知心朋友,不過宜家我信啦,只要簡單待人,友誼係自自然然建立出來既。

係既,我要唔受人地影響而改變我既價值觀,做朋友可以彼此和而不同架嘛!不同性格既人都可以做到好好好好晃朋友仔。希望係大學都可以識到多d交心既好朋友啦...

我相信傻下傻下未嘗係壞事,簡單既人係會開心d既...簡簡單單就係我!

勁期待星期六晚訪問夜青呀....我勁想做呢個field!


>>November 5, 2003 at 7:08:36 AM GMT+8