2003 年 11 月 29 日 星期六 【乍雨乍晴】

今日同多多傾左一陣,雖然只係icq,但了解左佢既近況+心情
哈哈,見到佢就不其然想返阿星小組
不過面前將會更好,我知道!

人大多,係社會上見野多左,問題+挫折+傷心+失意多左
很容易失去本身果份信心+夢想
有時都會覺得講易過+多過去做
什至失去果份堅持+執著
但後來發現左,明白到...
結果唔重要,最緊要係過程呀,我學到好多
時間唔係問題,難關始終會過,最緊要係講左要實踐呀
傷心失意只係過程,但開心先係我地既目的地


小強美格言:要對神,對自己,對青春無悔!

>>November 30, 2003 at 5:23:05 AM GMT+8

2003 年 11 月 28 日 星期五 【乍雨乍晴】

之前、之後

過去你送我這個電話 這晚我信你不敢說實話
怕它記不起響 亦怕你已忘掉怎麼打
過去你對我天天起碼十個電話 怕我還在變掛
誰令你為我緊張到怕 猶如贏盡了其他

*不慣被愛的我幾乎也相信
從前誰傻傻仍和我不同
挨更過夜仍願意跟我隨處去兜風

#仍感激 你令我以為我以後也得寵
我會是你最在乎那一種
后冠一帶 夠那些感動 全部盡廢前功
為何我 這樣快變成耳邊風
莫非戀愛下去唯有這種 習慣帶來厭倦我不竟未蠢
仍然留著你的信

過去你愛我 給我極多 到我愛上你可得到什麼
至少我搞清楚 被愛那個難付出得多
非得到不可 一得到了又算什麼 人人能代替我
難道太熟了敷衍過我 仍無權利怨什麼

repeat *

為何我以為我以後也得寵
我會是你最在乎那一種
后冠一帶 夠那些感動 全部盡廢前功
為何我 這樣快變成耳邊風
莫非戀愛下去唯有這種 習慣帶來厭倦我不竟未蠢
仍然留著你的信

>>November 30, 2003 at 8:18:09 AM GMT+8

2003 年 11 月 28 日 星期五 【乍雨乍晴】

今日好支力....唔係點想出聲,呆呆滯滯咁

小組時勁快速,不過多謝亮亮送俾我地既野
其實我改變了之前既想法架啦,我想做組長
唔再怕做組長感大壓力,感吃力不討好啦...
我既改變唔係因為做組長好威果d...
係想服侍人,服侍神更多
我都明白自己未夠裝備,
可能都係亮亮所講,缺乏自信,仲未夠靠神
我要努力呀!我知道神會改變我既...

好想將舊我完全改變,今日既我仲未夠

完左小組...個個都有野做,我我同阿希,本來想住番屋企
但最後同佢去m記傾左一陣計,了解大家多左
哈哈,很開心見到佢既改變,雖然仲未完全改變
但已經踏出左好大步...




夜晚....
很唔爭氣呀
唔明唔明
定係自己唔想去明呢?

>>November 30, 2003 at 5:11:22 AM GMT+8

2003 年 11 月 27 日 星期四 【晴】

今日一大早,要返去quiz social work,因為擒晚差不多溫通宵咁濟,所以個腦好似塞哂咁....所以好多野都攪亂左,其實一路quiz一路都唔多舒服,又流鼻血....仲要發冷,勁悶!

之後想住買柸熱飲暖d,但無散紙,想住搵人幫,點知叫極都冇人認,我又開始唔舒服,好凍,好震,好痛...之後阿ming幫我買左柸美錄,thx!不過都係好辛苦,之後阿君見到,即刻幫我攞張登坐,仲有阿牛,sherman,阿mark,比比枱我去clinic,隱約知道應該係呢幾個男仔,好似仲有benny....再一次thx!
仲有阿yan,陪我入clinic既room,同埋小玲,幫我俾住13蚊,同埋其他關心我既同學仔....真係thx呀!
不過果一刻真係幾驚,因為抽哂筋咁,好痛....次次咁,我都好驚,一驚就會緊張,又再抽得勁d痛d...

有時覺得自己好無用,成日成為人地負累,果一刻我勁唔想入急症,佢地差d幫我叫白車,但我真係唔想阿爸阿媽知,我都用我僅餘既聲音叫佢地放低我,因為真係唔想煩到人,覺得自己每月一次好煩人,唔通成日要靠人咩?
原來之後佢地去左玩,我都想join呀,不過算啦...


後尾join英玲,阿pat食野...之後又買左d衫...







夜晚心煩...

唔好想咁多啦,傻婆....

>>November 28, 2003 at 3:02:51 PM GMT+8

2003 年 11 月 26 日 星期三 【微冷】

今日知道很多令我失望既事實...

原來好人,熱心幫人做野,都會俾人討厭,多野講d,就俾人話煩,唔講野,就俾人話靜,話悶,內向d都會俾人排斥,...低b d就俾人話扮cute,唔埋堆又有微言,勤力既都會俾人暗吋,好似有罪咁(起初仲以為係玩,後尾先知唔係),正直既俾人吋"on"居,唔岩傾要傳播出去,唔俾佢有埋堆機會....有人踩低人地來抬高自己,有人見高就拜,見低就踩,一係就表面好人,其實最陰森,太可惡啦,欺騙左我,應該係自己天真,錯信佢地....唔明點解咁大個仲要做埋d唔成熟既野,究竟係因為自卑感作祟,定係自尊心驅使佢地咁做呢?咩搵人來取笑,真係可以令你上圍咩?
佢地仲要係可能會成為明日既社工架....幾可笑...

更可笑既係,起初我也差點成為這班可笑既一群,為融入佢地而失去自己,我根本冇資格話佢地...



我就係我....唔受佢地影響,唔想再理d閒言閒語....無聊! 即管講啦,神自會有衪的審判!
沒有偏見,這原來唔係我一個人見到既事實,公道自在人心
今日包包講左句很好既說話:問心無愧,做番自己米得囉,簡簡單單就最好!很好的一句話...





幸好,仲有好多沒有失去良心的人






需要反省,有時想試下玩弄感情,或者對人地衰d,
不過過唔到自己果關....

>>November 27, 2003 at 11:38:48 AM GMT+8

2003 年 11 月 25 日 星期二 【晴】

唔想對人失望...但又再一次令我失望囉...

>>November 26, 2003 at 4:29:12 PM GMT+8

2003 年 11 月 25 日 星期二 【晴】

《小孩與狗仔》

一個商店老闆在門上釘了一個牌子, 上面寫著"小狗出售".

這個招牌對小孩有相當的吸引力.

過了不久,一個小男孩出現在招牌前問說

"你這些小狗要賣多少錢呢?"

店主人回答,"都是從30至50元不等". 小男孩把手伸到口袋裏,

掏出了一些硬幣,"我只有2.37元, 我可以看看它們嗎?"

店老闆笑笑並吹了口哨叫狗過來,

從狗屋中跑出來店老闆的名叫"女士"的狗,走廊上

五隻小狗跟著跑來, 其中一隻小狗明顯的遠遠落在後面

小男孩立刻注意到那隻落在後面, 跛腳的小狗,

他問店老闆,"這隻小狗怎麼了?"

店主人解釋說這隻小狗出生時,

獸醫診斷它的骨盆腔發育不健全,這一生都註定要跛腳.

小男孩顯得很高興的說,"那就是我要買的小狗",

店主人說,"這隻小狗不用買,如果你要的話

"我把它送給你". 小男孩有點難過,

他看著店主人的眼睛說,"我不要你送給我,它跟其他的小狗一樣.

值得每一分錢,我會付全額給你.

我先付你2.37元, 以後每個月付50分,直到付清為止".

店主人反對的說,"你真的不用買這隻小狗, 孩子!

因為它不會像其他的小狗一樣正常的跑跳和玩耍".

小男孩彎下身來捲起褲管,露出嚴重扭曲,

用金屬支架支撐住的殘障左腿.

他看著店主人說,"我自己也無法正常的跑跳,

所以我知道這隻小狗需要有人了解關愛它"

店主人緊咬著下唇,眼中湧出了淚水,

他微笑著說,"孩子,我衷心希望與祈禱,這裏的

每一隻小狗都有像你一樣的主人"






在一生中, 你是誰其實並不代表什麼,
應該在乎的是否有人欣賞你,
接受你而且無條件的愛你.
真心的朋友是當世界其他人都離你而去的時候,
仍陪你併肩而行.
以美好的心，欣賞週遭的事物
以真誠的心，對待每一個人
以負責的心，做好份內的事
以謙虛的心，檢討自己的錯誤
以愉悅的心，分享他人的快樂
以喜捨的心，幫助要幫助的人


今日係email收到一篇很有意義的文章
好想同大家分享...

>>November 26, 2003 at 3:26:33 AM GMT+8

2003 年 11 月 23 日 星期日 【微冷】

超掛念我既朋友仔,係所有陪伴我度過可愛又單純既中學生活既朋友仔...

記得中一至中五一起搭校巴既傻事,每天也好像等待朋友仔一起回程的感覺
很掛念啦啦隊+71回歸口風琴表現+話劇節比賽嘔心瀝血採排的日子
很掛念每天放學要捉住朋友唱一首天使得得B的日子
很掛念飛的去豆漿大王食飯既日子
很掛念每天扮鬼臉,令人開心的日子(金寶錄水廣告既賓賓,貞子,天使得得b,巫婆等等...)
很掛念上堂被抄功課+食野開餐的日子
很掛念那些互吋嘻嘻哈哈,無憂無慮的日子
很掛念那些中學時代朋友跟的慶祝的生日
很掛念萬聖節派糖+扮鬼的日子
很掛念每年既聖誕聯歡會
很掛念每天中午跟朋友仔跑去y記/西村買野食+討論我與金毛的趣事
很掛念那些在廁水攪撥水節,在班房倒亂的日子
很掛念每天討論+模仿老師的日子
很掛念話劇組
很掛念last day周圍影相+惜別會的喊包樣
很掛念一起落自修室嘻嘻哈哈+一起作戰的日子
很掛念中六七一起搭的士/巴士的日子
很掛念中六七在藍球場睇波的日子
很掛念中六七學生會的日子
很掛念中六七小息+lunch低低bb的日子
很掛念中六七女孩子被男孩子整蠱的趣事
很掛念中六七的傻語錄
很掛念中學時代數之不盡的花名





﹒*‧.★擦光所有火柴難令氣氛像從前閃耀
至少感激當日陪著我開甜蜜的玩笑★*‧.*﹒


中學時代的回憶,總是既單純又美好的
記在腦海中便夠了....

>>November 25, 2003 at 3:15:18 AM GMT+8

2003 年 11 月 22 日 星期六 【晴】

今年係我第一次投票呢...嘻嘻,感覺就好似我已經大個女咁!


依然有害怕,未釋放,但交俾神啦,唔想....

>>November 24, 2003 at 2:12:01 AM GMT+8

2003 年 11 月 21 日 星期五 【晴】

今日係阿蚊受浸大日子,恭喜哂呀,當然仲有好多人今日受浸啦....愈來愈喜歡聽牧師講道,真係好有魅力呀,今日先知道原來坐係我隔離,幫阿蚊影相果位將要受浸既弟兄原來做過台灣乜乜3賤客既主持人...哈哈,爆笑!

之後小組,我帶,我地因為想唔到咩遊戲,所以輪流玩左成7,8個遊戲,之後分享,講下大家對大家既睇法,哈哈,我係長氣,簡單,無機心,玩得太顛,傻間間,關心人,無乜自信,介意人點睇,絕對唔怕醜,....

完左小組,成個小區去左一間叫x錀既酒家打邊爐,等左好耐,由7點9等到9點半...超肚餓,中途悶左一陣,周圍搵人影相,傾下計...估唔到+2都會來,不過佢真係變左好多,之間既誤會,好似都唔記得,丟淡哂...

食左好多野,哈哈,亮亮唔小心叫左勁多野食,特別係山根,俾我地笑,之後我怕太夜返,所以同飛魚,小魚,黎麗盈果d早就,同黎麗盈一齊搭車,傾計,就番到屋企...

>>November 23, 2003 at 5:40:47 AM GMT+8