2003 年 11 月 3 日 星期一 【微冷】

懂得同人分享既人係比較開心d既,亦係一種福份

成日笑唔代表係開朗,成日喊都唔代表係好灰
懂得喊既人又係福份,因為亦可代表感情豐富
唔開心識得喊既人可能係樂天派都唔定
至少識得搵方法舒緩自己情緒呀
我喜歡感情豐富/多愁善感既人
因為總覺得他們是很浪漫的...
亦喜歡簡單既人
感覺很舒服...



今日入左3首好聽既40各絃鈴聲,好好聽呀...我識用手提上網啦,潮爆!覺得自己好叻添...嘻嘻...鼓勵下自己先!

re幸:嘩~勁開心,星期日你都去呀!太耐冇見你啦!哈哈,多謝你既鼓勵!四福音真係幾振興人心架...信心係會大d,d比喻都好正架,帶出好多道理,仲好有point添...



>>November 5, 2003 at 7:06:42 AM GMT+8

2003 年 11 月 2 日 星期日 【晴】

今晚見到最細既細佬為左d玩具而喊,因為係佢自己整既?

哈哈,小朋友真係簡單,可以為左小小事情就有喜怒哀樂...可能係我地角度,果d只不過小事一件,但對小朋友來講,佢重視每一樣屬於自己既野,佢地會好好珍惜

人愈大,就愈複雜,,但反而愈嚮往簡單
因為人愈大,知既野愈多,好難再以簡單既思考方式,要求亦比以前多...
人與人之間既相處,亦比以前複雜
咁係好事定壞事呢?
人愈大,就愈知道有d野唔係2分法,
未必唔係岩就錯,亦未必唔係好就壞...
岩同錯,好同壞有時真係在於觀點與角度




>>November 4, 2003 at 3:35:17 AM GMT+8

2003 年 11 月 2 日 星期日 【晴】

歲月如歌


愛上了　看見你　如何不懂謙卑
去講心中理想　不會俗氣
猶如看得見晨曦　才能歡天喜地

抱著你　我每次　回來多少驚喜
也許一生太短　陪著你
情感有若行李　仍然沉重待我整理

天氣不似如期　但要走　總要飛
道別不可再等你　不管有沒有機
給我體貼入微　但你手　如明日便要遠離
願你可以　留下共我曾愉快的憶記
當世事再沒完美　可遠在歲月如歌中找你

再見了　背向你　回頭多少傷悲
也許不必再講　所有道理
何時放鬆我自己　才能花天酒地

抱著你　我說過　如何一起高飛
這天只想帶走　還是你
如重溫往日郵寄　但會否疲倦了嬉戲



呢排勁鍾意呢首歌,因為d melody好正,好令人振奮!
"衝上雲霄"勁好睇!吳鎮超型超好戲...


>>November 3, 2003 at 7:20:17 AM GMT+8

2003 年 11 月 1 日 星期六 【炎熱】

唔想再見到自己咁....唔想再靠人,靠自己,要真真正正放手依靠神!

很怕很怕,愈大愈怕一個人孤單的時候,太怕寂寞,更怕在熱鬧中感到寂寞的感覺....
點解唔可以嘗試一個人獨處依靠神呢?知道對錯又怎樣?做與不做又是另一回事!
唔想唔想,社工變client係一件幾無面既事,我知社工不是什麼聖人,都係人一個,有佢既弱點...

要放低自己,想同神更親近點!
因為我更加唔可以冇左神...


放低想得到別人愛護+重視+認同的虛榮心
放低感情事
放低太愛玩樂的心(???)
放低妒忌心
放低面子
放低對細佬既偏見
放低世界...



很想做好自己,唔想再介懷別人的睇法,只想做神喜悅的女兒!
唔想再有把柄俾撒旦操控住!

>>November 3, 2003 at 2:43:43 AM GMT+8

2003 年 10 月 31 日 星期五 【炎熱】

今日本來心情唔係幾好,好多掙扎係入面....
執著vs放手, 愛心vs冷淡, 心軟vs絕情, 口直心快vs沉默是金, 做回自己vs收歛自己, 單純vs機靈,
依賴vs獨立, 付出vs計較, 喜樂vs多愁, 分享vs收埋, 擔憂vs依靠,遷就vs爽快,世界vs信仰...

我想我最大既自我應該係成日想得到別人既重視+認同,有時覺得冇唔係咩問題,但有時又會因為冇而唔開心....我太愛胡思亂想啦

好多時想放棄返教會,但沒有教會的日子,就沒有今天的我!
唔會忘記神給我的恩典!


今日堂道很正!今天開始,要繼續努力:唔在乎別人的睇法+唔受世界影響+放低自我!

小組完左,去我+蚊+亮亮+ira+sarah去小巴黎食野,之後我+蚊+ira去千色店行下,同食雪糕,個sales態度唔好呀,一話試食就話要關門....之後去左沙咀道球場想住傾下計,撞到亮亮+sarah+un,一齊傾計!

發覺阿媽阿爸好似放寬左,係因為我有左交帶呀?定佢地多左體諒呢?不過呢d都係神既恩典來既...





>>November 2, 2003 at 4:56:59 AM GMT+8

2003 年 10 月 31 日 星期五 【炎熱】

re狂明仔:嘩~學以致用喎! 哈哈...

re kanas:thx呀!大家一齊努力,你都要開心d呀!忘記背後,努力面前!

re中:哈哈...少有的留言,不過你果plan都好似幾得咁喎,等我試下啦!咩係em3b呀?

>>November 1, 2003 at 6:25:10 PM GMT+8

2003 年 10 月 30 日 星期四 【微冷】

今日走堂,下晝先返學,同小玲,思恩,阿奶,annie傾左一陣,就同小玲去圖書館忙我地既learning in U~,之後落左百街買野食+做多陣功課,就去"R"計劃,今晚係探訪一d西營盤被人迫遷既唐樓,得我,比比,阿君,阿朱同思恩去,仲坐miss順風車添!

今晚既體驗係一樣米養百樣人,同是一棟被迫遷既唐樓,外表環境同樣係一條幾窄既梯道,漆黑一片,但內裏有折然不同既情況,有d可以係裝潢得幾靚,有d可以係冇人而長開d燈照觀音,勁恐怖!有d係被人cut水cut電,靠每日在某地方盛滿既滴水(天然水)過活...但佢地有d係唔想走,有d如果有合理賠償都想走,改善自己住屋情況!這種地方我真住唔到,大恐怖啦!

同時我係度想,其實做社工既,未必能給予佢地最直接既援助,有時可能只係作政府與居民間既協調者,最能幫到佢地既,可能只係一d安慰,支持,同反應d日常生活既幫助...

睇見佢地,突然間覺得自己好渺小!

完場後我地去食野,然後我我,阿君,阿朱一齊走,經過"難貴芳"附近,見到好多人扮鬼扮馬,有白髮魔女,有紙"雜"情侶...超恐怖,仲要係排2粒鍾先入到去,本想今年玩埋一份,但宜家發覺果個地方一d都唔屬於我!

我地3個同steven預祝生日快樂!

>>November 1, 2003 at 6:10:50 PM GMT+8

2003 年 10 月 29 日 星期三 【微冷】

呢排勁唔開心,心情忽冷忽熱,時好時壞,好多掙扎,撒旦不停咁攻擊我,不過牛唔飲水唔"咁"得牛頭低...好想放棄以前既野,好想按自己想法做事,唔想理神同其他人...發覺起初既愛心剩番好少,亦唔夠以前咁單純天真,好多時候好想簡簡單單,做番自己,傻唔係咩問題呀,信人米信人囉,但人愈大,見既野愈多,就愈叫自己唔好咁輕易去信每一樣事情,更叫自己唔好再咁天真幼稚...

有時會係度想,點解自己仲可以堅持返教會?仲堅持信神呢?唔係基督徒,可能我今日既生命會好唔同,可能已經學壞左,因為我都任性同衝動...又鍾意玩,唔鍾意返屋企...可能我會掛住拍拖同埋掛住同d朋友仔出來玩,因為我怕寂寞,怕無安全感,極需要關顧與被愛...神係有佢既安排既,我唔想過以前果d咁無安全感既生活,所以我堅持唔會離開神!

人愈大反而愈係失去自信,好怕果種與人格格不入既感覺,唔想再被以前既陰影或傷害難阻我同神既關係,好唔想放棄理想,更唔想冇左初信既愛心同單純,好想做個簡簡單單,生活平凡既女仔!係女仔都想成為可人兒,得到別人既愛護,但我更想獨立一點!

>>November 1, 2003 at 5:38:48 PM GMT+8

2003 年 10 月 25 日 星期六 【炎熱】

今日係林菁菁生日,我地為左俾個驚喜佢,全部扮遲到,去買生日蛋糕....點知我地真係遲到....悲哀!竟然nike同蕃茄係最早到....好彩林菁都遲到...林菁生日快樂!

我地係尖東neway唱k,係英玲未攪點時買生日蛋糕,蕃茄仲請左我地食一d勁美味既西餅...肥強就掛住勁攪我新手提!(一部買左而換左2次,成日被班同學仔笑既電話),之後我地就衝上去送蛋糕,我地又勁玩肥強係廟街買番來既"屎"+"蛋",都俾蛋糕一一整爆...哈哈,勁似踩屎咁!我地又勁跳舞,勁影"騎呢"相同玩con人,佐最後硬係唔成功啦...笑料百出!

完左去吉野家食野,林菁,阿pat同肥強就要走啦...之後得我+英玲+nike同蕃茄,仲有萍萍join埋我地去海記...勁開心!我地排左好耐先排到鬼屋!去左【666酒店】同【兇靈再現】,之前聽肥強話算係最恐怖先去架....點知一d都唔恐怖,我仲勁叫鬼嚇我,都冇反應既,最爆笑係蕃茄同d鬼影相時扮錫佢一啖,d鬼竟然忍笑呀...哈哈,不過佢地都算係咁,好辛苦架!

我地仲去左搭吊車,原來我有畏高架,好怕夜晚搭吊車既感覺,我怕黑既,怕米怕,每個人僅有佢既盲點既!我係超怕黑同孤寂既感覺...之後我地因時間關係,剩係玩左海盜船+"知"蛛,nike,蕃茄同萍萍就大膽d,玩埋跳樓機,我同英玲唯有周圍hea住等啦,我係勁怕玩跳樓機既,之前玩過幾次都係勁驚!

玩到12點幾,勁驚冇車搭,我地大家都好支力!後尾係地鐵同蕃茄,萍萍傾計,咁就過左好開心既一日啦....


>>November 1, 2003 at 4:53:08 PM GMT+8

2003 年 10 月 21 日 星期二 【微冷】

夜晚唔知自己發咩顛,同屋企人大吵...原來自己一直抑壓左好多野,好多不滿,唔滿意一個好食懶飛既,忘恩負義細佬,唔滿意我做左咁多野都睇唔到,尖酸刻薄,又成日屈我扼佢既阿媽,唔滿意重男輕女既阿爸...係呢個家庭長大,我感受到嚴重失去安全感@自信心,自信心被拆毀....不過我都有錯,我應該寬恕+體諒佢地!

人總係咁既,自己有錯都要去話人,死性不改!


我既傷口又再發作啦,有時真係想大叫:神,我撐唔住啦!
覺得冇人重視自己,冇人愛自己咁...好驚呀~why?
曾經對你幾好既人,都會突然間改變哂,變得好冷漠,好絕情,很可怕呀!
勁度勁度唔開心....
神呀~救救我吧!


>>October 22, 2003 at 4:25:52 PM GMT+8