2003 年 9 月 27 日 星期六 【清涼】

點解成日都係咁架?我唔想咁呀....好無安全感呀....知自己想點都冇用既...做到先得架!好驚...前面既畫面好恐怖...所有人都好似唔識我咁,好冰冷呀....最親既人好似都變得好陌生咁...唔敢睇啦,都唔敢想像落去...

又再覺得只要我唔幸福,人地就會幸福,所以我應該係唔幸福既...好驚自己呀~點會有d咁既想法架...唔想咁呀,但我控制唔到自己咁想....好支力呀,好似透唔到氣咁...所以夜晚自己去左跑步,想個人睇開d...


>>September 28, 2003 at 3:42:28 PM GMT+8

2003 年 9 月 26 日 星期五 【酷熱】

今日一朝早幫人補習,冇計啦...生活迫人!不過係自己用自己賺番來既$,開心好多!

返教會精神唔係咁好呀,唔知點解訓左9粒鐘都係咁,塊面好蒼白呀!又有人話我瘦左...其實心情唔係咁好,@仲病緊,所以面色難睇d....

之後我+亮亮+蚊+IRA去左元綠食壽司,差唔多半年冇來啦...景色依舊,人面全非...好抵呀~只係每人食左40蚊,仲要係飽住咁走...原來亮亮唔太鍾意食,都肯陪我地食,呢d係米叫犧牲的愛呢?哈哈,不過從亮亮身上,愈來愈睇到@學到咩叫謙卑...

食完壽司,亮亮+蚊去核心聚會,我太支力,無去到,同IRA睇左一陣電話,又行左一陣,傾左好多野,就回家了...了解佢多左,原來IRA係一個咁好傾既人,希望可以成為好朋友啦...



p.s.呢排有好多野想要....想要lasomiddle既紫色背囊@斜咩袋,又想要即影即有相機,但又冇相薄,又想本mcdull schedule,又想要swatch既珠珠帶錶,又想要白色風褸,又想要黑超,又想要g50同mp3機,但仲未還哂d$俾人...所以要積極save$啦....我始終覺得即影即有相機係好過DC架...

>>September 28, 2003 at 3:27:37 PM GMT+8

2003 年 9 月 25 日 星期四 【清涼】

今日見咁得閒~又好耐冇探女麻女麻啦...所以去左探佢!佢真係老左好多,又多病痛喎...見到咁樣都唔開心....佢話以前後生時要賺$,俾哂d仔女度,攪到勁辛苦搵$,身體差哂,又唔敢食好野,但老左就多病多痛,咩都唔食得....佢一生都冇咩點享過福,有時真係覺得好唔公平,d衰人又可以咁歎,不過....咩叫公平?咩叫好人壞人呢?都唔係我地講既....

女麻女麻好好呀,煲左d燙俾我飲,雖然佢唔信神,但比起我父母,佢反而開通好多,仲叩我千祈唔好"裝香",不過又係度講表哥女朋友點唔好,好想幫表哥女朋友講好說話,但係又唔熟識佢,怕講多錯多,唯有做聆聽者啦...

夜晚,我+女麻女麻+表哥+阿叔一齊食飯,有講有笑,表哥睇落好似心情幾好,希望佢真係無事啦,食完飯表哥送我去搭車,佢亦要去旺角買生日禮物俾佢女朋友...

>>September 28, 2003 at 2:57:14 PM GMT+8

2003 年 9 月 24 日 星期三 【陰晴不定】

每日,...
與朋友仔@同學仔一起時→開心@笑精
返屋企@獨自一個時→胡思亂想@喊包

笑精@喊包=傻美


仲可以忍受到幾時....
我太情緒化啦....


心情唔好時,想人關心我多過講道理,係米大多數人都係咁架?


我真係唔係一個好女仔!我成日都咁覺得....唔想再傷害到人...


>>September 26, 2003 at 5:42:23 AM GMT+8

2003 年 9 月 24 日 星期三 【陰晴不定】

今日幾開心呀....特別係上self-lab,氣氛濃厚,不過講講下朋友講埋男女朋友果邊....有d男仔就唔多likey,話講得太多啦...哈哈....冇計啦,鬼叫分享到呢樣野時,大部份人都講到好攪笑咁咩...

lunch時成班同學仔去羅馬食,好開心呀,有講有笑,因為班同學仲係好散咁,米周圍social下囉...
佢地想住30/9打邊爐,話順便同我慶祝埋生日,哈哈,都唔知果日得唔得閒...

哈哈....好似仲好細佬女咁.,想有好多人同自己慶祝生日,想有好多人錫,想有人保護自己...有時會係度想,如果有日唔見哂身邊d朋友仔@最親密既人,自己會點?一定會勁唔開心囉...學習大過,學習獨立...

放學後同同學仔hea左一陣,本來有我,阿君,班長,mark一齊走,點知見到小林,因為佢來city打波,之後阿君@班長鬼鬼祟祟話去食tea撇甩我@mark,我同阿mark行左一陣,又話想食tea,順便上去睇下阿君@班長,點知唔見人,哈哈,我地被騙啦...所以我地食完M記就搭mtr走啦,同阿mark傾左好多野,發覺佢都幾好傾,唔怪得之佢d女仔朋友多d啦,哈哈....



>>September 26, 2003 at 5:23:52 AM GMT+8

2003 年 9 月 23 日 星期二 【颳風】

本來心情唔好,不過上完堂後同班長傾計,又去左佢教會係city攪既小小查經班,感覺很舒服呀....
好開心既係有人同我係city努力,傳福音俾未信既同學仔....

今日分享題目係信耶穌既改變,仲搵左撒該做例子,雖然呢個故事我聽過不下廿次,不過好好呀...令我反省到一樣野,信耶穌應該係好單純,唔應該想咁多野,唔係唔分析果種盲目呀!係完全依靠耶穌,唔好想太多,要信就要信到底呀嘛....唔想停頓落來,好想每一秒都為神已活....係既~人再對你好,都會有變既一日,(唔係話對人失望) ,但神既愛係不變既!

>>September 26, 2003 at 5:05:01 AM GMT+8

2003 年 9 月 22 日 星期一 【陰】

童年是誰伴我走　挽我的手
望我踏上天梯　不可退後
曾經期望著我　前程和戀愛　甚麼都擁有

沿途就算跌　要跌得好看
才能不自責　報答別人厚望
然而誰明白我　沒你們所想的堅壯
我很想找個人　對我說別怯慌

回顧中彷彿一步一生
每一級一世都難忘　如何吸引
曾碰上每個過路人　跟我漸行漸遠
懸崖上我始終都企穩

誰伴我去走一步一生
每一位一個不留神　不再熱吻
還有沒有人　令我驚險又興奮
願我能　提示我這一雙腳　別震

近期至愛．．．

>>September 24, 2003 at 3:57:36 AM GMT+8

2003 年 9 月 22 日 星期一 【陰】

　今日全部ｌｅｃｔｕｒｅ，又遲到，我仲要係慢慢咁行，都唔急咁．．．叫左阿君幫我擺位！ｄ堂好悶呀，加上自己病病地，又凍喎．．．渡記得帶外套呀！

　今日唔多有反應咁，因為唔開心＠病＠支力．．．突然間覺得自己好差咁，一年百幾次鬧情緒又來啦．．．其實唔係冇原因既，但又可以話冇解既（唔知自己講緊乜），總之又覺得冇安全感咁．．．

　放學因遲左落堂，所以遲左去補習，今日補得過半粒鐘咋，算啦，當俾自己休息半粒鐘啦！
係ＭＴＲ撞到賴志光，哈哈，佢又話我瘦左啦！咁同Ｄ女仔怕俾人話肥左，好肥係同一心情架！不過係驚囉！我已經日日４，５個餐架啦，點解仲要冇肥過？要積極做運動．．．

　

>>September 24, 2003 at 3:52:31 AM GMT+8

2003 年 9 月 21 日 星期日 【暴雨】

今日堂日文lecture又遲到啦....不過我竟然一d都唔著急....唔得呀!對罪妥協了!上完日文lecture,因為d同學仔約左人,所以要hea左一陣先見到比比,跟住見到思恩@阿匯,但因冇位print notes,所以去左canteen食野....我又浪費金錢啦....

之後上soci lecture上到一半,話支持副學士免受削減,出左去門口舉牌,見到李國章,得到一個氣人既答案,話減副學士乎學位係想撥多d錢係副學士grandloan度,我班有個同學大叫"要還架!"群情激憤,阿牛原來好激動架!到李國章話唔肯答應同我地師生開會,成班副學士勁"hur"佢....有時係度想,點解d高官咁多$,有$買車買樓,但講到福利,一味削得就削...雖然對政治不太認識(有d慚愧!),不過亦覺得政府好多時都得個講字,香港人又怨氣咁重,貧富懸殊又愈來愈嚴重喎....究竟邊個先係真心想攪好香港架!前排有d基督教團體攪果d"香港人心連心"既活動我真係勁buy架...齊心就是成呀!
牧師都講啦!

完左soci lecture,我地寫左張生日咭俾包包,仲係大庭廣眾唱生日歌俾佢,佢勁開心呀!我@思恩送左birthday kiss俾佢 ....sorry呀!攪到nike,蕃茄,英玲係度等....因為約左佢地今晚來city食飯,我地做咩都即興架!本來因唔多舒服推左Ira佢地今日來食飯,不過英玲太難約啦....所以唔舒服都應承左佢地....不過英玲好好呀,夜晚要開會都來,睇得出佢好支力,nike,蕃茄都好好,話等我同林菁威下,接我地放學喎...哈哈,林菁仲教左我地一句日文"a shi lu"....你地估下啦,我地玩到nike死死下,又勁扼佢係咩"eye　ｓｈａｄｌｅ”哈哈．．．不過佢太難扼啦，都唔係幾信咁！

　之後去左羅馬影相，又係ｄ低能相．．．影相要自然ｄ呀，太認真唔好玩架！送完英玲走，去左又一城行左一陣．．．林菁亦走啦，我＋nike＋蕃茄去行公園．．．之後佢２個去鑽石山打機，我都走啦．．．雖然支力支力地，不過都好開心呀！


>>September 24, 2003 at 3:41:55 AM GMT+8

2003 年 9 月 20 日 星期六 【暴雨】

今日一朝早同林菁,nike,肥強,蕃茄去海濱踩冰,英玲,阿pat果d唔得閒,去唔到...本來約左9點到,因我仲未訓夠,所以唔知醒,遲到呀!10點先到,nike,肥強,蕃茄就去左M記食早餐等我@林菁....

起初我仲係好滑稽,要成日扶住條柱踩,因為上次P過,所以怕P多次,之後大膽左,可能開始掌握到點踩,亦踩得流暢左,不過依然係圍住個圈踩多d,nike,林菁,蕃茄都有間中幫我,肥強好攪笑呀,不過佢好勁呀,跌左唔少次,但依然好用心咁學踩,所以佢亦進步得好快!

踩冰唔係太好,不過久唔久踩下都幾好呀!當做運動....不過真係勁支力!我反而想學跳舞呀!當然係流行舞啦,但係學校d course都幾貴架....希望快d還哂d$俾人啦....因為有勁多野想買,要換手電呀!因為實在好唔方便呀!


>>September 22, 2003 at 2:49:54 AM GMT+8