2004 年 5 月 17 日 星期一 【乍寒還暖】

今日係向農戶既最後一日,有d唔捨得添,不過就硬食左勁多蚊爛,特別係塊面度....之後阿君同阿朱都來左我地果邊傾左一陣....本來想落田,但係大家都好似冇乜方向咁....之後志偉又煮左我地飯,仲要係為我地特地煮既....我明明聽到阿朱佢地話12點走,但又係我錯啦,唔知係12點係邊度等,志偉應該係唔多清楚,勁話慢慢都唔緊要,苦留我地食飯,結果→後尾先知佢地等左我地差不多1粒鍾,仲聽到話阿朱勁嬲....超sorry.....下一次不能再心軟!

下晝去探老人院,起初唔太清楚,以為佢地真係對d老人家好好,點知....我又被騙了,又睇左一場官方式逼真的戲,又上了一課,大陸的官最不可信!見到d差不多7,8十歲仲要自耕自足....什麼只收留有能力照顧自己既老人家....可惡!沒有能力就沒有佢地既生存價值嗎?

之後同班老師食飯,又係一班演員,只不過演技較為遜色....食完飯就反轉豬肚,露出狐狸尾巴,呢餐2千9(不太記得真實數字)真係唔太值．．．．呢樣都唔緊要，最可憐係班學生既教育，膳食，住宿等問題，都似乎掌握係呢班所謂既教育者手上

　夜晚，我＠幽靈＠婷婷＠ｌｉｌｙ負責初三２班遊戲，佢地玩得好投入，同是初中生，香港那一群似乎比較幸運，雖然都不乏讀書＠前途壓力，但生活就比較多采多姿，相反，卻不夠堅強勇敢，遇挫比較愛怨天尤人．．．陽山這一群初中生雖然讀書機會不多，面對前路一片黑暗，都滿有理想，一腔熱血想為國家盡點棉力．．．

　之後，我被邀到左男生宿舍，哈哈，從未如此受歡迎過，佢地仲讚我溫柔添，哈哈，終於有人發現到我真我啦．．．

　夜晚去左小學一班女生宿舍度訓．．．帶住唔捨得既心情迎接聽日既離別

>>May 24, 2004 at 4:01:02 AM GMT+8

2004 年 5 月 16 日 星期日 【乍寒還暖】

今日去左一個農戶度訓
係一個學生既屋企
佢叫歐志偉
係初二二班,我之前帶佢地玩遊戲果班

佢又係一個單純我男孩子
很多理想,雖然冇一個肯定既方向
不過如果可以,都唔怕去試
很孝順,見到媽媽咁辛苦,就即刻走上前幫佢手,攪到我好慚愧
最欣賞佢就係無論生活環境幾唔好都好
佢好知足,亦冇因此而唔開心或者唔甘心
佢成日都僧係度想點樣改善生活環境
希望幫輕屋企人負擔,
希望可以同係出面做野既哥哥姊姊一家團聚
更希望可以令父母生活好過d
而且佢好堅強呀,唔怕蝕底,唔怕辛苦,唔怕人地d閒言閒語
只要自己做個堂堂正正我男子漢便可
相比我地係香港生活既人
因為經濟倒退,因為SARS,因為禽流感等等苦況
就輕易怨天尤人,好容易就有精神病同埋輕生等負面念頭
佢地呢d係困境依然樂觀@勇敢咁面對既精神
真係好值得我地去學習
佢地物質貧乏
我地則心靈貧乏

另一方面
我好深刻既就係佢地鄰舍支援網絡好強
佢地有d雖說唔係親生,但係都冇分彼此
直呼大家係兄弟姊她妹....
有飯大家一齊食,有苦大家一齊捱,有好野大家一齊分享....
相反,唔係彈香港呀,自己都係
我地雖然反省既係,我地有冇經常對人冷淡呢?
又或者揀人來愛呢??
我地對人夠唔夠包容呢??
呢d都好值得我地去學及反思

今日我地過得好開心
朝早去左跑哂成個山
哈哈,我唔慣行山路
跌左幾次,笑料百出
又玩水,又睇羊...見識多左啦...又可以親近大自然
又識左一d新朋友
包括志偉既朋友,佢既2個堂妹及堂姊,堂妹既朋友及媽媽,仲有志偉既屋企人
無論大小老友,都毫無架子,打成一片....
就連訓覺果一刻,都係笑住咁入夢
什麼污漕垃塌....都唔記得啦...

>>May 20, 2004 at 12:07:04 PM GMT+8

2004 年 5 月 15 日 星期六 【乍寒還暖】

第二日

我地一早起身攪點哂所有野後,就要攪活動俾d小朋友玩

上晝
學前-小六:競技比賽,我帶小四班
初一-初二:室內活動

then

學前-小六:室內活動
初一-初二:競技比賽,我帶初二二班
把聲拗到吵哂,根本出唔到聲

雖然曬到死咁濟,d小朋友又時常失控,不過見到佢地玩得好落力,好投入,又勁開心,好有滿足感...
盲係因為咁,我又識到另一個小朋友"黃欣"啦,佢幻似我妹妹呀,又係黑黑地,不過細妯粒,眼大大,又迫主動關心人,好識想,好可愛既一個小女孩,見到佢無論言行舉止@果樣都幾似我妹妹,好希親切感...

至於初二二班,男同女原來咁驚希任何身體接觸....攪到要分男女玩遊戲
不過佢地都好落力玩遊戲,我帶領佢地做啦啦隊時,佢地都好聽話
之前我都幾怕帶班咁大個既青少年,宜家又發覺佢地並唔係我想像中咁難教
斜我感覺,佢地係一班好單純既青少年,有我玩已經好開心,咩都唔奢求

下晝
因天雨關係,所有活動係室內舉行
所有學生係室內學摺紙@英文歌@寫夢想
雖然我同幽靈唔係夾得咁好,加上d小朋友多數都失哂控咁,勁噪
但再一次見到d小朋友單純弄愛既一面,我既耐性又再一次俾操練
另一方面,更加令我不忍既係見到佢地平時俾學校壓抑得太勁
唔係讀書,就係要聽話,老師一大聲d,佢地就好似隻小棉羊咁退到好後
我都明白d老師平時都教得好辛苦,唔對佢地惡d都唔得
不過佢地好多都唔太明白讀書為乜,孜好少有其他活動玩,一家好苦悶

今日初三d同學仔因為考試,冇得玩....登佢地可憐,星期日都要考試

完哂所有活動後,我去左黃欣佢系既宿舍度沖涼@玩
佢地好歡迎我地呀
仲有一樣好唔問心既係
見到佢地平時食d飯
他又硬,同埋冇肉,得幾條梅菜
仲耍日日如是
每日都過住食唔飽既生活
我於心不忍,走去買左勁多零食俾佢地
佢地好多都好怕接受我既禮物
有d仲唔捨得飲,好似要將佢珍藏咁
黃欣仲要唔捨得一次過依我d腸仔
要將佢地分幾日食...見到都心酸,差d喊左出來
好恨自己從前點解過得咁好唔知足??
好恨點解自己過得富裕,但佢地唔係??
雖然自己果日好凍,不過都俾埋剩番果件外套俾黃欣保暖
當作罰自己從前既唔知跌又好
當作唔忍心見到佢地咁慘都好...
只係想將自己面前有既野or做到既野去為佢地做

>>May 20, 2004 at 12:12:01 PM GMT+8

2004 年 5 月 14 日 星期五 【雷雨】

今日係廣州扶貧團出發既日子,可惡,明明較好哂時間,點之又因為d小意外,遲到了!!各位同學仔,sorry!!

本來懷著興奮既心情去呢次扶貧團既,不過好似發生左好多唔太愉快既事,先係Benny無啦啦俾人扣留,寫口供,kristy好內疚到喊,我一上車d唔開心既野又無啦啦湧現,又喊左出來....不過呢d唔開心既野都唔會好影響我地既心情,我地大家好快就平伏落來,重新投入活動當中

因為第一日,所以我地去到只係settle down同埋建立關係,果度d學生好熱情呀,可能大多數係小朋友既關係,佢地雖然有d好怕醜,不過都好歡迎我地來到,仲好有禮貌添,俾我感受到我一向都無乜既世故,最深刻印象係一個叫"婉兒"既女仔

之後又識到好多小朋友,佢地好鬼死可愛,第一次見到我,就熱情咁擁抱我,不過其中一個印象好深刻既女孩子就係"溫婉麗",佢屋企生活環境唔好,爸爸係佢好細個時就病死左,係因為冇$醫,媽媒又改嫁了,不過唔多照顧佢地,屋企只得佢同佢小一既細佬同埋70多歲既婆婆,加一個患希精神問題既阿伯....家境當然唔好啦...之後我話要開會唔能夠同佢玩,佢即刻喊左出來,我都俾佢攪到心都酸埋....

佢地學校既環境都唔係好好,第一晚,我地開完會就係學校一間課室度訓....很冷呀!!疥唔係訓得咁好,因為好多昆蟲飛來飛去,很可怕,但我要學習克服....第一日已經令到我埋下左一個心志,我想第時可以去國內一d貧窮地方宣教,另外想係呢地方從事一d社區工作或經辦]教育既工作,算唔上好偉大,只係想,既然神恩賜自己比佢地有能力,點解唔運用神俾我地呢種恩賜去服侍人呢??

>>May 20, 2004 at 10:32:09 AM GMT+8

2004 年 5 月 13 日 星期四 【微冷】

今日考psycho,朝早心情輕鬆多了
因為昨晚得釋放吧...

考試ok啦
今日知psycho group paper A左,
雖然舷20%,又唔知係真唔係
但都已經好開心

考完,知道祈禱會臨時除消
去中環等阿賢取睡袋
超級thx呀!!
之後因冇哂d電話
要特登去海灣補習果妹妹度
同佢講聲下星期唔得閒補
再買一d實用品→返屋企繼續執行利

聽日就出發去廣州5日4夜交流
很期待,很興奮
我咁大個女第一次交流咋....嘻嘻,正傻瓜!
我希望呢次交流
可以體驗更多之餘
就係想輕鬆下,忘記d唔開心既野

各位朋友
返來再見
果度咁窮
你地唔係問我取手信嘛
哈哈....

>>May 14, 2004 at 7:50:33 PM GMT+8

2004 年 5 月 12 日 星期三 【雷雨】

勁勁勁失落,心情已經夠唔好啦,仲要咁黑仔,整唔見左部手題...又唔可以俾阿媽阿爸知喎....點算?
米唯有再慳d,食少d@玩少d,咁難得先save左咁多$,遲d又要日日朝2晚10咁實習,變相又冇左份補習...都怪自己大意.....激氣呀!真係好忟自己鬼"輪進"...

夜晚冇啦啦又同爸媽鬧交...唔想講啦.....忍!

我控制唔到啦....喊左出來
點解自己咁軟弱架
聽日仲要exam添
好似睇唔見神既恩典咁
唔想見到自己咁


今日狀態欠佳

>>May 14, 2004 at 7:50:10 PM GMT+8

2004 年 5 月 11 日 星期二 【晴】

今日豬豬家族終於又多左個新成員啦
佢就係棉棉啦.......
勁得意

>>May 14, 2004 at 7:03:44 PM GMT+8

2004 年 5 月 10 日 星期一 【晴】

Sorry呀
我真係好怕聽到果d"外妹"的說話
唔代表唔玩得
係唔想搵呢d來玩

也許,我真的太累
也許,我要睡一睡

我的任性
o my dear GOD!
我都唔想令人擔心
我更加唔係想忍人去關心自己
但我真的好支力
可以俾我休息一 下嗎?



就來去廣州交流啦
仲未借到睡袋
又要買新架啦

>>May 12, 2004 at 7:46:15 AM GMT+8

2004 年 5 月 9 日 星期日 【炎熱】

the best is yet to come

我信架....
不過真係忍唔住喊左出來咋嘛

我會是勇敢@耐心的灰姑娘嗎?
沒有童話,都可以有"神話"'!

thx eric@uuu@大佬咪@樹峰@feiyu既留言,唔想講咁多,心意盡在不言中...

>>May 9, 2004 at 6:12:12 PM GMT+8

2004 年 5 月 8 日 星期六 【酷熱】

今日一大早起身去幫萍萍手,做被訪者,係佢份功課.....勁曬勁熱....救命呀!不過幫朋友冇計既....
之後同佢返city,去左CM度屈蛇做功課,學校部電腦仲快過屋企,但冷氣仲勁過屋企,驚死凍唔死人咁,哈哈...

今日雖然係母親節,但阿媽竟然成日出左街,冇留俾我地,唯有等到佢返來時送果條差不多500蚊既頸鍊俾佢啦,雖然破費d,不過我地幾兄弟姊妹見到佢咁開心,咩都抵番啦....

夜晚,心情仍未平伏....好似有種俾自己最信得過既人出賣既感覺....
受浸的日子又到啦,又將我帶到過去
那時我天真地笑,活像個小新娘
那年受浸,係最後熱鬧既一年
仲記得我那個忍到全場奉腹大笑既傻瓜動作
宜家去沖一個涼....
真想開心的就記住,唔開心的出來就唔記得




傷我或是害我都慘不過教我記得一起幸福過
情願我聽不清楚當時誰人口口聲聲不會掉低我

>>May 10, 2004 at 2:26:17 AM GMT+8