2004 年 3 月 30 日 星期二 【颳風】

唔希望再有人在不清楚既情況下加以批評!
呢排大家都好忙....可能心情都好煩躁.....大家可能言語間都唔覺意咁傷害左人....但唔想再聽到咁多怨氣啦....既然大家都識得講大家都辛苦架啦,咁有時蝕底少少就都唔緊要啦....大家多d遵重,多d發掘大家既優點instead of為插而插,多d鼓勵....咁就大家開開心心啦....



特別想多謝班中一d人:
多謝individual present臨時出手幫我地既幽靈,阿ming,阿mark,小玲,kristy,珊珊等等...
多謝阿ming@思恩既鼓勵同解圍
多謝阿奶@比比係individual@program plan幫我地 set4同解圍
多謝班長成日聽我呻,我.亦明白妳的苦況...
多謝benny+阿來係program planning幫左好多


對我好既,我會記住,對我唔住既,可以忘記....

化怨氣為鼓勵!!
榮神益人!!
努力學習中...



夜晚又同花倫傾左一陣

>>April 4, 2004 at 9:30:16 PM GMT+8

2004 年 3 月 29 日 星期一 【颳風】

很支力....但心情平伏了許多,感謝主!返完祈禱會,博命搵番d傳福音對象....但結果唔太理想,唯有再接再厲啦....再電阿林....同佢傾左好耐....爆笑,但有好多唔認同...."做勢","研究下","唔識鍾意人",哈哈...佢之後又講左d野,我照常地扮傻,唔想玩火,因我玩唔起....

>>April 1, 2004 at 7:26:45 AM GMT+8

2004 年 3 月 28 日 星期日 【颳風】

呢排真係好大壓力呀,好多野要做,一次過迫埋來,唔做唔得,唯有狂通頂/夜訓趕埋佢,不過呢段時間就係人都咁辛苦架啦,冇得怨...明白要在試煉中都存著大喜樂既道理!呢個係神要陶造我8既時候...

不過,今日再一次被撤旦既詭計欺騙左....勁唔開心....首先係成日都勁緊張,識我叫阿ming,幽靈果d唔好咁緊張,自己卻唔識咁做...好嬲自己.....成日既精神狀態都好差,成日對某d人態度唔係咁好....自己都覺得對佢地唔好意思呀!

lunch時,阿朱走來話同我講d野,我起初以為佢會講d乜野,點知原來係話我知benny上次自己一個做哂份proposal果件事,其實上次係一次誤會....因為到星期五返左屋企時,阿yan話我知benny+阿來已決定自己做埋佢,我起初並冇咁既意思....當我聽到呢個消息時,我都覺得benny好好人,對佢唔好意思,仲特登打番俾佢添.....阿朱今日冇啦啦咁講,除左更內疚外,都希hard feeling呀,明白佢冇惡意,只係為朋友....不過我都忙,大家都繁忙....昨晚當比比打來話佢video拍唔到,我都幫佢,所以又攪左好夜,CD都未做,又唔係因為我去玩,所以!咁忙既....呢排大家都忙啦,點解人地有人體諒,我呢?就好似罪人咁??無論CD/program planning,我都同左一d所謂既hea人一組,咩都要嘗試做多d....我都冇得怨啦.....

到左individual堂時.....開頭已經勁緊張,因為知自己為左呢個video present,拍左好多次,次次都拍到好夜先走.....所以好希望可以好d,不過自己能力真係有限呀,知自己資質唔夠好....所以預左一定會受批評....已經豁出去啦....點知結果好似比我預期更差....miss仲問我點解唔睇course outline,而寫左份錯既reflection note,但我之前已經特登睇左幾次course outline,仲問埋某同學點做,點知...好似俾人點左咁....果一刻既情緒....差d控制唔到,喊左出來,其他人既批評,其實都冇乜野....因為知道佢地一定要俾comment,玥加上自己真係做得唔好呀嘛....佐當佢地話我講野太多,我不其然想番一D野....當阿朱講左句:「如果我係CLIENT,我一定走左去,唔想聽呢個WORKER講野。」仲HURT....覺得自己真係好冇用咁....因為我之前已經practice過好多次啦...又guess 錯miss想我地做乜,....果一刻忍唔住,喊左出來,應該冇人見到啦...

放學後,行到地鐵站,想左好多野,問係米基督徒一定耍忍,有情緒都唔應該發洩?跟住一路行一路喊,我做左幾多野,就一直冇 人睇到,唔緊要,神,會睇到既!!不過只恐怕都唔知我做既野未必岩,好想係學校做好見證,榮神益人,但好似乜都做得唔好咁,怕虧欠左神既榮耀....

同杰仔補習,都算輕鬆番d,夜晚電思恩+阿yan,thx你地既支持+鼓勵!

>>March 30, 2004 at 5:05:28 AM GMT+8

2004 年 3 月 27 日 星期六 【乍雨乍晴】

忙到半死,但很喜樂!因為有神.....
我開始有工作狂啦
maybe每人對著自己喜愛既工作時,
都有有股工作熱吧!


enjoy my life!

>>March 28, 2004 at 7:35:56 AM GMT+8

2004 年 3 月 17 日 星期三 【晴】

坦白的友情
...................................................................................................................................................................................
當我們對一個朋友付出很多感情
最後，大家的關係卻決裂的時候
我們會傷心地告訴自己
以後再也不要對朋友投入那麼多的感情
你愈把他當作知己，你對他的期待也愈高
你愈付出感情
愈覺得有些事情是理所當然的
為了利益而反目，那不值得可惜，經不起利益考驗
證明你沒有付出最真摯的感情
為了一些原則和誤會而反目，那才是叫人難過的
那麼，不如不要再對新相識的朋友付出感情
然而，不付出感情，又怎可能交到朋友？
原來，問題不是我們付出太多感情
而是我們不願意坦白
你以為不用說得那麼清楚
其實，是有必要的
你以為不能那麼坦白
其實，有些事情無法解決時，坦白是最好的方法

我以前不會這樣做
然而，為了不再失去我摯愛的朋友，我以後會坦白
你不知道怎樣拒絕他的提議
不如坦白告訴他，而不是另外找藉口拒絕他 　
你不喜歡他對你做的一些事情，不如坦白告訴他
你不同意他的觀點，大可坦白說出你的看法

坦白一點，你可能會交少一些朋友
但你會交多一些真正的朋友

每個人都需要朋友。
但是，需要歸需要，有和沒有卻是另一回事。
我們可能認識很多很多人，卻感到其中沒有一個是朋友。
就算你有朋友，而你也是一個很珍惜友情的人，
但對方沒有這種想法，彼此的步伐不能一致，
你們始終會變得疏遠，到了最後，形同陌路。

容忍、遷就和迎合，對於維繫一段友誼來說，只是一時之計。
你必須知道，當你一點也不被尊重時，
你並非在交友，而是在行乞而已。
人與人之間總被某種感情支配，那可能是愛或恨、是依賴或抗拒，
也可能是愛恨交織、依賴和抗拒同在，
人們有時連自己也弄不清楚自己的想法，何況對於別人的呢？

朋友對你不仁，你卻對他們不捨不棄，那很好，
卻該定一個限期，讓自己在徹底失望前離開。
朋友，始終不是你生命中的氧氣，沒有朋友是不會死的，
暫時沒有朋友也不代表永遠沒有朋友。

相反地，如果你擁有一群已經不當你是朋友的朋友，
而你還是對你們苦纏不休，那並不代表你真的需要朋友。
而是你不能在自己身上找到價值而已

>>March 17, 2004 at 6:05:55 PM GMT+8

2004 年 3 月 16 日 星期二 【晴】

今日好似心情好d....不過勁眼訓....program plan時玩遊戲,唔想玩....之後評估時同學仔又係度狂插,開始愈來愈發覺佢地唔係咁識尊重,不過知佢地都係玩下既....i don't care!反正可以一笑置之!

放學同小玲+kristy+ming+may may食tea,好想幫到may may改變,但知道自己能力有限,代禱!之後又再補習,又係車度訓著左!

夜晚又要教妹妹做功課,好夜先食飯,阿賢電....傾左一陣....喊左出來,我明白要放低執著,才可以冇咁情緒化,唔明白我唔緊要,但唔好成日話我呀唔該!唔想再聽一d係人都識既道理,我想安靜下!
anyway,thx阿賢聽我呻左咁耐....

但同細佬妹玩,心情輕鬆好多...

>>March 17, 2004 at 5:41:15 PM GMT+8

2004 年 3 月 15 日 星期一 【晴】

又瘦左磅半....激氣!灰呀!

放學傾cd present,全組勁hea,包括我在內
有的因為頭痛,眼訓勁想走,又好似唔好脾氣咁,怨哂佢時間,又怨冇效率
有的只顧住自己,盡量減低自己工作量,增加他人工作量,掛住係度send sms
有的仲廢,唔出聲表達意見,都唔知佢想緊乜,唔似男仔,問佢野只識傻笑+"哦","係囉,係囉"
死亡之組,估唔到今個sem終賴野....
唔鍾意都要做架啦,成個會眼訓都撐住,但吃力不討好,仲要好似俾人鬧咁

夜晚又係勁趕咁返祈禱會,心情依然低落....
祝福=幸福

完左電ira,同佢傾左足足1小時,同佢傾計真係好舒服,thx你既坦誠!thx你既支持!

>>March 17, 2004 at 5:27:06 PM GMT+8

2004 年 3 月 14 日 星期日 【炎熱】

黑面vs強顏歡笑
我做什麼?
未試過唔開心咁耐
再上一次係分手



有時都唔知努力為乜?
就好似一個運動員不斷向前跑
直到有一天,佢開始迷失方向
想停落來想清楚方向....




愈來愈喜歡小朋友
很喜歡逗佢地笑
返到屋企,無論幾辛苦
見到天真無邪既細佬妹
就想起很多和佢地既趣事
畢竟佢地都係我由細睇到大既小朋友
一想到呢度,心情都輕鬆起來

>>March 15, 2004 at 5:58:47 PM GMT+8

2004 年 3 月 13 日 星期六 【炎熱】

今日成日補習,跟住出左去同阿林慶祝生日,送左一個很型既斜"咩"袋,親哂佢呢d潮人啦....
今日仲去左睇《20,30,40》,一如我預期中好,李心潔@張艾嘉係我所欣賞既,李心潔已經27歲啦,卻演活了20歲既顛狂,活潑,好新,為理想而發夢既年輕心境.....點!張艾嘉唔單止係一個好導演,仲係一個好專業既演員,演活了失婚婦人呢個角色,很好呀!小齊@黃秋生好攪笑呀!《20,30,40》真係值得睇呀,可以了解新一代女性!

其實李心潔係我鍾意果類型既女仔,唔太女性,唔係花瓶,爽朗中帶點自然既可愛!

今日仲影左咭咭,不過影得唔靚!
夜晚又同阿yan落區,萍萍要交功課,影我地訪問過程@果度既環境,都可以幫到我地present既....



很想d頭髮快d長,可以電曲髮呀
愛上李心潔果個look呀!

>>March 17, 2004 at 5:41:39 PM GMT+8

2004 年 3 月 12 日 星期五 【微冷】

問題還未處理
我唔係想逃避問題
只係唔識點做
唔係依唔依靠既問題



朝早我@賢@亮亮打羽毛波
強忍淚水求釋放?





唔想害人,唔想循環



好想去一個無人既角落安靜安靜

>>March 15, 2004 at 5:32:05 PM GMT+8