2003 年 12 月 31 日 星期三 【炎熱】

今晚睇左【叱o宅樂壇頒獎典禮】,我每年必睇節目,就算唔睇無線果個勁歌,唔睇新城勁爆,都唔會唔睇叱o宅,因為年年都好感動,今年都不負所望,台上d人講d野勁正,勁有意思,係呢度真係可以睇到娛樂圈呢個靠關係,靠攏上位既複雜地方,都有佢有人情味既一面...而且我最欣賞叱o宅唔只d節目能夠迎合年輕人口味,仲有佢肯鼓勵一d樣唔靚,好多人都覺得佢地紅唔起,但又有實力既音樂人去創作音樂,年尾又會頒獎去俾呢班人一個肯定@認同,例如pancake,at17,大頭佛等等...夠哂特別,我鐘意...


很感動....
古巨基終於返來啦!
梁漢文的努力沒有白費!
梁詠琪的創作才藝終於得到肯定!
許志安的"一山不能藏一虎"道理!
雷仲德鼓勵d歌手唱好歌!
李克勤得最受歡迎男歌手!
鄭融得女新力君金獎!
吳浩康得男新力君銀獎多謝之辭!
森美係宣佈女歌手金獎前的一番開場白!


很正呀,差d睇到喊,
見到每個歌手努力多年既成果終於得到認同...
簡直能振奮人心呀!

>>January 5, 2004 at 6:16:50 AM GMT+8

2003 年 12 月 30 日 星期二 【晴】

今日係大除夕,我唔想住出去呀,記得上年都冇出,又係因為病....

今日見病情惡化,本來想住返city既診所睇醫生,只係13蚊咋!勁抵!
點知掛住add科,唔理時間....已經冇得睇啦,要等到2/1星期五呀...
慘慘...有掛排.....希望快d好番啦!

回顧呢一年,都經歷左好多野,唔同既係好多時都只係自己一個人去過....不過仲有神!
因為人大左,面對既野唔同左,朋友圈子唔同左....好多時自己最friend果班好少相聚
不過明白各有難處,朋友在心中既道理,學識唔再計較...
失戀→相戀→失戀→相戀→又再失戀....
開始明白溝通+互相欣賞+包容既重要性
亦不敢再天真的相信童話般既愛情故事
經歷左一年,學識左好多....
我學識享受一個人的時候
我學識在挫折中喜樂
我學識放低一d無謂既執著
我學識唔再介意別人既眼光
我學識想宜家想將來,忘記過去.....

今日睇到果friend既icq info,有一句很正,很有意思!
【珍惜今日,因它是明日的美麗回憶】
過去左既真係唔重要啦...
唔想因為掛住想過去而唔珍惜現在
唔想今日會成為將來既遺憾

跟住又睇到一個friend既icq info,都好正好有意思既...
『這個世界上有好多單戀的感情,
你喜歡一個人,但他不喜歡你.
又或者有人喜歡你,但你偏偏不愛他.
一男一女相愛而走在一起並不是一件容易的事
請大家把握機會講出自己的心底話
及珍惜眼前人呀..』
希望大家能用心去感受吧!

>>December 31, 2003 at 9:43:46 AM GMT+8

2003 年 12 月 29 日 星期一 【晴】

梅艷芳死左,很突然!

一個人無論生前幾風光,幾受萬人擁戴,死後亦會慢慢俾人遺忘...
很登佢可憐,因為佢一直想有個伴陪佢終老,可能呢個係好多女仔都想
如今佢要孤獨到死...
最慘係佢唔係基督徒...


最近發覺自己開始盲目啦
好似失去左愛人既權力+能力咁
唔想咁....不停咁話俾自己聽受傷過後也能勇敢去愛
但我發覺我唔係唔勇敢去愛,係唔想去愛,冇衝動去愛
so horrible...好容易對人有好感,但始終去唔到鍾意果個位
係無人可取代某君?定無人值得我去愛?
應承左神分手後一年唔想呢d野....
宜家唔只唔想呀.....盲目左,冷淡左,好似一個無情人咁,又似多情人
好混亂呀....唔想想,但控制唔到



能夠被一個人一生一世愛著係一種幸福
能夠一生一世咁愛一個人更是一種福氣



只怕難捱的是我　什麼手也拖
將更難過　這點我最清楚
伶仃得我這一個　或這種好過做情侶
然後我自己卻未愛過

>>December 30, 2003 at 11:08:22 AM GMT+8

2003 年 12 月 29 日 星期一 【晴】

今日同阿妙傾左一陣,知道佢就來去韓國旅行...期待佢既手信...哈哈....

好掛住d朋友呀,好想同佢地係海旁傾計+食燒夜....這是我最懷念的日子!
但係自己仲病緊....出唔到去,講野都好辛苦...快d好番啦...

>>December 30, 2003 at 11:07:39 AM GMT+8

2003 年 12 月 28 日 星期日 【微冷】

一次過打返哂之前既日記,一開日記就見到咁多留言,勁開心呀...

不過頭先錯手將打左一日好長既日記delete左...激氣呀!

遲d再打過...



仲未病好,好辛苦呀!

>>December 30, 2003 at 10:52:32 AM GMT+8

2003 年 12 月 27 日 星期六 【微冷】

今日約番舊小組d人出來打羽毛波,有多多,阿賢,fiona,阿威,阿pat,之後有肥羊同阿星join我地去阿賢屋企打邊爐,又係阿賢屋企,好悶呀...不過有人請,幾悶都底啦...

收到電話,去miss湯屋企聚會取消左....


今天好支力,心情亦好似怪怪咁....
好想大叫,發顛....差d發脾四....好彩無,發覺最近既脾氣愈來愈差,要改善...

>>December 30, 2003 at 10:35:47 AM GMT+8

2003 年 12 月 26 日 星期五 【乍雨乍晴】

開始發病啦....


今日一早就陪細佬妹去青衣公園玩,發覺自己體力真不濟,邊行邊喘氣,又暈暈地....

之後去左買料整mango布丁,整布置時已經暈暈地,仲整"射"1/3布丁汁...激氣!跟住食左d藥訓左一陣就返教會....但成日個人都"呆呆濟濟,崇拜完左就成個小區去阿賢屋企燒野食....

很支力呀,又病喎...不過總算幾開心,d布丁很受歡迎呀....嘻嘻...多謝各位欣賞呀!
還記得我整mango布丁曾是某人很鍾意食既


近排想到好多新煮食玩意,下次會試整其他甜品....可惜某人已經冇機會品嚐啦....

>>December 30, 2003 at 11:11:53 AM GMT+8

2003 年 12 月 25 日 星期四 【炎熱】

今天去左教會既嘉年華會做佈道員,我同阿賢一組,其實自組....起初冇乜起色,差不多全部都係基督徒,不過後尾冇咁頹啦,發力都傳到10幾個,但係傳福音最重要唔係人數,係福音真係進入左d人既內心,要多d為荃灣,什至係香港禱告!

今日撞到好多第間教會既熟人(張少威+思恩...)

為何自己唔以大方d?

>>December 30, 2003 at 3:48:17 AM GMT+8

2003 年 12 月 24 日 星期三 【颳風】

跨勝自己既軟弱....很開心!

感覺也唔尷尬,不過我竟然喊左出來....

>>December 30, 2003 at 3:49:42 AM GMT+8

2003 年 12 月 23 日 星期二 【颳風】

今日係平安夜,我同左林菁+nike+蕃茄+英玲+阿pat+萍萍+winnie去左荃灣greenbox唱k→join埋阿泰去青衣城GV睇無間度3→長發食燒夜→join埋肥強去"難"貴坊倒數+去願望樹+交換禮物+去bar

今日玩得非常開心,亦都非常盡興....第一次去bar,但冇叫酒飲,只係玩猜妹時飲左少少..."難"貴坊俾我成個感覺,都係完全唔岩feel,我完全唔係屬於果個世界咁....不過總算初嘗去bar滋味!

今日先發覺,原來自己最friends果班,都有唔滿意對方既地方,可能大家成長+思想既level唔同啦,凡事學識"包容"呀!,好耐冇見肥強啦,發覺佢,變左好多,愈來愈有魅力喎,係外表+內在...哈哈...
我地又傾左d感情事....玩到零晨5點就返屋企啦....今年係我地大家第4年一齊過既聖誕....年年唔同,期待第五,第六....既聖誕!


今日一聚,唔知幾時又可以咁齊人呢?

>>December 31, 2003 at 6:27:17 AM GMT+8